Naaũ Mekaa Kwenda kwa Yeova Ũmũnthĩ?

1. Tũkambĩĩa ĩndĩĩ kwĩmanyĩsya mbulosua Naaũ Mekaa Kwenda kwa Yeova Ũmũnthĩ?, na tũkatetheka ata?

¹ Kwambĩĩa kyumwa kya Matukũ 28, Mwei wa 10, tũkasoma mbulosua Naaũ Mekaa Kwenda kwa Yeova Ũmũnthĩ? nthĩnĩ wa Ĩmanyĩsyo ya Mbivilia ya Kĩkundi. Mbulosua ĩno, ĩla yaumiwʼe Ũmbanonĩ wa Kĩvalo wa “Sũvĩa Ngoo Yaku!,” ĩseũvĩtwʼe kwondũ wa kũtetheesya amanyĩwʼa ma Mbivilia maelewe ũseũvyo wa Yeova. Kũsoma mbulosua ĩno kũkatuma tũtanĩa mũnango kwĩthĩwa twĩ nthĩnĩ wa ũseũvyo wa Yeova, na kũkatũtetheesya kwona ũndũ tũtonya kũmĩtũmĩa ũtavanyʼanĩ.—Sav. 48:13.

2. Tũkemanyĩsya ata mbulosua Naaũ Mekaa Kwenda kwa Yeova Ũmũnthĩ?

² Ũndũ Tũkemanyĩsya Mbulosua Ĩno: Ũla ũkũtongoesya kĩlungu kĩĩ aĩle kũaanyʼa nesa ndatĩka ila ũnengetwe nĩ kana kĩla ĩsomo ĩneenewe nesa. Akambĩĩaa kĩla ĩsomo kwa kũsoma ĩkũlyo yĩla nĩyo kyongo kya ĩsomo. Ĩtina wa ũu, akathokasya mũsomi wa tũlungu asome kalungu ka mbee, na ĩndĩ aikũlya ethukĩĩsya ĩkũlyo yĩla ũseũvĩtye kwondũ wa kalungu kau. Kalungu kana tũlungu twʼonthe tũla twĩ ungu wa langi mũkwatu tũsomawe na tũineenewa ĩmwe. Twamina kũsomwa, ũla ũtongoesye akakũlasya ethukĩĩsya maelesye ũndũ kalungu kana tũlungu tũu tũsũngĩĩte ĩkũlyo yĩla nĩyo kyongo kya ĩsomo. Mbulosua ĩno yĩ na mavisa maingĩ ala matonya kũneenewa. Waĩle kũsoma maandĩko ala ũkwona maĩle, kwosana na ĩvinda. Mũtanalika ĩsomo yĩla yĩatĩĩe, ũla ũtongoesye aĩle kũkũlya makũlyo ma kũsyokeleela ala me mũthyanĩ wa kĩla ĩsomo. Ethĩwa ĩsomo yĩ na kasandũkũ “Manya Maũndũ Maingangĩ,” nĩkasomwe, na ĩndĩ aikũlya ethukĩĩsya maelesye ũndũ mũmanyĩwʼa wa Mbivilia ũtonya kũtetheka aatĩĩa ũndũ kasandũkũ kau kaĩtye. Ethĩwa ve ĩvinda, ũla ũtongoesye no aminũkĩlye kwa kũsyokeleela makũlyo ala nĩ kyongo kya kĩla ĩsomo. Ti lasima ũkaatĩĩa nzĩa ĩno ũisoma na mũmanyĩwʼa waku wa Mbivilia.

3. Twaĩle kwĩka ata nĩ kana tũtetheke vyũ ĩla tũkwĩmanyĩsya mbulosua ĩno?

³ Ĩyũmbanyʼe nesa ũithi ũmbanonĩ nĩ kana ũtetheke vyũ. Tata umye maelesyo. Mũyĩmanyĩsya mbulosua ĩno, sũanĩĩa ũndũ ĩtonya kũtethya mũmanyĩwʼa wa Mbivilia. Ekai kwĩmanyĩsya mbulosua ĩno kũtwonyʼe ũndũ tũtonya kũtetheesya angĩ meke kwenda kwa Ngai na mayĩthĩwa na wĩkwatyo wa thayũ ũtathela.—1 Yoa. 2:17.