Mamanyĩsye Kũmũthũkũmaa Yeova Mate Kũeka

Maũndũ ala monekete meonanyʼa kana atavanyʼa eũ ala mamanyĩawʼa kuma mwambĩĩonĩ kwĩthĩwa na kĩthito na kũtavanasya mate kũeka, mavinda maingĩ methĩawa atavanyʼa aseo. (Nth 22:6; Avi 3:16) Aa nĩ maũndũ amwe mekwonanyʼa ũndũ tũtonya kũtetheesya mũmanyĩwʼa ethĩwe na mũsingi mũseo ũtavanyʼanĩ:

• Mũmanyĩwʼa atwʼĩka mũtavanyʼa oou, ambĩĩa kũmũmanyĩsya. (km 8/15 1) Mũtetheesye amanye vata wa kwĩthĩawa na mũvango wa kũtavanasya kĩla kyumwa. (Avi 1:10) Neenaa maũndũ maseo ĩũlũ wa andũ ma kĩsio kĩla mũtavanasya. (Avi 4:8) Mũtetheesye atavanyʼe vamwe na mũsyaĩĩsya wa kĩkundi kyake na atavanyʼa ala angĩ nĩ kana atetheke kumana na ũmanyi woo.​—Nth 1:5; km 10/12 6 ¶3

  

• Mũmanyĩwʼa waku avatiswa, ndũkaeke kũmwĩkĩa vinya na kũmũmanyĩsya ĩũlũ wa ũtavanyʼa, na mũno mũno ethĩwa ndaminĩte kũsoma ĩvuku ‘Wendo wa Ngai.’​—km 12/13 7

  

• Ĩla wĩ na mũtavanyʼa mweũ ũtavanyʼanĩ, tũmĩa nzĩa yĩ laisi. Mũkathe kuma ngoonĩ amina kũtavya mũndũ, na ĩndĩ ũimũtavya maũndũ amwe maseo ũtonya kwĩka nĩ kana ethĩwe mũtavanyʼa mũseango.​—km-SW 5/10 7