MWĨKALĨLE WA AKLĨSTO

Tũmĩa Ĩvuku Tanĩa Thayũ Tene na Tene! Ũtavanyʼanĩ

Twĩ na ũtanu mũno kwĩthĩwa na mbulosua nzaũ o vamwe na ĩvuku ya kũtũmĩa yĩla tũũmanyĩsya andũ Mbivilia! Twĩmũvoya Yeova aathime kĩthito kitũ kya kũtwʼĩkĩthya andũ aingĩ amanyĩwʼa. (Mt 28:18-20; 1Ko 3:6-9) Tũtonya kũtũmĩa mavuku asu ata?

Nũndũ mbulosua na ĩvuku Tanĩa Thayũ Tene na Tene! itũmĩĩte nzĩa nzaũ ya kũmanyĩsya, atĩĩa myolooto ĩno yonanĩtwʼe vaa ĩtheo yĩla ũkwĩyũmbanyʼa na yĩla ũũmanyĩsya mũndũ Mbivilia.a

Somai kalungu na mũineenea ĩkũlyo yĩla yonanĩtwʼe
Somai maandĩko ala maandĩkĩtwe “soma,” na ũitetheesya mũmanyĩwʼa one ũndũ ũtonya kũmatũmĩa
Ĩloelei vitio na mũyĩineenea, mũtũmĩĩte makũlyo ala monanĩtwʼe
Tatai mwĩmanyĩsye ĩsomo yonthe kĩla ĩvinda mũkwĩmanyĩsya

Yĩla wĩ ũtavanyʼa ambĩĩa na kũmũnenga mũndũ ĩ mbulosua nĩ kana ũmanye kana nũkwendeewʼa. (Sisya ĩsandũkũ ĩthangũnĩ ya 16, “Kũnengane Mbulosua Tanĩa Thayũ Tene na Tene! Yĩla Ũũtavya Mũndũ ya Mbee.”) Mwamina kwĩmanyĩsya mbulosua na mũmanyĩwʼa nũkwenda kũendeea kwĩmanyĩsya, mũnenge ĩvuku na mũyambĩĩa kwĩmanyĩsya ĩsomo ya 04. Ethĩwa nũendeee kwĩmanyĩsya na mũndũ ĩvuku yĩmwe katĩ wa ala tũtũmĩaa kũmanyĩsya, ambĩĩai kwĩmanyĩsya ĩvuku Tanĩa Thayũ Tene na Tene! na ũinyuva ĩsomo yĩla mũkwambĩĩa.

Mwana-a-asa o ũsu na mũka me mũsyĩ kwa ũla mũndũũme mayĩmanyĩsya Mbivilia nake matũmĩĩte ĩvuku “Tanĩa Thayũ Tene na Tene!”

ĨLOELEI VITIO YĨ NA KYONGO WĨMŨTHOKYE ĨMANYĨSYONĨ YAKU YA MBIVILIA, NA ĨNDĨ MŨISŨNGĨA MAKŨLYO AA MAATĨĨE:

Nĩ maũndũ meva amanyĩwʼa mekwĩmanyĩsya ĩvukunĩ yĩĩ yeũ?
Nĩkĩ waĩlĩte kwonyʼa amanyĩwʼa eũ vitio ĩno?
Nĩ maũndũ meva ũtonya kũtetheesya mũmanyĩwʼa eanĩsye o kavola kwa kavola?—Sisya kyati ĩthangũnĩ ya 16, “Kĩeleelo na Maũndũ ma Kwĩka Nthĩnĩ wa Kĩla Kĩlungu”

a LILIKANA: O na kau ti lasima wĩmanyĩsye vamwe na mũmanyĩwʼa kĩlungu “Maũndũ Angĩ ma Kwĩmanyĩsya,” osa ĩvinda ũsome ũvoo ũla wonanĩtwʼe kana wĩloele vitio ũendeee kwĩyũmbanyʼa. Weeka ũu, nũũmanya kĩla kĩtonya kwendeesya mũmanyĩwʼa na kĩkamũtethya. Ũla ũkũtũmĩa ĩvuku yĩla yĩ simũnĩ no atine vitio na ũvoo ũla wonanĩtwʼe, na ũivingũka.

KĨELEELO NA MAŨNDŨ MA KWĨKA NTHĨNĨ WA KĨLA KĨLUNGU
	MASOMO	KĨELEELO	MAŨNDŨ ALA MŨMANYĨWʼA WAĨLE KWĨKA
1	01-12	Sisya wone ũndũ Mbivilia ĩtonya ũkũtetheesya na ũndũ ũtonya kũmanya Mũandĩkĩthya wayo	Thangaasya mũmanyĩwʼa asome Mbivilia, eyũmbanĩsye kĩla ĩsomo, na ayambĩĩa kũka maũmbanonĩ
2	13-33	Sisya wone maũndũ ala Ngai wĩkĩte kwondũ witũ na ũndũ ũtonya kũmũthaitha kwa nzĩa ĩkũmwendeesya	Mwĩkĩe vinya mũmanyĩwʼa aneene na andũ angĩ ĩũlũ wa ũwʼo ũla ũkwĩmanyĩsya, na aitwʼĩka mũtavanyʼa
3	34-47	Sisya wone maũndũ ala Ngai wendaa athaithi make meanĩsye	Thangaasya mũmanyĩwʼa eyumye kwa Yeova na aivatiswa
4	48-60	Ĩmanyĩsye ũndũ ũtonya kwĩkala wendonĩ wa Ngai	Manyĩsya mũmanyĩwʼa ũndũ ũtonya kũvathũkanyʼa kĩla kĩseo na kĩla kĩthũku na ayĩka maendeeo ma kĩ-veva