Satani Nĩwe Ũtũeteae Mathĩna Onthe?

Ũndũ Mbivilia yaasya

Mbivilia yonanasya kana Satani nĩ kyũmbe kya wʼo, kĩla kĩilyĩ ta mũnene wa atũli ma mĩao, na eanĩasya kĩeleelo kyake kwĩsĩla ‘mosengyʼo ma ũvũngũ’ na “ũkengani.” Mbivilia yongeleele kwasya kana we “nĩwĩalyũlaa mwene ethĩwe ta mũlaĩka wa kyeni.” (2 Athesalonika 2:9, 10; 2 Akolintho 11:14) Nĩtũmanyaa kana Satani e kwʼo kwĩsĩla maũndũ mathũku ala ũtumaa methĩwa.

Ĩndĩ Satanĩ tiwe ũeteae andũ mathĩna onthe. Nĩkĩ? Ngai oombie andũ me na ũtonyi wa kũnyuva kwĩka ũla ũseo kana ũla ũthũku. (Yosua 24:15) Tweeka motwi mathũku nĩtũkwatawa nĩ maũndũ mathũku.—Akalatia 6:7, 8.