Ũkanyʼo Nĩ Wonanyʼo wa Kana Yeova Nũtwendete

Ndeto ũkanyʼo yonanasya kwĩyĩaĩa mũndũ, kũmũmanyĩsya, na o na ĩngĩ no yonanyʼe kũlũnga mũndũ. Yeova nũtũkanasya nĩ kana tũmũthaithe kwa nzĩa ĩla yaĩlĩte. (Alo 12:1; Avl 12:10, 11) Mavinda angĩ no wĩthĩwe ũte ũndũ wĩ laisi kwĩtĩkĩla ũkanyʼo, ĩndĩ tweeka ũu nĩtwĩtĩkĩlawa nĩ Yeova na tũikwata moathimo make. (Nth 10:7) Ala meũnengane ũkanyʼo na ala meũkanwʼa maĩle kũlilikana maũndũ meva?

Ala meũnengane ũkanyʼo. Atumĩa, asyai, na andũ angĩ nĩmatataa ũndũ matonya methĩwe na ĩnee na mayonanyʼa wendo o ta Yeova yĩla meũnengane ũkanyʼo. (Yel 46:28) O na ethĩwa mũndũ ekĩte naĩ yĩana ata, ala meũnengane ũkanyʼo maĩlĩte kũnengane ũkanyʼo wĩanĩĩe na kwa nzĩa ya wendo.—Tit 1:13.

Ũla ũkũnengwa ũkanyʼo. O na ethĩwa wanengwa ũkanyʼo wa mũthemba wĩva, ndwaĩlĩte kũleana nawʼo ĩndĩ nĩwaĩle kũtata ũndũ ũtonya ũũatĩĩe na mĩtũkĩ. (Nth 3:11, 12) Nũndũ twĩ ene naĩ, ithyonthe nĩtwendaa ũkanyʼo na tũkanawʼa kwa nzĩa syĩ kĩvathũkanyʼo. No tũkanwʼe kwĩsĩla maũndũ ala tũsomaa Mbivilianĩ, kana ala twĩwʼaa maũmbanonĩ ma kĩkundi. Kana mavinda angĩ amwe nĩmakanawʼa nĩ kamitii ya sila. Tweetĩkĩla ũkanyʼo ũla twanengwa, vate nzika tũkekalaa nesa ĩvindanĩ yĩĩ na tũikwata thayũ wa tene na tene ĩvindanĩ yũkĩte.—Nth 10:17.

ĨLOELEI VITIO YĨ NA KYONGO, “ALA YEOVA WENDETE NŨMAKANASYA” NA ĨNDĨ MŨISŨNGĨA MAKŨLYO AA MAATĨĨE:

• Mbeenĩ Canon aendeee ata, na mwĩkalĩle wake waalyũkile ata?

• Yeova amũkanisye ata?

• Ngewa ĩno yake yĩtũmanyĩsya kyaũ?