YEREEMII
1 Hilikiya weyi ɛɛkɛ cɔjɔnaa taa nɔɔyʋ Anatɔɔtɩ,+ Bɛnjamɛɛ ɛjaɖɛ taa yɔ, ɛ-pɩyalʋ Yereemii* tɔm kɔyɔ. 2 Yehowa tɔm talɩ-ɩ Amɔɔnɩ+ pɩyalʋ Yoziyaasɩ,+ weyi ɛkɛ Yuuda wiyaʋ yɔ ɛ-alɩwaatʋ taa, e-kewiyitu tɔɔʋ pɩnaɣ 13 ñɩŋga taa. 3 Tɩtalɩ-ɩ ɖɔɖɔ Yoziyaasɩ pɩyalʋ Yehoyakim,+ weyi ɛkɛ Yuuda wiyaʋ yɔ ɛ-alɩwaatʋ taa, pɩkɔɔ nɛ pɩtalɩ alɩwaatʋ ndʋ Yoziyaasɩ pɩyalʋ Zedekiya+ weyi ɛkɛ Yuuda wiyaʋ yɔ ɛ-pɩnaɣ 11 ñɩŋga tɛma yɔ, pɩkɔɔ nɛ pɩtalɩ alɩwaatʋ ndʋ pɛkɛzɩ Yeruzalɛm tɛtʋ fenaɣ 5 ñɩŋga taa yɔ.+
4 Yehowa tɔm talɩ-m se:
Meyeba nɛ ŋkɛ ajɛɛ tɛ nayʋ.»
6 Ɛlɛ mɔyɔɔdɩ se: «Hayɩ, Kɩbaɣlʋ Kɩlɩm Yehowa!
Maasɩŋ yɔɔdʋʋ,+ mbʋ pʋyɔɔ yɔ mɛnkɛ abalɩbɩɣa* yem.»+
7 Peeɖe Yehowa heyi-m se:
«Taayɔɔdɩ se: “Mɛnkɛ abalɩbɩɣa yem.”
Mbʋ pʋyɔɔ yɔ pɩwɛɛ se ŋwolo mba payɩ pɔ-cɔlɔ mentiyiɣ-ŋ yɔ pɔ-cɔlɔ,
Nɛ pɩwɛɛ se ŋyɔɔdɩ ndʋ payɩ manɖʋʋ-ŋ paɣtʋ se ŋyɔɔdɩ yɔ.+
8 Sɔɔndʋ ɛtaakpa-ŋ nɛ pɛ-wɛtʋ ndʋ tɩnaɣ ɛsa yɔɔ yem yɔ,+
Mbʋ pʋyɔɔ yɔ “mɛwɛ ñɔ-cɔlɔ se maya ña-ñʋʋ,”+ Yehowa yɔɔdʋʋna.»
9 Nɛ Yehowa sezi e-nesi nɛ etukuni mɔ-nɔɔ.+ Nɛ Yehowa heyi-m se: «Manɖʋ mɔn-tɔm ñɔ-nɔɔ taa.+ 10 Na, sɔnɔ maha-ŋ ɖoŋ ajɛɛ yɔɔ nɛ kewiyisi yɔɔ, se ŋkpɛzɩ nɛ ŋyɔkɩ, se ŋɖɩzɩ nɛ ŋtuzi nɛ ŋpɛɖɩ, se ŋma nɛ ŋsɔ.»+
11 Yehowa tɔm tasɩ-m talʋʋ se: «Yereemii, ɛbɛ ŋnaɣ?» Nɛ mɔyɔɔdɩ se: «Manaɣ amandɩ tɩʋ nakʋyʋ* piliŋa.»
12 Yehowa heyi-m se: «Ŋna camɩyɛ, mbʋ pʋyɔɔ yɔ mancaɣnɩ mɛ-ɛsa camɩyɛ pɩlɩɩnɩ mɔn-tɔm yɔɔ, se meyele nɛ tɩla.»
13 Yehowa tɔm talɩ-m nabʋlɛ ɖeɖe se: «Ɛbɛ ŋnaɣ?» Nɛ moncosi se: «Manaɣ ɖeɣa* nakɛyɛ keɖiɣni wasʋʋ,* nɛ kɔ-nɔɔ kpilaa kpaɣnɩ hayo kiŋ nɛ ŋtikini hadɛ kiŋ.» 14 Nɛ Yehowa heyi-m se:
«Asɛyʋʋ kaɣ yɔkʋʋ nɛ hayo kiŋ
Nɛ kɩlɩɩ ɛjaɖɛ taa mba kpeekpe yɔɔ.+
15 Mbʋ pʋyɔɔ yɔ tɔm tʋnɛ Yehowa yɔɔdʋʋ: “Mɛwɛɛ nɛ mayaɣ hayo kiŋ kewiyisi hɔŋ tɩŋa,+
Nɛ ɩkaɣ kɔm; paa wiyaʋ weyi lɛ ɛkaɣ pɔʋ e-kewiyaɣ kpelaɣ
Yeruzalɛm nɔnɔsɩ taa,+
Pɩmalɩnɩ ki-kolonzi kpɛɛɛ
Nɛ pɩmalɩnɩ Yuuda tɛtʋ ndɩ ndɩ tɩŋa.+
16 Nɛ mahʋnɩ-wɛ tɔm nɛ mankpaɣ lɩmaɣza wena pa-kañatʋ lakasɩ kpeekpe yɔɔ yɔ, mankaɣ-wɛ heyuu a-tɔm,
Mbʋ pʋyɔɔ yɔ pɔlɔ-m,+
Nɛ palaɣ ɛsɔnaa lalaa nɛ kɩlaŋ ñɔsɩ kpaɣ+
Nɛ poluŋuu pa-maɣmaɣ pe-nesi tɛɛ tʋma tɛɛ.”+
17 Ɛlɛ pɩwɛɛ se ŋñɔɔzɩ ña-tɩ nɛ ŋla mbʋ pɩpɔzʋʋ yɔ,*
Nɛ pɩwɛɛ se ŋkʋyɩ nɛ ŋsɩŋ nɛ ŋheyi-wɛ tɔm ndʋ payɩ manɖʋ-ŋ paɣtʋ se ŋheyi-wɛ yɔ.
Taase-wɛ sɔɔndʋ,+
Pɩtɩkɛ mbʋ yɔ manɖʋʋ-ŋ sɔɔndʋ pɛ-ɛsɩndaa.
18 Mbʋ pʋyɔɔ yɔ sɔnɔ manpɩsɩ-ŋ tɛtʋ ɖoŋ ñɩndʋ,
Ñɩɣyʋʋ tilimiye, nɛ ñɩɣyʋʋ kɩsɛɛmʋʋ kolonzi se ŋkaɖɩnɩ ɛjaɖɛ kpeekpe,+
Se ŋkaɖɩnɩ Yuuda awiya nɛ kɩ-awumbiya,
Se ŋkaɖɩnɩ kɩ-cɔjɔnaa nɛ ɛjaɖɛ taa ɛyaa.+
19 Nɛ pɩtʋʋ fɛyɩ se pakaɣ-ŋ yonuu,
Ɛlɛ paakaɣ-ŋ wabʋ,
Mbʋ pʋyɔɔ yɔ “mɛwɛ ñɔ-cɔlɔ+ se maya ña-ñʋʋ,” Yehowa yɔɔdʋʋna.»
2 Yehowa tɔm talɩ-m se: 2 «Wolo nɛ ŋsusi Yeruzalɛm nɩŋgbaaŋ taa se: “Tɔm tʋnɛ Yehowa yɔɔdʋʋ:
‘Mɔntɔzʋʋ camɩyɛ se ŋñɔnɩ-m ñɛ-pɛlɛtʋ taa,*+
Ŋwɩlɩ-m sɔɔlɩm alɩwaatʋ ndʋ manɖanaɣ-ŋ yɔ,+
Ŋtɩŋ ma-wayɩ kañɩmbusuu taa,
Tɛtʋ ndʋ tɩ-yɔɔ patiɖuu ɖomaɣ yɔ.+
3 Izrayɛɛlɩ kaakɛ kiɖeɖeu Yehowa ɛsɩndaa,+ ɛɛkɛ ɛ-tɔɔnaɣ kʋkʋmaɣ kajalaɣ pee.’”
“Mba payɩ pɔtɔkɩ-ɩ yɔ, pakaɣ ɖɔʋ wɛɛ.
Asɛyʋʋ kaɣ kɔm pɔ-yɔɔ,” Yehowa yɔɔdʋʋna.»+
4 Hayɩ Yakɔɔb ɖɩɣa, ɩnɩɩ Yehowa tɔm,
Nɛ mɩ, Izrayɛɛlɩ ɖɩɣa taa hɔŋ kpeekpe.
5 Tɔm tʋnɛ Yehowa yɔɔdʋʋ:
«Kɩdɛkɛdɩm mbʋ mɩ-cɔzɔnaa na mɔ-yɔɔ,+
Nɛ piyele nɛ poposini-m siŋŋ mbʋ,
Nɛ patɩŋ sɩʋ kpelisi nzɩ sɩfɛyɩ wazaɣ yɔ+ nɛ pa-maɣmaɣ papɩsɩ mba paawazɩɣ nabʋyʋ yɔ?+
6 Patɩpɔzɩ se: “Le Yehowa wɛɛ?
Ɛnʋ weyi ɛlɩzɩ-ɖʋ Ejipiti ɛjaɖɛ taa yɔ,+
Weyi eɖiyi-ɖʋ nɛ ɖɩtɛzɩ kañɩmbusuu yɔ,
Ðɩtɛzɩ kañɩmbusuu+ nɛ pɔŋ ɛjaɖɛ yɔ,
Ðɩtɛzɩ wɩlɩŋ ɛjaɖɛ+ nɛ cɩkpɛndʋʋ sɔsɔʋ ɛjaɖɛ yɔ,
Ðɩtɛzɩ ɛjaɖɛ nɖɩ ɖɩ-taa nɔɔyʋ ɛɛɖɔŋ se ewolo nʋmɔʋ yɔ
Nɛ ɖenɖe ɛyʋ nɔɔyʋ ɛɛcakɩ yɔ.”
7 Pʋwayɩ lɛ, mowoni-mɩ tɩŋ pee hayɩm ɛjaɖɛ taa,
Se ɩtɔɔ ɖi-pee nɛ ɖɩ-taa wondu kɩbandʋ.+
Ɛlɛ ɩsʋʋ nɛ ipisi mɛ-ɛjaɖɛ;
Iyeba nɛ ma-ñɩm pɩsɩ kʋzɔɔtʋ pʋyʋ.+
8 Cɔjɔnaa tɩpɔzɩ se: “Le Yehowa wɛɛ?”+
Mba pɛwɛnɩ sʋʋtʋ se pawɩlɩ Paɣtʋ yɔ patɩsɩmɩ-m,
Ninɖiɣyaa kaɖɩnɩ-m,+
Nayaa yɔɔdɩ natʋ tɔm Baalɩ hɩɖɛ taa,+
Nɛ patɩŋ mba paapɩzɩɣ nɛ pɔkɔnɩ kɛzɛɣa nakɛyɛ yɔ pa-wayɩ.
9 “Pʋyɔɔ lɛ mankaɣ-mɩ tasʋʋ lʋbɩnʋʋ;+
Nɛ mankaɣ lʋbɩnʋʋ mɩ-pɩyalaa pɩyalaa,” Yehowa yɔɔdʋʋna.
10 “Ɛlɛ ɩtɛzɩ nɛ iwolo Kitim+ teŋgu nɔɔ tɛtʋ ndɩ ndɩ* taa nɛ ɩna.
Ɛɛɛ, itiyini tɔm Kedaarɩ+ taa nɛ ɩmaɣzɩ camɩyɛ;
Ɩna se nabʋyʋ ɛzɩ pʋnɛ yɔ tɛm labʋ yaa we.
11 Wiɖiyi ɛjaɖɛ naɖɩyɛ tɛm lɛɣzʋʋ ɖɩ-ɛsɔnaa nɛ mba patɩkɛ ɛsɔnaa yɔ?
Ɛlɛ ma-maɣmaɣ man-samaɣ lɛɣzɩ man-samtʋ nɛ mbʋ pɩfɛyɩ wazaɣ yɔ.+
12 Oo ɛsɔdaa, cɔnɩ pʋnɛ nɛ pɩɖɩɣzɩ-ŋ;
Sɔɔndʋ ɛkpa-ŋ nɛ ŋseli siŋŋ,” Yehowa yɔɔdʋʋna,
13 “Mbʋ pʋyɔɔ yɔ man-samaɣ labɩ lakasɩ kɩdɛkɛdɩsɩ 2:
Pɔlɔ-m, ma weyi mɛnkɛ wezuu lɩm hiɖe yɔ,+
Lɔkɔnaa mba paya pɛŋla, nɛ lɩm ɛɛpɩzɩɣ nɛ pɩcaɣ pa-taa yɔ.”
14 “Ɛzɩ Izrayɛɛlɩ kɛ lɩmɖʋyʋ yaa yom weyi palʋlɩ-ɩ ɛ-ñʋʋdʋ ɖɩɣa taa yɔ?
Ye mbʋ, ɛbɛ yɔɔ peyebi-i se palazɩ ɛ-ñɩm?
Ɩlaba nɛ ɛ-ɛjaɖɛ pɩsɩ sɔɔndʋ pʋyʋ.
Pañaɣzɩ ɛ-tɛtʋ ndɩ ndɩ miŋ, nɛ piyele nɛ nɔɔyʋ tɩtasɩ wɛʋ tɩ-taa.
16 Nof*+ nɛ Tapanɛɛsɩ+ ɛyaa tɔkɩ tɔɔnaɣ ña-ñʋdaka taa.
17 Pɩtɩkɛ ña-maɣmaɣ ñɔkɔnɩnɩ pʋnɛ ñɔ-yɔɔ
Mbʋ pʋyɔɔ yɔ ŋlɔ ñɛ-Ɛsɔ Yehowa+
Alɩwaatʋ ndʋ eɖiyaɣ-ŋ nʋmɔʋ taa yɔ?
19 Pɩwɛɛ se ña-kañatʋ lakasɩ ɛsɩɣzɩ-ŋ lɔŋ,
Nɛ pɩwɛɛ se ña-maɣmaɣ ña-lakasɩ nzɩ sɩfɛyɩ siɣsiɣ yɔ sikizini-ŋ tɔm.
Tɩlɩ nɛ ŋɖiɣzina se pɩkɛ kɩdɛkɛdɩm nɛ pɩwɛ ñaŋ kpem+
Se ŋlɔ ñɛ-Ɛsɔ Yehowa;
Ŋtise-m sɔɔndʋ,”+ Kɩbaɣlʋ Kɩlɩm, yoyaa tɛ Yehowa yɔɔdʋʋna.
20 “Mbʋ pʋyɔɔ yɔ, mɛnpɛlʋʋ ña-sʋʋtʋ ɖaʋ yɔ pɩlakɩ alɩwaatʋ sakɩyɛ yɔ+
Nɛ mɛncɛ ña-kpasɩ.
Ɛlɛ ŋyɔɔdɩ se: ‘Maasɛɣ-ŋ,’
Mbʋ pʋyɔɔ yɔ, paa piyaɣ ŋga kɔ-yɔɔ nɛ tɩŋ weyi payɩ ɩwɛ hatʋ camɩyɛ yɔ ɩ-tɛɛ,+
Ŋhɩnaɣ nɛ ŋleŋ ña-tɩ, nɛ ŋlakɩ hayitu.+
21 Mɔnsɔ-ŋ ɛzɩ viiñi kɩsɛɛmʋʋ kɩbaŋʋ,+ ŋgʋ kɩlɩnɩ ɖomaɣ kɩbaŋa taa yɔ;
Ye mbʋ ɛzɩma pɩlaba nɛ ŋpɩsɩ ñɩtʋ taa viiñi* pilinzi nzɩ sɩwɛɛkaa yɔ mɛ-ɛsɩndaa?”+
22 “Paa ŋsɔ lɩm nɛ kaŋwa* nɛ ŋlabɩnɩ tʋmɩyɛ fɔɔfɔɔ* sakɩyɛ yɔ,
Ña-kɩwɛɛkɩm pisi-ŋ ɖenɖe yɔ, pɩkaɣ wɛʋ mbʋ mɛ-ɛsɩndaa,”+ Kɩbaɣlʋ Kɩlɩm Yehowa yɔɔdʋʋna.
23 Ɛzɩma ŋpɩzɩɣ nɛ ŋyɔɔdɩ se: “Mantipisi man-tɩ.
Mantɩtɩŋ Baalɩwaa wayɩ”?
Cɔnɩ ña-nʋmɔʋ fɛɛʋ taa.
Maɣzɩ mbʋ ŋlaba yɔ pɩ-yɔɔ.
Ŋwɛ ɛzɩ aɖaaɖaa* halɩñɩnʋ weyi eseɣ lɛɛ lɛɛ yɔ,
Weyi eseɣ yem ɛ-nʋmɔŋ taa nɛ ɛkpaɣ nɛ etiki yɔ,
24 Ŋwɛ ɛzɩ tɛyɛ kpaŋaɣ ŋga kañɩmbusuu malɩnɩ-kɛ yɔ,
Ŋga kʋzʋʋ kɔɖɛyɩ kʋyɩnɩ-kɛ nɛ kɔsɔŋʋʋ nɛ kañɩnɩɣ abalɩñɩŋga yɔ.
Ka-alɩwaatʋ talɩɣ se abalɩñɩŋga ɛkpa-kɛ lɛ, apɩzɩɣ nɛ ɛɖaŋ-kɛ?
Kpaŋasɩ nzɩ sɩñɩnɩɣ-kɛ yɔ sɩ-taa nakɛyɛ ɛɛkaɣ labʋ kʋñɔŋ nɛ pʋcɔ.
Sɩkaɣ-kɛ naʋ ka-alɩwaatʋ* taa.
25 Cɔnɩ ña-nɩŋgbanzɩ yɔɔ camɩyɛ nɛ sɩtaakɔɔ nɛ sɩwɛɛ kpɛɖɛ
Nɛ lɔkɔtʋ kɔɔ pɩla nɛ ñe-liu tɛɛ wɩlɩ.
Ɛlɛ ŋyɔɔdɩ se: “Taaɖʋ ña-tɩ kʋñɔŋ!+
26 Ɛzɩ fɛyɛ kpaɣʋ mɩlʋ alɩwaatʋ ndʋ pakpa-ɩ yɔ,
Mbʋ fɛyɛ kpa Izrayɛɛlɩ ɖɩɣa,
Pa nɛ pa-awiya nɛ pa-awumbiya,
Pɔ-cɔjɔnaa nɛ pa-nayaa.+
27 Peheyiɣ tɩʋ se: “Ŋkɛ man-caa,”+
Nɛ peheyiɣ pɩyɛ se: “Ñalʋlɩnɩ-m.”
Ɛlɛ ma lɛ, paha-m siɣye nɛ patɩha-m pɛ-ɛsɩndaa.+
Nɛ pa-asɛyʋʋ alɩwaatʋ taa lɛ, pakaɣ yɔɔdʋʋ se:
“Kʋyɩ nɛ ŋya ɖa-ñʋʋ!”+
28 Lɛɛlɛɛyɔ lɛ, le ñɛ-ɛsɔnaa mba ŋlabɩ ña-tɩ yɔ pɛwɛɛ?+
Yele nɛ pakʋyɩ, ye papɩzɩɣ se paya ña-ñʋʋ ña-asɛyʋʋ alɩwaatʋ taa yɔ,
Mbʋ pʋyɔɔ yɔ ñɛ-ɛsɔnaa kɔm nɛ pɔɖɔɔ sakɩyɛ ɛzɩ ñɛ-tɛtʋ yɔ, Oo Yuuda.+
29 “Ɛbɛ yɔɔ ɩwɛɛ nɛ ɩlʋkɩnɩ-m?
Ɛbɛ yɔɔ mɩ-tɩŋa payɩ ɩkaɖɩnɩ-m?”,+ Yehowa yɔɔdʋʋna.
30 Mɔhɔm mɩ-pɩyalaa nɩŋgbaaŋ falaa.+
31 Hayɩ kpaɖʋʋ, mɩ-maɣmaɣ ɩmaɣzɩ Yehowa tɔm yɔɔ.
Ɛzɩ manpɩsɩ ɛzɩ kañɩmbusuu yɔ Izrayɛɛlɩ ɛsɩndaa yaa we,
Yaa cɩkpɛndʋʋ ŋgʋ kɩkɔŋnɩ nazɩm yɔ kɩ-ɛjaɖɛ na?
Ɛbɛ yɔɔ panɛ, mba pɛkɛ man-samaɣ yɔ, pɔyɔɔdaa se: “Ðɩyɛlɩɣ yem faaa.
Ðɩɩkaɣ tasʋʋ kɔm ñɔ-cɔlɔ”?+
32 Ɛzɩ pɛlɛ weyi ɛtɩtɩlɩ abalʋ yɔ ɛpɩzɩɣ nɛ ɛsɔɔ ɛ-ajana wondu yɔɔ?
Asɛyʋ kɩfalʋ pɩzɩɣ nɛ ɛsɔɔ ɛ-laŋɩyɛ taa kɩtamɩŋ* yɔɔ?
Paa mbʋ yɔ ma-maɣmaɣ man-samaɣ sɔ mɔ-yɔɔ kɩyakɩŋ weyi yɔ, ɩfɛyɩ kalʋʋ.+
33 Oo halʋ, ŋñɔɔzɩ ña-nʋmɔʋ nɛ lɛɣtʋ se ŋñɩnɩ sɔɔlɩm mbʋ suwe!
Ŋfalɩsɩ ña-tɩ kañatʋ lakasɩ nʋmɔŋ taa.+
34 Halɩ kʋñɔndɩnaa mba patɩɖɔɔ wɛɛ naayɛ yɔ pa-calɩm* ta ño-tokonaa,+
Paa mantɩna-wɛ peɖiɣni yɔkʋʋ se pasʋʋ yɔ;
Pɩwɛ ño-tokonaa tɩŋa yɔɔ.+
35 Ɛlɛ ŋyɔɔdʋʋ se: “Mantɩɖɔɔ wɛɛ naayɛ.
Pɩtʋʋ fɛyɩ se ɛtɩtasɩ-m kɔʋ nɛ pana.”
Lɛɛlɛɛyɔ lɛ, menɖiɣni kɔnʋʋ tɔm hʋʋ ñɔ-yɔɔ
Mbʋ pʋyɔɔ yɔ ŋyɔɔdʋʋ se: “Mantɩla kɩwɛɛkɩm.”
36 Ɛbɛ yɔɔ ŋmaɣzɩɣ se ɛzɩma ŋlɛɣzɩɣ ña-nʋmɔʋ yɔ pɩtɩlɩɩ pʋyʋ?
37 Lɩmaɣzɩyɛ nɖɩ ɖɩ-yɔɔ ɖɔɖɔ lɛ, ŋkaɣ tem ña-ñʋʋ ñe-nesi nɛ ŋlɩɩ,+
Mbʋ pʋyɔɔ yɔ Yehowa lɔ mba ŋɖʋ ñe-lidaʋ pɔ-yɔɔ yɔ;
Paakaɣ yebu nɛ piɖeni-ŋ.»
3 Ɛyaa pɔzʋʋ se: «Ye abalʋ nɔɔyʋ ɛɖɔɔnɩ ɛ-halʋ nɛ ɛlɛ kʋyɩ ɛ-yɔɔ nɛ ewolo nɛ ɛwalɩ abalʋ lɛlʋ yɔ, pɩwɛɛ se ɛtasɩ pɩsʋʋ halʋ ɛnʋ ɛ-wayɩ?»
Ɛzɩ ɛjaɖɛ ɖɩnɛ pataapisi-ɖɩ caɣ caɣ?+
«Ŋlabɩ hayitu nɛ abalaa sakɩyɛ,+
Nɛ lɛɛlɛɛyɔ lɛ, pɩwɛɛ se ŋpɩsɩ mɔn-cɔlɔ?» Yehowa yɔɔdʋʋna.
2 «Kʋsɩ ñɛ-ɛsa nɛ ŋcɔnɩ piyisi nzɩ sɩ-yɔɔ wɛ kpɛɖɛ yɔ nɛ ŋna.
Le patɩkpa-ŋ nɛ ɖoŋ nɛ pasʋʋnɩ-ŋ?
Ŋŋcaɣ habɛɛ nɔsɩ nɛ ŋɖaŋ-wɛ,
Ɛzɩ yɛlɩyʋ* yɔ kañɩmbusuu taa.
Ŋwɛɛ nɛ ŋpisiɣ ɛjaɖɛ
Nɛ ña-hayitu lakasɩ nɛ ña-kañatʋ lakasɩ.+
3 Pʋyɔɔ tɛŋ sɔsɔŋ yebi nɩʋ,+
Nɛ tɛʋ fɛyɩ kpiziɣɖe alɩwaatʋ taa.
4 Ɛlɛ lɛɛlɛɛyɔ lɛ, ŋkou nɛ ŋheyiɣ-m se:
“Man-Caa, ŋkɛ mɛn-pɛlɛtʋ taa taabalʋ!+
5 Pɩwɛɛ se ɛyʋ ɛwɛɛ pana taa tam,
Yaa ɛcaɣnɩ nɔɔyʋ paa ɛzɩmtaa?”
Tɔm ndʋ ŋyɔɔdʋʋ,
Ɛlɛ ŋwɛɛ nɛ ŋlakɩ kɩdɛkɛdɩm mbʋ payɩ ŋpɩzɩɣ se ŋla yɔ.»+
6 Wiyaʋ Yoziyaasɩ+ alɩwaatʋ taa, Yehowa heyi-m se: «“Ŋna mbʋ Izrayɛɛlɩ weyi ɛfɛyɩ siɣsiɣ yɔ ɛlaba yɔ? Ɛkpa paa pʋʋ kʋkʋyʋʋ ŋgʋ lɛ kɩ-yɔɔ nɛ ewolo tɩŋ weyi payɩ ɩwɛ hatʋ camɩyɛ yɔ ɩ-tɛɛ se ɛla hayitu.+ 7 Halɩ ɛlabɩ lakasɩ nzɩ sɩ-tɩŋa nɛ pɩtɛ lɛ, mɛwɛɛ nɛ meheyiɣ-i se ɛpɩsɩ mɔn-cɔlɔ,+ ɛlɛ ɛtɩpɩsɩ; nɛ Yuuda wɛɛ nɛ ɛcɔŋnɩ e-koobu halɩñɩnʋ weyi ɛwɛ ñʋʋ taa ɖoŋ yɔ.+ 8 Mana mbʋ lɛ, mɛncɛlɩ Izrayɛɛlɩ weyi ɛfɛyɩ siɣsiɣ yɔ nesi cɛbʋ takayaɣ nɛ mɔnɖɔɔnɩ-ɩ,+ ɛ-acɛyɛ lakasɩ yɔɔ.+ Ɛlɛ sɔɔndʋ tɩkpa e-koobu halɩñɩnʋ Yuuda weyi ɛwɛ ñʋʋ taa ɖoŋ yɔ; nɛ ɛnʋ ɖɔɖɔ ɛlɩɩ nɛ ɛla hayitu.+ 9 Ɛkpaɣ ɛ-hayitu lakasɩ ɛzɩ mbʋ pɩtɩwɛɛkɩ pʋyʋ yɔ, nɛ ɛwɛɛ nɛ episiɣ ɛjaɖɛ nɛ ɛlakɩ acɛyɛ nɛ pɛɛ nɛ tɩŋ.+ 10 Paa pɩtɩŋa payɩ mbʋ yɔ pɩlaba yɔ, e-koobu halɩñɩnʋ Yuuda weyi ɛwɛ ñʋʋ taa ɖoŋ yɔ, ɛtɩpɩsɩ mɔn-cɔlɔ nɛ ɛ-laŋɩyɛ pilim; ɛlɛ ɛsa yɔɔ yem ɛlakaɣ,” Yehowa yɔɔdʋʋna.»
11 Nɛ Yehowa heyi-m se: «Izrayɛɛlɩ weyi ɛfɛyɩ siɣsiɣ yɔ ɛwɩlaa* se ɛwɛ siɣsiɣ nɛ pɩkpaɖɩ Yuuda weyi ɛwɛ ñʋʋ taa ɖoŋ yɔ.+ 12 Wolo nɛ ŋsusi tɔm tʋnɛ hayo kiŋ:+
«“‘Pɩsɩ, Oo kaañamtʋ tʋ Izrayɛɛlɩ,’ Yehowa yɔɔdʋʋna.”+ “‘Maakaɣ tisuu mɛ-ɛsa nɛ mɔncɔnɩ-mɩ nɛ pana,*+ mbʋ pʋyɔɔ yɔ mɛwɛ siɣsiɣ, maakaɣ wɛʋ pana taa tam,’ Yehowa yɔɔdʋʋna. 13 Ɛlɛ pɩwɛɛ se ŋɖiɣzina se ŋwɛɛkaa, mbʋ pʋyɔɔ yɔ ŋkaɖɩnɩ ñɛ-Ɛsɔ Yehowa. Ŋwobi pɩ-yɔɔ nɛ ŋsʋʋnɩ agɔma* tɩŋ weyi payɩ ɩwɛ hatʋ camɩyɛ yɔ ɩ-tɛɛ, ɛlɛ ŋtiwelisi mɔ-nɔɔ,’ Yehowa yɔɔdʋʋna.”»
14 Yehowa yɔɔdʋʋ se: «Ɩpɩsɩ, mɩ, piya* kaañamtʋ tɩnaa. Mbʋ pʋyɔɔ yɔ manpɩsɩ mɩ-ñʋʋdʋ maɣmaɣ;* nɛ mankaɣ-mɩ kpaɣʋ, kʋɖʋm tɛtʋ taa nɛ 2 hɔʋ nakʋyʋ taa, nɛ mankaɣ-mɩ wonuu Siyɔŋ.+ 15 Nɛ mankaɣ-mɩ haʋ ninɖiɣyaa ɛzɩ ma-maɣmaɣ ma-laŋɩyɛ sɔɔlʋʋ yɔ,+ nɛ pakaɣ-mɩ calʋʋ nɛ sɩmtʋ nɛ lɛɣtʋ. 16 Ɩkaɣ ɖɔʋ nɛ ɩlʋlɩ pee ɛjaɖɛ taa kɩyakɩŋ ɛnɩ ɩ-taa, Yehowa yɔɔdʋʋna.+ Paakaɣ tasʋʋ yɔɔdʋʋ se: “Yehowa ɛgbɛyɛ ɖʋʋ aɖakaɣ!” Paakaɣ maɣzʋʋ kɔ-yɔɔ, nɛ paakaɣ kɔ-yɔɔ tɔzʋʋ yaa paakaɣ kɔ-yɔɔ kpiɖuu, nɛ paakaɣ-kɛ tasʋʋ labʋ. 17 Alɩwaatʋ ndʋ tɩ-taa, pakaɣ yaʋ Yeruzalɛm se Yehowa kewiyaɣ kpelaɣ;+ nɛ pakaɣ kpeɣluu ajɛɛ tɩŋa Yeruzalɛm se asa Yehowa hɩɖɛ peeɖe,+ nɛ paakaɣ tasʋʋ labʋ ñʋʋ taa ɖoŋ nɛ patɩŋɩɣ pa-maɣmaɣ pa-laŋɩyɛ kɩdɛkɛdɩyɛ.»
18 «Alɩwaatʋ ndʋ tɩ-taa, Yuuda ɖɩɣa nɛ Izrayɛɛlɩ ɖɩɣa, pakaɣ kpɛndʋʋ nɛ pɔɖɔ,+ nɛ pa-tɩŋa pakaɣ lɩnʋʋ hayo kiŋ ɛjaɖɛ taa nɛ pasʋʋ ɛjaɖɛ nɖɩ maaha mɩ-cɔzɔnaa se ɖɩkɛ pa-ñɩm yɔ ɖɩ-taa.+ 19 Nɛ mamaɣzaɣ se: “Na ɛzɩma mansɩ-ŋ abalɩbiya* hɛkʋ taa nɛ mɛncɛlɩ-ŋ ɛjaɖɛ nɖɩ ɖɩwɛ cɔnʋʋ yɔ, ñɩm mbʋ pɩkɩlɩ kajʋka ajɛɛ* hɛkʋ taa yɔ!”+ Mamaɣzaɣ ɖɔɖɔ se ɩkaɣ-m yaʋ se: “Man-Caa!” nɛ ɩɩkaɣ yebu tɩŋʋʋ ma-wayɩ. 20 “Toovenim taa lɛ, ɛzɩ halʋ lakʋʋ pɩ-tɛɛ nɛ pɩ-yɔɔ lakasɩ nɛ ɛkʋyʋʋ ɛ-walʋ* yɔɔ yɔ, mbʋ ɖɔɖɔ mɩ, Oo Izrayɛɛlɩ ɖɩɣa, ɩlabɩ-m pɩ-tɛɛ nɛ pɩ-yɔɔ lakasɩ,”+ Yehowa yɔɔdʋʋna.»
21 Panɩ kɔkɔɖɛ naɖɩyɛ taŋ piyisi nzɩ sɩ-yɔɔ wɛ kpɛɖɛ yɔ sɩ-yɔɔ,
Izrayɛɛlɩ samaɣ wiɣna nɛ ketendiɣ,
Mbʋ pʋyɔɔ yɔ pokoti pa-nʋmɔʋ;
Pɔsɔ pɛ-Ɛsɔ Yehowa yɔɔ.+
22 «Ɩpɩsɩ, piya* kaañamtʋ tɩnaa.
Mankaɣ waʋ mɩ-kaañamtʋ lakasɩ.»+
«Ða yɔ! Ðɩkɔm ñɔ-cɔlɔ,
Mbʋ pʋyɔɔ yɔ, Oo Yehowa, ŋkɛ ɖɛ-Ɛsɔ.+
23 Toovenim taa lɛ, piyisi nɛ pʋŋ yɔɔ kɔkɔɖɛ kɛ cɛtɩm.+
Toovenim taa lɛ, ɖɛ-Ɛsɔ Yehowa cɔlɔ Izrayɛɛlɩ ñʋʋ yabʋ wɛɛ.+
24 Ɛlɛ fɛyɛ wonuu tɔɔ* mbʋ ɖɔ-cɔzɔnaa yɔkɩ pa-ñʋŋ nɛ pala kpaɣnɩ ɖe-evebitu taa yɔ,+
Pe-heŋ nɛ pa-naŋ,
Pa-pɩyalaa nɛ pɛ-pɛlaa.
25 Iyele nɛ ɖɩhɩnɩ ɖɛ-fɛyɛ taa,
Nɛ ɖɛ-fɛyɛ ehuuzi ɖɔ-yɔɔ,
Mbʋ pʋyɔɔ yɔ ɖɩyʋsɩnɩ ɖɛ-Ɛsɔ Yehowa,+
Ða nɛ ɖa-caanaa ɖɩyʋsɩnɩ-ɩ kpaɣnɩ ɖe-evebitu taa nɛ pɩtalɩnɩ sɔnɔ,+
Nɛ ɖɩtɩña ɖɛ-Ɛsɔ Yehowa nɔɔ.»
4 Yehowa yɔɔdʋʋ se: «Oo Izrayɛɛlɩ, pɩsɩ.
Ye ŋtisiɣ se ŋpɩsɩ mɔn-cɔlɔ
Nɛ ye ŋkʋsɩ ña-sɩʋ kpelisi nzɩ sɩwɛ kiniŋ yɔ mɛ-ɛsɩndaa yɔ,
Ðɩnɛ ɛlɛ ŋŋkaɣ kɛʋ yotiyu.+
2 Nɛ ye ŋɖuwaa se:
“Yehowa ñɩtʋʋ nɛ ɛwɛɛ wezuu yɔ!” nɛ ye ŋlabɩ mbʋ nɛ toovenim, tɔm hʋʋ siɣsiɣ, nɛ siɣsiɣ wɛtʋ yɔ,
Ðɩnɛ ɛlɛ pɩkaɣ tɩŋnʋʋ ɛ-yɔɔ nɛ ajɛɛ hiɣ wazaɣ,
Nɛ ɛnʋ akaɣ kʋndɩnʋʋ.»+
3 Mbʋ pʋyɔɔ yɔ tɔm tʋnɛ Yehowa heyiɣ Yuuda mba nɛ Yeruzalɛm:
«Ɩhayɩ mɩ-tɩ tɛtʋ kɩbandʋ,
Nɛ ɩtaawɛɛ nɛ iɖuu sɔɔ taa.+
4 Ɩpɛlɩ mɩ-tɩ ɛzɩ Yehowa sɔɔlʋʋ yɔ,
Nɛ ɛzɩ pɛlɩtʋ lɩzʋʋ azuluma tomnaɣ yɔɔ yɔ, pɩwɛɛ se ɩlɩzɩ azuluma mɩ-laŋa taa,+
Mɩ, Yuuda mba nɛ Yeruzalɛm taa mba,
Nɛ pɩtaala nɛ man-pana mʋ ɛzɩ miŋ yɔ
Nɛ añakɩ nɛ nɔɔyʋ fɛyɩ se ɛɖɩzɩ-yɛ,
Mɩ-lakasɩ kɩdɛkɛdɩsɩ yɔɔ.»+
5 Ɩyɔɔdɩ-tʋ Yuuda taa, nɛ isusi-tʋ Yeruzalɛm taa.
Ikoo nɛ ɩhʋlɩ nɔndɔʋ ɛjaɖɛ tɩŋa taa.+
Ɩma kubuka ɖoŋ nɛ ɩyɔɔdɩ se: «Ikpeɣli ɖama,
Nɛ ɖise nɛ ɖiwolo tɛtʋ ɖoŋ ñɩndʋ ndɩ ndɩ taa.+
6 Ɩkpazɩ yʋsaɣ* nɛ Siyɔŋ yɔɔ kiŋ.
Ɩñɩnɩ ɖɩjɔzɩyɛ, nɛ ɩtaasɩŋ,»
Mbʋ pʋyɔɔ yɔ menɖiɣni kɔnʋʋ asɛyʋʋ nɛ hayo kiŋ,+ yɔkʋʋ sɔsɔm.
Ɛlɩnɩ e-lone taa se ɛla nɛ ñɛ-ɛjaɖɛ pɩsɩ sɔɔndʋ pʋyʋ.
Ñɛ-tɛtʋ ndɩ ndɩ kaɣ pɩsʋʋ njaa, nɛ nɔɔyʋ ɛɛkaɣ wɛʋ tɩ-taa.+
9 Yehowa yɔɔdʋʋ se: «Kɩyakʋ ŋgʋ ki-wiye, wiyaʋ laŋɩyɛ* kaɣ lɩʋ,+
Awumbiya laŋa* ɖɔɖɔ kaɣ lɩʋ;
Sɔɔndʋ kaɣ kpaʋ cɔjɔnaa, nɛ pɩkaɣ ɖɩɣzʋʋ nayaa.»+
10 Peeɖe mɔyɔɔdaa se: «Hayɩ, Kɩbaɣlʋ Kɩlɩm Yehowa! Toovenim taa, ŋcɛtɩ samaɣ kanɛ+ nɛ Yeruzalɛm caɣ caɣ, nɛ ŋtɔ se: “Ɩkaɣ hiɣu laŋhɛzɩyɛ,”+ ŋgʋ laɣɖɛ wɛ ɖe-liu tɛɛ.»*
11 Alɩwaatʋ ndʋ tɩ-taa lɛ, pakaɣ heyuu samaɣ kanɛ nɛ Yeruzalɛm se:
«Helim miŋ ñɩmbʋ mbʋ pɩlɩnɩ kañɩmbusuu taa piyisi nzɩ sɩ-yɔɔ wɛ kpɛɖɛ yɔ sɩ-yɔɔ yɔ,
Pɩkaɣ mabʋ man-samaɣ pɛlɛ* yɔɔ;
Pɩɩkɔŋ se pɩfalɩ yaa pɩñalɩ.
12 Helim mbʋ pɩmakɩnɩ pi-ɖoŋ kpeekpe yɔ pɩlɩɣnɩ lona ana a-taa alɩwaatʋ ndʋ manɖʋʋ-pʋ paɣtʋ yɔ.
Lɛɛlɛɛyɔ lɛ, mankaɣ-wɛ tɔm hʋnʋʋ.
13 Ɩna! Ɛkaɣ kɔm ɛzɩ ɛsɔmɩndʋ ndʋ tɩ-taa nɛ tɛʋ yɔ,
Nɛ ɛ-kɛɛkɛɛnaa wɛ ɛzɩ helim sɔsɔm yɔ.+
Ɛ-kpaŋnaŋ seɣ lɛɛ lɛɛ nɛ pɩkpaɖɩ kpeliŋ.*+
Pɩtɔɔ-ɖʋ, mbʋ pʋyɔɔ yɔ pɔkɔnɩ asɛyʋʋ ɖɔ-yɔɔ!
14 Oo Yeruzalɛm, ñalɩ ña-laŋɩyɛ taa kañatʋ lakasɩ nɛ ɖɩwɛɛ kele kele, nɛ pɩsa nɛ paya ña-ñʋʋ.+
Ŋwɛɣ nɛ ŋmaɣzɩɣ lɩmaɣza kɩdɛkɛda nɛ pɩkɔɔ nɛ pɩsɩɩnɩ ɖooye?
15 Mbʋ pʋyɔɔ yɔ nɔɔ nakɛyɛ susuu tɔm nɛ ɖooo Daanɩ,+
Nɛ kosusuu asɛyʋʋ tɔm nɛ ɖooo Efrayim pʋŋ taa.
16 Ɩkɛdɩ-tʋ, ɛɛɛ, ɩkɛdɩ-tʋ ajɛɛ;
Isusi-tʋ Yeruzalɛm.»
«Sɔɔjanaa mba pɛkɛ ɖaŋɩyaa yɔ* palɩnɩ ɖooo poliŋ ɛjaɖɛ taa nɛ pɔkɔŋ,
Nɛ pakaɣ kou ɖoŋ Yuuda tɛtʋ ndɩ ndɩ yɔɔ.
17 Pɔkɔŋ kɩ-wayɩ hɔɔlɩŋ kpeekpe taa ɛzɩ hayɩm yɔɔ ɖaŋɩyaa yɔ,+
Mbʋ pʋyɔɔ yɔ kɩkaɖɩnɩ-m,»+ Yehowa yɔɔdʋʋna.
18 «Pakaɣ-ŋ hɛyʋʋ ña-maɣmaɣ ña-nʋmɔŋ nɛ ña-lakasɩ yɔɔ.+
Asɛyʋʋ ŋgʋ kɩkɔŋ ñɔ-yɔɔ yɔ, kɩwɛ siziŋ siŋŋ!
Mbʋ pʋyɔɔ yɔ kɩtalɩɣ ɖooo ña-laŋɩyɛ taa!»
19 Hayɩ, manɩɣ wɩzasɩ siŋŋ,* manɩɣ wɩzasɩ siŋŋ!
Manɩɣ siziŋ sɔsɔŋ ɖooo ma-laŋɩyɛ taa.*
Ma-laŋɩyɛ maɣ man-taa.
20 Pɛkɛdɩɣ se asɛyɩŋ lakɩ nɛ ɩtɩŋɩɣ ɖama wayɩ,
Mbʋ pʋyɔɔ yɔ paɖɩzɩ ɛjaɖɛ kpeekpe.
Paɖɩzɩ ma-maɣmaɣ men-kizinzikiŋ tuda,
Men-kizinzikiŋ pɩsaŋ, alɩwaatʋ kʋɖʋmtʋ taa.+
21 Mankaɣ wɛʋ nɛ manaɣ yʋsaɣ* nɛ pɩsɩɩnɩ ɖooye?
Mankaɣ wɛʋ nɛ manɩɣ nɔndɔʋ taŋ nɛ pɩsɩɩnɩ ɖooye?+
22 «Mbʋ pʋyɔɔ yɔ mɛ-ɛyaa kɛ kɩmɛlɛmɩŋ;+
Pa-paa fɛyɩnɩ-m.
Pɛkɛ piya* kɩmɛlɛmɩŋ, pɛfɛyɩnɩ tɔm taa nɩʋ lɛɣtʋ.
Ye pɩkɛ kɩdɛkɛdɩm labʋ yɔ, pɛwɛ lɛɣtʋ* pɩdɩɩfɛyɩ;
Ɛlɛ paasɩŋ ɛzɩma pala kɩbandʋ yɔ.»
23 Mɔncɔnɩ ɛjaɖɛ lɛ, mana se ɖɩwɛ kpɛɖɛ nɛ ɖɩpɩsɩ njɛyɛ.+
Mɔncɔnɩ ɛsɔdaa, nɛ ɛsɔdaa ñalɩmɩyɛ tɩtasɩ wɛʋ.+
24 Mɔncɔnɩ pʋŋ lɛ, mana se ɩwɛɛ nɛ ɩñamsɩɣ,
Nɛ piyisi wɛɛ nɛ siseliɣ.+
25 Mɔncɔnaa lɛ, ɛyʋ nɔɔyʋ fɛyɩ,
Nɛ ɛsɔdaa sumasɩ tɩŋa sewa.+
26 Mɔncɔnaa lɛ, tɩŋ pee hayɩm kaapɩsɩ kañɩmbusuu,
Nɛ paayɔkɩ pɩ-tɛtʋ ndɩ ndɩ tɩŋa.+
Yehowa yɔɔ pɩlabɩ mbʋ,
Ɛ-pana sɔsɔna yɔɔ.
27 Mbʋ pʋyɔɔ yɔ tɔm tʋnɛ Yehowa yɔɔdʋʋ: «Ɛjaɖɛ nɖɩ ɖɩ-tɩŋa ɖɩkaɣ pɩsʋʋ njɛyɛ,+
Ɛlɛ maakaɣ-ɖɩ ɖɩzʋʋ caɣ caɣ.
Mbʋ pʋyɔɔ yɔ mbʋ mɔyɔɔdaa, lɩmaɣza ana mankpaɣaa,
Nɛ maakaɣ lɛɣzʋʋ ma-lɩmaɣza,* nɛ maakaɣ pɩsʋʋ nɛ wayɩ ɖɔɖɔ.+
29 Alɩwaatʋ ndʋ panɩɣ kpaŋnaŋ yɔɔ caɣyaa nɛ tɔŋ tɔyaa kɔkɔɖɛ taŋ yɔ,
Tɛtʋ kpeekpe seɣ.+
Pasʋʋ hɔtʋ tɛɛ,
Nɛ pakpaɣ kaaŋ yɔɔ.+
Peyeki tɛtʋ ndɩ ndɩ tɩŋa kpɛɖɛ,
Nɛ nɔɔyʋ fɛyɩ tɩ-taa.»
30 Lɛɛlɛɛyɔ pɔyɔkɩ-ŋ yɔ, ɛbɛ ŋkaɣ labʋ?
Ŋtiisuu wondu kɩsɛɛmtʋ cɩɩɩ,
Ŋcanaɣ ña-tɩ nɛ sika ajana wondu,
Nɛ ŋɖʋʋ ñɛ-ɛsa ciyaʋ kɩkpɛdʋʋ se pɩna-yɛ camɩyɛ.
Ɛlɛ falaa yem ŋcanɩ ña-tɩ,+
Mbʋ pʋyɔɔ yɔ, mba paawɛnɩ kʋzʋʋ kɔɖɛyɩ ñɔ-yɔɔ yɔ pɔlɔ-ŋ;
31 Mbʋ pʋyɔɔ yɔ manɩ nɔɔ nakɛyɛ taŋ, kɛwɛ ɛzɩ halʋ weyi pɩwɩɣ-ɩ yɔ ɛ-nɔɔ yɔ,
Manɩ siziŋ nɩʋ taŋ, pɩwɛ ɛzɩ halʋ weyi eɖiɣni lʋlʋʋ ɛ-kajalaɣ pɩɣa yɔ e-siziŋ nɩʋ yɔ,
Siyɔŋ pɛlɛ weyi ɛwɛɛ nɛ efeziɣ kaɖɛ nɛ kaɖɛ yɔ, ɛ-nɔɔ taŋ.
Eposi ɛ-nandasɩ+ nɛ ɛtɔŋ se:
«Pɩtɔɔ-m, mbʋ pʋyɔɔ yɔ ɛyaa kʋyaa yeba nɛ pɩnɩ-m!»*
5 Ɩcɔɔ Yeruzalɛm habɛɛ yɔɔ.
Ɩcɔnɩ kpɛɛɛ nɛ ɩyʋsɩ.
Ɩñɩnɩ kɩ-samaɣ kadasɩ taa nɛ ɩna
Se ɩpɩzɩɣ nɛ ɩna ɛyʋ nɔɔyʋ se ɛlakɩ siɣsiɣ lakasɩ na,+
Weyi ɛñɩnɩɣ se ɛwɛɛ siɣsiɣ yɔ,
Ðɩnɛ ɛlɛ mankaɣ-kʋ kpeɣu.
2 Paa pɔyɔɔdʋʋ se: «Yehowa ñɩtʋʋ nɛ ɛwɛɛ wezuu yɔ!»
Ndʋ poɖuki nɛ pɔyɔɔdʋʋ yɔ tɩkɛ cɛtɩm.+
3 Oo Yehowa, ɛzɩ pɩtɩkɛ siɣsiɣ wɛtʋ ñɛ-ɛsa ñɩnɩɣ yaa we?+
4 Ɛlɛ meheyi man-tɩ se: «Pɩtʋʋ fɛyɩ se panɛ pɛkɛɣnɩ mba pa-hɩla tɩsɛɛ yɔ.
Palakɩ kɩmɛlɛndʋ lakasɩ, mbʋ pʋyɔɔ yɔ patɩtɩlɩ Yehowa nʋmɔʋ,
Patɩtɩlɩ pɛ-Ɛsɔ tɔm hʋʋ paɣtʋ.
5 Mankaɣ wobu ɛyaa mba pa-hɩla sɛwa yɔ pɔ-cɔlɔ nɛ mɔyɔɔdɩnɩ-wɛ,
Mbʋ pʋyɔɔ yɔ, pɩtʋʋ fɛyɩ se pasɩm Yehowa nʋmɔʋ,
Pasɩm pɛ-Ɛsɔ tɔm hʋʋ.+
Ɛlɛ pa-tɩŋa pɛpɛlɩ sʋʋtʋ ɖaʋ
Nɛ pɛcɛ nimasɩ.»*
6 Pʋyɔɔ laʋ tɛɛ mʋʋzʋʋ kʋyʋʋ pɔ-yɔɔ,
Ñɩtʋ taa haɣ* ŋga kɛwɛ kañɩmbusuu kɛdɛɛnzɩ taa yɔ, kɛwɛɣ nɛ kapʋʋtʋʋ-wɛ,
Kpou pabɩɣ pɛ-tɛtʋ ndɩ ndɩ cɔlɔ.
Weyi ɛlɩɣnɩ tɩ-taa yɔ, pɩcɩyɩɣ-ɩ nanʋʋ nanʋʋ.
Mbʋ pʋyɔɔ yɔ pa-kɩwɛɛkɩm ɖɔwa;
Pa-lakasɩ nzɩ sɩfɛyɩ siɣsiɣ yɔ sɩɖɔwa pɩdɩɩfɛyɩ.+
7 Ɛzɩma manpɩzɩɣ nɛ menkpeɣ-ŋ pʋnɛ pɩ-yɔɔ?
Ña-pɩyalaa lɔ-m,
Nɛ poɖukini mbʋ pɩtɩkɛ Ɛsɔ yɔ.+
Mɔncɔnɩ pa-kɩcɛyɩm ɖeɖe,
Ɛlɛ pɛwɛɛ nɛ palakɩ acɛyɛ,
Nɛ pɔlɔtʋʋ nɛ powoki hayitu laɖʋ ɖɩɣa taa.
8 Pɛwɛ ɛzɩ kpaŋnaŋ weyi kʋzʋʋ lakɩ-ɩ liu siŋŋ yɔ,
Paa weyi ewiɣ ɛzɩ kpaŋnʋ yɔ nɛ ɛtaŋ abalʋ lɛlʋ halʋ.+
9 «Pɩtɩpɔzɩ se mɔnpɔzɩ-wɛ akɔnta lakasɩ nzɩ sɩ-yɔɔ yaa we?
Pɩtɩpɔzɩ se mankpa kɩmɩyɛ* ɛjaɖɛ nɖɩ ɖɩlakɩ lakasɩ nzɩ yɔ yaa we?»+ Yehowa yɔɔdʋʋna.
10 «Ɩkpa ki-viiñi hayɩm mbʋ pɩwɛ pʋŋ kpɛnzɩ yɔɔ yɔ pɩ-wayɩ nɛ ɩwɛɛkɩ-pʋ
Ɛlɛ ɩtaaɖɩzɩ-pʋ caɣ caɣ.+
Ɩsɛtɩ ki-pilinzi nzɩ siɖiɣni yɛzʋʋ yɔ,
Mbʋ pʋyɔɔ yɔ pɩtɩkɛ Yehowa tɩnɩ-sɩ.
11 Mbʋ pʋyɔɔ yɔ Izrayɛɛlɩ ɖɩɣa nɛ Yuuda ɖɩɣa
Palabɩ-m pɩ-tɛɛ nɛ pɩ-yɔɔ lakasɩ siŋŋ,» Yehowa yɔɔdʋʋna.+
12 «Pekizi Yehowa, nɛ pɛwɛɛ nɛ pɔyɔɔdʋʋ se:
Asɛyʋʋ nakʋyʋ ɛɛkaɣ-ɖʋ talʋʋ;
Ðɩɩkaɣ naʋ laɣɖɛ yaa ñɔɔsɩ.”+
13 Helim su nayaa taa ɖo,
Nɛ tɔm* fɛyɩ pa-taa.
Iyele nɛ pʋnɛ pɩtalɩ-wɛ!»
14 Pʋyɔɔ lɛ tɔm tʋnɛ Yehowa, yoyaa tɛ Ɛsɔ yɔɔdʋʋ:
«Ɛzɩma ɛyaa panɛ pɛwɛɛ nɛ pɔyɔɔdʋʋ tɔm tʋnɛ yɔ pʋyɔɔ lɛ,
Na, menɖiɣni labʋ se mɔn-tɔm ɛpɩsɩ miŋ ñɔ-nɔɔ taa,+
Nɛ samaɣ kanɛ kɛkɛ ɖasɩ,
Nɛ miŋ ɛnɩ, ɩkaɣ-wɛ ñaɣʋ.»+
15 «Ɩna, menɖiɣni kɔnʋʋ ɖooo poliŋ ɛjaɖɛ naɖɩyɛ mɩ-wayɩ, Oo Izrayɛɛlɩ ɖɩɣa,+
Pɩkɛ ɛjaɖɛ nɖɩ ɖɩɩwɛ ɖooo lɔŋ yɔ.
Pɩkɛ ɖooo caanaʋ taa ɛjaɖɛ.
Ɛjaɖɛ nɖɩ ŋŋsɩŋ ɖɩ-kʋnʋŋ yɔ,
Nɛ nɖɩ ŋŋpɩzɩɣ nɛ ŋnɩɩ ɖɩ-yɔɔdaɣ yɔ,+ Yehowa yɔɔdʋʋna.
16 Pɔ-kɔɔka wɛ ɛzɩ pɩlaʋ ŋgʋ kɩ-yɔɔ kulaa yɔ;
Pa-tɩŋa payɩ pɛkɛ sɔdɩŋ.
17 Pakaɣ tɔɔʋ ña-kʋmtʋ nɛ ñɔ-tɔɔnaɣ.*+
Pakaɣ tɔɔʋ ña-pɩyalaa nɛ ñɛ-pɛlaa.
Pakaɣ tɔɔʋ ñe-heŋ nɛ ña-naŋ.
Pakaɣ tɔɔʋ ñe-viiñi nɛ ñe-fiigi tɩŋ.
Pakaɣ ɖɩzʋʋ nɛ laɣɖɛ ñɛ-tɛtʋ ɖoŋ ñɩndʋ ndɩ ndɩ ndʋ ŋtaɣ-tʋ liu yɔ.»
18 «Ɛlɛ halɩ kɩyakɩŋ ɛnɩ ɩ-taa, maakaɣ-mɩ ɖɩzʋʋ caɣ caɣ,+ Yehowa yɔɔdʋʋna. 19 Nɛ ye pɔpɔzaa se: “Ɛbɛ yɔɔ ɖɛ-Ɛsɔ Yehowa labɩ-ɖʋ pɩtɩŋa payɩ mbʋ yɔ?” lɛ, pɩwɛɛ se ŋcosi-wɛ se: “Ɛzɩ ɩlɔʋ-m nɛ ɩsɛɛ agbaaɣdaa ɛsɔ mɩ-ɛjaɖɛ taa yɔ, mbʋ ɖɔɖɔ ɩkaɣ lɩm ɖʋʋ agbaaɣdaa mba, ɛjaɖɛ nɖɩ ɖɩtɩkɛ mɩ-ñɩnɖɛ yɔ ɖɩ-taa.”»+
20 Ɩyɔɔdɩ tɔm tʋnɛ Yakɔɔb ɖɩɣa taa,
Nɛ isusi-tʋ Yuuda taa nɛ ɩyɔɔdɩ se:
21 «Nɩɩ tɔm tʋnɛ, ña weyi ŋkɛ samaɣ kɩmɛlɛŋ nɛ ŋga kɛfɛyɩ lɔŋ yɔ:*+
22 “Iiseɣ-m sɔɔndʋ na?
Pɩtɩpɔzɩ se iseli mɛ-ɛsɩndaa yaa we?
Masɩnɩ kañɩŋa se kɛkɛ teŋgu kamaɣ,
Tamtam paɣtʋ ndʋ tɩ-yɔɔ kɩɩpɩzɩɣ nɛ kɩmaa yɔ.
Paa kɩ-lɩm hola ɩkʋyʋʋ nɛ akpaɣ nɛ atiki yɔ, aapɩzɩɣ nɛ awa;
Paa atiliɣ yɔ, aapɩzɩɣ nɛ atɛzɩ kamaɣ ŋga,”+ Yehowa yɔɔdʋʋna.
23 Ɛlɛ samaɣ kanɛ kɛwɛnɩ laŋɩyɛ nɖɩ ɖɩwɛ ɖoŋ nɛ ɖɩɩñaŋ yɔ;
Pɛkɛzɩ pa-tɩ nɛ hɔɔlʋʋ nɛ pakpaɣ pa-maɣmaɣ pa-nʋmɔʋ.+
24 Nɛ paayɔɔdʋʋ pa-laŋɩyɛ taa se:
‘Lɛɛlɛɛyɔ lɛ, iyele nɛ ɖise ɖɛ-Ɛsɔ Yehowa sɔɔndʋ,
Ɛnʋ weyi ɛhaɣ-ɖʋ tɛʋ kɩ-alɩwaatʋ yɔɔ yɔ,
Kajalaɣ tɛŋ* nɛ wayɩ wayɩ tɛŋ,*
Ɛnʋ weyi ɛkandɩyɩɣ kpɩtaŋ weyi ɛɖʋwa se ɖɩkʋŋ tɔɔnaɣ yɔ ɩ-yɔɔ yɔ.’+
25 Mɩ-maɣmaɣ mɩ-kɩdɛkɛdɩm yebina se ɩtaawɛɛnɩ wazasɩ sɩnɛ;
Mɩ-maɣmaɣ mɩ-kɩwɛɛkɩm yebina se ɩtaawɛɛnɩ mbʋ pɩkɛ kɩbam yɔ.+
26 Mbʋ pʋyɔɔ yɔ ɛyaa kañatʋ tɩnaa wɛ man-samaɣ taa.
Pɛwɛɛ nɛ pɔcɔŋnɩ cuɖuɖu, ɛzɩ sumasɩ kpayaa pabʋʋ se pakpa sumasɩ yɔ.
Pañɩkɩ kpaca ŋgʋ kɩkɔŋnɩ sɩm yɔ.
Ɛyaa pakpaɣ.
27 Ɛzɩ sumasɩ ɖaŋ ŋgʋ sumasɩ su kɩ-taa yɔ,
Mbʋ cɛtɩm su pa-ɖɩsɩ taa.+
Mbʋ yebina nɛ papɩsɩ ɖoŋ tɩnaa nɛ ñɩm tɩnaa.
28 Paɖʋ num nɛ pɔ-yɔɔ lɛzɩ lɛzɛ lɛzɛ;
Kɩdɛkɛdɩm su pa-taa nɛ pɩwadɩɣ.
Pɩsa nɛ piɖeni-wɛ lɛ,
Paalʋkɩ weyi ɛfɛyɩnɩ caa yɔ ɛ-yɔɔ tɔm hʋʋ taa;+
Nɛ pekiziɣ kʋñɔndɩnaa tɔm hʋʋ siɣsiɣ.”»+
29 «Pɩtɩpɔzɩ se mɔnpɔzɩ-wɛ akɔnta lakasɩ nzɩ sɩ-yɔɔ yaa we?
Pɩtɩpɔzɩ se mankpa kɩmɩyɛ* ɛjaɖɛ nɖɩ ɖɩlakɩ lakasɩ nzɩ yɔ yaa we? Yehowa yɔɔdʋʋna.
30 Sɔɔndʋ nɛ kʋzɔɔtʋ pʋyʋ labɩ ɛjaɖɛ taa.
31 Nayaa yɔɔdʋʋ natʋ tɔm ndʋ tɩkɛ cɛtɩm yɔ,+
Nɛ cɔjɔnaa lakɩnɩ po-ɖoŋ tʋmɩyɛ nɛ pɔtɔkɩ kewiyitu lalaa yɔɔ.
Nɛ ma-maɣmaɣ man-samaɣ sɔɔlaa se pɩwɛɛ mbʋ.+
Ɛlɛ ɛbɛ ɩkaɣ labʋ alɩwaatʋ ndʋ tɛmtʋ kɔŋ yɔ?»
6 Oo Bɛnjamɛɛ pɩyalaa, ɩcɔzɩ lone nɖɩ ɖiposini Yeruzalɛm yɔ ɖɩ-taa.
Mbʋ pʋyɔɔ yɔ kʋñɔŋ lɩnɩ hayo kiŋ nɛ kɩkɔŋ, asɛyʋʋ sɔsɔʋ kpem.+
2 Siyɔŋ pɛlɛ nɩɣzɩnɩ halʋ weyi eɖewa nɛ ɛwɛɛ nɛkɛ nɛkɛ yɔ.+
3 Ninɖiɣyaa nɛ pa-kpɩna tindima pakaɣ kɔm.
Pakaɣ siɣu pe-kizinzikiŋ nɛ pɩcɔɔ-ɩ nɛ pɩta,+
Paa weyi eɖiyiɣ kpɩna wena ɛcɔŋnɩ a-yɔɔ yɔ nɛ atɔkɩ ñɩtʋ.+
4 «Ɩñɔɔzɩ mɩ-tɩ* nɛ iyooni-i!
Ɩkʋyɩ nɛ ɖiyooni-i wɩsɩ siɣu alɩwaatʋ taa!»
«Pɩtɔɔ-ɖʋ, mbʋ pʋyɔɔ yɔ evemiye ɖiɣni tɛm,
Mbʋ pʋyɔɔ yɔ hadɛ ɖiɣni lɛdʋʋ!»
5 «Ɩkʋyɩ nɛ ɖiyooni-i ɖoo taa
Nɛ ɖɩɖɩzɩ e-tilima ɖoŋ ñɩna.»+
6 Mbʋ pʋyɔɔ yɔ tɔm tʋnɛ yoyaa tɛ Yehowa yɔɔdʋʋ:
«Ɩsɛtɩ ɖasɩ nɛ isiɣ you wondu nɛ pɩcɔɔ Yeruzalɛm nɛ pɩta.+
Kɩkɛ tɛtʋ ndʋ pɩwɛɛ se pɔpɔzɩ-tʋ akɔnta yɔ;
Nazɩm ɖeke wɛnɩ kɩ-taa.+
7 Ɛzɩ lɔkɔ* yekuu nɛ kɩ-lɩm niɣdiɣ tam yɔ,
Mbʋ ɖɔɖɔ Yeruzalɛm yeki nɛ kɩ-kañatʋ lakasɩ niɣdiɣ tam.
Panɩ puuyaɣ lakasɩ nɛ ɖɩzʋʋ taŋ kɩ-taa;+
Kʋdɔŋ nɛ asɛyʋʋ pɛwɛ mɛ-ɛsɩndaa tam.
8 Oo Yeruzalɛm, yele nɛ papaɣ-ŋ, pɩtɩkɛ mbʋ yɔ ŋkaɣ-m caɣʋ kiniŋ* nɛ mɔlɔ-ŋ;+
Mankaɣ yebu nɛ ŋpɩsɩ njɛyɛ, ɛjaɖɛ nɖɩ ɖɩ-taa nɔɔyʋ fɛyɩ yɔ.»+
9 Tɔm tʋnɛ yoyaa tɛ Yehowa yɔɔdʋʋ:
«Pakaɣ cazʋʋ tete Izrayɛɛlɩ ɛyaa mba pɩkazaa yɔ ɛzɩ pacazʋʋ kɛdɛzaɣ pee viiñi tɩʋ yɔɔ yɔ.
Ðaɣnɩ ñe-nesi sezuu ɛzɩ weyi eɖiɣni koyuu pee viiñi tɩŋ yɔɔ yɔ.»
10 «Anɩ pɩwɛɛ se mɔyɔɔdɩna nɛ manpaɣ-ɩ?
Akaɣ welisuu?
Ɩna! Pa-nɩŋgbaaŋ ɖɩɣaa,* nɛ paapɩzɩɣ se pewelisi.+
Ɩna! Yehowa tɔm pɩsɩ mbʋ peniŋ yɔ;+
Pa-taa ɛɛlakɩ-tʋ nɛ leleŋ paa ññɩɩ.
11 Pʋyɔɔ Yehowa pana su man-taa,
Nɛ pɩnɩ-m nɛ a-ɖɔkʋʋ.»+
«Pɩyɩ-yɛ pɩɣa ŋga kɛwɛ habɩyɛ yɔɔ yɔ kɔ-yɔɔ,+
Evebiya tindima wena akpeɣlaa yɔ a-yɔɔ.
12 Pakaɣ pa-ɖɩsɩ kpaɣʋ nɛ pɛcɛlɩ lalaa,
Pɩkpɛndɩnɩ pa-hayɩm nɛ pa-halaa.+
Mbʋ pʋyɔɔ yɔ mankaɣ sezuu me-nesi ɛjaɖɛ ɖɩnɛ ɖɩ-taa mba yɔɔ,» Yehowa yɔɔdʋʋna.
13 «Mbʋ pʋyɔɔ yɔ kpaɣnɩ weyi pɩtɔyɩnaa yɔ nɛ piwolo weyi ɛkpaɖaa yɔ, paa weyi ɛwɛɛ nɛ ɛñɩnɩɣ mulum kɛzɛɣa;+
Kpaɣnɩ nayʋ nɛ piwolo cɔjɔ, paa weyi ɛwɛɛ nɛ ɛlakɩ mulum lakasɩ.+
14 Nɛ pañakɩ pana se pawaa ɖenɖe pɩpɛlɩ man-samaɣ yɔ* pɩ-yɔɔ pɩ-yɔɔ yem nɛ pɔtɔŋ se:
“Laŋhɛzɩyɛ wɛɛ! Laŋhɛzɩyɛ wɛɛ!”
Ŋgʋ laŋhɛzɩyɛ naɖɩyɛ fɛyɩ.+
15 Ɛzɩ fɛyɛ kpaɣ-wɛ nɛ lakasɩ kɩdɛkɛdɩsɩ nzɩ palaba yɔ?
Fɛyɛ ɛɛkpaɣ-wɛ paa ññɩɩ!
Halɩ paasɩŋ ɛzɩma fɛyɛ kpaɣ ɛyʋ yɔ!+
Pʋyɔɔ lɛ, pakaɣ tɔlʋʋ mba pɔtɔlaa yɔ pɛ-hɛkʋ taa.
Alɩwaatʋ ndʋ mɔnkɔŋnɩ nɩŋgbaŋʋʋ hɔm pɔ-yɔɔ yɔ, pɩkaɣ-wɛ tuuluu,» Yehowa yɔɔdʋʋna.
16 Tɔm tʋnɛ Yehowa yɔɔdʋʋ:
«Ɩsɩŋ habɛɛ ɖɩgbɛndɩyɛ taa nɛ ɩna.
Ɩpɔzɩ caanaʋ taa habɛɛ yɔɔ,
Ɩpɔzɩ nɛ ɩna ɖenɖe nʋmɔʋ kɩbaŋʋ wɛɛ yɔ, nɛ ɩɖɔ kɩ-taa,+
Nɛ ihiɣ mɩ-tɩ hɛzɩyɛ.»*
Ɛlɛ pɔyɔɔdʋʋ se: «Ðɩɩkaɣ ɖɔm kɩ-taa.»+
17 «Nɛ malɩzɩ feŋiyaa+ nɛ pɔyɔɔdɩ se:
“Ikemsi nɔndɔʋ hʋlʋʋ taŋ!”»+
Ɛlɛ pɔyɔɔdɩ se: «Ðɩɩkaɣ kemsuu.»+
18 «Pʋyɔɔ lɛ, mɩ ajɛɛ, iwelisi!
Nɛ ña samaɣ, tɩlɩ
Mbʋ pɩkaɣ-wɛ talʋʋ yɔ.
19 Oo tɛtʋ, welisi!
Menɖiɣni kɔnʋʋ asɛyʋʋ samaɣ kanɛ kɔ-yɔɔ+
Nɛ pɩkɛ mbʋ pa-maɣmaɣ paɖʋwa se palakɩ yɔ pɩ-kɛzɛɣa,
Mbʋ pʋyɔɔ yɔ patiwelisi mɔn-tɔm paa ññɩɩ
Nɛ pɔlɔ man-paɣtʋ.»*
20 «Ɛzɩ man-paa wɛnɩ tɩlaaɖɩ kʋhʋlʋmʋʋ ŋgʋ ŋkɔŋnɩ-m nɛ Seeba
Nɛ sɔzɩŋ kañɩŋgbayaɣ ŋga ŋkɔŋnɩ-m nɛ poliŋ ɛjaɖɛ taa yɔ?
Maamʋʋ mɩ-kɩlaŋ kɩñaɣzɩŋ,
Nɛ mɩ-kɩlaŋ ɩɩkɛdɩɣnɩ-m.»+
21 Pʋyɔɔ lɛ, tɔm tʋnɛ Yehowa yɔɔdʋʋ:
«Ɩna, menɖiɣni sɩʋ mbʋ pituuluu yɔ samaɣ kanɛ kɛ-ɛsɩndaa,
Nɛ pɩkaɣ-kɛ tuuluu,
Pɩkpɛndɩɣ nɛ pituuli caanaa nɛ pa-pɩyalaa,
Pɩ-cɔlɔ tʋ nɛ ɛ-taabalʋ,
Nɛ pa-tɩŋa pakaɣ ɖɩm.»+
22 Tɔm tʋnɛ Yehowa yɔɔdʋʋ:
«Ɩna! Samaɣ nakɛyɛ lɩnɩ hayo kiŋ ɛjaɖɛ taa nɛ kɔkɔŋ,
Nɛ ɛjaɖɛ sɔsɔɖɛ naɖɩyɛ kaɣ fem nɛ tɛtʋ hɔɔlɩŋ weyi ɩkɩlɩ posuu yɔ ɩ-taa.+
23 Pakaɣ ɖɔkʋʋ tɔʋ nɛ kɩgbɛzɛŋ tobi ñɩŋgʋ.
Pɛwɛ kañatʋ nɛ paakaɣ naʋ pʋtɔdɩyɛ.
Pɔ-nɔsɩ kaɣ tiluu ɛzɩ teŋgu yɔ,
Nɛ pacakɩ kpaŋnaŋ yɔɔ.+
Pɔñɔɔzʋʋ pa-tɩ nɛ palɩɩ ɛzɩ you laɖʋ yɔ se poyooni-ŋ, Oo Siyɔŋ pɛlɛ.»
24 Ðɩnɩ pɩ-tɔm.
Ðe-nesi tibi yɔbɩ;+
Ðɩwɛ siziŋ nɩʋ taa siŋŋ,
Ðɩnɩɣ wɩzasɩ* nzɩ yɔ, sɩwɛ ɛzɩ halʋ weyi eɖiɣni lʋlʋʋ yɔ ɛ-wɩzasɩ yɔ.+
25 Ɩtaalɩɩ nɛ iwolo hayɩm taa,
Nɛ ɩtaaɖɔ habɩyɛ yɔɔ,
Mbʋ pʋyɔɔ yɔ koyindu wɛnɩ laɣɖɛ;
Sɔɔndʋ wɛ paa le.
26 Oo man-samaɣ pɛlɛ,
Suu fɔlɔtɔ+ nɛ ŋpilimi tɔlɩma taa.
Caɣ kʋñɔwiye ɛzɩ ɛyʋ weyi ɛ-pɩyalʋ ɛgbamɩyɛ sɩba yɔ, nɛ ŋwii siŋŋ,+
Mbʋ pʋyɔɔ yɔ ɖɩzɩyʋ kaɣ kɔm ɖa-wayɩ tuda.+
27 «Manpɩsɩ-ŋ* weyi ɛtakɩɣ ñɩɣtʋ se ɛtɩlɩ tɩ-wɛtʋ yɔ man-samaɣ taa,
Weyi ɛñɩnɩɣ tete yɔ;
Pɩwɛɛ se ŋyʋsɩ pa-nʋmɔʋ nɛ ŋtazɩ kɩ-taa.
Pɛwɛ ɛzɩ ñɩɣyʋʋ kɩsɛɛmʋʋ nɛ ñɩɣyʋʋ yɔ;
Pa-tɩŋa pa-lakasɩ fɛyɩ ɖeu.
29 Miŋ ko fɛtɩyɩŋ.
Pʋlɔŋ ñɩɣyʋʋ ɖeke lɩɣnɩ miŋ taa.
Pɛwɛ yolusuu yɔɔ siŋŋ se palɩzɩ azuluma, ɛlɛ kpɛɖɛ;+
Nɛ mba pɛkɛ kɩdɛkɛdaa yɔ, pɩtɩlɩzɩ-wɛ nɛ hɔɔlʋʋ.+
30 Pɩtʋʋ fɛyɩ se ɛyaa kaɣ-wɛ yaʋ se liidiye nɖɩ pɔlɔ-ɖɩ yɔ,
Mbʋ pʋyɔɔ yɔ Yehowa lɔ-wɛ.»+
7 Tɔm ndʋ tɩlɩnɩ Yehowa cɔlɔ nɛ tɩtalɩ Yereemii yɔ, ndʋ yɔ: 2 «Sɩŋ Yehowa ɖɩɣa nɔnɔɔ taa nɛ ŋsusi tɔm tʋnɛ peeɖe: “Mɩ Yuuda mba tɩŋa, mɩ mba ɩsʋʋnɩ nɔnɔsɩ sɩnɛ se iluŋ Yehowa tɛɛ yɔ, ɩnɩɩ Yehowa tɔm. 3 Tɔm tʋnɛ yoyaa tɛ Yehowa, Izrayɛɛlɩ tɛ Ɛsɔ yɔɔdʋʋ: ‘Ɩñɔɔzɩ mɩ-ɖɔnɛ nɛ mɩ-lakasɩ, nɛ mankaɣ-mɩ haʋ waɖɛ se iwolo pɩ-yɔɔ nɛ ɩcaɣ lone ɖɩnɛ ɖɩ-taa.+ 4 Ɩtaaɖʋ mi-lidaʋ cɛtɩm tɔm yɔɔ nɛ ɩtɔŋ se: “Yehowa templo yɔ,* Yehowa templo, Yehowa templo!”+ 5 Mbʋ pʋyɔɔ yɔ ye toovenim taa ɩñɔɔzɩ mɩ-ɖɔnɛ nɛ mɩ-lakasɩ yɔ; ye toovenim taa ɩñɔnɩ siɣsiɣ wɛtʋ alɩwaatʋ ndʋ tɔm kɔŋ ɛyʋ nɛ e-koobu pɛ-hɛkʋ taa yɔ;+ 6 ye ɩɩnazɩɣ agɔma, solisi* nɛ lelaa yɔ;+ ye ɩɩkpɛdɩɣ calɩm ɖulum lone ɖɩnɛ ɖɩ-taa yɔ; nɛ ye ɩɩtɩŋɩɣ ɛsɔnaa lalaa se pɩkɔnɩ mɩ-maɣmaɣ kaɖɛ yɔ;+ 7 ɖɩnɛ ɛlɛ mankaɣ-mɩ haʋ waɖɛ se iwolo pɩ-yɔɔ nɛ ɩcaɣ lone ɖɩnɛ ɖɩ-taa, ɛjaɖɛ nɖɩ maha mɩ-cɔzɔnaa se pɩkɛ pa-pʋyʋ tam* yɔ ɖɩ-taa.’”»
8 «Ɛlɛ ɩwɛɛ nɛ ɩɖʋʋ mi-lidaʋ cɛtɩm tɔm yɔɔ;+ pɩɩkaɣ-mɩ kɔnʋʋ kɛzɛɣa nakɛyɛ paa ññɩɩ. 9 Ɛzɩ ɩpɩzɩɣ nɛ ɩmɩlɩɣ,+ ɩkʋʋ ɛyaa, ɩlakɩ acɛyɛ, iɖuki cɛtɩm ɖuutu,+ ɩlaɣ kɩlaŋ Baalɩ,*+ nɛ ɩtɩŋɩɣ ɛsɔnaa mba ɩtaatɩlɩ-wɛ yɔ pa-wayɩ, 10 nɛ pʋwayɩ lɛ ɩkɔŋ nɛ ɩsɩŋɩɣ mɛ-ɛsɩndaa ɖɩɣa kanɛ ka-taa, ŋga kɔ-yɔɔ ma-hɩɖɛ wɛɛ yɔ nɛ ɩyɔɔdʋʋ se: “Pakaɣ ɖa-ñʋʋ yabʋ,” ŋgʋ iɖiɣni labʋ lakasɩ kɩdɛkɛdɩsɩ sɩnɛ si-kpeekpe? 11 Ɛzɩ ɖɩɣa kanɛ, ŋga kɔ-yɔɔ ma-hɩɖɛ wɛɛ yɔ, kapɩsɩ mɩlaa sɔsaa ɖɩjaɣyɛ mɩ-ɛsɩndaa?+ Ɩna, ma-maɣmaɣ mana mbʋ iɖiɣni labʋ yɔ,» Yehowa yɔɔdʋʋna.
12 «“Ɛlɛ, lɛɛlɛɛyɔ iwolo mo-lone nɖɩ ɖɩɩwɛ Siiloo yɔ ɖɩ-taa,+ ɖenɖe mancalɩ yebu nɛ ma-hɩɖɛ wɛɛ yɔ,+ nɛ ɩna mbʋ malabɩ-ɖɩ man-samaɣ Izrayɛɛlɩ lakasɩ kɩdɛkɛdɩsɩ yɔɔ yɔ.+ 13 Ɛlɛ iwobi pɩ-yɔɔ nɛ ɩlakɩ lakasɩ sɩnɛ sɩ-tɩŋa; nɛ paa mɔyɔɔdɩnɩ-mɩ nɛ mɛlɛlɩ tam sakɩyɛ yɔ,* itiwelisi.+ Mowobi pɩ-yɔɔ nɛ mayaɣ-mɩ, ɛlɛ iticosi,+ Yehowa yɔɔdʋʋna. 14 Pʋyɔɔ lɛ, ɛzɩ malabʋ Siiloo yɔ,+ mbʋ mankaɣ labʋ ɖɩɣa ŋga kɔ-yɔɔ ma-hɩɖɛ wɛɛ yɔ,+ ŋga kɔ-yɔɔ ɩɖʋʋ mi-lidaʋ yɔ,+ nɛ lone ɖɩnɛ, nɖɩ maha mɩ nɛ mɩ-cɔzɔnaa yɔ. 15 Mankaɣ-mɩ ɖɔɔnʋʋ mɛ-ɛsɩndaa, ɛzɩ maaɖɔɔnʋʋ mi-koobiya kpeekpe, Efrayim lʋlʋʋ taa mba kpeekpe yɔ.”+
16 «Piyele nɛ ña yɔ, taatɩmɩ samaɣ kanɛ kɔ-yɔɔ. Taama kubuka nɛ ŋya-m yaa taala adɩma naayɛ yaa taatendi-m pɔ-yɔɔ,+ mbʋ pʋyɔɔ yɔ maakaɣ-ŋ welisinuu.+ 17 Ŋŋnaɣ mbʋ peɖiɣni labʋ Yuuda tɛtʋ ndɩ ndɩ taa nɛ Yeruzalɛm habɛɛ yɔɔ yɔ? 18 Piya ɖiɣni kpeɣluu ɖasɩ, caanaa ɖiɣni ɖʋʋ miŋ, nɛ halaa ñeɖiɣni nuutuu mʋlʋm se pala Ɛsɔdaa Abiɖe*+ kɩlaŋ kakayɩsɩ, nɛ peɖiɣni lizuu kilizasɩ ɛsɔnaa lalaa se paɖʋ-m ɖɩwɩzɩyɛ.+ 19 “Ɛlɛ ma paɖʋʋ wɩzasɩ* na? Ɛzɩ pɩtɩkɛ pa-tɩ paɖʋʋ wɩzasɩ, se pɩkɛ pa-maɣmaɣ pɛ-fɛyɛ na?”+ Yehowa yɔɔdʋʋna. 20 Pʋyɔɔ lɛ, tɔm tʋnɛ Kɩbaɣlʋ Kɩlɩm Yehowa yɔɔdʋʋ: “Ɩna! Mankaɣ pɩyʋʋ man-pana nɛ man-ɖɩwɩzɩyɛ lone ɖɩnɛ ɖɩ-yɔɔ,+ ɛyʋ yɔɔ nɛ kpɩnɛ yɔɔ, hayɩm taa tɩŋ yɔɔ nɛ tataa pee yɔɔ; akaɣ mʋʋ miŋ nɛ paakaɣ-yɛ hɛzʋʋ.”+
21 «Tɔm tʋnɛ yoyaa tɛ Yehowa, Izrayɛɛlɩ tɛ Ɛsɔ yɔɔdʋʋ: “Iwolo, ɩkpaɣ mɩ-kɩlaŋ kɩñaɣzɩŋ nɛ ɩsɔzɩ mɩ-kɩlaŋ lɛɛŋ yɔɔ, nɛ mɩ-maɣmaɣ ɩtɔɔ ɩ-nandʋ.+ 22 Mbʋ pʋyɔɔ yɔ, kɩyakʋ ŋgʋ malɩzɩ mɩ-cɔzɔnaa Ejipiti ɛjaɖɛ taa yɔ, mantɩyɔɔdɩnɩ-wɛ yaa mantɩɖʋ-wɛ paɣtʋ kɩlaŋ kɩñaɣzɩŋ nɛ kɩlaŋ lɛɛŋ yɔɔ.+ 23 Ɛlɛ manɖʋ-wɛ paɣtʋ tʋnɛ: ‘Ɩña mɔ-nɔɔ taa tɔm, nɛ mankaɣ pɩsʋʋ mɩ-Ɛsɔ, nɛ ɩkaɣ pɩsʋʋ man-samaɣ.+ Pɩwɛɛ se ɩɖɔ nʋmɔʋ ŋgʋ manɖʋʋ-mɩ paɣtʋ se ɩɖɔ kɩ-taa yɔ kɩ-taa ɖeyi ɖeyi, se pɩsa nɛ piɖeni-mɩ.’”+ 24 Ɛlɛ patiwelisi nɛ patɩkʋ nɩŋgbaŋʋʋ;+ ɛlɛ pɔɖɔm mbʋ pa-maɣmaɣ paɖʋwa se palakɩ yɔ pɩ-yɔɔ,* palabɩ ñʋʋ taa ɖoŋ nɛ patɩŋɩɣ pa-laŋɩyɛ kɩdɛkɛdɩyɛ,+ nɛ ɖenɖe ɛzɩ paaɖɛnɩ ɛsɩndaa lɛ, papɩsɩɣnɩ wayɩ, 25 kpaɣnɩ kɩyakʋ ŋgʋ mɩ-cɔzɔnaa lɩ Ejipiti ɛjaɖɛ taa yɔ nɛ pɩkɔɔ pɩtalɩ sɔnɔ kɩyakʋ kʋnɛ.+ Pʋyɔɔ mɛwɛɛ nɛ mentiyiɣ ma-lɩmɖʋyaa mba payɩ pɛkɛ nayaa yɔ mɩ-cɔlɔ, mentiyiɣ-wɛ paa ɖooye, mentiyiɣ-wɛ nɛ mɛlɛlɩɣ tam sakɩyɛ.*+ 26 Ɛlɛ pekizi se paawelisiɣni-m, nɛ patɩkʋ nɩŋgbaŋʋʋ.+ Ɛlɛ palabɩ ñʋʋ taa ɖoŋ,* nɛ pala lakasɩ kɩdɛkɛdɩsɩ nɛ pɩkpaɖɩ pɔ-cɔzɔnaa!
27 «Ŋkaɣ-wɛ heyuu tɔm tʋnɛ tɩ-tɩŋa,+ ɛlɛ paakaɣ-ŋ welisinuu; ŋkaɣ-wɛ yaʋ, ɛlɛ paakaɣ-ŋ cosuu. 28 Nɛ ŋkaɣ-wɛ heyuu se: “Ɛjaɖɛ nɖɩ ɖitiwelisi ɖɩ-Ɛsɔ Yehowa nɔɔ nɛ ɖikizi se ɖɩɩmʋʋ lɔŋ sɩɣzʋʋ yɔ nɖɩ yɔ. Siɣsiɣ wɛtʋ mʋwaa nɛ halɩ paatɩɩyɔɔdʋʋ tɩ-tɔm pɛ-hɛkʋ taa.”*+
29 «Hʋ ñɔ-ñɔsɩ kɩɖaɣlɩsɩ* nɛ ŋlɔ-sɩ, nɛ ŋtee kʋñɔwiye hendu piyisi nzɩ sɩ-yɔɔ wɛ kpɛɖɛ yɔ sɩ-yɔɔ, mbʋ pʋyɔɔ yɔ Yehowa lɔ kpaɖʋʋ kʋnɛ, ŋgʋ kɩɖʋ-ɩ ɖɩwɩzɩyɛ yɔ, nɛ ɛkaɣ-kʋ yebu. 30 “Mbʋ pʋyɔɔ yɔ Yuuda samaɣ labɩ mbʋ pɩfɛyɩ ɖeu mɛ-ɛsɩndaa yɔ. Pasɩ pa-sɩʋ kpelisi nzɩ sɩwɛ kiniŋ yɔ ɖɩɣa ŋga kɔ-yɔɔ wɛ ma-hɩɖɛ yɔ ka-taa, se pɩsa nɛ pepisi-kɛ,+ Yehowa yɔɔdʋʋna. 31 Pama lona kʋkʋya Tofɛɛtɩ ŋgʋ kɩwɛ Hinɔɔm Pɩyalʋ Fɛɛʋ* taa+ yɔ kɩ-taa, se pɩsa nɛ pañaɣzɩ pa-pɩyalaa nɛ pɛ-pɛlaa miŋ,+ pɩkɛ mbʋ mantaapɔzɩ-wɛ se pala yɔ, nɛ halɩ pɩtaatɩɩkpaʋ ma-laŋɩyɛ taa wiɖiyi.”*+
32 «“Pʋyɔɔ lɛ, ɩna, kɩyakɩŋ ɖiɣni kɔm; nɛ paakaɣ-kʋ tasʋʋ yaʋ se Tofɛɛtɩ yaa Hinɔɔm Pɩyalʋ Fɛɛʋ* ɛlɛ Kʋgʋʋ Fɛɛʋ. Pakaɣ pim sɩɖaa Tofɛɛtɩ taa pɩkɔɔ nɛ pɩtalɩ alɩwaatʋ ndʋ pɩtɩtasɩ kazʋʋ lone naɖɩyɛ yɔ,+ Yehowa yɔɔdʋʋna. 33 Nɛ samaɣ kanɛ kɛ-ɛyaa mba pasɩba yɔ po-tomnasɩ kaɣ pɩsʋʋ ɛsɔdaa sumasɩ nɛ tɛtʋ yɔɔ kpɩna tɔɔnaɣ, nɛ nɔɔyʋ ɛɛkaɣ wɛʋ se ɛɖʋ-yɛ sɔɔndʋ nɛ ɛɖɔɔnɩ-yɛ.+ 34 Mankaɣ yebu nɛ amɛya taŋ nɛ taa leleŋ taŋ sɩɩ tɩnaɣ, mankaɣ yebu nɛ walʋ nɔɔ nɛ asɛyʋ kɩfalʋ nɔɔ pasɩɩ tɩnaɣ+ Yuuda tɛtʋ ndɩ ndɩ taa nɛ Yeruzalɛm habɛɛ yɔɔ, mbʋ pʋyɔɔ yɔ ɛjaɖɛ kaɣ pɩsʋʋ njɛyɛ.”»+
8 «Alɩwaatʋ ndʋ tɩ-taa lɛ, pakaɣ kpaɣʋ Yuuda awiya mɔɔ, ki-awumbiya mɔɔ, cɔjɔnaa mɔɔ, nayaa mɔɔ, nɛ Yeruzalɛm taa mba mɔɔ pa-pɩlaŋ taa, Yehowa yɔɔdʋʋna. 2 Pakaɣ-yɛ lem wɩsɩ nɛ fenaɣ nɛ ɛsɔdaa yoyaa* kpeekpe mba paasɔɔlaa nɛ pɛsɛɣ-wɛ nɛ patɩŋɩɣ pa-wayɩ nɛ pañɩnɩɣ-wɛ nɛ poluŋuu pɛ-tɛɛ yɔ pɛ-ɛsɩndaa.+ Paakaɣ-yɛ kpeɣluu nɛ paakaɣ-yɛ pim ɖɔɖɔ. Akaɣ pɩsʋʋ ɛzɩ huɖe yɔ tɛtʋ yɔɔ.»+
3 «Nɛ hɔʋ kɩdɛkɛdʋʋ kʋnɛ kɩ-taa ɛyaa mba pɩkazaa nɛ pehiɣ ñʋʋ yabʋ yɔ, pakaɣ lɩzʋʋ sɩm nɛ peyele wezuu, lona wena a-taa payɩ mamɩzɩɣ-wɛ yɔ a-taa,» yoyaa tɛ Yehowa yɔɔdʋʋna.
4 «Nɛ pɩwɛɛ se ŋheyi-wɛ se: “Tɔm tʋnɛ Yehowa yɔɔdʋʋ:
‘Pakaɣ tɔlʋʋ nɛ paatasɩɣ kʋyʋʋ na?
Ye ɛyʋ kʋɖʋm ɛpɩsɩɣ yɔ, lɛlʋ ɛɛkaɣ pɩsʋʋ ɖɔɖɔ yaa we?
5 Ɛbɛ yɔɔ samaɣ kanɛ, ŋga kɛwɛ Yeruzalɛm yɔ, kɛfɛyɩ siɣsiɣ nɛ kalakɩ mbʋ pɩfɛyɩ siɣsiɣ yɔ tam?
Pɔñɔnɩ cɛtɩm kpam;
Pekiziɣ se paapɩsɩɣ.+
6 Mankʋm nɩŋgbaŋʋʋ nɛ mɛwɛɛ welisuu yɔɔ, ɛlɛ ɛzɩma pɔyɔɔdaɣ yɔ pɩtaatʋʋzɩ.
Nɔɔyʋ tikpiɖi ɛ-kañatʋ lakasɩ yɔɔ yaa ɛtɩpɔzɩ ɛ-tɩ se: “Ɛbɛ malabɩ mbʋ yɔ?”+
Paa weyi ɛwɛɛ nɛ ɛlakɩ ɛzɩ ɛyaa sakɩyɛ lakʋʋ yɔ, ɛzɩ kpaŋnʋ weyi eɖiɣni seu nɛ ɛsʋʋ you taa yɔ.
7 Halɩ ɛsɔdaa alɩŋgbayʋ sɩm kɩ-alɩwaatʋ;*
Ehooye nɛ keŋge nɛ kʋdɔkɔyʋʋ* pɔɖɔŋ alɩwaatʋ ndʋ pɩwɛɛ se papɩsɩ yɔ tɩ-yɔɔ.*
Ɛlɛ ma-maɣmaɣ man-samaɣ ɛɛnɩɣ Yehowa tɔm hʋʋ tɔbʋʋ.’”+
8 “Ɛzɩma ɩpɩzɩɣ nɛ ɩyɔɔdɩ se: ‘Ðɩkɛ lɔŋsɩnɖaa, nɛ ɖɩwɛnɩ Yehowa paɣtʋ’?*
Mbʋ pʋyɔɔ yɔ, toovenim taa lɛ, takayɩsɩ mayaa* labɩnɩ tʋmɩyɛ cɛtɩm kɩmamanaʋ+ nɛ pama cɛtɩm tɔm ɖeke.
9 Fɛyɛ kpa lɔŋsɩnɖaa.+
Sɔɔndʋ kpa-wɛ nɛ pakaɣ-wɛ kpaʋ.
Ɩna! Pɔlɔ Yehowa tɔm,
Nɛ lɔŋsɩnɖɛ nɖɩ pɛwɛna?
10 Pʋyɔɔ lɛ, mankaɣ pa-halaa cɛlʋʋ abalaa lalaa,
Mankaɣ cɛlʋʋ pa-hayɩm ɛyaa lalaa nɛ pɩpɩsɩ pa-pʋyʋ;+
Mbʋ pʋyɔɔ yɔ kpaɣnɩ weyi pɩtɔyɩnaa yɔ nɛ piwolo weyi ɛkpaɖaa yɔ, paa weyi ɛwɛɛ nɛ ɛñɩnɩɣ mulum kɛzɛɣa;+
Kpaɣnɩ nayʋ nɛ piwolo cɔjɔ, paa weyi ɛwɛɛ nɛ ɛlakɩ mulum lakasɩ.+
11 Nɛ pañakɩ pana se pawaa ɖenɖe pɩpɛlɩ man-samaɣ pɛlɛ yɔ* pɩ-yɔɔ pɩ-yɔɔ yem nɛ pɔtɔŋ se:
‘Laŋhɛzɩyɛ wɛɛ! Laŋhɛzɩyɛ wɛɛ!’
Ŋgʋ laŋhɛzɩyɛ naɖɩyɛ fɛyɩ.+
12 Ɛzɩ fɛyɛ kpaɣ-wɛ nɛ lakasɩ kɩdɛkɛdɩsɩ nzɩ palaba yɔ?
Fɛyɛ ɛɛkpaɣ-wɛ paa ññɩɩ!
Halɩ paasɩŋ ɛzɩma fɛyɛ kpaɣ ɛyʋ yɔ!+
Pʋyɔɔ lɛ, pakaɣ tɔlʋʋ mba pɔtɔlaa yɔ pɛ-hɛkʋ taa.
Alɩwaatʋ ndʋ mɔnkɔŋnɩ nɩŋgbaŋʋʋ hɔm pɔ-yɔɔ yɔ, pɩkaɣ-wɛ tuuluu,”+ Yehowa yɔɔdʋʋna.
13 “Alɩwaatʋ ndʋ menkpeɣliɣ-wɛ yɔ, mankaɣ-wɛ ɖɩzʋʋ,
Pɩɩkaɣ kazʋʋ viiñi pee naayɛ viiñi tɩʋ yɔɔ, pɩɩkaɣ kazʋʋ fiigi pee naayɛ fiigi tɩʋ yɔɔ, nɛ hatʋ kaɣ lou.
Nɛ mbʋ maha-wɛ yɔ, pɩkaɣ lebu; Yehowa yɔɔdʋʋna.”»
14 «Ɛbɛ yɔɔ ɖɩcaɣ cɩnɛ?
Ðikpeɣli ɖama nɛ ɖɩsʋʋ tɛtʋ ɖoŋ ñɩndʋ ndɩ ndɩ taa+ nɛ ɖɩsɩ peeɖe.
Mbʋ pʋyɔɔ yɔ ɖɛ-Ɛsɔ Yehowa kaɣ-ɖʋ ɖɩzʋʋ,
Nɛ ɛhaɣ-ɖʋ lɩm mbʋ pɩ-taa nɛ sɔtʋ yɔ se ɖɩñɔɔ,+
Mbʋ pʋyɔɔ yɔ ɖɩyʋsɩnɩ Yehowa.
15 Ðɩɩwɛɛ nɛ ɖɩɖaŋɩɣ se laŋhɛzɩyɛ ɛkɔɔ, ɛlɛ pʋyʋ kɩbanʋ nɔɔyʋ tɩkɔɔ,
Ðɩɩwɛɛ nɛ ɖɩɖaŋɩɣ se waʋ alɩwaatʋ ɛtalɩ, ɛlɛ sɔɔndʋ sɔsɔtʋ wɛna!+
16 Panɩɣ ɛ-kpaŋnaŋ feziɣ ɖooo Daanɩ taa.
Ɛ-kpaŋnaŋ abalɩñɩŋ wiɣ lɛ,
Ɛjaɖɛ kpeekpe ñamsɩɣ.
Pasʋʋ nɛ pɔtɔɔ ɛjaɖɛ nɛ mbʋ payɩ pɩwɛ ɖɩ-taa yɔ,
Tɛtʋ nɛ tɩ-taa mba.»
17 «Mbʋ pʋyɔɔ yɔ ɩna, menɖiɣni tiyuu ɖʋmaa mɩ-hɛkʋ taa,
Ðʋmaa mba pɛwɛ sɔtʋ nɛ ɛyʋ ɛɛpɩzɩɣ nɛ ɛwɛɛnɩ ɖoŋ pɔ-yɔɔ yɔ,*
Nɛ pɩtʋʋ fɛyɩ se pakaɣ-mɩ ñasʋʋ,» Yehowa yɔɔdʋʋna.
18 Paapɩzɩɣ nɛ pawaa ma-laŋwɛɛkɩyɛ;
Pɩwɩɣ ma-laŋɩyɛ.
19 Panɩɣ kubuka nakɛyɛ taŋ ɖooo poliŋ ɛjaɖɛ naɖɩyɛ taa,
Man-samaɣ pɛlɛ makɩnɩ kubuka se pasɩnɩ-ɩ:
«Ɛzɩ Yehowa fɛyɩ Siyɔŋ taa?
Yaa ki-wiyaʋ fɛyɩ kɩ-taa?»
«Ɛbɛ yɔɔ paɖʋ-m ɖɩwɩzɩyɛ nɛ pa-sɩʋ kpelisi,
Nɛ pa-agbaaɣdaa ɛsɔnaa mba pɛfɛyɩ wazaɣ nakɛyɛ yɔ?»
20 «Kʋmtʋ alɩwaatʋ ɖɛwa, soŋaɣ alɩwaatʋ tɛma,
Ɛlɛ patɩya ɖa-ñʋʋ!»
21 Mɛwɛ laŋwɛɛkɩyɛ taa mbʋ pʋyɔɔ yɔ pɩpɛlɩ man-samaɣ pɛlɛ;+
Mɛwɛ ɛsɩñɩŋɩyɛ taa.
Sɔɔndʋ kpa-m.
22 Balɩsam num* fɛyɩ Galaadɩ taa yaa we?+
Ɛbɛ yɔɔ man-samaɣ pɛlɛ yɔɔ tɩcɛ?+
9 Ye pɩɩlaba se ma-ñʋʋ kɛ lɩm hiɖe,
Nɛ mɛ-ɛsa ñɛkɛ ɛsɩtɛɣlɩm hiɖe yɔ!+
Ðɩnɛ ɛlɛ maawilaɣ ɖoo nɛ wɩsɩ
Mba pakʋ-wɛ man-samaɣ taa yɔ pɔ-yɔɔ.
2 Ye pɩɩlaba se mɛwɛnɩ nʋmɔɖɔnaa ɖɩzʋyɛ naɖɩyɛ kañɩmbusuu taa yɔ!
Ðɩnɛ ɛlɛ maayebi man-samaɣ nɛ mɛnɖɛɛ nɛ monposini-kɛ,
Mbʋ pʋyɔɔ yɔ pa-tɩŋa pɛkɛ acɛyɛ laɖaa,+
Pɩ-tɛɛ nɛ pɩ-yɔɔ ɛyaa tindimiye.
3 Pokotuu pa-nzʋlʋma ɛzɩ tɔʋ yɔ;
Cɛtɩm wakɩnɩ ɖɔʋ ɛjaɖɛ taa, pɩtɩkɛ siɣsiɣ wɛtʋ.+
«Pakʋyʋʋnɩ kɩdɛkɛdɩm nabʋyʋ yɔɔ lɛ, pɛɖɛɛ kɩdɛkɛdɩm lɛɛbʋ yɔɔ,
Nɛ pa-paa fɛyɩnɩ-m,»+ Yehowa yɔɔdʋʋna.
4 «Pɩwɛɛ se mɩ-taa paa weyi ɛkpa ɛ-tɩ nɛ ɛyʋ lɛlʋ,
Nɛ halɩ ɩtaataa mi-koobu maɣmaɣ liu.
5 Paa weyi emuluu lɛlʋ,
Nɛ nɔɔyʋ ɛɛyɔɔdʋʋ toovenim.
Pafalɩsɩ pa-nzʋlʋma se ayɔɔdʋʋ cɛtɩm tɔm.+
Pakʋʋ pa-tɩ nɛ kɩdɛkɛdɩm labʋ.
6 Ŋcaɣ cɛtɩm hɛkʋ taa.
Pɛ-cɛtɩm yɔɔ lɛ, pekizaa se paasɩŋɩ-m,» Yehowa yɔɔdʋʋna.
7 Pʋyɔɔ lɛ, tɔm tʋnɛ yoyaa tɛ Yehowa yɔɔdʋʋ:
«Mankaɣ-wɛ yolusuu nɛ mantakɩ-wɛ nɛ mana,+
Mbʋ pʋyɔɔ yɔ ɛbɛ ɖɔɖɔ manpɩzɩɣ nɛ mantasɩ labʋ man-samaɣ pɛlɛ?
8 Pa-nzʋlʋmɩyɛ kɛ tɔʋ ñɩmɩyɛ nɖɩ ɖɩkɔŋnɩ sɩm nɛ ɖɩyɔɔdʋʋ cɛtɩm tɔm yɔ.
Ɛyʋ tɩŋɩɣnɩ ɛ-nɔɔ yɔɔ nɛ ɛyɔɔdʋʋnɩ ɛ-taabalʋ laŋhɛzɩyɛ tɔm.
Ɛlɛ ɛñɩbɩ-ɩ kpaca ɛ-laŋɩyɛ taa.»
9 «Pɩtɩpɔzɩ se mɔnpɔzɩ-wɛ akɔnta lakasɩ nzɩ sɩ-yɔɔ yaa we?
Pɩtɩpɔzɩ se mankpa kɩmɩyɛ* ɛjaɖɛ nɖɩ ɖɩlakɩ lakasɩ nzɩ yɔ yaa we?»+ Yehowa yɔɔdʋʋna.
10 Mankaɣ wiu nɛ menpeendi pʋŋ yɔɔ
Nɛ mentee kʋñɔwiye hendu kañɩmbusuu taa lona wena a-taa kpɩna tɔkɩ ñɩtʋ yɔ a-yɔɔ,
Mbʋ pʋyɔɔ yɔ pañaɣzɩ pʋŋ nɛ lona ana miŋ nɛ nɔɔyʋ ɛɛpɩzɩɣ nɛ ɛtɩŋnɩ peeɖe,
Nɛ paanɩɣ kpɩna wena pɔɖɔʋ yɔ a-taŋ.
Ɛsɔdaa sumasɩ nɛ tɛtɛgbɩna sewa; aɖɛwa.+
11 Mankaɣ yebu nɛ Yeruzalɛm pɩsɩ pɛɛ huwa,+ tɛyɛ hasɩ ɖɩjaɣyɛ,+
Nɛ mankaɣ yebu nɛ Yuuda tɛtʋ ndɩ ndɩ pɩsɩ njɛyɛ, nɛ nɔɔyʋ ɛɛwɛɣ tɩ-taa.+
12 Awɛnɩ lɔŋsɩnɖɛ siŋŋ se ɛnɩɩ pʋnɛ pʋ-tɔbʋʋ?
Anɩ Yehowa nɔɔ yɔɔdɩnaa, se ɛpɩzɩ nɛ esusi-tʋ?
Ɛbɛ yɔɔ ɛjaɖɛ ɖɩma?
Ɛbɛ yɔɔ ɖɩñaɣ miŋ ɛzɩ kañɩmbusuu yɔ,
Nɛ nɔɔyʋ ɛɛtɩŋɩɣnɩ peeɖe?»
13 Yehowa cosi se: «Mbʋ pʋyɔɔ yɔ pɔlɔ man-paɣtʋ* ndʋ mɛncɛlɩ-wɛ* yɔ, nɛ mbʋ pʋyɔɔ yɔ patɩɖɔ tɩ-yɔɔ nɛ patɩña mɔ-nɔɔ. 14 Ɛlɛ, palabɩ ñʋʋ taa ɖoŋ nɛ patɩŋ pa-maɣmaɣ pa-laŋa taa maɣzɩm,+ nɛ patɩŋ Baalɩ sɩʋ kpelisi ɛzɩ pa-caanaa kaawɩlʋʋ-wɛ se pala yɔ.+ 15 Pʋyɔɔ lɛ, tɔm tʋnɛ yoyaa tɛ Yehowa, Izrayɛɛlɩ tɛ Ɛsɔ yɔɔdʋʋ: “Ɩna, menɖiɣni labʋ se samaɣ kanɛ kɔtɔɔ ñandʋ,* nɛ mankaɣ yebu nɛ kɔñɔɔ lɩm mbʋ pɩ-taa nɛ sɔtʋ yɔ.+ 16 Mankaɣ-wɛ mɩzʋʋ ajɛɛ wena pa nɛ pa-caanaa patɩsɩm-yɛ yɔ a-taa,+ nɛ mankaɣ tiyinuu laɣɖɛ pa-wayɩ pɩkɔɔ nɛ pɩtalɩ alɩwaatʋ ndʋ manɖɩzɩ-wɛ yɔ.”+
17 Tɔm tʋnɛ yoyaa tɛ Yehowa yɔɔdʋʋ:
“Mɩ-lakasɩ ɩwɩlɩ se ɩwɛnɩ tɔm taa nɩʋ lɛɣtʋ.
Ɩyaa halaa mba peteɣ kʋñɔwiye hendu yɔ nɛ pɔkɔɔ,+
Nɛ itiyi nɛ payaa halaa mba pɛwɛ niye yɔ nɛ pɔkɔɔ,
18 Se pɩsa nɛ pala lɛɛ lɛɛ nɛ petee-ɖʋ kʋñɔwiye hendu,
Se pɩsa nɛ ɛsɩtɛɣlɩm kpe ɖɛ-ɛsɩndaa
Nɛ ɖɛ-ɛsa hutu kpe lɩm.+
19 Mbʋ pʋyɔɔ yɔ panɩ kʋñɔwiye taŋ ɖooo Siyɔŋ taa+ se:
‘Asɛyʋʋ sɔsɔʋ talɩ-ɖʋ kpem!
Ðɛ-fɛyɛ paɣlɩ pɩdɩɩfɛyɩ!
Mbʋ pʋyɔɔ yɔ ɖiyebi ɛjaɖɛ nɛ ɖɩɖɛɛ, nɛ pɔyɔkɩ ɖa-ɖɩsɩ.’+
20 Halaa mɩ, ɩnɩɩ Yehowa tɔm.
Mɩ-nɩŋgbaŋʋʋ ɛnɩɩ ɛ-nɔɔ taa tɔm.
Ɩwɩlɩ mɩ-pɛlaa kʋñɔwiye tɔm tʋnɛ,
Nɛ ɩwɩlɩ ɖama kʋñɔwiye hendu tʋnɛ.+
21 Mbʋ pʋyɔɔ yɔ sɩm tɩŋnɩ ɖo-mondoɖebɔŋ nɛ pɩsʋʋ;
Pɩsʋ ɖe-tilima ɖoŋ ñɩna taa
Se pɩkpaɣ piya habɛɛ yɔɔ nɛ pɩɖɛna
Nɛ pɩkpaɣ evebiya, samaɣ kadasɩ taa nɛ pɩɖɛna.”+
22 Yɔɔdɩ se: “Tɔm tʋnɛ Yehowa yɔɔdʋʋ:
‘Ɛyaa mba pasɩba yɔ, po-tomnasɩ kaɣ wɛʋ tataa ɛzɩ huɖe yɔ,
Ɛzɩ tɔɔnaɣ kʋnɖʋ kʋŋʋʋ tɔɔnaɣ fam nɛ fam nɛ ɛpɩlɩɣ ɛ-wayɩ,
Nɛ nɔɔyʋ fɛyɩ se ekpeɣli-kɛ yɔ.’”»+
23 Tɔm tʋnɛ Yehowa yɔɔdʋʋ:
24 «Ɛlɛ weyi ɛkʋndʋʋ yɔ, ɛkʋndɩnɩ pʋnɛ:
Se ɛwɛnɩ mɔ-yɔɔ lɛɣtʋ nɛ ɛsɩmɩ-m,+
Se mɛkɛnɩ Yehowa, Weyi ɛwɩlɩɣ sɔɔlɩm siɣsiɣ ñɩmbʋ, ɛhʋʋ tɔm siɣsiɣ, nɛ ɛwɩlɩɣ siɣsiɣ wɛtʋ tɛtʋ yɔɔ yɔ,+
Mbʋ pʋyɔɔ yɔ lakasɩ sɩnɛ, nzɩ kɛdɩnɩnɩ-m,»+ Yehowa yɔɔdʋʋna.
25 «Ɩna! Kɩyakɩŋ ɖiɣni kɔm nɛ mankaɣ pɔzʋʋ akɔnta mba payɩ pɛpɛlɩ-wɛ ɛlɛ toovenim taa lɛ pɛkɛ kɩdɩbɛlɩŋ yɔ,+ Yehowa yɔɔdʋʋna, 26 Ejipiti+ nɛ Yuuda+ nɛ Edom+ nɛ Amooni mba+ nɛ Mowaabʋ+ nɛ mba payɩ pahʋm pa-nakpaaŋ yɔɔ ñɔsɩ nɛ pɛwɛɛ kañɩmbusuu taa yɔ;+ mbʋ pʋyɔɔ yɔ ajɛɛ tɩŋa kɛ kɩdɩbɛlɩŋ, nɛ Izrayɛɛlɩ ɖɩɣa taa mba kpeekpe kɛ kɩdɩbɛlɩŋ pa-laŋa taa.»+
10 Oo Izrayɛɛlɩ ɖɩɣa, ɩnɩɩ tɔm ndʋ Yehowa yɔɔdɩ mɩ-yɔɔ yɔ. 2 Tɔm tʋnɛ Yehowa yɔɔdʋʋ:
3 Mbʋ pʋyɔɔ yɔ ɛyaa samasɩ tɛ sɔnzɩ kɛ cɛtɩm.*
4 Pakpakɩɣ liidiye nɛ sika nɛ pacanɩɣnɩ-kʋ+
Nɛ pakpakɩɣ hama nɛ ñɩma nɛ pɛcɛyɩsɩɣnɩ-kʋ se kɩtaatɔlɩ.+
5 Pɛwɛ ɛzɩ kʋsɔmʋʋ* ŋgʋ kɩwɛ kɔŋkɔmbɩrɩ hayɩm taa yɔ nɛ paapɩzɩɣ nɛ pɔyɔɔdɩ;+
Pɩpɔzʋʋ se pakpaɣ-wɛ, mbʋ pʋyɔɔ yɔ paapɩzɩɣ nɛ pɔɖɔ.+
Itaase-wɛ sɔɔndʋ, mbʋ pʋyɔɔ yɔ paapɩzɩɣ nɛ pala kɩdɛkɛdɩm nabʋyʋ,
Nɛ paapɩzɩɣ ɖɔɖɔ nɛ pala kɩbandʋ natʋyʋ.»+
6 Nɔɔyʋ fɛyɩ ɛzɩ ña yɔ, Oo Yehowa.+
Ŋpaɣlaa, nɛ ña-hɩɖɛ paɣlaa nɛ ɖɩwɛɛ ɖoŋ.
7 Anɩ pɩtɩpɔzɩ se ese-ŋ sɔɔndʋ, Oo ajɛɛ Wiyaʋ?+ Mbʋ pʋyɔɔ yɔ ŋmʋnɩ mbʋ;
Mbʋ pʋyɔɔ yɔ ajɛɛ lɔŋsɩnɖaa kpeekpe hɛkʋ taa nɛ pe-kewiyisi kpeekpe hɛkʋ taa lɛ,
Nɔɔyʋ fɛyɩ kaaʋ ɛzɩ ña yɔ.+
8 Pa-tɩŋa payɩ pɛkɛ mba paamaɣzɩɣ pa-ñʋŋ taa yɔ nɛ kɩmɛlɛmɩŋ.+
Wɩlɩtʋ ndʋ tɩlɩnɩ tɩʋ nakʋyʋ cɔlɔ yɔ tɩkɛ cɛtɩm kpem.*+
9 Pakpaɣ liidiye ñɩɣtʋ hɔɔlasɩ nzɩ sɩwɛ tatayaa tatayaa yɔ nɛ Tarɩsiisi+ nɛ pakpaɣ sika nɛ Ufaazɩ nɛ pɔkɔna,
Pɩkɛ nesi tɛɛ tʋmlaɖʋ tʋmɩyɛ, ñɩɣtʋ wondu luɖu nesi tɛɛ tʋmɩyɛ.
Palabɩ sɩʋ kpelisi wondu kususutu nɛ pɩsatʋ ndʋ tɩwɛ pʋlɔɔ yɔ nɛ heŋ hʋndʋ kɩsɛɛmtʋ yuulee.
Tʋmlaɖaa mba pɛwɛ niye yɔ, mba labɩnɩ sɩʋ kpelisi nzɩ sɩ-tɩŋa.
10 Ɛlɛ toovenim taa lɛ, Yehowa kɛnɩ Ɛsɔ.
Ɛkɛ Ɛsɔ ɛsadʋ+ nɛ tamtam Wiyaʋ.+
Ɛ-pana yɔɔ lɛ tɛtʋ kaɣ ñamsʋʋ,+
Nɛ ɛjaɖɛ naɖɩyɛ ɛɛkaɣ pɩzʋʋ nɛ ɖɩɖɔkɩ ɖɩ-tɩ ɛ-pana sɔsɔna yɔɔ.
11 * Tɔm tʋnɛ pɩwɛɛ se iheyi-wɛ:
«Ɛsɔnaa mba patɩla ɛsɔdaa nɛ tɛtʋ yɔ
Pakaɣ mʋʋʋ tɛtʋ yɔɔ nɛ ɛjaɖɛ kpeekpe yɔɔ.»+
12 Ɛnʋ kpaɣnɩ e-ɖoŋ nɛ ɛlabɩnɩ tɛtʋ,
Ɛnʋ kpaɣnɩ ɛ-lɔŋsɩnɖɛ nɛ ɛñɔɔzɩnɩ tɛtʋ* nɛ tɩka camɩyɛ+
Nɛ ɛlabɩnɩ tʋmɩyɛ ɛ-tɔm taa nɩʋ lɛɣtʋ nɛ eposi ɛsɔdaa.+
13 Alɩwaatʋ ndʋ eyeki nɛ panɩɩ ɛ-nɔɔ yɔ,
Lɩm mbʋ pɩwɛ ɛsɔdaa yɔ pisidiɣ yem yem,+
14 Paa ɛyʋ weyi ɛ-lakasɩ wɩlɩɣ se ɛɛmaɣzɩɣ ɛ-ñʋʋ taa nɛ ɛfɛyɩnɩ sɩmtʋ.
Paa ñɩɣtʋ wondu luɖu weyi lɛ, fɛyɛ kaɣ-ɩ kpaʋ sɩʋ kpeliɣa ŋga eluba yɔ kɔ-yɔɔ;+
Mbʋ pʋyɔɔ yɔ ɛ-ñɩɣtʋ sɩʋ kpeliɣa* kɛ cɛtɩm,
15 Sɩkɛ cɛtɩm,* tʋmɩyɛ nɖɩ pohoŋuu-ɖɩ yɔ.+
Sɩ-akɔnta pɔzʋʋ kɩyakʋ talɩɣ lɛ, sɩkaɣ mʋʋʋ.
16 Weyi ɛkɛ Yakɔɔb Pʋyʋ yɔ ɛfɛyɩ ɛzɩ wondu ndʋ yɔ,
Mbʋ pʋyɔɔ yɔ Ɛnʋ kɛnɩ weyi ɛlabɩ pɩtɩŋa payɩ yɔ,
Nɛ Izrayɛɛlɩ kɛnɩ ɛ-ñɩm ɖaʋ.+
Payaɣ-ɩ se yoyaa tɛ Yehowa.+
17 Kpaɣ ñɔ-hɔɔyɛ nɖɩ ɖɩwɛ tataa yɔ,
Oo halʋ, ña weyi pɔcɔ-ŋ nɛ pata yɔ.
18 Mbʋ pʋyɔɔ yɔ tɔm tʋnɛ Yehowa yɔɔdʋʋ:
«Ɩna, menɖiɣni lɔʋ ɛjaɖɛ ɖɩnɛ ɖɩ-taa mba awayɩ, alɩwaatʋ tʋnɛ tɩ-yɔɔ,+
Nɛ mankaɣ yebu nɛ panɩɩ siziŋ.»
19 Pɩtɔɔ-m mbʋ pʋyɔɔ yɔ pɩpɛlɩ-m!*+
Me-heŋ fɛyɩ waʋ.
Nɛ mɔyɔɔdɩ se: «Pɩtʋʋ fɛyɩ se man-kʋdɔŋ yɔ, nɛ pɩwɛɛ se mɔnɖɔkɩ man-tɩ kɩ-taa.
20 Pɔyɔkɩ men-kizinziku, nɛ pɛcɛ men-kizinziku nimee tɩŋa.+
Man-pɩyalaa ɖɛwa nɛ peyebi-m nɛ patɩtasɩ wɛʋ.+
Pɩtɩtasɩ kazʋʋ nɔɔyʋ se eposi men-kizinziku yaa ɛkpazɩ men-kizinziku pɩsaŋ.
Pʋyɔɔ palabɩ lakasɩ nzɩ sɩwɩlɩɣ se pɛfɛyɩnɩ lɛɣtʋ yɔ,
Nɛ pa-kpɩna kpeekpe mɩzɩ.»+
22 Welisi! Panɩɣ tɔm natʋyʋ taŋ! Tiɖiɣni kɔm!
Kɔkɔɖɛ sɔsɔɖɛ naɖɩyɛ lɩnɩ hayo kiŋ ɛjaɖɛ taa,+
Se ɖɩla nɛ Yuuda tɛtʋ ndɩ ndɩ pɩsɩ njaa, tɛyɛ hasɩ ɖɩjaɣyɛ.+
23 Hayɩ Yehowa, mansɩm camɩyɛ se pɩtɩkɛ ɛyʋ tɩnɩ ɛ-nʋmɔʋ.
Ɛyʋ weyi eɖiɣni ɖɔm yɔ, pɩtɩkɛ ɛ-maɣmaɣ pɩwɛɛ se eɖiyi ɛ-nɩŋgbanzɩ.+
25 Pɩyɩ ña-pana ajɛɛ wena a-paa fɛyɩnɩ-ŋ yɔ a-yɔɔ+
Nɛ hɔŋ weyi ɩɩyaɣ ña-hɩɖɛ yɔ ɩ-yɔɔ.
11 Tɔm ndʋ tɩlɩnɩ Yehowa cɔlɔ nɛ tɩtalɩ Yereemii yɔ, ndʋ yɔ: 2 «Iwelisi ɛgbɛyɛ ɖɩnɛ ɖɩ-taa tɔm, ɛyaa mɩ!
«Heyi-tʋ* Yuuda mba nɛ Yeruzalɛm taa mba. 3 Heyi-wɛ se: “Tɔm tʋnɛ Izrayɛɛlɩ tɛ Ɛsɔ Yehowa yɔɔdʋʋ: ‘Pɔlɔʋ nɔɔ kɩdɛkɛdaɣ ɛyʋ weyi ɛɛñaŋ ɛgbɛyɛ ɖɩnɛ ɖɩ-taa tɔm yɔ ɛ-yɔɔ,+ 4 ndʋ meheyi mɩ-cɔzɔnaa kɩyakʋ ŋgʋ malɩzɩ-wɛ Ejipiti ɛjaɖɛ taa yɔ,+ miŋ kpou ŋgʋ kɩ-taa poyolusuu ñɩɣyʋʋ yɔ kɩ-taa yɔ,+ nɛ mɔntɔ se: “Ɩña mɔ-nɔɔ taa tɔm, nɛ ɩla mbʋ payɩ manɖʋʋ-mɩ paɣtʋ se ɩla yɔ; nɛ ɩkaɣ pɩsʋʋ man-samaɣ nɛ mankaɣ pɩsʋʋ mɩ-Ɛsɔ,+ 5 se pɩsa nɛ mɔnɖɔ ɖuutu ndʋ maaɖuuni mɩ-cɔzɔnaa yɔ tɩ-yɔɔ, se mahaɣ-wɛ ɛjaɖɛ nɖɩ ɖɩ-taa naalɩm nɛ tʋŋ num pikpeŋ yem yɔ,+ ɛzɩ pɩwɛʋ sɔnɔ yɔ.”’”»
Nɛ moncosi se: «Amɛn,* Oo Yehowa.»
6 Nɛ Yehowa heyi-m se: «Susi tɔm tʋnɛ tɩ-tɩŋa Yuuda tɛtʋ ndɩ ndɩ taa nɛ Yeruzalɛm habɛɛ yɔɔ se: “Iwelisi ɛgbɛyɛ ɖɩnɛ ɖɩ-taa tɔm, nɛ ɩɖɔ tɩ-yɔɔ. 7 Mbʋ pʋyɔɔ yɔ maapaɣ mɩ-cɔzɔnaa siŋŋ kɩyakʋ ŋgʋ malɩzɩ-wɛ Ejipiti ɛjaɖɛ taa nɛ pɩkɔɔ pɩtalɩ sɔnɔ yɔ, manpakaɣ-wɛ nɛ mɛlɛlɩɣ tam sakɩyɛ* se: ‘Ɩña mɔ-nɔɔ taa tɔm.’+ 8 Paa mbʋ yɔ patiwelisi yaa patɩkʋ nɩŋgbaŋʋʋ; ɛlɛ paa weyi ewobi pɩ-yɔɔ nɛ ɛlakɩ ñʋʋ taa ɖoŋ nɛ ɛtɩŋɩɣ ɛ-maɣmaɣ ɛ-laŋɩyɛ kɩdɛkɛdɩyɛ.+ Pʋyɔɔ meyeba nɛ ɛgbɛyɛ ɖɩnɛ ɖɩ-taa tɔm kpeekpe talɩ-wɛ, tɔm ndʋ maaɖʋ-wɛ paɣtʋ se pɔɖɔ tɩ-yɔɔ nɛ pekizi se paaɖɔŋ tɩ-yɔɔ yɔ.”»
9 Nɛ Yehowa heyi-m se: «Yuuda mba nɛ Yeruzalɛm taa mba palabɩ nɔɔ se pakaɖɩɣnɩ-m. 10 Papɩsɩ kɩwɛɛkɩm mbʋ pɔ-cɔzɔnaa kaalabɩ caanaʋ taa yɔ pɩ-wayɩ, pɔ-cɔzɔnaa mba paakizaa se paañaŋ mɔn-tɔm yɔ.+ Mba ɖɔɖɔ patɩŋ ɛsɔnaa lalaa nɛ pɛsɛɛ-wɛ.+ Izrayɛɛlɩ ɖɩɣa nɛ Yuuda ɖɩɣa pɛcɛbɩ mɛ-ɛgbɛyɛ nɖɩ ma nɛ pɔ-cɔzɔnaa ɖɩɩɖʋwa yɔ.+ 11 Pʋyɔɔ lɛ tɔm tʋnɛ Yehowa yɔɔdʋʋ: “Na, menɖiɣni kɔnʋʋ pɔ-yɔɔ asɛyʋʋ+ ŋgʋ paakaɣ pɩzʋʋ nɛ palɩɩ kɩ-taa yɔ. Alɩwaatʋ ndʋ payaɣ-m se mansɩnɩ-wɛ yɔ, maakaɣ-wɛ welisinuu.+ 12 Peeɖe Yuuda tɛtʋ ndɩ ndɩ nɛ Yeruzalɛm taa mba pakaɣ wobu ɛsɔnaa mba palaɣ-wɛ kɩlaŋ* yɔ pɔ-cɔlɔ nɛ pɔpɔzɩ se pasɩnɩ-wɛ,+ ɛlɛ paba ɩɩkaɣ pa-ñʋʋ yabʋ paa ññɩɩ pa-asɛyʋʋ alɩwaatʋ taa. 13 Mbʋ pʋyɔɔ yɔ Oo Yuuda, ñɛ-ɛsɔnaa ɖɔ sakɩyɛ ɛzɩ ñɛ-tɛtʋ ndɩ ndɩ yɔ, nɛ ŋsiɣ fɛyɛ wonuu* altaarunaa sakɩyɛ nɛ pɔɖɔɔ ɛzɩ Yeruzalɛm habɛɛ yɔ, altaarunaa mba ŋsiɣaa se ŋlaɣ kɩlaŋ Baalɩ yɔ.”+
14 «Piyele nɛ ña yɔ,* taatɩmɩ samaɣ kanɛ kɔ-yɔɔ. Taama kubuka nɛ ŋya-m yaa taala adɩma naayɛ pɔ-yɔɔ,+ mbʋ pʋyɔɔ yɔ maakaɣ-wɛ welisinuu alɩwaatʋ ndʋ payaɣ-m asɛyʋʋ ŋgʋ kɩtalɩ-wɛ yɔ kɩ-yɔɔ yɔ.
15 Waɖɛ nɖɩ man-kʋsɔɔlʋ wɛna se ɛwɛɛ man-ɖɩɣa taa
Alɩwaatʋ ndʋ ɛyaa sakɩyɛ ɖɔm lɩmaɣza kɩdɛkɛda wena palaba yɔ a-yɔɔ yɔ?
Pakaɣ pɩzʋʋ nɛ patɩŋnɩ tomnasɩ kiɖeɖesi* yɔɔ nɛ paɖɩɣ nʋmɔʋ asɛyʋʋ, alɩwaatʋ ndʋ kɩkɔŋ ñɔ-yɔɔ yɔ?
Ŋkaɣ mɛyʋʋ amɛya alɩwaatʋ ndʋ tɩ-taa?
16 Ðooo lɛ, Yehowa yaɣaɣ-ŋ se oliivi tɩʋ ŋgʋ kɩnɛɣdaa yɔ,
Ŋgʋ kɩwɛ kajʋka nɛ ki-pee wɛɛ camɩyɛ yɔ.
Kɔkɔɖɛ sɔsɔɖɛ naɖɩyɛ taa ɛsɔbɩ-kʋ miŋ,
Nɛ pɛpɛlɩ ki-pilinzi.
17 «Yoyaa tɛ Yehowa weyi ɛkɛ ñɔ-Sɔyʋ yɔ,+ ɛyɔɔdaa se asɛyʋʋ nakʋyʋ kaɣ kɔm ñɔ-yɔɔ, kɩdɛkɛdɩm mbʋ Izrayɛɛlɩ ɖɩɣa nɛ Yuuda ɖɩɣa palaba yɔ pʋyɔɔ, mba patɩŋnɩ Baalɩ kɩlaŋ laʋ yɔɔ nɛ paɖʋ-m ɖɩwɩzɩyɛ yɔ.»+
18 Yehowa heyi-m tʋ se pɩsa nɛ mantɩlɩ-tʋ;
Alɩwaatʋ ndʋ tɩ-taa lɛ ŋyeba nɛ mana mbʋ paawɛɛ nɛ palakɩ yɔ.
19 Maawɛ ɛzɩ heɣa hɛɛɛ ñɩŋga ŋga pɛwɛɛ nɛ powokini-kɛ se pakʋ yɔ.
Mantaatɩlɩ se pɛwɛɛ nɛ palakɩ lɩmaɣza kɩdɛkɛda mɔ-yɔɔ+ nɛ pɔtɔŋ se:
«Iyele nɛ ɖɩɖɩzɩ tɩʋ nɛ ki-pee,
Nɛ ɖɩɖɩzɩ-ɩ ɛsadɩnaa ɛjaɖɛ taa,
Se pɩsa nɛ pataatasɩ tɔzʋʋ ɛ-hɩɖɛ yɔɔ.»
Yele nɛ mana ɛzɩma ŋkpaɣ-wɛ kɩmɩyɛ yɔ,
Mbʋ pʋyɔɔ yɔ ñe-nesi tɛɛ manɖʋzɩ mɔn-tɔm se ŋhʋʋ-tʋ.
21 Pʋyɔɔ lɛ, tɔm tʋnɛ Yehowa yɔɔdʋʋ Anatɔɔtɩ+ ñɩma yɔɔ, mba pañɩnɩɣ se palɩzɩ ñe-wezuu* nɛ pɔyɔɔdʋʋ se: «Pɩtɩpɔzɩ se ŋyɔɔdɩ natʋ tɔm Yehowa hɩɖɛ taa,+ pɩtɩkɛ mbʋ yɔ ŋsɩkɩ ɖe-nesi tɛɛ» yɔ; 22 pʋyɔɔ lɛ tɔm tʋnɛ yoyaa tɛ Yehowa yɔɔdʋʋ: «Na, mankaɣ-wɛ pɔzʋʋ akɔnta. Pakaɣ kʋʋ evebiya nɛ laɣɖɛ,+ nɛ pa-pɩyalaa nɛ pɛ-pɛlaa lɛ, ñɔɔsɩ kaɣ-wɛ kʋʋ nɛ pasɩ.+ 23 Pɩɩkaɣ kazʋʋ pa-taa paa ɛyʋ kʋɖʋm nɛ ɛ-ɛsa, mbʋ pʋyɔɔ yɔ mankaɣ kɔnʋʋ asɛyʋʋ Anatɔɔtɩ+ mba yɔɔ, pɩnaɣ ŋga mɔnpɔzʋʋ-wɛ akɔnta yɔ ka-taa.»
12 Oo Yehowa, ŋwɛ siɣsiɣ+ alɩwaatʋ ndʋ mɔnkɔŋnɩ mɔn-tɔm ñɔ-cɔlɔ yɔ,
Alɩwaatʋ ndʋ ma nɛ ŋ ɖɩyɔɔdʋʋ tɔm hʋʋ siɣsiɣ tɔm yɔ.
Ɛlɛ ɛbɛ yɔɔ kañatʋ tɩnaa nʋmɔʋ ɖeɣni-wɛ?+
Nɛ ɛbɛ yɔɔ ɛyaa wayɩ lɩyaa* ɩɩnɩɣzɩɣ natʋyʋ?
2 Ŋsɔ-wɛ, nɛ paka lila.
Papaɣlaa nɛ palʋlɩ pee.
Ŋwɛ po-ndomee yɔɔ, ɛlɛ ŋposini pa-lɩmaɣza cukaŋ ñɩna.*+
Lɩzɩ-wɛ nɛ hɔɔlʋʋ ɛzɩ heŋ weyi pacaɣ kʋʋ yɔ,
Nɛ ŋkɛzɩ-wɛ nɛ hɔɔlʋʋ nɛ pɩkɔɔ pɩtalɩ kʋʋ kɩyakʋ wiye.
4 Pɩpɔzʋʋ se ɛjaɖɛ eloo
Nɛ hayɩm kpeekpe taa ñɩtʋ wɩlɩ nɛ pɩkɔɔ nɛ pɩsɩɩnɩ ɖooye?+
Mba pɛwɛ ɛjaɖɛ taa yɔ pa-kɩdɛkɛdɩm lakasɩ yɔɔ lɛ,
Paɖɩzɩ tɛtɛgbɩna nɛ sumasɩ.
Mbʋ pʋyɔɔ yɔ pɔyɔɔdaa se: «Ɛɛnaɣ mbʋ pɩkaɣ-ɖʋ talʋʋ yɔ.»
5 Ye ña nɛ nɩŋgbanzɩ tɩnaa iseɣ nɛ pɩnɩɣ-ŋ yɔ,
Ɛzɩma ña nɛ kpaŋnaŋ ɩpɩzɩɣ nɛ ise seya?+
Paa sɔɔndʋ ɛɛkpaɣ-ŋ laŋhɛzɩyɛ ɛjaɖɛ taa,
Ɛzɩma ŋkaɣ labʋ hɔɖɩŋ sɔsɔŋ weyi ɩwɛ Yɔɔrdaŋ nɔɔ kpɛɛɛ yɔ ɩ-hɛkʋ taa?
Pamabɩ kubuka sɔsɔɔ ñɔ-yɔɔ.
Taataa-wɛ liu,
Paa peheyiɣ-ŋ tɔm kɩbandʋ yɔ.
7 «Mɔlɔ man-ɖɩɣa;+ meyebi ma-ñɩm nɛ mɛnɖɛɛ.+
Manɖʋzɩ weyi mɔnsɔɔlɩ-ɩ siŋŋ yɔ* e-koyindinaa nesi tɛɛ.+
8 Man-kʋsɔɔlʋ weyi ɛkɛ ma-ñɩm yɔ ɛpɩsɩ mɛ-ɛsɩndaa ɛzɩ laʋ tɛɛ mʋʋzʋʋ yɔ.
Ɛmʋdaa nɛ ɛkaɖɩnɩ-m.
Pʋyɔɔ mɔnkɔma nɛ manpaɖɩ-ɩ.
9 Ma-ñɩm wɛ-m ɛzɩ sumaɣ ŋga kɛwɛnɩ tɔlɩm ndɩ ndɩ* nɛ kɔtɔkɩ nandʋ yɔ;
Sumasɩ lɛɛsɩ nzɩ sɩtɔkɩ nandʋ yɔ sɩcɔʋ-kɛ nɛ sɩtaŋ nɛ siyouni-kɛ.+
Ɩkɔɔ, ikpeɣli ɖama, ñɩtʋ taa tɛtɛgbɩna kpeekpe,
Ɩkɔɔ nɛ ɩtɔɔ.+
Peyeba nɛ mon-kotoŋa kɩbaŋa pɩsɩ kañɩmbusuu ŋgʋ kɩ-taa nɔɔyʋ fɛyɩ yɔ.
11 Kapɩsɩ tɛtʋ ndʋ peyebi-tʋ yɔ.
Kolowa.*
Kapɩsɩ njɛyɛ mɛ-ɛsɩndaa.+
Peyeba nɛ ɛjaɖɛ kpeekpe pɩsɩ njɛyɛ,
Ɛlɛ nɔɔyʋ ɛɛmaɣzɩɣ pɩ-yɔɔ.+
12 Ðɩzɩyaa tɩŋnɩ kañɩmbusuu taa nʋmɔŋ weyi ɩkpɩzaa yɔ i-kpeekpe nɛ pɔkɔɔ,
Mbʋ pʋyɔɔ yɔ Yehowa laɣɖɛ wɛɛ nɛ ɖɩtɔkɩ kpaɣnɩ ɛjaɖɛ kamaɣ yɔɔ nɛ piwolo kamaɣ lɛɛka yɔɔ.+
Nɔɔyʋ* fɛyɩnɩ laŋhɛzɩyɛ.
13 Poɖu blee, ɛlɛ pakʋ sɔɔ.+
Pɔyɔkɩ pa-ñʋŋ, ɛlɛ pɩtɩwazɩ-wɛ nabʋyʋ.
Fɛyɛ kaɣ-wɛ kpaʋ nɛ mbʋ pakʋma yɔ
Yehowa pana sɔsɔna yɔɔ.»
14 Tɔm tʋnɛ Yehowa yɔɔdʋʋ mɔn-cɔlɔ ñɩma mba pɛkɛ kɩdɛkɛdaa yɔ pe-kpeekpe pɔ-yɔɔ, mba pɛwɛɛ nɛ potukuuni ñɩm mbʋ mɛncɛlɩ man-samaɣ Izrayɛɛlɩ se pɩpɩsɩ ka-pʋyʋ yɔ:+ «Ɩna, menɖiɣni-wɛ kpɛzʋʋ pɛ-ɛjaɖɛ taa,+ nɛ mankaɣ kpɛzʋʋ Yuuda ɖɩɣa pɛ-hɛkʋ taa. 15 Ɛlɛ mɛntɛŋ-wɛ kpɛzʋʋ lɛ, mankaɣ tasʋʋ naʋ pa-pʋtɔdɩyɛ nɛ manpɩsɩnɩ pa-taa paa weyi lɛ ɛ-ñɩm cɔlɔ nɛ ɛ-ɛjaɖɛ taa.»
16 «Nɛ ye pɛtɛm pa-taa se pɛkpɛlɩkɩɣ nɛ patɩŋɩɣ man-samaɣ nʋmɔŋ nɛ poɖuu ma-hɩɖɛ taa se: “Yehowa ñɩtʋʋ nɛ ɛwɛɛ wezuu yɔ!” ɛzɩ paawɩlʋʋ man-samaɣ se koɖuuni Baalɩ yɔ, ɖɩnɛ ɛlɛ pakaɣ-wɛ haʋ lone man-samaɣ hɛkʋ taa. 17 Ɛlɛ ye pekizaa se paañaŋ yɔ, mankaɣ ɖɔɖɔ kpɛzʋʋ ɛjaɖɛ nɖɩ, mɛnkpɛzɩɣ-ɖɩ nɛ manɖɩzɩ-ɖɩ,» Yehowa yɔɔdʋʋna.+
13 Tɔm tʋnɛ Yehowa heyi-m: «Wolo nɛ ŋya tambaɖɛ nɖɩ palabɩ-ɖɩ nɛ pɩsatʋ yɔ* nɛ ŋtam-ɖɩ ña-tɩnaɣ taa, ɛlɛ taatisi-ɖɩ lɩm taa.» 2 Nɛ maya tambaɖɛ ɛzɩ Yehowa yɔɔdʋʋ yɔ nɛ mantam-ɖɩ man-tɩnaɣ taa. 3 Nɛ Yehowa tɔm talɩ-m nabʋlɛ ɖeɖe se: 4 «Kpaɣ tambaɖɛ nɖɩ ŋyaba nɛ ɖɩwɛɛ ña-tɩnaɣ taa yɔ, nɛ ŋkʋyɩ nɛ ŋwolo Efraatɩ, nɛ ŋmɛsɩ-ɖɩ peeɖe, kaaʋ sɔsɔʋ nakʋyʋ hɛɛŋa taa.» 5 Nɛ mowolo nɛ mɛmɛsɩ-ɖɩ Efraatɩ cɔlɔ ɛzɩ Yehowa kaaɖʋʋ-m paɣtʋ yɔ.
6 Ɛlɛ kɩyakɩŋ sakɩyɛ wayɩ lɛ Yehowa heyi-m se: «Kʋyɩ, wolo Efraatɩ, nɛ ŋkpaɣ tambaɖɛ nɖɩ maaɖʋ-ŋ paɣtʋ se ŋmɛsɩ-ɖɩ peeɖe yɔ.» 7 Peeɖe mowobi Efraatɩ nɛ mohuyi nɛ malɩzɩ tambaɖɛ lone nɖɩ ɖɩ-taa maamɛsɩ-ɖɩ yɔ, nɛ mana se tambaɖɛ nɖɩ ɖɩwɛɛkaa; ɖɩtɩtasɩ wɛʋ wazaɣ paa ññɩɩ.
8 Nɛ Yehowa tɔm talɩ-m se: 9 «Tɔm tʋnɛ Yehowa yɔɔdʋʋ: “Mbʋ ɖɔɖɔ mankaɣ ɖɩzʋʋ Yuuda tɩ kpazʋʋ nɛ Yeruzalɛm tɩ kpazʋʋ sɔsɔm.+ 10 Ɛyaa kɩdɛkɛdaa panɛ mba pekiziɣ se paañaŋ mɔn-tɔm,+ nɛ palakɩ ñʋʋ taa ɖoŋ nɛ patɩŋɩɣ pa-maɣmaɣ pa-laŋɩyɛ,+ nɛ patɩŋɩɣ ɛsɔnaa lalaa, pɛsɛɣ-wɛ nɛ poluŋuu pɛ-tɛɛ yɔ, pakaɣ pɩsʋʋ ɛzɩ tambaɖɛ ɖɩnɛ, nɖɩ ɖɩtɩtasɩ wɛʋ wazaɣ paa ññɩɩ yɔ.” 11 “Mbʋ pʋyɔɔ yɔ ɛzɩ tambaɖɛ ñɔʋnʋʋ ɛyʋ tɩnaɣ yɔ, mbʋ ɖɔɖɔ malaba nɛ Izrayɛɛlɩ ɖɩɣa kpeekpe nɛ Yuuda ɖɩɣa kpeekpe pɔñɔɔnɩ-m, se pɛkɛ-m samaɣ,+ hɩɖɛ,+ samtʋ, nɛ mbʋ pɩwɛ kajʋka yɔ. Ɛlɛ patɩña,”+ Yehowa yɔɔdʋʋna.
12 «Nɛ pɩwɛɛ ɖɔɖɔ se ŋheyi-wɛ tɔm tʋnɛ: “Tɔm tʋnɛ Izrayɛɛlɩ tɛ Ɛsɔ Yehowa yɔɔdʋʋ: ‘Paa pɛʋ sɔsɔʋ ŋgʋ lɛ, pɩwɛɛ se paɖʋ vɛɛ kɩ-taa nɛ pisu.’” Nɛ pakaɣ-ŋ cosuu se: “Ɛzɩ ɖɩtaatɩlɩ se paa pɛʋ sɔsɔʋ ŋgʋ lɛ, pɩwɛɛ se paɖʋ vɛɛ kɩ-taa nɛ pisu?” 13 Pʋbʋ lɛ ŋheyi-wɛ se: “Tɔm tʋnɛ Yehowa yɔɔdʋʋ: ‘Ɩna, menɖiɣni haɣzʋʋ sʋlʋm ɛjaɖɛ ɖɩnɛ ɖɩ-taa mba kpeekpe,+ awiya wena acaɣ Daviid kewiyaɣ kpelaɣ yɔɔ yɔ, cɔjɔnaa nɛ nayaa, nɛ Yeruzalɛm taa mba kpeekpe, se pɩkʋ-wɛ. 14 Nɛ mankaɣ-wɛ kpaɣʋ nɛ mɔyɔkɩnɩ ɖama, caanaa nɛ pa-pɩyalaa.+ Maakaɣ pe-siziŋ nɩʋ yaa maakaɣ pa-wɩzasɩ nɩʋ yaa maakaɣ pa-pʋtɔdɩyɛ naʋ; nabʋyʋ ɛɛkaɣ-m ɖaŋʋʋ se mantaaɖɩzɩ-wɛ,’+ Yehowa yɔɔdʋʋna.”
15 Ɩnɩɩ nɛ ikemsi.
Ɩtaakpazɩ mɩ-tɩ, mbʋ pʋyɔɔ yɔ Yehowa yɔɔdaa.
16 Ɩcɛlɩ samtʋ mɩ-Ɛsɔ Yehowa
Pʋcɔ nɛ ɛkɔnɩ cɩkpɛndʋʋ
Nɛ pʋcɔ nɛ pituuli mɩ-nɩŋgbanzɩ pʋŋ yɔɔ, hadɛ lɛdʋʋ alɩwaatʋ taa.
17 Nɛ ye ikizaa se iiwelisiɣ yɔ,
Mankaɣ* wiu mɛsaɣ tɛɛ mɩ-tɩ kpazʋʋ yɔɔ.
Mankaɣ pɩyʋʋ ɛsɩtɛɣlɩm sakɩyɛ, nɛ ɛsɩtɛɣlɩm kaɣ kpem siŋŋ mɛ-ɛsɩndaa,+
Mbʋ pʋyɔɔ yɔ pakpaɣ Yehowa tɛ ewiɖe+ nɛ pɛɖɛnɩ-ɖɩ yomiye taa.
18 Heyi wiyaʋ nɛ wiyaʋ ɖoo*+ se: “Ɩcaɣ lone nɖɩ ɖɩwɛ pɩ-tɛɛ yɔ ɖɩ-taa,
Mbʋ pʋyɔɔ yɔ mɩ-awiya hulaɣ ŋga kɛwɛ kajʋka yɔ kakaɣ lɩnʋʋ mɩ-ñʋʋ taa nɛ kɔtɔlɩ.”
19 Paɖɩɣ* hadɛ kiŋ tɛtʋ ndɩ ndɩ, nɛ nɔɔyʋ fɛyɩ se ɛtʋlɩ-tʋ.
Pakpaɣ Yuuda kpeekpe nɛ pɛkɛzɩ-kʋ tɛtʋ, pɛkɛzɩ-kʋ tɛtʋ nɛ pɩtɩkazɩ nɔɔyʋ.+
20 Kpazɩ ñɛ-ɛsa nɛ ŋna mba palɩnɩ hayo kiŋ nɛ pɔkɔŋ yɔ.+
Le ewiɖe nɖɩ pɛcɛlɩ-ŋ yɔ ɖɩwɛɛ, ñe-heŋ weyi ɩwɛ kajʋka yɔ?+
21 Suwe ŋkaɣ yɔɔdʋʋ alɩwaatʋ ndʋ ña-nɩŋgbaŋʋʋ hɔm talɩɣ yɔ,
Nɩŋgbaŋʋʋ hɔm mbʋ pɩlɩɣnɩ mba ŋkpaɣ-wɛ ɖooo kiɖe tɛɛ se ña-taabalaa kɩbama yɔ pɔ-cɔlɔ yɔ?+
Ŋŋkaɣ nɩʋ lʋlʋʋ wɩzasɩ, ɛzɩ wɩzasɩ nzɩ halʋ weyi eɖiɣni lʋlʋʋ yɔ ɛnɩɣ yɔ?+
22 Nɛ alɩwaatʋ ndʋ ŋyɔɔdʋʋ ña-laŋɩyɛ taa se: “Ɛbɛ yɔɔ pʋnɛ pɩtalɩ-m?”+ yɔ,
Tɩlɩ se ña-kɩdɛkɛdɩm sɔsɔm yɔɔ pɔhɔzɩ ño-tokonaa+
Nɛ pala puuyaɣ lakasɩ ña-naakila.
23 Kuusi tʋ* pɩzɩɣ nɛ ɛlɛɣzɩ ɛ-tɔnʋʋ na, yaa kpou pɩzɩɣ nɛ kɩlɛɣzɩ takɩŋ takɩŋ weyi ɩwɛ kɩ-yɔɔ yɔ?+
Ye papɩzɩɣ yɔ, ɖɩnɛ ɛlɛ ɩpɩzɩɣ nɛ ɩla kɩbandʋ,
Mɩ mba pafalɩsɩ-mɩ se ɩla kɩdɛkɛdɩm yɔ.
24 Pʋyɔɔ lɛ, mankaɣ-wɛ mɩzʋʋ ɛzɩ kesi nzɩ kañɩmbusuu taa helim kpakɩɣ yɔ.+
25 Ñe-ɖeɖe lɛ; hɔɔlʋʋ ŋgʋ mamaɣzaa nɛ mɛncɛlɩ-ŋ yɔ,
Mbʋ pʋyɔɔ yɔ ŋsɔ mɔ-yɔɔ+ nɛ ŋtaa cɛtɩm liu,+ Yehowa yɔɔdʋʋna.
26 Pʋyɔɔ lɛ, mankaɣ kotuu ño-tokonaa nɛ mankpazɩ ñɛ-ɛsa yɔɔ,
Nɛ pɩkaɣ naʋ ñɛ-fɛyɛ,+
27 Ña-acɛyɛ lakasɩ+ nɛ ɛzɩma ŋwiɣ ɛzɩ kpaŋnʋ weyi ɛ-kʋzʋʋ kɔɖɛyɩ kʋyɩnɩ-ɩ yɔ,
Ña-hayitu lakasɩ nzɩ sɩwɛ kʋzɔɔtʋ siŋŋ yɔ.*
Piyisi yɔɔ, ñɩtʋ taa,
Mana ña-lakasɩ nzɩ sɩwɛ kiniŋ yɔ.+
Pɩtɔɔ-ŋ, Oo Yeruzalɛm!
Ŋwɛɣ azuluma taa mbʋ nɛ pɩkɔɔ pɩsɩɩnɩ ɖooye?»+
14 Tɔm ndʋ tɩlɩnɩ Yehowa cɔlɔ nɛ tɩtalɩ Yereemii pɩlɩɩnɩ wɩlɩŋ yɔɔ yɔ, ndʋ yɔ:+
2 Yuuda wɛ kʋñɔwiye taa,+ nɛ kɩ-nɔnɔsɩ caɣ kʋñɔŋ.*
Sɩyɔlʋʋ tataa, sɩwɛ ɛsɩñɩŋɩyɛ taa,
Nɛ kubuka nakɛyɛ kpaɣnɩ Yeruzalɛm taa.
3 Nɛ pa-ñʋndɩnaa tiyiɣ pa-lɩmɖʋyaa* se pañɩnɩ lɩm.
Powoki lɩm hila* cɔlɔ nɛ paanaɣ lɩm.
Papɩsɩɣnɩ pa-ñanzɩ kpɛɖɛ.
Fɛyɛ kpa-wɛ nɛ pitibi-wɛ yɔɔɔ,
Nɛ pohuuzuu pa-ñʋŋ yɔɔ.
4 Tɛtʋ ya pɛŋla,
Mbʋ pʋyɔɔ yɔ tɛʋ ɛɛnɩɣ ɛjaɖɛ taa;+ pʋyɔɔ lɛ,
Haɖaa wɛ nɩɣzɛ taa nɛ pohuuzi pa-ñʋŋ yɔɔ.
5 Halɩ nam ɖɛɣ nɛ eyeki ɛ-pɩɣa ŋga ɛlʋlaa pitileɖi yɔ lakʋ taa
Mbʋ pʋyɔɔ yɔ ñɩtʋ fɛyɩ.
6 Tɛyɛ kpaŋasɩ sɩŋɩɣ piyisi nzɩ sɩ-yɔɔ wɛ kpɛɖɛ yɔ sɩ-yɔɔ.
Sifeziɣ helim faka faka ɛzɩ tɛyɛ hasɩ yɔ;
Sɩ-ɛsa piyiɣ mbʋ pʋyɔɔ yɔ ñɩtʋ fɛyɩ.+
7 Paa ɖa-maɣmaɣ ɖa-kɩwɛɛkɩm ɛwɩlɩɣ se ɖɩɖɔ wɛɛ yɔ,
Hayɩ Yehowa, ña-hɩɖɛ yɔɔ lɛ, la nabʋyʋ.+
Mbʋ pʋyɔɔ yɔ ɖa-lakasɩ nzɩ sɩfɛyɩ siɣsiɣ yɔ sɩɖɔwa,+
Nɛ ña ɖɩyʋsɩnaa.
8 Hayɩ Izrayɛɛlɩ lidaʋ, ɛ-Ñʋʋ Yaɖʋ+ kʋñɔŋ alɩwaatʋ taa,
Ɛbɛ yɔɔ ŋwɛ ɛzɩ ɛgɔm yɔ ɛjaɖɛ taa,
Ɛbɛ yɔɔ ŋwɛ ɛzɩ nʋmɔɖɔnʋ weyi ɖoo taa hɩnʋʋ ɖeke yɔɔ ɛsɩŋɩɣ yɔ?
9 Ɛbɛ yɔɔ ŋwɛ ɛzɩ abalʋ weyi pɩɖɩɣzɩ-ɩ siŋŋ yɔ?
Ɛbɛ yɔɔ ŋwɛ ɛzɩ abalʋ ɖoŋ tʋ weyi ɛɛpɩzɩɣ ñʋʋ yabʋ yɔ?
Taalɔ-ɖʋ.
10 Tɔm tʋnɛ Yehowa yɔɔdʋʋ samaɣ kanɛ kɔ-yɔɔ: «Pɔsɔɔlɩ yotuu;+ patɩkpa pa-nɩŋgbanzɩ.+ Pʋyɔɔ Yehowa taa ɛɛlakɩ-wɛ nɛ leleŋ.+ Lɛɛlɛɛyɔ ɛkaɣ tɔzʋʋ pa-kɩdɛkɛdɩm yɔɔ nɛ ɛpɔzɩ-wɛ pa-kɩwɛɛkɩm akɔnta.»+
11 Nɛ Yehowa heyi-m se: «Taatɩmɩ nɛ ŋpɔzɩ se kɩbandʋ ɛkɔɔ samaɣ kanɛ kɔ-yɔɔ.+ 12 Alɩwaatʋ ndʋ pɔhɔkʋʋ nɔɔ yɔ, maawelisiɣ pe-tenduu,+ nɛ palaɣ kɩlaŋ kɩñaɣzɩŋ nɛ tɔɔnaɣ pee kɩlaŋ lɛ, pɩɩkɛdɩɣnɩ-m,+ mbʋ pʋyɔɔ yɔ mankaɣ tɩŋnʋʋ laɣɖɛ yɔɔ, ñɔɔsɩ yɔɔ, nɛ ɛyaa kɩzɩkʋ* yɔɔ nɛ manɖɩzɩ-wɛ.»+
13 Peeɖe mɔyɔɔdaa se: «Hayɩ, Kɩbaɣlʋ Kɩlɩm Yehowa! Na, nayaa wɛɛ nɛ peheyiɣ-wɛ se: “Ɩɩkaɣ naʋ laɣɖɛ, nɛ ñɔɔsɩ ɛɛkaɣ mɩ-yɔɔ kɔm, ɛlɛ mankaɣ-mɩ haʋ laŋhɛzɩyɛ siŋŋ lone ɖɩnɛ ɖɩ-taa.”»+
14 Nɛ Yehowa heyi-m se: «Nayaa ɖiɣni yɔɔdʋʋ cɛtɩm natʋ tɔm ma-hɩɖɛ taa.+ Mantitiyi-wɛ, mantɩɖʋ-wɛ paɣtʋ nɛ mantɩyɔɔdɩnɩ-wɛ.+ Natʋ tɔm ndʋ pɛwɛɛ nɛ posusuu-mɩ yɔ, ndʋ lɛ cɛtɩm natʋ nɛ tɩyɩtʋ lakasɩ nzɩ sɩfɛyɩ wazaɣ nakɛyɛ yɔ nɛ pa-maɣmaɣ pa-ajitu tɔm ndʋ poluba yɔ.*+ 15 Pʋyɔɔ lɛ, tɔm tʋnɛ Yehowa yɔɔdʋʋ nayaa mba pɛwɛɛ nɛ pɔyɔɔdʋʋ natʋ tɔm ma-hɩɖɛ taa yɔ pɔ-yɔɔ, mba mantitiyi-wɛ ɛlɛ pɔyɔɔdʋʋ se laɣɖɛ naɖɩyɛ ɛɛkaɣ kɔm yaa ñɔɔsɩ nasɩyɩ ɛɛkaɣ lɩʋ ɛjaɖɛ ɖɩnɛ ɖɩ-taa yɔ: “Nayaa mba, pakaɣ-wɛ kʋʋ nɛ laɣɖɛ nɛ ñɔɔsɩ kaɣ-wɛ kʋʋ nɛ pasɩ.+ 16 Nɛ ɛyaa mba nayaa mba pɛwɛɛ nɛ posusuu-wɛ natʋ tɔm ndʋ yɔ, ñɔɔsɩ nɛ laɣɖɛ yɔɔ lɛ, pakaɣ-wɛ lɔʋ Yeruzalɛm habɛɛ yɔɔ, nɛ nɔɔyʋ ɛɛkaɣ wɛʋ se epim-wɛ+—pa-maɣmaɣ, pa-halaa, pa-pɩyalaa, yaa pɛ-pɛlaa—mbʋ pʋyɔɔ yɔ mankaɣ pɔ-yɔɔ pɩyʋʋ asɛyʋʋ ŋgʋ kɩmʋnɩ-wɛ yɔ.”+
17 «Pɩwɛɛ se ŋheyi-wɛ tɔm tʋnɛ:
“Ɛsɩtɛɣlɩm ekpe mɛ-ɛsɩndaa ɖoo nɛ wɩsɩ, pɩtaasɩŋ,+
Mbʋ pʋyɔɔ yɔ man-samaɣ pɛlɛ weyi ɛtɩtɩlɩ abalʋ yɔ pɔyɔkɩ-ɩ nɛ papʋʋtɩ-ɩ caɣ caɣ,+
Nɛ paɖʋ-ɩ heŋ siŋŋ.
18 Ye malɩwa nɛ mowolo ñɩtʋ taa nɛ mɔncɔna yɔ,
Manaɣ mba pakʋ-wɛ nɛ laɣɖɛ yɔ!+
Nɛ ye mansʋ tɛtʋ taa yɔ,
Manaɣ kʋdɔmɩŋ weyi ñɔɔsɩ kɔnaa yɔ!+
Mbʋ pʋyɔɔ yɔ nayʋ nɛ cɔjɔ pɔcɔ ɛjaɖɛ nɖɩ paasɩŋ-ɖɩ yɔ ɖɩ-taa.”»+
19 Ɛzɩ ŋlɔ Yuuda caɣ caɣ, yaa Siyɔŋ lɩ-ŋ sɔŋ?*+
Ɛbɛ yɔɔ ŋmabɩ-ɖʋ, nɛ pɩɩtasɩɣ sam se pawaa-ɖʋ?+
Ðɩɩwɛɛ nɛ ɖɩɖaŋɩɣ se laŋhɛzɩyɛ ɛkɔɔ, ɛlɛ pʋyʋ kɩbanʋ nɔɔyʋ tɩkɔɔ,
Ðɩɩwɛɛ nɛ ɖɩɖaŋɩɣ se waʋ alɩwaatʋ ɛtalɩ, ɛlɛ sɔɔndʋ sɔsɔtʋ wɛna!+
21 Ña-hɩɖɛ yɔɔ lɛ, taalɔ-ɖʋ;+
Taani ñe-kewiyaɣ kpelaɣ sɔsɔɔ.
Tɔzɩ ɛgbɛyɛ nɖɩ ŋɖʋnɩ-ɖʋ yɔ ɖɩ-yɔɔ, nɛ taacɛbɩ-ɖɩ.+
22 Ɛzɩ ajɛɛ sɩɩnaa mba pɛfɛyɩ wazaɣ nakɛyɛ yɔ papɩzɩɣ pala nɛ tɛʋ nɩɩ?
Yaa ɛsɔdaa pɩzɩɣ nɛ kɩla kɩ-maɣmaɣ nɛ tɛŋ sɔsɔŋ nɩɩ?
Ɛzɩ pɩtɩkɛ ñe-ɖeke koŋ ñapɩzɩɣna nɛ ŋla mbʋ, hayɩ Yehowa ɖɛ-Ɛsɔ?+
Nɛ ɖɩtaɣ-ŋ liu,
Mbʋ pʋyɔɔ yɔ ñe-ɖeke koŋ ñalabɩnɩ pɩtɩŋa payɩ mbʋ yɔ.
15 Nɛ Yehowa heyi-m se: «Paa Moyizi nɛ Samɩyɛɛlɩ paasɩŋ mɛ-ɛsɩndaa yɔ,+ maakaɣ naʋ samaɣ kanɛ ka-pʋtɔdɩyɛ.* Ðɔɔnɩ-wɛ mɛ-ɛsɩndaa. Yele nɛ pɛɖɛɛ. 2 Nɛ ye pɔpɔzɩ-ŋ se: “Le pɩwɛɛ se ɖiwolo?” yɔ, pɩwɛɛ se ŋheyi-wɛ se: “Tɔm tʋnɛ Yehowa yɔɔdʋʋ:
‘Weyi ɛmʋnɩ kʋdɔŋ ŋgʋ kɩkɔŋnɩ sɩm yɔ, pɩwɛɛ se pɩtɛmnɩ-ɩ nɛ kʋdɔŋ ŋgʋ kɩkɔŋnɩ sɩm yɔ!
Weyi ɛmʋnɩ laɣɖɛ yɔ, pɩwɛɛ se pɩtɛmnɩ-ɩ nɛ laɣɖɛ!+
Weyi ɛmʋnɩ ñɔɔsɩ yɔ, pɩwɛɛ se pɩtɛmnɩ-ɩ nɛ ñɔɔsɩ!
Nɛ weyi ɛmʋnɩ yomiye taa wobu yɔ, pɩwɛɛ se pɩtɛmnɩ-ɩ nɛ yomiye taa wobu!’”+
3 «“Nɛ mankaɣ-wɛ tiyinuu asɛyɩŋ 4:*+ laɣɖɛ se ɖɩkʋ, hasɩ se situu nɛ sɩɖɛna, nɛ ɛsɔdaa sumasɩ nɛ tɛtʋ yɔɔ tɛtɛgbɩna se pɔtɔɔ nɛ paɖɩzɩ,+ Yehowa yɔɔdʋʋna. 4 Nɛ mankaɣ yebu nɛ pɛkɛ sɔɔndʋ pʋyʋ tɛtʋ yɔɔ kewiyisi kpeekpe,+ Ezekiyaasɩ pɩyalʋ Manaasee yɔɔ, Yuuda wiyaʋ, mbʋ ɛlabɩ Yeruzalɛm taa yɔ pʋyɔɔ.+
5 Akaɣ naʋ ña-pʋtɔdɩyɛ, Oo Yeruzalɛm?
Akaɣ nɩʋ ñe-siziŋ?
Nɛ akaɣ sɩŋʋʋ se ɛpɔzɩ ña-alaafɩya yɔɔ?”
6 “Ŋɖɛwa nɛ ŋyebi-m,” Yehowa yɔɔdʋʋna.+
“Ŋwobi pɩ-yɔɔ nɛ ŋhaɣ-m siɣye.*+
Pʋyɔɔ lɛ mankaɣ sezuu me-nesi ñɔ-yɔɔ nɛ manɖɩzɩ-ŋ.+
Pɩnɩ-m nɛ ña-pʋtɔdɩyɛ naʋ.*
7 Nɛ mankaɣ-wɛ falʋʋ nɛ pɛɛlɩ kela ñɩŋgʋ ɛjaɖɛ nɔnɔsɩ taa.
Mankaɣ yebu nɛ papɩsɩ mba pɛfɛyɩnɩ piya yɔ.+
Mankaɣ ɖɩzʋʋ man-samaɣ,
Mbʋ pʋyɔɔ yɔ pekizaa se paayeki pa-nʋmɔŋ nɛ papɩsɩ.+
8 Pe-lelaa kaɣ ɖɔʋ mɛ-ɛsɩndaa nɛ pɩkpaɖɩ teŋgunaa nɔsɩ yɔɔ kañɩŋa.
Mankaɣ yebu nɛ ɖɩzɩyʋ nɔɔyʋ kɔɔ pa-wayɩ wɩsɩ siɣu alɩwaatʋ taa, ɖoonaa nɛ evebiya pa-wayɩ.
Mankaɣ kɔnʋʋ ñam ñam lakasɩ nɛ sɔɔndʋ sɔsɔtʋ pɔ-yɔɔ tuda.
9 Halʋ weyi ɛlʋlɩ piya 7 yɔ efiɣnaa;
Efeziɣ* kaɖɛ nɛ kaɖɛ.
Ɛ-wɩsɩ ɖʋ alɩwaatʋ ndʋ evemiye tɩtɛmta yɔ,
Nɛ pɩkɔnɩ fɛyɛ nɛ pʋtɔdɩyɛ wɛtʋ.”*
“Nɛ pa-taa mba pɩkazɩ pazɩ yɔ,
Mankaɣ-wɛ kpaɣʋ nɛ mɛncɛlɩ po-koyindinaa laɣɖɛ,” Yehowa yɔɔdʋʋna.»+
10 Hayɩ mon-ɖoo, pɩtɔɔ-m, mbʋ pʋyɔɔ yɔ ŋlʋlɩ-m,+
Mɛnkɛ ɛyʋ weyi ɛjaɖɛ kpeekpe caɣ-ɩ tɔm nɛ ɖiyouni-i yɔ.
Mantɩkɩndɩ nɔɔyʋ nabʋyʋ nɛ nɔɔyʋ tɩkɩndɩ-m nabʋyʋ ɖɔɖɔ;
Ɛlɛ pa-tɩŋa pɔlɔʋ nɔɔ kɩdɛkɛdaɣ mɔ-yɔɔ.
11 Yehowa yɔɔdaa se: «Pɩtʋʋ fɛyɩ se mankaɣ-ŋ sɩnʋʋ;*
Mankaɣ lʋbʋ ñɔ-yɔɔ asɛyʋʋ alɩwaatʋ taa,
Alɩwaatʋ ndʋ ŋwɛ kʋñɔŋ taa koyindu yɔɔ yɔ.
12 Ɛzɩ nɔɔyʋ pɩzɩɣ nɛ ɛpɛlɩ ñɩɣyʋʋ hɔɔlasɩ hɔɔlasɩ na?
Ɛpɩzɩɣ nɛ ɛpɛlɩ ñɩɣyʋʋ ŋgʋ kɩlɩnɩ hayo kiŋ yɔ, nɛ ñɩɣyʋʋ kɩsɛɛmʋʋ na?
13 Mankaɣ yebu nɛ palazɩ mbʋ ŋwɛna yɔ nɛ ña-ñɩm,+
Paakaɣ hɛyʋʋ pɩ-yɔɔ nabʋyʋ, ɛlɛ ña-kɩwɛɛkɩm mbʋ payɩ ŋlabɩ ña-ageeta kpeekpe taa yɔ pʋyɔɔ pakaɣ-ŋ labʋ mbʋ.
14 Mankaɣ-pʋ cɛlʋʋ ño-koyindinaa
Se powoni-pʋ ɛjaɖɛ nɖɩ ŋŋsɩŋ yɔ ɖɩ-taa.+
Mbʋ pʋyɔɔ yɔ man-pana sɔbɩ miŋ nɩɩyɩ,
Nɛ iɖiɣni mʋʋ se ɩñaɣ-mɩ.»+
15 Ŋsɩm mbʋ pɩ-taa mɛwɛɛ yɔ, Oo Yehowa,
Tɔzɩ mɔ-yɔɔ nɛ ŋkɛzɩ ña-lɩmaɣza nɛ mɔ-yɔɔ.
Kpa kɩmɩyɛ mba panazɩɣ-m yɔ.+
Ŋwɛ hɛɛɛ pana kɔʋ taa, pʋyɔɔ lɛ taayele nɛ mɛntɛŋɩlɩ.*
Tɩlɩ se ñɔ-yɔɔ mɔntɔkɩ fɛyɛ ɖɩnɛ.+
16 Malɩ ñɔ-tɔm yɔɔ, nɛ mɔntɔɔ-tʋ;+
Nɛ ñɔ-tɔm pɩsɩ amɛya nɛ taa leleŋ pʋyʋ ma-laŋɩyɛ taa,
Mbʋ pʋyɔɔ yɔ paya-m nɛ ña-hɩɖɛ, hayɩ yoyaa tɛ Ɛsɔ Yehowa.
17 Ma nɛ kazandʋ kadadayaɣ laɖaa ɖɩɩcakɩ se ɖɩnɩɩ leleŋ.+
18 Ɛbɛ yɔɔ ma-wɩzasɩ wɛ tam nɛ me-heŋ ɩɩwaɣ?
Ɩɩcaɣ waʋ.
Ɛzɩ ŋkaɣ pɩsʋʋ mɛ-ɛsɩndaa ɛzɩ cɛtɩm lɩm hiɖe
Nɖɩ paapɩzɩɣ nɛ pataa-ɖɩ liu yɔ?
19 Pʋyɔɔ lɛ, tɔm tʋnɛ Yehowa yɔɔdʋʋ:
«Ye ŋpɩsaa yɔ, ɖɩnɛ ɛlɛ mankaɣ-ŋ ɖaɣnʋʋ kʋsʋʋ,
Nɛ ŋkaɣ sɩŋʋʋ mɛ-ɛsɩndaa.
Ye ŋlɩzɩɣ mbʋ pɩmʋ ñɩm yɔ nɛ hɔɔlʋʋ nɛ pɩkazɩɣ mbʋ pɩɩwazɩɣ pʋyʋ yɔ,
Ŋkaɣ pɩsʋʋ ɛzɩ ma-maɣmaɣ mɔ-nɔɔ yɔ.*
Pɩkaɣ pɔzʋʋ se papɩsɩ ñɔ-cɔlɔ,
Ɛlɛ ña lɛ, ŋŋkaɣ pɩsʋʋ pɔ-cɔlɔ.»
20 «Menɖiɣni yebu se ŋpɩsɩ ñɩɣyʋʋ kɩsɛɛmʋʋ koloŋa samaɣ kanɛ kɛ-ɛsɩndaa.+
Pɩtʋʋ fɛyɩ se pakaɣ-ŋ yonuu,
Ɛlɛ paakaɣ-ŋ wabʋ,+
Mbʋ pʋyɔɔ yɔ mɛwɛ ñɔ-cɔlɔ, se maya ña-ñʋʋ nɛ moholi-ŋ,» Yehowa yɔɔdʋʋna.
21 «Nɛ mankaɣ-ŋ holuu kañatʋ tɩnaa nesi tɛɛ
Nɛ maya ña-ñʋʋ mba paanaɣ lalaa pʋtɔdɩyɛ yɔ, pe-nesi tɛɛ.»
16 Yehowa tɔm tasɩ-m talʋʋ se: 2 «Pɩtɩpɔzɩ se ŋkpaɣ halʋ, nɛ pɩtɩpɔzɩ se ŋwɛɛnɩ abalɩbiya nɛ halɩbiya lone ɖɩnɛ ɖɩ-taa. 3 Mbʋ pʋyɔɔ yɔ tɔm tʋnɛ Yehowa yɔɔdʋʋ abalɩbiya nɛ halɩbiya nzɩ palʋlʋʋ-sɩ cɩnɛ yɔ nɛ po-ɖoonaa mba palʋlʋʋ-sɩ yɔ nɛ pa-caanaa mba peyeki se palʋlɩ-sɩ ɛjaɖɛ ɖɩnɛ ɖɩ-taa yɔ pɔ-yɔɔ: 4 “Pakaɣ sɩbɩnʋʋ kʋdɔmɩŋ weyi ɩkɔŋnɩ sɩm yɔ,+ ɛlɛ nɔɔyʋ ɛɛkaɣ caɣʋ kʋñɔwiye pɔ-yɔɔ yaa nɔɔyʋ ɛɛkaɣ-wɛ pim; pakaɣ pɩsʋʋ ɛzɩ huɖe yɔ tɛtʋ yɔɔ.+ Pakaɣ-wɛ kʋʋ nɛ laɣɖɛ nɛ ñɔɔsɩ kaɣ-wɛ kʋʋ nɛ pasɩ,+ nɛ po-tomnasɩ kaɣ pɩsʋʋ ɛsɔdaa sumasɩ nɛ tɛtʋ yɔɔ tɛtɛgbɩna tɔɔnaɣ.”
5 Mbʋ pʋyɔɔ yɔ tɔm tʋnɛ Yehowa yɔɔdʋʋ:
“Taasʋʋ ɖɩɣa ŋga ka-taa pahaɣ kʋñɔwiye caɣyaa tɔɔnaɣ yɔ,
Nɛ taasʋʋ se ŋwii yaa se ŋnɩɩ pe-siziŋ.”+
“Mbʋ pʋyɔɔ yɔ malɩzɩ ma-laŋhɛzɩyɛ samaɣ kanɛ kɔ-yɔɔ,
Malɩzɩ ɖɔɖɔ mɔn-sɔɔlɩm siɣsiɣ ñɩmbʋ nɛ man-pʋtɔdɩyɛ naʋ kɔ-yɔɔ,”+ Yehowa yɔɔdʋʋna.
6 “Sɔsaa nɛ cikpema, pa-tɩŋa pakaɣ sɩbʋ ɛjaɖɛ ɖɩnɛ ɖɩ-taa.
Paakaɣ-wɛ pim,
Nɔɔyʋ ɛɛkaɣ caɣʋ kʋñɔwiye pɔ-yɔɔ,
Nɔɔyʋ ɛɛkaɣ hɛdʋʋ e-tomnaɣ nɛ ɛɖʋ-kɛ heŋ yaa ɛɛkaɣ hʋm ɛ-ñʋʋ koloŋgolo pɔ-yɔɔ.*
7 Nɛ nɔɔyʋ ɛɛkaɣ haʋ tɔɔnaɣ mba pɛwɛ kʋñɔwiye taa yɔ,
Se ɛhɛzɩ pa-laŋa pɛ-ɛyʋ weyi ɛsɩba yɔ ɛ-yɔɔ;
Nɛ nɔɔyʋ ɛɛkaɣ-wɛ haʋ ɖɔɖɔ vɛɛ kɔpʋ ŋgʋ kɩhɛzɩɣ laŋɩyɛ yɔ
Se pɔñɔɔ pa-caa yaa po-ɖoo sɩm yɔɔ.
8 Nɛ taasʋʋ kazandʋ ɖɩɣa taa
Se ña nɛ wɛ ɩcaɣ nɛ ɩtɔɔ nɛ ɩñɔɔ.”
9 «Mbʋ pʋyɔɔ yɔ tɔm tʋnɛ yoyaa tɛ Yehowa, Izrayɛɛlɩ tɛ Ɛsɔ, yɔɔdʋʋ: “Cɩnɛ, lone ɖɩnɛ ɖɩ-taa, mi-wezuu caɣʋ alɩwaatʋ taa nɛ mɩ-maɣmaɣ mɩ-ɛsɩndaa, mankaɣ yebu nɛ amɛya nɛ taa leleŋ taŋ sɩɩ tɩnaɣ, walʋ nɔɔ nɛ asɛyʋ kɩfalʋ nɔɔ sɩɩ tɩnaɣ.”+
10 «Alɩwaatʋ ndʋ ŋheyiɣ samaɣ kanɛ tɔm tʋnɛ tɩ-tɩŋa yɔ, pakaɣ-ŋ pɔzʋʋ se: “Ɛbɛ yɔɔ Yehowa yɔɔdɩ asɛyʋʋ sɔsɔʋ kʋnɛ kɩ-tɩŋa kɩ-tɔm ɖɔ-yɔɔ? Kɩdɛkɛdɩm nɛ kɩwɛɛkɩm mbʋ ɖɩlabɩ ɖɛ-Ɛsɔ Yehowa?”+ 11 Pɩwɛɛ se ŋcosi-wɛ se: “‘Mbʋ pʋyɔɔ yɔ mɩ-cɔzɔnaa yebi-m,+ nɛ powobi pɩ-yɔɔ nɛ patɩŋɩɣ ɛsɔnaa lalaa nɛ pɛsɛɣ-wɛ nɛ poluŋuu pɛ-tɛɛ.+ Ɛlɛ ma lɛ peyebi-m, nɛ patɩɖɔkɩ man-paɣtʋ,+ Yehowa yɔɔdʋʋna. 12 Nɛ mɩ yɔ, ɩlabɩ kɩdɛkɛdɩm kpem nɛ pɩkpaɖɩ mɩ-cɔzɔnaa,+ nɛ mɩ-taa paa weyi lɛ ɛtɩŋɩɣ ɛ-laŋɩyɛ nɖɩ ɖɩkɛ kɩdɛkɛdɩyɛ nɛ ɖɩwɛɛ kpɩzɩŋ yɔ nɛ ekiziɣ se ɛɛñaŋɩ-m.+ 13 Pʋyɔɔ lɛ mankaɣ-mɩ kpaɣʋ ɛjaɖɛ ɖɩnɛ ɖɩ-taa nɛ mɔlɔ-mɩ ɛjaɖɛ nɖɩ mɩ-maɣmaɣ yaa mɩ-cɔzɔnaa tɩsɩm-ɖɩ yɔ ɖɩ-taa,+ nɛ peeɖe lɛ pɩkaɣ pɔzʋʋ se ɩsɛɛ ɛsɔnaa lalaa wɩsɩ nɛ ɖoo,+ mbʋ pʋyɔɔ yɔ maakaɣ naʋ mɩ-pʋtɔdɩyɛ.’”
14 «“Ɛlɛ, kɩyakɩŋ ɖiɣni kɔm, nɛ alɩwaatʋ ndʋ lɛ paakaɣ tasʋʋ yɔɔdʋʋ se: ‘Yehowa ñɩtʋʋ nɛ ɛwɛɛ wezuu yɔ, ɛnʋ weyi ɛlɩzɩ Izrayɛɛlɩ samaɣ Ejipiti ɛjaɖɛ taa yɔ!’+ Yehowa yɔɔdʋʋna. 15 Ɛlɛ pakaɣ yɔɔdʋʋ se: ‘Yehowa ñɩtʋʋ nɛ ɛwɛɛ wezuu yɔ, ɛnʋ weyi ɛlɩzɩ Izrayɛɛlɩ samaɣ hayo kiŋ ɛjaɖɛ taa nɛ ajɛɛ kpeekpe wena a-taa ɛɛmɩzɩ-kɛ yɔ!’ Nɛ mankaɣ-wɛ pɩsɩnʋʋ pɛ-ɛjaɖɛ, nɖɩ maaha pɔ-cɔzɔnaa yɔ ɖɩ-taa.”+
16 “Na, mentiyiɣ nɛ payaa kpakpasɩ kpayaa sakɩyɛ,
Nɛ pakaɣ-wɛ kpaʋ.
Pʋwayɩ lɛ, mankaɣ tiyuu nɛ payaa agbama sakɩyɛ,
Nɛ pakaɣ-wɛ ñɩnʋʋ paa pʋʋ ŋgʋ lɛ kɩ-yɔɔ nɛ paa piyaɣ ŋga lɛ kɔ-yɔɔ
Nɛ kaaŋ sɔsɔŋ hɛɛnzɩ taa, Yehowa yɔɔdʋʋna.
17 Mbʋ pʋyɔɔ yɔ mɛ-ɛsa wɛ mbʋ payɩ palakɩ yɔ pɩ-yɔɔ.*
Paapɩzɩɣ nɛ pɛmɛsɩ-m mbʋ palakɩ yɔ
Paapɩzɩɣ ɖɔɖɔ nɛ pɛmɛsɩ-m pa-kɩdɛkɛdɩm.
18 Kajalaɣ lɛ, mankaɣ-wɛ hɛyʋʋ kɩhɛyʋʋ pilim ŋgʋ kɩmʋnɩ pa-kɩdɛkɛdɩm nɛ pa-kɩwɛɛkɩm yɔ,+
Mbʋ pʋyɔɔ yɔ pakpaɣ pa-sɩɩnaa mba pɛwɛ kiniŋ yɔ pa-sɩʋ kpelisi nzɩ sɩfɛyɩ wezuu yɔ* nɛ pepisini mɛ-ɛjaɖɛ
Nɛ peyele nɛ pa-kʋzɔɔtʋ wondu su ma-ñɩm taa.”»+
19 Hayɩ Yehowa, mon-ɖoŋ nɛ man-ɖɩjɔzɩyɛ,
Lone nɖɩ ɖɩ-taa menseɣ se mowolo kʋñɔŋ kɩyakʋ wiye yɔ,+
Ajɛɛ kaɣ lɩnʋʋ tɛtʋ kamasɩ yɔɔ nɛ akɔɔ ñɔ-cɔlɔ,
Nɛ akaɣ yɔɔdʋʋ se: «Ðɔ-cɔzɔnaa kaamʋ mbʋ nɛ pɩkɛ pa-ñɩm yɔ, pɩkɛ cɛtɩm siŋŋ;
Falaa pʋyʋ nɛ mbʋ pɩfɛyɩ wazaɣ nakɛyɛ yɔ.»+
20 Ɛyʋ pɩzɩɣ nɛ elu ɛ-tɩ ɛsɔnaa
Ŋgʋ patɩkɛ ɛsɔnaa toovenim taa?+
21 «Pʋyɔɔ lɛ, mankaɣ yebu nɛ patɩlɩ,
Alɩwaatʋ ndʋ lɛ, mankaɣ yebu nɛ patɩlɩ mon-ɖoŋ nɛ mo-hoɖe,
Nɛ pɩtʋʋ fɛyɩ se pakaɣ tɩlʋʋ se ma-hɩɖɛ lɛ Yehowa.»
17 «Pama Yuuda kɩwɛɛkɩm nɛ ñɩɣyʋʋ kɩmamaʋ.
Pakpaɣ diyaamaa* ŋgʋ kɩ-nɔɔ taa wɛ cʋlʋ cʋlʋ yɔ nɛ pamanɩ-pʋ* pa-laŋɩyɛ pɩtaahalaŋa yɔɔ,
Nɛ pa-altaarunaa hɩŋ yɔɔ,
2 Alɩwaatʋ ndʋ pa-pɩyalaa tɔzʋʋ pa-altaarunaa nɛ pe-sizikasɩ kiɖeɖesi* yɔɔ+
Tɩʋ ŋgʋ kɩwɛ hatʋ camɩyɛ yɔ kɩ-cɔlɔ, piyisi kʋkʋyɩsɩ yɔɔ yɔ,+
3 Pʋŋ weyi ɩwɛ lona wena aposini tɛtʋ yɔ a-taa yɔ.
Mankaɣ yebu nɛ palazɩ mbʋ ŋwɛna yɔ, ña-ñɩm kpeekpe;+
Ɛɛɛ, mankaɣ yebu nɛ palazɩ ño-lona kʋkʋya, kɩwɛɛkɩm mbʋ ŋlabɩ ña-ageeta kpeekpe taa yɔ pɩ-yɔɔ.+
4 Ña-maɣmaɣ ñɔ-sɔɔlɩm ŋkaɣ cɛlɩnʋʋ ñɩm mbʋ maha-ŋ yɔ.+
Nɛ mankaɣ yebu nɛ ŋɖʋ lɩm ño-koyindinaa ɛjaɖɛ nɖɩ ŋŋsɩŋ yɔ ɖɩ-taa,+
Miŋ ɛnɩ ɩkaɣ wɛʋ nɛ ɩmʋʋ tam.»
5 Tɔm tʋnɛ Yehowa yɔɔdʋʋ:
6 Ɛkaɣ pɩsʋʋ ɛzɩ tɩʋ ŋgʋ kɩwɛ ki-ɖeke kañɩmbusuu taa yɔ.
Ɛɛkaɣ naʋ alɩwaatʋ ndʋ kɩbandʋ kɔŋ yɔ,
Ɛlɛ ɛkaɣ caɣʋ wɩlɩŋ lona taa kañɩmbusuu taa,
Ðɔm tɛtʋ ndʋ tɩ-taa ɛyʋ nɔɔyʋ ɛɛpɩzɩɣ nɛ ɛcaɣ yɔ.
8 Ɛkaɣ wɛʋ ɛzɩ tɩʋ ŋgʋ pɔsɔ-kʋ lɩm nɔɔ yɔ,
Ŋgʋ ki-lila yɛzɩɣ nɛ atalɩɣ pɔɔ taa yɔ.
Ɛɛkaɣ nɩʋ soŋaɣ taŋ soŋaɣ alɩwaatʋ taa,
Ɛlɛ ɛ-hatʋ kaɣ nɛɣdʋʋ paa ɛzɩmtaa.+
Nɛ wɩlɩŋ pɩnaɣ taa lɛ, ɛɛkaɣ wɛʋ nɩɣzɛ taa,
Nɛ ɛɛkaɣ ɖɔɖɔ yebu pee lʋlʋʋ.
9 Laŋɩyɛ kɛ cɛtɩyʋ* nɛ pɩkpaɖɩ pɩtɩŋa nɛ ɖɩ-tɔm wɛ kaɖɛ.*+
Apɩzɩɣ nɛ ɛtɩlɩ-ɖɩ?
10 Ma, Yehowa, mantazɩɣ laŋɩyɛ taa,+
Mantazɩɣ lɩmaɣza cukaŋ ñɩna taa,*
Se maha paa weyi mbʋ pɩmʋnɩ ɛ-nʋmɔŋ yɔ,
Mbʋ pɩmʋnɩ pee wena ɛ-tʋma lʋlaa yɔ.+
11 Ɛzɩ leɣa ŋga kekpeɣliɣ yala wena katɩɖʋ yɔ,
Ñɩm mbʋ, pɩkaɣ ɖɛʋ nɛ piyebi-i e-wezuu hɛkʋ taa,
Nɛ mbʋ pɩtɛŋna yɔ lɛ se pɩkaɣ naʋ kpayɩ kpayɩ se ɛkɛ kɩmɛlɛŋ.»
12 Kewiyaɣ kpelaɣ sɔsɔɔ, ŋga pakpazɩ-kɛ ɛsɔdaa kpaɣnɩ ɖooo kiɖe tɛɛ yɔ,
Ŋga kɛnɩ ɖo-kooka kiɖeɖeɣa lone.+
13 Hayɩ Yehowa, Izrayɛɛlɩ lidaʋ,
Mba payɩ peyeki-ŋ yɔ, fɛyɛ kaɣ-wɛ kpaʋ.
Mba peyeki-ŋ* nɛ pɛkɛɣnɩ hɔɔlʋʋ yɔ,* pakaɣ pa-hɩla maʋ mʋzʋʋ taa,+
Mbʋ pʋyɔɔ yɔ pɔlɔ Yehowa, weyi ɛkɛ wezuu lɩm hiɖe yɔ.+
14 La nɛ mɔ-yɔɔ cɛ, hayɩ Yehowa, nɛ mɔ-yɔɔ kaɣ cɛbʋ.
Ya ma-ñʋʋ, nɛ mankaɣ hiɣu ñʋʋ yabʋ,+
Mbʋ pʋyɔɔ yɔ ñɛkɛnɩ weyi mansaŋ yɔ.
15 Na! Nabɛyɛ wɛɛ nɛ peheyiɣ-m se:
«Le Yehowa tɔm wɛɛ?+
Ðitendi-ŋ, tɩkɔɔ!»
16 Ɛlɛ ma lɛ, mantiyele ña-wayɩ tɩŋʋʋ nɛ mense se maatasɩɣ kɛʋ ninɖiɣyu,
Nɛ me-liu taawɛɛ ɖɔɖɔ asɛyʋʋ kɩyakʋ.
Ŋsɩm camɩyɛ tɔm ndʋ payɩ mo-ndomee yɔɔdaa yɔ;
Pɩtɩŋa payɩ, ñɛ-ɛsɩndaa pɩlaba!
17 Taakɛ mbʋ pɩɖʋʋ-m sɔɔndʋ siŋŋ yɔ.
Ñɛkɛnɩ man-ɖɩjɔzɩyɛ asɛyʋʋ kɩyakʋ wiye.
18 Yele nɛ fɛyɛ kpa mba panazɩɣ-m yɔ,+
Ɛlɛ ma lɛ, taayele nɛ fɛyɛ kpa-m.
Yele nɛ sɔɔndʋ sɔsɔtʋ kpa-wɛ,
Ɛlɛ ma lɛ, taayele nɛ sɔɔndʋ sɔsɔtʋ kpa-m.
19 Tɔm tʋnɛ Yehowa heyi-m: «Wolo nɛ ŋsɩŋ samaɣ pɩyalaa nɔnɔɔ ŋga Yuuda awiya tɩŋɩɣna nɛ pasʋʋ nɛ palɩɣ yɔ ka-taa, nɛ Yeruzalɛm nɔnɔsɩ tɩŋa taa.+ 20 Pɩwɛɛ se ŋheyi-wɛ se: “Iwelisi Yehowa tɔm, mɩ Yuuda awiya, mɩ Yuuda mba tɩŋa, nɛ mɩ Yeruzalɛm taa mba tɩŋa, mɩ mba ɩsʋʋnɩ nɔnɔsɩ sɩnɛ yɔ. 21 Tɔm tʋnɛ Yehowa yɔɔdʋʋ: ‘Ɩcɔnɩ mɩ-tɩ yɔɔ* camɩyɛ, nɛ ɩtaasɩɣlɩ sʋʋtʋ natʋyʋ Sabaatɩ kɩyakʋ wiye yaa ɩtaatɩŋnɩ Yeruzalɛm nɔnɔsɩ nɛ ɩsʋnɩ-tʋ.+ 22 Pɩtɩpɔzɩ se ɩkpaɣ sʋʋtʋ natʋyʋ nɛ mɩ-ɖɩsɩ taa Sabaatɩ kɩyakʋ wiye nɛ ɩlɩna; nɛ pɩtɩpɔzɩ se ɩla tʋmɩyɛ naɖɩyɛ kaaʋ.+ Iyele nɛ Sabaatɩ kɩyakʋ kɛ kiɖeɖeu tam, ɛzɩ maaɖʋʋ paɣtʋ mɩ-cɔzɔnaa yɔ.+ 23 Ɛlɛ patiwelisi nɛ patɩkʋ nɩŋgbaŋʋʋ; nɛ pala ñʋʋ taa ɖoŋ nɛ pekizi* se paañaŋ yaa paamʋʋ lɔŋ sɩɣzʋʋ.’”+
24 «“‘Ɛlɛ ye ɩñamɩ-m ɖeyi ɖeyi nɛ ɩɩkpakɩɣ sʋʋtʋ natʋyʋ nɛ ɩtɩŋɩɣnɩ tɛtʋ tʋnɛ tɩ-nɔnɔsɩ nɛ ɩsʋʋnɩ-tʋ Sabaatɩ kɩyakʋ wiye, nɛ iyele nɛ Sabaatɩ kɩyakʋ kɛ kiɖeɖeu tam mbʋ pʋyɔɔ yɔ ɩɩlakɩ tʋmɩyɛ naɖɩyɛ ki-wiye yɔ,+ Yehowa yɔɔdʋʋna, 25 ɖɩnɛ ɛlɛ awiya nɛ awumbiya mba pacakɩ Daviid kewiyaɣ kpelaɣ yɔɔ yɔ,+ pakaɣ ɖɔɖɔ tɩŋnʋʋ tɛtʋ tʋnɛ tɩ-nɔnɔsɩ nɛ pasʋʋ, pakaɣ caɣʋ kɛɛkɛɛnaa taa nɛ kpaŋnaŋ yɔɔ, pa nɛ pa-awumbiya, Yuuda mba nɛ Yeruzalɛm taa mba;+ nɛ tɛtʋ tʋnɛ, ɛyaa kaɣ wɛʋ tɩ-taa tam. 26 Nɛ ɛyaa kaɣ lɩnʋʋ Yuuda tɛtʋ ndɩ ndɩ taa, lona wena acɔ Yeruzalɛm nɛ ata yɔ a-taa, Bɛnjamɛɛ ɛjaɖɛ taa,+ pɩ-tɛɛ ɛjaɖɛ taa,+ pʋŋ egeetiye taa, nɛ Negɛɛbʋ* nɛ pɔkɔɔ; pɔkɔŋnɩ kɩlaŋ kɩñaɣzɩŋ,+ kɩlaŋ,+ tɔɔnaɣ pee kɩlaŋ,+ tɩlaaɖɩ kʋhʋlʋmʋʋ, nɛ ɛsɩmɩyɛ kɩlaŋ Yehowa ɖɩɣa taa.+
27 «“‘Ɛlɛ ye ɩɩñaŋɩ-m nɛ iiyeki se Sabaatɩ kɩyakʋ ɛkɛ kiɖeɖeu tam nɛ ɩsɩɣlɩɣ sʋʋtʋ nɛ ɩtɩŋɩɣnɩ Yeruzalɛm nɔnɔsɩ nɛ ɩsʋʋnɩ-tʋ Sabaatɩ kɩyakʋ wiye yɔ, mankaɣ sɔbʋ kɩ-nɔnɔsɩ miŋ, nɛ pɩtʋʋ fɛyɩ se ɩkaɣ ñaɣʋ Yeruzalɛm tilima ɖoŋ ñɩna+ nɛ paakaɣ miŋ ɛnɩ ɖɩzʋʋ.’”»+
18 Tɔm ndʋ tɩlɩnɩ Yehowa cɔlɔ nɛ tɩtalɩ Yereemii yɔ, ndʋ yɔ: 2 «Kʋyɩ nɛ ŋtii cʋʋ mayʋ ɖɩɣa taa,+ nɛ mankaɣ yebu nɛ ŋnɩɩ mɔn-tɔm peeɖe.»
3 Peeɖe mankʋyaa nɛ mentii cʋʋ mayʋ ɖɩɣa taa, nɛ eɖiɣni labʋ tʋmɩyɛ cʋʋ mayʋ kpela yɔɔ. 4 Ɛlɛ cʋʋ ñanaɣ ŋga cʋʋ mayʋ kpaɣ cʋʋ nɛ ɛmaɣna yɔ, kɛwɛɛkɩ e-nesi taa. Peeɖe ɛkpaɣ-kʋ nɛ ɛɖaɣnɩ maʋ cʋʋ ñanaɣ lɛɛka, ɛzɩ ɛsɔɔlʋʋ yɔ.*
5 Nɛ Yehowa tɔm talɩ-m se: 6 «“Ɛzɩ ma ɖɔɖɔ maapɩzɩɣ nɛ malabɩ-mɩ ɛzɩ cʋʋ mayʋ ɛnɛ ɛlabʋ yɔ, Oo Izrayɛɛlɩ ɖɩɣa? Ɩna! Ɛzɩ cʋʋ wɛʋ cʋʋ mayʋ nesi tɛɛ yɔ, mbʋ ɖɔɖɔ ɩwɛ me-nesi tɛɛ, Oo Izrayɛɛlɩ ɖɩɣa,”+ Yehowa yɔɔdʋʋna. 7 Alɩwaatʋ ndʋ payɩ mɔyɔɔdʋʋ ɛjaɖɛ naɖɩyɛ yaa kewiyaɣ nakɛyɛ tɔm se mɛnkpɛzɩɣ-kɛ nɛ mɔyɔkɩ-kɛ nɛ mɛnpɛɖɩ nɛ manɖɩzɩ-kɛ,+ 8 nɛ ɛjaɖɛ nɖɩ ɖiyele ɖɩ-kañatʋ lakasɩ nzɩ sɩ-tɔm mɔyɔɔdaa yɔ, mankaɣ ɖɔɖɔ lɛɣzʋʋ ma-lɩmaɣza* pɩlɩɩnɩ asɛyʋʋ ŋgʋ maaɖʋwa se mɔnkɔŋnɩ ɖɩ-yɔɔ yɔ kɩ-yɔɔ.+ 9 Ɛlɛ alɩwaatʋ ndʋ payɩ mɔyɔɔdʋʋ ɛjaɖɛ naɖɩyɛ yaa kewiyaɣ nakɛyɛ tɔm se mamaɣ-kɛ nɛ mankam-kɛ, 10 nɛ ɛjaɖɛ nɖɩ ɖɩlakɩ mbʋ pɩfɛyɩ ɖeu mɛ-ɛsɩndaa yɔ nɛ ɖɩɩñaŋ mɔ-nɔɔ taa tɔm yɔ, mankaɣ lɛɣzʋʋ ma-lɩmaɣza* pɩlɩɩnɩ kɩbandʋ ndʋ maaɖʋwa se malakɩ-ɖɩ yɔ tɩ-yɔɔ.”
11 «Lɛɛlɛɛyɔ mentendi-ŋ, heyi tɔm tʋnɛ Yuuda mba nɛ Yeruzalɛm taa mba: “Tɔm tʋnɛ Yehowa yɔɔdʋʋ: ‘Ɩna, menɖiɣni ñɔɔzʋʋ* asɛyʋʋ nakʋyʋ nɛ menɖiɣni labʋ ɖʋtʋ natʋyʋ mɩ-yɔɔ. Mentendi-mɩ, iyele mɩ-nʋmɔŋ kɩdɛkɛdɩŋ nɛ ɩpɩsɩ, nɛ ɩñɔɔzɩ mɩ-nʋmɔŋ nɛ mɩ-lakasɩ.’”»+
12 Ɛlɛ pɔyɔɔdɩ se: «Taaɖʋ ña-tɩ kʋñɔŋ!+ Mbʋ pʋyɔɔ yɔ ɖɩkaɣ ɖɔm ndʋ ɖa-maɣmaɣ ɖɩmaɣzɩɣ yɔ tɩ-yɔɔ, nɛ ɖa-taa paa weyi lɛ ɛkaɣ labʋ ɛzɩ ɛ-laŋɩyɛ nɖɩ ɖɩkɛ kɩdɛkɛdɩyɛ nɛ ɖɩwɛɛ kpɩzɩŋ yɔ ɖɩsɔɔlʋʋ yɔ.»+
13 Pʋyɔɔ lɛ, tɔm tʋnɛ Yehowa yɔɔdʋʋ:
«Mentendi-mɩ, mɩ-maɣmaɣ iwolo nɛ ɩpɔzɩ ajɛɛ taa nɛ ɩna.
Atɛm tɔm natʋyʋ nɩʋ ɛzɩ tʋnɛ yɔ?
Izrayɛɛlɩ pɛlɛ weyi ɛtɩtɩlɩ abalʋ yɔ ɛlabɩ kʋzɔɔtʋ lakasɩ nzɩ sɩ-wayɩ fɛyɩ yɔ.+
14 Ɛzɩ Libaŋ ɖɔmbɛɛ mʋkɩ kaaŋ weyi ɩwɛ kɩ-kajalanzɩ taa yɔ ɩ-yɔɔ?
Yaa lɩm kiniɣdim mbʋ pɩlɩnɩ poliŋ taa nɛ pikpeŋ yɔ, pɩkaɣ sɔʋ na?
15 Ɛlɛ man-samaɣ sɔ mɔ-yɔɔ.+
Mbʋ pʋyɔɔ yɔ palaɣ kɩlaŋ mbʋ pɩɩwazɩɣ pʋyʋ yɔ,*+
Nɛ peyeki nɛ pituuluu ɛyaa pa-nʋmɔŋ taa, ɖooo lɔndaa nʋmɔŋ taa,+
Se pɔɖɔ nʋmɔŋ cikpeŋ weyi patɩñɔɔzɩ-ɩ nɛ ɩfɛyɩ layɩɩ yɔ* ɩ-taa.
Weyi ɛtɩŋɩɣnɩ peeɖe yɔ, ɛkaɣ cɔnʋʋ nɛ sɔɔndʋ kpa-ɩ nɛ ekpiɣyi ɛ-ñʋʋ.+
17 Mankaɣ-wɛ mɩzʋʋ koyindu ɛsɩndaa, ɛzɩ wɩsɩ ɖɩlɩyɛ taa helim yɔ.
Pa-asɛyʋʋ kɩyakʋ wiye lɛ, mankaɣ-wɛ haʋ siɣye, ɛlɛ maayeki nɛ pana mɛ-ɛsɩndaa.»*+
18 Nɛ pɔyɔɔdɩ se: «Ɩkɔɔ, iyele nɛ ɖɩkpɛyɩ Yereemii tɔm,+ mbʋ pʋyɔɔ yɔ paɣtʋ* ɛɛkaɣ ɖɩm ɖɔ-cɔjɔnaa cɔlɔ yaa lɔŋ tasʋʋ ɛɛkaɣ ɖɩm ɖɔ-lɔŋsɩnɖaa cɔlɔ yaa tɔm ɛɛkaɣ ɖɩm ɖa-nayaa cɔlɔ. Ɩkɔɔ nɛ ɖɩyɔɔdɩ tɔm kɩdɛkɛdɩtʋ ɛ-yɔɔ* nɛ ɖitaakemsi tɔm ndʋ ɛyɔɔdʋʋ yɔ.»
19 Hayɩ Yehowa, kemsini-m,
Nɛ ŋwelisi tɔm ndʋ mon-koyindinaa wɛɛ nɛ pɔyɔɔdʋʋ yɔ.
20 Ɛzɩ pɩwɛɛ se pakpaɣ kɩdɛkɛdɩm nɛ pɛhɛyɩnɩ kɩbam na?
Mbʋ pʋyɔɔ yɔ pohuyi pɔʋ se palɩzɩ me-wezuu.*+
Tɔzɩ ɛzɩma maasɩŋ ñɛ-ɛsɩndaa se mɔyɔɔdɩ pɔ-yɔɔ tɔm kɩbandʋ,
Se monposi ña-pana nɛ pɔ-cɔlɔ yɔ.
21 Pʋyɔɔ lɛ, yele nɛ ñɔɔsɩ kʋ pa-pɩyalaa,
Nɛ ŋɖʋzɩ-wɛ laɣɖɛ ɖoŋ tɛɛ.+
Pa-halaa ɩpɩsɩ halaa mba pe-piya sɩba yɔ nɛ lelaa.+
Kʋdɔŋ ŋgʋ kɩkɔŋnɩ sɩm yɔ, kɩkʋ pɛ-ɛyaa,
Pakʋ pe-evebiya nɛ laɣɖɛ you taa.+
22 Panɩɩ kubuka taŋ pa-ɖɩsɩ taa
Alɩwaatʋ ndʋ ŋkɔŋnɩ ɛtɛlɛmwaa pɔ-yɔɔ tuda yɔ.
Mbʋ pʋyɔɔ yɔ pohuyi pɔʋ se pakpa-m
Nɛ pañɩbɩ kpacanaa ma-nɩŋgbanzɩ.+
23 Ɛlɛ ña lɛ, hayɩ Yehowa,
Ŋsɩm camɩyɛ lɩmaɣza wena palabɩ mɔ-yɔɔ se pakʋʋ-m yɔ.+
Taahuuzi pa-kɩdɛkɛdɩm yɔɔ,
Nɛ taahɩzɩ pa-kɩwɛɛkɩm ñɛ-ɛsɩndaa.
19 Tɔm tʋnɛ Yehowa yɔɔdaa: «Wolo nɛ ŋya cʋʋ peeɣa nakɛyɛ cʋʋ mayʋ cɔlɔ.+ Kpaɣ samaɣ taa ɛzʋtʋyaa nabɛyɛ nɛ cɔjɔnaa taa ɛzʋtʋyaa nabɛyɛ, 2 nɛ ŋlɩɩ ŋwolo Hinɔɔm Pɩyalʋ Fɛɛʋ taa,+ Cʋʋ Hɔɔlasɩ Nɔnɔɔ taa. Nɛ ŋsusi peeɖe tɔm ndʋ meheyiɣ-ŋ yɔ. 3 Ŋkaɣ yɔɔdʋʋ se: “Ɩnɩɩ Yehowa tɔm, mɩ Yuuda awiya nɛ Yeruzalɛm taa mba. Tɔm tʋnɛ yoyaa tɛ Yehowa, Izrayɛɛlɩ tɛ Ɛsɔ yɔɔdʋʋ:
«“‘Mancaɣ kɔnʋʋ asɛyʋʋ lone ɖɩnɛ ɖɩ-yɔɔ, nɛ weyi ɛnɩɣ pɩ-tɔm yɔ ɛ-nɩŋgbaaŋ taa kaɣ sɛʋ weŋŋ. 4 Mbʋ pʋyɔɔ yɔ pɔlɔ-m+ nɛ peyele nɛ ɛyaa ɩɩtasɩɣ sɩm lone ɖɩnɛ.+ Pɛwɛɛ nɛ palaɣ kɩlaŋ ɛsɔnaa lalaa ɖɩ-taa, ɛsɔnaa mba pa nɛ pɔ-cɔzɔnaa nɛ Yuuda awiya pataasɩm-wɛ yɔ, nɛ peyeba nɛ mba patɩɖɔɔ wɛɛ naayɛ yɔ pa-calɩm su lone ɖɩnɛ ɖɩ-taa.+ 5 Pama Baalɩ lona kʋkʋya se pɩsa nɛ pañaɣzɩ pa-pɩyalaa miŋ se pɩkɛ kɩlaŋ kɩñaɣzɩŋ Baalɩ,+ pɩkɛ mbʋ mantaapɔzɩ-wɛ se pala yaa mantaayɔɔdɩ pɩ-tɔm yɔ, nɛ halɩ pɩtaatɩɩkpaʋ ma-laŋɩyɛ taa wiɖiyi.’”*+
6 «“‘Pʋyɔɔ lɛ, ɩna, kɩyakɩŋ ɖiɣni kɔm; nɛ paakaɣ tasʋʋ yaʋ lone ɖɩnɛ se Tofɛɛtɩ yaa Hinɔɔm Pɩyalʋ Fɛɛʋ ɛlɛ Kʋgʋʋ Fɛɛʋ,+ Yehowa yɔɔdʋʋna. 7 Mankaɣ wɛɛkʋʋ ɖʋtʋ ndɩ ndɩ ndʋ Yuuda nɛ Yeruzalɛm palaba yɔ lone ɖɩnɛ ɖɩ-taa, nɛ mankaɣ yebu nɛ po-koyindinaa kʋ-wɛ nɛ laɣɖɛ nɛ mankaɣ-wɛ ɖʋzʋʋ mba pañɩnɩɣ se palɩzɩ pe-wezuu yɔ* pe-nesi tɛɛ nɛ pakʋ-wɛ. Nɛ mankaɣ po-tomnasɩ cɛlʋʋ ɛsɔdaa sumasɩ nɛ tɛtʋ yɔɔ tɛtɛgbɩna se pɩkɛ pɔ-tɔɔnaɣ.+ 8 Nɛ mankaɣ yebu nɛ tɛtʋ tʋnɛ tɩpɩsɩ sɔɔndʋ pʋyʋ nɛ mbʋ panaɣ-pʋ nɛ pahʋlʋʋ kancʋʋlaɣ yɔ. Weyi ɛtɩŋɩɣnɩ peeɖe yɔ, ɛkaɣ cɔnʋʋ nɛ sɔɔndʋ kpa-ɩ nɛ ɛhʋlɩ kancʋʋlaɣ kɩ-asɛyɩŋ kpeekpe yɔɔ.+ 9 Nɛ mankaɣ yebu nɛ pɔtɔɔ pa-pɩyalaa nɛ pɛ-pɛlaa nandʋ, nɛ pa-taa paa weyi lɛ ɛkaɣ tɔɔʋ e-koobu nandʋ. Mbʋ pʋyɔɔ yɔ pakaɣ-wɛ ñɛyʋʋ nɛ pakaɣ wɛʋ laŋwɛɛkɩyɛ taa alɩwaatʋ ndʋ po-koyindinaa nɛ mba pañɩnɩɣ se palɩzɩ pe-wezuu yɔ* pɔcɔʋ-wɛ nɛ pata yɔ.’”+
10 «Pʋwayɩ lɛ, ŋyɔkɩ peeɣa ŋga ɛyaa mba ña nɛ wɛ iwoba yɔ pɛ-ɛsɩndaa, 11 nɛ ŋheyi-wɛ se: “Tɔm tʋnɛ yoyaa tɛ Yehowa yɔɔdʋʋ: ‘Mbʋ mankaɣ yɔkʋʋ samaɣ kanɛ nɛ tɛtʋ tʋnɛ, ɛzɩ ɛyʋ yɔkʋʋ cʋʋ mayʋ ñanaɣ nɛ paapɩzɩɣ kpa nɛ patasɩ-kɛ ñɔɔzʋʋ yɔ; nɛ pakaɣ pim sɩɖaa Tofɛɛtɩ taa nɛ pɩkɔɔ pɩsɩɩnɩ alɩwaatʋ ndʋ lone naɖɩyɛ tɩtasɩ kazʋʋ se pepim-wɛ yɔ.’”+
12 «“Mbʋ mankaɣ labʋ lone ɖɩnɛ nɛ ɖɩ-taa mba, se meyele nɛ tɛtʋ tʋnɛ tɩwɛɛ ɛzɩ Tofɛɛtɩ yɔ,” Yehowa yɔɔdʋʋna. 13 “Nɛ Yeruzalɛm ɖɩsɩ nɛ Yuuda awiya ɖɩsɩ kaɣ pɩsʋʋ mbʋ pɩfɛyɩ kele kele yɔ ɛzɩ lone ɖɩnɛ yɔ, Tofɛɛtɩ,+ ɛɛɛ, ɖɩsɩ nzɩ payɩ sɩ-ñʋŋ taa pala kɩlaŋ ɛsɔdaa yoyaa* kpeekpe yɔ+ nɛ ɖenɖe pelizi kilizasɩ ɛsɔnaa lalaa yɔ.”»+
14 Yereemii lɩnɩ Tofɛɛtɩ ɖenɖe Yehowa tiyi-i se ɛyɔɔdɩ natʋ tɔm yɔ nɛ ɛpɩsɩ lɛ, ɛsɩŋ Yehowa ɖɩɣa kadaɣ taa nɛ eheyi samaɣ kpeekpe se: 15 «Tɔm tʋnɛ yoyaa tɛ Yehowa, Izrayɛɛlɩ tɛ Ɛsɔ yɔɔdʋʋ: “Ɩna, menɖiɣni kɔnʋʋ tɛtʋ tʋnɛ tɩ-yɔɔ nɛ tɩ-tɛtʋ cikpetu ndɩ ndɩ kpeekpe yɔɔ asɛyʋʋ ŋgʋ mɔyɔɔdaa se mɔnkɔŋnɩ tɩ-yɔɔ yɔ kɩ-tɩŋa, mbʋ pʋyɔɔ yɔ palabɩ ñʋʋ taa ɖoŋ nɛ pekizi se paañaŋ mɔn-tɔm.”»*+
20 Nɛ alɩwaatʋ ndʋ Yereemii yɔɔdaɣ natʋ tɔm tʋnɛ yɔ, cɔjɔ Pasuuri, Imɛɛrɩ pɩyalʋ, weyi ɛɛkɛ ɖɔɖɔ Yehowa ɖɩɣa yɔɔ cɔnɩyʋ sɔsɔ yɔ, ɛɛwɛɛ nɛ ewelisiɣ. 2 Peeɖe Pasuuri mabɩ nayʋ Yereemii nɛ ɛsʋzɩ-ɩ kpoŋgbolonaa pɔŋ* taa,+ mba paawɛ Bɛnjamɛɛ Nɔnɔɔ Hayo ñɩŋga taa yɔ, ŋga kaawɛ Yehowa ɖɩɣa taa yɔ. 3 Ɛlɛ Pasuuri lɩzɩ Yereemii kpoŋgbolonaa pɔŋ taa tɛʋ kifemuu lɛ, Yereemii heyi-i se:
«Yehowa ya-ŋ hɩɖɛ se Sɔɔndʋ Paa Le,+ pɩtɩkɛ Pasuuri. 4 Mbʋ pʋyɔɔ yɔ tɔm tʋnɛ Yehowa yɔɔdʋʋ: “Mankaɣ yebu nɛ ŋpɩsɩ sɔɔndʋ pʋyʋ ña-maɣmaɣ nɛ ña-taabalaa kpeekpe ɛsɩndaa, nɛ po-koyindinaa kaɣ-wɛ kʋʋ nɛ laɣɖɛ ñɛ-ɛsɩndaa;+ nɛ mankaɣ ɖʋzʋʋ Yuuda kpeekpe Babilɔɔnɩ wiyaʋ nesi tɛɛ, nɛ ɛkaɣ-wɛ kɛzʋʋ tɛtʋ Babilɔɔnɩ nɛ ɛkʋ-wɛ nɛ laɣɖɛ.+ 5 Nɛ mankaɣ ɖʋzʋʋ tɛtʋ tʋnɛ tɩ-ñɩm kpeekpe, mbʋ payɩ tɩwɛna yɔ, ti-wondu ndʋ payɩ tɩmʋ ñɩm yɔ, nɛ Yuuda awiya ñɩm kpeekpe po-koyindinaa nesi tɛɛ.+ Nɛ pakaɣ-pʋ lazʋʋ nɛ pamʋ-pʋ nɛ ɖoŋ nɛ pakpaɣ-pʋ nɛ powoni Babilɔɔnɩ.+ 6 Nɛ ña Pasuuri, nɛ mba payɩ pɛwɛ ña-ɖɩɣa taa yɔ, ɩkaɣ wobu yomiye taa. Ŋkaɣ wobu Babilɔɔnɩ nɛ ŋsɩ peeɖe, nɛ pakaɣ-ŋ pim peeɖe, ña nɛ ña-taabalaa, mbʋ pʋyɔɔ yɔ ŋheyi-wɛ natʋ tɔm ndʋ tɩkɛ cɛtɩm yɔ.”»+
7 Ŋpeɣzi-m, hayɩ Yehowa, nɛ pipeɣzi-m.
Ŋwɩlaa se ŋkpaɖɩ-m ɖoŋ, nɛ ŋwabɩ-m.+
Manpɩsɩ woŋa pʋyʋ evemiye kpeekpe;
Paa anɩ ewoŋuu-m.+
8 Mbʋ pʋyɔɔ yɔ alɩwaatʋ ndʋ payɩ mɔyɔɔdʋʋ yɔ, pɩwɛɛ se mama kubuka nɛ monsusi se:
«Puuyaɣ lakasɩ nɛ ɖɩzʋʋ!»
Yehowa tɔm yɔɔ patʋʋ-m nɛ pɔyɔɔdʋʋ mɔ-yɔɔ tɔm kɩdɛkɛdɩtʋ evemiye kpeekpe.+
9 Pʋyɔɔ mɔyɔɔdaa se: «Maatasɩɣ ɛ-tɔm yɔɔdʋʋ,
Nɛ maatasɩɣ yɔɔdʋʋ ɛ-hɩɖɛ taa.»+
Ɛlɛ ma-laŋɩyɛ taa lɛ, ɛ-tɔm pɩsɩ ɛzɩ miŋ weyi iɖiɣni mʋʋ nɛ paɖɩɣ ɩ-yɔɔ mɔ-mɔɔ taa yɔ,
Nɛ pɩɩnɩ-m nɛ tɔm ndʋ tɩ-sɩʋ man-taa;
Pɩtaatasɩɣ sam se mɔnɖɔkɩ man-tɩ.+
10 Mbʋ pʋyɔɔ yɔ manɩ tɔm kɩdɛkɛdɩtʋ sakɩyɛ ndʋ ɛyaa yɔɔdaɣ yɔ;
Sɔɔndʋ sɔsɔtʋ cɔ-m nɛ tɩta.+
«Ikuli ɛ-yɔɔ; iyele nɛ ɖikuli ɛ-yɔɔ!»
Weyi eheyiɣ-m se mɛwɛɛ laŋhɛzɩyɛ taa yɔ ɛɖaŋ mɔn-tɔlʋʋ kpam:+
«Pʋtɔma yɔ pɩkaɣ-ɩ yiɣduu kɩmɛlɛndʋ yiɣduu,
Nɛ ɖɩpɩzɩ nɛ ɖɩwabɩ-ɩ nɛ ɖɩkpa-ɩ kɩmɩyɛ.»
11 Ɛlɛ Yehowa kaawɛ mɔn-cɔlɔ ɛzɩ you laɖʋ weyi ɛcaɣ sɔɔndʋ yɔ.+
Pʋyɔɔ mba panazɩɣ-m yɔ pɩkaɣ-wɛ tuuluu nɛ paakaɣ wabʋ.+
Fɛyɛ sɔsɔɖɛ kaɣ-wɛ kpaʋ, mbʋ pʋyɔɔ yɔ pɩɩkaɣ-wɛ ɖenuu.
Pɛ-fɛyɛ kaɣ wɛʋ tam tam nɛ paakaɣ ɖɩ-yɔɔ sɔʋ.+
12 Ɛlɛ ña lɛ, hayɩ yoyaa tɛ Yehowa, ŋtazɩɣ ɛyʋ siɣsiɣ tʋ taa;
13 Itee hendu Yehowa! Ɩsa Yehowa!
Mbʋ pʋyɔɔ yɔ ɛlɩzɩ kʋñɔndʋ* ɛyaa kɩdɛkɛdaa nesi tɛɛ.
14 Piyo kɩyakʋ ŋgʋ palʋlɩ-m yɔ!
Pataawazɩ kɩyakʋ ŋgʋ mon-ɖoo lʋlɩ-m yɔ!+
15 Piyo weyi ɛkɔnɩ man-caa tɔm kɩbandʋ yɔ, weyi eheyi-i se:
«Palʋlɩ-ŋ pɩɣa, abalɩbɩɣa!»
Nɛ piyele nɛ ɛ-taa la leleŋ siŋŋ yɔ.
16 Tɛtɛ nɛ ɛyʋ ɛnʋ ɛpɩsɩ ɛzɩ tɛtʋ ndɩ ndɩ ndʋ Yehowa yɔkɩ-tʋ nɛ etikpiɖi yɔ.
Tɛtɛ nɛ ɛyʋ ɛnʋ ɛnɩɩ kubuka nakɛyɛ taŋ tanaŋ tɛɛ nɛ you kubuka taŋ wɩsɩ siɣu alɩwaatʋ taa.
21 Yereemii mʋ tɔm Yehowa cɔlɔ alɩwaatʋ ndʋ Wiyaʋ Zedekiya+ kaatiyi ɛ-cɔlɔ Malɩkiiya pɩyalʋ Pasuuri+ nɛ Maaseyiya pɩyalʋ Sofonii,+ weyi ɛkɛ cɔjɔ yɔ se peheyi-i se: 2 «Ðitendi-ŋ, pɔzɩ-ɖʋ Yehowa nɛ ɖɩna se ɛbɛ kaɣ labʋ, mbʋ pʋyɔɔ yɔ Babilɔɔnɩ wiyaʋ Nabukodonozɔɔrɩ* wɛɛ nɛ eyouni-ɖʋ.+ Pɩtɩla yɔ Yehowa kaɣ-ɖʋ labʋ e-piti tʋmɩyɛ naɖɩyɛ nɛ Nabukodonozɔɔrɩ yebi-ɖʋ nɛ ɛɖɛɛ.»+
3 Yereemii heyi-wɛ se: «Tɔm tʋnɛ pɩwɛɛ se iheyi Zedekiya: 4 “Tɔm tʋnɛ Izrayɛɛlɩ tɛ Ɛsɔ Yehowa yɔɔdʋʋ: ‘Ɩna, menɖiɣni pɩsɩnʋʋ mɩ-yɔɔ you wondu ndʋ tɩwɛ mi-nesi tɛɛ yɔ, wondu ndʋ ɩɖɔkaa nɛ ɩlakɩnɩ you Babilɔɔnɩ wiyaʋ+ nɛ Kalɩdee ñɩma mba pɛwɛ koloŋa wayɩ nɛ pɛñɛyɩɣ-mɩ yɔ. Nɛ mankaɣ-tʋ* kpeɣluu tɛtʋ tʋnɛ tɩ-hɛkʋ taa. 5 Nɛ ma-maɣmaɣ mankaɣ-mɩ yonuu+ nɛ me-nesi nzɩ mensezaa yɔ nɛ me-nesi ɖoŋ ñɩnzɩ, nɛ pana nɛ ɖɩwɩzɩyɛ nɛ hɔpɩsɩyɛ sɔsɔɖɛ.+ 6 Mankaɣ mabʋ tɛtʋ tʋnɛ tɩ-taa mba, ɛyaa nɛ kpɩna. Pakaɣ sɩbɩnʋʋ kʋdɔŋ sɔsɔʋ.’”*+
7 «“‘Nɛ pʋwayɩ lɛ, mankaɣ ɖʋzʋʋ Yuuda wiyaʋ Zedekiya nɛ ɛ-lɩmɖʋyaa nɛ tɛtʋ tʋnɛ tɩ-taa ɛyaa (mba kʋdɔŋ sɔsɔʋ, laɣɖɛ nɛ ñɔɔsɩ tɩkʋ-wɛ yɔ) Babilɔɔnɩ wiyaʋ Nabukodonozɔɔrɩ* nesi tɛɛ, po-koyindinaa nesi tɛɛ nɛ mba pɛwɛɛ nɛ pañɩnɩɣ se palɩzɩ pe-wezuu yɔ* pe-nesi tɛɛ.+ Ɛkaɣ-wɛ kʋʋ nɛ laɣɖɛ. Pɔ-tɔm ɛɛkaɣ-ɩ labʋ pʋtɔdɩyɛ, ɛɛkaɣ pe-siziŋ nɩʋ nɛ ɛɛkaɣ pa-pʋtɔdɩyɛ naʋ ɖɔɖɔ paa ññɩɩ,’+ Yehowa yɔɔdʋʋna.”
8 «Nɛ pɩwɛɛ se ŋheyi samaɣ kanɛ se: “Tɔm tʋnɛ Yehowa yɔɔdʋʋ: ‘Ɩna, menɖiɣni sɩʋ mɩ-ɛsɩndaa wezuu nʋmɔʋ nɛ sɩm nʋmɔʋ. 9 Mba pɩkazɩɣ tɛtʋ tʋnɛ tɩ-taa yɔ laɣɖɛ, ñɔɔsɩ nɛ kʋdɔŋ sɔsɔʋ kaɣ-wɛ kʋʋ. Ɛlɛ weyi ɛlɩɣ nɛ ɛcɛlɩ ɛ-tɩ Kalɩdee ñɩma mba peɖiɣni-mɩ ñɛyʋʋ yɔ, ɛkaɣ wɛʋ wezuu, nɛ e-wezuu* kaɣ-ɩ kɛʋ kɩhɛyʋʋ.’”*+
10 «“‘Mbʋ pʋyɔɔ yɔ manpam mɛ-ɛsa nɛ tɛtʋ tʋnɛ se mɔnkɔnɩ tɩ-yɔɔ asɛyʋʋ, pɩtɩkɛ kɩbandʋ mɔnkɔŋna.+ Pakaɣ-tʋ ɖʋzʋʋ Babilɔɔnɩ wiyaʋ nesi tɛɛ,+ nɛ ɛkaɣ-tʋ ñaɣzʋʋ miŋ,+ Yehowa yɔɔdʋʋna.’
11 «“Yuuda wiyaʋ ɖɩɣa taa mba: Ɩnɩɩ Yehowa tɔm. 12 Oo Daviid ɖɩɣa, tɔm tʋnɛ Yehowa yɔɔdʋʋ:
‘Ɩñɔɔnɩ siɣsiɣ wɛtʋ paa tanaŋ ŋgʋ,
Nɛ iholi weyi pɛwɛɛ nɛ pɛlɛɣʋ e-wondu yɔ peɣziyu weyi ɛlɛɣʋ-tʋ yɔ e-nesi tɛɛ,+
Nɛ pɩtaala nɛ man-pana mʋ ɛzɩ miŋ yɔ+
Nɛ añakɩ nɛ nɔɔyʋ fɛyɩ se ɛhɛzɩ-yɛ,
Mɩ-lakasɩ kɩdɛkɛdɩsɩ yɔɔ.’”+
13 “Na, mankʋyʋʋ ñɔ-yɔɔ, Oo fɛɛʋ* taa tʋ,
Oo kaaʋ ŋgʋ kɩwɛ tɛtʋ ndʋ tɩwɛ layɩɩ yɔ tɩ-taa yɔ,
Piyele nɛ mɩ mba ɩyɔɔdʋʋ se: ‘Akaɣ kɔm ɖa-wayɩ?
Nɛ akaɣ sʋʋ nɛ ɖoŋ ɖa-ɖɩjaɣyɛ taa?’ yɔ, Yehowa yɔɔdʋʋna;
14 Mankaɣ-mɩ pɔzʋʋ akɔnta
Ɛzɩ pɩmʋnʋʋ mɩ-lakasɩ yɔ,+
Nɛ mankaɣ ɛ-laʋ sɔbʋ miŋ,
Nɛ miŋ ɛnɩ ɩkaɣ ñaɣʋ mbʋ payɩ pɩcɔ-ɩ nɛ pɩta yɔ,” Yehowa yɔɔdʋʋna.»+
22 Tɔm tʋnɛ Yehowa yɔɔdʋʋ: «Tii Yuuda wiyaʋ ɖɩɣa taa nɛ ŋsusi tɔm tʋnɛ. 2 Pɩwɛɛ se ŋyɔɔdɩ se: “Nɩɩ Yehowa tɔm, Oo Yuuda wiyaʋ, ña weyi ŋcaɣ Daviid kewiyaɣ kpelaɣ yɔɔ yɔ, ña nɛ ña-lɩmɖʋyaa nɛ ña-samaɣ, mba pasʋʋnɩ nɔnɔsɩ sɩnɛ yɔ. 3 Tɔm tʋnɛ Yehowa yɔɔdʋʋ: ‘Ɩñɔɔnɩ tɔm hʋʋ siɣsiɣ nɛ siɣsiɣ wɛtʋ. Iholi weyi pɛwɛɛ nɛ pɛlɛɣʋ e-wondu yɔ peɣziyu weyi ɛlɛɣʋ-tʋ yɔ e-nesi tɛɛ. Ɩtaala ɛgɔm nɔɔyʋ ñaŋ, nɛ ɩtaala kɩdɛkɛdɩm nabʋyʋ pɩɣa ŋga kɛfɛyɩnɩ caa yɔ* yaa lelu.+ Nɛ ɩtaakpɛdɩ calɩm nabʋyʋ ɖulum lone ɖɩnɛ ɖɩ-taa.+ 4 Mbʋ pʋyɔɔ yɔ ye ɩɖɔm tɔm tʋnɛ tɩ-yɔɔ ɖeyi ɖeyi yɔ, ɖɩnɛ ɛlɛ awiya wena acakɩ Daviid kewiyaɣ kpelaɣ yɔɔ yɔ+ akaɣ caɣʋ kɛɛkɛɛnaa nɛ kpaŋnaŋ yɔɔ nɛ asʋʋnɩ ɖɩɣa kanɛ kɔ-nɔnɔsɩ, a nɛ a-lɩmɖʋyaa nɛ a-samaɣ.’”+
5 «“Ɛlɛ ye ɩɩñaŋ tɔm tʋnɛ yɔ, monɖukini ma-maɣmaɣ se ɖɩɣa kanɛ kakaɣ pɩsʋʋ njɛyɛ,”+ Yehowa yɔɔdʋʋna.
6 «Mbʋ pʋyɔɔ yɔ tɔm tʋnɛ Yehowa yɔɔdʋʋ Yuuda wiyaʋ ɖɩɣa yɔɔ:
“Ŋwɛ-m ɛzɩ Galaadɩ yɔ,
Ɛzɩ Libaŋ ñʋʋ taa yɔ.
Ɛlɛ mankaɣ yebu nɛ ŋpɩsɩ kañɩmbusuu;
Nɛ nɔɔyʋ ɛɛkaɣ tasʋʋ wɛʋ paa ñɛ-tɛtʋ ndʋ lɛ tɩ-taa.+
Pakaɣ sɛtʋʋ ñɛ-sɛɛdrɩ tɩŋ weyi ɩkpaɖɩ ɖeu yɔ
Nɛ pɛpɛɖɩ-ɩ miŋ taa.+
8 «“Nɛ ajɛɛ sakɩyɛ kaɣ tɩŋnʋʋ tɛtʋ ndʋ tɩ-cɔlɔ nɛ apɔzʋʋ ɖama se: ‘Ɛbɛ yɔɔ Yehowa labɩ tɛtʋ sɔsɔtʋ tʋnɛ mbʋ?’+ 9 Nɛ pakaɣ cosuu se: ‘Mbʋ pʋyɔɔ yɔ pɛcɛbɩ pɛ-Ɛsɔ Yehowa ɛgbɛyɛ nɛ poluŋ ɛsɔnaa lalaa tɛɛ nɛ pɛsɛɛ-wɛ.’”+
10 Itaawii weyi ɛsɩba yɔ,
Nɛ ɩtaanɩɩ e-siziŋ.
Ɛlɛ iwii siŋŋ weyi eɖiɣni ɖɛʋ yɔ ɛ-yɔɔ,
Mbʋ pʋyɔɔ yɔ ɛɛkaɣ tasʋʋ pɩsʋʋ se ɛna ɛjaɖɛ nɖɩ ɖɩ-taa palʋlɩ-ɩ yɔ.
11 «Mbʋ pʋyɔɔ yɔ tɔm tʋnɛ Yehowa yɔɔdʋʋ Yoziyaasɩ pɩyalʋ Saalum,*+ Yuuda wiyaʋ weyi eɖiɣni tɔɔʋ kewiyitu ɛ-caa Yoziyaasɩ lone taa+ nɛ ɛlɩɩ lone ɖɩnɛ ɖɩ-taa yɔ ɛ-yɔɔ: “Ɛɛkaɣ ɖaɣnʋʋ pɩsʋʋ peeɖe. 12 Mbʋ pʋyɔɔ yɔ ɛkaɣ sɩbʋ lone nɖɩ ɖɩ-taa pɛkɛzɩ-ɩ tɛtʋ yɔ, nɛ ɛɛkaɣ tasʋʋ naʋ ɛjaɖɛ ɖɩnɛ.”+
13 Pɩtɔɔ weyi ɛmaɣ ɛ-ɖɩɣa ɛlɛ ɛɛtɩŋɩɣnɩ siɣsiɣ wɛtʋ yɔɔ yɔ
Nɛ ɛmaɣ ɛ-ɛsɔdaa kuduyuŋ ɛlɛ ɛɛtɩŋɩɣnɩ siɣsiɣ wɛtʋ yɔɔ yɔ,
Weyi eyeki nɛ e-koobu lakɩ-ɩ tʋmɩyɛ falaa,
Nɛ ekiziɣ se ɛɛhɛyɩɣ-ɩ ɛ-kɩhɛyʋʋ yɔ;+
14 Weyi ɛyɔɔdʋʋ se: “Mankaɣ maʋ man-tɩ ɖɩɣa ŋga kawalaa
Nɛ kɛwɛɛnɩ ɛsɔdaa kuduyuŋ weyi ɩ-tɛɛ walɩ wamm yɔ.
Mankaɣ-kɛ ɖʋʋ mondoɖebɔŋ
Nɛ mɔnpɔ ka-taa sɛɛdrɩ kpoŋgbolonaa nɛ mantaa ka-taa tɔlɩm kɩsɛɛmɩm.”
15 Ŋkaɣ wobu pɩ-yɔɔ nɛ ŋtɔkɩ kewiyitu mbʋ pʋyɔɔ yɔ ŋlakɩnɩ tʋmɩyɛ sɛɛdrɩ kpoŋgbolonaa nɛ pɩkpaɖɩɣ lalaa na?
16 Ɛlʋbɩ weyi ɛwɛ kʋñɔŋ taa yɔ nɛ kʋñɔndʋ pɔ-yɔɔ tɔm hʋʋ taa,
Nɛ pɩtɩŋa pɩɖɔ camɩyɛ.
“Ɛzɩ pɩtɩkɛ man-tɩlʋʋ tɔbʋʋ lɛ?” Yehowa yɔɔdʋʋna.
17 “Ɛlɛ ŋkam ñɛ-ɛsa nɛ ña-laŋɩyɛ mulum kɛzɛɣa,
Calɩm kpɛdʋʋ ɖulum,
Nɛ mulum lakasɩ nɛ ɛyaa wondu mʋʋ nɛ ɖoŋ pi-ɖeke pɩ-yɔɔ.”
18 «Pʋyɔɔ lɛ, tɔm tʋnɛ Yehowa yɔɔdʋʋ Yoziyaasɩ pɩyalʋ Yehoyakim,+ Yuuda wiyaʋ yɔɔ:
“Paakaɣ caɣʋ kʋñɔwiye ɛ-yɔɔ nɛ pɔtɔ se:
‘Hayɩ, mon-koobu abalɩñɩnʋ! Hayɩ, mon-koobu halɩñɩnʋ!’
Paakaɣ caɣʋ kʋñɔwiye ɛ-yɔɔ nɛ pɔtɔ se:
‘Hayɩ, caa! Hayɩ, kɩbaɣlʋ!’
20 Kpa Libaŋ nɛ ŋma kubuka,
Ñɔ-nɔɔ ɛkʋyɩ ɖoŋ Basaanɩ taa,
Nɛ ŋma kubuka nɛ Abarim,+
Mbʋ pʋyɔɔ yɔ pɔtɔyɩtɩ mba pɔsɔɔlɩ-ŋ siŋŋ yɔ pe-kpeekpe.+
21 Mɔyɔɔdɩnɩ-ŋ alɩwaatʋ ndʋ ŋŋwɛ pɛɛyɛ taa yɔ.
Ɛlɛ ŋyɔɔdɩ se: “Maakaɣ ñam.”+
Ña-lakasɩ lɛ, kpaɣnɩ ɖooo ñe-evebitu taa,
Mbʋ pʋyɔɔ yɔ ŋtɩña mɔ-nɔɔ taa tɔm.+
22 Helim kaɣ ɖiyuu ñe-ninɖiɣyaa tɩŋa,+
Nɛ mba pɔsɔɔlɩ-ŋ siŋŋ yɔ, pakaɣ ɖɛʋ yomiye taa.
Ðɩnɛ ɛlɛ pakaɣ-ŋ fɛyɛ ɖʋʋ nɛ penimi-ŋ asɛyʋʋ ŋgʋ payɩ kɩtalɩ-ŋ yɔ kɩ-yɔɔ.
23 Oo ña weyi ŋwɛ Libaŋ yɔ,+
Ña weyi ŋcaɣ sɛɛdrɩ tɩŋ hɛkʋ taa yɔ,+
Ŋkaɣ mɔlʋʋ kpem alɩwaatʋ ndʋ wɩzasɩ kɔŋ ñɔ-yɔɔ yɔ,
Wɩzasɩ* nzɩ sɩwɛ ɛzɩ nzɩ halʋ weyi eɖiɣni lʋlʋʋ yɔ ɛnɩɣ yɔ!»+
24 «“Mañɩtʋʋ nɛ mɛwɛɛ wezuu yɔ, paa Yehoyakim+ pɩyalʋ Koniya,*+ Yuuda wiyaʋ, kaakɛ niye ñɩɣʋ kokooye me-nesi kɩbanzɩ yɔɔ yɔ, mankaɣ-ŋ lɩzʋʋ nɛ peeɖe! Yehowa yɔɔdʋʋna. 25 Mankaɣ-ŋ ɖʋzʋʋ mba pañɩnɩɣ se palɩzɩ ñe-wezuu yɔ* pe-nesi tɛɛ, mba ŋseɣ-wɛ sɔɔndʋ yɔ pe-nesi tɛɛ, Babilɔɔnɩ wiyaʋ Nabukodonozɔɔrɩ* nesi tɛɛ, nɛ Kalɩdee mba nesi tɛɛ.+ 26 Nɛ mankaɣ lɔʋ ña nɛ ño-ɖoo weyi ɛlʋlɩ-ŋ yɔ ɛjaɖɛ lɛɛɖɛ taa, ɖenɖe patɩlʋlɩ-mɩ yɔ, nɛ peeɖe ɩkaɣ sɩbʋ. 27 Nɛ paakaɣ pɩsʋʋ ɛjaɖɛ nɖɩ pe-liu wɛ-ɖɩ siŋŋ yɔ* ɖɩ-taa kpa.+
28 Ɛzɩ abalʋ Koniya ɛnɛ, ɛkɛ ɖeɣa ŋga penim-kɛ, ŋga kɔyɔkaa yɔ,
Wonuu ŋgʋ nɔɔyʋ tɩsɔɔlɩ-kʋ yɔ?
Ɛbɛ yɔɔ potuzi ɛ nɛ ɛ-lʋlʋʋ taa mba
Nɛ pɔlɔ-wɛ ɛjaɖɛ nɖɩ paasɩŋ-ɖɩ yɔ ɖɩ-taa?”+
29 Oo tɛtʋ,* tɛtʋ, tɛtʋ, nɩɩ Yehowa tɔm.
30 Tɔm tʋnɛ Yehowa yɔɔdʋʋ:
“Ɩma abalʋ ɛnɛ ɛ-hɩɖɛ se ɛtɩlʋlɩ pɩɣa,
Se ɛkɛ abalʋ weyi pɩɩkaɣ-ɩ ɖenuu paa ññɩɩ e-wezuu caɣʋ* taa yɔ,
Mbʋ pʋyɔɔ yɔ ɛ-lʋlʋʋ taa tʋ nɔɔyʋ ɛɛkaɣ pɩzʋʋ
Nɛ ɛcaɣ Daviid kewiyaɣ kpelaɣ yɔɔ nɛ ɛtasɩ tɔɔʋ kewiyitu Yuuda taa.”»+
23 «Pɩtɔɔ ninɖiɣyaa mba peɖiɣni ɖɩzʋʋ nɛ pamɩzɩɣ heŋ weyi ɩwɛ ma-ñɩtʋ ɖɩdɔɔyɛ taa yɔ!» Yehowa yɔɔdʋʋna.+
2 Pʋyɔɔ lɛ, tɔm tʋnɛ Izrayɛɛlɩ tɛ Ɛsɔ Yehowa yɔɔdʋʋ ninɖiɣyaa mba pɛwɛɛ nɛ peɖiyiɣ ɛ-samaɣ yɔ pɔ-yɔɔ: «Ɩmɩzɩ me-heŋ; ɩwɛɛ nɛ ɩtayɩɣ ɩ-taa, nɛ ɩtɩkɛzɩ mɩ-lɩmaɣza nɛ ɩ-yɔɔ.»+
«Pʋyɔɔ lɛ, mankaɣ ma-lɩmaɣza kɛzʋʋ nɛ mɩ-yɔɔ mɩ-lakasɩ kɩdɛkɛdɩsɩ yɔɔ,» Yehowa yɔɔdʋʋna.
3 «Nɛ mankaɣ kpeɣluu me-heŋ weyi ɩkazaa nɛ ɩwɛɛ ajɛɛ wena a-taa payɩ maamɩzɩ-ɩ yɔ,+ nɛ mankaɣ-ɩ pɩsɩnʋʋ ɩ-ñɩtʋ ɖɩdɔɔyɛ taa,+ nɛ ɩkaɣ lʋlʋʋ nɛ ɩɖɔɔ sakɩyɛ.+ 4 Nɛ mankaɣ lɩzʋʋ ninɖiɣyaa mba pakaɣ-ɩ ɖiyuu ɛzɩ pɩpɔzʋʋ yɔ.+ Sɔɔndʋ ɛɛkaɣ-ɩ tasʋʋ kpaʋ nɛ ɩɩtasɩɣ seluu, nɛ ɩ-taa nɔɔyʋ ɛɛkaɣ lebu,» Yehowa yɔɔdʋʋna.
5 «Ɩna! Kɩyakɩŋ ɖiɣni kɔm,» Yehowa yɔɔdʋʋna, «nɛ alɩwaatʋ ndʋ lɛ mankaɣ lɩzʋʋ Daviid lʋlʋʋ taa tʋ* siɣsiɣ tʋ nɔɔyʋ.+ Nɛ wiyaʋ nɔɔyʋ kaɣ kewiyitu tɔɔʋ+ nɛ ɛwɛɛnɩ lɛɣtʋ nɛ ɛñɔɔnɩ tɔm hʋʋ siɣsiɣ nɛ siɣsiɣ wɛtʋ ɛjaɖɛ taa.+ 6 Ɛ-alɩwaatʋ taa lɛ, Yuuda kaɣ hiɣu ñʋʋ yabʋ,+ nɛ Izrayɛɛlɩ kaɣ wɛʋ pɛɛyɛ taa.+ Nɛ hɩɖɛ ɖɩnɛ pakaɣ-ɩ yaʋ: Yehowa Kɛnɩ Ðe-Siɣsiɣ Wɛtʋ.»+
7 «Ɛlɛ, kɩyakɩŋ ɖiɣni kɔm, nɛ alɩwaatʋ ndʋ lɛ paakaɣ tasʋʋ yɔɔdʋʋ se: “Yehowa ñɩtʋʋ nɛ ɛwɛɛ wezuu yɔ, ɛnʋ weyi ɛlɩzɩ Izrayɛɛlɩ samaɣ Ejipiti ɛjaɖɛ taa yɔ!”+ Yehowa yɔɔdʋʋna. 8 Ɛlɛ pakaɣ yɔɔdʋʋ se: “Yehowa ñɩtʋʋ nɛ ɛwɛɛ wezuu yɔ, ɛnʋ weyi ɛlɩzɩ Izrayɛɛlɩ ɖɩɣa lʋlʋʋ taa mba hayo kiŋ ɛjaɖɛ taa nɛ ajɛɛ kpeekpe wena a-taa ɛɛmɩzɩ-wɛ* yɔ nɛ ɛpɩsɩnɩ-wɛ yɔ,” nɛ pakaɣ caɣʋ pa-maɣmaɣ pɛ-ɛjaɖɛ taa.»+
9 Nayaa yɔɔ tɔm yɔ:
Ma-laŋɩyɛ wɛɛkɩ man-taa.
Mɔ-mɔɔ tɩŋa ɖiɣni seluu.
Mɛwɛ ɛzɩ ɛyʋ weyi sʋlʋm kʋʋ-ɩ yɔ,
Nɛ ɛzɩ ɛyʋ weyi vɛɛ wɛnɩ ɖoŋ ɛ-yɔɔ yɔ,
Yehowa yɔɔ nɛ ɛ-tɔm kiɖeɖetu yɔɔ.
10 Mbʋ pʋyɔɔ yɔ acɛyɛ laɖaa su ɛjaɖɛ taa;+
Nɔɔ kɩdɛkɛdaɣ ŋga pɔlɔ ɛjaɖɛ yɔɔ yɔ, keyeba nɛ ɖɩcaɣ kʋñɔwiye+
Nɛ kañɩmbusuu taa lona wena a-taa kpɩna tɔkɩ ñɩtʋ yɔ awɩlɩ.+
Pa-nʋmɔʋ kɛ kɩdɛkɛdʋʋ, nɛ paalakɩnɩ po-ɖoŋ tʋmɩyɛ camɩyɛ.
11 «Nayʋ nɛ cɔjɔ pa-tɩŋa pepisi pa-tɩ.*+
Halɩ ma-maɣmaɣ man-ɖɩɣa taa, mana pa-kañatʋ lakasɩ,»+ Yehowa yɔɔdʋʋna.
12 «Pʋyɔɔ lɛ, pa-nʋmɔʋ taa kaɣ wɛʋ sotu nɛ kɩkaɣ yuu cɩkpɛndʋʋ;+
Pakaɣ-wɛ tuzuu nɛ pɔtɔlɩ.
Mbʋ pʋyɔɔ yɔ mankaɣ asɛyʋʋ kɔnʋʋ pɔ-yɔɔ
Akɔnta pɔzʋʋ pɩnaɣ taa,» Yehowa yɔɔdʋʋna.
13 «Nɛ mana Samaarii+ nayaa yɔɔ mbʋ pɩwɛ kiniŋ yɔ.
Baalɩ seɣtiɣni natʋ tɔm ndʋ pɔyɔɔdʋʋ yɔ,
Nɛ pelesiɣ man-samaɣ Izrayɛɛlɩ.
14 Nɛ mana Yeruzalɛm nayaa yɔɔ kʋzɔɔtʋ lakasɩ ndɩ ndɩ.
15 Pʋyɔɔ lɛ, tɔm tʋnɛ yoyaa tɛ Yehowa yɔɔdʋʋ nayaa yɔɔ:
Mbʋ pʋyɔɔ yɔ tisuu yebu lɩnɩ Yeruzalɛm nayaa cɔlɔ nɛ pɩyɛlɩ ɛjaɖɛ kpeekpe taa.»
16 Tɔm tʋnɛ yoyaa tɛ Yehowa yɔɔdʋʋ:
«Nayaa mba pɛwɛɛ nɛ peheyiɣ-mɩ natʋ tɔm yɔ, itaawelisi tɔm ndʋ pɔyɔɔdʋʋ yɔ.+
Pɛwɛɛ nɛ pepeɣziɣ-mɩ.*
17 Pɛwɛɛ nɛ peheyiɣ mba paañaŋɩ-m yɔ nɛ pɛlɛlɩɣ tam sakɩyɛ se:
“Yehowa yɔɔdaa se: ‘Ɩkaɣ wɛʋ laŋhɛzɩyɛ taa.’”+
Nɛ peheyiɣ mba payɩ patɩŋɩɣ pa-maɣmaɣ pa-laŋɩyɛ kpɩzɩŋ ñɩnɖɛ yɔ se:
“Asɛyʋʋ nakʋyʋ ɛɛkaɣ-mɩ talʋʋ.”+
18 Mbʋ pʋyɔɔ yɔ asɩŋ Yehowa taabalaa kɩbama hɛkʋ taa
Se ɛna nɛ ɛnɩɩ ɛ-tɔm?
Akemsi ɛ-tɔm nɛ ɛnɩɩ-tʋ?
19 Ɩna! Yehowa helim sɔsɔm kaɣ lɩʋ nɛ pana;
Ɛzɩ tɛʋ ŋgʋ kɩnɩɣnɩ helim sɔsɔm yɔ, pɩkaɣ tibu kañatʋ tɩnaa ñʋŋ taa.+
20 Yehowa pana ɛɛkaɣ hɛʋ
Pɩkɔɔ nɛ pɩtalɩ alɩwaatʋ ndʋ ɛlabɩ mbʋ payɩ ɛɖʋ ɛ-laŋɩyɛ taa yɔ nɛ ɛtɛm-pʋ yɔ.
Kɩyakɩŋ ɖɩdɛnɖɛ alɩwaatʋ taa lɛ, ɩkaɣ pʋ-tɔbʋʋ nɩʋ kpayɩ kpayɩ.
21 Mantitiyi nayaa, ɛlɛ pese.
Mantɩyɔɔdɩnɩ-wɛ, ɛlɛ pɔyɔɔdɩ natʋ tɔm.+
22 Ɛlɛ ye paasɩŋ man-taabalaa kɩbama hɛkʋ taa yɔ,
Paayeba nɛ man-samaɣ nɩɩ mɔn-tɔm
Nɛ paalaba nɛ keyele ka-nʋmɔʋ kɩdɛkɛdʋʋ nɛ ka-lakasɩ kɩdɛkɛdɩsɩ.»+
23 «Ɛzɩ pɩ-cɔlɔ ɖeke mɛnkɛ Ɛsɔ, nɛ mantɩkɛ ɖɔɖɔ Ɛsɔ poliŋ taa?» Yehowa yɔɔdʋʋna.
24 «Ɛzɩ ɛyʋ nɔɔyʋ pɩzɩɣ nɛ ɛmɛlɩ mɛsaɣ tɛɛ lone naɖɩyɛ taa, nɛ maapɩzɩɣ nɛ mana-ɩ peeɖe na?»+ Yehowa yɔɔdʋʋna.
«Ɛzɩ mantisu ɛsɔdaa nɛ tɛtʋ yɔɔ?»+ Yehowa yɔɔdʋʋna.
25 «Nayaa mba pɔyɔɔdʋʋ cɛtɩm tɔm ma-hɩɖɛ taa yɔ manɩ pɛwɛɛ nɛ pɔyɔɔdʋʋ se: “Monɖozi ɖoziye naɖɩyɛ! Monɖozi ɖoziye naɖɩyɛ!”+ 26 Pɩwɛɣ mbʋ nayaa laŋa taa nɛ pɔyɔɔdʋʋ cɛtɩm natʋ tɔm nɛ pɩkɔɔ pɩsɩɩnɩ ɖooye? Pɛkɛ nayaa mba pɔyɔɔdʋʋ cɛtɩm tɔm ndʋ tɩlɩnɩ pa-maɣmaɣ pa-laŋa taa yɔ.+ 27 Pañɩnɩɣ se patɩŋnɩ ɖoza wena pɛkɛdɩɣ ɖama yɔ a-yɔɔ nɛ peyele nɛ man-samaɣ sɔɔ ma-hɩɖɛ yɔɔ, ɛzɩ pa-caanaa kaasɔʋ ma-hɩɖɛ yɔɔ Baalɩ yɔɔ yɔ.+ 28 Nayʋ weyi eɖozi ɖoziye yɔ ɛkɛdɩ ɖoziye nɖɩ, ɛlɛ weyi ɛwɛnɩ mɔn-tɔm yɔ pɩwɛɛ se ɛyɔɔdɩ-tʋ nɛ toovenim.»
«Lɔtʋ nɛ tɔɔnaɣ pee paka we?» Yehowa yɔɔdʋʋna.
29 «Mɔn-tɔm fɛyɩ ɛzɩ miŋ yɔ,+ nɛ ɛzɩ hama ŋgʋ polukina yɔ, ŋgʋ kɩyɔkʋʋ kaaʋ yɔ?»+ Yehowa yɔɔdʋʋna.
30 «Pʋyɔɔ lɛ, ɩna, mankʋyʋʋ nayaa yɔɔ, mba pamɩlɩɣ mɔn-tɔm ɖama cɔlɔ yɔ,»+ Yehowa yɔɔdʋʋna.
31 «Ɩna, mankʋyʋʋ nayaa yɔɔ, mba palakɩnɩ tʋmɩyɛ pa-nzʋlʋmɩyɛ nɛ pɔyɔɔdʋʋ se: “Ɛyɔɔdʋʋ se!” yɔ,»+ Yehowa yɔɔdʋʋna.
32 «Ɩna, mankʋyʋʋ nayaa mba poɖozuu cɛtɩm ɖoza yɔ pɔ-yɔɔ, mba pɛkɛdɩɣ-yɛ nɛ pelesiɣ man-samaɣ pɛ-cɛtɩm nɛ pa-agʋnda yɔɔ yɔ,»+ Yehowa yɔɔdʋʋna.
«Ɛlɛ mantitiyi-wɛ yaa mantɩɖʋ-wɛ paɣtʋ. Pʋyɔɔ lɛ paakaɣ wazʋʋ nabʋyʋ samaɣ kanɛ paa ññɩɩ,»+ Yehowa yɔɔdʋʋna.
33 «Nɛ alɩwaatʋ ndʋ samaɣ kanɛ yaa nayʋ nɔɔyʋ yaa cɔjɔ nɔɔyʋ pɔzʋʋ-ŋ se: “Ɛbɛ Yehowa sʋʋtʋ* kɛnaa?” lɛ, pɩwɛɛ se ŋcosi-wɛ se: “‘Mɩ mɩkɛnɩ sʋʋtʋ ndʋ! Nɛ mankaɣ-mɩ lɔʋ,’+ Yehowa yɔɔdʋʋna.” 34 Piyele nɛ nayʋ yaa cɔjɔ yaa samaɣ taa tʋ weyi ɛyɔɔdʋʋ se: “Yehowa sʋʋtʋ* kɔyɔ!” yɔ, mankaɣ kɛzʋʋ ma-lɩmaɣza nɛ ɛyʋ ɛnʋ nɛ ɛ-ɖɩɣa taa mba yɔɔ. 35 Tɔm tʋnɛ mɩ-taa paa weyi wɛɛ nɛ ɛpɔzʋʋ ɛ-taabalʋ nɛ e-koobu: “Suwe Yehowa cosaa? Nɛ suwe Yehowa yɔɔdaa?” 36 Ɛlɛ pɩtɩpɔzɩ se ɩtasɩ yɔɔdʋʋ Yehowa sʋʋtʋ* tɔm, mbʋ pʋyɔɔ yɔ mɩ-taa paa weyi lɛ, ɛ-maɣmaɣ ɛ-tɔm kɛnɩ sʋʋtʋ,* nɛ ɩlɛɣzɩ Ɛsɔ ɛsadʋ, yoyaa tɛ Yehowa, ɖɛ-Ɛsɔ tɔm.
37 «Tɔm tʋnɛ ŋkaɣ heyuu nayʋ: “Suwe Yehowa cosi-ŋ? Nɛ suwe Yehowa yɔɔdaa? 38 Nɛ ye ɩwɛɛ nɛ ɩyɔɔdʋʋ se: ‘Yehowa sʋʋtʋ!’* yɔ, tɔm tʋnɛ Yehowa yɔɔdʋʋ: ‘Ɩwɛɛ nɛ ɩyɔɔdʋʋ se: “Tɔm tʋnɛ tɩkɛ Yehowa sʋʋtʋ,”* ŋgʋ mɛntɛm-mɩ heyuu se: “Pɩtɩpɔzɩ se ɩyɔɔdɩ se: ‘Yehowa sʋʋtʋ!;’”* pʋyɔɔ lɛ, 39 ɩna! Mankaɣ-mɩ kʋsʋʋ mɛ-ɛsɩndaa nɛ mɔlɔ-mɩ, mɩ nɛ tɛtʋ ndʋ maacɛlɩ mɩ nɛ mɩ-cɔzɔnaa yɔ. 40 Nɛ mankaɣ kɔnʋʋ mɩ-yɔɔ tamtam fɛyɛ nɛ tamtam pʋtɔdɩyɛ wɛtʋ, ndʋ tɩ-yɔɔ paakaɣ sɔʋ yɔ.’”»+
24 Nɛ Yehowa wɩlɩ-m fiigi pee ɖɔkɩŋ 2, pasɩ-ɩ Yehowa templo ɛsɩndaa; alɩwaatʋ ndʋ lɛ, Babilɔɔnɩ wiyaʋ Nabukodonozɔɔrɩ* kaatɛm kpaɣʋ Yehoyakim+ pɩyalʋ Yekoniya,*+ Yuuda wiyaʋ, pɩkpɛndɩnɩ Yuuda awumbiya, nesi tɛɛ tʋmlaɖaa, nɛ ñɩɣtʋ wondu luɖaa* nɛ ɛkɛzɩ-wɛ tɛtʋ; ɛɛkpaɣ-wɛ nɛ Yeruzalɛm nɛ ewoni Babilɔɔnɩ.+ 2 Ðɔkʋ kʋɖʋmʋʋ taa fiigi pee kaawɛ ɖeu pɩdɩɩfɛyɩ, ɛzɩ fiigi pee kajalaɣ ñɩna yɔ; ɛlɛ ɖɔkʋ lɛɛkʋ taa fiigi pee kaawɛɛkɩ pɩdɩɩfɛyɩ, aawɛɛkɩ siŋŋ nɛ paapɩzɩɣ nɛ pɔtɔɔ-yɛ.
3 Nɛ Yehowa pɔzɩ-m se: «Yereemii, ɛbɛ ŋnaɣ?» Nɛ moncosi se: «Fiigi pee; fiigi pee kɩbana wɛ ɖeu pɩdɩɩfɛyɩ, ɛlɛ fiigi pee kɩdɛkɛda wɛɛkɩ pɩdɩɩfɛyɩ, awɛɛkɩ siŋŋ nɛ paapɩzɩɣ nɛ pɔtɔɔ-yɛ.»+
4 Nɛ Yehowa tɔm talɩ-m se: 5 «Tɔm tʋnɛ Izrayɛɛlɩ tɛ Ɛsɔ Yehowa yɔɔdʋʋ: “Ɛzɩ fiigi pee kɩbana anɛ yɔ, mbʋ ɖɔɖɔ mankaɣ cɔnʋʋ Yuuda ñɩma mba mɛnkɛzɩ-wɛ tɛtʋ yɔ se malabɩ-wɛ kɩbandʋ, mba mankʋsɩ-wɛ lone ɖɩnɛ ɖɩ-taa nɛ mɛnɖɛnɩ-wɛ Kalɩdee mba ɛjaɖɛ taa yɔ. 6 Mɛ-ɛsɩyɛ kaɣ pɔ-yɔɔ wɛʋ se malabɩ-wɛ kɩbandʋ, nɛ mankaɣ yebu nɛ papɩsɩ ɛjaɖɛ ɖɩnɛ ɖɩ-taa.+ Mankaɣ-wɛ maʋ, nɛ maakaɣ-wɛ yɔkʋʋ; mankaɣ-wɛ sɔʋ, nɛ maakaɣ-wɛ kpɛzʋʋ.+ 7 Nɛ mankaɣ-wɛ haʋ laŋɩyɛ se pasɩmɩ-m se mɛkɛnɩ Yehowa.+ Pakaɣ pɩsʋʋ man-samaɣ nɛ mankaɣ pɩsʋʋ pɛ-Ɛsɔ,+ mbʋ pʋyɔɔ yɔ pakaɣ pɩsʋʋ mɔn-cɔlɔ nɛ pa-laŋɩyɛ pilim.+
8 «“Ɛlɛ fiigi pee kɩdɛkɛda wena awɛɛkɩ pɩdɩɩfɛyɩ nɛ paapɩzɩɣ se pɔtɔɔ-yɛ yɔ a-tɔm lɛ,+ tɔm tʋnɛ Yehowa yɔɔdʋʋ: ‘Mbʋ ɖɔɖɔ mankaɣ cɔnʋʋ Yuuda wiyaʋ Zedekiya,+ ɛ-awumbiya, Yeruzalɛm ñɩma mba pɩkazaa nɛ pɛwɛɛ ɛjaɖɛ ɖɩnɛ ɖɩ-taa, nɛ mba pɛwɛ Ejipiti ɛjaɖɛ taa yɔ.+ 9 Mankaɣ yebu nɛ pɛkɛ sɔɔndʋ pʋyʋ nɛ asɛyʋʋ pʋyʋ tɛtʋ yɔɔ kewiyisi kpeekpe,+ pɛkɛ fɛyɛ pʋyʋ, eduuye, hoŋa pʋyʋ nɛ nɔɔ kɩdɛkɛdaɣ lɔʋ pʋyʋ+ lona wena a-taa payɩ mamɩzɩɣ-wɛ yɔ.+ 10 Nɛ mankaɣ-wɛ tiyinuu laɣɖɛ,+ ñɔɔsɩ, nɛ kɩzɩkʋ*+ nɛ pɩkɔɔ pɩtalɩ alɩwaatʋ ndʋ pamʋʋ ɛjaɖɛ nɖɩ mɛncɛlɩ pa nɛ pɔ-cɔzɔnaa yɔ ɖɩ-taa yɔ.’”»
25 Tɔm tʋnɛ tɩtalɩnɩ Yereemii, Yuuda samaɣ kpeekpe yɔɔ Yuuda wiyaʋ, Yoziyaasɩ pɩyalʋ Yehoyakim pɩnaɣ 4 ñɩŋga taa,+ ŋga kaakɛ Babilɔɔnɩ wiyaʋ Nabukodonozɔɔrɩ* pɩnaɣ kajalaɣ ñɩŋga yɔ. 2 Tɔm tʋnɛ nayʋ Yereemii yɔɔdɩ Yuuda samaɣ kpeekpe yɔɔ nɛ Yeruzalɛm taa mba kpeekpe yɔɔ:*
3 «Kpaɣnɩ Amɔɔnɩ pɩyalʋ Yoziyaasɩ,+ Yuuda wiyaʋ, pɩnaɣ 13 ñɩŋga nɛ pɩkɔɔ pɩtalɩ sɔnɔ, pɩnzɩ 23 yɔ, Yehowa tɔm talɩ-m; nɛ mɛwɛɛ nɛ mɔyɔɔdʋʋnɩ-mɩ nɛ mɛlɛlɩɣ tam sakɩyɛ,* ɛlɛ iiwelisiɣ.+ 4 Nɛ Yehowa tiyi ɛ-lɩmɖʋyaa mba payɩ pɛkɛ nayaa yɔ mɩ-cɔlɔ, etiyaɣ-wɛ nɛ ɛlɛlɩɣ tam sakɩyɛ,* ɛlɛ itiwelisi yaa ɩtɩkʋ nɩŋgbaŋʋʋ se ɩnɩɩ.+ 5 Pɔyɔɔdaɣ se: “Ðitendi-mɩ, mɩ-taa paa weyi lɛ eyele ɛ-nʋmɔŋ kɩdɛkɛdɩŋ nɛ ɛ-lakasɩ kɩdɛkɛdɩsɩ nɛ ɛpɩsɩ;+ ɖɩnɛ ɛlɛ ɩkaɣ wobu pɩ-yɔɔ nɛ ɩcaɣ alɩwaatʋ sakɩyɛ ɛjaɖɛ nɖɩ Yehowa kaaha mɩ nɛ mɩ-cɔzɔnaa ɖooo lɔndaa yɔ ɖɩ-taa. 6 Ɩtaatɩŋ ɛsɔnaa lalaa wayɩ se ɩsɛɛ-wɛ nɛ iluŋ pɛ-tɛɛ, nɛ ɩɖʋʋ-m ɖɩwɩzɩyɛ nɛ mi-nesi tɛɛ tʋma; pɩtɩkɛ mbʋ yɔ mankaɣ kɔnʋʋ asɛyʋʋ mɩ-yɔɔ.”
7 «“Ɛlɛ itiwelisini-m; ɩɖʋ-m ɖɩwɩzɩyɛ nɛ mi-nesi tɛɛ tʋma, nɛ ɩkɔnɩ asɛyʋʋ mɩ-maɣmaɣ mɩ-yɔɔ;”+ Yehowa yɔɔdʋʋna.
8 «Pʋyɔɔ lɛ, tɔm tʋnɛ yoyaa tɛ Yehowa yɔɔdʋʋ: “‘Ɩtɩña mɔn-tɔm; pʋyɔɔ lɛ, 9 mentiyiɣ nɛ payaa hayo kiŋ hɔŋ kpeekpe;+ mentiyiɣ nɛ payaa ma-lɩmɖʋyʋ Babilɔɔnɩ wiyaʋ Nabukodonozɔɔrɩ,*+ nɛ mankaɣ-wɛ kɔnʋʋ ɛjaɖɛ ɖɩnɛ ɖɩ-wayɩ+ nɛ ɖɩ-taa mba wayɩ nɛ ajɛɛ anɛ, wena awɛ pɩ-cɔlɔ kpɛɛɛ yɔ a-tɩŋa a-wayɩ.+ Mankaɣ-wɛ ɖɩzʋʋ nɛ meyele nɛ papɩsɩ sɔɔndʋ pʋyʋ nɛ mbʋ panaɣ-pʋ nɛ pahʋlʋʋ kancʋʋlaɣ yɔ nɛ tamtam njɛyɛ, Yehowa yɔɔdʋʋna. 10 Mankaɣ yebu nɛ amɛya taŋ nɛ taa leleŋ taŋ sɩɩ tɩnaɣ,+ mankaɣ yebu nɛ walʋ nɔɔ nɛ asɛyʋ kɩfalʋ nɔɔ,+ namɩyɛ taŋ nɛ kanɖʋ ñalɩmɩyɛ pɩsɩɩ tɩnaɣ. 11 Nɛ ɛjaɖɛ ɖɩnɛ ɖi-kpeekpe ɖɩkaɣ pɩsʋʋ njɛyɛ nɛ sɔɔndʋ pʋyʋ, nɛ pɩkaɣ pɔzʋʋ se ajɛɛ anɛ aɖʋ Babilɔɔnɩ wiyaʋ lɩm pɩnzɩ 70.’”+
12 «“Ɛlɛ pɩnzɩ 70 tɛŋ lɛ,+ mankaɣ pɔzʋʋ akɔnta Babilɔɔnɩ wiyaʋ nɛ ɛjaɖɛ nɖɩ,* pa-kɩdɛkɛdɩm yɔɔ,+ nɛ mankaɣ yebu nɛ Kalɩdee mba ɛjaɖɛ pɩsɩ ɛjaɖɛ nɖɩ peyebi-ɖɩ nɛ ɖɩpɩsɩ njɛyɛ yɔ tam,+ Yehowa yɔɔdʋʋna. 13 Mankaɣ yebu nɛ tɔm ndʋ payɩ mɔyɔɔdɩ ɛjaɖɛ ɖɩnɛ ɖɩ-yɔɔ yɔ tɩla, tɔm ndʋ payɩ pama takayaɣ kanɛ ka-taa yɔ, ndʋ Yereemii kaayɔɔdɩ ajɛɛ kpeekpe yɔɔ se tɩkaɣ labʋ yɔ. 14 Mbʋ pʋyɔɔ yɔ ajɛɛ sakɩyɛ nɛ awiya sɔsɔna+ kaɣ-wɛ pɩsʋʋ yomaa,+ nɛ mankaɣ-wɛ hɛyʋʋ pa-lakasɩ yɔɔ nɛ pa-maɣmaɣ pe-nesi tɛɛ tʋma yɔɔ.”»+
15 Mbʋ pʋyɔɔ yɔ tɔm tʋnɛ Izrayɛɛlɩ tɛ Ɛsɔ Yehowa heyi-m: «Mʋ pana tɛ vɛɛ kɔpʋ kʋnɛ me-nesi tɛɛ, nɛ ŋñɔzɩ-kʋ ajɛɛ wena a-cɔlɔ payɩ mentiyiɣ-ŋ yɔ. 16 Nɛ akaɣ ñɔʋ nɛ pɩcɛŋɛsɩ-yɛ nɛ alakɩ ɛzɩ kpanzɩyaa yɔ, laɣɖɛ nɖɩ mentiyiɣni a-hɛkʋ taa yɔ ɖɩ-yɔɔ.»+
17 Peeɖe mamʋ kɔpʋ ŋgʋ Yehowa nesi tɛɛ, nɛ mɔñɔzɩ-kʋ ajɛɛ wena a-cɔlɔ payɩ Yehowa tiyi-m yɔ:+ 18 manpaɣzɩnɩ Yeruzalɛm nɛ Yuuda tɛtʋ ndɩ ndɩ,+ kɩ-awiya nɛ kɩ-awumbiya, se pɩsa nɛ papɩsɩ njɛyɛ, sɔɔndʋ pʋyʋ, mbʋ panaɣ-pʋ nɛ pahʋlʋʋ kancʋʋlaɣ yɔ nɛ pɔlɔ pɩ-yɔɔ nɔɔ kɩdɛkɛdaɣ yɔ,+ ɛzɩ pɩwɛʋ sɔnɔ yɔ; 19 pʋwayɩ lɛ, Ejipiti wiyaʋ Farawɔɔ nɛ ɛ-lɩmɖʋyaa, ɛ-awumbiya, nɛ ɛ-samaɣ tɩŋa,+ 20 nɛ ajɛɛ ndɩ ndɩ taa ñɩma mba pesidi pɛ-hɛkʋ taa yɔ; Uzi ɛjaɖɛ taa awiya kpeekpe; Filistii mba+ ɛjaɖɛ taa awiya kpeekpe, Askelɔɔnɩ,+ Gaazaa, Ekrɔɔnɩ, nɛ mba pakazɩ Asɩdoodi taa yɔ; 21 Edom,+ Mowaabʋ,+ nɛ Amooni mba;+ 22 Tiirɩ awiya kpeekpe, Siidɔɔ+ awiya kpeekpe, nɛ lɩm hɛkʋ taa tɛtʋ ndʋ tɩwɛ teŋgu taa yɔ tɩ-awiya; 23 Dedaanɩ,+ Teema, Buuzi, nɛ mba payɩ pahʋm pa-nakpaaŋ yɔɔ ñɔsɩ yɔ;+ 24 Arabii ñɩma awiya+ kpeekpe nɛ ajɛɛ ndɩ ndɩ taa ñɩma mba pesidi pɛ-hɛkʋ taa nɛ pɛwɛɛ kañɩmbusuu taa yɔ pa-awiya kpeekpe; 25 Zimirii awiya kpeekpe, Elam+ awiya kpeekpe, nɛ Medii mba awiya+ kpeekpe; 26 nɛ hayo kiŋ awiya wena awɛ pɩ-cɔlɔ nɛ poliŋ taa yɔ a-kpeekpe, lɛlʋ ñɔʋ nɛ pɩtɛ lɛ lɛlʋ ñɔɔ, nɛ ɛjaɖɛ yɔɔ kewiyisi lɛɛsɩ kpeekpe nzɩ sɩwɛ tɛtʋ yɔɔ yɔ; nɛ pa-wayɩ lɛ, Seesaakɩ*+ wiyaʋ kaɣ ñɔʋ.
27 «Nɛ pɩwɛɛ se ŋheyi-wɛ se: “Tɔm tʋnɛ yoyaa tɛ Yehowa, Izrayɛɛlɩ tɛ Ɛsɔ yɔɔdʋʋ: ‘Ɩñɔɔ nɛ pɩkʋ-mɩ nɛ ihoo nɛ ɩtɔ nɛ ɩtɔlɩ nɛ ɩtaapɩzɩ nɛ ɩkʋyɩ,+ laɣɖɛ nɖɩ menɖiɣni tiyinuu mɩ-hɛkʋ taa yɔ ɖɩ-yɔɔ.’” 28 Nɛ ye pekizaa se paamʋʋ kɔpʋ ñe-nesi tɛɛ nɛ pɔñɔɔ yɔ, ŋheyi-wɛ se: “Tɔm tʋnɛ yoyaa tɛ Yehowa yɔɔdʋʋ: ‘Paa ɩɩlabɩ ɛzɩma, ɩñɔʋ! 29 Mbʋ pʋyɔɔ yɔ ɩna! Ye mɔnkɔŋnɩ asɛyʋʋ tɛtʋ ndʋ ma-hɩɖɛ wɛ tɩ-yɔɔ yɔ tɩ-yɔɔ kajalaɣ taa yɔ,+ mɩ yɔ, maakaɣ mɩ-nɩŋgbaŋʋʋ hɔm na?’”+
«“Mankaɣ mɩ-nɩŋgbaŋʋʋ hɔm, mbʋ pʋyɔɔ yɔ mɛwɛɛ nɛ mayaɣ laɣɖɛ se ɖiwolo tɛtʋ yɔɔ mba tɩŋa wayɩ,” yoyaa tɛ Yehowa yɔɔdʋʋna.
30 «Nɛ pɩwɛɛ se ŋsusi-wɛ natʋ tɔm tʋnɛ tɩ-tɩŋa nɛ ŋheyi-wɛ se:
“Yehowa kaɣ mʋdʋʋ nɛ ɛsɔdaa kiŋ,
Nɛ ɛkaɣ yebu nɛ panɩɩ ɛ-nɔɔ taŋ nɛ ɛ-ɖɩjaɣyɛ kiɖeɖeye taa.
Ɛkaɣ mʋdʋʋ ɖoŋ ɛ-ɖɩjaɣyɛ taa mba yɔɔ.
Ɛkaɣ kou ɛzɩ mba peɖiɣni viiñi pee fɛyʋʋ viiñi ɖɩfɛyɩyɛ taa yɔ,
Ɛkaɣ teu wabɩtʋ hendu tɛtʋ yɔɔ mba tɩŋa yɔɔ.”
31 “Kɔkɔɖɛ naɖɩyɛ kaɣ talʋʋ ɖooo tɛtʋ kamasɩ yɔɔ,
Mbʋ pʋyɔɔ yɔ tɔm natʋyʋ wɛ Yehowa nɛ ajɛɛ pɛ-hɛkʋ taa.
Ɛ-maɣmaɣ ɛkaɣ tɔm hʋnʋʋ ɛyaa kpeekpe.*+
Nɛ ɛkaɣ cɛlʋʋ kañatʋ tɩnaa se pakʋ-wɛ nɛ laɣɖɛ,” Yehowa yɔɔdʋʋna.
32 Tɔm tʋnɛ yoyaa tɛ Yehowa yɔɔdʋʋ:
“Ɩna! Asɛyʋʋ nakʋyʋ ɖiɣni yɛlʋʋ kpaɣ ɛjaɖɛ lɛɛɖɛ nɛ ŋwolo lɛɛɖɛ taa,+
Nɛ tɛʋ sɔsɔʋ ŋgʋ kɩnɩɣnɩ helim yɔ kɩkaɣ lɩnʋʋ tɛtʋ hɔɔlɩŋ weyi ɩkɩlɩ posuu yɔ ɩ-taa.+
33 «“Nɛ mba Yehowa kʋʋ evemiye nɖɩ ɖi-wiye yɔ, pakaɣ wɛʋ kpaɣnɩ tɛtʋ kamaɣ kʋɖʋmaɣ yɔɔ nɛ piwolo tɛtʋ kamaɣ lɛɛka yɔɔ. Paakaɣ caɣʋ kʋñɔwiye pɔ-yɔɔ, paakaɣ-wɛ kpeɣluu nɛ paakaɣ-wɛ pim. Pakaɣ pɩsʋʋ ɛzɩ huɖe yɔ tɛtʋ yɔɔ.”
34 Iwii, mɩ ninɖiɣyaa, nɛ ɩma kubusi!
Ipilimi, mɩ mba ɩkɛ ewiɖe taa ɛyaa sɔsaa yɔ,
Mbʋ pʋyɔɔ yɔ alɩwaatʋ talaa se pakʋ-mɩ nɛ pamɩzɩ-mɩ,
Nɛ ɩkaɣ tɔlʋʋ ɛzɩ ñanaɣ ŋga kamʋ ñɩm yɔ!
35 Ninɖiɣyaa fɛyɩnɩ lone nɖɩ ɖɩ-taa pese nɛ powolo yɔ,
Nɛ mba pɛkɛ ewiɖe taa ɛyaa sɔsaa yɔ, paapɩzɩɣ pese nɛ patʋlɩ.
36 Iwelisi! Ninɖiɣyaa makɩ kubusi
Nɛ mba pɛkɛ ewiɖe taa ɛyaa sɔsaa yɔ pɛwɛɛ nɛ pewiɣ,
Mbʋ pʋyɔɔ yɔ Yehowa ɖiɣni wɛɛkʋʋ pa-kpɩna ñɩtʋ ɖɩdɔɔyɛ.
37 Nɛ Yehowa pana sɔsɔna yɔɔ lɛ,
Ðɩjaɣyɛ lona wena aakɛ laŋhɛzɩyɛ lona yɔ, wezuu tɩtasɩ wɛʋ a-taa.
38 Eyebi ɛ-ɖɩjaɣyɛ ɛzɩ mʋʋzʋʋ* yɔ,+
Mbʋ pʋyɔɔ yɔ pɛ-ɛjaɖɛ pɩsɩ sɔɔndʋ pʋyʋ
Laɣɖɛ nɖɩ ɖɩwɛ kañatʋ yɔ ɖɩ-yɔɔ
Nɛ ɛ-pana sɔsɔna yɔɔ.»
26 Yuuda wiyaʋ, Yoziyaasɩ pɩyalʋ Yehoyakim+ kewiyitu tɔɔʋ ɖɩbazɩyɛ taa lɛ, Yehowa tɔm tʋnɛ tɩtalɩ Yereemii: 2 «Tɔm tʋnɛ Yehowa yɔɔdʋʋ: “Sɩŋ Yehowa ɖɩɣa kadaɣ taa nɛ ŋyɔɔdɩ tɔm* Yuuda tɛtʋ ndɩ ndɩ taa ɛyaa mba payɩ peɖiɣni kɔm se pala Ɛsɔ sɛtʋ tʋmɩyɛ* Yehowa ɖɩɣa taa yɔ pɔ-yɔɔ. Heyi-wɛ tɔm ndʋ payɩ manɖʋʋ-ŋ paɣtʋ se ŋheyi-wɛ yɔ; taalɩzɩ tɩ-yɔɔ paa tɔm piye kʋɖʋmɖɩyɛ. 3 Pʋtɔma yɔ pakaɣ welisuu nɛ pa-taa paa weyi lɛ, ɛkaɣ yebu ɛ-nʋmɔʋ kɩdɛkɛdʋʋ, nɛ mankaɣ lɛɣzʋʋ ma-lɩmaɣza* asɛyʋʋ ŋgʋ manɖʋwa se mɔnkɔŋnɩ pɔ-yɔɔ pa-lakasɩ kɩdɛkɛdɩsɩ yɔɔ yɔ kɩ-yɔɔ.+ 4 Heyi-wɛ se: ‘Tɔm tʋnɛ Yehowa yɔɔdʋʋ: “Ye iiwelisiɣni-m se ɩɖɔ paɣtʋ* ndʋ manɖʋ-mɩ yɔ tɩ-yɔɔ, 5 se iwelisi ma-lɩmɖʋyaa mba pɛkɛ nayaa yɔ pɔ-tɔm, mba mɛwɛɛ nɛ mentiyiɣ-wɛ mɩ-cɔlɔ nɛ mɛlɛlɩɣ tam sakɩyɛ* ɛlɛ itiwelisini-wɛ yɔ,+ 6 ɖɩnɛ ɛlɛ mankaɣ yebu nɛ ɖɩɣa kanɛ kɛwɛɛ ɛzɩ Siiloo yɔ,+ nɛ mankaɣ yebu nɛ tɛtʋ tʋnɛ tɩkɛ tɛtʋ yɔɔ ajɛɛ kpeekpe nɔɔ kɩdɛkɛdaɣ lɔʋ pʋyʋ.”’”»+
7 Nɛ cɔjɔnaa nɛ nayaa nɛ samaɣ kpeekpe nɩɩ Yereemii wɛɛ nɛ ɛyɔɔdʋʋ tɔm ndʋ Yehowa ɖɩɣa taa.+ 8 Nɛ Yereemii tɛm yɔɔdʋʋ tɔm ndʋ payɩ Yehowa kaaɖʋ-ɩ paɣtʋ se eheyi samaɣ kpeekpe yɔ lɛ, cɔjɔnaa nɛ nayaa nɛ samaɣ kpeekpe pakpa-ɩ nɛ pɔyɔɔdɩ se: «Paa ŋŋlabɩ ɛzɩma ŋkaɣ sɩbʋ. 9 Ɛbɛ yɔɔ ŋyɔɔdɩ natʋ tɔm Yehowa hɩɖɛ taa se: “Ðɩɣa kanɛ kakaɣ pɩsʋʋ ɛzɩ Siiloo yɔ, nɛ pakaɣ yɔkʋʋ tɛtʋ tʋnɛ nɛ nɔɔyʋ ɛɛkaɣ wɛʋ tɩ-taa”?» Nɛ samaɣ kpeekpe kpeɣli nɛ kɔcɔɔ Yereemii nɛ kata Yehowa ɖɩɣa taa.
10 Yuuda awumbiya nɩ tɔm ndʋ lɛ, palɩɩnɩ wiyaʋ ɖɩɣa taa nɛ pakpa Yehowa ɖɩɣa taa nɛ pacaɣ Yehowa nɔnɔɔ kɩfalaɣ taa.+ 11 Cɔjɔnaa nɛ nayaa peheyi awumbiya nɛ samaɣ kpeekpe se: «Abalʋ ɛnɛ ɛmʋnɩ sɩm,+ mbʋ pʋyɔɔ yɔ ɛyɔɔdɩ natʋ tɔm se asɛyʋʋ kaɣ kɔm tɛtʋ tʋnɛ tɩ-yɔɔ, ɛzɩ ɩnɩʋ nɛ mɩ-maɣmaɣ mɩ-nɩŋgbaaŋ yɔ.»+
12 Peeɖe Yereemii heyi awumbiya kpeekpe nɛ samaɣ kpeekpe se: «Yehowa tiyini-m se mɔyɔɔdɩ natʋ tɔm ndʋ payɩ ɩnɩwa se asɛyʋʋ kaɣ kɔm ɖɩɣa kanɛ kɔ-yɔɔ nɛ tɛtʋ tʋnɛ tɩ-yɔɔ yɔ.+ 13 Ye mbʋ lɛɛlɛɛyɔ lɛ, ɩñɔɔzɩ mɩ-nʋmɔŋ nɛ mɩ-lakasɩ nɛ ɩña mɩ-Ɛsɔ Yehowa nɔɔ, nɛ Yehowa kaɣ lɛɣzʋʋ ɛ-lɩmaɣza* asɛyʋʋ ŋgʋ ɛyɔɔdaa se ɛkɔŋnɩ mɩ-yɔɔ yɔ kɩ-yɔɔ.+ 14 Ɛlɛ ma lɛ, mɛwɛ mi-nesi tɛɛ. Ɩlabɩ-m mbʋ payɩ ɩmaɣzɩɣ se pɩwɛ ɖeu nɛ pɩtʋʋzɩ mɩ-ɛsɩndaa yɔ. 15 Ɛlɛ ɩtɩlɩ camɩyɛ se ye ɩkʋ-m yɔ, ɩkaɣ kɔnʋʋ calɩm mbʋ pɩtɩwɛɛkɩ pʋyʋ yɔ mɩ-maɣmaɣ mɩ-yɔɔ nɛ tɛtʋ tʋnɛ tɩ-yɔɔ nɛ tɩ-taa mba yɔɔ, mbʋ pʋyɔɔ yɔ toovenim lɛ, Yehowa tiyini-m se mɔyɔɔdɩ tɔm tʋnɛ tɩ-tɩŋa nɛ ɩnɩɩ-tʋ.»
16 Nɛ awumbiya nɛ samaɣ kpeekpe peheyi cɔjɔnaa nɛ nayaa se: «Abalʋ ɛnɛ ɛtɩmʋnɩ sɩm, mbʋ pʋyɔɔ yɔ ɖɛ-Ɛsɔ Yehowa hɩɖɛ taa ɛyɔɔdɩnɩ-ɖʋ.»
17 Pɩtasɩ lɛ, ɛjaɖɛ taa ɛzʋtʋyaa nabɛyɛ kʋyaa nɛ papaɣzɩ heyuu samaɣ ŋga kaakpeɣlaa yɔ ke-kpeekpe se: 18 «Moresɛɛtɩ tʋ Mikee+ kaawɛɛ nɛ ɛyɔɔdʋʋ natʋ tɔm Yuuda wiyaʋ Ezekiyaasɩ+ alɩwaatʋ taa, nɛ eeheyi Yuuda samaɣ kpeekpe se: “Tɔm tʋnɛ yoyaa tɛ Yehowa yɔɔdʋʋ:
‘Pakaɣ hayʋʋ Siyɔŋ ɛzɩ hayɩm yɔ,
Yeruzalɛm kaɣ pɩsʋʋ njɛyɛ tambaɣ huuye,+
Nɛ Ðɩɣa pʋʋ* kaɣ pɩsʋʋ ɛzɩ lona kʋkʋya wena awɛ laʋ tɛɛ yɔ.’”*+
19 «Ɛzɩ Yuuda wiyaʋ Ezekiyaasɩ nɛ Yuuda kpeekpe pakʋ-ɩ yaa we? Ɛzɩ wiyaʋ tise Yehowa sɔɔndʋ nɛ etendi Yehowa se ɛna pa-pʋtɔdɩyɛ,* nɛ piyele nɛ Yehowa lɛɣzɩ ɛ-lɩmaɣza* asɛyʋʋ ŋgʋ ɛɛyɔɔdaa se ɛkɔŋnɩ pɔ-yɔɔ yɔ kɩ-yɔɔ yaa we?+ Ye mbʋ, ɖɩcaɣ kɔnʋʋ asɛyʋʋ sɔsɔʋ ɖa-maɣmaɣ ɖɔ-yɔɔ.*
20 «Nɛ abalʋ lɛlʋ ɖɔɖɔ kaawɛɛ nɛ ɛyɔɔdʋʋ natʋ tɔm Yehowa hɩɖɛ taa, ɛnʋ lɛ Kiriyatɩ-Yeyarim+ tʋ Semayaa pɩyalʋ Uriyaa; ɛyɔɔdɩ natʋ tɔm se asɛyʋʋ kaɣ kɔm tɛtʋ tʋnɛ tɩ-yɔɔ nɛ ɛjaɖɛ ɖɩnɛ ɖɩ-yɔɔ, nɛ ɛ-tɔm kaawɛ ɛzɩ Yereemii ñɩndʋ yɔ. 21 Wiyaʋ Yehoyakim+ nɛ ɛ-ɛyaa ɖoŋ tɩnaa kpeekpe nɛ ɛ-awumbiya kpeekpe panɩɩ ɛ-tɔm ndʋ, nɛ wiyaʋ ñɩnaɣ se ɛkʋ-ɩ.+ Uriyaa nɩ-tʋ lɛ, sɔɔndʋ kpa-ɩ kpaagbaa nɛ ese nɛ ɛɖɛɛ Ejipiti. 22 Peeɖe Wiyaʋ Yehoyakim tiyi Akɩbɔɔrɩ pɩyalʋ Ɛlɩnataanɩ+ nɛ ɛyaa lalaa Ejipiti. 23 Nɛ pakpaɣ Uriyaa nɛ Ejipiti nɛ pɔkɔnɩ-ɩ Wiyaʋ Yehoyakim cɔlɔ, nɛ ɛlɛ kʋ-ɩ nɛ laɣɖɛ+ nɛ ɛpɛɖɩ e-tomnaɣ pɩlaʋ taa ɖenɖe pepiŋ tɛtʋ taa ɛyaa yɔ.»
24 Ɛlɛ Safaanɩ+ pɩyalʋ Ahikam+ ɖʋ Yereemii nesi; piyeba nɛ patɩɖʋzɩ-ɩ samaɣ nesi tɛɛ se kakʋ-ɩ.+
27 Yuuda wiyaʋ, Yoziyaasɩ pɩyalʋ Yehoyakim kewiyitu tɔɔʋ ɖɩbazɩyɛ taa lɛ, tɔm tʋnɛ tɩlɩnɩ Yehowa cɔlɔ nɛ tɩtalɩ Yereemii: 2 «Tɔm tʋnɛ Yehowa heyi-m: “La ña-tɩ kɩtamɩŋ nɛ sʋʋtʋ ɖaŋ, nɛ ŋtɩnɩ-ɩ ño-pondone yɔɔ. 3 Pʋwayɩ lɛ, ŋɖʋzɩ-ɩ ɛyaa mba petiyi-wɛ nɛ pɔkɔɔ Yeruzalɛm Yuuda wiyaʋ Zedekiya cɔlɔ yɔ pe-nesi tɛɛ, nɛ powoni-i Edom wiyaʋ,+ Mowaabʋ wiyaʋ,+ Amooni mba wiyaʋ,+ Tiirɩ wiyaʋ+ nɛ Siidɔɔ wiyaʋ.+ 4 Heyi-wɛ se peheyi pa-ñʋndɩnaa paɣtʋ tʋnɛ:
«“‘Tɔm tʋnɛ yoyaa tɛ Yehowa, Izrayɛɛlɩ tɛ Ɛsɔ yɔɔdʋʋ; tɔm tʋnɛ pɩwɛɛ se iheyi mɩ-ñʋndɩnaa: 5 “Ma, matɩŋnɩ nɩ mon-ɖoŋ sɔsɔŋ yɔɔ nɛ me-nesi nzɩ mensezaa yɔ sɩ-yɔɔ nɛ mala tɛtʋ, ɛyaa, nɛ tɛtɛgbɩna wena awɛ tɛtʋ yɔɔ yɔ; nɛ maha-tʋ weyi ɛ-tɔm kɛdɩnɩ-m yɔ.*+ 6 Nɛ lɛɛlɛɛyɔ lɛ, manɖʋzɩ ajɛɛ anɛ a-tɩŋa ma-lɩmɖʋyʋ Babilɔɔnɩ wiyaʋ Nabukodonozɔɔrɩ+ nesi tɛɛ; halɩ maha-ɩ ɖɔɖɔ tɛtɛgbɩna wena awɛ ñɩtʋ taa yɔ se aɖʋ-ɩ lɩm. 7 Ajɛɛ kpeekpe kaɣ-ɩ ɖʋʋ lɩm, ɛ-maɣmaɣ nɛ ɛ-pɩyalʋ nɛ ɛ-sayɩ pɩkɔɔ nɛ pɩsɩɩnɩ alɩwaatʋ ndʋ ɛ-maɣmaɣ ɛ-ɛjaɖɛ alɩwaatʋ talɩɣ yɔ,+ alɩwaatʋ ndʋ ajɛɛ sakɩyɛ nɛ awiya sɔsɔna kaɣ-ɩ pɩsʋʋ a-yom yɔ.”+
8 «“‘“Ye ɛjaɖɛ naɖɩyɛ yaa kewiyaɣ nakɛyɛ ekizaa se kaaɖʋʋ lɩm Babilɔɔnɩ wiyaʋ Nabukodonozɔɔrɩ nɛ kekizi se kaasʋzʋʋ ko-pondone Babilɔɔnɩ wiyaʋ sʋʋtʋ ɖaʋ tɛɛ yɔ, mankaɣ ɛjaɖɛ nɖɩ ɖɩ-nɩŋgbaŋʋʋ hɔm nɛ laɣɖɛ,+ ñɔɔsɩ, nɛ kɩzɩkʋ,* pɩkɔɔ nɛ pɩsɩɩnɩ alɩwaatʋ ndʋ mantɩŋnɩ e-nesi yɔɔ nɛ manɖɩzɩ-wɛ yɔ,” Yehowa yɔɔdʋʋna.
9 «“‘“Pʋyɔɔ lɛ, itaawelisini mɩ-nayaa, mɩ-tɩyaa, mi-ɖoziyaa, mɩ-maajiki laɖaa, nɛ mɩ-alɩfaanaa, mba pɛwɛɛ nɛ peheyiɣ-mɩ se: ‘Ɩɩkaɣ ɖʋʋ lɩm Babilɔɔnɩ wiyaʋ’ yɔ. 10 Mbʋ pʋyɔɔ yɔ pɛwɛɛ nɛ peheyiɣ-mɩ natʋ tɔm ndʋ tɩkɛ cɛtɩm yɔ, se pɩsa nɛ pakpaɣ-mɩ nɛ poposi-mɩ nɛ mɩ-ɛjaɖɛ nɛ mamɩzɩ-mɩ nɛ ɩmʋʋ.
11 «“‘“Ɛlɛ ɛjaɖɛ nɖɩ ɖɩsʋzʋʋ ɖi-pondone Babilɔɔnɩ wiyaʋ sʋʋtʋ ɖaʋ tɛɛ nɛ ɖɩɖʋ-ɩ lɩm yɔ, mankaɣ-ɖɩ haʋ nʋmɔʋ se ɖɩcaɣ* ɖɩ-tɛtʋ yɔɔ, se ɖɩhayɩ-tʋ nɛ ɖɩcaɣ tɩ-yɔɔ,”’” Yehowa yɔɔdʋʋna.»
12 Meheyi ɖɔɖɔ tɔm kʋɖʋmtʋ ndʋ Yuuda wiyaʋ Zedekiya+ se: «Ɩsʋzɩ mi-pondona Babilɔɔnɩ wiyaʋ sʋʋtʋ ɖaʋ tɛɛ nɛ ɩɖʋ ɛ nɛ ɛ-samaɣ lɩm, nɛ ɩkaɣ wobu pɩ-yɔɔ nɛ ɩwɛɛ wezuu.+ 13 Ɛbɛ yɔɔ pɩwɛɛ se laɣɖɛ,+ ñɔɔsɩ+ nɛ kɩzɩkʋ+ ɩkʋ ña nɛ ña-samaɣ? Toovenim taa lɛ, ɛzɩ Yehowa kaayɔɔdʋʋ yɔ, mbʋ pɩkaɣ talʋʋ ɛjaɖɛ nɖɩ ɖɩɩkaɣ ɖʋʋ lɩm Babilɔɔnɩ wiyaʋ yɔ. 14 Nayaa mba pɛwɛɛ nɛ peheyiɣ-mɩ se: “Ɩɩkaɣ ɖʋʋ lɩm Babilɔɔnɩ wiyaʋ”+ yɔ, itaawelisi pɔ-tɔm, mbʋ pʋyɔɔ yɔ pɛwɛɛ nɛ peheyiɣ-mɩ natʋ tɔm ndʋ tɩkɛ cɛtɩm yɔ.+
15 «“Mbʋ pʋyɔɔ yɔ mantitiyi-wɛ, ɛlɛ pɛwɛɛ nɛ pɔyɔɔdʋʋ natʋ tɔm ndʋ tɩkɛ cɛtɩm yɔ ma-hɩɖɛ taa, nɛ mbʋ pɩkaɣ lɩʋ pɩ-taa yɔ lɛ se mankaɣ-mɩ mɩzʋʋ nɛ ɩkaɣ mʋʋʋ, mɩ nɛ nayaa mba pɛwɛɛ nɛ peheyiɣ-mɩ natʋ tɔm yɔ,”+ Yehowa yɔɔdʋʋna.»
16 Piyele nɛ cɔjɔnaa nɛ samaɣ kanɛ ke-kpeekpe lɛ, meheyi-wɛ se: «Tɔm tʋnɛ Yehowa yɔɔdʋʋ: “Itaawelisi natʋ tɔm ndʋ mɩ-nayaa wɛɛ nɛ peheyiɣ-mɩ se: ‘Ɩna! Piileɖiɣ lɛ, pakaɣ kpaɣʋ Yehowa ɖɩɣa taa wondu nɛ Babilɔɔnɩ nɛ papɩsɩna!’+ yɔ, mbʋ pʋyɔɔ yɔ pɛwɛɛ nɛ peheyiɣ-mɩ natʋ tɔm ndʋ tɩkɛ cɛtɩm yɔ.+ 17 Itaawelisini-wɛ. Ɩɖʋ Babilɔɔnɩ wiyaʋ lɩm, ɖɩnɛ ɛlɛ ɩkaɣ wɛʋ wezuu.+ Ɛbɛ yɔɔ pɩwɛɛ se tɛtʋ tʋnɛ tɩpɩsɩ njɛyɛ? 18 Ɛlɛ ye pɛkɛ nayaa nɛ ye Yehowa tɔm ɛwɛ pɔ-cɔlɔ yɔ, mentendi-wɛ, petendi yoyaa tɛ Yehowa se wondu ndʋ pɩkazɩ Yehowa ɖɩɣa taa, Yuuda wiyaʋ ɖɩɣa taa, nɛ Yeruzalɛm yɔ pataakpaɣ-tʋ nɛ powoni Babilɔɔnɩ.”
19 «Mbʋ pʋyɔɔ yɔ tɔm tʋnɛ yoyaa tɛ Yehowa yɔɔdʋʋ tilima,+ Teŋgu,*+ kɛɛkɛɛnaa,+ nɛ wondu ndʋ tɩkazɩ tɛtʋ tʋnɛ tɩ-taa yɔ tɩ-yɔɔ, 20 mbʋ payɩ Babilɔɔnɩ wiyaʋ Nabukodonozɔɔrɩ tɩkpaɣ alɩwaatʋ ndʋ ɛkpaɣ Yuuda wiyaʋ, Yehoyakim pɩyalʋ Yekoniya, Yeruzalɛm taa nɛ ɛkɛzɩ-ɩ tɛtʋ Babilɔɔnɩ yɔ, pɩkpɛndɩnɩ Yuuda nɛ Yeruzalɛm ñɩma mba payɩ pa-hɩla sɛwa yɔ;+ 21 ɛɛɛ, tɔm tʋnɛ yoyaa tɛ Yehowa, Izrayɛɛlɩ tɛ Ɛsɔ yɔɔdʋʋ wondu ndʋ pɩkazɩ Yehowa ɖɩɣa taa, Yuuda wiyaʋ ɖɩɣa taa, nɛ Yeruzalɛm yɔ tɩ-yɔɔ: 22 “‘Pakaɣ-tʋ wonuu Babilɔɔnɩ,+ nɛ tɩkaɣ wɛʋ peeɖe pɩkɔɔ nɛ pɩtalɩ kɩyakʋ ŋgʋ manpɩsɩɣnɩ ma-lɩmaɣza nɛ tɩ-yɔɔ yɔ. Ðɩnɛ ɛlɛ mankaɣ-tʋ pɩsɩnʋʋ nɛ manɖaɣnɩ-tʋ sɩʋ lone ɖɩnɛ ɖɩ-taa,’”+ Yehowa yɔɔdʋʋna.»
28 Pɩnaɣ kʋɖʋmaɣ ŋga ka-taa, Yuuda wiyaʋ Zedekiya+ kewiyitu tɔɔʋ ɖɩbazɩyɛ taa, pɩnaɣ 4 ñɩŋga taa, fenaɣ 5 ñɩŋga taa, Azuurɩ pɩyalʋ nayʋ Anaanɩya weyi ɛlɩnɩ Gabawɔɔ yɔ,+ eheyi-m Yehowa ɖɩɣa taa, cɔjɔnaa nɛ samaɣ kpeekpe ɛsɩndaa se: 2 «Tɔm tʋnɛ yoyaa tɛ Yehowa, Izrayɛɛlɩ tɛ Ɛsɔ yɔɔdʋʋ: “Mankaɣ pɛlʋʋ Babilɔɔnɩ wiyaʋ sʋʋtʋ ɖaʋ.+ 3 Pɩnzɩ* 2 taa lɛ, mankaɣ pɩsɩnʋʋ lone ɖɩnɛ ɖɩ-taa Yehowa ɖɩɣa taa wondu ndʋ payɩ Babilɔɔnɩ wiyaʋ Nabukodonozɔɔrɩ kpaɣ lone ɖɩnɛ ɖɩ-taa nɛ ewoni Babilɔɔnɩ yɔ.”»+ 4 «“Nɛ mankaɣ pɩsɩnʋʋ lone ɖɩnɛ ɖɩ-taa Yuuda wiyaʋ, Yehoyakim+ pɩyalʋ Yekoniya,+ nɛ Yuuda ñɩma mba payɩ pɛkɛzɩ-wɛ tɛtʋ Babilɔɔnɩ yɔ,”+ mbʋ pʋyɔɔ yɔ mankaɣ pɛlʋʋ Babilɔɔnɩ wiyaʋ sʋʋtʋ ɖaʋ,” Yehowa yɔɔdʋʋna.»
5 Peeɖe nayʋ Yereemii yɔɔdɩnɩ nayʋ Anaanɩya; ɛyɔɔdɩnɩ-ɩ cɔjɔnaa nɛ samaɣ ŋga kaasɩŋ Yehowa ɖɩɣa taa yɔ ke-kpeekpe kɛ-ɛsɩndaa. 6 Nayʋ Yereemii yɔɔdɩ se: «Amɛn!* Yehowa ɛla mbʋ! Yehowa eyele nɛ natʋ tɔm ndʋ ŋyɔɔdaa yɔ tɩla nɛ ɛkpaɣ Yehowa ɖɩɣa taa wondu ndʋ tɩwɛ Babilɔɔnɩ yɔ nɛ mba payɩ pɛkɛzɩ-wɛ tɛtʋ Babilɔɔnɩ yɔ nɛ ɛpɩsɩnɩ lone ɖɩnɛ ɖɩ-taa! 7 Ɛlɛ mentendi-ŋ, welisi tɔm tʋnɛ, ndʋ menɖiɣni yɔɔdʋʋ ña-nɩŋgbaaŋ taa nɛ samaɣ kpeekpe nɩŋgbaaŋ taa yɔ. 8 Pɩlakɩ alɩwaatʋ sakɩyɛ yɔ, nayaa mba paawɛɛ pʋcɔ nɛ pɩtalɩɣnɩ-m yɔ nɛ mba paawɛɛ pʋcɔ nɛ pɩtalɩɣnɩ-ŋ yɔ, pɔyɔɔdaɣ natʋ tɔm ajɛɛ sakɩyɛ nɛ kewiyisi sɔsɔsɩ yɔɔ. Pɔyɔɔdaɣ yoŋ tɔm, asɛyɩŋ tɔm nɛ kɩzɩkʋ* tɔm. 9 Ye nayʋ nɔɔyʋ ɛyɔɔdɩ laŋhɛzɩyɛ tɔm nɛ ɛ-tɔm ndʋ tɩla yɔ, ɖɩnɛ ɛlɛ pɩkaɣ naʋ se toovenim taa lɛ, Yehowa tiyini nayʋ ɛnʋ.»
10 Peeɖe nayʋ Anaanɩya kʋsɩ sʋʋtʋ ɖaʋ ŋgʋ kɩɩwɛ nayʋ Yereemii pondone yɔɔ yɔ nɛ ɛpɛlɩ-kʋ.+ 11 Nɛ Anaanɩya yɔɔdɩ samaɣ kpeekpe ɛsɩndaa se: «Tɔm tʋnɛ Yehowa yɔɔdʋʋ: “Mbʋ ɖɔɖɔ mankaɣ pɛlʋʋ Babilɔɔnɩ wiyaʋ Nabukodonozɔɔrɩ sʋʋtʋ ɖaʋ ŋgʋ kɩwɛ ajɛɛ tɩŋa pondone yɔɔ yɔ pʋcɔ nɛ pɩnzɩ 2 tɛ.”»+ Nɛ nayʋ Yereemii kpaɣ ɛ-nʋmɔʋ nɛ ɛɖɛɛ.
12 Nayʋ Anaanɩya pɛlɩ sʋʋtʋ ɖaʋ ŋgʋ kɩɩwɛ nayʋ Yereemii pondone yɔɔ yɔ nɛ pɩtɛ lɛ, Yehowa tɔm tʋnɛ tɩtalɩ Yereemii: 13 «Wolo nɛ ŋheyi Anaanɩya se: “Tɔm tʋnɛ Yehowa yɔɔdʋʋ: ‘Ŋpɛlɩ sʋʋtʋ ɖaŋ weyi pakpaɣ tɩʋ nɛ palabɩna yɔ,+ ɛlɛ i-lone taa lɛ, ŋkaɣ labʋ ñɩɣtʋ sʋʋtʋ ɖaŋ.’ 14 Mbʋ pʋyɔɔ yɔ tɔm tʋnɛ yoyaa tɛ Yehowa, Izrayɛɛlɩ tɛ Ɛsɔ yɔɔdʋʋ: ‘Mankaɣ tɩnʋʋ ñɩɣtʋ sʋʋtʋ ɖaʋ ajɛɛ anɛ a-tɩŋa a-pondone yɔɔ, se aɖʋ lɩm Babilɔɔnɩ wiyaʋ Nabukodonozɔɔrɩ, nɛ paa aalabɩ ɛzɩma yɔ, akaɣ-ɩ lɩm ɖʋʋ.+ Halɩ mankaɣ-ɩ haʋ tɛtɛgbɩna wena awɛ ñɩtʋ taa yɔ.’”»+
15 Nɛ nayʋ Yereemii heyi nayʋ Anaanɩya+ se: «Oo Anaanɩya, mentendi-ŋ, welisi! Yehowa titiyi-ŋ, ɛlɛ ŋyeba nɛ samaɣ kanɛ kataa liu cɛtɩm tɔm.+ 16 Pʋyɔɔ lɛ, tɔm tʋnɛ Yehowa yɔɔdʋʋ: “Na! Mankʋsʋʋ-ŋ tɛtʋ yɔɔ. Ŋkaɣ sɩbʋ pɩnaɣ kanɛ, mbʋ pʋyɔɔ yɔ ŋseɣti samaɣ nɛ kakaɖɩnɩ Yehowa.”»+
17 Nɛ nayʋ Anaanɩya sɩ pɩnaɣ ŋga ka-taa, fenaɣ 7 ñɩŋga taa.
29 Takayaɣ ŋga nayʋ Yereemii ma Yeruzalɛm nɛ etiyini-kɛ ɛzʋtʋyaa mba pɩɩkazaa nɛ pɛwɛɛ mba pɛkɛzɩ-wɛ tɛtʋ yɔ pɛ-hɛkʋ taa yɔ, nɛ cɔjɔnaa, nɛ nayaa nɛ samaɣ kpeekpe, mba Nabukodonozɔɔrɩ kaakpaɣnɩ Yeruzalɛm nɛ ɛkɛzɩ-wɛ tɛtʋ Babilɔɔnɩ yɔ ka-taa tɔm yɔ. 2 Pɩɩkɛ alɩwaatʋ ndʋ Wiyaʋ Yekoniya,+ wiyaʋ ɖoo,*+ wiyaʋ ɖɩɣa taa kaɖɩsɩ, Yuuda nɛ Yeruzalɛm awumbiya, nɛ nesi tɛɛ tʋmlaɖaa, nɛ ñɩɣtʋ wondu luɖaa* pɛtɛm lɩʋ Yeruzalɛm nɛ pɛɖɛɛ yɔ.+ 3 Ɛɖʋzɩ takayaɣ ŋga Safaanɩ+ pɩyalʋ Elasa nɛ Hilikiya pɩyalʋ Gemariya, mba Yuuda wiyaʋ Zedekiya+ tiyi Babilɔɔnɩ wiyaʋ Nabukodonozɔɔrɩ cɔlɔ yɔ pe-nesi tɛɛ nɛ powoni-kɛ. Kɔyɔɔdaɣ se:
4 «Tɔm tʋnɛ yoyaa tɛ Yehowa, Izrayɛɛlɩ tɛ Ɛsɔ heyiɣ mba payɩ pɛkɛzɩ-wɛ tɛtʋ yɔ, mba mankpaɣ-wɛ nɛ Yeruzalɛm nɛ mɛnkɛzɩ-wɛ tɛtʋ Babilɔɔnɩ yɔ: 5 “Ɩma ɖɩsɩ nɛ ɩcaɣ sɩ-taa. Ɩla kaɖasɩ nɛ ɩtɔɔ sɩ-taa pee. 6 Ɩkpaɣ halaa nɛ ɩlʋlɩ abalɩbiya nɛ halɩbiya; ɩñɩnɩ halaa nɛ ɩcɛlɩ mɩ-pɩyalaa nɛ ɩkpaɣ mɩ-pɛlaa nɛ ɩcɛlɩ abalaa nɛ pawalɩ-wɛ, se pɩsa nɛ mba ɖɔɖɔ lɛ, pɛwɛɛnɩ abalɩbiya nɛ halɩbiya. Ihuu peeɖe nɛ ɩtaapasɩ. 7 Nɛ ɩñɩnɩ tɛtʋ ndʋ tɩ-taa mɛnkɛzɩ-mɩ yɔ tɩ-laŋhɛzɩyɛ, nɛ ɩtɩmnɩ Yehowa tɩ-yɔɔ, mbʋ pʋyɔɔ yɔ ye tɩwɛ laŋhɛzɩyɛ taa yɔ, mɩ ɖɔɖɔ ɩkaɣ wɛʋ laŋhɛzɩyɛ taa.+ 8 Mbʋ pʋyɔɔ yɔ tɔm tʋnɛ yoyaa tɛ Yehowa, Izrayɛɛlɩ tɛ Ɛsɔ yɔɔdʋʋ: ‘Itaayele nɛ mɩ-nayaa nɛ mɩ-tɩyaa mba pɛwɛ mɩ-hɛkʋ taa yɔ pɛcɛtɩ-mɩ,+ nɛ itaawelisi ɖoza wena poɖozuu yɔ. 9 Mbʋ pʋyɔɔ yɔ “pɛwɛɛ nɛ peheyiɣ-mɩ natʋ tɔm ndʋ tɩkɛ cɛtɩm yɔ ma-hɩɖɛ taa. Mantitiyi-wɛ,”+ Yehowa yɔɔdʋʋna.’”»
10 «Mbʋ pʋyɔɔ yɔ tɔm tʋnɛ Yehowa yɔɔdʋʋ: “Ɩlakɩ pɩnzɩ 70 Babilɔɔnɩ nɛ pɩtɛ lɛ, mankaɣ kɛzʋʋ ma-lɩmaɣza nɛ mɩ-yɔɔ,+ nɛ mankaɣ-mɩ pɩsɩnʋʋ lone ɖɩnɛ ɖɩ-taa nɛ tamaɣ ŋga maalaba yɔ kala.”+
11 «“Mbʋ pʋyɔɔ yɔ mansɩm lɩmaɣza wena menɖiɣni labʋ mɩ-yɔɔ yɔ camɩyɛ; laŋhɛzɩyɛ lɩmaɣza, pɩtɩkɛ asɛyʋʋ lɩmaɣza,+ se maha-mɩ cee wayɩ kɩbaŋʋ nɛ lidaʋ,”+ Yehowa yɔɔdʋʋna. 12 Nɛ ɩkaɣ-m yaʋ, ɩkaɣ kɔm nɛ ɩtɩmnɩ-m, nɛ mankaɣ-mɩ welisinuu.”+
13 «“Ɩkaɣ-m ñɩnʋʋ nɛ ɩna-m,+ mbʋ pʋyɔɔ yɔ ɩkaɣ-m ñɩnʋʋ nɛ mɩ-laŋɩyɛ pilim.+ 14 Nɛ mankaɣ yebu nɛ ɩna-m,”+ Yehowa yɔɔdʋʋna. “Nɛ mankaɣ kpeɣluu mɩ-ɛyaa mba pɛwɛ yomiye taa yɔ nɛ mankaɣ-mɩ tɔzʋʋ nɛ ajɛɛ kpeekpe taa nɛ lona wena a-taa maamɩzɩ-mɩ yɔ a-taa nɛ menkpeɣli.”+ Nɛ mankaɣ-mɩ pɩsɩnʋʋ lone nɖɩ ɖɩ-taa maakpaɣ-mɩ nɛ mɛnkɛzɩ-mɩ tɛtʋ yɔ ɖɩ-taa,”+ Yehowa yɔɔdʋʋna.
15 «Ɛlɛ ɩyɔɔdaa se: “Yehowa ha-ɖʋ nayaa Babilɔɔnɩ taa.”
16 «Mbʋ pʋyɔɔ yɔ tɔm tʋnɛ Yehowa heyiɣ wiyaʋ weyi ɛcaɣ Daviid kewiyaɣ kpelaɣ yɔɔ yɔ+ nɛ samaɣ ŋga kɛwɛ tɛtʋ tʋnɛ tɩ-taa yɔ ke-kpeekpe, mi-koobiya mba mɩ nɛ wɛ itiwolo yomiye taa yɔ: 17 “Tɔm tʋnɛ yoyaa tɛ Yehowa yɔɔdʋʋ: ‘Ɩna, mentiyiɣni pa-wayɩ laɣɖɛ, ñɔɔsɩ, nɛ kɩzɩkʋ,*+ nɛ mankaɣ yebu nɛ papɩsɩ ɛzɩ fiigi pee wena aɖazaa*+ nɛ awɛɛkɩ siŋŋ nɛ paapɩzɩɣ nɛ pɔtɔɔ-yɛ yɔ.’”
18 «“Nɛ mankaɣ pa-wayɩ ɖʋʋ nɛ laɣɖɛ,+ ñɔɔsɩ, nɛ kɩzɩkʋ, nɛ mankaɣ yebu nɛ pɛkɛ sɔɔndʋ pʋyʋ tɛtʋ yɔɔ kewiyisi kpeekpe,+ nɛ nɔɔ kɩdɛkɛdaɣ lɔʋ pʋyʋ, mbʋ pɩɖɩɣzɩɣ ɛyaa yɔ, nɛ mbʋ panaɣ-pʋ nɛ pahʋlʋʋ kancʋʋlaɣ yɔ+ nɛ fɛyɛ pʋyʋ ajɛɛ kpeekpe wena a-taa mamɩzɩ-wɛ yɔ,+ 19 mbʋ pʋyɔɔ yɔ patiwelisi mɔn-tɔm ndʋ mantɩŋnɩ ma-lɩmɖʋyaa mba pɛkɛ nayaa yɔ pɔ-yɔɔ nɛ mentiyini-wɛ yɔ,” Yehowa yɔɔdʋʋna, “mentiyaɣ-wɛ nɛ mɛlɛlɩɣ tam sakɩyɛ.”*+
«“Ɛlɛ itiwelisi,”+ Yehowa yɔɔdʋʋna.
20 «Pʋyɔɔ lɛ ɩnɩɩ Yehowa tɔm, mɩ mba payɩ mɛnkɛzɩ-mɩ tɛtʋ yɔ, mɩ mba mankpaɣ-mɩ nɛ Yeruzalɛm nɛ mowoni Babilɔɔnɩ yɔ. 21 Tɔm tʋnɛ yoyaa tɛ Yehowa, Izrayɛɛlɩ tɛ Ɛsɔ yɔɔdʋʋ Kolayiya pɩyalʋ Ahaabɩ nɛ Maaseyiya pɩyalʋ Zedekiya pɔ-yɔɔ, mba pɛwɛɛ nɛ peheyiɣ-mɩ natʋ tɔm ndʋ tɩkɛ cɛtɩm yɔ ma-hɩɖɛ taa yɔ:+ “Ɩna, manɖʋzʋʋ-wɛ Babilɔɔnɩ wiyaʋ Nabukodonozɔɔrɩ* nesi tɛɛ, nɛ ɛkaɣ-wɛ kʋʋ mɩ-ɛsɩndaa. 22 Nɛ mbʋ pɩtalɩɣ-wɛ yɔ pɩkaɣ pɩsʋʋ nɔɔ kɩdɛkɛdaɣ lɔʋ tɔm, nɛ Yuuda ñɩma mba payɩ pɛkɛzɩ-wɛ tɛtʋ Babilɔɔnɩ yɔ pakaɣ-tʋ yɔɔdʋʋ. Pakaɣ yɔɔdʋʋ se: ‘Yehowa ɛlabɩ-ŋ ɛzɩ Zedekiya yɔ nɛ ɛzɩ Ahaabɩ yɔ, mba Babilɔɔnɩ wiyaʋ hɔbɩ-wɛ miŋ taa yɔ!’ 23 mbʋ pʋyɔɔ yɔ palabɩ fɛyɛ lakasɩ Izrayɛɛlɩ taa,+ palabɩ acɛyɛ nɛ pa-taabalaa halaa nɛ pɔyɔɔdʋʋ cɛtɩm tɔm ma-hɩɖɛ taa, ŋgʋ mantɩɖʋ-wɛ se pala mbʋ.+
«“‘Ma yɔ, mansɩm-tʋ, nɛ mɛnkɛ aseɣɖe tʋ,’+ Yehowa yɔɔdʋʋna.”»
24 «Nɛ ŋkaɣ heyuu Nehelam tʋ Semayaa+ se: 25 “Tɔm tʋnɛ yoyaa tɛ Yehowa, Izrayɛɛlɩ tɛ Ɛsɔ yɔɔdʋʋ: ‘Ŋtiyini ña-maɣmaɣ ña-hɩɖɛ taa takayɩsɩ samaɣ ŋga kɛwɛ Yeruzalɛm yɔ ke-kpeekpe, Maaseyiya pɩyalʋ cɔjɔ Sofonii,+ nɛ cɔjɔnaa kpeekpe, nɛ ŋyɔɔdʋʋ se: 26 “Cɔjɔ Yehoyiyada lone taa lɛ, Yehowa pɩsɩ-ŋ cɔjɔ se ŋpɩsɩ Yehowa ɖɩɣa yɔɔ cɔnɩyʋ, se ŋcɔnɩ paa kpandʋ weyi ɛlakɩ ɛzɩ nayʋ yɔ e-ɖeɖe nɛ ŋsʋzɩ-ɩ kpoŋgbolonaa pɔŋ* taa nɛ liu tɛɛ ñɩɣtʋ taa;*+ 27 ye mbʋ, ɛbɛ yɔɔ ŋtɩkalɩ Anatɔɔtɩ tʋ+ Yereemii, weyi ɛwɛɛ nɛ ɛlakɩ nayʋ lakasɩ mɩ-ɛsɩndaa yɔ?+ 28 Mbʋ pʋyɔɔ yɔ halɩ etiyaa nɛ peheyi-ɖʋ Babilɔɔnɩ taa se: ‘Pɩkaɣ leɖuu siŋŋ! Ɩma ɖɩsɩ nɛ ɩcaɣ sɩ-taa. Ɩla kaɖasɩ nɛ ɩtɔɔ sɩ-taa pee,+...’”’”»
29 Cɔjɔ Sofonii+ kalɩ takayaɣ ŋga nayʋ Yereemii ɛsɩndaa lɛ, 30 Yehowa tɔm talɩ Yereemii se: 31 «Tiyi nɛ peheyi ɛyaa mba payɩ pɛkɛzɩ-wɛ tɛtʋ yɔ se: “Tɔm tʋnɛ Yehowa yɔɔdʋʋ Nehelam tʋ Semayaa yɔɔ: ‘Semayaa heyi-mɩ natʋ tɔm, ŋgʋ mantitiyi-i; nɛ ɛñaɣ pana se ɛla nɛ ɩtaa cɛtɩm tɔm liu,+ 32 pʋyɔɔ lɛ, tɔm tʋnɛ Yehowa yɔɔdʋʋ: “Ɩna, menɖiɣni kɛzʋʋ ma-lɩmaɣza nɛ Nehelam tʋ Semayaa nɛ ɛ-lʋlʋʋ taa mba yɔɔ. Pɩɩkaɣ kazʋʋ ɛ-ɛyʋ nɔɔyʋ nɛ ɛ-ɛsa samaɣ kanɛ ka-taa, nɛ ɛɛkaɣ naʋ kɩbandʋ ndʋ mankaɣ labʋ man-samaɣ yɔ, mbʋ pʋyɔɔ yɔ eseɣti samaɣ nɛ kakaɖɩnɩ Yehowa,”’” Yehowa yɔɔdʋʋna.»
30 Tɔm ndʋ tɩlɩnɩ Yehowa cɔlɔ nɛ tɩtalɩ Yereemii yɔ, ndʋ yɔ: 2 «Tɔm tʋnɛ Izrayɛɛlɩ tɛ Ɛsɔ Yehowa yɔɔdʋʋ: “Ma tɔm ndʋ payɩ meheyiɣ-ŋ yɔ takayaɣ nakɛyɛ taa. 3 Mbʋ pʋyɔɔ yɔ ‘Ɩna, kɩyakɩŋ ɖiɣni kɔm,’ Yehowa yɔɔdʋʋna, ‘nɛ alɩwaatʋ ndʋ lɛ, mankaɣ kpeɣluu man-samaɣ, Izrayɛɛlɩ nɛ Yuuda taa ñɩma mba pɛwɛ yomiye taa yɔ,’+ nɛ mankaɣ-wɛ pɩsɩnʋʋ ɛjaɖɛ nɖɩ maaha pɔ-cɔzɔnaa yɔ ɖɩ-taa, nɛ ɖɩkaɣ ɖaɣnʋʋ pɩsʋʋ pa-pʋyʋ,’”+ Yehowa yɔɔdʋʋna.»
4 Tɔm tʋnɛ Yehowa heyi Izrayɛɛlɩ nɛ Yuuda.
5 Tɔm tʋnɛ Yehowa yɔɔdʋʋ:
«Ðɩnɩ seluu taŋ;
Sɔɔndʋ sɔsɔtʋ wɛna, nɛ laŋhɛzɩyɛ fɛyɩ.
6 Mentendi-mɩ, ɩpɔzɩ nɛ ɩna se ɛzɩ abalʋ pɩzɩɣ nɛ ɛlʋlɩ.
Ɛbɛ yɔɔ paa weyi ɛ-ɛsɩndaa hʋlʋmɩ fadʋdʋ?
7 Pɩlabɩ pʋtɔdɩyɛ! Mbʋ pʋyɔɔ yɔ kɩyakʋ ŋgʋ kɩcaɣ sɔɔndʋ.*+
Nakʋyʋ fɛyɩ ɛzɩ ŋgʋ yɔ,
Pɩkɛ Yakɔɔb siziŋ nɩʋ alɩwaatʋ.
Ɛlɛ pakaɣ ɛ-ñʋʋ yabʋ nɛ palɩzɩ-ɩ pɩ-taa.»
8 «Nɛ kɩyakʋ ŋgʋ ki-wiye lɛ, mankaɣ pɛlʋʋ sʋʋtʋ ɖaʋ ŋgʋ kɩwɛ ño-pondone yɔɔ yɔ, nɛ mankaɣ cɩyʋʋ ña-kɩtamɩŋ nɛ mantayɩ-ɩ nabʋlɛ; nɛ agɔma* ɩɩkaɣ Yakɔɔb* tasʋʋ pɩsʋʋ po-yom, yoyaa tɛ Yehowa yɔɔdʋʋna. 9 Pakaɣ ɖʋʋ lɩm pɛ-Ɛsɔ Yehowa nɛ pe-wiyaʋ Daviid, weyi mankaɣ-wɛ haʋ yɔ.»+
10 «Nɛ ña, ma-lɩmɖʋyʋ Yakɔɔb, sɔɔndʋ ɛtaakpa-ŋ,
Nɛ taaseli, Oo Izrayɛɛlɩ.+
Mbʋ pʋyɔɔ yɔ mankaɣ ña-ñʋʋ yabʋ nɛ ɖooo poliŋ taa
Nɛ maya ña-lʋlʋʋ taa mba ñʋʋ ɛjaɖɛ nɖɩ ɖɩ-taa powoni-wɛ yomiye taa yɔ.+
Yakɔɔb kaɣ pɩsʋʋ nɛ ɛcaɣ ɖiɣ ɖiɣ nɛ ɛkaɣ wɛʋ kaalɛyɩtʋ,
Nɛ nɔɔyʋ ɛɛkaɣ-ɩ ɖʋʋ sɔɔndʋ,»+ Yehowa yɔɔdʋʋna.
11 «Mbʋ pʋyɔɔ yɔ mɛwɛ ñɔ-cɔlɔ se maya ña-ñʋʋ;
«Ɛlɛ mankaɣ ɖɩzʋʋ ajɛɛ kpeekpe wena a-taa mamɩzɩ-ŋ yɔ;+
Ɛlɛ ña lɛ, maakaɣ-ŋ ɖɩzʋʋ.+
Mankaɣ-ŋ lɔŋ sɩɣzʋʋ* ɛzɩ pɩmʋnʋʋ ɖeyi ɖeyi yɔ,
Nɛ maakaɣ yebu ña-nɩŋgbaŋʋʋ hɔm kpa,»+ Yehowa yɔɔdʋʋna.
12 Mbʋ pʋyɔɔ yɔ tɔm tʋnɛ Yehowa yɔɔdʋʋ:
«Ðenɖe pɩpɛlɩ-ŋ yɔ pɩfɛyɩ kɔyɛ labʋ.+
Ñe-heŋ fɛyɩ waʋ.
13 Nɔɔyʋ fɛyɩ se ɛlʋ ñɔ-yɔɔ,
Nʋmɔʋ nakʋyʋ fɛyɩ se papɩzɩɣ nɛ patɩŋnɩ kɩ-yɔɔ nɛ pawaa ña-kɩjɩkpʋʋ.
Kɔyɛ naɖɩyɛ fɛyɩ se papɩzɩɣ nɛ palabɩ-ŋ.
14 Mba paasɔɔlɩ-ŋ siŋŋ yɔ pa-tɩŋa pɔsɔ ñɔ-yɔɔ.+
Paatasɩɣ-ŋ ñɩnʋʋ.
Mamabɩ-ŋ ɛzɩ koyindu makʋʋ ɛyʋ yɔ,+
Ɛzɩ ɛyʋ kañatʋ tʋ hɔŋʋʋ ɛyʋ nɩŋgbaŋʋʋ yɔ,
Mbʋ pʋyɔɔ yɔ ŋɖɔ wɛɛ siŋŋ nɛ ŋla kɩwɛɛkɩm sakɩyɛ.+
15 Ɛbɛ yɔɔ ŋmakɩ kubusi mbʋ pʋyɔɔ yɔ pɩpɛlɩ-ŋ?
Ña-wɩzasɩ fɛyɩ waʋ!
Ŋɖɔ wɛɛ siŋŋ nɛ ŋla kɩwɛɛkɩm sakɩyɛ,+
Pʋyɔɔ malabɩ-ŋ mbʋ.
Mba pamɩlɩɣ ña-ñɩm yɔ, pakaɣ mɩlʋʋ pa-ñɩm,
Nɛ mankaɣ kpaɣʋ mba payɩ palazɩɣ ña-ñɩm yɔ nɛ mɛncɛlɩ se palazɩ pa-ñɩm.»+
17 «Ɛlɛ mankaɣ yebu nɛ ŋɖaɣnɩ wɛʋ alaafɩya nɛ mawaa ñe-heŋ,+
Paa paya-ŋ se weyi pɔɖɔɔnɩ-ɩ yɔ:
“Siyɔŋ, weyi nɔɔyʋ ɛɛñɩnɩɣ-ɩ yɔ;”»+ Yehowa yɔɔdʋʋna.
18 Tɔm tʋnɛ Yehowa yɔɔdʋʋ:
«Ɩna, menɖiɣni kpeɣluu Yakɔɔb kizinzikiŋ yomaa,+
Nɛ mankaɣ naʋ ɛ-Ɛsɔ sɛtʋ kɩɖanɖɩŋ pʋtɔdɩyɛ.
Pakaɣ tɛtʋ ɖaɣnʋʋ maʋ ti-piyaɣ yɔɔ,+
Nɛ ɖoŋ tilimiye kaɣ sɩŋʋʋ lone nɖɩ ɖɩ-taa pɩpɔzʋʋ yɔ.
19 Nɛ pakaɣ nɩʋ ɛsɩmɩyɛ nɛ woŋa taŋ pɔ-cɔlɔ.+
Mankaɣ yebu nɛ pohuu, nɛ paakaɣ pasʋʋ;+
Mankaɣ yebu nɛ pɔɖɔɔ sakɩyɛ,*
Nɛ paakaɣ kɛʋ mba patɩlɩɩ pʋyʋ yɔ.+
20 Ɛ-pɩyalaa kaɣ wɛʋ ɛzɩ ɖooo paawɛʋ yɔ,
Nɛ ɛ-ɛyaa samaɣ kaɣ kam camɩyɛ mɛ-ɛsɩndaa.+
Mankaɣ cɔnʋʋ mba payɩ panazɩɣ-ɩ yɔ pe-ɖeɖe.+
21 Ɛ-ɛyʋ sɔsɔ kaɣ kɛʋ ɛ-maɣmaɣ ɛ-ɛyaa taa tʋ nɔɔyʋ,
Nɛ ɛ-ñʋʋdʋ kaɣ lɩnʋʋ ɛ-hɛkʋ taa.
Mankaɣ yebu nɛ ɛñɔtɩ ɛ-tɩ, nɛ ɛkaɣ-m ñɔtɩnʋʋ.»
«Pɩtɩkɛ mbʋ yɔ, akaɣ katʋʋ* se ɛñɔtɩnɩ-m?» Yehowa yɔɔdʋʋna.
22 «Nɛ ɩkaɣ pɩsʋʋ man-samaɣ+ nɛ mankaɣ kɛʋ mɩ-Ɛsɔ.»+
23 Ɩna! Yehowa helim sɔsɔm kaɣ lɩʋ nɛ pana;+
Ɛzɩ tɛʋ ŋgʋ kɩnɩɣnɩ helim sɔsɔm yɔ, pɩkaɣ tibu kañatʋ tɩnaa ñʋŋ taa.
24 Yehowa pana sɔsɔna ɛɛkaɣ hɛʋ
Pɩkɔɔ nɛ pɩtalɩ alɩwaatʋ ndʋ ɛlabɩ mbʋ payɩ ɛɖʋ ɛ-laŋɩyɛ taa yɔ nɛ ɛtɛm-pʋ yɔ.+
Kɩyakɩŋ ɖɩdɛnɖɛ alɩwaatʋ taa lɛ, ɩkaɣ pʋ-tɔbʋʋ nɩʋ.+
31 «Alɩwaatʋ ndʋ tɩ-taa lɛ, mankaɣ pɩsʋʋ Izrayɛɛlɩ hɔŋ kpeekpe tɛ Ɛsɔ, nɛ ɩkaɣ pɩsʋʋ man-samaɣ,+ Yehowa yɔɔdʋʋna.»
2 Tɔm tʋnɛ Yehowa yɔɔdʋʋ:
«Ɛyaa mba laɣɖɛ tɩkʋ-wɛ yɔ, pɔ-tɔm kɛdɩnɩ Ɛsɔ kañɩmbusuu taa
Alɩwaatʋ ndʋ Izrayɛɛlɩ ɖɔŋaɣ nɛ ɛɖɛɣ ɛ-ɖɩhɛzɩyɛ lone taa yɔ.»
3 Ðooo poliŋ taa Yehowa lɩ mɔ-yɔɔ nɛ eheyi-m se:
«Mɔnsɔɔlɩ-ŋ nɛ tamtam sɔɔlɩm.
Pʋyɔɔ mɔhɔmɩ-ŋ nɛ sɔɔlɩm siɣsiɣ ñɩmbʋ nɛ mɔnkɔnɩ mɔn-cɔlɔ.*+
4 Nɛ mankaɣ-ŋ ɖaɣnʋʋ maʋ nɛ ŋkaɣ ɖaɣnʋʋ pɩsʋʋ ɛjaɖɛ.+
Oo Izrayɛɛlɩ pɛlɛ weyi ɛtɩtɩlɩ abalʋ yɔ, ŋkaɣ ɖaɣnʋʋ kpaɣʋ ñe-nesi tɛɛ soo*
6 Mbʋ pʋyɔɔ yɔ kɩyakʋ nakʋyʋ kaɣ kɔm nɛ feŋiyaa mba pɛwɛ Efrayim pʋŋ taa yɔ pakaɣ mabʋ kubuka sɔsɔɔ se:
“Ɩkʋyɩ, iyele nɛ ɖɩkpa Siyɔŋ, ɖɛ-Ɛsɔ Yehowa cɔlɔ.”»+
7 Mbʋ pʋyɔɔ yɔ tɔm tʋnɛ Yehowa yɔɔdʋʋ:
«Itee Yakɔɔb hendu nɛ taa leleŋ
Ɩma taa leleŋ kubusi mbʋ pʋyɔɔ yɔ ɩwɛ ajɛɛ ñʋŋ yɔɔ.+
Isusi tɔm ndʋ; ɩsa Ɛsɔ nɛ ɩyɔɔdɩ se:
“Hayɩ Yehowa, ya ña-samaɣ ñʋʋ, Izrayɛɛlɩ ɛyaa mba pɩkazaa yɔ.”+
8 Mankaɣ-wɛ kpaɣʋ nɛ hayo kiŋ ɛjaɖɛ taa nɛ manpɩsɩna.+
Mankaɣ-wɛ kpeɣluu nɛ tɛtʋ hɔɔlɩŋ weyi ɩkɩlɩ posuu yɔ ɩ-taa.+
Yʋlʋm nɛ taɖɩyɛ tʋ pakaɣ wɛʋ pa-taa,+
Halʋ hoɣa tʋ nɛ halʋ weyi eɖiɣni lʋlʋʋ yɔ, pa-tɩŋa payɩ pakaɣ wɛʋ pa-taa.
Alɩwaatʋ ndʋ papɩsɩɣ cɩnɛ yɔ, pakaɣ kɛʋ ɛyaa samaɣ sɔsɔɔ.*+
9 Pakaɣ kɔm nɛ wiluu.+
Mankaɣ-wɛ ɖiyuu alɩwaatʋ ndʋ petendiɣ se mana pa-pʋtɔdɩyɛ yɔ.
Mankaɣ-wɛ ɖiyuu nɛ mowoni lɩm lemisi cɔlɔ,+
Mankaɣ-wɛ tɩŋnʋʋ nʋmɔʋ ŋgʋ kɩ-taa wɛ layɩɩ nɛ piituuluu-wɛ yɔ.
Mbʋ pʋyɔɔ yɔ mɛnkɛ Izrayɛɛlɩ Caa, nɛ Efrayim kɛnɩ man-kajalaɣ pɩɣa.»+
10 Ɩnɩɩ Yehowa tɔm, ajɛɛ mɩ,
Nɛ isusi-tʋ lɩm hɛkʋ taa tɛtʋ ndɩ ndɩ ndʋ tɩwɛ poliŋ taa yɔ tɩ-taa se:+
«Weyi ɛmɩzɩ Izrayɛɛlɩ mba yɔ, ɛkaɣ-wɛ kpeɣluu.
Ɛkaɣ feŋuu pɔ-yɔɔ ɛzɩ ninɖiɣyu feŋuu e-heŋ yɔɔ yɔ.+
12 Pakaɣ kɔm nɛ pama kubusi nɛ taa leleŋ Siyɔŋ Pʋʋ yɔɔ+
Nɛ pañɩlɩsɩɣ Yehowa kɩbandʋ lakasɩ yɔɔ,*
Tɔɔnaɣ pee nɛ vɛɛ kɩfalʋʋ+ nɛ num yɔɔ,
Nɛ heɣsi nɛ newee yɔɔ.+
13 «Alɩwaatʋ ndʋ tɩ-taa lɛ, pɛlɛ weyi ɛtɩtɩlɩ abalʋ yɔ ɛkaɣ paʋ nɛ taa leleŋ,
Pɩkpɛndɩnɩ evebiya nɛ akpadɩyaa ɖɔɖɔ.+
Mankaɣ yebu nɛ pa-kʋñɔwiye pɩsɩ amɛya.+
Mankaɣ hɛzʋʋ pa-laŋɩyɛ nɛ maha-wɛ taa leleŋ pa-laŋwɛɛkɩyɛ lone taa.+
14 Mankaɣ haʋ cɔjɔnaa* tɔɔnasɩ sakɩyɛ,*
Nɛ mankaɣ man-samaɣ haɣzʋʋ man-kɩbandʋ lakasɩ,»+ Yehowa yɔɔdʋʋna.
15 «Tɔm tʋnɛ Yehowa yɔɔdʋʋ:
“Panɩɣ Raamaa+ taa nɔɔ nakɛyɛ, peenduu nɛ wiluu siŋŋ:
Rasɛɛlɩ wɛɛ nɛ ewiɣ ɛ-pɩyalaa.*+
Ekizaa se pataahɛzɩ ɛ-laŋɩyɛ ɛ-pɩyalaa yɔɔ,
Mbʋ pʋyɔɔ yɔ patɩtasɩ wɛʋ.”»+
16 Tɔm tʋnɛ Yehowa yɔɔdʋʋ:
«“Ñɔ-nɔɔ eyele wiu nɛ ñɛ-ɛsa iyele ɛsɩtɛɣlɩm tisuu,
Mbʋ pʋyɔɔ yɔ ña-tʋmɩyɛ wɛnɩ kɩhɛyʋʋ,
Pakaɣ lɩnʋʋ koyindu ɛjaɖɛ taa nɛ papɩsɩ,”+ Yehowa yɔɔdʋʋna.
17 “Nɛ ŋwɛnɩ lidaʋ nakʋyʋ cee wayɩ,+
Ña-pɩyalaa kaɣ pɩsʋʋ pa-maɣmaɣ pe-egeetiye taa,”+ Yehowa yɔɔdʋʋna.»
18 «Toovenim taa lɛ, manɩ Efrayim mɔla:
“Ŋsɩɣzɩ-m lɔŋ, nɛ mala lɛɣzɩtʋ,
Ɛzɩ neɣye nɖɩ patɩfalɩsɩ-ɖɩ yɔ.
Pɩsɩnɩ-m, nɛ mankaɣ pɩsʋʋ faaa.
Mbʋ pʋyɔɔ yɔ ŋkɛ mɛ-Ɛsɔ Yehowa.
19 Mbʋ pʋyɔɔ yɔ mɛntɛm pɩsʋʋ lɛ, menkpiɖi mbʋ maalaba yɔ pɩ-yɔɔ;+
Pasɩnɩ-m nɛ menɖiɣzini mbʋ malaba yɔ lɛ, manɩɩ siziŋ nɛ mama man-taɖɩyɛ taa.
Fɛyɛ kaakpa-m siŋŋ.+
Mbʋ pʋyɔɔ yɔ me-evebitu taa fɛyɛ kaawɛ mɔ-yɔɔ.”»
20 «Ɛzɩ Efrayim tɩkɛ abalɩbɩɣa ŋga kɔ-tɔm cɛyɩ mɛ-ɛsɩndaa siŋŋ yɔ? Ɛzɩ ɛtɩkɛ pɩɣa kʋsɔɔlaɣ na?+
Mbʋ pʋyɔɔ yɔ alɩwaatʋ ndʋ payɩ mankalɩɣ-ɩ yɔ, mɛwɛɣ nɛ mɔntɔzʋʋ ɛ-yɔɔ.
Pʋyɔɔ me-liu wɛ-ɩ siŋŋ.+
Nɛ paa pɩɩlabɩ ɛzɩma yɔ mankaɣ naʋ ɛ-pʋtɔdɩyɛ,» Yehowa yɔɔdʋʋna.+
21 «Siɣ ña-tɩ habɩyɛ yɔɔ tilima,
Nɛ ŋsiɣ yʋsasɩ sizikasɩ.+
Cɔnɩ habɩyɛ sɔsɔɖɛ camɩyɛ, nʋmɔʋ ŋgʋ pɩwɛɛ se ŋtɩŋ yɔ.+
Oo Izrayɛɛlɩ pɛlɛ weyi ɛtɩtɩlɩ abalʋ yɔ, pɩsɩ; pɩsɩ tɛtʋ ndɩ ndɩ tʋnɛ tɩ-taa, ndʋ tɩkɛ ña-ñɩndʋ yɔ.
22 Oo ña pɛlɛ weyi ɛfɛyɩ siɣsiɣ yɔ, ŋwɛɣ nɛ ŋcɔʋ ña-taa kiii nɛ pɩkɔɔ nɛ pɩsɩɩnɩ ɖooye?
Mbʋ pʋyɔɔ yɔ Yehowa lɩzɩ pʋyʋ kɩfalʋ tɛtʋ yɔɔ:
Halʋ kaɣ ɖʋʋ abalʋ wayɩ siŋŋ.»
23 Tɔm tʋnɛ yoyaa tɛ Yehowa, Izrayɛɛlɩ tɛ Ɛsɔ yɔɔdʋʋ: «Pakaɣ tasʋʋ yɔɔdʋʋ tɔm tʋnɛ Yuuda ɛjaɖɛ taa nɛ kɩ-tɛtʋ ndɩ ndɩ taa alɩwaatʋ ndʋ menkpeɣliɣ po-yomaa nɛ manpɩsɩnɩ-wɛ yɔ: “Yehowa ɛwazɩ-ŋ, Oo ɖɩjaɣyɛ siɣsiɣ ñɩnɖɛ,+ Oo pʋʋ kiɖeɖeu.”+ 24 Nɛ Yuuda nɛ kɩ-tɛtʋ ndɩ ndɩ tɩŋa pakaɣ kpɛndʋʋ nɛ pacaɣ peeɖe, haɖaa nɛ mba peɖiyiɣ kpɩna yɔ.+ 25 Mbʋ pʋyɔɔ yɔ weyi pɩɖɛ-ɩ yɔ,* mankaɣ-ɩ haɣzʋʋ mbʋ pɩtɛɖɩɣ-ɩ yɔ, nɛ mahaɣzɩ weyi ɛwɛ kɛdɛɖaɣ taa yɔ ɖɔɖɔ.»*+
26 Peeɖe menfema nɛ monkuli mɛ-ɛsa, nɛ mon-ɖom kaawɛ-m leleŋ.
27 «Ɩna! Kɩyakɩŋ ɖiɣni kɔm, nɛ alɩwaatʋ ndʋ lɛ, mankaɣ kpaɣʋ ɛyʋ ɖomaɣ* nɛ kpɩna ɖomaɣ nɛ monɖuu Izrayɛɛlɩ ɖɩɣa taa nɛ Yuuda ɖɩɣa taa,»+ Yehowa yɔɔdʋʋna.
28 «Nɛ ɛzɩ mɛ-ɛsɩyɛ kaawɛʋ pɔ-yɔɔ se mɛnkpɛzɩ-wɛ, se montuzi-wɛ nɛ mɛnpɛɖɩ, se mɔyɔkɩ-wɛ, se manɖɩzɩ-wɛ, nɛ mawɩlɩ-wɛ kʋñɔŋ yɔ,+ mbʋ ɖɔɖɔ mɛ-ɛsɩyɛ kaɣ wɛʋ pɔ-yɔɔ se mama-wɛ nɛ mankam-wɛ,»+ Yehowa yɔɔdʋʋna. 29 «Kɩyakɩŋ ɛnɩ ɩ-taa lɛ, paakaɣ tasʋʋ yɔɔdʋʋ se: “Caanaa tɔɔ viiñi pee wena awɛ ñɩmɩŋ yɔ, ɛlɛ pa-pɩyalaa kela ñɩŋna.”*+ 30 Ɛlɛ paa weyi ɛkaɣ sɩbʋ ɛ-maɣmaɣ ɛ-kɩdɛkɛdɩm yɔɔ. Ɛyʋ weyi ɛtɔkɩ viiñi pee wena awɛ ñɩmɩŋ yɔ ɛ-maɣmaɣ e-kela kaɣnɩ ñɩŋʋʋ.»
31 «Ɩna! Kɩyakɩŋ ɖiɣni kɔm, nɛ alɩwaatʋ ndʋ lɛ, mankaɣ ɛgbɛyɛ kɩfaɖɛ naɖɩyɛ ɖʋʋ ma nɛ Izrayɛɛlɩ ɖɩɣa nɛ Yuuda ɖɩɣa ɖɛ-hɛkʋ taa,»+ Yehowa yɔɔdʋʋna. 32 «Ðɩɩkaɣ wɛʋ ɛzɩ ɛgbɛyɛ nɖɩ maaɖʋ ma nɛ pɔ-cɔzɔnaa ɖɛ-hɛkʋ taa kɩyakʋ ŋgʋ mɔnɖɔkɩ pe-nesi tɛɛ nɛ malɩzɩ-wɛ Ejipiti ɛjaɖɛ taa yɔ,+ “mɛ-ɛgbɛyɛ nɖɩ pɛcɛbɩ-ɖɩ,+ paa maakɛ pa-ñʋʋdʋ maɣmaɣ* yɔ,” Yehowa yɔɔdʋʋna.»
33 «Mbʋ pʋyɔɔ yɔ ɛgbɛyɛ ɖɩnɛ mankaɣ ɖʋnʋʋ Izrayɛɛlɩ ɖɩɣa kɩyakɩŋ ɛnɩ ɩ-wayɩ. Mankaɣ ɖʋʋ man-paɣtʋ pa-taa,+ nɛ mankaɣ-tʋ maʋ pa-laŋa taa.+ Nɛ mankaɣ pɩsʋʋ pɛ-Ɛsɔ, nɛ pakaɣ pɩsʋʋ man-samaɣ,»+ Yehowa yɔɔdʋʋna.
34 «Nɛ nɔɔyʋ ɛɛkaɣ tasʋʋ tɔm wɩlʋʋ ɛ-taabalʋ nɛ e-koobu nɛ ɛtɔ se: “Ɩtɩlɩ Yehowa!”+ mbʋ pʋyɔɔ yɔ pa-tɩŋa pakaɣ-m tɩlʋʋ, kpaɣnɩ pa-taa weyi pɩtɔyɩnaa yɔ nɛ piwolo weyi ɛkpaɖaa yɔ.+ Mbʋ pʋyɔɔ yɔ mankaɣ-wɛ kpeɣu pa-kɩdɛkɛdɩm, nɛ maakaɣ tasʋʋ tɔzʋʋ pa-kɩwɛɛkɩm yɔɔ,»+ Yehowa yɔɔdʋʋna.
35 Tɔm tʋnɛ Yehowa yɔɔdʋʋ,
Ɛnʋ weyi ɛhaɣ wɩsɩ se sɩñandɩ wɩsɩ taa,
Nɛ ɛɖʋʋ paɣtʋ* fenaɣ nɛ tɩɩnzɩ se sɩñandɩ ɖoo taa yɔ,
Ɛnʋ weyi ɛcʋʋdʋʋ teŋgu nɛ eyeki nɛ ki-hola lakɩ kɔkɔɖɛ yɔ,
Ɛnʋ weyi payaɣ-ɩ se yoyaa tɛ Yehowa yɔ:+
36 «“Ye pɩlaba se ɖʋtʋ ndʋ tiyebi labʋ wiɖiyi yɔ,
“Kalɩpiyeke Izrayɛɛlɩ lʋlʋʋ taa mba yeki kɛʋ ɛjaɖɛ mɛ-ɛsɩndaa tam,” Yehowa yɔɔdʋʋna.»+
37 Tɔm tʋnɛ Yehowa yɔɔdʋʋ: «“Ye paapɩzaɣ se pamaɣzɩ ɛsɔdaa nɛ ye paapɩzaɣ se pañɩnɩ nɛ patɩlɩ tɛtʋ tigila yɔ, kalɩpiyeke manpɩzaɣ se mɔlɔ Izrayɛɛlɩ lʋlʋʋ taa mba kpeekpe mbʋ payɩ palaba yɔ pɩ-yɔɔ,” Yehowa yɔɔdʋʋna.»+
38 «Ɩna! Kɩyakɩŋ ɖiɣni kɔm, nɛ alɩwaatʋ ndʋ lɛ, pakaɣ Yehowa maʋ tɛtʋ ndʋ,+ kpaɣnɩ Hananɛlɩ Tilimiye+ nɛ piwolo Kɔna taa Nɔnɔɔ;+ Yehowa yɔɔdʋʋna. 39 Nɛ nimaɣ ŋga pamaɣzɩɣna yɔ+ kakaɣ lɩʋ nɛ kɛɖɛɛ kpaagbaa Garɛɛbɩ piyaɣ yɔɔ, nɛ kakaɣ pɩsʋʋ nɛ Gowa yɔɔ kiŋ. 40 Nɛ sɩɖaa tomnasɩ fɛɛʋ* nɛ tɔlɩma* fɛɛʋ kpeekpe nɛ kamaŋ kpeekpe nɛ pɩtalɩ ɖooo Kidrɔɔnɩ Fɛɛʋ,+ nɛ piwolo pɩtalɩ Kpaŋnaŋ Nɔnɔɔ+ kɔna taa wɩsɩ ɖɩlɩyɛ hɔɔlʋʋ taa, pɩkaɣ kɛʋ pʋyʋ kiɖeɖeu Yehowa ɛsɩndaa.+ Wiɖiyi paakaɣ-tʋ tasʋʋ kpɛzʋʋ yaa yɔkʋʋ kpa.»
32 Tɔm ndʋ tɩlɩnɩ Yehowa cɔlɔ nɛ tɩtalɩ Yereemii, Yuuda wiyaʋ Zedekiya pɩnaɣ 10 ñɩŋga taa, pʋ-tɔbʋʋ se Nabukodonozɔɔrɩ*+ pɩnaɣ 18 ñɩŋga taa yɔ. 2 Alɩwaatʋ ndʋ tɩ-taa lɛ, Babilɔɔnɩ wiyaʋ sɔɔjanaa kaawɛɛ nɛ pɛñɛyɩɣ Yeruzalɛm, nɛ paakpa nayʋ Yereemii nɛ pasɩɩ-ɩ Feŋiyaa Kadaɣ+ taa Yuuda wiyaʋ ɖɩɣa taa nɛ paɖaŋ ɛ-yɔɔ se ɛtaaɖɛɛ ɖoli. 3 Mbʋ pʋyɔɔ yɔ Yuuda wiyaʋ Zedekiya kaakpa-ɩ nɛ ɛsɩɩ se paɖaŋ ɛ-yɔɔ nɛ ɛtaaɖɛɛ ɖoli,+ nɛ ɛyɔɔdɩ se: «Ɛbɛ yɔɔ ŋyɔɔdʋʋ natʋ tɔm mbʋ? Ŋtɔŋ se: “Tɔm tʋnɛ Yehowa yɔɔdʋʋ: ‘Mankaɣ ɖʋzʋʋ tɛtʋ tʋnɛ Babilɔɔnɩ wiyaʋ nesi tɛɛ, nɛ ɛkaɣ-tʋ mʋʋ,+ 4 nɛ Yuuda wiyaʋ Zedekiya ɛɛkaɣ lɩʋ Kalɩdee mba nesi tɛɛ, mbʋ pʋyɔɔ yɔ paa pɩɩlabɩ ɛzɩma yɔ pakaɣ-ɩ ɖʋzʋʋ Babilɔɔnɩ wiyaʋ nesi tɛɛ, nɛ ɛkaɣ-ɩ katʋʋ nɛ pana ɖama ɛsɩndaa nɛ ɛyɔɔdɩnɩ-ɩ.’”+ 5 “Ɛkaɣ kpaɣʋ Zedekiya nɛ ewoni Babilɔɔnɩ, nɛ ɛkaɣ wɛʋ peeɖe nɛ pɩkɔɔ nɛ pɩtalɩ alɩwaatʋ ndʋ mɛnkɛzɩɣ ma-lɩmaɣza nɛ ɛ-yɔɔ yɔ. Paa ɩwɛɛ nɛ iyouni Kalɩdee mba yɔ, ɩɩkaɣ wabʋ,”+ Yehowa yɔɔdʋʋna.»
6 Yereemii yɔɔdɩ se: «Yehowa tɔm talɩ-m se: 7 “Na, ña-caa ɖalʋ* Saalum pɩyalʋ Hanamɛɛlɩ kaɣ kɔm ñɔ-cɔlɔ nɛ ɛyɔɔdɩ se: ‘Ya ña-tɩ ma-hayɩm mbʋ pɩwɛ Anatɔɔtɩ+ yɔ, mbʋ pʋyɔɔ yɔ ñɛkɛnɩ weyi ɛwɛnɩ kajalaɣ waɖɛ se ɛɖaɣnɩ-pʋ yabʋ yɔ.’”»+
8 Man-caa ɖalʋ pɩyalʋ Hanamɛɛlɩ kɔɔ mɔn-cɔlɔ Feŋiyaa Kadaɣ taa, ɛzɩ Yehowa kaayɔɔdʋʋ yɔ, nɛ eheyi-m se: «Mentendi-ŋ, ya ma-hayɩm mbʋ pɩwɛ Anatɔɔtɩ, Bɛnjamɛɛ ɛjaɖɛ taa yɔ, mbʋ pʋyɔɔ yɔ ŋwɛnɩ waɖɛ se ŋkpaɣ-pʋ nɛ pɩpɩsɩ ña-pʋyʋ nɛ ñɛwɛnɩnɩ waɖɛ se ŋɖaɣnɩ-pʋ yabʋ. Yabɩ-pʋ ña-tɩ.» Peeɖe menɖiɣzinaa se tɔm ndʋ tɩlɩnɩ Yehowa cɔlɔ.
9 Nɛ maya man-caa ɖalʋ pɩyalʋ Hanamɛɛlɩ cɔlɔ hayɩm mbʋ pɩwɛ Anatɔɔtɩ yɔ. Mamaɣzɩ liidiye+ nɛ mɛncɛlɩ-ɩ, pɩkɛ siklinaa* 7 nɛ liidiye pɔɔyɩsɩ 10. 10 Nɛ mama pɩ-tɔm takayaɣ taa,+ menkpiyi-kɛ nɛ mantaaɖɩ-kɛ,* mañɩnɩ aseɣɖe tɩnaa,+ nɛ mamaɣzɩ liidiye kɩmaɣzɩŋ yɔɔ. 11 Mankpaɣ hayɩm yabʋ takayaɣ ŋga pataaɖɩ kɔ-yɔɔ ɛzɩ paɣtʋ nɛ ɖʋtʋ pɔzʋʋ yɔ, pɩkpɛndɩnɩ takayaɣ ŋga patɩtaaɖɩ kɔ-yɔɔ yɔ, 12 nɛ mɛncɛlɩ Maseyiya pɩyalʋ Neriya+ pɩyalʋ Baaruuki+ hayɩm yabʋ takayaɣ; mɛncɛlɩ-ɩ kɛ man-caa ɖalʋ pɩyalʋ Hanamɛɛlɩ ɛsɩndaa, nɛ aseɣɖe tɩnaa mba pama tɔm hayɩm yabʋ takayaɣ taa yɔ nɛ Yuuda ñɩma mba payɩ paacaɣ Feŋiyaa Kadaɣ+ taa yɔ pɛ-ɛsɩndaa.
13 Nɛ manɖʋ Baaruuki paɣtʋ pɛ-ɛsɩndaa se: 14 «Tɔm tʋnɛ yoyaa tɛ Yehowa, Izrayɛɛlɩ tɛ Ɛsɔ yɔɔdʋʋ: “Kpaɣ takayɩsɩ sɩnɛ, hayɩm yabʋ takayaɣ kanɛ, ŋga pataaɖɩ-kɛ yɔ nɛ takayaɣ lɛɛka ŋga patɩtaaɖɩ-kɛ yɔ, nɛ ŋɖʋ-sɩ peeɣa nakɛyɛ taa, se pɩsa nɛ sɩwɛɛ nɛ pileɖi.” 15 Mbʋ pʋyɔɔ yɔ tɔm tʋnɛ yoyaa tɛ Yehowa, Izrayɛɛlɩ tɛ Ɛsɔ yɔɔdʋʋ: “Pakaɣ tasʋʋ yabʋ ɖɩsɩ nɛ hayɩm nɛ viiñi* ɛjaɖɛ ɖɩnɛ ɖɩ-taa.”»+
16 Nɛ mɛntɛm cɛlʋʋ Neriya pɩyalʋ Baaruuki hayɩm yabʋ takayaɣ lɛ, mantɩmnɩ Yehowa se: 17 «Oo, Kɩbaɣlʋ Kɩlɩm Yehowa! Na! Ŋtɩŋnɩ ño-ɖoŋ sɔsɔŋ yɔɔ nɛ ñe-nesi nzɩ ŋsezaa yɔ sɩ-yɔɔ nɛ ŋla ɛsɔdaa nɛ tɛtʋ.+ Nabʋyʋ fɛyɩ se pɩ-labʋ kɩlɩ-ŋ kaɖɛ, 18 ña Weyi ŋwɩlɩɣ sɔɔlɩm siɣsiɣ ñɩmbʋ ɛyaa kudokiŋ, ɛlɛ ŋhɛyɩɣ caanaa kɩwɛɛkɩm pa-pɩyalaa* pa-wayɩ yɔ,+ Ɛsɔ toovenim tʋ, Ɛsɔ sɔsɔ nɛ ɖoŋ tʋ, ɛnʋ weyi payaɣ-ɩ se yoyaa tɛ Yehowa yɔ. 19 Ñɔ-lɔŋ tasʋʋ kɛ kɩbam siŋŋ* nɛ ña-lakasɩ paɣlaa,+ ña weyi ñɛ-ɛsa naɣ ɛyaa nʋmɔŋ tɩŋa+ se ŋha paa weyi mbʋ pɩmʋnɩ ɛ-nʋmɔŋ yɔ nɛ mbʋ pɩmʋnɩ mbʋ ɛlakɩ yɔ.+ 20 Ŋlabɩ yʋsasɩ nɛ maamaaci lakasɩ Ejipiti ɛjaɖɛ taa, pasɩm-sɩ halɩ nɛ sɔnɔ, nɛ pʋyɔɔ lɛ ŋlaba nɛ ña-hɩɖɛ sɛɛ* Izrayɛɛlɩ taa nɛ ɛyaa taa,+ ɛzɩ pɩwɛʋ sɔnɔ yɔ. 21 Nɛ ŋtɩŋnɩ yʋsasɩ, maamaaci lakasɩ, nesi ɖoŋ ñɩnzɩ, nesi nzɩ ŋsezaa yɔ, nɛ lakasɩ nzɩ sɩcaɣ sɔɔndʋ yɔ sɩ-yɔɔ nɛ ŋlɩzɩ ña-samaɣ Izrayɛɛlɩ Ejipiti ɛjaɖɛ taa.+
22 «Pʋwayɩ lɛ, ŋcɛlɩ-wɛ ɛjaɖɛ ɖɩnɛ, nɖɩ ŋŋɖuwaa se ŋcɛlɩɣ pɔ-cɔzɔnaa yɔ,+ ɛjaɖɛ nɖɩ ɖɩ-taa naalɩm nɛ tʋŋ num pikpeŋ yem yɔ.+ 23 Nɛ pasʋʋ nɛ pamʋ-ɖɩ nɛ ɖɩpɩsɩ pa-pʋyʋ, ɛlɛ patɩña ñɔ-nɔɔ taa tɔm yaa patɩɖɔ ña-paɣtʋ yɔɔ. Patɩla mbʋ ŋɖʋ-wɛ paɣtʋ se pala yɔ pɩ-taa nabʋyʋ, nɛ pʋyɔɔ lɛ ŋyele nɛ asɛyʋʋ kʋnɛ kɩ-tɩŋa kɩtalɩ-wɛ.+ 24 Ɩna! Ɛyaa siɣ you wondu nɛ pɩcɔɔ tɛtʋ nɛ pɩta se pamʋ-tʋ;+ nɛ laɣɖɛ yɔɔ,+ ñɔɔsɩ yɔɔ, nɛ kɩzɩkʋ* yɔɔ lɛ,+ pɩtʋʋ fɛyɩ se tɛtʋ kaɣ tɔlʋʋ Kalɩdee ñɩma mba pɛwɛɛ nɛ poyouni-tʋ yɔ pe-nesi tɛɛ; tɔm ndʋ ŋyɔɔdaa yɔ tɩ-tɩŋa tɩlaba, ɛzɩ ŋnaɣʋ lɛɛlɛɛyɔ yɔ. 25 Ɛlɛ hayɩ Kɩbaɣlʋ Kɩlɩm Yehowa, ŋheyi-m se: “Kpaɣ liidiye nɛ ŋya ña-tɩ hayɩm nɛ ŋñɩnɩ aseɣɖe tɩnaa;” ŋgʋ paa pɩɩlabɩ ɛzɩma yɔ pakaɣ tɛtʋ ɖʋzʋʋ Kalɩdee mba nesi tɛɛ.»
26 Peeɖe Yehowa tɔm talɩ Yereemii se: 27 «Na! Mɛkɛnɩ Yehowa, ɛyaa kpeekpe* tɛ Ɛsɔ. Nabʋyʋ wɛɛ se pɩ-labʋ kɩlɩ-m kaɖɛ yaa we? 28 Pʋyɔɔ lɛ tɔm tʋnɛ Yehowa yɔɔdʋʋ: “Na! Menɖiɣni ɖʋzʋʋ tɛtʋ tʋnɛ Kalɩdee mba nɛ Babilɔɔnɩ wiyaʋ Nabukodonozɔɔrɩ* nesi tɛɛ, nɛ ɛkaɣ-tʋ mʋʋ.+ 29 Nɛ Kalɩdee ñɩma mba peɖiɣni yonuu tɛtʋ tʋnɛ yɔ, pakaɣ kɔm nɛ pasʋʋ tɩ-taa nɛ pɔsɔbɩ-tʋ miŋ nɛ pañaɣzɩ-tʋ,+ pɩkpɛndɩnɩ ɖɩsɩ nzɩ sɩ-ñʋŋ taa samaɣ laɣ kɩlaŋ Baalɩ nɛ peliziɣ kilizasɩ ɛsɔnaa lalaa se paɖʋ-m ɖɩwɩzɩyɛ yɔ.”+
30 «“Mbʋ pʋyɔɔ yɔ mbʋ pɩfɛyɩ ɖeu yɔ pi-ɖeke Izrayɛɛlɩ mba nɛ Yuuda mba palabɩ mɛ-ɛsɩndaa, kpaɣnɩ pe-evebitu taa;+ Izrayɛɛlɩ mba wɛɛ nɛ patɩŋɩɣnɩ pe-nesi tɛɛ tʋma yɔɔ nɛ paɖʋʋ-m ɖɩwɩzɩyɛ,” Yehowa yɔɔdʋʋna. 31 “Mbʋ pʋyɔɔ yɔ tɛtʋ tʋnɛ, kpaɣnɩ kɩyakʋ ŋgʋ pama-tʋ nɛ pɩkɔɔ pɩtalɩ sɔnɔ kɩyakʋ kʋnɛ yɔ, pana nɛ ɖɩwɩzɩyɛ ɖeke tɩwɛɛ nɛ tɩɖʋʋ-m,+ nɛ pʋyɔɔ lɛ, pɩpɔzʋʋ se mankʋsɩ-tʋ mɛ-ɛsɩndaa,+ 32 kɩdɛkɛdɩm mbʋ payɩ Izrayɛɛlɩ mba nɛ Yuuda mba laba se paɖʋ-m ɖɩwɩzɩyɛ yɔ pɩ-yɔɔ—pa-maɣmaɣ, pa-awiya,+ pa-awumbiya,+ pɔ-cɔjɔnaa, pa-nayaa,+ nɛ Yuuda mba nɛ Yeruzalɛm taa mba. 33 Pɛwɛɛ nɛ pahaɣ-m siɣye nɛ paahaɣ-m pɛ-ɛsɩndaa;+ paa maañaɣ pana se mawɩlɩ-wɛ tɔm nɛ mɛlɛlɩɣ tam sakɩyɛ yɔ,* pa-taa nɔɔyʋ tiwelisi se ɛmʋ lɔŋ sɩɣzʋʋ.+ 34 Nɛ pasɩ pa-sɩʋ kpelisi nzɩ sɩwɛ kiniŋ yɔ ɖɩɣa ŋga kɔ-yɔɔ wɛ ma-hɩɖɛ yɔ ka-taa se pepisi-kɛ.+ 35 Pɩtasɩ lɛ, pama Baalɩ lona kʋkʋya Tofɛɛtɩ ŋgʋ kɩwɛ Hinɔɔm Pɩyalʋ Fɛɛʋ*+ taa yɔ kɩ-taa, se pɩsa nɛ pañaɣzɩ pa-pɩyalaa nɛ pɛ-pɛlaa miŋ Molɛɛkɩ,+ pɩkɛ mbʋ mantaapɔzɩ-wɛ se pala yɔ,+ nɛ halɩ pɩtaatɩɩkpaʋ ma-laŋɩyɛ taa wiɖiyi* se mɔnpɔzɩ-wɛ se pala kʋzɔɔtʋ lakasɩ nzɩ, nɛ piyele nɛ Yuuda la kɩwɛɛkɩm.”
36 «Pʋyɔɔ lɛ, tɔm tʋnɛ Izrayɛɛlɩ tɛ Ɛsɔ Yehowa yɔɔdʋʋ tɛtʋ tʋnɛ tɩ-yɔɔ, ndʋ ɩwɛɛ nɛ ɩyɔɔdʋʋ se pakaɣ tɩŋnʋʋ laɣɖɛ, ñɔɔsɩ nɛ kɩzɩkʋ yɔɔ nɛ paɖʋzɩ-tʋ Babilɔɔnɩ wiyaʋ nesi tɛɛ yɔ: 37 “Ɩna! Mankaɣ-wɛ kpeɣluu nɛ ajɛɛ wena a-taa payɩ maamɩzɩ-wɛ nɛ pana nɛ ɖɩwɩzɩyɛ nɛ hɔpɩsɩyɛ sɔsɔɖɛ yɔ,+ nɛ mankaɣ-wɛ pɩsɩnʋʋ lone ɖɩnɛ ɖɩ-taa nɛ meyele nɛ pɛwɛɛ pɛɛyɛ taa.+ 38 Nɛ pakaɣ kɛʋ man-samaɣ, nɛ mankaɣ kɛʋ pɛ-Ɛsɔ.+ 39 Nɛ mankaɣ-wɛ haʋ laŋɩyɛ kʋɖʋmɖɩyɛ+ nɛ mawɩlɩ-wɛ nʋmɔʋ kʋɖʋmʋʋ se pɩsa nɛ peseɣ-m sɔɔndʋ paa ɛzɩmtaa, nɛ piɖeni pa-maɣmaɣ nɛ piɖeni pe-piya pa-wayɩ.+ 40 Nɛ mankaɣ-wɛ ɖʋnʋʋ tamtam ɛgbɛyɛ,+ se maakaɣ-wɛ yebu labʋ kɩbandʋ;+ nɛ mankaɣ ɖʋʋ mɔn-sɔɔndʋ seu pa-laŋa taa, se pɩsa nɛ pataaha-m siɣye.+ 41 Mankaɣ mɛyʋʋ amɛya pɔ-yɔɔ se malabɩ-wɛ kɩbandʋ+ nɛ mankaɣ-wɛ kam nɛ pɛcɛyɩ camɩyɛ ɛjaɖɛ ɖɩnɛ ɖɩ-taa,+ malakɩ mbʋ nɛ ma-laŋɩyɛ pilim nɛ man-kalɩzaɣ* pilim.”»
42 «Mbʋ pʋyɔɔ yɔ tɔm tʋnɛ Yehowa yɔɔdʋʋ: “Ɛzɩ maakɔnʋʋ samaɣ kanɛ kɔ-yɔɔ asɛyʋʋ sɔsɔʋ kʋnɛ kɩ-tɩŋa yɔ, mbʋ ɖɔɖɔ mankaɣ kɔnʋʋ pɔ-yɔɔ kɩbandʋ lakasɩ* nzɩ payɩ sɩ-tɔm menɖiɣni-wɛ heyuu se mankaɣ-wɛ labʋ yɔ.+ 43 Nɛ pakaɣ ɖaɣnʋʋ yabʋ hayɩm ɛjaɖɛ ɖɩnɛ ɖɩ-taa,+ paa ɩwɛɛ nɛ ɩyɔɔdʋʋ se: ‘Pɩkɛ ɛjaɖɛ nɖɩ peyebi-ɖɩ nɛ ɛyʋ nɛ kpɩnɛ pɛfɛyɩ ɖɩ-taa yɔ, nɛ paɖʋzɩ-ɖɩ Kalɩdee mba nesi tɛɛ’ yɔ.”
44 «“Pakaɣ hayɩm yabʋ nɛ liidiye, pakaɣ maʋ hayɩm yabʋ takayɩsɩ nɛ pataaɖɩ-sɩ, nɛ pakaɣ ñɩnʋʋ aseɣɖe tɩnaa Bɛnjamɛɛ ɛjaɖɛ taa,+ ageeta wena acɔ Yeruzalɛm nɛ ata yɔ a-taa, Yuuda tɛtʋ ndɩ ndɩ taa,+ pʋŋ egeetiye tɛtʋ ndɩ ndɩ taa, tɛtʋ ndɩ ndɩ ndʋ tɩwɛ pɩ-tɛɛ ɛjaɖɛ taa yɔ tɩ-taa+ nɛ hadɛ kiŋ tɛtʋ ndɩ ndɩ taa, mbʋ pʋyɔɔ yɔ mankaɣ pɩsɩnʋʋ po-yomaa,”+ Yehowa yɔɔdʋʋna.»
33 Yehowa tɔm talɩ Yereemii nabʋlɛ ɖeɖe, alɩwaatʋ ndʋ ɛwɛ Feŋiyaa Kadaɣ+ taa mbʋ nɛ paɖaŋ ɛ-yɔɔ se ɛtaaɖɛɛ ɖoli yɔ se: 2 «Tɔm tʋnɛ Yehowa, tɛtʋ Laɖʋ yɔɔdʋʋ, Yehowa weyi ɛma-tʋ nɛ eyele nɛ tɩka camɩyɛ yɔ; payaɣ-ɩ se Yehowa: 3 “Ya-m nɛ mankaɣ-ŋ cosuu nɛ mɛnkɛdɩ-ŋ faaa tɔm sɔsɔtʋ nɛ tɔm ndʋ paapɩzɩɣ nɛ panɩɩ tɩ-tɔbʋʋ yɔ, ndʋ ŋtɩsɩm-tʋ yɔ.”»+
4 «Mbʋ pʋyɔɔ yɔ tɔm tʋnɛ Izrayɛɛlɩ tɛ Ɛsɔ Yehowa yɔɔdʋʋ tɛtʋ tʋnɛ tɩ-ɖɩsɩ nɛ Yuuda awiya ɖɩsɩ yɔɔ, nzɩ potuzaa nɛ pɛpɛɖɩ, you wondu ndʋ pesiɣaa nɛ pɩcɔɔ tɛtʋ nɛ pɩta yɔ tɩ-yɔɔ nɛ laɣɖɛ yɔɔ,+ 5 nɛ mba peɖiɣni kɔm se poyooni Kalɩdee mba yɔ pɔ-yɔɔ, mba peyeki se ɛyaa mba mankʋ-wɛ nɛ pana nɛ ɖɩwɩzɩyɛ yɔ posu lona anɛ a-taa yɔ, mba pa-lakasɩ kɩdɛkɛdɩsɩ yeba se mɛmɛsɩ mɛ-ɛsɩndaa nɛ tɛtʋ tʋnɛ tɩtaana-m yɔ: 6 “Na! Meyeki nɛ ɛyaa yɔɔ cɛ nɛ pɛwɛɛ alaafɩya,+ nɛ mankaɣ-wɛ labʋ kɔyɛ nɛ maha-wɛ* laŋhɛzɩyɛ sakɩyɛ nɛ toovenim tɔm sakɩyɛ.+ 7 Nɛ mankaɣ pɩsɩnʋʋ Yuuda yomaa nɛ Izrayɛɛlɩ yomaa,+ nɛ mankaɣ-wɛ maʋ ɛzɩ maalabʋ kiɖe tɛɛ yɔ.+ 8 Nɛ mankaɣ ñalʋʋ kɩwɛɛkɩm mbʋ payɩ palabɩ-m nɛ pɔɖɔɔ wɛɛ yɔ, nɛ pɛwɛɛ kele kele,+ nɛ mankaɣ-wɛ kpeɣu kɩwɛɛkɩm nɛ kɩdɛkɛdɩm mbʋ payɩ palabɩ-m nɛ pɔɖɔɔ wɛɛ yɔ.+ 9 Nɛ tɛtʋ ndʋ tɩ-hɩɖɛ kaɣ yebu nɛ mɛwɛɛ amɛya taa, nɛ tɩkaɣ-m kɔnʋʋ samtʋ nɛ kajʋka tɛtʋ yɔɔ ajɛɛ wena akaɣ nɩʋ kɩbandʋ lakasɩ nzɩ payɩ malabɩ-wɛ yɔ sɩ-tɔm yɔ a-ɛsɩndaa.+ Nɛ akaɣ wɛʋ sɔɔndʋ taa nɛ akaɣ seluu+ kɩbandʋ lakasɩ kpeekpe nɛ laŋhɛzɩyɛ nɖɩ mankaɣ-tʋ haʋ yɔ pɩ-yɔɔ.”»+
10 «Tɔm tʋnɛ Yehowa yɔɔdʋʋ: “Lone ɖɩnɛ ɖɩ-taa, nɖɩ ɩkaɣ yɔɔdʋʋ se ɖɩkɛ ɛjaɖɛ nɖɩ peyebi-ɖɩ nɛ ɛyʋ nɛ kpɩnɛ pɛfɛyɩ ɖɩ-taa yɔ, Yuuda tɛtʋ ndɩ ndɩ taa nɛ Yeruzalɛm habɛɛ wena awɛ kpɛɖɛ, nɛ ɛyʋ yaa kpɩnɛ fɛyɩ a-yɔɔ yɔ, pakaɣ tasʋʋ nɩʋ 11 amɛya taŋ nɛ taa leleŋ taŋ,+ walʋ nɔɔ nɛ asɛyʋ kɩfalʋ nɔɔ, mba pɔyɔɔdʋʋ se: ‘Ɩsɛɛ yoyaa tɛ Yehowa se ɛlabaɣ lɛ, mbʋ pʋyɔɔ yɔ Yehowa wɛ ɖeu;+ ɛ-sɔɔlɩm siɣsiɣ ñɩmbʋ wɛ tam!’+ yɔ pɔ-nɔɔ.”
«“Pakaɣ wonuu ɛsɩmɩyɛ kɩlaŋ Yehowa ɖɩɣa taa,+ mbʋ pʋyɔɔ yɔ mankaɣ pɩsɩnʋʋ ɛjaɖɛ ɖɩnɛ ɖɩ-taa ñɩma mba pɛwɛ yomiye taa yɔ, nɛ pɩwɛɛ ɛzɩ pɩɩwɛʋ kiɖe tɛɛ yɔ,” Yehowa yɔɔdʋʋna.»
12 «Tɔm tʋnɛ yoyaa tɛ Yehowa yɔɔdʋʋ: “Lona wena a-taa kpɩna tɔkɩ ñɩtʋ yɔ akaɣ tasʋʋ wɛʋ ɛjaɖɛ ɖɩnɛ ɖɩ-taa, nɖɩ peyebi-ɖɩ nɛ ɛyʋ nɛ kpɩnɛ pɛfɛyɩ ɖɩ-taa yɔ, nɛ ɖɩ-tɛtʋ ndɩ ndɩ tɩŋa taa, se ninɖiɣyaa iwoni pa-kpɩna nɛ ahɛzɩ peeɖe.”+
13 «“Pʋŋ egeetiye tɛtʋ ndɩ ndɩ taa, tɛtʋ ndɩ ndɩ ndʋ tɩwɛ pɩ-tɛɛ ɛjaɖɛ taa yɔ tɩ-taa, hadɛ kiŋ tɛtʋ ndɩ ndɩ taa, Bɛnjamɛɛ ɛjaɖɛ taa, ageeta wena acɔ Yeruzalɛm nɛ ata yɔ a-taa,+ nɛ Yuuda tɛtʋ ndɩ ndɩ taa,+ pɩkaɣ labʋ se ninɖiɣyaa kaɣ tasʋʋ kalʋʋ pe-heŋ,”* Yehowa yɔɔdʋʋna.»
14 «“Ɩna! Kɩyakɩŋ ɖiɣni kɔm, nɛ alɩwaatʋ ndʋ lɛ, mankaɣ yebu nɛ lidaʋ tɔm kɩbandʋ ndʋ mɔyɔɔdɩ Izrayɛɛlɩ ɖɩɣa yɔɔ nɛ Yuuda ɖɩɣa yɔɔ yɔ tɩla,”+ Yehowa yɔɔdʋʋna. 15 “Kɩyakɩŋ ɛnɩ ɩ-taa nɛ alɩwaatʋ ndʋ tɩ-taa lɛ, mankaɣ yebu nɛ Daviid lʋlʋʋ taa tʋ* siɣsiɣ tʋ nɔɔyʋ lɩɩ,+ nɛ ɛkaɣ kɔnʋʋ tɔm hʋʋ siɣsiɣ nɛ siɣsiɣ wɛtʋ ɛjaɖɛ taa.+ 16 Kɩyakɩŋ ɛnɩ ɩ-taa lɛ, Yuuda kaɣ hiɣu ñʋʋ yabʋ,+ nɛ Yeruzalɛm kaɣ wɛʋ pɛɛyɛ taa.+ Nɛ hɩɖɛ ɖɩnɛ pakaɣ-ɩ yaʋ: Yehowa kɛnɩ ɖe-siɣsiɣ wɛtʋ.”»+
17 «Mbʋ pʋyɔɔ yɔ, tɔm tʋnɛ Yehowa yɔɔdʋʋ: “Paa pɩɩla ɛzɩma yɔ Daviid lʋlʋʋ taa tʋ nɔɔyʋ kaɣ wɛʋ se ɛcaɣ Izrayɛɛlɩ ɖɩɣa kewiyaɣ kpelaɣ yɔɔ,+ 18 nɛ pɩɩkaɣ ɖɔɖɔ labʋ kpa se ɛyʋ nɔɔyʋ fɛyɩ cɔjɔnaa Leevi mba lʋlʋʋ taa se ɛsɩŋ mɛ-ɛsɩndaa nɛ ɛlaa kɩlaŋ kɩñaɣzɩŋ, tɔɔnaɣ pee kɩlaŋ, nɛ kɩlaŋ lɛɛŋ.”»
19 Nɛ Yehowa tɔm tasɩ talʋʋ Yereemii se: 20 «Tɔm tʋnɛ Yehowa yɔɔdʋʋ: “Ye ɩɩpɩzaɣ se ɩcɛ ɛgbɛyɛ nɖɩ manɖʋ evemiye yɔɔ nɛ ɛgbɛyɛ nɖɩ manɖʋ ɖoo yɔɔ, se pɩɖɩɣ nʋmɔʋ evemiye nɛ ɖoo se pataakɔɔ pa-alɩwaatʋ yɔɔ yɔ,+ 21 pi-ɖeke pɩpɩzaɣna se piyele nɛ ɛgbɛyɛ nɖɩ manɖʋnɩ ma-lɩmɖʋyʋ Daviid yɔ ɖɩcɛ,+ nɛ piyele se ɛtaawɛɛnɩ abalɩbɩɣa nɛ kacaɣ e-kewiyaɣ kpelaɣ yɔɔ nɛ kɔtɔɔ kewiyitu,+ nɛ pɩla mbʋ ɖɔɖɔ ɛgbɛyɛ nɖɩ manɖʋnɩ cɔjɔnaa Leevi mba, mba pɛkɛ ma-lɩmɖʋyaa yɔ.+ 22 Paapɩzɩɣ nɛ pakalɩ ɛsɔdaa yoyaa* ñʋʋ nɛ paapɩzɩɣ nɛ pamaɣzɩ teŋgu nɔɔ kañɩŋa, mbʋ ɖɔɖɔ mankaɣ yebu nɛ ma-lɩmɖʋyʋ Daviid nɛ Leevi ñɩma mba pɛwɛɛ nɛ paɖʋʋ-m lɩm yɔ pa-lʋlʋʋ taa mba* huu.”»
23 Nɛ Yehowa tɔm tasɩ talʋʋ Yereemii se: 24 «Ŋtɩnɩɩ tɔm ndʋ samaɣ kanɛ kɛwɛɛ nɛ kɔyɔɔdʋʋ se: “Yehowa kaɣ lɔʋ hɔŋ 2 weyi ɛlɩzaa yɔ”? Nɛ pɛwɛɛ nɛ palɩzɩɣ kaañamtʋ lakasɩ nɛ pawɩlɩɣ ma-maɣmaɣ man-samaɣ, nɛ paatasɩɣ-kɛ cɔnʋʋ se kɛkɛ ɛjaɖɛ.
25 «Tɔm tʋnɛ Yehowa yɔɔdʋʋ: “Ɛzɩ mañɩtʋʋ nɛ manɖʋ mɛ-ɛgbɛyɛ evemiye yɔɔ nɛ ɖoo yɔɔ nɛ pɩka camɩyɛ,+ nɛ manɖʋ ɛsɔdaa nɛ tɛtʋ paɣtʋ* ndɩ ndɩ nɛ pɩka camɩyɛ yɔ,+ 26 mbʋ ɖɔɖɔ maakaɣ lɔʋ Yakɔɔb nɛ ma-lɩmɖʋyʋ Daviid pa-lʋlʋʋ taa mba* kpa, nɛ maakaɣ yebu lɩzʋʋ awiya ɛ-lʋlʋʋ taa mba* taa se pɔtɔɔ kewiyitu Abraham, Izaakɩ, nɛ Yakɔɔb pa-lʋlʋʋ taa mba* yɔɔ. Mbʋ pʋyɔɔ yɔ mankaɣ kpeɣluu pɛ-ɛyaa mba pɛwɛ yomiye taa yɔ nɛ manpɩsɩnɩ-wɛ+ nɛ mana pa-pʋtɔdɩyɛ.”»+
34 Tɔm ndʋ tɩlɩnɩ Yehowa cɔlɔ nɛ tɩtalɩ Yereemii, alɩwaatʋ ndʋ Babilɔɔnɩ wiyaʋ Nabukodonozɔɔrɩ* nɛ ɛ-sɔɔjanaa kpeekpe nɛ tɛtʋ yɔɔ kewiyisi kpeekpe nzɩ sɩ-yɔɔ ɛtɔkɩ kewiyitu yɔ nɛ ɛyaa samasɩ kpeekpe kaawɛɛ nɛ poyouni Yeruzalɛm nɛ kɩ-tɛtʋ ndɩ ndɩ tɩŋa yɔ, ndʋ yɔ:+
2 «Tɔm tʋnɛ Izrayɛɛlɩ tɛ Ɛsɔ Yehowa yɔɔdʋʋ: “Wolo nɛ ŋyɔɔdɩnɩ Yuuda wiyaʋ Zedekiya+ nɛ ŋheyi-i se: ‘Tɔm tʋnɛ Yehowa yɔɔdʋʋ: “Na, menɖiɣni ɖʋzʋʋ tɛtʋ tʋnɛ Babilɔɔnɩ wiyaʋ nesi tɛɛ, nɛ ɛkaɣ-tʋ ñaɣzʋʋ miŋ.+ 3 Nɛ ŋŋkaɣ lɩʋ e-nesi tɛɛ, mbʋ pʋyɔɔ yɔ paa pɩɩkpawa nɛ pitii yɔ pakaɣ-ŋ kpaʋ nɛ paɖʋzɩ e-nesi tɛɛ.+ Nɛ ŋkaɣ naʋ Babilɔɔnɩ wiyaʋ ɛsɩndaa, nɛ ɛkaɣ ña-maɣmaɣ yɔɔdɩnʋʋ, nɛ ŋkaɣ wobu Babilɔɔnɩ.”+ 4 Ɛlɛ, nɩɩ Yehowa tɔm, Oo Yuuda wiyaʋ Zedekiya: “Tɔm tʋnɛ Yehowa yɔɔdʋʋ ñɔ-yɔɔ: ‘Paakaɣ-ŋ kʋʋ nɛ laɣɖɛ. 5 Ŋkaɣ sɩbʋ laŋhɛzɩyɛ taa;+ nɛ alɩwaatʋ ndʋ pepiŋi-ŋ yɔ, pakaɣ labʋ tɩlaaɖɩ sɔbʋ sɔnzɩ ɛzɩ paalabʋ ña-caanaa, awiya wena aawɛɛ pʋcɔ nɛ pɩtalɩɣnɩ-ŋ yɔ, nɛ pakaɣ caɣʋ kʋñɔwiye ñɔ-yɔɔ nɛ pɔyɔɔdʋʋ se: “Hayɩ, kɩbaɣlʋ!” mbʋ pʋyɔɔ yɔ “mɔyɔɔdɩnɩ tɔm ndʋ,” Yehowa yɔɔdʋʋna.’”’”»
6 Nɛ nayʋ Yereemii heyi Yuuda wiyaʋ Zedekiya tɔm ndʋ tɩ-tɩŋa Yeruzalɛm taa, 7 alɩwaatʋ ndʋ Babilɔɔnɩ wiyaʋ sɔɔjanaa kaawɛɛ nɛ poyouni Yeruzalɛm nɛ Yuuda tɛtʋ ndɩ ndɩ ndʋ pɩɩkazaa yɔ tɩ-tɩŋa yɔ,+ Lakisi+ nɛ Azeka;+ mbʋ pʋyɔɔ yɔ ti-ɖeke tɩɩkɛnɩ tɛtʋ ɖoŋ ñɩndʋ ndʋ pɩɩkazɩ Yuuda tɛtʋ ndɩ ndɩ taa yɔ.
8 Tɔm lɩnɩ Yehowa cɔlɔ nɛ tɩtalɩ Yereemii; pɩɩkɛ alɩwaatʋ ndʋ Wiyaʋ Zedekiya tɛm ɖʋʋ ɛgbɛyɛ nɛ Yeruzalɛm samaɣ kpeekpe se esusi-kɛ tɩ-yɔɔ wɛʋ tɔm yɔ,+ 9 se pɩwɛɛ se paa weyi lɛ eyele e-yomaa mba pɛkɛ Ebree mba yɔ nɛ pɛwɛɛ pa-tɩ yɔɔ, abalɩñɩma nɛ halɩñɩma, se pɩsa nɛ nɔɔyʋ ɛtaasɩɩ ɛ-cɔlɔ e-koobu Yuuda tʋ se ɛkɛ e-yom. 10 Peeɖe awumbiya nɛ samaɣ kpeekpe ñam tɔm ndʋ. Patɩŋnɩ ɛgbɛyɛ ɖʋʋ mbʋ pɩ-yɔɔ nɛ panɩɩnɩ ɖama se pɩwɛɛ se paa weyi lɛ eyele e-yomaa abalɩñɩma nɛ halɩñɩma nɛ ɛtaatasɩ-wɛ sɩʋ se pɛkɛ e-yomaa. Nɛ paña nɛ peyele-wɛ nɛ pɛɖɛɛ. 11 Ɛlɛ pʋwayɩ lɛ, paɖaɣnɩ pɩsɩnʋʋ yomaa abalɩñɩma nɛ halɩñɩma mba paayebi-wɛ nɛ pɛɖɛɛ yɔ, nɛ paɖaɣnɩ-wɛ ɖʋʋ yomiye taa nɛ ɖoŋ. 12 Peeɖe Yehowa yɔɔdɩnɩ Yereemii; Yehowa heyi-i se:
13 «Tɔm tʋnɛ Izrayɛɛlɩ tɛ Ɛsɔ Yehowa yɔɔdʋʋ: “Manɖʋnɩ mɩ-cɔzɔnaa ɛgbɛyɛ+ kɩyakʋ ŋgʋ malɩzɩ-wɛ nɛ Ejipiti ɛjaɖɛ taa, yomiye ɖɩɣa taa yɔ,+ meheyi-wɛ se: 14 ‘Pɩnzɩ 7 tɛŋ lɛ, pɩwɛɛ se mɩ-taa paa weyi lɛ eyele e-koobu Ebree tʋ weyi pɛpɛdɩnɩ-ɩ nɛ ɛlabɩ-ɩ tʋmɩyɛ pɩnzɩ 6 yɔ; pɩwɛɛ se eyebi-i nɛ ɛwɛɛ ɛ-tɩ yɔɔ.’+ Ɛlɛ mɩ-cɔzɔnaa tiwelisi nɛ patɩkʋmɩ-m nɩŋgbaŋʋʋ. 15 Nɛ pitileɖi yɔ* mɩ-maɣmaɣ ɩlɛɣzaa nɛ ɩla mbʋ pɩtʋʋzɩ mɛ-ɛsɩndaa yɔ nɛ isusi tɩ-yɔɔ wɛʋ tɔm mi-koobiya, nɛ ɩɖʋ ɛgbɛyɛ mɛ-ɛsɩndaa, ɖɩɣa ŋga kɔ-yɔɔ ma-hɩɖɛ wɛɛ yɔ ka-taa. 16 Ɛlɛ pʋwayɩ lɛ, ɩɖaɣnɩ lɛɣzʋʋ nɛ ipisi ma-hɩɖɛ,+ mbʋ pʋyɔɔ yɔ ɩɖaɣnɩ pɩsɩnʋʋ mi-yomaa abalɩñɩma nɛ halɩñɩma mba iiyebi-wɛ nɛ pɛwɛɛ pa-tɩ yɔɔ ɛzɩ paba kaasɔɔlʋʋ yɔ,* nɛ ɩɖaɣnɩ-wɛ ɖʋʋ yomiye taa nɛ ɖoŋ.”
17 «Pʋyɔɔ lɛ, tɔm tʋnɛ Yehowa yɔɔdʋʋ: “Ɩtɩñamɩ-m alɩwaatʋ ndʋ paa weyi lɛ esusi tɩ-yɔɔ wɛʋ tɔm e-koobu nɛ ɛ-taabalʋ yɔ.+ Pʋyɔɔ lɛɛlɛɛyɔ lɛ, mankaɣ-mɩ haʋ tɩ-yɔɔ wɛʋ alɩwaatʋ ndʋ laɣɖɛ, ñɔɔsɩ, nɛ kɩzɩkʋ* kʋʋ-mɩ yɔ,+ nɛ mankaɣ yebu nɛ ɩkɛ sɔɔndʋ pʋyʋ tɛtʋ yɔɔ kewiyisi kpeekpe,”+ Yehowa yɔɔdʋʋna. 18 “Nɛ pʋnɛ pɩkaɣnɩ talʋʋ ɛyaa mba pamanɩ mɛ-ɛgbɛyɛ yɔɔ mbʋ pʋyɔɔ yɔ patɩɖɔ ɛgbɛyɛ nɖɩ paɖʋ mɛ-ɛsɩndaa yɔ ɖɩ-tɔm yɔɔ, alɩwaatʋ ndʋ patayɩ neɣye nabʋlɛ taa nɛ patɩŋ ɖɩ-hɔɔlɩŋ ɛnɩ ɩ-naalɛ ɩ-hɛkʋ taa yɔ,+ 19 pʋ-tɔbʋʋ se, Yuuda awumbiya, Yeruzalɛm awumbiya, wiyaʋ ɖɩɣa taa kaɖɩsɩ, cɔjɔnaa, nɛ ɛjaɖɛ taa ɛyaa kpeekpe mba patɩŋ neɣye nɖɩ ɖɩ-hɔɔlɩŋ ɛnɩ ɩ-naalɛ ɩ-hɛkʋ taa yɔ: 20 Mankaɣ-wɛ ɖʋzʋʋ po-koyindinaa nɛ mba pɛwɛɛ nɛ pañɩnɩɣ se palɩzɩ pe-weziŋ yɔ* pe-nesi tɛɛ, nɛ po-tomnasɩ kaɣ pɩsʋʋ ɛsɔdaa sumasɩ nɛ tɛtʋ yɔɔ tɛtɛgbɩna tɔɔnaɣ.+ 21 Nɛ mankaɣ ɖʋzʋʋ Yuuda wiyaʋ Zedekiya nɛ ɛ-awumbiya po-koyindinaa nesi tɛɛ nɛ mba pɛwɛɛ nɛ pañɩnɩɣ se palɩzɩ pe-weziŋ yɔ* pe-nesi tɛɛ nɛ Babilɔɔnɩ wiyaʋ sɔɔjanaa nesi tɛɛ,+ mba peɖiɣni lɩʋ mɩ-tɛ se peyebi-mɩ yonuu yɔ.”+
22 «“Ɩna, mankaɣ ɖʋʋ paɣtʋ nɛ mankaɣ-wɛ pɩsɩnʋʋ tɛtʋ tʋnɛ tɩ-taa, nɛ pakaɣ-tʋ yonuu nɛ pamʋ-tʋ nɛ pɔsɔbɩ-tʋ miŋ;+ nɛ mankaɣ yebu nɛ Yuuda tɛtʋ ndɩ ndɩ pɩsɩ tɛtʋ ndʋ peyebi-tʋ yɔ, nɛ nɔɔyʋ ɛɛkaɣ wɛʋ tɩ-taa,”+ Yehowa yɔɔdʋʋna.»
35 Tɔm ndʋ tɩlɩnɩ Yehowa cɔlɔ Yuuda wiyaʋ, Yoziyaasɩ pɩyalʋ Yehoyakim+ alɩwaatʋ taa nɛ tɩtalɩ Yereemii yɔ, ndʋ yɔ: 2 «Wolo Rekaab mba+ ɖɩɣa taa nɛ ŋyɔɔdɩnɩ-wɛ nɛ ŋkpaɣ-wɛ nɛ ŋsʋnɩ Yehowa ɖɩɣa taa, ɖamɩŋ weyi ɩ-tɛɛ pɔtɔkɩ tɔɔnaɣ yɔ ɩ-taa nakʋyʋ tɛɛ;* nɛ ŋha-wɛ vɛɛ nɛ pɔñɔɔ.»
3 Peeɖe mankpaɣ Habaziniya pɩyalʋ Yereemii pɩyalʋ Yaazaniya, e-koobiya, ɛ-pɩyalaa kpeekpe, nɛ Rekaab mba ɖɩɣa kpeekpe 4 nɛ mansʋnɩ-wɛ Yehowa ɖɩɣa taa. Mowoni-wɛ Ɛsɔ toovenim tʋ tɛ ɛyʋ, Igidaaliya pɩyalʋ Hanaanɩ pɩyalaa ɖaŋ ŋgʋ kɩ-tɛɛ pɔtɔkɩ tɔɔnaɣ yɔ kɩ-tɛɛ. Kɩɩwɛ ɖaŋ ŋgʋ kɩ-tɛɛ awumbiya tɔkɩ tɔɔnaɣ yɔ kɩ-cɔlɔ, nɛ kʋkʋ ñaawɛ nɔnɔɔ yɔɔ ɖaŋɩyʋ Saalum pɩyalʋ Maaseyiya ɖaŋ ŋgʋ kɩ-tɛɛ pɔtɔkɩ tɔɔnaɣ yɔ kɩ-ñʋʋ yɔɔ. 5 Pʋwayɩ lɛ, mansɩɩ kɔpʋnaa mba pɛwɛnɩ kanɖɛɛ nɛ mba pɛfɛyɩna yɔ, pa-taa nɛ vɛɛ ɖo Rekaab mba ɖɩɣa taa ñɩma ɛsɩndaa nɛ meheyi-wɛ se: «Ɩñɔɔ vɛɛ.»
6 Ɛlɛ pɔyɔɔdɩ se: «Ðɩɩkaɣ ñɔʋ vɛɛ, mbʋ pʋyɔɔ yɔ ɖɔ-cɔzɔ, Rekaab pɩyalʋ Yehonadaabɩ*+ ɖʋ-ɖʋ paɣtʋ tʋnɛ: “Pɩtɩpɔzɩ kpa se mɩ-maɣmaɣ yaa mɩ-pɩyalaa ɩñɔɔ vɛɛ wiɖiyi. 7 Nɛ pɩtɩpɔzɩ se ɩma ɖɩɣa, iɖuu ɖomaɣ, yaa ɩɖʋ yaa ɩwɛɛnɩ viiñi hayɩm. Ɛlɛ pɩwɛɛ se paa ɛzɩmtaa lɛ ɩsʋʋ kizinzikiŋ tɛɛ, se pɩsa nɛ ɩcaɣ ɛjaɖɛ nɖɩ ɖɩ-taa ɩkɛ agɔma yɔ ɖɩ-taa nɛ pileɖi.” 8 Pʋyɔɔ ɖiwoki pɩ-yɔɔ nɛ ɖɩñaŋ ɖɔ-cɔzɔ Rekaab pɩyalʋ Yehonadaabɩ nɔɔ taa tɔm; ɖɩñaŋ paɣtʋ ndʋ payɩ ɛɖʋ-ɖʋ yɔ nɛ ɖɩɩñɔʋ vɛɛ kpa—ɖa-maɣmaɣ, ɖa-halaa, ɖa-pɩyalaa, nɛ ɖɛ-pɛlaa. 9 Nɛ ɖɩɩmaɣ ɖɩsɩ se ɖɩsʋʋ sɩ-taa, nɛ ɖɩfɛyɩnɩ ɖɔɖɔ viiñi* yaa hayɩm yaa ɖomaɣ. 10 Ðiwoki pɩ-yɔɔ nɛ ɖɩsʋʋ kizinzikiŋ tɛɛ nɛ ɖɩñaŋ paɣtʋ ndʋ payɩ ɖɔ-cɔzɔ Yehonadaabɩ* ɖʋ-ɖʋ yɔ. 11 Ɛlɛ Babilɔɔnɩ wiyaʋ Nabukodonozɔɔrɩ* kpawa se eyooni ɛjaɖɛ lɛ,+ ɖɩyɔɔdɩ se: “Ɩkɔɔ nɛ ɖɩsʋʋ Yeruzalɛm taa, se pɩsa nɛ ɖɩtaatɔlɩ Kalɩdee mba nɛ Siirii mba sɔɔjanaa nesi tɛɛ,” nɛ pʋyɔɔ ɖɩwɛ Yeruzalɛm taa.»
12 Nɛ Yehowa tɔm talɩ Yereemii se: 13 «Tɔm tʋnɛ yoyaa tɛ Yehowa, Izrayɛɛlɩ tɛ Ɛsɔ yɔɔdʋʋ: “Wolo nɛ ŋheyi Yuuda mba nɛ Yeruzalɛm taa mba se: ‘Pataawɛɛ nɛ peseɣtiɣ-mɩ se ɩña mɔn-tɔm na?’+ Yehowa yɔɔdʋʋna. 14 ‘Rekaab pɩyalʋ Yehonadaabɩ kaaɖʋ paɣtʋ ɛ-lʋlʋʋ taa mba se pataañɔɔ vɛɛ, nɛ pɔɖɔ ɛ-tɔm yɔɔ nɛ paañɔʋ vɛɛ halɩ nɛ sɔnɔ; mbʋ pɛwɛɛ nɛ pañaŋ pɔ-cɔzɔ paɣtʋ.+ Ɛlɛ ma lɛ, mɔyɔɔdɩnɩ-mɩ nɛ mɛlɛlɩ tam sakɩyɛ,* ɛlɛ ɩtɩñamɩ-m.+ 15 Nɛ maawɛɛ nɛ mentiyiɣ ma-lɩmɖʋyaa mba payɩ pɛkɛ nayaa yɔ mɩ-cɔlɔ, mentiyaɣ-wɛ nɛ mɛlɛlɩɣ tam sakɩyɛ*+ se peheyi-mɩ se: “Ðitendi-mɩ, mɩ-taa paa weyi lɛ eyele ɛ-nʋmɔŋ kɩdɛkɛdɩŋ nɛ ɛpɩsɩ,+ nɛ ɛla mbʋ pɩtʋʋzaa yɔ! Ɩtaatɩŋ ɛsɔnaa lalaa wayɩ nɛ ɩsɛɛ-wɛ. Ðɩnɛ ɛlɛ ɩkaɣ wobu pɩ-yɔɔ nɛ ɩcaɣ ɛjaɖɛ nɖɩ maha mɩ nɛ mɩ-cɔzɔnaa yɔ ɖɩ-taa.”+ Ɛlɛ ɩtɩkʋ nɩŋgbaŋʋʋ nɛ itiwelisini-m. 16 Rekaab pɩyalʋ Yehonadaabɩ lʋlʋʋ taa mba ɖɔm paɣtʋ ndʋ pɔ-cɔzɔ ɖʋ-wɛ yɔ tɩ-yɔɔ,+ ɛlɛ ɛyaa panɛ paba ñatiwelisini-m.’”»
17 «Pʋyɔɔ lɛ, tɔm tʋnɛ Yehowa, yoyaa tɛ Ɛsɔ, Izrayɛɛlɩ tɛ Ɛsɔ yɔɔdʋʋ: “Ɩna, menɖiɣni kɔnʋʋ Yuuda yɔɔ nɛ Yeruzalɛm taa mba kpeekpe yɔɔ asɛyʋʋ ŋgʋ kɩ-tɔm maapaɣ-wɛ yɔ kɩ-tɩŋa,+ mbʋ pʋyɔɔ yɔ mɔyɔɔdɩnɩ-wɛ, ɛlɛ patiwelisi, nɛ mɛwɛɛ nɛ mayaɣ-wɛ, ɛlɛ paacosuu.”»+
18 Nɛ Yereemii heyi Rekaab mba ɖɩɣa taa mba se: «Tɔm tʋnɛ yoyaa tɛ Yehowa, Izrayɛɛlɩ tɛ Ɛsɔ yɔɔdʋʋ: “Ɩñam mɩ-cɔzɔ Yehonadaabɩ paɣtʋ nɛ ɩwɛɛ nɛ ɩɖɔŋ ɛ-paɣtʋ kpeekpe yɔɔ, nɛ ɩlakɩ ɖeyi ɖeyi ɛzɩ ɛɖʋʋ-mɩ paɣtʋ yɔ; pʋyɔɔ lɛ, 19 tɔm tʋnɛ yoyaa tɛ Yehowa, Izrayɛɛlɩ tɛ Ɛsɔ yɔɔdʋʋ: ‘Paa pɩɩla ɛzɩma yɔ Rekaab pɩyalʋ Yehonadaabɩ* lʋlʋʋ taa tʋ nɔɔyʋ kaɣ wɛʋ mɛ-ɛsɩndaa nɛ ɛɖʋʋ-m lɩm.’”»
36 Yuuda wiyaʋ, Yoziyaasɩ pɩyalʋ Yehoyakim+ pɩnaɣ 4 ñɩŋga taa, tɔm tʋnɛ tɩlɩnɩ Yehowa cɔlɔ nɛ tɩtalɩ Yereemii: 2 «Kpaɣ takayaɣ kikpiyaɣ nɛ ŋma ka-taa tɔm ndʋ meheyi-ŋ Izrayɛɛlɩ nɛ Yuuda+ nɛ ajɛɛ kpeekpe yɔɔ yɔ,+ kpaɣnɩ kɩyakʋ kajalaɣ ñɩŋgʋ ŋgʋ mɔyɔɔdɩnɩ-ŋ Yoziyaasɩ alɩwaatʋ taa nɛ pɩkɔɔ pɩtalɩ sɔnɔ yɔ.+ 3 Pʋtɔma Yuuda ɖɩɣa taa mba nɩɣ asɛyʋʋ ŋgʋ kɩ-tɩŋa manɖʋwa se mɔnkɔŋnɩ pɔ-yɔɔ yɔ kɩ-tɔm lɛ, papɩzɩɣ nɛ peyele pa-nʋmɔŋ kɩdɛkɛdɩŋ nɛ papɩsɩ, se pɩsa nɛ menkpeɣ-wɛ pa-kɩdɛkɛdɩm nɛ pa-kɩwɛɛkɩm.»+
4 Nɛ Yereemii yaa Neriya pɩyalʋ Baaruuki,+ nɛ Yereemii yɔɔdaɣ tɔm ndʋ payɩ Yehowa kaaheyi-i yɔ, nɛ Baaruuki maɣ-tʋ takayaɣ kikpiyaɣ taa.+ 5 Nɛ Yereemii ɖʋ Baaruuki paɣtʋ se: «Pakpa-m nɛ pasɩɩ nɛ paɖaŋ mɔ-yɔɔ se mantaaɖɛɛ ɖoli nɛ maapɩzɩɣ se mansʋʋ Yehowa ɖɩɣa taa. 6 Pʋyɔɔ lɛ, ña pɩwɛɛ se ŋsʋʋ nɛ ŋkalɩnɩ nɔɔ kɩkʋyaɣ Yehowa tɔm ndʋ mɔyɔɔdaɣ nɛ ŋmaɣ-tʋ takayaɣ kikpiyaɣ taa yɔ. Kalɩ tɔm ndʋ Yehowa ɖɩɣa taa, nɔɔ hɔkʋʋ kɩyakʋ wiye nɛ ɛyaa mba pɛwɛ peeɖe yɔ panɩɩ, pɩkpɛndɩnɩ Yuuda ñɩma mba payɩ palɩnɩ pɛ-tɛtʋ ndɩ ndɩ taa nɛ pɔkɔɔ yɔ. 7 Pʋtɔma tenduu mbʋ petendiɣ se pana pa-pʋtɔdɩyɛ yɔ pɩkaɣ talʋʋ Yehowa cɔlɔ, nɛ paa weyi lɛ ɛkaɣ yebu ɛ-nʋmɔŋ kɩdɛkɛdɩŋ nɛ ɛpɩsɩ, mbʋ pʋyɔɔ yɔ pana nɛ hɔpɩsɩyɛ nɖɩ ɖɩ-tɔm Yehowa yɔɔdɩ samaɣ kanɛ kɔ-yɔɔ yɔ, ɖɩpaɣlaa.»
8 Nɛ Neriya pɩyalʋ Baaruuki la mbʋ payɩ nayʋ Yereemii kaaɖʋ-ɩ paɣtʋ se ɛla yɔ; ɛkalɩ Yehowa tɔm ndʋ tɩwɛ takayaɣ kikpiyaɣ* taa yɔ nɛ nɔɔ kɩkʋyaɣ Yehowa ɖɩɣa taa.+
9 Yuuda wiyaʋ, Yoziyaasɩ pɩyalʋ Yehoyakim+ pɩnaɣ 5 ñɩŋga taa, fenaɣ 9 ñɩŋga taa, Yeruzalɛm taa mba kpeekpe nɛ ɛyaa mba payɩ palɩnɩ Yuuda tɛtʋ ndɩ ndɩ taa nɛ pɔkɔɔ Yeruzalɛm yɔ posusi se pɔhɔkɩ nɔɔ Yehowa ɛsɩndaa.+ 10 Nɛ Baaruuki kalɩ Yereemii tɔm ndʋ tɩwɛ takayaɣ kikpiyaɣ taa yɔ* nɛ nɔɔ kɩkʋyaɣ Yehowa ɖɩɣa taa, takayɩsɩ mayʋ* Safaanɩ+ pɩyalʋ Gemariya+ kuduyuu* tɛɛ, kadaɣ hayo ñɩŋga taa, Yehowa ɖɩɣa nɔnɔɔ kɩfalaɣ taa,+ nɛ samaɣ kpeekpe nɩɩ.
11 Safaanɩ pɩyalʋ Gemariya pɩyalʋ Mikayiya nɩ Yehowa tɔm ndʋ payɩ tɩwɛ takayaɣ kikpiyaɣ taa* yɔ lɛ, 12 etii wiyaʋ ɖɩɣa taa, nɛ ɛsʋʋ takayaɣ taa mayʋ kuduyuu tɛɛ. Awumbiya* tɩŋa kaacaɣ peeɖe: Takayaɣ taa mayʋ Eliisama,+ Semayaa pɩyalʋ Delayiya, Akɩbɔɔrɩ+ pɩyalʋ Ɛlɩnataanɩ,+ Safaanɩ pɩyalʋ Gemariya, Anaanɩya pɩyalʋ Zedekiya, nɛ awumbiya lalaa tɩŋa. 13 Mikayiya kɛdɩ-wɛ tɔm ndʋ payɩ ɛɛnɩ alɩwaatʋ ndʋ Baaruuki kalɩ takayaɣ kikpiyaɣ* taa tɔm nɛ samaɣ nɩɩ yɔ.
14 Peeɖe awumbiya kpeekpe tiyi Kuusii pɩyalʋ Selemiya pɩyalʋ Netaniya pɩyalʋ Yehudi Baaruuki cɔlɔ, se eheyi-i se: «Kpɛndɩnɩ takayaɣ kikpiyaɣ ŋga ŋkalaa nɛ samaɣ nɩɩ yɔ nɛ ŋkɔɔ.» Neriya pɩyalʋ Baaruuki kpaɣ takayaɣ kikpiyaɣ e-nesi tɛɛ nɛ ewolo pɔ-cɔlɔ. 15 Peheyi-i se: «Ðitendi-ŋ, caɣ nɛ ŋkalɩ-ɖʋ kɛ nɛ nɔɔ kɩkʋyaɣ.» Peeɖe Baaruuki kalɩ-wɛ kɛ.
16 Nɛ patɩɩnɩ tɔm ndʋ tɩ-tɩŋa lɛ, sɔɔndʋ kpa-wɛ siŋŋ nɛ pɔcɔnɩ ɖama, nɛ peheyi Baaruuki se: «Pɩwɛɛ kpem se ɖiheyi wiyaʋ tɔm tʋnɛ tɩ-tɩŋa.» 17 Nɛ pɔpɔzɩ Baaruuki se: «Ðitendi-ŋ, heyi-ɖʋ ɛzɩma ŋma tɔm ndʋ tɩ-tɩŋa yɔ. Yereemii yɔɔdɩna nɛ ŋma?» 18 Baaruuki cosi-wɛ se: «Ɛnʋ yɔɔdɩnɩ tɔm tʋnɛ tɩ-tɩŋa se mama-tʋ, nɛ mama-tʋ takayaɣ kikpiyaɣ* kanɛ ka-taa nɛ tɔlɩm.» 19 Nɛ awumbiya heyi Baaruuki se: «Ña nɛ Yereemii iwolo nɛ ɩmɛlɩ, nɛ itaayele nɛ nɔɔyʋ tɩlɩ ɖenɖe ɩwɛɛ yɔ.»+
20 Nɛ pɛɖɛɛ powolo wiyaʋ tɛ, kadaɣ taa, nɛ pasɩɩ takayaɣ kikpiyaɣ takayaɣ taa mayʋ Eliisama kuduyuu tɛɛ, nɛ peheyi wiyaʋ tɔm ndʋ payɩ paanɩwa yɔ.
21 Nɛ wiyaʋ tiyi Yehudi+ se ewolo nɛ ɛkɔnɩ takayaɣ kikpiyaɣ ŋga, nɛ ɛlɛ kpaɣ-kɛ takayaɣ taa mayʋ Eliisama kuduyuu tɛɛ nɛ ɛkɔna. Yehudi paɣzɩ-kɛ kalʋʋ wiyaʋ nɛ awumbiya mba payɩ pasɩŋ wiyaʋ cɔlɔ yɔ pɛ-ɛsɩndaa. 22 Wiyaʋ kaacaɣ nikaɣ alɩwaatʋ ɖɩɣa taa, fenaɣ 9 ñɩŋga taa,* miŋ nɩɩyɩ kaawɛɛ nɛ ɩmʋʋ mɩzaɣ ŋga ka-taa ehoyuu miŋ yɔ ka-taa ɛ-ɛsɩndaa. 23 Yehudi tɩɩtɛŋ kalʋʋ canzɩ tindima 3 yaa 4 lɛ, wiyaʋ sɛtaɣ hɔɔlʋʋ ŋgʋ nɛ takayaɣ taa mayʋ sɩɣa nɛ ɛpɛɖɩɣ-kʋ miŋ weyi ɩwɛɛ nɛ ɩmʋʋ mɩzaɣ ŋga ka-taa yɔ ɩ-taa, nɛ ɛwɛɛ nɛ ɛlakɩ mbʋ nɛ takayaɣ kikpiyaɣ tɩŋa kɔɔ nɛ kɛtɛ miŋ weyi ɩwɛ mɩzaɣ ŋga ka-taa yɔ ɩ-taa. 24 Nɛ sɔɔndʋ tɩkpa-wɛ paa ññɩɩ; wiyaʋ nɛ ɛ-lɩmɖʋyaa mba payɩ panɩ tɔm ndʋ tɩ-tɩŋa yɔ, pa-taa nɔɔyʋ tɩcɩyɩ e-tokonaa. 25 Paa Ɛlɩnataanɩ,+ Delayiya,+ nɛ Gemariya+ paatendi wiyaʋ se ɛtaañaɣzɩ takayaɣ kikpiyaɣ ŋga miŋ yɔ, etiwelisini-wɛ. 26 Pɩtasɩ lɛ, wiyaʋ ɖʋ paɣtʋ wiyaʋ pɩyalʋ* Yerameyɛɛlɩ, Azɩriyɛɛlɩ pɩyalʋ Seraya, nɛ Abɩdeyɛɛlɩ pɩyalʋ Selemiya se pakpa takayaɣ taa mayʋ Baaruuki nɛ nayʋ Yereemii, ɛlɛ Yehowa mɛsɩ-wɛ.+
27 Nɛ Yehowa tɔm tasɩ talʋʋ Yereemii alɩwaatʋ ndʋ wiyaʋ tɛm ñaɣzʋʋ takayaɣ kikpiyaɣ ŋga ka-taa kaawɛ tɔm ndʋ Yereemii yɔɔdaa nɛ Baaruuki ma yɔ,+ se: 28 «Kpaɣ takayaɣ kikpiyaɣ lɛɛka nɛ ŋma kɔ-yɔɔ tɔm kʋɖʋmtʋ ndʋ payɩ tɩɩwɛ takayaɣ kikpiyaɣ kajalaɣ ñɩŋga yɔɔ yɔ, ŋga Yuuda wiyaʋ Yehoyakim ñaɣzɩ-kɛ miŋ yɔ.+ 29 Nɛ pɩwɛɛ se ŋyɔɔdɩ Yuuda wiyaʋ Yehoyakim yɔɔ tɔm tʋnɛ: “Tɔm tʋnɛ Yehowa yɔɔdʋʋ: ‘Ŋñaɣzɩ takayaɣ kikpiyaɣ kanɛ miŋ nɛ ŋyɔɔdɩ se: “Ɛbɛ yɔɔ ŋma kɔ-yɔɔ se: ‘Pɩtʋʋ fɛyɩ se Babilɔɔnɩ wiyaʋ kaɣ kɔm nɛ ɛɖɩzɩ ɛjaɖɛ ɖɩnɛ nɛ eyele nɛ ɛyaa nɛ kpɩna paatasɩɣ wɛʋ ɖɩ-taa’?”+ 30 Pʋyɔɔ lɛ, tɔm tʋnɛ Yehowa yɔɔdʋʋ Yuuda wiyaʋ Yehoyakim yɔɔ: “Ɛɛkaɣ wɛnʋʋ nɔɔyʋ se ɛcaɣ Daviid kewiyaɣ kpelaɣ yɔɔ,+ nɛ pakaɣ e-tomnaɣ lem nɛ wɩsɩ ñaɣ-kɛ wɩsɩ taa nɛ ɖɔmbɛɛ tii kɔ-yɔɔ ɖoo taa.+ 31 Mankaɣ pɔzʋʋ akɔnta ɛ nɛ ɛ-lʋlʋʋ taa mba* nɛ ɛ-lɩmɖʋyaa pa-kɩdɛkɛdɩm yɔɔ, nɛ mankaɣ kɔnʋʋ pɔ-yɔɔ nɛ Yeruzalɛm taa mba yɔɔ nɛ Yuuda mba yɔɔ asɛyʋʋ ŋgʋ maayɔɔdaa se mɔnkɔŋnɩ kɩ-tɩŋa pɔ-yɔɔ,+ ɛlɛ patiwelisi yɔ.”’”»+
32 Nɛ Yereemii kpaɣ takayaɣ kikpiyaɣ lɛɛka nɛ ɛcɛlɩ takayaɣ taa mayʋ Neriya pɩyalʋ Baaruuki,+ nɛ Yereemii yɔɔdaɣ lɛ, ɛlɛ maɣ kɔ-yɔɔ tɔm ndʋ payɩ tɩɩwɛ takayaɣ kikpiyaɣ* ŋga Yuuda wiyaʋ Yehoyakim kaañaɣzɩ miŋ yɔ kɔ-yɔɔ yɔ.+ Nɛ pɔsɔzɩ tɔm lɛɛtʋ sakɩyɛ ɛzɩ kajalaɣ ñɩndʋ yɔ.
37 Nɛ Wiyaʋ Zedekiya,+ Yoziyaasɩ pɩyalʋ, paɣzɩ kewiyitu tɔɔʋ Yehoyakim pɩyalʋ Koniya*+ lone taa, mbʋ pʋyɔɔ yɔ Babilɔɔnɩ wiyaʋ Nabukodonozɔɔrɩ* kaasɩ-ɩ wiyaʋ Yuuda ɛjaɖɛ taa.+ 2 Ɛlɛ ɛ nɛ ɛ-lɩmɖʋyaa nɛ ɛjaɖɛ taa mba patiwelisi tɔm ndʋ Yehowa kaatɩŋnɩ nayʋ Yereemii yɔɔ nɛ ɛyɔɔdɩ yɔ.
3 Nɛ Wiyaʋ Zedekiya tiyi Selemiya pɩyalʋ Yehukaalɩ+ nɛ cɔjɔ Maaseyiya pɩyalʋ Sofonii+ nayʋ Yereemii cɔlɔ se peheyi-i se: «Ðitendi-ŋ, tɩmnɩ ɖɛ-Ɛsɔ Yehowa ɖɔ-yɔɔ.» 4 Yereemii sʋwaɣ nɛ ɛlɩɣ yem faaa samaɣ taa, mbʋ pʋyɔɔ yɔ pataatɩɩɖʋtɩ-ɩ salaka.+ 5 Alɩwaatʋ ndʋ lɛ, Farawɔɔ sɔɔjanaa kaakʋyɩ Ejipiti nɛ pɔkɔŋ,+ nɛ Kalɩdee ñɩma mba paawɛɛ nɛ pɛñɛyɩɣ Yeruzalɛm yɔ panɩɩ tɔm ndʋ. Peeɖe peyebi Yeruzalɛm nɛ pɛɖɛɛ.+ 6 Nɛ Yehowa tɔm talɩ nayʋ Yereemii se: 7 «Tɔm tʋnɛ Izrayɛɛlɩ tɛ Ɛsɔ Yehowa yɔɔdʋʋ: “Tɔm tʋnɛ pɩwɛɛ se iheyi Yuuda wiyaʋ weyi etiyi-mɩ mɔn-cɔlɔ se ɩpɔzɩ nɛ ɩtɩlɩ ma-lɩmaɣza yɔ: ‘Na! Farawɔɔ sɔɔjanaa mba peɖiɣni kɔm se pasɩnɩ-mɩ yɔ, pakaɣ pɩsʋʋ pɛ-ɛjaɖɛ taa, Ejipiti.+ 8 Nɛ Kalɩdee mba kaɣ pɩsʋʋ nɛ poyooni tɛtʋ tʋnɛ nɛ pamʋ-tʋ nɛ pañaɣzɩ-tʋ miŋ.’+ 9 Tɔm tʋnɛ Yehowa yɔɔdʋʋ: ‘Itaapeɣzi mɩ-tɩ* nɛ ɩtɔŋ se: “Pɩtʋʋ fɛyɩ se Kalɩdee mba kaɣ-ɖʋ yebu nɛ pɛɖɛɛ,” mbʋ pʋyɔɔ yɔ paakaɣ ɖɛʋ. 10 Paa ɩɩkʋ Kalɩdee mba sɔɔjanaa mba pɛwɛɛ nɛ poyouni-mɩ yɔ pe-kpeekpe nɛ pɩkazɩ pɛ-ɛyaa mba pamʋ heŋ yɔ pe-ɖeke yɔ, pakaɣ kʋyɩnʋʋ pe-kizinzikiŋ tɛɛ mbʋ nɛ pañaɣzɩ tɛtʋ tʋnɛ miŋ.’”»+
11 Farawɔɔ sɔɔjanaa yɔɔ lɛ, Kalɩdee mba sɔɔjanaa yebi Yeruzalɛm nɛ pɛɖɛɛ lɛ,+ 12 Yereemii lɩɩ Yeruzalɛm se ewolo Bɛnjamɛɛ ɛjaɖɛ taa+ nɛ ɛmʋ e-ɖeɖe ɛ-samaɣ taa. 13 Ɛlɛ ɛtalɩ Bɛnjamɛɛ Nɔnɔɔ taa lɛ, ɖaŋɩyaa ñʋʋdʋ, weyi payaɣ se Iriya, Selemiya pɩyalʋ Anaanɩya pɩyalʋ yɔ, ɛkpa nayʋ Yereemii nɛ ɛyɔɔdɩ se: «Ŋwɛɛ nɛ ŋseɣ se ŋɖɛɛ Kalɩdee mba cɔlɔ!» 14 Ɛlɛ Yereemii yɔɔdɩ se: «Pɩtɩkɛ toovenim! Maaseɣ se mɛnɖɛɛ Kalɩdee mba cɔlɔ.» Ɛlɛ etiwelisini-i. Nɛ Iriya kpa Yereemii nɛ ewoni-i awumbiya cɔlɔ. 15 Awumbiya taa wɩɩnɩ Yereemii siŋŋ,+ nɛ pamabɩ-ɩ nɛ paɖʋ-ɩ salaka*+ takayaɣ taa mayʋ Yehonataanɩ ɖɩɣa ŋga paapɩsɩ-kɛ salaka yɔ ka-taa. 16 Paɖʋ Yereemii tɛtɛɛ salaka* taa, salaka kuduyuŋ cikpeŋ tɛɛ, nɛ ɛcaɣ peeɖe kɩyakɩŋ sakɩyɛ.
17 Pʋwayɩ lɛ, Wiyaʋ Zedekiya tiyi nɛ payaa-ɩ, nɛ wiyaʋ pɔzɩ-ɩ tɔm ɛ-ɖɩɣa* taa mɛsaɣ tɛɛ.+ Ɛpɔzɩ-ɩ se: «Yehowa yɔɔdɩ tɔm natʋyʋ yaa we?» Yereemii cosi se: «Ɛɛɛ, ɛyɔɔdɩ tɔm natʋyʋ!» nɛ ewolo pɩ-yɔɔ se: «Pakaɣ-ŋ ɖʋzʋʋ Babilɔɔnɩ wiyaʋ nesi tɛɛ!»+
18 Yereemii tasɩ heyuu Wiyaʋ Zedekiya se: «Kɩwɛɛkɩm mbʋ malabɩ ña nɛ ña-lɩmɖʋyaa nɛ samaɣ kanɛ, nɛ piyele nɛ ɩɖʋ-m salaka? 19 Lɛɛlɛɛyɔ lɛ, le mɩ-nayaa mba peheyi-mɩ natʋ tɔm se: “Babilɔɔnɩ wiyaʋ ɛɛkaɣ kɔm mɩ-wayɩ nɛ ɛjaɖɛ ɖɩnɛ ɖɩ-wayɩ” yɔ pɛwɛɛ?+ 20 Lɛɛlɛɛyɔ lɛ, mentendi-ŋ welisi, Oo man-kɩbaɣlʋ wiyaʋ. Mentendi-ŋ, welisi tenduu mbʋ mentendiɣ-ŋ se ŋna man-pʋtɔdɩyɛ yɔ. Taapɩsɩnɩ-m takayaɣ taa mayʋ Yehonataanɩ ɖɩɣa taa,+ pɩtɩkɛ mbʋ yɔ mankaɣ sɩbʋ peeɖe.»+ 21 Peeɖe Wiyaʋ Zedekiya ɖʋ paɣtʋ se paɖʋ Yereemii salaka taa Feŋiyaa Kadaɣ+ taa, nɛ pahaɣaɣ-ɩ kpɔnɔ kulukulu ñɩŋgʋ paa evemiye nɖɩ, nɛ pɩkɔɔ pɩsɩɩnɩ alɩwaatʋ ndʋ tɛtʋ taa kpɔnɔnaa tɩŋa tɛma yɔ;+ palɩɣaɣnɩ-kʋ nɛ kpɔnɔ laɖaa habɩyɛ yɔɔ.+ Nɛ Yereemii wɛɛ Feŋiyaa Kadaɣ taa.
38 Nɛ Maataanɩ pɩyalʋ Sefatiya, Pasuuri pɩyalʋ Gedaliya, Selemiya pɩyalʋ Yukaalɩ+ nɛ Malɩkiiya pɩyalʋ Pasuuri+ panɩɩ tɔm ndʋ Yereemii kaawɛɛ nɛ eheyiɣ samaɣ kpeekpe yɔ; eheyaɣ-kɛ se: 2 «Tɔm tʋnɛ Yehowa yɔɔdʋʋ: “Weyi pɩkazɩɣ tɛtʋ tʋnɛ tɩ-taa yɔ laɣɖɛ, ñɔɔsɩ nɛ kɩzɩkʋ* kaɣ-ɩ kʋʋ.+ Ɛlɛ weyi ɛcɛlɩɣ ɛ-tɩ Kalɩdee mba yɔ,* ɛkaɣ wɛʋ wezuu nɛ e-wezuu* kaɣ-ɩ kɛʋ kɩhɛyʋʋ* nɛ ɛwɛɛ wezuu.”+ 3 Tɔm tʋnɛ Yehowa yɔɔdʋʋ: “Pɩtʋʋ fɛyɩ se pakaɣ ɖʋzʋʋ tɛtʋ tʋnɛ Babilɔɔnɩ wiyaʋ sɔɔjanaa nesi tɛɛ, nɛ ɛkaɣ-tʋ mʋʋ.”»+
4 Awumbiya heyi wiyaʋ se: «Ðitendi-ŋ, yele nɛ pakʋ abalʋ ɛnɛ,+ mbʋ pʋyɔɔ yɔ tɔm ndʋ ɛwɛɛ nɛ ɛyɔɔdʋʋ yɔ tɩwɛɛ nɛ tɩhaɣ ɛjandʋ sɔɔjanaa mba pɩkazɩ tɛtʋ tʋnɛ tɩ-taa yɔ,* pɩkpɛndɩnɩ samaɣ kpeekpe. Mbʋ pʋyɔɔ yɔ abalʋ ɛnɛ ɛɛñɩnɩɣ samaɣ kanɛ ka-laŋhɛzɩyɛ, ɛlɛ asɛyʋʋ ɛñɩnɩɣ se kɩkɔɔ kɔ-yɔɔ.» 5 Wiyaʋ Zedekiya cosi se: «Ɩna! Ɛwɛ mi-nesi taa, mbʋ pʋyɔɔ yɔ wiyaʋ ɛɛpɩzɩɣ nɛ ekizini-mɩ natʋyʋ.»
6 Peeɖe pakpaɣ Yereemii nɛ pɛpɛɖɩ-ɩ wiyaʋ pɩyalʋ Malɩkiiya lɔkɔ* taa, ŋgʋ kɩɩwɛ Feŋiyaa Kadaɣ+ taa yɔ kɩ-taa. Nimee petisini Yereemii kɩ-taa. Nɛ lɩm taawɛɛ lɔkɔ ŋgʋ kɩ-taa, ɛlɛ ahɔya ɖeke, nɛ ahɔya paɣzɩ libu Yereemii.
7 Etiyoopii tʋ Ebɛɛdɩ-Melɛɛkɩ,+ weyi ɛkɛ eliŋgiye* wiyaʋ ɖɩɣa taa yɔ, ɛnɩɩ se pɛpɛɖɩ Yereemii lɔkɔ taa. Wiyaʋ kaacaɣ Bɛnjamɛɛ Nɔnɔɔ+ taa, 8 nɛ Ebɛɛdɩ-Melɛɛkɩ lɩɩ wiyaʋ ɖɩɣa taa nɛ ewolo ɛyɔɔdɩnɩ wiyaʋ se: 9 «Oo man-kɩbaɣlʋ wiyaʋ, mbʋ ɛyaa panɛ palabɩ nayʋ Yereemii yɔ pɩfɛyɩ ɖeu! Pɛpɛɖɩ-ɩ lɔkɔ taa, nɛ ñɔɔsɩ yɔɔ lɛ ɛkaɣ sɩbʋ peeɖe, mbʋ pʋyɔɔ yɔ pɩtɩkazɩ tɔɔnaɣ* nakɛyɛ tɛtʋ taa.»+
10 Nɛ wiyaʋ ɖʋ paɣtʋ Etiyoopii tʋ Ebɛɛdɩ-Melɛɛkɩ se: «Kpaɣ ɛyaa 30 cɩnɛ, nɛ ŋhɔ nayʋ Yereemii lɔkɔ taa nɛ ŋlɩzɩ nɛ ɛtaasɩ.» 11 Peeɖe Ebɛɛdɩ-Melɛɛkɩ kpaɣ ɛyaa nɛ ɛɖɛɛ nɛ ewolo wiyaʋ ɖɩɣa taa nɛ ɛsʋʋ kuduyuu ŋgʋ kɩwɛ ñɩm ɖɩzɩyɛ tɛɛ yɔ kɩ-taa,+ nɛ pakpaɣ peeɖe pɩsaacemla naayɛ nɛ tokonaa cɛkɩŋ nɛ patɩŋnɩ nimee yɔɔ nɛ petisi-i Yereemii cɔlɔ lɔkɔ taa. 12 Nɛ Etiyoopii tʋ Ebɛɛdɩ-Melɛɛkɩ heyi Yereemii se: «Mentendi-ŋ, ɖʋ pɩsaacemla nɛ tokonaa cɛkɩŋ ña-hamɩŋ tɛɛ nɛ nimee ɩtaaɖʋ-ŋ heŋ.»* Nɛ Yereemii la mbʋ, 13 nɛ patɩŋnɩ nimee yɔɔ nɛ pɔhɔ Yereemii nɛ palɩzɩ-ɩ lɔkɔ taa. Nɛ Yereemii wɛɛ Feŋiyaa Kadaɣ taa.+
14 Wiyaʋ Zedekiya tiyi se payaa nayʋ Yereemii nɛ ɛkɔɔ ɛ-cɔlɔ nɔnɔɔ 3 ñɩŋga taa, ŋga kɛwɛ Yehowa ɖɩɣa taa yɔ, nɛ wiyaʋ heyi Yereemii se: «Mɛwɛnɩ tɔm natʋyʋ se mɔnpɔzʋʋ-ŋ. Taamɛsɩ-m natʋyʋ.» 15 Nɛ Yereemii heyi Zedekiya se: «Ye meheyi-ŋ yɔ, pɩtʋʋ fɛyɩ se ŋkaɣ-m kʋʋ. Nɛ ye mantasɩ-ŋ lɔŋ yɔ, ŋŋkaɣ-m welisinuu.» 16 Peeɖe wiyaʋ Zedekiya ɖuuni Yereemii mɛsaɣ tɛɛ se: «Yehowa ñɩtʋʋ nɛ ɛwɛɛ wezuu yɔ, ɛnʋ weyi ɛha-ɖʋ wezuu kʋnɛ yɔ,* maakaɣ-ŋ kʋʋ, nɛ maakaɣ-ŋ ɖʋzʋʋ ɛyaa panɛ pe-nesi tɛɛ, mba pɛwɛɛ nɛ pañɩnɩɣ se palɩzɩ ñe-wezuu yɔ.»*
17 Nɛ Yereemii heyi Zedekiya se: «Tɔm tʋnɛ Yehowa, yoyaa tɛ Ɛsɔ, Izrayɛɛlɩ tɛ Ɛsɔ yɔɔdʋʋ: “Ye ŋcɛlɩ ña-tɩ Babilɔɔnɩ wiyaʋ awumbiya yɔ,* pɩkaɣ yabʋ ñe-wezuu ñʋʋ,* nɛ paakaɣ tɛtʋ tʋnɛ ñaɣzʋʋ miŋ, nɛ pɩkaɣ yabʋ ña nɛ ña-ɖɩɣa taa mba mɩ-ñʋʋ.+ 18 Ɛlɛ ye ŋtɩcɛlɩ ña-tɩ Babilɔɔnɩ wiyaʋ awumbiya yɔ,* pakaɣ ɖʋzʋʋ tɛtʋ tʋnɛ Kalɩdee mba nesi tɛɛ, nɛ pakaɣ-tʋ ñaɣzʋʋ miŋ,+ nɛ ŋŋkaɣ lɩʋ pe-nesi tɛɛ.”»+
19 Nɛ Wiyaʋ Zedekiya heyi Yereemii se: «Sɔɔndʋ kpaɣ-m nɛ Yuuda ñɩma mba pesewa nɛ powolo Kalɩdee mba cɔlɔ yɔ, mbʋ pʋyɔɔ yɔ ye paɖʋzɩ-m pe-nesi tɛɛ yɔ, papɩzɩɣ nɛ pawɩlɩ-m ñaŋ.» 20 Ɛlɛ Yereemii yɔɔdɩ se: «Paakaɣ-ŋ ɖʋzʋʋ pe-nesi tɛɛ. Mentendi-ŋ, ña Yehowa nɔɔ taa tɔm nɛ ŋɖɔ tɔm ndʋ mɛwɛɛ nɛ meheyiɣ-ŋ yɔ tɩ-yɔɔ, nɛ pɩkaɣ-ŋ ɖɔmnʋʋ camɩyɛ, nɛ ŋkaɣ* wobu pɩ-yɔɔ nɛ ŋwɛɛ wezuu. 21 Ɛlɛ ye ŋkizaa se ŋŋcɛlɩɣ-wɛ ña-tɩ yɔ,* tɔm tʋnɛ Yehowa lɩzaa nɛ ɛwɩlɩ-m: 22 Na! Halaa mba payɩ pɩkazɩ Yuuda wiyaʋ ɖɩɣa taa yɔ, pɛwɛɛ nɛ powokini-wɛ Babilɔɔnɩ wiyaʋ awumbiya cɔlɔ,+ nɛ pɛwɛɛ nɛ pɔyɔɔdʋʋ se:
“Ɛyaa mba ŋta-wɛ liu yɔ,* pepeɣzi-ŋ nɛ pawabɩ-ŋ.+
Peyeba nɛ ña-nɩŋgbaŋaɣ tii ahɔya taa.
Lɛɛlɛɛyɔ lɛ, pɛɖɛwa nɛ peyebi-ŋ.”
23 Nɛ peɖiɣni ña-halaa nɛ ña-pɩyalaa kpeekpe wonuu Kalɩdee mba cɔlɔ, nɛ ŋŋkaɣ lɩʋ pe-nesi tɛɛ; ɛlɛ Babilɔɔnɩ wiyaʋ kaɣ-ŋ kpaʋ,+ nɛ ñɔ-yɔɔ lɛ, pakaɣ tɛtʋ tʋnɛ ñaɣzʋʋ miŋ.»+
24 Nɛ Zedekiya heyi Yereemii se: «Taayele nɛ nɔɔyʋ nɩɩ tɔm tʋnɛ, nɛ ŋtaasɩ. 25 Nɛ ye awumbiya ɩnɩwa se mɔyɔɔdɩnɩ-ŋ nɛ pɔkɔɔ nɛ peheyi-ŋ se: “Ðitendi-ŋ, heyi-ɖʋ tɔm ndʋ ŋheyi wiyaʋ yɔ. Taamɛsɩ-ɖʋ natʋyʋ, nɛ ɖɩɩkaɣ-ŋ kʋʋ.+ Suwe wiyaʋ heyi-ŋ?” yɔ, 26 pɩwɛɛ se ŋcosi-wɛ se: “Maawɛɛ nɛ mɔnpɔzʋʋ wiyaʋ se ɛtaapɩsɩnɩ-m Yehonataanɩ ɖɩɣa taa nɛ mansɩ peeɖe.”»+
27 Pʋwayɩ lɛ, awumbiya kpeekpe sʋʋ Yereemii cɔlɔ nɛ pɔpɔzɩ-ɩ tɔm. Eheyi-wɛ tɔm ndʋ payɩ wiyaʋ kaaɖʋ-ɩ paɣtʋ se ɛyɔɔdɩ yɔ. Nɛ patɩtasɩ-ɩ natʋyʋ pɔzʋʋ, mbʋ pʋyɔɔ yɔ pa-taa nɔɔyʋ taanɩɩ tɔm ndʋ ɛ nɛ wiyaʋ pɔyɔɔdaa yɔ. 28 Nɛ Yereemii wɛɛ Feŋiyaa Kadaɣ taa nɛ pɩkɔɔ pɩtalɩ kɩyakʋ ŋgʋ pamʋ Yeruzalɛm yɔ;+ alɩwaatʋ ndʋ pamʋ Yeruzalɛm yɔ, ɛɛwɛ peeɖe mbʋ.+
39 Yuuda wiyaʋ Zedekiya pɩnaɣ 9 ñɩŋga taa, fenaɣ 10 ñɩŋga taa, Babilɔɔnɩ wiyaʋ Nabukodonozɔɔrɩ* nɛ ɛ-sɔɔjanaa kpeekpe powobi Yeruzalɛm, nɛ pɛñɛyɩ-kʋ.+
2 Zedekiya pɩnaɣ 11 ñɩŋga taa, fenaɣ 4 ñɩŋga taa, fenaɣ ŋga ka-kɩyakʋ 9 ñɩŋgʋ wiye, patʋlɩ tɛtʋ koloŋa pɔʋ.+ 3 Nɛ Babilɔɔnɩ wiyaʋ awumbiya kpeekpe sʋʋ nɛ pacaɣ Hɛkʋ taa Nɔnɔɔ taa;+ mba yɔ: Nɛrɩgaalɩ-Sarezɛɛrɩ weyi ɛkɛ Samɩgar yɔ, Nebo-Sarɩsekim weyi ɛkɛ Rabɩsariisi yɔ,* Nɛrɩgaalɩ-Sarezɛɛrɩ weyi ɛkɛ Rabɩmaagɩ* yɔ, nɛ Babilɔɔnɩ wiyaʋ awumbiya mba pɩkazaa yɔ pa-tɩŋa.
4 Yuuda wiyaʋ Zedekiya nɛ sɔɔjanaa tɩŋa na-wɛ lɛ pese,+ patɩŋnɩ wiyaʋ kaɖaɣ taa nɛ palɩɩ tɛtʋ taa nɛ ɖoo, patɩŋnɩ nɔnɔɔ ŋga kɛwɛ kolonzi 2 hɛkʋ taa yɔ, nɛ pakpaɣ Araba nʋmɔʋ nɛ pɛɖɛɛ.+ 5 Ɛlɛ Kalɩdee mba sɔɔjanaa ɖʋ pa-wayɩ, nɛ pehiɣ Zedekiya Yeriikoo kañɩmbusuu kɛdɛɛnzɩ taa.+ Pakpa-ɩ nɛ pakpanɩ-ɩ Babilɔɔnɩ wiyaʋ Nabukodonozɔɔrɩ* cɔlɔ Ribla,+ Hamatɩ+ ɛjaɖɛ taa nɛ ɛhʋʋnɩ-ɩ tɔm peeɖe. 6 Babilɔɔnɩ wiyaʋ yele nɛ pakʋ Zedekiya pɩyalaa ɛlɛ ɛsɩndaa Ribla peeɖe, nɛ Babilɔɔnɩ wiyaʋ yele nɛ pakʋ ɖɔɖɔ Yuuda ñɩma mba payɩ pa-hɩla sɛwa yɔ.+ 7 Pʋwayɩ lɛ, ɛyʋlʋsɩ Zedekiya ɛsa, pʋbʋ wayɩ lɛ ɛhɔkɩ-ɩ ñɩɣyʋʋ kɩsɛɛmʋʋ kpasɩ se ewoni-i Babilɔɔnɩ.+
8 Nɛ Kalɩdee mba ñaɣzɩ wiyaʋ ɖɩɣa nɛ ɛyaa lalaa ɖɩsɩ miŋ+ nɛ pɔyɔkɩ Yeruzalɛm kolonzi.+ 9 Wiyaʋ yɔɔ kandɩyaa ñʋʋdʋ Nebuzaradaanɩ+ kpaɣ ɛyaa mba pɩɩkazɩ tɛtʋ taa yɔ, mba pesewa nɛ powolo ɛ-cɔlɔ yɔ, nɛ mba payɩ pɩɩkazaa yɔ nɛ ɛkɛzɩ-wɛ tɛtʋ Babilɔɔnɩ.
10 Ɛlɛ wiyaʋ yɔɔ kandɩyaa ñʋʋdʋ Nebuzaradaanɩ kazɩ ɛyaa mba kʋñɔndʋtʋ kɩlɩnaa yɔ pa-taa nabɛyɛ Yuuda ɛjaɖɛ taa, mba pɛfɛyɩnɩ nabʋyʋ paa ññɩɩ yɔ. Kɩyakʋ ŋgʋ ki-wiye, ɛcɛlɩ-wɛ viiñi* nɛ hayɩm se pahayɩ-pʋ.*+
11 Nɛ Babilɔɔnɩ wiyaʋ Nabukodonozɔɔrɩ* ɖʋ paɣtʋ tʋnɛ wiyaʋ yɔɔ kandɩyaa ñʋʋdʋ Nebuzaradaanɩ pɩlɩɩnɩ Yereemii yɔɔ se: 12 «Kpaɣ-ɩ nɛ ŋcɔnɩ ɛ-yɔɔ; taalabɩ-ɩ kɩdɛkɛdɩm nabʋyʋ, ha-ɩ mbʋ payɩ ɛpɔzʋʋ-ŋ yɔ.»+
13 Nɛ wiyaʋ yɔɔ kandɩyaa ñʋʋdʋ Nebuzaradaanɩ, Nebusazɩbaanɩ weyi ɛkɛ Rabɩsariisi* yɔ, Nɛrɩgaalɩ-Sarezɛɛrɩ weyi ɛkɛ Rabɩmaagɩ* yɔ, nɛ Babilɔɔnɩ wiyaʋ tɛ ɛyaa sɔsaa tɩŋa tiyi ɛyaa 14 nɛ pakpaɣ Yereemii Feŋiyaa Kadaɣ taa+ nɛ paɖʋzɩ-ɩ Safaanɩ+ pɩyalʋ Ahikam+ pɩyalʋ Gedaliya+ nesi tɛɛ se ɛlɛ ewoni-i ɛ-ɖɩɣa taa. Mbʋ Yereemii wɛ ɛyaa samaɣ taa.
15 Alɩwaatʋ ndʋ paakpa Yereemii nɛ pasɩɩ-ɩ Feŋiyaa Kadaɣ+ taa nɛ paɖaŋ ɛ-yɔɔ se ɛtaaɖɛɛ ɖoli yɔ, Yehowa tɔm kaatalɩ-ɩ se: 16 «Wolo nɛ ŋheyi Etiyoopii tʋ Ebɛɛdɩ-Melɛɛkɩ+ se: “Tɔm tʋnɛ yoyaa tɛ Yehowa, Izrayɛɛlɩ tɛ Ɛsɔ yɔɔdʋʋ: ‘Na! Menɖiɣni yebu se tɔm ndʋ maayɔɔdaa se mɔnkɔŋnɩ tɛtʋ tʋnɛ tɩ-yɔɔ asɛyʋʋ nɛ maakɔŋnɩ kɩbandʋ yɔ tɩla, nɛ kɩyakʋ ŋgʋ ki-wiye lɛ ŋkaɣ naʋ ɛzɩma tɩlakɩ yɔ.’”
17 «“Ɛlɛ mankaɣ ña-ñʋʋ yabʋ kɩyakʋ ŋgʋ ki-wiye, nɛ paakaɣ-ŋ ɖʋzʋʋ ɛyaa mba ŋseɣ sɔɔndʋ yɔ pe-nesi tɛɛ,” Yehowa yɔɔdʋʋna.
18 «“Mbʋ pʋyɔɔ yɔ pɩtʋʋ fɛyɩ se mankaɣ yebu nɛ ŋhiɣ ñʋʋ yabʋ, nɛ paakaɣ-ŋ kʋʋ nɛ laɣɖɛ. Ñe-wezuu* kaɣ-ŋ kɛʋ kɩhɛyʋʋ,*+ mbʋ pʋyɔɔ yɔ ŋta-m liu,”+ Yehowa yɔɔdʋʋna.»
40 Tɔm lɩnɩ Yehowa cɔlɔ nɛ tɩtalɩ Yereemii, alɩwaatʋ ndʋ wiyaʋ yɔɔ kandɩyaa ñʋʋdʋ Nebuzaradaanɩ+ tɛm Yereemii yebu Ramaa+ nɛ ɛlɛ ɖɛɛ yɔ. Ɛɛɖʋ e-nesi kpasɩ nɛ ewoni-i peeɖe, nɛ ɛɛwɛ Yeruzalɛm mba nɛ Yuuda ñɩma mba payɩ pɛɖɛɣaɣnɩ-wɛ yomiye taa Babilɔɔnɩ yɔ pa-taa. 2 Nɛ wiyaʋ yɔɔ kandɩyaa ñʋʋdʋ kpaɣ Yereemii nɛ eheyi-i se: «Ñɛ-Ɛsɔ Yehowa kaayɔɔdɩ asɛyʋʋ kʋnɛ kɩ-tɔm se kɩkaɣ kɔm lone ɖɩnɛ ɖɩ-yɔɔ, 3 nɛ Yehowa yele nɛ kɩkɔɔ ɛzɩ ɛɛyɔɔdʋʋ yɔ, mbʋ pʋyɔɔ yɔ ɩyʋsɩnɩ Yehowa nɛ ɩtɩña ɛ-nɔɔ taa tɔm. Pʋyɔɔ pɩtalɩ-mɩ mbʋ.+ 4 Lɛɛlɛɛyɔ lɛ mɛwɛɛ nɛ malɩzɩɣ kpasɩ nzɩ paaɖʋ ñe-nesi yɔ sɔnɔ. Ye pɩkɛdɩnɩ-ŋ se ma nɛ ŋ ɖiwolo Babilɔɔnɩ yɔ, kɔɔ nɛ ɖiwolo, nɛ mankaɣ cɔnʋʋ ñɔ-yɔɔ. Ɛlɛ ye ŋtɩsɔɔlɩ se ma nɛ ŋ ɖiwolo Babilɔɔnɩ yɔ, taawolo. Na! Ɛjaɖɛ kpeekpe wɛ ñɛ-ɛsɩndaa. Wolo ɖenɖe ŋsɔɔlaa yɔ.»+
5 Yereemii tɩtɩɩhatɩ siɣye se ɛɖɛɛ lɛ, Nebuzaradaanɩ yɔɔdɩ se: «Pɩsɩ Safaanɩ+ pɩyalʋ Ahikam+ pɩyalʋ Gedaliya+ cɔlɔ, weyi Babilɔɔnɩ wiyaʋ sɩ-ɩ wiyaʋ Yuuda tɛtʋ ndɩ ndɩ yɔɔ yɔ, nɛ ŋcaɣ ɛ-cɔlɔ samaɣ hɛkʋ taa; yaa ŋwolo ɖenɖe ŋsɔɔlaa yɔ.»
Nɛ wiyaʋ yɔɔ kandɩyaa ñʋʋdʋ cɛlɩ-ɩ tɔɔnaɣ nɛ ɛlabɩ-ɩ kʋjɔʋ nɛ eyebi-i nɛ ɛɖɛɛ. 6 Peeɖe Yereemii ɖɛwa nɛ ewolo Ahikam pɩyalʋ Gedaliya cɔlɔ Mizpaa+ nɛ ɛcaɣ ɛ-cɔlɔ samaɣ ŋga pɩɩkazɩ ɛjaɖɛ taa yɔ kɛ-hɛkʋ taa.
7 Pʋwayɩ lɛ, sɔɔjanaa ñʋndɩnaa mba payɩ pa nɛ pɛ-ɛyaa paawɛ hayɩm taa yɔ panɩɩ se Babilɔɔnɩ wiyaʋ kaasɩ Ahikam pɩyalʋ Gedaliya wiyaʋ ɛjaɖɛ taa nɛ ɛɛsɩ-ɩ se ɛcɔnɩ abalaa, halaa nɛ piya yɔɔ, mba paawɛ ɛjaɖɛ taa kʋñɔndɩnaa mba patɩɖɛnɩ-wɛ Babilɔɔnɩ yɔ pa-taa yɔ.+ 8 Peeɖe pɔkɔm Gedaliya cɔlɔ Mizpaa.+ Mba yɔ: Netaniya pɩyalʋ Isimayɛɛlɩ,+ Kareya pɩyalaa Yohanaanɩ+ nɛ Yonataanɩ, Tanɩhumɛɛtɩ pɩyalʋ Seraya, Netofa tʋ Efaayɩ pɩyalaa, nɛ Maakat tʋ pɩyalʋ Yezaniya,+ pa nɛ pɛ-ɛyaa. 9 Safaanɩ pɩyalʋ Ahikam pɩyalʋ Gedaliya ɖuuni pa nɛ pɛ-ɛyaa nɛ ɛyɔɔdɩ se: «Sɔɔndʋ ɛtaakpa-mɩ se ɩɖʋʋ Kalɩdee mba lɩm. Ɩcaɣ ɛjaɖɛ taa nɛ ɩɖʋ Babilɔɔnɩ wiyaʋ lɩm, nɛ pɩkaɣ-mɩ ɖɔmnʋʋ camɩyɛ.+ 10 Piyele nɛ ma yɔ mankaɣ caɣʋ Mizpaa nɛ mɛnkɛ mi-lone taa caɣyʋ* Kalɩdee ñɩma mba pɔkɔŋ ɖɔ-cɔlɔ yɔ pɛ-ɛsɩndaa. Ɛlɛ pɩwɛɛ se ɩla vɛɛ nɛ num nɛ ikpeɣli soŋaɣ alɩwaatʋ taa tɩŋ pee nɛ ɩsɩɩ mɩ-pɛŋ taa nɛ ɩcaɣ tɛtʋ ndɩ ndɩ ndʋ ɩmʋwa yɔ tɩ-taa.»+
11 Nɛ Yuuda mba kpeekpe mba paawɛ Mowaabʋ, Amooni nɛ Edom, pɩkpɛndɩnɩ mba paawɛ ajɛɛ lɛɛna tɩŋa taa yɔ, panɩɩ ɖɔɖɔ se Babilɔɔnɩ wiyaʋ kaakazɩ nabɛyɛ nɛ pacaɣ Yuuda taa nɛ ɛɛlɩzɩ Safaanɩ pɩyalʋ Ahikam pɩyalʋ Gedaliya se ɛkɛ pe-wiyaʋ. 12 Peeɖe Yuuda ñɩma kpeekpe paɣzɩ lɩnʋʋ lona wena a-taa payɩ paamɩzɩ-wɛ yɔ nɛ papɩsɩɣ, nɛ pɔkɔɔ Yuuda ɛjaɖɛ taa, Gedaliya cɔlɔ Mizpaa. Nɛ pala vɛɛ nɛ pekpeɣli soŋaɣ alɩwaatʋ taa tɩŋ pee nɛ pɩɖɔɔ pɩdɩɩfɛyɩ.
13 Kareya pɩyalʋ Yohanaanɩ nɛ sɔɔjanaa ñʋndɩnaa mba payɩ paawɛ hayɩm taa yɔ, pɔkɔɔ Gedaliya cɔlɔ Mizpaa. 14 Peheyi-i se: «Ŋŋsɩŋ se Amooni mba+ wiyaʋ Baalisi tiyi Netaniya pɩyalʋ Isimayɛɛlɩ se ɛkʋ-ŋ yaa we?»+ Ɛlɛ Ahikam pɩyalʋ Gedaliya titisi pɔ-tɔm yɔɔ.
15 Nɛ Kareya pɩyalʋ Yohanaanɩ heyi Gedaliya mɛsaɣ tɛɛ Mizpaa taa se: «Mɔnsɔɔlaa se mowolo nɛ mankʋ Netaniya pɩyalʋ Isimayɛɛlɩ, nɛ nɔɔyʋ ɛɛkaɣ tɩlʋʋ. Ɛbɛ yɔɔ pɩwɛɛ se ɛkʋ-ŋ, nɛ ɛbɛ yɔɔ pɩwɛɛ se Yuuda samaɣ kpeekpe ŋga kekpeɣli ñɔ-cɔlɔ yɔ kamɩzɩ nɛ Yuuda ñɩma mba pɩkazaa yɔ paɖɩ?» 16 Ɛlɛ Ahikam pɩyalʋ Gedaliya+ heyi Kareya pɩyalʋ Yohanaanɩ se: «Taala mbʋ, mbʋ pʋyɔɔ yɔ tɔm ndʋ ŋwɛɛ nɛ ŋyɔɔdʋʋ Isimayɛɛlɩ yɔɔ yɔ tɩkɛ cɛtɩm.»
41 Fenaɣ 7 ñɩŋga taa, Eliisama pɩyalʋ Netaniya pɩyalʋ Isimayɛɛlɩ,+ weyi ɛɛkɛ wiyaʋ liɖe* taa tʋ nɛ wiyaʋ ɛyaa sɔsaa taa nɔɔyʋ yɔ, ɛ nɛ abalaa 10 lalaa pɔkɔɔ Ahikam pɩyalʋ Gedaliya cɔlɔ Mizpaa.+ Pɛkpɛndaa nɛ pɔtɔkɩ tɔɔnaɣ Mizpaa lɛ, 2 Netaniya pɩyalʋ Isimayɛɛlɩ nɛ ɛyaa 10 mba paawɛ ɛ-cɔlɔ yɔ, pakʋyɩ nɛ pakʋ Safaanɩ pɩyalʋ Ahikam pɩyalʋ Gedaliya nɛ laɣɖɛ. Mbʋ ɛkʋ weyi Babilɔɔnɩ wiyaʋ kaalɩzaa nɛ ɛkɛ wiyaʋ ɛjaɖɛ taa yɔ. 3 Isimayɛɛlɩ kʋ ɖɔɖɔ Yuuda ñɩma mba payɩ paawɛ Gedaliya cɔlɔ Mizpaa yɔ, pɩkpɛndɩnɩ Kalɩdee mba sɔɔjanaa mba paawɛ peeɖe yɔ.
4 Pakʋ Gedaliya nɛ pɩtalɩ kɩyakʋ 2 ñɩŋgʋ wiye, alɩwaatʋ ndʋ nɔɔyʋ tɩtɩɩnɩtɩ-tʋ lɛ, 5 ɛyaa 80 lɩɩnɩ Sekɛɛm,+ Siiloo,+ nɛ Samaarii+ nɛ pɔkɔɔ. Paahʋm pa-tandaŋ, pacɩyɩ po-tokonaa, paahɛdɩ po-tomnasɩ,+ nɛ paaɖɔkɩ tɔɔnaɣ pee kɩlaŋ nɛ tɩlaaɖɩ kʋhʋlʋmʋʋ+ pe-nesi tɛɛ se pɔkɔnɩ Yehowa ɖɩɣa taa. 6 Peeɖe Netaniya pɩyalʋ Isimayɛɛlɩ lɩnɩ Mizpaa se ɛkatɩ-wɛ, ɛɖɔŋaɣnɩ wiluu. Ɛkatɩ-wɛ lɛ, eheyi-wɛ se: «Ɩkɔɔ Ahikam pɩyalʋ Gedaliya cɔlɔ.» 7 Ɛlɛ pasʋ tɛtʋ taa lɛ, Netaniya pɩyalʋ Isimayɛɛlɩ nɛ ɛ-ɛyaa pakʋ-wɛ nɛ pɛpɛɖɩ-wɛ lɔkɔ* taa.
8 Ɛlɛ pa-taa ɛyaa 10 heyi Isimayɛɛlɩ se: «Taakʋ-ɖʋ, mbʋ pʋyɔɔ yɔ ɖɩmɛsɩ blee, orjɩ, num, nɛ tʋŋ num hayɩm taa.» Nɛ eyele pa nɛ po-koobiya nɛ ɛtɩkʋ-wɛ. 9 Nɛ Isimayɛɛlɩ pɛɖɩ ɛyaa mba ɛɛkʋwa yɔ po-tomnasɩ kpeekpe lɔkɔ sɔsɔʋ nakʋyʋ taa. Izrayɛɛlɩ wiyaʋ Baasa yɔɔ Wiyaʋ Aazaa kaahuyi-kʋ.+ Lɔkɔ ŋgʋ kɩ-taa Netaniya pɩyalʋ Isimayɛɛlɩ pɛɖɩ ɛyaa mba pakʋwa yɔ nɛ pisu.
10 Isimayɛɛlɩ kpa ɛyaa mba payɩ pɩɩkazɩ Mizpaa taa yɔ nɛ ɛpɩsɩ-wɛ yomaa,+ pɩkpɛndɩnɩ wiyaʋ pɛlaa nɛ ɛyaa mba payɩ pɩɩkazɩ Mizpaa taa yɔ, mba wiyaʋ yɔɔ kandɩyaa ñʋʋdʋ Nebuzaradaanɩ kaaɖʋzɩ-wɛ Ahikam pɩyalʋ Gedaliya+ nesi tɛɛ yɔ. Netaniya pɩyalʋ Isimayɛɛlɩ kpa-wɛ nɛ ɛpɩsɩ-wɛ yomaa nɛ ɛɖɛɛ se ɛtɛzɩ nɛ ewolo Amooni mba tɛ.+
11 Kareya pɩyalʋ Yohanaanɩ+ nɛ sɔɔjanaa ñʋndɩnaa kpeekpe mba paawɛ ɛ-cɔlɔ yɔ panɩ kɩdɛkɛdɩm mbʋ payɩ Netaniya pɩyalʋ Isimayɛɛlɩ kaalaba yɔ pɩ-tɔm lɛ, 12 pakpaɣ ɛyaa tɩŋa nɛ pɛɖɛɛ se poyooni Netaniya pɩyalʋ Isimayɛɛlɩ, nɛ palɩɩ ɛ-yɔɔ lɩm sɔsɔm* cɔlɔ Gabawɔɔ taa.
13 Ɛyaa mba payɩ paawɛ Isimayɛɛlɩ cɔlɔ yɔ pa-taa labɩ leleŋ alɩwaatʋ ndʋ pana Kareya pɩyalʋ Yohanaanɩ nɛ sɔɔjanaa ñʋndɩnaa kpeekpe mba paawɛ ɛ-cɔlɔ yɔ. 14 Peeɖe ɛyaa mba payɩ Isimayɛɛlɩ kaakpa Mizpaa+ taa nɛ ɛpɩsɩ-wɛ yomaa yɔ, paha siɣye nɛ pa nɛ Kareya pɩyalʋ Yohanaanɩ papɩsɩ. 15 Ɛlɛ Netaniya pɩyalʋ Isimayɛɛlɩ nɛ ɛ-yaa 8 pese nɛ Yohanaanɩ tɩpɩzɩ nɛ ɛkpa-wɛ, nɛ pɛɖɛɛ powolo Amooni mba tɛ.
16 Kareya pɩyalʋ Yohanaanɩ nɛ sɔɔjanaa ñʋndɩnaa kpeekpe mba paawɛ ɛ-cɔlɔ yɔ, pakpaɣ ɛyaa mba pɩɩkazɩ Mizpaa taa yɔ nɛ pɛkpɛndɩna, mba paaholi-wɛ Netaniya pɩyalʋ Isimayɛɛlɩ nesi tɛɛ alɩwaatʋ ndʋ ɛlɛ kaakʋ Ahikam pɩyalʋ Gedaliya+ yɔ. Pakpaɣ abalaa, sɔɔjanaa, halaa, piya, nɛ wiyaʋ ɖɩɣa taa kaɖɩsɩ Gabawɔɔ taa nɛ papɩsɩnɩ-wɛ. 17 Nɛ powolo nɛ pacaɣ Kimaamɩ ɖɩzʋyɛ taa Bɛtɩlɛhɛm+ cɔlɔ, mbʋ pʋyɔɔ yɔ pakpaɣ lɩmaɣzɩyɛ se powoki Ejipiti+ 18 Kalɩdee mba yɔɔ. Peseɣaɣ-wɛ sɔɔndʋ, mbʋ pʋyɔɔ yɔ Netaniya pɩyalʋ Isimayɛɛlɩ kaakʋ Ahikam pɩyalʋ Gedaliya, weyi Babilɔɔnɩ wiyaʋ kaalɩzaa nɛ ɛkɛ wiyaʋ ɛjaɖɛ taa yɔ.+
42 Pʋwayɩ lɛ, sɔɔjanaa ñʋndɩnaa kpeekpe, nɛ Kareya pɩyalʋ Yohanaanɩ,+ Osayiya pɩyalʋ Yezaniya, nɛ samaɣ kpeekpe, kpaɣnɩ weyi pɩtɔyɩnaa yɔ nɛ piwolo weyi ɛkpaɖaa yɔ, powolo 2 nɛ peheyi nayʋ Yereemii se: «Ðitendi-ŋ, welisi tenduu mbʋ ɖitendiɣ se pana ɖa-pʋtɔdɩyɛ yɔ, nɛ ŋtɩmnɩ ñɛ-Ɛsɔ Yehowa ɖɔ-yɔɔ, mba payɩ pɩkazaa yɔ pɔ-yɔɔ, mbʋ pʋyɔɔ yɔ ɛyaa sakɩyɛ taa lɛ pazɩ yem pɩkazaa,+ ɛzɩ ŋnaʋ yɔ. 3 Ñɛ-Ɛsɔ Yehowa eheyi-ɖʋ nʋmɔʋ ŋgʋ kɩ-taa pɩwɛɛ se ɖɩɖɔ yɔ nɛ mbʋ pɩwɛɛ se ɖɩla yɔ.»
4 Nayʋ Yereemii cosi-wɛ se: «Manɩ tɔm ndʋ ɩyɔɔdaa yɔ, nɛ mantɩmɩɣnɩ mɩ-Ɛsɔ Yehowa ɛzɩ ɩpɔzʋʋ yɔ; nɛ tɔm ndʋ payɩ Yehowa cosuu-mɩ yɔ, mankaɣ-mɩ tʋ heyuu. Maakaɣ-mɩ mɛsʋʋ tɔm natʋyʋ.»
5 Pocosi Yereemii se: «Yehowa ɛkɛ aseɣɖe tʋ toovenim tʋ nɛ siɣsiɣ tʋ nɛ ɛhɔ ɖa-nɩŋgbaaŋ ye ɖɩɩlakɩ ɖeyi ɖeyi ɛzɩ ñɛ-Ɛsɔ Yehowa tɩŋnʋʋ ñɔ-yɔɔ nɛ ɛɖʋ-ɖʋ paɣtʋ yɔ. 6 Paa pɩtɩɩkɛ kɩbandʋ yaa kɩdɛkɛdɩtʋ yɔ, ɖɩkaɣ ñam ɖɛ-Ɛsɔ Yehowa nɔɔ taa tɔm, weyi ɛ-cɔlɔ ɖitiyiɣ-ŋ yɔ, se pɩsa nɛ pɩɖɔmnɩ-ɖʋ camɩyɛ mbʋ pʋyɔɔ yɔ ɖɩñaŋ ɖɛ-Ɛsɔ Yehowa nɔɔ taa tɔm.»
7 Nɛ kɩyakɩŋ 10 wayɩ lɛ, Yehowa tɔm talɩ Yereemii. 8 Peeɖe ɛya Kareya pɩyalʋ Yohanaanɩ nɛ sɔɔjanaa ñʋndɩnaa kpeekpe mba paawɛ ɛlɛ cɔlɔ yɔ nɛ samaɣ kpeekpe, kpaɣnɩ weyi pɩtɔyɩnaa yɔ nɛ piwolo weyi ɛkpaɖaa yɔ.+ 9 Eheyi-wɛ se: «Tɔm tʋnɛ Izrayɛɛlɩ tɛ Ɛsɔ Yehowa yɔɔdʋʋ, weyi ɛ-cɔlɔ itiyi-m se mantanɩ ɛ-ɛsɩndaa tenduu mbʋ itendiɣ se ɛna mɩ-pʋtɔdɩyɛ yɔ: 10 “Ye toovenim taa itisaa nɛ ɩcaɣ ɛjaɖɛ ɖɩnɛ ɖɩ-taa yɔ, ɖɩnɛ ɛlɛ mankaɣ-mɩ maʋ nɛ maakaɣ-mɩ yɔkʋʋ, nɛ mankaɣ-mɩ sɔʋ nɛ maakaɣ-mɩ kpɛzʋʋ, mbʋ pʋyɔɔ yɔ mankaɣ kpiɖuu* asɛyʋʋ ŋgʋ mɔnkɔnɩ mɩ-yɔɔ yɔ kɩ-yɔɔ.+ 11 Sɔɔndʋ ɛtaakpa-mɩ Babilɔɔnɩ wiyaʋ yɔɔ, weyi iseɣ sɔɔndʋ yɔ.”+
«“Sɔɔndʋ ɛtaakpa-mɩ ɛ-yɔɔ, mbʋ pʋyɔɔ yɔ mɛwɛ mɩ-cɔlɔ, se maya mɩ-ñʋʋ nɛ moholi-mɩ e-nesi tɛɛ; Yehowa yɔɔdʋʋna. 12 Nɛ mankaɣ naʋ mɩ-pʋtɔdɩyɛ,+ nɛ ɛkaɣ naʋ mɩ-pʋtɔdɩyɛ nɛ ɛpɩsɩnɩ-mɩ mɩ-maɣmaɣ mɩ-ɛjaɖɛ taa.
13 «“Ɛlɛ ye ɩyɔɔdaa se: ‘Aayɩ, ɖɩɩkaɣ caɣʋ ɛjaɖɛ ɖɩnɛ ɖɩ-taa!’ nɛ ɩɩñaŋ mɩ-Ɛsɔ Yehowa nɔɔ taa tɔm 14 nɛ ɩyɔɔdʋʋ se: ‘Aayɩ, ɛlɛ ɖɩkaɣ wobu Ejipiti ɛjaɖɛ taa,+ ɖenɖe ɖɩɩkaɣ naʋ you yaa ɖɩɩkaɣ nɩʋ nɔndɔʋ taŋ yaa ñɔɔsɩ* ɛɛkaɣ-ɖʋ kʋʋ yɔ; peeɖe ɖɩkaɣ caɣʋ’ yɔ, 15 ɖɩnɛ ɛlɛ ɩnɩɩ Yehowa tɔm, Oo mɩ mba pɩkazɩ Yuuda taa yɔ. Tɔm tʋnɛ yoyaa tɛ Yehowa, Izrayɛɛlɩ tɛ Ɛsɔ yɔɔdʋʋ: ‘Ye ɩtɛm mɩ-taa kpem se iwoki Ejipiti nɛ iwolo peeɖe se ɩcaɣ* yɔ, 16 ɖɩnɛ ɛlɛ laɣɖɛ nɖɩ ɖeyi ɖeyi iseɣaɣ sɔɔndʋ yɔ ɖɩkaɣ-mɩ hiɣu Ejipiti ɛjaɖɛ taa peeɖe, nɛ ñɔɔsɩ nzɩ ɖeyi ɖeyi iseɣaɣ sɔɔndʋ yɔ sɩkaɣ tɩŋʋʋ mɩ-wayɩ Ejipiti, nɛ peeɖe ɩkaɣ sɩbʋ.+ 17 Nɛ ɛyaa mba payɩ pɛtɛm pa-taa se powoki Ejipiti nɛ pacaɣ peeɖe yɔ laɣɖɛ, ñɔɔsɩ nɛ kɩzɩkʋ* kaɣ-wɛ kʋʋ. Pa-taa nɔɔyʋ ɛɛkaɣ hiɣu ñʋʋ yabʋ yaa ɛɛkaɣ lɩʋ asɛyʋʋ ŋgʋ mankaɣ kɔnʋʋ pɔ-yɔɔ yɔ kɩ-taa.’”
18 «Mbʋ pʋyɔɔ yɔ tɔm tʋnɛ yoyaa tɛ Yehowa, Izrayɛɛlɩ tɛ Ɛsɔ yɔɔdʋʋ: “Ɛzɩ maapɩyʋʋ man-pana nɛ man-ɖɩwɩzɩyɛ Yeruzalɛm taa mba yɔɔ yɔ,+ mbʋ ɖɔɖɔ mankaɣ pɩyʋʋ man-ɖɩwɩzɩyɛ mɩ-yɔɔ ye iwobi Ejipiti yɔ, nɛ ɩkaɣ pɩsʋʋ mbʋ pɔlɔ pɩ-yɔɔ nɔɔ kɩdɛkɛdaɣ yɔ, sɔɔndʋ pʋyʋ, nɔɔ kɩdɛkɛdaɣ lɔʋ, nɛ fɛyɛ pʋyʋ,+ nɛ ɩɩkaɣ tasʋʋ naʋ lone ɖɩnɛ wiɖiyi.”
19 «Oo mɩ mba pɩkazɩ Yuuda taa yɔ, Yehowa heyi-mɩ se itaawolo Ejipiti. Pɩwɛɛ se ɩtɩlɩ camɩyɛ se manpaɣ-mɩ sɔnɔ 20 se mɩ-kɩdɛkɛdɩm kaɣ yebu nɛ ilesi mi-weziŋ.* Mbʋ pʋyɔɔ yɔ itiyi-m mɩ-Ɛsɔ Yehowa cɔlɔ se: “Tɩmnɩ ɖɛ-Ɛsɔ Yehowa ɖɔ-yɔɔ, nɛ ŋheyi-ɖʋ tɔm ndʋ payɩ ɖɛ-Ɛsɔ Yehowa yɔɔdʋʋ yɔ, nɛ ɖɩkaɣ tɩ-yɔɔ ɖɔm.”+ 21 Nɛ meheyi-mɩ sɔnɔ, ɛlɛ ɩɩkaɣ ñam mɩ-Ɛsɔ Yehowa nɔɔ taa tɔm yaa ɩɩkaɣ ɖɔm tɔm ndʋ payɩ etiyi-m se meheyi-mɩ yɔ tɩ-yɔɔ.+ 22 Pʋyɔɔ lɛ, ɩtɩlɩ camɩyɛ se laɣɖɛ, ñɔɔsɩ nɛ kɩzɩkʋ kaɣ-mɩ kʋʋ lone nɖɩ ɖɩ-taa mi-liu wɛɛ se iwolo nɛ ɩcaɣ yɔ ɖɩ-taa.»+
43 Yereemii tɛm heyuu ɛyaa samaɣ kpeekpe tɔm ndʋ tɩlɩnɩ pɛ-Ɛsɔ Yehowa cɔlɔ yɔ tɩ-tɩŋa, tɔm ndʋ pɛ-Ɛsɔ Yehowa tiyi-i se eheyi-wɛ yɔ tɩ-tɩŋa tete lɛ, 2 Osayiya pɩyalʋ Azariya, Kareya pɩyalʋ Yohanaanɩ,+ nɛ abalaa tɩ kpazɩyaa kpeekpe, peheyi Yereemii se: «Tɔm ndʋ ŋwɛɛ nɛ ŋyɔɔdʋʋ yɔ tɩkɛ cɛtɩm. Ðɛ-Ɛsɔ Yehowa titiyi-ŋ se ŋyɔɔdɩ se: “Itaawolo Ejipiti se ɩcaɣ peeɖe.” 3 Ɛlɛ Neriya pɩyalʋ Baaruuki+ wɛna nɛ eseɣtiɣ-ŋ se ŋyɔɔdɩ mbʋ nɛ ŋɖʋzɩ-ɖʋ Kalɩdee mba nesi tɛɛ, nɛ pakʋ-ɖʋ yaa pakpaɣ-ɖʋ nɛ pɛkɛzɩ-ɖʋ tɛtʋ Babilɔɔnɩ.»+
4 Nɛ Kareya pɩyalʋ Yohanaanɩ nɛ sɔɔjanaa ñʋndɩnaa kpeekpe nɛ samaɣ kpeekpe tɩña tɔm ndʋ Yehowa heyi-wɛ se pacaɣ Yuuda ɛjaɖɛ taa yɔ. 5 Ɛlɛ, Kareya pɩyalʋ Yohanaanɩ nɛ sɔɔjanaa ñʋndɩnaa kpeekpe pakpaɣ Yuuda ñɩma mba payɩ pɩɩkazaa yɔ nɛ pɛkpɛndɩna, mba paalɩnɩ ajɛɛ wena a-taa payɩ paamɩzɩ-wɛ yɔ nɛ papɩsɩ nɛ pacaɣ Yuuda ɛjaɖɛ taa yɔ.+ 6 Pakpaɣ abalaa, halaa, piya, wiyaʋ pɛlaa, nɛ mba payɩ* wiyaʋ yɔɔ kandɩyaa ñʋʋdʋ Nebuzaradaanɩ+ kaayebi Safaanɩ+ pɩyalʋ Ahikam+ pɩyalʋ Gedaliya+ cɔlɔ yɔ, pɩkpɛndɩnɩ nayʋ Yereemii nɛ Neriya pɩyalʋ Baaruuki. 7 Nɛ pɛɖɛɛ powolo Ejipiti ɛjaɖɛ taa, mbʋ pʋyɔɔ yɔ patɩña Yehowa nɔɔ taa tɔm, nɛ powolo patalɩ ɖooo Tapanɛɛsɩ.+
8 Peeɖe Yehowa tɔm talɩ Yereemii Tapanɛɛsɩ taa se: 9 «Kpaɣ kaaŋ sɔsɔŋ ñe-nesi taa, nɛ ŋmɛsɩ-ɩ somtu taa taɣ ŋga palabɩnɩ filikinaa yɔ ka-taa Farawɔɔ ɖɩɣa ŋga kɛwɛ Tapanɛɛsɩ yɔ kɔ-nɔnɔɔ taa, alɩwaatʋ ndʋ Yuuda mba ɖiɣni-ŋ cɔnʋʋ yɔ. 10 Pʋwayɩ lɛ, ŋheyi-wɛ se: “Tɔm tʋnɛ yoyaa tɛ Yehowa, Izrayɛɛlɩ tɛ Ɛsɔ yɔɔdʋʋ: ‘Ɩna, menɖiɣni tiyuu se payaa ma-lɩmɖʋyʋ Babilɔɔnɩ wiyaʋ Nabukodonozɔɔrɩ,*+ nɛ mankaɣ sɩʋ e-kewiyaɣ kpelaɣ kaaŋ ɛnɛ ɩ-ñʋʋ yɔɔ kpam, kaaŋ weyi mɛmɛsaa yɔ; nɛ ɛkaɣ posuu e-kewiyaɣ kizinziku ɩ-yɔɔ.+ 11 Nɛ ɛkaɣ sʋʋ nɛ eyooni Ejipiti ɛjaɖɛ.+ Weyi ɛmʋnɩ kʋdɔŋ ŋgʋ kɩkɔŋnɩ sɩm yɔ, pɩkaɣ-ɩ tɛmnʋʋ nɛ kʋdɔŋ ŋgʋ kɩkɔŋnɩ sɩm yɔ; nɛ weyi ɛmʋnɩ yomiye taa wobu yɔ, pɩkaɣ-ɩ tɛmnʋʋ nɛ yomiye taa wobu; nɛ weyi ɛmʋnɩ laɣɖɛ yɔ, pɩkaɣ-ɩ tɛmnʋʋ nɛ laɣɖɛ.+ 12 Nɛ mankaɣ sɔbʋ Ejipiti ɛsɔnaa ɖɩsɩ* miŋ,+ nɛ Babilɔɔnɩ wiyaʋ kaɣ-wɛ ñaɣzʋʋ miŋ nɛ ɛɖɛnɩ-wɛ yomiye taa. Ɛkaɣ huu ɛ-yɔɔ Ejipiti ɛjaɖɛ ɛzɩ ninɖiɣyu huu ɛ-yɔɔ e-wondu kususutu yɔ, nɛ ɛkaɣ lɩʋ peeɖe nɛ ɛɖɛɛnɩ laŋhɛzɩyɛ.* 13 Nɛ ɛkaɣ yɔkʋʋ Ejipiti ɛjaɖɛ taa Bɛtɩ-Semɛɛsɩ* tilima* hɔɔlasɩ hɔɔlasɩ, nɛ ɛkaɣ ñaɣzʋʋ Ejipiti ɛsɔnaa ɖɩsɩ* miŋ.’”»
44 Tɔm ndʋ tɩtalɩ Yereemii se eheyi-tʋ Yuuda ñɩma kpeekpe mba pɛwɛ Ejipiti ɛjaɖɛ taa yɔ,+ mba pɛwɛ Migɩdɔl+ taa, Tapanɛɛsɩ+ taa, Nof*+ taa, nɛ Patroosɩ+ ɛjaɖɛ taa yɔ, ndʋ yɔ: 2 «Tɔm tʋnɛ yoyaa tɛ Yehowa, Izrayɛɛlɩ tɛ Ɛsɔ yɔɔdʋʋ: “Ɩna asɛyʋʋ ŋgʋ mɔnkɔnɩ Yeruzalɛm yɔɔ+ nɛ Yuuda tɛtʋ ndɩ ndɩ kpeekpe yɔɔ yɔ kɩ-tɩŋa, nɛ sɔnɔ tɩpɩsɩ njaa nɛ nɔɔyʋ fɛyɩ tɩ-taa.+ 3 Lakasɩ kɩdɛkɛdɩsɩ nzɩ palaba se paɖʋnɩ-m ɖɩwɩzɩyɛ yɔ sɩ-yɔɔ pɩlabɩ mbʋ: Powokaɣ nɛ palaɣ kɩlaŋ+ nɛ pɛsɛɣ ɛsɔnaa lalaa mba pataasɩm-wɛ yɔ; ɛsɔnaa mba mɩ-maɣmaɣ ɩtaasɩm-wɛ nɛ mɩ-cɔzɔnaa taasɩm-wɛ ɖɔɖɔ yɔ.+ 4 Maawɛɛ nɛ mentiyiɣ ma-lɩmɖʋyaa mba payɩ pɛkɛ nayaa yɔ mɩ-cɔlɔ, mentiyaɣ-wɛ nɛ mɛlɛlɩɣ tam sakɩyɛ* se peheyi-mɩ se: ‘Mentendi-mɩ, ɩtaala kʋzɔɔtʋ lakasɩ sɩnɛ, nzɩ manpaɖɩɣ yɔ.’+ 5 Ɛlɛ patiwelisi yaa patɩkʋ nɩŋgbaŋʋʋ se peyele labʋ pa-lakasɩ kɩdɛkɛdɩsɩ. Powobi pɩ-yɔɔ nɛ palaɣ kɩlaŋ ɛsɔnaa lalaa.+ 6 Pʋyɔɔ manpɩyɩ man-ɖɩwɩzɩyɛ nɛ man-pana nɛ amʋ ɛzɩ miŋ yɔ Yuuda tɛtʋ ndɩ ndɩ taa nɛ Yeruzalɛm habɛɛ yɔɔ, nɛ pɩpɩsɩ njɛyɛ nɛ tɛtʋ ndʋ peyebi-tʋ yɔ, ɛzɩ pɩwɛʋ sɔnɔ yɔ.”+
7 «Nɛ lɛɛlɛɛyɔ lɛ, tɔm tʋnɛ Yehowa, yoyaa tɛ Ɛsɔ, Izrayɛɛlɩ tɛ Ɛsɔ yɔɔdʋʋ: “Ɛbɛ yɔɔ ɩwɛɛ nɛ ɩkɔŋnɩ asɛyʋʋ sɔsɔʋ mɩ-maɣmaɣ mɩ-yɔɔ,* se piyele nɛ paa abalʋ weyi nɛ paa halʋ weyi, paa pɩɣa ŋga nɛ paa pɩɣa cɩɩɩ ŋga lɛ, pamʋʋ Yuuda taa, nɛ pɩtaakazɩ-mɩ nɔɔyʋ? 8 Ɛbɛ yɔɔ pɩwɛɛ se ɩtɩŋnɩ mi-nesi tɛɛ tʋma yɔɔ nɛ ɩɖʋ-m ɖɩwɩzɩyɛ ɛzɩma ɩlaɣ kɩlaŋ ɛsɔnaa lalaa Ejipiti ɛjaɖɛ taa ɖenɖe iwoba se ɩcaɣ yɔ? Ɩkaɣ mʋʋʋ nɛ ɩpɩsɩ nɔɔ kɩdɛkɛdaɣ lɔʋ pʋyʋ nɛ fɛyɛ pʋyʋ tɛtʋ yɔɔ ajɛɛ kpeekpe taa.+ 9 Ɛzɩ ɩsɔ mɩ-cɔzɔnaa lakasɩ kɩdɛkɛdɩsɩ yɔɔ nɛ Yuuda awiya lakasɩ kɩdɛkɛdɩsɩ yɔɔ+ nɛ pa-halaa lakasɩ kɩdɛkɛdɩsɩ yɔɔ,+ nɛ mɩ-maɣmaɣ mɩ-lakasɩ kɩdɛkɛdɩsɩ yɔɔ nɛ mɩ-halaa lakasɩ kɩdɛkɛdɩsɩ yɔɔ,+ nzɩ paalabɩ Yuuda ɛjaɖɛ taa nɛ Yeruzalɛm habɛɛ yɔɔ yɔ sɩ-yɔɔ? 10 Halɩ nɛ sɔnɔ patiluzi pa-tɩ,* patise sɔɔndʋ,+ nɛ patɩɖɔ ɖɔɖɔ man-paɣtʋ nɛ man-kpalɩtʋ ndʋ manɖʋ mɩ nɛ mɩ-cɔzɔnaa yɔ tɩ-yɔɔ.”+
11 «Pʋyɔɔ lɛ, tɔm tʋnɛ yoyaa tɛ Yehowa, Izrayɛɛlɩ tɛ Ɛsɔ yɔɔdʋʋ: “Ɩna! Mɛntɛm man-taa se mɔnkɔŋnɩ asɛyʋʋ mɩ-yɔɔ, se manɖɩzɩɣ Yuuda kpeekpe. 12 Nɛ mankaɣ kpaɣʋ Yuuda ɛyaa mba pɩkazaa, mba pɛtɛm pa-taa se powoki Ejipiti nɛ pacaɣ peeɖe yɔ, nɛ pa-tɩŋa pakaɣ sɩbʋ Ejipiti ɛjaɖɛ taa.+ Pakaɣ-wɛ kʋʋ nɛ laɣɖɛ nɛ ñɔɔsɩ kaɣ-wɛ kʋʋ nɛ pasɩ; kpaɣnɩ weyi pɩtɔyɩnaa yɔ nɛ piwolo weyi ɛkpaɖaa yɔ, pakaɣ-wɛ kʋʋ nɛ laɣɖɛ nɛ ñɔɔsɩ kaɣ-wɛ kʋʋ nɛ pasɩ. Nɛ pakaɣ pɩsʋʋ mbʋ pɔlɔ pɩ-yɔɔ nɔɔ kɩdɛkɛdaɣ yɔ, sɔɔndʋ pʋyʋ, nɔɔ kɩdɛkɛdaɣ lɔʋ, nɛ fɛyɛ pʋyʋ.+ 13 Mankaɣ hɔm mba pɛwɛ Ejipiti ɛjaɖɛ taa yɔ pa-nɩŋgbaaŋ ɛzɩ maahɔm Yeruzalɛm nɩŋgbaaŋ nɛ laɣɖɛ, ñɔɔsɩ nɛ kɩzɩkʋ* yɔ.+ 14 Nɛ Yuuda ñɩma mba pɩkazaa, mba powoba se pacaɣ Ejipiti ɛjaɖɛ taa yɔ, paakaɣ lɩʋ pɩ-taa yaa paakaɣ hiɣu ñʋʋ yabʋ se papɩsɩ Yuuda ɛjaɖɛ taa. Pakaɣ sɔɔlʋʋ siŋŋ se papɩsɩ nɛ pacaɣ peeɖe, paa mbʋ yɔ paakaɣ pɩsʋʋ, ɛlɛ ɛyaa cabɩ mba palɩ pɩ-taa yɔ pe-ɖeke.”»
15 Abalaa mba payɩ paanawa se pa-halaa laɣaɣ kɩlaŋ ɛsɔnaa lalaa yɔ nɛ halaa mba payɩ paasɩŋ peeɖe yɔ, mba paakpɛndaa nɛ pɛkɛ tindimiye sɔsɔɖɛ yɔ, nɛ ɛyaa mba payɩ paawɛ Ejipiti ɛjaɖɛ taa,+ Patroosɩ taa yɔ,+ pocosi Yereemii se: 16 «Ðɩɩkaɣ welisuu tɔm ndʋ ŋheyi-ɖʋ Yehowa hɩɖɛ taa yɔ. 17 Ɛlɛ pɩtʋʋ fɛyɩ se ɖɩkaɣ ɖɔm tɔm ndʋ payɩ tɩlɩnɩ ɖɔ-nɔsɩ taa yɔ tɩ-yɔɔ, nɛ ɖɩlaa kɩlaŋ Ɛsɔdaa Abiɖe* nɛ ɖilizi-ɖɩ kilizasɩ+ ɛzɩ ɖa-maɣmaɣ nɛ ɖɔ-cɔzɔnaa nɛ ɖa-awiya nɛ ɖa-awumbiya ɖɩɩlabʋ Yuuda tɛtʋ ndɩ ndɩ taa nɛ Yeruzalɛm habɛɛ yɔɔ alɩwaatʋ ndʋ ɖɩtɔkaɣ tɔɔnaɣ* nɛ ɖɩhakɩ nɛ piɖeɣni-ɖʋ camɩyɛ, alɩwaatʋ ndʋ ɖɩtaanaɣ asɛyʋʋ nakʋyʋ paa ññɩɩ yɔ. 18 Kpaɣnɩ alɩwaatʋ ndʋ ɖiyebi laʋ kɩlaŋ Ɛsɔdaa Abiɖe* nɛ ɖiyebi-ɖɩ lizuu ɖɔɖɔ kilizasɩ yɔ, pɩtɩŋa payɩ pɩtɛɖɩ-ɖʋ nɛ laɣɖɛ nɛ ñɔɔsɩ pakʋ-ɖʋ nɛ ɖɩsɩ.»
19 Halaa sɔzɩ se: «Nɛ alɩwaatʋ ndʋ ɖɩlaɣaɣ kɩlaŋ Ɛsɔdaa Abiɖe* nɛ ɖiliziɣ-ɖɩ kilizasɩ yɔ, ɛzɩ pɩtɩkɛ ɖa-walaa kaahanɩ-ɖʋ nʋmɔʋ nɛ ɖɩla kɩlaŋ kakayɩsɩ nzɩ palabɩ-sɩ abiɖe nɖɩ ɖɩ-lɛzʋʋ yɔ, nɛ ɖilizi-ɖɩ kilizasɩ na?»
20 Peeɖe Yereemii heyi samaɣ kpeekpe, abalaa nɛ pa-halaa nɛ ɛyaa mba payɩ paawɛɛ nɛ pɔyɔɔdʋʋnɩ-ɩ yɔ se: 21 «Kɩlaŋ weyi mɩ-maɣmaɣ, mɩ-cɔzɔnaa, mɩ-awiya, mɩ-awumbiya nɛ ɛjaɖɛ taa ɛyaa la Yuuda tɛtʋ ndɩ ndɩ taa nɛ Yeruzalɛm habɛɛ yɔɔ yɔ,+ Yehowa tɔzɩ ɩ-yɔɔ nɛ ɛtɩsɔɔ ɩ-yɔɔ!* 22 Pɩtɛmna se Yehowa taapɩzɩɣ se ɛtasɩ ɖɔkʋʋ ɛ-tɩ mɩ-lakasɩ kɩdɛkɛdɩsɩ yɔɔ nɛ kʋzɔɔtʋ lakasɩ nzɩ ɩɩlaba yɔ sɩ-yɔɔ, nɛ mɩ-ɛjaɖɛ pɩsɩ njɛyɛ, sɔɔndʋ pʋyʋ, nɛ mbʋ pɩ-yɔɔ pɔlɔ nɔɔ kɩdɛkɛdaɣ yɔ, nɛ nɔɔyʋ fɛyɩ ɖɩ-taa, ɛzɩ pɩwɛʋ sɔnɔ yɔ.+ 23 Ɩla kɩlaŋ ɛnɩ nɛ ɩyʋsɩnɩ Yehowa nɛ ɩtɩña Yehowa nɔɔ taa tɔm nɛ ɩtɩɖɔ ɛ-paɣtʋ, ɛ-kpalɩtʋ, nɛ ɛ-tɔm kɩtɔzɩtʋ yɔɔ; pʋyɔɔ asɛyʋʋ kʋnɛ kɩtalɩ-mɩ, ɛzɩ pɩwɛʋ sɔnɔ yɔ.»+
24 Yereemii wolo pɩ-yɔɔ nɛ eheyi samaɣ kpeekpe nɛ halaa kpeekpe se: «Ɩnɩɩ Yehowa tɔm, mɩ Yuuda ñɩma mba payɩ ɩwɛ Ejipiti ɛjaɖɛ taa yɔ. 25 Tɔm tʋnɛ yoyaa tɛ Yehowa, Izrayɛɛlɩ tɛ Ɛsɔ yɔɔdʋʋ: “Tɔm ndʋ mɩ nɛ mɩ-halaa ɩyɔɔdɩnɩ mɩ-nɔsɩ yɔ, ɩlabɩ-tʋ nɛ mi-nesi, mbʋ pʋyɔɔ yɔ ɩyɔɔdaa se: ‘Paa pɩɩla ɛzɩma ɖɩkaɣ ɖɔm ɖo-ɖuutu yɔɔ nɛ ɖɩlaa kɩlaŋ Ɛsɔdaa Abiɖe* nɛ ɖilizi-ɖɩ kilizasɩ.’+ Mɩ halaa lɛ, paa pɩɩla ɛzɩma yɔ ɩkaɣ ɖɔm mi-ɖuutu yɔɔ nɛ ɩla ɛzɩ iɖuuu yɔ.”
26 «Pʋyɔɔ lɛ, mɩ Yuuda ñɩma mba payɩ ɩwɛ Ejipiti ɛjaɖɛ taa yɔ, ɩnɩɩ Yehowa tɔm: “‘Ɩna, monɖukini ma-maɣmaɣ ma-hɩɖɛ sɔsɔɖɛ se Yuuda tʋ nɔɔyʋ ɛɛkaɣ tasʋʋ yaʋ ma-hɩɖɛ ɖuutu natʋyʋ taa+ Ejipiti ɛjaɖɛ kpeekpe taa nɛ ɛtɔ se: “Kɩbaɣlʋ Kɩlɩm Yehowa ñɩtʋʋ nɛ ɛwɛɛ wezuu yɔ!”+ Yehowa yɔɔdʋʋna. 27 Lɛɛlɛɛyɔ lɛ, menɖiɣni feŋuu pɔ-yɔɔ se mɔnkɔnɩ asɛyʋʋ nɛ pɩtɩkɛ pʋyʋ kɩbanʋ mɔnkɔŋna;+ Yuuda ñɩma mba payɩ pɛwɛ Ejipiti ɛjaɖɛ taa yɔ laɣɖɛ nɛ ñɔɔsɩ kaɣ-wɛ kʋʋ nɛ pasɩ, pɩkɔɔ nɛ pɩsɩɩnɩ alɩwaatʋ ndʋ paatasɩɣ wɛʋ yɔ.+ 28 Ɛyaa pazɩ yem kaɣnɩ lɩʋ laɣɖɛ nesi tɛɛ nɛ pakʋyɩnɩ Ejipiti ɛjaɖɛ taa nɛ papɩsɩ Yuuda ɛjaɖɛ taa.+ Ðɩnɛ ɛlɛ Yuuda ñɩma mba payɩ pɩkazaa, mba powobi Ejipiti ɛjaɖɛ taa se pacaɣ peeɖe yɔ, pakaɣ ɖiɣzinuu weyi ɛ-tɔm laba yɔ, mɔn-tɔm yaa pa-ñɩndʋ!’”»
29 «“Nɛ pʋnɛ pɩkɛnɩ-mɩ yʋsaɣ, se mankaɣ mɩ-nɩŋgbaaŋ hɔm lone ɖɩnɛ ɖɩ-taa, nɛ pɩsa nɛ ɩtɩlɩ se tɔm ndʋ mɔyɔɔdaa se mankaɣ kɔnʋʋ asɛyʋʋ mɩ-yɔɔ yɔ, paa pɩɩla ɛzɩma tɩkaɣ labʋ, Yehowa yɔɔdʋʋna. 30 Tɔm tʋnɛ Yehowa yɔɔdʋʋ: ‘Ɩna, menɖiɣni ɖʋzʋʋ Ejipiti wiyaʋ Farawɔɔ Hɔfɩra e-koyindinaa nɛ mba pɛwɛɛ nɛ pañɩnɩɣ se palɩzɩ e-wezuu yɔ* pe-nesi tɛɛ, ɛzɩ maaɖʋzʋʋ Yuuda wiyaʋ Zedekiya Babilɔɔnɩ wiyaʋ Nabukodonozɔɔrɩ* nesi tɛɛ yɔ, ɛnʋ weyi ɛɛkɛ e-koyindu nɛ ɛñɩnaɣ se ɛlɩzɩ e-wezuu yɔ.’”»*+
45 Tɔm tʋnɛ nayʋ Yereemii heyi Neriya pɩyalʋ Baaruuki+ alɩwaatʋ ndʋ Yereemii yɔɔdaɣ tɔm ndʋ nɛ ɛlɛ maɣ-tʋ takayaɣ nakɛyɛ taa,+ Yuuda wiyaʋ Yoziyaasɩ pɩyalʋ Yehoyakim pɩnaɣ 4 ñɩŋga taa+ yɔ:
2 «Tɔm tʋnɛ Izrayɛɛlɩ tɛ Ɛsɔ Yehowa yɔɔdʋʋ ña Baaruuki ñɔ-yɔɔ: 3 “Ŋyɔɔdaa se: ‘Pɩtɔɔ-m, mbʋ pʋyɔɔ yɔ Yehowa sɔzɩ laŋwɛɛkɩyɛ men-siziŋ nɩʋ yɔɔ! Pɩnɩ-m nɛ mɔla, nɛ mantihiɣ ɖɩhɛzɩyɛ lone naɖɩyɛ.’”
4 «Pɩwɛɛ se ŋheyi-i se: “Tɔm tʋnɛ Yehowa yɔɔdʋʋ: ‘Na! Mbʋ mamawa yɔ, mɔyɔkʋʋ-pʋ; nɛ mbʋ mɔnsɔwa yɔ, mɛnkpɛzɩɣ-pʋ, pʋ-tɔbʋʋ se ɛjaɖɛ tɩŋa.+ 5 Ɛlɛ ŋwɛɛ nɛ ŋñɩnɩɣ ña-tɩ* wondu sɔsɔtʋ. Yele wondu ndʋ tɩ-ñɩnʋʋ.’”
«“Mbʋ pʋyɔɔ yɔ mawɩzɩ kɔnʋʋ asɛyʋʋ tomnasɩ* kpeekpe yɔɔ,+ nɛ paa le ŋwoki yɔ, mankaɣ-ŋ cɛlʋʋ ñe-wezuu* nɛ pɩkɛ ña-kɩhɛyʋʋ,”*+ Yehowa yɔɔdʋʋna.»
46 Tɔm ndʋ tɩlɩnɩ Yehowa cɔlɔ nɛ tɩtalɩ nayʋ Yereemii nɛ titukuuni ajɛɛ yɔ ndʋ yɔ:+ 2 Ejipiti yɔɔ lɛ,+ tɔm tʋnɛ ɛyɔɔdɩ Ejipiti wiyaʋ Farawɔɔ Neko+ sɔɔjanaa yɔɔ, weyi ɛɛwɛ Efraatɩ Pɔɔ cɔlɔ nɛ Babilɔɔnɩ wiyaʋ Nabukodonozɔɔrɩ* wabɩ-ɩ Karkemisi, Yuuda wiyaʋ, Yoziyaasɩ pɩyalʋ Yehoyakim+ pɩnaɣ 4 ñɩŋga taa yɔ:
3 «Ɩñɔɔzɩ mɩ-kpayɩŋ cikpeŋ* nɛ mɩ-kpayɩŋ sɔsɔŋ,
Nɛ ɩɖɛɛ iwolo you taa.
4 Ɩñɔɔzɩ kpaŋnaŋ nɛ ɩcaɣ ɩ-yɔɔ, kpaŋnaŋ yɔɔ caɣyaa mɩ.
Ɩsɩŋ mi-lona taa nɛ ɩpa mi-hulasɩ nzɩ palabɩnɩ ñɩɣtʋ yɔ.
Ɩsɛyɩ kɩgbɛzɛmɩŋ nɛ isuu mi-tokonaa mba palabɩnɩ ñɩɣtʋ yɔ.
5 “Ɛbɛ yɔɔ manaɣ-wɛ pɛwɛ sɔɔndʋ taa mbʋ?
Pɛwɛɛ nɛ papɩsɩɣnɩ wayɩ, pɔtɔyɩtɩ pɔ-sɔdɩŋ.
Sɔɔndʋ kpa-wɛ nɛ pese, pɔ-sɔdɩŋ tikisini ɩ-wayɩ.
Sɔɔndʋ wɛ paa le,” Yehowa yɔɔdʋʋna.
6 “Mba pɛwɛ lɛɛ lɛɛ yɔ paapɩzɩɣ nɛ pese, nɛ sɔdɩŋ ɩɩpɩzɩɣ nɛ ise nɛ ɩtʋlɩ.
Hayo kiŋ, Efraatɩ Pɔɔ kidiiliŋ yɔɔ,
Pituuli-wɛ nɛ pɔtɔlɩ.”+
7 Awɛɛ nɛ ɛkpaɣ mbʋ yɔ ɛzɩ Niili Pɔɔ yɔ,
Ɛzɩ pɔsɩ nzɩ sɩ-lɩm hola wɛ ɖoŋ yɔ?
8 Ejipiti kpaɣ ɖeyi ɖeyi ɛzɩ Niili Pɔɔ yɔ,+
Ɛzɩ pɔsɩ nzɩ sɩ-lɩm hola wɛ ɖoŋ yɔ,
Nɛ kɩyɔɔdʋʋ se: “Mankaɣ kpaʋ nɛ mohuuzi tɛtʋ yɔɔ.
Mankaɣ ɖɩzʋʋ tɛtʋ ndʋ nɛ tɩ-taa mba.”
9 Ɩkpa, kpaŋnaŋ mɩ!
Ise ɛzɩ kpanzɩyaa yɔ, kɛɛkɛɛnaa mɩ!
Sɔdɩŋ ɩɖɛɛ,
Kuusi mba nɛ Puti mba, mba palakɩnɩ tʋmɩyɛ kpayɩŋ yɔ,+
Nɛ Ludim mba,+ mba palakɩnɩ tʋmɩyɛ tɔʋ nɛ pokotuu-kʋ ɖɔɖɔ yɔ.*+
10 «Kɩyakʋ ŋgʋ, Kɩbaɣlʋ Kɩlɩm, yoyaa tɛ Yehowa tɩnɩ-kʋ, kɩmɩyɛ kpaʋ kɩyakʋ ŋgʋ ki-wiye ɛkpaɣ e-koyindinaa kɩmɩyɛ yɔ. Nɛ laɣɖɛ kaɣ tɔɔʋ nɛ ɖɩhaɣ nɛ ɖɩñɔɔ pa-calɩm nɛ ɖɩñɩɣzɩ, mbʋ pʋyɔɔ yɔ Kɩbaɣlʋ Kɩlɩm, yoyaa tɛ Yehowa wɛnɩ kɩlaʋ nakʋyʋ se ɛlaɣ* hayo kiŋ ɛjaɖɛ taa Efraatɩ Pɔɔ cɔlɔ.+
11 Oo Ejipiti pɛlɛ weyi ɛtɩtɩlɩ abalʋ yɔ,
Kpa Galaadɩ nɛ ŋkpaɣ balɩsam.+
Ŋlakɩ ña-tɩ kɔ sakɩyɛ yem falaa,
Mbʋ pʋyɔɔ yɔ kɔyɛ naɖɩyɛ fɛyɩ se papɩzɩɣ nɛ palabɩ-ŋ.+
12 Ajɛɛ nɩ ñɛ-fɛyɛ tɔm,+
Nɛ ño-kubusi su ɛjaɖɛ taa.
Mbʋ pʋyɔɔ yɔ sɔdʋʋ mɔtʋʋnɩ sɔdʋʋ,
Nɛ pa-naalɛ pɛkpɛndɩɣ nɛ pɔtɔlɩ.»
13 Tɔm tʋnɛ Yehowa heyi nayʋ Yereemii pɩlɩɩnɩ ɛzɩma Babilɔɔnɩ wiyaʋ Nabukodonozɔɔrɩ* kɔŋ se ɛyɔkɩ Ejipiti ɛjaɖɛ yɔ pɩ-yɔɔ:+
14 «Ɩyɔɔdɩ-tʋ Ejipiti taa, isusi-tʋ Migɩdɔl+ taa.
Isusi-tʋ Nof* taa nɛ Tapanɛɛsɩ+ taa.
Ɩyɔɔdɩ se: “Ɩsɩŋ mi-lona taa nɛ ɩñɔɔzɩ mɩ-tɩ,
Mbʋ pʋyɔɔ yɔ laɣɖɛ kaɣ tɔɔʋ nɛ pɩcɔɔ-mɩ nɛ pɩta.
15 Ɛbɛ yɔɔ pɩhazɩ mɩ-ɛyaa ɖoŋ tɩnaa nɛ pɩɖɛna?
Patɩpɩzɩ nɛ pasɩŋ po-lona taa,
Mbʋ pʋyɔɔ yɔ Yehowa tuzi-wɛ nɛ ɛpɛɖɩ.
16 Pɩwɛɛ nɛ pituuluu pa-taa sakɩyɛ nɛ pɔtɔlʋʋ.
Pɛwɛɛ nɛ peheyiɣ ɖama se:
‘Laɣɖɛ nɖɩ ɖɩwɛ kañatʋ yɔ ɖɩ-yɔɔ lɛ,
Kʋyɩ! Ðɩpɩsɩ ɖɛ-ɛyaa cɔlɔ nɛ ɖɛ-ɛjaɖɛ taa.’”
17 Posusi peeɖe se:
18 “Mañɩtʋʋ nɛ mɛwɛɛ wezuu yɔ,
Ɛkaɣ* sʋʋ ɛzɩ Taabɔɔrɩ+ wɛʋ pʋŋ hɛkʋ taa yɔ
Nɛ ɛzɩ Karmɛɛlɩ+ wɛʋ teŋgu nɔɔ yɔ,” Wiyaʋ yɔɔdʋʋna, ɛnʋ weyi payaɣ-ɩ se yoyaa tɛ Yehowa yɔ.
19 Ñɔɔzɩ ño-wondu nɛ ŋkɛɛ tɛtʋ,
Oo ña pɛlɛ weyi ɛwɛ Ejipiti yɔ.
20 Ejipiti wɛ ɛzɩ nɔ halɩñɩnʋ weyi ɛtɩlʋlɩta nɛ ɛwɛ cɔnʋʋ yɔ,
Ɛlɛ kɔjɔsɩ nzɩ sɩñasɩɣ yɔ sɩkaɣ lɩnʋʋ hayo kiŋ nɛ sɩkɔɔ kɩ-wayɩ.
21 Halɩ sɔɔjanaa mba kɩtɛɣaa nɛ pɛwɛɛ kɩ-hɛkʋ taa yɔ, pɛwɛ ɛzɩ newee wena aɖʋ num yɔ,
Ɛlɛ mba ɖɔɖɔ paha siɣye nɛ pese.
Patɩpɩzɩ nɛ pasɩŋ po-lona taa,+
Mbʋ pʋyɔɔ yɔ pa-asɛyʋʋ kɩyakʋ kɔm pɔ-yɔɔ,
Pa-akɔnta pɔzʋʋ alɩwaatʋ talaa.”
22 “Panɩɣ kɩ-taŋ ɛzɩ ɖʋm tuuu lɩɩɩ lɩɩɩ nɛ eseɣ nɛ panɩɣ ɛ-taŋ yɔ,
Mbʋ pʋyɔɔ yɔ pɔkɔŋ kɩ-wayɩ nɛ ɖoŋ, nɛ laɖa,
Ɛzɩ ɛyaa mba peɖiɣni tim tɩŋ yɔ.*
23 Pakaɣ tim kɩ-laʋ, paa pɩwɛ ɛzɩ ɛyʋ ɛɛpɩzɩɣ nɛ ɛsʋʋ kɩ-tɛɛ yɔ.
Mbʋ pʋyɔɔ yɔ pɔɖɔwa nɛ pɩkpaɖɩ kudoloŋ, pɛfɛyɩ kalʋʋ,” Yehowa yɔɔdʋʋna.
24 Fɛyɛ kaɣ kpaʋ Ejipiti pɛlɛ.
Pakaɣ-ɩ ɖʋzʋʋ hayo kiŋ mba nesi tɛɛ.”+
25 «Yoyaa tɛ Yehowa, Izrayɛɛlɩ tɛ Ɛsɔ yɔɔdʋʋ se: “Lɛɛlɛɛyɔ lɛ, menɖiɣni kɛzʋʋ ma-lɩmaɣza nɛ No*+ tɛtʋ taa ɛsɔ weyi payaɣ se Amɔɔnɩ+ yɔ ɛ-yɔɔ, Farawɔɔ yɔɔ, Ejipiti yɔɔ, kɩ-ɛsɔnaa yɔɔ,+ nɛ kɩ-awiya yɔɔ; ɛɛɛ, Farawɔɔ nɛ mba payɩ pataɣ-ɩ liu yɔ pɔ-yɔɔ.”+
26 «“Nɛ mankaɣ-wɛ ɖʋzʋʋ mba pañɩnɩɣ se palɩzɩ pe-wezuu* yɔ pe-nesi tɛɛ, Babilɔɔnɩ wiyaʋ Nabukodonozɔɔrɩ*+ nɛ ɛ-lɩmɖʋyaa pe-nesi tɛɛ. Ɛlɛ pʋwayɩ lɛ, ɛyaa kaɣ tasʋʋ wɛʋ kɩ-taa ɛzɩ ɖooo lɛ yɔ,” Yehowa yɔɔdʋʋna.+
27 “Piyele nɛ ña yɔ, sɔɔndʋ ɛtaakpa-ŋ, ma-lɩmɖʋyʋ Yakɔɔb,
Nɛ taaseli, Oo Izrayɛɛlɩ.+
Mbʋ pʋyɔɔ yɔ mankaɣ ña-ñʋʋ yabʋ nɛ ɖooo poliŋ taa
Nɛ maya ña-lʋlʋʋ taa mba* ñʋʋ ɛjaɖɛ nɖɩ ɖɩ-taa powoni-wɛ yomiye taa yɔ.+
Yakɔɔb kaɣ pɩsʋʋ nɛ ɛcaɣ ɖiɣ ɖiɣ nɛ ɛkaɣ wɛʋ kaalɛyɩtʋ.
Nɛ nɔɔyʋ ɛɛkaɣ-ɩ ɖʋʋ sɔɔndʋ.+
28 Pʋyɔɔ lɛ, sɔɔndʋ ɛtaakpa-ŋ, ma-lɩmɖʋyʋ Yakɔɔb, mbʋ pʋyɔɔ yɔ mɛwɛ ñɔ-cɔlɔ.
Mankaɣ-ŋ lɔŋ sɩɣzʋʋ* ɛzɩ pɩmʋnʋʋ ɖeyi ɖeyi yɔ,+
Ɛlɛ maakaɣ yebu ña-nɩŋgbaŋʋʋ hɔm kpa,” Yehowa yɔɔdʋʋna.»
47 Tɔm tʋnɛ Yehowa heyi nayʋ Yereemii Filistii mba yɔɔ,+ pʋcɔ nɛ Farawɔɔ wakɩ Gaazaa. 2 Tɔm tʋnɛ Yehowa yɔɔdʋʋ:
«Ɩna! Lɩm lɩnɩ hayo kiŋ nɛ pɩkɔŋ.
Pɩkaɣ pɩsʋʋ lemeɣa ŋga kosuwa nɛ kawadɩɣ yɔ.
Nɛ pɩkaɣ wadʋʋ ɛjaɖɛ nɛ mbʋ payɩ pɩwɛ ɖɩ-taa yɔ pɩ-yɔɔ,
Tɛtʋ nɛ tɩ-taa mba yɔɔ.
Ɛyaa kaɣ mabʋ kubusi,
Nɛ mba payɩ pɛwɛ ɛjaɖɛ taa yɔ pakaɣ wiu.
3 Panɩɣ ɛ-kpaŋnaŋ abalɩñɩŋ acaa taŋ lɛ,
Panɩɣ ɛ-kɛɛkɛɛnaa kɔkɔɖɛ taŋ
Nɛ e-kpela kɔkɔɖɛ taŋ lɛ,
Halɩ caanaa ɩɩkaɣ kisinuu pa-pɩyalaa yɔɔ,
Mbʋ pʋyɔɔ yɔ pe-nesi tiki yɔbɩ,
4 Mbʋ pʋyɔɔ yɔ kɩyakʋ ŋgʋ kiɖiɣni kɔm yɔ, kɩkaɣ ɖɩzʋʋ Filistii mba tɩŋa;+
Mbʋ pʋyɔɔ yɔ Yehowa kaɣ ɖɩzʋʋ Filistii mba,
Mba pɛkɛ Kaftɔɔrɩ* lɩm hɛkʋ taa tɛtʋ taa ñɩma mba pɩkazaa yɔ.+
5 Gaazaa ñʋʋ taa kaɣ hazʋʋ.*
Posuli Askelɔɔnɩ nɔɔ.+
6 Aa! Yehowa laɣɖɛ!+
Ðooye ŋkaɣ caɣʋ ɖiɣ ɖiɣ?
Pɩsɩ ño-huyuu taa.
Hɛzɩ nɛ ŋsu tamɩyɛ.
7 Ɛzɩma ɖɩpɩzɩɣ nɛ ɖɩcaɣ ɖiɣ ɖiɣ
Ŋgʋ Yehowa ɖʋ-ɖɩ paɣtʋ?
Etiyi-ɖɩ se ɖiwolo Askelɔɔnɩ nɛ teŋgu kidiiliŋ pa-wayɩ,+
Peeɖe etiyi-ɖɩ.»
48 Mowaabʋ+ yɔɔ lɛ, tɔm tʋnɛ yoyaa tɛ Yehowa, Izrayɛɛlɩ tɛ Ɛsɔ yɔɔdʋʋ:
«Pɩtɔɔ Nebo,+ mbʋ pʋyɔɔ yɔ paɖɩzɩ-kʋ!
Paɖʋ Kiriyatayim+ fɛyɛ nɛ pamʋ-kʋ.
Paɖʋ fɛyɛ ɖɩjɔzɩyɛ* nɖɩ ɖɩ-taa kaɖɛ naɖɩyɛ ɛɛtalɩɣ ɛyʋ yɔ nɛ pɔyɔkɩ-ɖɩ.+
2 Paatasɩɣ sam Mowaabʋ.
Pɛkpɛyɩ kɩ-tɔlʋʋ tɔm Hɛsɩbɔɔnɩ+ taa se:
“Ɩkɔɔ, ɖɩɖɩzɩ-kʋ nɛ kɩtaatasɩ kɛʋ ɛjaɖɛ.”
Oo Madmɛɛnɩ, ña ɖɔɖɔ pɩwɛɛ se ŋsu tamɩyɛ,
Mbʋ pʋyɔɔ yɔ laɣɖɛ wɛɛ nɛ ɖɩtɩŋɩɣ ña-wayɩ.
3 Panɩɣ kubuka nakɛyɛ taŋ Horonayim+ taa,
Ðɩzʋʋ nɛ yɔkʋʋ sɔsɔm kubuka.
4 Pɔyɔkɩ Mowaabʋ.
Ki-piya makɩ kubusi.
5 Pɛwɛɛ pewiɣ nɛ pakpaɣ Luhit piyaɣ.
Nɛ nʋmɔʋ ŋgʋ kɩlɩnɩ Horonayim nɛ kitiki yɔ kɩ-taa, panɩɣ kʋñɔŋ kubusi taŋ, asɛyʋʋ yɔɔ.+
6 Ise, ɩya mi-weziŋ* ñʋʋ!
Pɩwɛɛ se ɩpɩsɩ ɛzɩ jenevriyee tɩʋ ŋgʋ kɩwɛ kañɩmbusuu taa yɔ.
7 Ŋtaɣ liu ña-tʋma nɛ ña-ñɩm; pʋyɔɔ lɛ,
Ña ɖɔɖɔ pakaɣ-ŋ kpaʋ.
Nɛ pakaɣ Kemɔɔsɩ+ kɛzʋʋ tɛtʋ,
Pɩkpɛndɩnɩ kɩ-cɔjɔnaa nɛ kɩ-awumbiya.
8 Ðɩzɩyʋ kaɣ sʋʋ paa tɛtʋ ndʋ lɛ tɩ-taa,
Nɛ tɛtʋ natʋyʋ ɛɛkaɣ lɩʋ pɩ-taa.+
9 Isiɣ habɩyɛ yɔɔ tilimiye Mowaabʋ,
Mbʋ pʋyɔɔ yɔ alɩwaatʋ ndʋ kɩpɩsɩɣ njɛyɛ yɔ, kɩ-taa mba kaɣ seu,
Nɛ kɩ-tɛtʋ ndɩ ndɩ kaɣ pɩsʋʋ sɔɔndʋ pʋyʋ,
Nɛ nɔɔyʋ ɛɛkaɣ wɛʋ tɩ-taa.+
10 Pɔlɔ nɔɔ kɩdɛkɛdaɣ weyi ɛlakɩ Yehowa tʋmɩyɛ nɛ kaakendu yɔ ɛ-yɔɔ!
Pɔlɔ nɔɔ kɩdɛkɛdaɣ weyi ɛɖaŋɩɣ ɛ-laɣɖɛ se ɖɩtaakpɛdɩ calɩm yɔ ɛ-yɔɔ!
11 Mowaabʋ mba caɣ kaalɛyɩtʋ kpaɣnɩ pe-evebitu taa,
Ɛzɩ vɛɛ ŋgʋ pasɩwa nɛ kɩ-tɛɛtʋ tii nɛ tɩcaɣ yɔ.
Patɩkpaɣ-wɛ nɛ ñanaɣ nakɛyɛ taa nɛ papɩyɩ-wɛ lɛɛka taa,
Nɛ wiɖiyi patɩkɛzɩ-wɛ tɛtʋ.
Pʋyɔɔ ɛzɩma paawɛɛ alɩwaatʋ ndʋ paɖɩŋ-wɛ yɔ, pɩtɩlɛɣzɩ;
Nɛ pɔ-sɔzɩŋ tɩlɛɣzɩ.
12 «“Pʋyɔɔ lɛ ɩna, kɩyakɩŋ ɖiɣni kɔm, nɛ alɩwaatʋ ndʋ lɛ, mankaɣ ɛyaa tiyuu nɛ pohuti-wɛ. Pakaɣ-wɛ hutuu nɛ pɩkazɩ pa-ñanzɩ kpɛɖɛ, nɛ pakaɣ yɔkʋʋ pa-ŋgbaŋ hɔɔlasɩ hɔɔlasɩ, Yehowa yɔɔdʋʋna. 13 Nɛ fɛyɛ kaɣ kpaʋ Mowaabʋ mba Kemɔɔsɩ yɔɔ, ɖɔɖɔ ɛzɩ fɛyɛ kpaʋ Izrayɛɛlɩ ɖɩɣa Betɛɛlɩ ŋgʋ pataɣaɣ liu yɔ kɩ-yɔɔ yɔ.+
14 Ɛbɛ yɔɔ ɩmabɩ mɩ-laŋa taa nɛ ɩyɔɔdʋʋ se: ‘Ðɩkɛ sɔdɩŋ ɖoŋ tɩnaa, ɖɩñɔɔzɩ ɖa-tɩ se ɖɩla you’?”+
15 “Paɖɩzɩ Mowaabʋ,
Powobi kɩ-tɛtʋ ndɩ ndɩ wayɩ,+
Pakʋ ki-evebiya mba pakpaɖɩ ɖeu yɔ,”+
Wiyaʋ yɔɔdʋʋna, ɛnʋ weyi payaɣ-ɩ se yoyaa tɛ Yehowa yɔ.+
16 Pɩkazɩ pazɩ lɛ, asɛyʋʋ kaɣ kɔm Mowaabʋ mba yɔɔ,
Nɛ pɔ-tɔlʋʋ ɖiɣni ñɔtʋʋ lɛɛ lɛɛ.+
17 Mba payɩ pɔcɔ-wɛ nɛ pata yɔ pakaɣ nɩʋ pe-siziŋ,
Mba payɩ pasɩm pa-hɩɖɛ yɔ.
Iheyi-wɛ se: “Hayɩ, pɛpɛlɩ ɖaʋ ɖoŋ ñɩŋgʋ, keɖeɣa ɖaʋ!”
18 Lɩɩnɩ ña-samtʋ lone taa nɛ ŋtii,
Nɛ ŋcaɣnɩ lɔkɔtʋ,* hayɩ Dibɔɔnɩ+ pɛlɛ ña,
Mbʋ pʋyɔɔ yɔ Mowaabʋ ɖɩzɩyʋ kɔm ña-wayɩ,
Nɛ ɛkaɣ yɔkʋʋ ño-lona ɖoŋ ñɩna.+
19 Arowɛɛrɩ+ taa tʋ, sɩŋ habɩyɛ nɔɔ nɛ ŋcɔna.
Pɔzɩ abalʋ weyi eɖiɣni seu yɔ nɛ halʋ weyi eɖiɣni seu se ɛtʋlɩ yɔ se: “Ɛbɛ laba?”
20 Paɖʋ Mowaabʋ fɛyɛ nɛ sɔɔndʋ sɔsɔtʋ kpa-kʋ.
Iwii nɛ ɩma kubusi.
Isusi Arɩnɔɔnɩ+ taa se paɖɩzɩ Mowaabʋ.
21 «Tɔm hʋʋ talɩ tɛtʋ ndʋ tɩwɛ layɩɩ yɔ* tɩ-yɔɔ,+ Holɔɔnɩ, Yahaz+ nɛ Mefaat+ pɔ-yɔɔ; 22 Dibɔɔnɩ,+ Nebo+ nɛ Bɛtɩ-Dibɩlatayim pɔ-yɔɔ; 23 Kiriyatayim,+ Bɛtɩ-Gamuuli nɛ Bɛtɩ-Meyɔɔnɩ+ pɔ-yɔɔ; 24 Keriyɔɔtɩ+ nɛ Bozɩraa pɔ-yɔɔ nɛ Mowaabʋ ɛjaɖɛ taa tɛtʋ ndɩ ndɩ yɔɔ, ndʋ tɩwɛ poliŋ taa nɛ pɩ-cɔlɔ yɔ.
25 “Pɛsɛtɩ Mowaabʋ ɖoŋ* nɛ pɛpɛɖɩ;
Pɛpɛlɩ ɛ-nɩŋgbɛɛŋa,” Yehowa yɔɔdʋʋna.
26 “Iyele nɛ sʋlʋm kʋ-ɩ,+ mbʋ pʋyɔɔ yɔ ɛkpazɩ ɛ-tɩ Yehowa yɔɔ.+
Mowaabʋ pilimiɣ ɛ-tɔtʋ taa,
Nɛ ɛkɛ hoŋa pʋyʋ.
27 Ɛzɩ Izrayɛɛlɩ taakɛ-ŋ hoŋa pʋyʋ?+
Ɛzɩ pana-ɩ mɩlaa hɛkʋ taa,
Nɛ pʋyɔɔ lɛ, pɩwɛɛ se ŋseɣ-i ñʋʋ nɛ ŋyɔɔdɩ ɛ-yɔɔ tɔm kɩdɛkɛdɩtʋ na?
28 Ɩkʋyɩ tɛtʋ ndɩ ndɩ taa nɛ iwolo ɩcaɣ kaaʋ yɔɔ, Mowaabʋ mba mɩ,
Nɛ ɩpɩsɩ ɛzɩ ehooye nɖɩ ɖɩɖʋʋ ɖandʋ kajalaŋa hʋyɩŋ taa yɔ.”»
29 «Ðɩnɩ Mowaabʋ agʋnda tɔm—ɛwɛnɩ tɩ kpazʋʋ pɩdɩɩfɛyɩ—
Ɛ-cajayɛ, ɛ-agʋnda, ɛ-tɩ kpazʋʋ, nɛ ɛ-laŋɩyɛ tɛ tɩ kpazʋʋ.»+
30 «“Mansɩm ɛ-pana,
Ɛlɛ ɛ-falaa tɔm ɛɛkaɣ nabʋyʋ wazʋʋ.
Paakaɣ nabʋyʋ labʋ,” Yehowa yɔɔdʋʋna.
31 “Pʋyɔɔ mankaɣ wiu Mowaabʋ yɔɔ,
Mankaɣ mabʋ kubusi Mowaabʋ kpeekpe yɔɔ
Nɛ momuzi Kiir-Herɛsɩ+ mba yɔɔ.
Ñe-pilinzi nzɩ siɖiɣni yɛzʋʋ yɔ sɩtɛzɩ teŋgu.
Sɩtalɩ teŋgu, sɩtalɩ Yazɛɛrɩ.
Ðɩzɩyʋ tibi
Ño-soŋaɣ alɩwaatʋ taa tɩŋ pee yɔɔ nɛ viiñi pee wena ŋkoyaa yɔ a-yɔɔ.+
33 Amɛya nɛ laŋhʋlʋmɩyɛ patɩtasɩ wɛʋ tɩŋ pee hayɩm taa
Nɛ Mowaabʋ ɛjaɖɛ taa.+
Malaba nɛ vɛɛ ɛɛtasɩɣ lɩnʋʋ viiñi ɖɩfɛyɩyɛ taa nɛ pikpeŋ.
Nɔɔyʋ ɛɛkaɣ tasʋʋ fɛyʋʋ viiñi pee nɛ taa leleŋ kubusi.
Pakaɣ mabʋ kubusi, ɛlɛ pɩɩkaɣ kɛʋ taa leleŋ kubusi.”»+
34 «“Kubuka nakɛyɛ lɩnɩ Hɛsɩbɔɔnɩ+ nɛ katalɩ ɖooo Eleyale.+
Pamabɩ kubusi ɖoŋ nɛ pɩtalɩ ɖooo Yahaz,+
Kpaɣnɩ Zowaarɩ nɛ piwolo Horonayim+ nɛ pɩtalɩ Eglat-Selisiya.
Halɩ Nimirim lɩm kaɣ sɔʋ.+
35 Mankaɣ ɖɩzʋʋ Mowaabʋ taa
Weyi ɛkɔŋnɩ haɖɛ lone kʋkʋyɩyɛ yɔɔ
Nɛ weyi ɛlaɣ ɛ-ɛsɔ kɩlaŋ yɔ,” Yehowa yɔɔdʋʋna.
Mbʋ pʋyɔɔ yɔ ñɩm mbʋ ehiɣaa yɔ pɩkaɣ ɖɩm.
37 Mbʋ pʋyɔɔ yɔ pahʋm paa ñʋʋ ŋgʋ lɛ koloŋgolo,+
Nɛ pɛsɛtɩ paa tandaʋ ŋgʋ.
38 «“Mowaabʋ kuduyuŋ kpeekpe ñʋŋ taa
Nɛ kɩ-samaɣ kadasɩ tɩŋa taa,
Nabʋyʋ fɛyɩ nɛ pɩtasɩnɩ wiluu.
Mbʋ pʋyɔɔ yɔ mɔyɔkɩ Mowaabʋ
Ɛzɩ pɛʋ ŋgʋ pɔlɔ-kʋ yɔ,” Yehowa yɔɔdʋʋna.
39 “Ɩna ɛzɩma sɔɔndʋ kpa-kʋ pɩdɩɩfɛyɩ yɔ! Iwii!
Ɩna ɛzɩma fɛyɛ kpa Mowaabʋ nɛ kɩha siɣye yɔ!
Mowaabʋ pɩsɩ hoŋa pʋyʋ,
Kɩpɩsɩ mbʋ pɩkpaɣ sɔɔndʋ mba payɩ pɔcɔ-kʋ nɛ pata yɔ.”»
40 «Mbʋ pʋyɔɔ yɔ tɔm tʋnɛ Yehowa yɔɔdʋʋ:
41 Pakaɣ mʋʋ tɛtʋ ndɩ ndɩ,
Nɛ pakaɣ mʋʋ ki-lona ɖoŋ ñɩna.
Kɩyakʋ ŋgʋ ki-wiye lɛ, Mowaabʋ sɔdɩŋ laŋɩyɛ
Kaɣ wɛʋ ɛzɩ halʋ weyi ɛcaɣ lʋlʋʋ yɔ ɛ-laŋɩyɛ yɔ.”»
43 Sɔɔndʋ sɔsɔtʋ nɛ pɔʋ nɛ kpaca pɛwɛ ñɛ-ɛsɩndaa,
Oo Mowaabʋ tʋ,” Yehowa yɔɔdʋʋna.
44 “Weyi eseɣ sɔɔndʋ sɔsɔtʋ yɔ, ɛkaɣ tɔlʋʋ pɔʋ taa,
Nɛ weyi ɛlɩɣnɩ pɔʋ taa yɔ, kpaca kaɣ-ɩ kpaʋ.”
“Mbʋ pʋyɔɔ yɔ mankaɣ kɔnʋʋ Mowaabʋ yɔɔ pa-nɩŋgbaaŋ hɔm pɩnaɣ,” Yehowa yɔɔdʋʋna.
45 “Mba peɖiɣni seu yɔ pasɩŋ Hɛsɩbɔɔnɩ kuzotuu taa, pɛfɛyɩnɩ ɖoŋ.
Mbʋ pʋyɔɔ yɔ miŋ kaɣ lɩnʋʋ Hɛsɩbɔɔnɩ taa
Nɛ miŋ nzʋlʋmɩyɛ ñalɩɩnɩ Sihɔɔnɩ+ hɛkʋ taa.
Ɩkaɣ ñaɣʋ Mowaabʋ kiɖe
Nɛ puuyaɣ pɩyalaa ñʋmbɔɔyaɣ.”+
46 “Pɩtɔɔ-ŋ, Oo Mowaabʋ!
Kemɔɔsɩ+ mba ɖɩma.
Mbʋ pʋyɔɔ yɔ pɛɖɛnɩ ña-pɩyalaa yomiye taa,
Nɛ pɛkɛzɩ ñɛ-pɛlaa tɛtʋ.+
47 Ɛlɛ mankaɣ kpeɣluu Mowaabʋ yomaa kɩyakɩŋ ɖɩdɛnɖɛ alɩwaatʋ taa,” Yehowa yɔɔdʋʋna.
“Mowaabʋ yɔɔ tɔm hʋʋ tɔm tɩnaɣ yɔ.”»+
49 Amooni mba+ yɔɔ lɛ, tɔm tʋnɛ Yehowa yɔɔdʋʋ:
«Ɛzɩ Izrayɛɛlɩ fɛyɩnɩ abalɩbiya na?
Ɛzɩ ɛfɛyɩnɩ weyi ɛkaɣ mʋʋ ɛ-ñɩm nɛ pɩpɩsɩ ɛ-pʋyʋ yɔ?
Ɛbɛ yɔɔ Malɩkam+ mʋ Gaadɩ nɛ kɩpɩsɩ ɛ-pʋyʋ?+
Nɛ ɛbɛ yɔɔ ɛ-samaɣ wɛ Izrayɛɛlɩ tɛtʋ ndɩ ndɩ taa?»
2 «“Pʋyɔɔ lɛ ɩna! Kɩyakɩŋ ɖiɣni kɔm,
“Nɛ alɩwaatʋ ndʋ lɛ, mankaɣ yebu nɛ pama you kubuka* Amooni mba+ tɛ Raba+ yɔɔ,” Yehowa yɔɔdʋʋna.
Kɩkaɣ pɩsʋʋ piyaɣ ŋga kɔ-yɔɔ wɛ kpɛɖɛ yɔ,
Nɛ pakaɣ ñaɣzʋʋ miŋ kɩ-tɛtʋ cikpetu ndɩ ndɩ.”*
“Nɛ Izrayɛɛlɩ kaɣ ɖaɣnʋʋ mʋʋ tɛtʋ ndʋ paamʋ ɛ-cɔlɔ yɔ nɛ tɩpɩsɩ ɛ-pʋyʋ,”+ Yehowa yɔɔdʋʋna.
3 “Wii, Oo Hɛsɩbɔɔnɩ, mbʋ pʋyɔɔ yɔ paɖɩzɩ Ayi!
Ɩma kubusi, Oo Raba tɛtʋ cikpetu ndɩ ndɩ.
Isuu fɔlɔtɔnaa.
Iwii nɛ iyoti pɛɛ kalakɩŋ* hɛkɩŋ taa,
Mbʋ pʋyɔɔ yɔ pakaɣ kɛzʋʋ Malɩkam tɛtʋ,
Pɩkpɛndɩnɩ ɛ-cɔjɔnaa nɛ ɛ-awumbiya.+
4 Ɛbɛ yɔɔ ŋkʋndʋʋnɩ fɛɛŋ,*
Ñɛ-kɛdɛɛŋa ŋga ka-taa lɩm kpeŋ yɔ, Oo ña pɛlɛ weyi ɛfɛyɩ siɣsiɣ yɔ,
Weyi ɛtaɣ liu ɛ-ñɩm yɔ
Nɛ weyi ɛyɔɔdʋʋ se: ‘Akaɣ kɔm ma-wayɩ?’ yɔ.”»
5 «“Na, menɖiɣni kɔnʋʋ sɔɔndʋ pʋyʋ ñɔ-yɔɔ,
Pɩkaɣ lɩnʋʋ mba payɩ pɔcɔ-mɩ nɛ pata yɔ pɔ-cɔlɔ.
Pakaɣ-mɩ mɩzʋʋ hɔɔlɩŋ tɩŋa taa,
Nɛ nɔɔyʋ ɛɛkaɣ kpeɣluu mba peseɣ yɔ,” Kɩbaɣlʋ Kɩlɩm, yoyaa tɛ Yehowa yɔɔdʋʋna.»
6 «“Ɛlɛ pʋwayɩ lɛ, mankaɣ kpeɣluu Amooni ñɩma mba pɛwɛ yomiye taa yɔ,” Yehowa yɔɔdʋʋna.»
7 Edom yɔɔ lɛ, tɔm tʋnɛ yoyaa tɛ Yehowa yɔɔdʋʋ:
«Ɛzɩ lɔŋsɩnɖɛ naɖɩyɛ tɩtasɩ wɛʋ Temaanɩ taa?+
Ɛzɩ lɔŋ tasʋʋ kɩbam tɛm mba pɛwɛnɩ tɔm taa nɩʋ lɛɣtʋ yɔ pɔ-cɔlɔ?
Ɛzɩ pɔ-lɔŋsɩnɖɛ ɖazaa?
8 Ise, ɩpɩsɩ!
Iwolo nɛ ɩcaɣ lona wena awɛ cukaŋ yɔ a-taa, Oo Dedaanɩ+ mba!
Mbʋ pʋyɔɔ yɔ mankaɣ asɛyʋʋ kɔnʋʋ Ezaawuu yɔɔ
Alɩwaatʋ talɩɣ se mɛnkɛzɩ ma-lɩmaɣza nɛ ɛ-yɔɔ lɛ.
9 Ye viiñi pee koyiyaa ɩkɔm ñɛ-tɛ,
Paakazɩɣ viiñi pee naayɛ nɛ pa-wayɩ se pacazɩ yaa we?
Ye mɩlaa ɩkɔm ɖoo taa yɔ,
Pakaɣ kɔnʋʋ asɛyʋʋ ɛzɩ pɔsɔɔlʋʋ yɔ.+
10 Ɛlɛ mankaɣ hɔzʋʋ Ezaawuu wondu nɛ piyebi-i ndaakpeɖe.
Mankaɣ kuluu lona wena a-taa ɛmɛlɩɣ yɔ a-yɔɔ,
Se pɩsa nɛ ɛtaapɩzɩ nɛ ɛmɛlɩ.
11 Yele ñe-piya nzɩ sɩfɛyɩnɩ caanaa yɔ,
Nɛ mankaɣ yebu nɛ sɩwɛɛ wezuu,
Nɛ ñe-lelaa kaɣ-m taʋ liu.»
12 Mbʋ pʋyɔɔ yɔ tɔm tʋnɛ Yehowa yɔɔdʋʋ: «Na! Ye mba patɩkʋ pɔ-tɔm se pɔñɔɔ kɔpʋ yɔ, pɩpɔzʋʋ se pɔñɔɔ-kʋ yɔ, ŋmaɣzɩɣ se pakaɣ-ŋ yebu nɛ paahɔŋ ña-nɩŋgbaŋʋʋ paa ññɩɩ yaa we? Paakaɣ-ŋ yebu nɛ patɩhɔ ña-nɩŋgbaŋʋʋ, mbʋ pʋyɔɔ yɔ pɩwɛɛ se ŋñɔɔ-kʋ.»+
13 «Mbʋ pʋyɔɔ yɔ monɖuuni ma-maɣmaɣ man-tɩ, se Bozɩraa kaɣ pɩsʋʋ sɔɔndʋ pʋyʋ,+ fɛyɛ pʋyʋ, tɛtʋ ndʋ pɔyɔkɩ-tʋ yɔ, nɛ nɔɔ kɩdɛkɛdaɣ lɔʋ; nɛ kɩ-tɛtʋ ndɩ ndɩ tɩŋa kaɣ pɩsʋʋ tamtam njaa,+ Yehowa yɔɔdʋʋna.»
14 Manɩ tɔm natʋyʋ, tɩlɩnɩ Yehowa cɔlɔ,
Petiyi nɔɔyʋ ajɛɛ taa se ɛyɔɔdɩ se:
«Ikpeɣli ɖama nɛ ɩkɔɔ kɩ-wayɩ;
Ɩñɔɔzɩ mɩ-tɩ nɛ ɩla you.»+
15 «Mbʋ pʋyɔɔ yɔ, na! Malaba nɛ ŋpɩsɩ mbʋ pɩtɩlɩɩ pʋyʋ yɔ ajɛɛ taa,
Weyi penimi-i ɛyaa taa yɔ.+
16 Ɛzɩma ŋyeba nɛ ɛyaa seliɣ yɔ,
Nɛ tɩ kpazʋʋ mbʋ pɩwɛ ña-laŋɩyɛ taa yɔ, pipeɣzi-ŋ,
Oo ña weyi ŋcaɣ kaaŋ sɔsɔŋ pɔŋ taa yɔ,
Nɛ ŋwɛɛ piyaɣ ŋga kakpaɖɩ kʋyʋʋ yɔ kɔ-yɔɔ yɔ.
Paa ŋɖʋ ña-ɖandʋ ɖooo hayo ɛzɩ kpeluu yɔ,
Mankaɣ-ŋ tisuu nɛ peeɖe,» Yehowa yɔɔdʋʋna.
17 «Nɛ pɩwɛɛ se Edom ɛpɩsɩ sɔɔndʋ pʋyʋ.+ Paa weyi ɛtɩŋnɩ kɩ-cɔlɔ yɔ, ɛkaɣ cɔnʋʋ nɛ sɔɔndʋ kpa-ɩ nɛ ɛhʋlɩ kancʋʋlaɣ kɩ-asɛyɩŋ kpeekpe yɔɔ. 18 Ɛzɩ paayɔkʋʋ Sodom nɛ Gomɔɔrɩ nɛ pɔ-cɔlɔ tɛtʋ ndɩ ndɩ yɔ, mbʋ ɖɔɖɔ pɩkaɣ labʋ,»+ Yehowa yɔɔdʋʋna, «nɔɔyʋ ɛɛkaɣ wɛʋ peeɖe, nɛ nɔɔyʋ ɛɛkaɣ caɣʋ peeɖe.+
19 «Ɩna! Nɔɔyʋ kaɣ kpaʋ lona wena a-taa kpɩna tɔkɩ ñɩtʋ nɛ kaɖɛ naɖɩyɛ fɛyɩ a-taa yɔ a-wayɩ, pɩkaɣ wɛʋ ɛzɩ ɛzɩma mʋʋzʋʋ+ lɩɣnɩ hɔɖɩŋ sɔsɔŋ weyi ɩwɛ Yɔɔrdaŋ nɔɔ kpɛɛɛ yɔ ɩ-tɛɛ yɔ; ɛlɛ tuda lɛ, mankaɣ labʋ nɛ pese nɛ peyele pɛ-ɛjaɖɛ. Nɛ mankaɣ yebu nɛ weyi malɩzaa yɔ ɛkɛ ɖi-wiyaʋ. Mbʋ pʋyɔɔ yɔ, awɛ ɛzɩ ma yɔ? Nɛ akaɣ-m kaɖɩnʋʋ? Ninɖiɣyu weyi pɩzɩɣ nɛ ɛsɩŋ mɛ-ɛsɩndaa?+ 20 Pʋyɔɔ lɛ, Oo ɛyaa mɩ, ɩnɩɩ lɩmaɣza wena* Yehowa kpaɣ Edom yɔɔ yɔ, nɛ lɩmaɣza wena ɛwɛnɩ Temaanɩ+ mba yɔɔ yɔ:
Pɩtʋʋ fɛyɩ se pakaɣ tuu ewiɖe taa kpɩna cikpena nɛ pɛɖɛna.
Pɔ-yɔɔ lɛ, ɛkaɣ yebu nɛ a-ɖɩjaɣyɛ pɩsɩ njɛyɛ.+
21 Pɔ-tɔlʋʋ tiluu yɔɔ lɛ, tɛtʋ ñamsaa.
Pamabɩ kubuka nakɛyɛ!
Panɩ pɩ-taŋ nɛ pɩtalɩ ɖooo Teŋgu Kɩsɛɛmʋʋ.+
Kɩyakʋ ŋgʋ ki-wiye lɛ, Edom sɔdɩŋ laŋɩyɛ
Kaɣ wɛʋ ɛzɩ halʋ weyi ɛcaɣ lʋlʋʋ yɔ ɛ-laŋɩyɛ yɔ.»
23 Damaasɩ+ yɔɔ tɔm:
«Fɛyɛ kpa Hamatɩ+ nɛ Arpaadɩ,
Mbʋ pʋyɔɔ yɔ panɩ tɔm kɩdɛkɛdɩtʋ.
Sɔɔndʋ yeba nɛ pitibi-wɛ yɔɔɔ.
Kɔkɔɖɛ* wɛ teŋgu ŋgʋ kɩɩpɩzɩɣ nɛ kɩcaɣ ɖiɣ ɖiɣ yɔ kɩ-taa.
24 Damaasɩ lesi kɩ-abalɩtʋ.
Kɩha siɣye se kise, ɛlɛ sɔɔndʋ sɔsɔtʋ kpa-kʋ.
Siziŋ nɩʋ nɛ wɩzasɩ kɔm kɩ-yɔɔ,
Ɛzɩ halʋ weyi eɖiɣni lʋlʋʋ yɔ.
25 Pɩlabɩ ɛzɩma nɛ patɩɖɛɛ nɛ peyele samtʋ tɛtʋ,
Amɛya tɛtʋ?
26 Mbʋ pʋyɔɔ yɔ ki-evebiya kaɣ tɔlʋʋ kɩ-samaɣ kadasɩ taa,
Nɛ sɔɔjanaa tɩŋa kaɣ sɩbʋ kɩyakʋ ŋgʋ ki-wiye,» yoyaa tɛ Yehowa yɔɔdʋʋna.
27 «Mankaɣ sɔbʋ Damaasɩ koloŋa miŋ,
Nɛ ɩkaɣ ñaɣʋ Bɛɛnɩ-Hadaadɩ tilima ɖoŋ ñɩna.»+
28 Kedaarɩ+ nɛ Hazɔɔrɩ kewiyisi, nzɩ Babilɔɔnɩ wiyaʋ Nabukodonozɔɔrɩ* wabɩ-sɩ yɔ, tɔm tʋnɛ Yehowa yɔɔdʋʋ sɩ-yɔɔ:
«Ɩkʋyɩ, ɩkpa Kedaarɩ,
Nɛ ɩɖɩzɩ Wɩsɩ Ðɩlɩyɛ pɩyalaa.
29 Pakaɣ kpaɣʋ pe-kizinzikiŋ nɛ pa-kpɩna,
Pe-kizinzikiŋ pɩsaŋ nɛ pa-ñɩm kpeekpe.
Pakaɣ kpaɣʋ pa-aɖaaɖaanaa nɛ pɛɖɛna,
Nɛ pakaɣ mabʋ kubusi nɛ peheyi-wɛ se: “Sɔɔndʋ wɛ paa le!”»
30 «Ise, ɩɖɛɛ ɖooo poliŋ!
Iwolo nɛ ɩcaɣ lona wena awɛ cukaŋ yɔ a-taa, Oo Hazɔɔrɩ mba,
Mbʋ pʋyɔɔ yɔ Babilɔɔnɩ wiyaʋ Nabukodonozɔɔrɩ* labɩ you lɛɣtʋ natʋyʋ se ɛkɔɔ mɩ-wayɩ,
Nɛ ɛlabɩ ɖʋtʋ natʋyʋ se eyooni-mɩ,» Yehowa yɔɔdʋʋna.
31 «Ɩkʋyɩ, ɩkpa ɛjaɖɛ nɖɩ ɖɩwɛ laŋhɛzɩyɛ taa yɔ ɖɩ-wayɩ,
Nɖɩ ɖɩwɛ pɛɛyɛ taa yɔ!» Yehowa yɔɔdʋʋna.
«Ðɩfɛyɩnɩ pɔɔyɩŋ yaa ñɩɣtʋ ndʋ paɖɩkɩnɩ nɔnɔsɩ yɔ; pacaɣ pe-ɖeke kɩjaʋ yɔɔ.
32 Pa-aɖaaɖaanaa kaɣ pɩsʋʋ mbʋ palazaa yɔ,
Nɛ pa-kpɩna sakɩyɛ pɩsɩ mbʋ pamʋ you taa yɔ.
Mba pahʋŋ pa-nakpaaŋ yɔɔ ñɔsɩ yɔ,+
Mankaɣ-wɛ mɩzʋʋ paa helim mbʋ lɛ pɩ-nɔɔ taa,*
Nɛ mankaɣ pɔ-yɔɔ kɔnʋʋ asɛyʋʋ nɛ hɔɔlɩŋ tɩŋa taa,» Yehowa yɔɔdʋʋna.
33 «Nɛ Hazɔɔrɩ kaɣ pɩsʋʋ tɛyɛ hasɩ ɖɩjaɣyɛ,
Tamtam njɛyɛ.
Nɔɔyʋ ɛɛkaɣ wɛʋ peeɖe,
Nɛ ɛyʋ nɔɔyʋ ɛɛkaɣ caɣʋ kɩ-taa.»
34 Elam+ yɔɔ tɔm ndʋ tɩlɩnɩ Yehowa cɔlɔ nɛ tɩtalɩ nayʋ Yereemii, Yuuda wiyaʋ Zedekiya+ kewiyitu tɔɔʋ ɖɩbazɩyɛ taa yɔ, ndʋ yɔ: 35 «Tɔm tʋnɛ yoyaa tɛ Yehowa yɔɔdʋʋ: “Ɩna, menɖiɣni pɛlʋʋ Elam+ tɔʋ, ɖenɖe po-ɖoŋ lɩɣna yɔ.* 36 Mankaɣ kɔnʋʋ Elam yɔɔ helim 4 mbʋ pɩlɩnɩ ɛsɔdaa kamasɩ 4 yɔɔ yɔ, nɛ mankaɣ-wɛ mɩzʋʋ helim mbʋ pɩtɩŋa pɩ-nɔsɩ taa. Ɛjaɖɛ naɖɩyɛ ɛɛkaɣ wɛʋ se Elam ñɩma mba pamɩzɩ-wɛ yɔ patiwolo ɖɩ-taa.”»
37 «Nɛ mankaɣ labʋ nɛ sɔɔndʋ kpa Elam mba po-koyindinaa ɛsɩndaa nɛ mba pañɩnɩɣ se palɩzɩ pe-wezuu yɔ* pɛ-ɛsɩndaa; nɛ mankaɣ kɔnʋʋ pɔ-yɔɔ asɛyʋʋ, man-pana sɔsɔna. Nɛ mankaɣ tiyuu laɣɖɛ pa-wayɩ pɩkɔɔ nɛ pɩsɩɩnɩ alɩwaatʋ ndʋ manɖɩzɩ-wɛ yɔ,» Yehowa yɔɔdʋʋna.
38 «Nɛ mankaɣ sɩʋ men-kewiyaɣ kpelaɣ Elam+ taa, nɛ mankaɣ ɖɩzʋʋ wiyaʋ nɛ awumbiya mba pɛwɛ peeɖe yɔ,» Yehowa yɔɔdʋʋna.
39 «Ɛlɛ kɩyakɩŋ ɖɩdɛnɖɛ alɩwaatʋ taa lɛ, mankaɣ kpeɣluu Elam ñɩma mba pɛwɛ yomiye taa yɔ,» Yehowa yɔɔdʋʋna.
50 Tɔm ndʋ Yehowa tɩŋnɩ nayʋ Yereemii yɔɔ nɛ ɛyɔɔdɩ Babilɔɔnɩ yɔɔ,+ Kalɩdee mba ɛjaɖɛ yɔɔ yɔ, ndʋ yɔ:
2 «Ɩyɔɔdɩ-tʋ ajɛɛ taa, nɛ isusi-tʋ.
Ɩkpazɩ yʋsaɣ* nɛ isusi-tʋ.
Ɩtaamɛsɩ natʋyʋ!
Ɩyɔɔdɩ se: “Pamʋ Babilɔɔnɩ.+
Paɖʋ Bɛɛlɩ fɛyɛ.+
Sɔɔndʋ sɔsɔtʋ kpa Merodaakɩ.
Paɖʋ kɩ-sɩʋ kpelisi fɛyɛ.
Sɔɔndʋ sɔsɔtʋ kpa kɩ-sɩʋ kpelisi nzɩ sɩwɛ kiniŋ yɔ.”*
3 Mbʋ pʋyɔɔ yɔ ɛjaɖɛ naɖɩyɛ lɩnɩ hayo kiŋ nɛ ɖɩkɔɔ kɩ-wayɩ.+
Ðiyeba nɛ kɩ-ɛjaɖɛ pɩsɩ sɔɔndʋ pʋyʋ;
Nɔɔyʋ fɛyɩ kɩ-taa.
Ɛyʋ nɛ kpɩnɛ pesewa.
Pɛɖɛwa.»
4 «Kɩyakɩŋ ɛnɩ ɩ-taa nɛ alɩwaatʋ ndʋ tɩ-taa lɛ, Izrayɛɛlɩ mba nɛ Yuuda mba pakaɣ kpɛndʋʋ nɛ pɔkɔɔ.+ Pakaɣ ɖɔm nɛ wiluu,+ nɛ pakaɣ kpɛndʋʋ nɛ pañɩnɩ pɛ-Ɛsɔ Yehowa,+ Yehowa yɔɔdʋʋna. 5 Pakaɣ pɔzʋʋ Siyɔŋ nʋmɔʋ yɔɔ, nɛ papa ɛsa nɛ hɔɔlʋʋ ŋgʋ kɩ-taa+ nɛ pɔyɔɔdʋʋ se: “Ɩkɔɔ nɛ ɖa nɛ Yehowa ɖɩɖʋ tamtam ɛgbɛyɛ nɖɩ ɖɩ-yɔɔ paakaɣ sɔʋ yɔ.”+ 6 Man-samaɣ pɩsɩ heŋ weyi ileba yɔ i-ewiɖe.+ Ɩ-maɣmaɣ i-ninɖiɣyaa yebina nɛ ile.+ Powoni-i pʋŋ yɔɔ, nɛ ɩwɛɛ nɛ iyotuu pʋŋ nɛ piyisi yɔɔ. Ɩsɔ ɩ-ɖɩhɛzɩyɛ lone yɔɔ. 7 Mba payɩ palɩ ɩ-yɔɔ yɔ pɔtɔɔ-ɩ,+ nɛ i-koyindinaa yɔɔdaa se: “Ðɩtɩɖɔɔ wɛɛ naayɛ, mbʋ pʋyɔɔ yɔ, payʋsɩnɩ Yehowa; payʋsɩnɩ siɣsiɣ wɛtʋ ɖɩjaɣyɛ nɛ pɔ-cɔzɔnaa lidaʋ, Yehowa.”»
8 «Ɩlɩɩ Babilɔɔnɩ taa nɛ ise,
Ɩlɩɩ Kalɩdee mba ɛjaɖɛ taa,+
Nɛ ɩwɛɛ ɛzɩ ewiɖe taa kpɩna wena aɖɛɣ nɔɔ yɔ.
9 Mbʋ pʋyɔɔ yɔ, ɩna, menɖiɣni kʋsʋʋ ajɛɛ sɔsɔna tindimiye naɖɩyɛ nɛ hayo kiŋ hɔɔlʋʋ taa
Se ɖiwolo Babilɔɔnɩ wayɩ.+
Ðɩkaɣ ñɔɔzʋʋ ɖɩ-tɩ nɛ ɖiwolo kɩ-wayɩ se ɖiyooni-kʋ;
Ðɩkaɣ-kʋ wabʋ nɛ ɖɩmʋ-kʋ nɛ hɔɔlʋʋ ŋgʋ kɩ-yɔɔ.
10 Kalɩdee kaɣ pɩsʋʋ mbʋ palazaa yɔ.+
Mba payɩ palazɩɣ kɩ-taa wondu yɔ pakaɣ ñɩɣzʋʋ siŋŋ,»+ Yehowa yɔɔdʋʋna.
11 «Mbʋ pʋyɔɔ yɔ ɩwɛ laŋhʋlʋmɩyɛ taa,+ ɩwɛ amɛya taa
Alɩwaatʋ ndʋ ɩwɛɛ nɛ ɩmɩlɩɣ ma-maɣmaɣ ma-ñɩm yɔ.+
Mbʋ pʋyɔɔ yɔ, ɩwɛɛ nɛ ɩmakɩ mɩ-nɩŋgbanzɩ nɛ tɛtʋ ɛzɩ nɔ halɩñɩnʋ* weyi ɛwɛ ñɩtʋ taa yɔ,
Nɛ ɩwɛɛ nɛ iwiɣ ɛzɩ kpaŋnaŋ abalɩñɩŋ yɔ.
12 Paɖʋ mi-ɖoo fɛyɛ.+
Ɛnʋ weyi ɛlʋlɩ-mɩ yɔ pitibi-i yɔɔɔ.
Ɩna! Ɛkɛ ajɛɛ taa weyi pɩtɔyɩnɩ-ɩ yɔ,
Kañɩmbusuu ŋgʋ kɩ-taa lɩm fɛyɩ yɔ nɛ lone nɖɩ ɖɩwɛ kpɛɖɛ yɔ.+
Weyi ɛtɩŋɩɣnɩ Babilɔɔnɩ cɔlɔ yɔ, ɛkaɣ cɔnʋʋ nɛ sɔɔndʋ kpa-ɩ
Nɛ ɛhʋlɩ kancʋʋlaɣ kɩ-asɛyɩŋ kpeekpe yɔɔ.+
14 Ɩñɔɔzɩ mɩ-tɩ nɛ ɩkɔɔ Babilɔɔnɩ wayɩ nɛ iyooni-kʋ hɔɔlɩŋ tɩŋa taa,
Mɩ mba payɩ ikotuu* tɔʋ yɔ.
15 Ɩma kɩ-yɔɔ you kubuka hɔɔlɩŋ tɩŋa taa.
Kɩcɛlɩ kɩ-tɩ.*
Ɩkpa-kʋ kɩmɩyɛ.
Ɩlabɩ-kʋ ɛzɩ kɩlabʋ yɔ.+
16 Ɩɖɩzɩ ɖomaɣ ɖuyu Babilɔɔnɩ taa
Nɛ weyi ɛlakɩnɩ tʋmɩyɛ loozo kʋmtʋ alɩwaatʋ taa yɔ.+
Laɣɖɛ nɖɩ ɖɩwɛ kañatʋ yɔ ɖɩ-yɔɔ lɛ, paa weyi ɛkaɣ pɩsʋʋ ɛ-maɣmaɣ ɛ-samaɣ cɔlɔ,
Paa weyi ɛkaɣ seu nɛ ewolo ɛ-maɣmaɣ ɛ-ɛjaɖɛ taa.+
17 «Izrayɛɛlɩ mba kɛ heŋ weyi ɩmɩzaa yɔ.+ Mʋʋzɩŋ mɩzɩ-ɩ.+ Kajalaɣ lɛ, Asiirii wiyaʋ tɔɔnɩ-ɩ;+ pʋwayɩ lɛ Babilɔɔnɩ wiyaʋ Nabukodonozɔɔrɩ* salɩ ɩ-mɔɔ.+ 18 Pʋyɔɔ lɛ, tɔm tʋnɛ yoyaa tɛ Yehowa, Izrayɛɛlɩ tɛ Ɛsɔ yɔɔdʋʋ: “Ɩna, mankaɣ labʋ Babilɔɔnɩ wiyaʋ nɛ ɛ-ɛjaɖɛ ɛzɩ malabʋ Asiirii wiyaʋ yɔ.+ 19 Nɛ mankaɣ pɩsɩnʋʋ Izrayɛɛlɩ ɛ-ñɩtʋ ɖɩdɔɔyɛ taa,+ nɛ ɛkaɣ tɔɔʋ ñɩtʋ Karmɛɛlɩ yɔɔ nɛ Basaanɩ+ yɔɔ, nɛ ɛkaɣ* tɔɔʋ Efrayim+ nɛ Galaadɩ+ pʋŋ yɔɔ nɛ ɛhaɣ.”»
20 «Kɩyakɩŋ ɛnɩ ɩ-taa nɛ alɩwaatʋ ndʋ tɩ-taa lɛ,
Pakaɣ ñɩnʋʋ Izrayɛɛlɩ kɩwɛɛkɩm,
Ɛlɛ paakaɣ naʋ nabʋyʋ,
Nɛ paakaɣ naʋ Yuuda kɩwɛɛkɩm,
Mbʋ pʋyɔɔ yɔ mankaɣ kpeɣu mba mankazɩ-wɛ yɔ,»+ Yehowa yɔɔdʋʋna.
21 «Kpa Meratayim ɛjaɖɛ wayɩ nɛ Pekod+ mba wayɩ.
Pʋʋtɩ-wɛ nɛ ŋɖɩzɩ-wɛ caɣ caɣ,
La mbʋ payɩ manɖʋ-ŋ paɣtʋ se ŋla yɔ, Yehowa yɔɔdʋʋna.
22 Panɩɣ you taŋ ɛjaɖɛ taa,
Asɛyʋʋ sɔsɔʋ.
23 Ɩna ɛzɩma pɛpɛlɩ tɛtʋ kpeekpe yɔɔ hama nɛ pɔyɔkɩ-kʋ yɔ!+
Ɩna ɛzɩma Babilɔɔnɩ pɩsɩ sɔɔndʋ pʋyʋ ajɛɛ taa yɔ!+
24 Oo Babilɔɔnɩ, mañɩbɩ-ŋ kpaca nɛ kɩkpa-ŋ,
Nɛ ŋtaatɩlɩ.
Pehiɣ-ŋ nɛ pakpa-ŋ,+
Mbʋ pʋyɔɔ yɔ Yehowa ŋkaɖɩnaa.
25 Yehowa kuli e-wondu ɖɩzɩyɛ yɔɔ,
Nɛ ɛlɩzɩɣ ɛ-pana tɛ you wondu.+
Mbʋ pʋyɔɔ yɔ Kɩbaɣlʋ Kɩlɩm, yoyaa tɛ Yehowa wɛnɩ tʋmɩyɛ naɖɩyɛ
Kalɩdee mba ɛjaɖɛ taa.
26 Ɩkʋyɩnɩ poliŋ lona taa nɛ ɩkɔɔ Babilɔɔnɩ wayɩ.+
Ikuli ki-kpoŋ yɔɔ.+
Ikpeɣli-kʋ ɛzɩ pekpeɣluu tɔɔnaɣ pee huwa yɔ.
Ɩɖɩzɩ-kʋ caɣ caɣ.+
Pɩtaakazɩ-kʋ nɔɔyʋ.
Pɩtɔɔ-wɛ, mbʋ pʋyɔɔ yɔ pa-kɩyakʋ talaa,
Pa-akɔnta pɔzʋʋ alɩwaatʋ talaa!
28 Panɩɣ mba peɖiɣni seu yɔ pa-taŋ,
Mba palɩnɩ Babilɔɔnɩ ɛjaɖɛ taa nɛ peseɣ,
Se posusi Siyɔŋ taa ɖɛ-Ɛsɔ Yehowa kɩmɩyɛ kpaʋ tɔm,
E-templo kɩmɩyɛ kpaʋ tɔm yɔ.+
Ɩcɔɔ-kʋ nɛ ɩta; itaayele nɛ nɔɔyʋ se.
Ɩhɛyɩ-kʋ ɛzɩ kɩ-lakasɩ pɔzʋʋ yɔ.+
Ɩlabɩ-kʋ ɛzɩ kɩlabʋ yɔ.+
Mbʋ pʋyɔɔ yɔ kɩkpazɩ kɩ-tɩ Yehowa yɔɔ.
Izrayɛɛlɩ tɛ Kiɖeɖeu yɔɔ.+
30 Pʋyɔɔ lɛ, ki-evebiya kaɣ tɔlʋʋ kɩ-samaɣ kadasɩ taa,+
Nɛ kɩ-sɔɔjanaa tɩŋa kaɣ sɩbʋ* kɩyakʋ ŋgʋ ki-wiye,» Yehowa yɔɔdʋʋna.
31 «Na, mankʋyʋʋ ñɔ-yɔɔ,+ Oo ña weyi ŋkaɖɩɣnɩ-m yɔ,+
Mbʋ pʋyɔɔ yɔ pɩtʋʋ fɛyɩ se ña-kɩyakʋ kaɣ kɔm, alɩwaatʋ ndʋ tɩ-taa mankaɣ-ŋ pɔzʋʋ akɔnta yɔ; Kɩbaɣlʋ Kɩlɩm, yoyaa tɛ Yehowa yɔɔdʋʋna.
32 Oo ña weyi ŋkaɖɩɣnɩ-m yɔ, pɩkaɣ-ŋ tuuluu nɛ ŋtɔlɩ,
Nɛ nɔɔyʋ ɛɛkaɣ wɛʋ se ɛkʋsɩ-ŋ.+
Nɛ mankaɣ sɔbʋ ñɛ-tɛtʋ ndɩ ndɩ miŋ,
Nɛ ɩkaɣ ñaɣʋ mbʋ payɩ pɩcɔ-ŋ nɛ pɩta yɔ.»
33 Tɔm tʋnɛ yoyaa tɛ Yehowa yɔɔdʋʋ:
«Panazɩ Izrayɛɛlɩ mba nɛ Yuuda mba,
Nɛ mba payɩ pakpaɣ-wɛ nɛ pɛɖɛnɩ yomiye taa yɔ pɔɖɔkɩ-wɛ cɩŋ cɩŋ.+
Pekizaa se paayeki-wɛ nɛ pɛɖɛɛ.+
34 Ɛlɛ Weyi ɛɖaɣnɩ-wɛ yabʋ yɔ, ɛwɛ ɖoŋ.+
Payaɣ-ɩ se yoyaa tɛ Yehowa.+
Pɩtʋʋ fɛyɩ se ɛkaɣ hʋʋ pɔ-tɔm,+
Pɩsa nɛ eyele nɛ hɛzɩyɛ wɛɛ ɛjaɖɛ taa+
Nɛ ɛkɔnɩ ñam ñam lakasɩ Babilɔɔnɩ mba hɛkʋ taa.»+
35 «Laɣɖɛ kaɣ kɔm Kalɩdee mba wayɩ,
Ðɩkaɣ kɔm Babilɔɔnɩ taa mba wayɩ, kɩ-awumbiya wayɩ, nɛ kɩ-lɔŋsɩnɖaa wayɩ,+ Yehowa yɔɔdʋʋna.
36 Laɣɖɛ kaɣ kɔm falaa tɔm yɔɔdɩyaa* wayɩ, nɛ pakaɣ labʋ kɩmɛlɛndʋ lakasɩ.
Laɣɖɛ kaɣ kɔm kɩ-sɔdɩŋ wayɩ, nɛ sɔɔndʋ sɔsɔtʋ kaɣ-wɛ kpaʋ.+
37 Laɣɖɛ kaɣ kɔm pa-kpaŋnaŋ nɛ po-you kɛɛkɛɛnaa wayɩ,
Nɛ ɖɩkaɣ kɔm ajɛɛ ndɩ ndɩ taa ñɩma mba pesidi pɛ-hɛkʋ taa yɔ pa-wayɩ,
Nɛ pakaɣ pɩsʋʋ ɛzɩ halaa yɔ.+
Laɣɖɛ kaɣ kɔm kɩ-ñɩm ɖɩzɩyɛ wayɩ, nɛ pakaɣ lazʋʋ pa-ñɩm.+
38 Asɛyʋʋ kaɣ talʋʋ kɩ-lɩm, nɛ pɩkaɣ sɔʋ.+
Mbʋ pʋyɔɔ yɔ pɩkɛ sɩʋ kpelisi ɛjaɖɛ,+
Nɛ pa-natʋ ndʋ tɩcaɣ sɔɔndʋ yɔ tɩ-yɔɔ lɛ, pɛwɛɛ nɛ palakɩ ɛzɩ mba pasʋ kpaaŋ yɔ.
39 Pʋyɔɔ lɛ, kañɩmbusuu taa kpɩna nɛ kpɩna wena awiɣ ɖoŋ yɔ akaɣ wɛʋ peeɖe,
Nɛ taataanaa kaɣ wɛʋ kɩ-taa.+
Nɔɔyʋ ɛɛkaɣ tasʋʋ wɛʋ kɩ-taa wiɖiyi,
Nɛ kɩɩkaɣ kɛʋ ɖɔɖɔ lone nɖɩ ɖɩ-taa ɛyʋ cakɩ yɔ kpaɖɩŋ kpeekpe taa.»+
40 «Ɛzɩ Ɛsɔ kaayɔkʋʋ Sodom nɛ Gomɔɔrɩ+ nɛ pɔ-cɔlɔ tɛtʋ ndɩ ndɩ yɔ,+ mbʋ ɖɔɖɔ pɩkaɣ labʋ, nɔɔyʋ ɛɛkaɣ wɛʋ peeɖe, nɛ nɔɔyʋ ɛɛkaɣ caɣʋ peeɖe,+ Yehowa yɔɔdʋʋna.
41 Ɩna! Samaɣ nakɛyɛ lɩnɩ hayo kiŋ nɛ kɔkɔŋ;
Ɛjaɖɛ sɔsɔɖɛ naɖɩyɛ nɛ awiya sɔsɔna+ pakaɣ kpaʋ ɖoŋ
Nɛ palɩɩnɩ tɛtʋ hɔɔlɩŋ weyi ɩkɩlɩ posuu yɔ ɩ-taa nɛ pɔkɔɔ.+
42 Pɔɖɔkɩ tɔŋ nɛ kɩgbɛzɛmɩŋ.*+
Pɛwɛ kañatʋ nɛ paakaɣ naʋ pʋtɔdɩyɛ.+
Panɩɣ pa-taŋ ɛzɩ teŋgu tiluu yɔ,+
Alɩwaatʋ ndʋ pacakɩ pa-kpaŋnaŋ yɔɔ yɔ.
Ɛzɩ ɛyʋ kʋɖʋm yɔ, pakaɣ pa-tɩ ñɔɔzʋʋ nɛ papɩlɩ nɛ pɔkɔɔ ña-wayɩ se poyooni-ŋ, Oo Babilɔɔnɩ pɛlɛ.+
Wɩzasɩ talɩ-ɩ,
Wɩzasɩ nzɩ, sɩwɛ ɛzɩ halʋ weyi eɖiɣni lʋlʋʋ yɔ ɛ-wɩzasɩ.
44 «Ɩna! Nɔɔyʋ kaɣ kpaʋ lona wena a-taa kpɩna tɔkɩ ñɩtʋ nɛ kaɖɛ naɖɩyɛ fɛyɩ a-taa yɔ a-wayɩ, pɩkaɣ wɛʋ ɛzɩ ɛzɩma mʋʋzʋʋ lɩɣnɩ hɔɖɩŋ sɔsɔŋ weyi ɩwɛ Yɔɔrdaŋ nɔɔ kpɛɛɛ yɔ ɩ-tɛɛ yɔ; ɛlɛ tuda lɛ, mankaɣ labʋ nɛ pese nɛ peyele pɛ-ɛjaɖɛ. Nɛ mankaɣ yebu nɛ weyi malɩzaa yɔ ɛkɛ ɖi-wiyaʋ.+ Mbʋ pʋyɔɔ yɔ, awɛ ɛzɩ ma yɔ? Nɛ akaɣ-m kaɖɩnʋʋ? Ninɖiɣyu weyi pɩzɩɣ nɛ ɛsɩŋ mɛ-ɛsɩndaa?+ 45 Pʋyɔɔ lɛ, Oo ɛyaa mɩ, ɩnɩɩ lɩmaɣza wena* Yehowa kpaɣ Babilɔɔnɩ yɔɔ yɔ,+ nɛ lɩmaɣza wena ɛwɛnɩ Kalɩdee mba yɔɔ yɔ.
Pɩtʋʋ fɛyɩ se pakaɣ tuu ewiɖe taa kpɩna cikpena nɛ pɛɖɛna.
Pɔ-yɔɔ lɛ, ɛkaɣ yebu nɛ a-ɖɩjaɣyɛ pɩsɩ njɛyɛ.+
46 Babilɔɔnɩ mʋʋ kɔkɔɖɛ kaɣ yebu nɛ tɛtʋ ñamsɩ.
Nɛ pakaɣ nɩʋ kubuka nakɛyɛ taŋ ajɛɛ taa.»+
51 Tɔm tʋnɛ Yehowa yɔɔdʋʋ:
2 Mankaɣ tiyuu falɩyaa Babilɔɔnɩ,
Nɛ pakaɣ-kʋ falʋʋ nɛ peyele kɩ-ɛjaɖɛ kpɛɖɛ;
Pakaɣ kɔm kɩ-wayɩ nɛ hɔɔlɩŋ tɩŋa taa asɛyʋʋ kɩyakʋ wiye.+
3 Weyi ɛkɛ tɔʋ tɔyʋ yɔ etaakoti* ɛ-tɔʋ.
Nɛ weyi esu ñɩɣyʋʋ toko yɔ ɛtaakʋyɩ nɛ ɛsɩŋ.
Ɩtaana ki-evebiya pʋtɔdɩyɛ.+
Ɩɖɩzɩ kɩ-sɔɔjanaa tɩŋa.
4 Nɛ pakaɣ-wɛ kʋʋ Kalɩdee mba ɛjaɖɛ taa,
Pakaɣ-wɛ sɔbʋ nɛ pasɩ kɩ-habɛɛ yɔɔ.+
5 Mbʋ pʋyɔɔ yɔ yoyaa tɛ Yehowa tiyele Izrayɛɛlɩ nɛ Yuuda. Patɩpɩsɩ ɛzɩ lelaa yɔ.+
Ɛlɛ Izrayɛɛlɩ tɛ Kiɖeɖeu ɛsɩndaa lɛ, kɩwɛɛkɩm su pɛ-ɛjaɖɛ* taa.
Kɩ-kɩwɛɛkɩm etaayele nɛ ɩsɩ.
Mbʋ pʋyɔɔ yɔ pɩkɛ Yehowa kɩmɩyɛ kpaʋ alɩwaatʋ.
Ɛwɛɛ nɛ ɛhɛyɩɣ-kʋ mbʋ kɩlaba yɔ pɩ-yɔɔ.+
7 Babilɔɔnɩ kaakɛ sika kɔpʋ Yehowa nesi taa;
Kiyeba nɛ sʋlʋm kʋ tɛtʋ kpeekpe.
8 Babilɔɔnɩ tɔlɩ tuda nɛ kɩyɔkɩ.+
Iwii kɩ-yɔɔ!+
Kɩ-wɩzasɩ yɔɔ lɛ, iwolo nɛ ɩkɔnɩ balɩsam; pʋtɔma yɔ kɩ-yɔɔ cɛkɩ.»
9 «Ðɩñaɣ pana se ɖɩwaa Babilɔɔnɩ, ɛlɛ paapɩzɩɣ nɛ pawaa-kʋ.
Iyele-kʋ nɛ ɖɩɖɛɛ, paa weyi lɛ ɛpɩsɩ ɛ-maɣmaɣ ɛ-ɛjaɖɛ taa.+
Mbʋ pʋyɔɔ yɔ kɩ-tɔm hʋʋ talɩ ɛsɔdaa;
Pɩkʋyaa ɛzɩ ɛsɔmɩndʋ yɔ.+
10 Yehowa hʋ ɖɔ-tɔm siɣsiɣ.+
Ɩkɔɔ, ɖɩkɛdɩ ɖɛ-Ɛsɔ Yehowa tʋma tɔm Siyɔŋ taa.»+
11 «Ɩsɛyɩ tɔʋ ñɩma;+ ɩkpaɣ kpayɩŋ weyi ɩwɛ kulukulu yɔ.*
Yehowa seɣti Medii mba awiya se powolo you,*+
Mbʋ pʋyɔɔ yɔ ɛlabɩ lɩmaɣzɩyɛ se ɛkɔŋnɩ asɛyʋʋ Babilɔɔnɩ yɔɔ.
Mbʋ pʋyɔɔ yɔ pɩkɛnɩ Yehowa kɩmɩyɛ kpaʋ, e-templo yɔɔ kɩmɩyɛ kpaʋ.
12 Ɩkpazɩ yʋsaɣ*+ nɛ iyooni Babilɔɔnɩ kolonzi.
Ɩcɛyɩsɩ kandɩyʋʋ ɖʋtʋ, ɩsɩɩ feŋiyaa po-lona taa.
Ɩñɔɔzɩ mba papabɩɣ se potudi koyindu yɔ.
Mbʋ pʋyɔɔ yɔ Yehowa labɩnɩ you lɛɣtʋ ndʋ,
Nɛ ɛkaɣ labʋ tɔm ndʋ ɛyɔɔdɩ Babilɔɔnɩ mba yɔɔ yɔ tɩ-yɔɔ.»+
13 «Oo, ña halʋ weyi ŋcaɣ lɩm sakɩyɛ yɔɔ,+
Nɛ ŋwɛɛnɩ ñɩm sakɩyɛ yɔ,+
Ñɛ-tɛm talaa, ñɛ-kɛzɛɣa ñɩnʋʋ talɩ pɩ-kamaɣ yɔɔ.+
14 Yoyaa tɛ Yehowa ɖuuni ɛ-tɩ* se:
“Mankaɣ yebu nɛ ɛyaa su ñɛ-tɛ, pakaɣ ɖɔʋ ɛzɩ kudoloŋ yɔ,
Nɛ pakaɣ kou wabɩtʋ kogoye ñɔ-yɔɔ.”+
15 Ɛnʋ kpaɣnɩ e-ɖoŋ nɛ ɛlabɩnɩ tɛtʋ,
Ɛnʋ kpaɣnɩ ɛ-lɔŋsɩnɖɛ nɛ ɛñɔɔzɩnɩ tɛtʋ* nɛ tɩka camɩyɛ+
Nɛ ɛlabɩnɩ tʋmɩyɛ ɛ-tɔm taa nɩʋ lɛɣtʋ nɛ eposi ɛsɔdaa.+
16 Alɩwaatʋ ndʋ eyeki nɛ panɩɩ ɛ-nɔɔ yɔ,
Lɩm mbʋ pɩwɛ ɛsɔdaa yɔ pisidiɣ yem yem,
Nɛ ɛlakɩ nɛ mɩndʋ* kʋyʋʋnɩ tɛtʋ kamasɩ yɔɔ nɛ tɩkpaɣ.
17 Paa ɛyʋ weyi ɛ-lakasɩ wɩlɩɣ se ɛɛmaɣzɩɣ ɛ-ñʋʋ taa nɛ ɛfɛyɩnɩ sɩmtʋ.
Paa ñɩɣtʋ wondu luɖu weyi lɛ, fɛyɛ kaɣ-ɩ kpaʋ sɩʋ kpeliɣa ŋga eluba yɔ kɔ-yɔɔ;+
Mbʋ pʋyɔɔ yɔ ɛ-ñɩɣtʋ sɩʋ kpeliɣa* kɛ cɛtɩm,
18 Sɩkɛ cɛtɩm,*+ tʋmɩyɛ nɖɩ pohoŋuu-ɖɩ yɔ.
Sɩ-akɔnta pɔzʋʋ kɩyakʋ talɩɣ lɛ, sɩkaɣ mʋʋʋ.
19 Weyi ɛkɛ Yakɔɔb Pʋyʋ yɔ ɛfɛyɩ ɛzɩ wondu ndʋ yɔ,
Mbʋ pʋyɔɔ yɔ Ɛnʋ kɛnɩ weyi ɛlabɩ pɩtɩŋa payɩ yɔ,
Halɩ pɩkpɛndɩnɩ mba pɛkɛ ɛ-ñɩm+ yɔ pa-ɖaʋ.
Payaɣ-ɩ se yoyaa tɛ Yehowa.»+
20 «Ŋkɛ-m you pɔɖɩyɛ, wonuu ŋgʋ palakɩnɩ you yɔ,
Mbʋ pʋyɔɔ yɔ ña mankaɣ kpaɣʋ nɛ mɔntɔyɩtɩnɩ ajɛɛ.
Ña mankaɣ kpaɣʋ nɛ manɖɩzɩnɩ kewiyisi.
21 Ña mankaɣ kpaɣʋ nɛ mɔntɔyɩtɩnɩ kpaŋnʋ nɛ ɛ-yɔɔ caɣyʋ.
Ña mankaɣ kpaɣʋ nɛ mɔntɔyɩtɩnɩ you kɛɛkɛɛ nɛ weyi ɛsaɣ-kʋ yɔ.
22 Ña mankaɣ kpaɣʋ nɛ mɔntɔyɩtɩnɩ abalʋ nɛ halʋ.
Ña mankaɣ kpaɣʋ nɛ mɔntɔyɩtɩnɩ akpadɩyʋ nɛ abalɩbɩɣa.
Ña mankaɣ kpaɣʋ nɛ mɔntɔyɩtɩnɩ evebu nɛ pɛlɛ.
23 Ña mankaɣ kpaɣʋ nɛ mɔntɔyɩtɩnɩ ninɖiɣyu nɛ ɛ-kpɩna.
Ña mankaɣ kpaɣʋ nɛ mɔntɔyɩtɩnɩ haɖʋ nɛ kpɩna wena ɛhayɩɣna yɔ.
Ña mankaɣ kpaɣʋ nɛ mɔntɔyɩtɩnɩ komina ñʋndɩnaa nɛ kaɖɩsɩ.
24 Nɛ mankaɣ hɛyʋʋ Babilɔɔnɩ nɛ Kalɩdee mba tɩŋa
Kɩdɛkɛdɩm mbʋ payɩ palabɩ Siyɔŋ taa mɩ-ɛsɩndaa yɔ pɩ-yɔɔ,»+ Yehowa yɔɔdʋʋna.
Mankaɣ sezuu me-nesi ñɔ-yɔɔ nɛ menpilisi-ŋ nɛ kaaŋ yɔɔ
Nɛ meyele nɛ ŋpɩsɩ pʋʋ ŋgʋ kɩñaɣ miŋ yɔ,» Yehowa yɔɔdʋʋna.
26 «Ɛyaa ɩɩkaɣ kpaɣʋ kɔna taa pɩyɛ yaa tigiɖe pɩyɛ ñɛ-tɛ,
Mbʋ pʋyɔɔ yɔ ŋkaɣ pɩsʋʋ njɛyɛ tam,»+ Yehowa yɔɔdʋʋna.
Ɩhʋlɩ nɔndɔʋ ajɛɛ taa.
Ɩlɩzɩ ajɛɛ* nɛ akɔɔ kɩ-wayɩ.
Ɩyaa Arara,+ Minii nɛ Asɩkenaazɩ kewiyisi nɛ sɩkɔɔ kɩ-wayɩ.+
Ɩlɩzɩ weyi ɛmʋʋ sɔɔjanaa kɩfama yɔ nɛ ɛkʋyɩ kɩ-yɔɔ.
Iyele nɛ kpaŋnaŋ kpa ɛzɩ kudoloŋ wadʋʋ yɔ.
28 Ɩlɩzɩ ajɛɛ* nɛ akɔɔ kɩ-wayɩ,
Medii awiya,+ ki-komina ñʋndɩnaa nɛ kɩ-kaɖɩsɩ tɩŋa
Nɛ ajɛɛ wena a-yɔɔ payɩ pɔtɔkɩ kewiyitu yɔ.
29 Nɛ tɛtʋ kaɣ ñamsʋʋ nɛ tiseli,
Mbʋ pʋyɔɔ yɔ lɩmaɣza wena Yehowa kpaɣ Babilɔɔnɩ yɔɔ yɔ akaɣ labʋ
Nɛ eyele nɛ Babilɔɔnɩ ɛjaɖɛ pɩsɩ sɔɔndʋ pʋyʋ, nɛ nɔɔyʋ ɛɛkaɣ wɛʋ ɖɩ-taa.+
30 Babilɔɔnɩ sɔdɩŋ yebi you labʋ.
Pacaɣ po-lona ɖoŋ ñɩna taa.
Po-ɖoŋ tɛma.+
Papɩsɩ ɛzɩ halaa yɔ.+
Pañaɣzɩ kɩ-ɖɩsɩ miŋ.
Pɛpɛlɩ ñɩɣtʋ ndʋ paɖɩkɩnɩ kɩ-nɔnɔsɩ yɔ.+
31 Takayɩsɩ tayɩyʋ* seɣ nɛ ɛkatɩɣ takayɩsɩ tayɩyʋ lɛlʋ,
Nɛ weyi petiyaa yɔ eseɣ nɛ ɛkatɩɣ lɛlʋ weyi petiyaa yɔ,
Se powolo nɛ peheyi Babilɔɔnɩ wiyaʋ se pamʋ ɛ-tɛtʋ hɔɔlɩŋ tɩŋa taa,+
32 Se pamʋ pɔsɩ ɖɩdɛzɩyɛ,+
Pañaɣzɩ papiruusi mɛlɛnaa miŋ,
Nɛ sɔɔndʋ kpa sɔɔjanaa pɩdɩɩfɛyɩ.»
33 Mbʋ pʋyɔɔ yɔ tɔm tʋnɛ yoyaa tɛ Yehowa, Izrayɛɛlɩ tɛ Ɛsɔ yɔɔdʋʋ:
«Babilɔɔnɩ pɛlɛ wɛ ɛzɩ tɔɔnaɣ ɖɩmaɖɛ yɔ.
Alɩwaatʋ talaa se pɛfɛyɩ-ɩ camɩyɛ.
Piileɖiɣ lɛ, ɛ-kʋmtʋ alɩwaatʋ talɩɣ.»
Eyeba nɛ manpɩsɩ ɛzɩ ñanaɣ ŋga kɛwɛ kpɛɖɛ yɔ.
Elibi-m ɛzɩ ɖʋm sɔsɔ likuu nabʋyʋ yɔ;+
Elibi mo-wondu kɩbandʋ nɛ pisu e-lotu taa.
Ekpizi-m caɣ caɣ.
35 “Puuyaɣ lakasɩ nzɩ palabɩ-m nɛ nzɩ palabɩ mon-tomnaɣ yɔ, sɩkɔɔ Babilɔɔnɩ yɔɔ!” Siyɔŋ taa tʋ yɔɔdʋʋna.+
“Nɛ man-calɩm ɛkɔɔ Kalɩdee mba yɔɔ!” Yeruzalɛm yɔɔdʋʋna.»
36 Pʋyɔɔ lɛ, tɔm tʋnɛ Yehowa yɔɔdʋʋ:
Mankaɣ yebu nɛ ki-teŋgu nɛ kɩ-lɔkɔnaa taa lɩm sɔɔ.+
37 Nɛ Babilɔɔnɩ kaɣ pɩsʋʋ pɛɛ huwa,+
Tɛyɛ hasɩ ɖɩjaɣyɛ,+
Sɔɔndʋ pʋyʋ nɛ mbʋ panaɣ-pʋ nɛ pahʋlʋʋ kancʋʋlaɣ yɔ,
Nɔɔyʋ ɛɛkaɣ wɛʋ kɩ-taa.+
38 Pa-tɩŋa pakaɣ kpɛndʋʋ nɛ pamʋdɩ ɛzɩ mʋʋzɩŋ yɔ.*
Pakaɣ mʋdʋʋ ɛzɩ mʋʋzɩŋ piya yɔ.»
39 «Pɩkʋyʋʋnɩ-wɛ lɛ, mankaɣ-wɛ labʋ kazandʋ nɛ meyele nɛ sʋlʋm kʋ-wɛ,
Se pɩsa nɛ pɛmɛyɩ amɛya;+
Ðɩnɛ ɛlɛ pakaɣ ɖou tamtam ɖom,
Nɛ paakaɣ fem nɛ ɖom mbʋ pɩ-yɔɔ,»+ Yehowa yɔɔdʋʋna.
40 «Mankaɣ-wɛ tinuu ɖɩgʋyɛ taa ɛzɩ heɣsi yɔ,
Ɛzɩ ɛyaŋ nɛ pʋŋ yɔ.»
Ɩna ɛzɩma Babilɔɔnɩ pɩsɩ sɔɔndʋ pʋyʋ ajɛɛ hɛkʋ taa yɔ!
42 Teŋgu kpawa nɛ kɩwadɩ Babilɔɔnɩ yɔɔ.
Kɩ-lɩm hola sakɩyɛ huuzi kɩ-yɔɔ.
43 Kɩ-tɛtʋ ndɩ ndɩ pɩsɩ sɔɔndʋ pʋyʋ, ɛjaɖɛ nɖɩ ɖɩ-taa lɩm fɛyɩ yɔ nɛ kañɩmbusuu.
Ɛjaɖɛ nɖɩ ɖɩ-taa nɔɔyʋ ɛɛkaɣ wɛʋ yɔ, nɛ ɖenɖe ɛyʋ nɔɔyʋ ɛɛkaɣ tɩŋnʋʋ yɔ.+
Ajɛɛ ɩɩkaɣ tasʋʋ lɔtʋʋ nɛ awoki ɛ-cɔlɔ.
Nɛ Babilɔɔnɩ koloŋa kaɣ tɔlʋʋ.+
45 Ɩlɩɩ kɩ-taa, man-samaɣ!+
Ɩya mi-weziŋ* ñʋʋ+ nɛ Yehowa pana sɔsɔna ɛtaakɔɔ mɩ-yɔɔ!+
46 Mɩ-laŋa ɩtaalɩɩ yaa sɔɔndʋ ɛtaakpa-mɩ nɛ tɔm ndʋ pakaɣ nɩʋ ɛjaɖɛ taa yɔ.
Ɩkaɣ nɩʋ tɔm ndʋ pɩnaɣ kʋyʋmaɣ taa,
Nɛ pɩnaɣ ŋga katɩŋɩɣ-kɛ yɔ ka-taa, ɩkaɣ nɩʋ tɔm lɛɛtʋ,
Nɛ tɛtʋ yɔɔ lɛ puuyaɣ lakasɩ kaɣ wɛʋ, nɛ awiya kaɣ kʋyʋʋ ɖama yɔɔ.
47 Pʋyɔɔ lɛ ɩna! Kɩyakɩŋ ɖiɣni kɔm
Nɛ alɩwaatʋ ndʋ lɛ, mankaɣ kɛzʋʋ ma-lɩmaɣza nɛ Babilɔɔnɩ sɩʋ kpelisi yɔɔ.
Fɛyɛ kaɣ kpaʋ kɩ-ɛjaɖɛ kpeekpe,
Nɛ kɩ-ɛyaa mba pakʋʋ yɔ, pakaɣ tɔlʋʋ kɩ-hɛkʋ taa.+
48 Ɛsɔdaa nɛ tɛtʋ nɛ mbʋ payɩ pɩwɛ pa-taa yɔ
Pakaɣ mabʋ kubusi nɛ taa leleŋ Babilɔɔnɩ yɔɔ,+
Mbʋ pʋyɔɔ yɔ kɩ-ɖɩzɩyaa kaɣ lɩnʋʋ hayo kiŋ nɛ pɔkɔɔ kɩ-wayɩ,»+ Yehowa yɔɔdʋʋna.
49 «Pɩtɩkɛ Izrayɛɛlɩ ɛyaa ɖeke Babilɔɔnɩ kʋwa,+
Ɛlɛ tɛtʋ kpeekpe yɔɔ ɛyaa mba pakʋwa yɔ Babilɔɔnɩ taa ɖɔɖɔ pɔtɔlaa.
50 Mɩ mba ɩlɩɣ laɣɖɛ nesi tɛɛ yɔ, ɩwɛɛ ɖɛʋ yɔɔ, ɩtaasɩŋ!+
Ɩtɔzʋʋ Yehowa yɔɔ ɖooo poliŋ taa,
Nɛ ɩmaɣzɩ Yeruzalɛm yɔɔ.»+
51 «Fɛyɛ kpa-ɖʋ, mbʋ pʋyɔɔ yɔ ɖɩnɩ tɔm ndʋ tɩkɛnɩ-ɖʋ tʋtʋ yɔ.
52 «Pʋyɔɔ lɛ ɩna! Kɩyakɩŋ ɖiɣni kɔm,
Nɛ alɩwaatʋ ndʋ lɛ, mankaɣ kɛzʋʋ ma-lɩmaɣza nɛ kɩ-sɩʋ kpelisi yɔɔ,
Nɛ kɩ-ɛjaɖɛ kpeekpe taa lɛ, mba pamʋ heŋ yɔ pakaɣ mɔlʋʋ;»+ Yehowa yɔɔdʋʋna.
53 «Paa Babilɔɔnɩ ɛkpa ɛsɔdaa,+
Paa kɩcɛyɩsɩ ki-lona ɖoŋ ñɩna wena akʋyaa pɩdɩɩfɛyɩ yɔ,
Kɩ-ɖɩzɩyaa kaɣ lɩnʋʋ mɔn-cɔlɔ,»+ Yehowa yɔɔdʋʋna.
54 «Iwelisi! Pamakɩ kubuka nakɛyɛ Babilɔɔnɩ taa,+
Asɛyʋʋ sɔsɔʋ nakʋyʋ kɔkɔɖɛ wɛɛ nɛ ɖɩlɩɣnɩ Kalɩdee mba ɛjaɖɛ taa,+
55 Mbʋ pʋyɔɔ yɔ Yehowa wɛɛ nɛ ɛɖɩzɩɣ Babilɔɔnɩ,
Ɛkaɣ yebu nɛ kɩ-nɔɔ ɖoŋ ñɩŋga su ɖiɣ ɖiɣ,
Nɛ pa-lɩm hola kaɣ tiluu ɛzɩ lɩm sakɩyɛ yɔ.
Pakaɣ nɩʋ pɔ-nɔɔ taŋ.
56 Mbʋ pʋyɔɔ yɔ ɖɩzɩyʋ kaɣ kɔm Babilɔɔnɩ wayɩ;+
Pakaɣ kpaʋ kɩ-sɔdɩŋ,+
Pakaɣ pʋʋtʋʋ pɔ-tɔŋ,
Mbʋ pʋyɔɔ yɔ Yehowa kɛ Ɛsɔ weyi ɛhɔŋ nɩŋgbaŋʋʋ ɛzɩ pɩmʋnʋʋ yɔ.+
Pɩtʋʋ fɛyɩ se ɛkaɣ kpaʋ kɩmɩyɛ.+
57 Mankaɣ yebu nɛ sʋlʋm kʋ kɩ-awumbiya nɛ kɩ-lɔŋsɩnɖaa,+
Ki-komina ñʋndɩnaa nɛ kɩ-kaɖɩsɩ nɛ kɩ-sɔdɩŋ,
Nɛ pakaɣ ɖou tamtam ɖom,
Nɛ paakaɣ fem nɛ ɖom mbʋ pɩ-yɔɔ,»+ Wiyaʋ yɔɔdʋʋna, ɛnʋ weyi payaɣ-ɩ se yoyaa tɛ Yehowa yɔ.
58 Tɔm tʋnɛ yoyaa tɛ Yehowa yɔɔdʋʋ:
«Paa Babilɔɔnɩ koloŋa ɛwalaa yɔ, pakaɣ-kɛ yɔkʋʋ caɣ caɣ,+
Nɛ paa kɩ-nɔnɔsɩ ɩkʋyaa yɔ, pakaɣ-sɩ miŋ ñaɣzʋʋ.
Ɛyaa samasɩ kaɣ ñaɣʋ pana falaa;
Ajɛɛ kaɣ a-ñʋŋ yɔkʋʋ falaa yem, ɛlɛ miŋ yem akaɣ calʋʋ.»+
59 Tɔm tʋnɛ nayʋ Yereemii yɔɔdaa se ɛɖʋnɩ paɣtʋ Maseyiya pɩyalʋ Neriya+ pɩyalʋ Seraya alɩwaatʋ ndʋ ɛ nɛ Yuuda wiyaʋ Zedekiya powobi Babilɔɔnɩ e-kewiyitu tɔɔʋ pɩnaɣ 4 ñɩŋga taa yɔ; Seraya kaakɛ wiyaʋ wondu yɔɔ cɔnɩyʋ. 60 Yereemii ma asɛyʋʋ ŋgʋ kɩkaɣ kɔm Babilɔɔnɩ yɔɔ yɔ kɩ-tɩŋa kɩ-tɔm takayaɣ kʋɖʋmaɣ taa, tɔm ndʋ payɩ pama Babilɔɔnɩ yɔɔ yɔ. 61 Pɩtasɩ lɛ, Yereemii heyi Seraya se: «Ŋtalɩɣ Babilɔɔnɩ nɛ ŋna-kʋ lɛ, pɩwɛɛ se ŋkalɩnɩ nɔɔ kɩkʋyaɣ tɔm tʋnɛ tɩ-tɩŋa. 62 Pʋwayɩ lɛ, ŋyɔɔdɩ se: “Oo Yehowa, ŋyɔɔdɩ lone ɖɩnɛ ɖɩ-tɔm se pakaɣ-ɖɩ yɔkʋʋ nɛ nɔɔyʋ ɛɛkaɣ tasʋʋ wɛʋ ɖɩ-taa, ɛyʋ yaa kpɩnɛ, nɛ ɖɩkaɣ pɩsʋʋ njɛyɛ tam.”+ 63 Nɛ ŋtɛŋ takayaɣ kanɛ kalʋʋ lɛ, ŋhɔkɩ-kɛ nɛ pɩyɛ naɖɩyɛ nɛ ŋpɛɖɩ-kɛ Efraatɩ pɔɔ hɛkʋ taa. 64 Nɛ ŋyɔɔdɩ se: “Ɛzʋnɔ Babilɔɔnɩ kaɣ tibu lɩm tɛɛ nɛ kɩɩtasɩɣ kʋyʋʋ wiɖiyi,+ asɛyʋʋ ŋgʋ menɖiɣni kɔnʋʋ kɩ-yɔɔ yɔ kɩ-yɔɔ, nɛ pɩkaɣ-wɛ nɩʋ.”»+
Yereemii tɔm tɩnaɣ yɔ.
52 Zedekiya+ kaawɛnɩ pɩnzɩ 21 alɩwaatʋ ndʋ ɛpɩsɩ wiyaʋ yɔ, nɛ ɛtɔɔ kewiyitu pɩnzɩ 11 Yeruzalɛm. Payaɣaɣ e-ɖoo se Hamutalɩ,+ Libna tʋ Yereemii pɛlɛ. 2 Ewobi pɩ-yɔɔ nɛ ɛla mbʋ pɩfɛyɩ ɖeu Yehowa ɛsɩndaa yɔ, ɛzɩ mbʋ payɩ Yehoyakim kaalaba yɔ.+ 3 Yehowa pana yɔɔ pɩtɩŋa payɩ mbʋ yɔ pɩlabɩ Yeruzalɛm taa nɛ Yuuda taa, pɩkɔɔ nɛ pɩtalɩ alɩwaatʋ ndʋ ɛkʋsɩ-wɛ ɛ-ɛsɩndaa yɔ.+ Nɛ Zedekiya kaɖɩnɩ Babilɔɔnɩ wiyaʋ.+ 4 Zedekiya kewiyitu tɔɔʋ pɩnaɣ 9 ñɩŋga taa, fenaɣ 10 ñɩŋga taa, fenaɣ ŋga ka-kɩyakʋ 10 ñɩŋgʋ wiye, Babilɔɔnɩ wiyaʋ Nabukodonozɔɔrɩ* nɛ ɛ-sɔɔjanaa kpeekpe powobi Yeruzalɛm wayɩ. Pekpeɣlaa se poyooni-kʋ nɛ pama tɛtʋ ñɛyʋʋ koloŋa nɛ pɩcɔɔ-kʋ nɛ pɩta.+ 5 Nɛ pɛñɛyɩ tɛtʋ ndʋ nɛ pɩkɔɔ nɛ pɩtalɩ Wiyaʋ Zedekiya pɩnaɣ 11 ñɩŋga taa.
6 Fenaɣ 4 ñɩŋga taa, fenaɣ ŋga ka-kɩyakʋ 9 ñɩŋgʋ wiye,+ ñɔɔsɩ kaasa miŋ tɛtʋ ndʋ tɩ-taa, nɛ ɛjaɖɛ taa mba taatasɩ wɛnʋʋ tɔɔnaɣ.+ 7 Pɩtɛmnaa se patʋlɩ tɛtʋ koloŋa pɔʋ, nɛ sɔɔjanaa tɩŋa lɩɩnɩ ɖoo nɛ patɩŋnɩ nɔnɔɔ ŋga kɛwɛ kolonzi 2 hɛkʋ taa wiyaʋ kaɖaɣ cɔlɔ yɔ nɛ palɩɩ tɛtʋ taa nɛ pese; alɩwaatʋ ndʋ lɛ, Kalɩdee mba kaacɔ tɛtʋ nɛ pata; nɛ pakpaɣ Araba nʋmɔʋ nɛ pɛɖɛɛ.+ 8 Ɛlɛ Kalɩdee mba sɔɔjanaa ɖʋ wiyaʋ Zedekiya wayɩ, nɛ pɔkɔɔ nɛ pehiɣ-i+ Yeriikoo kañɩmbusuu kɛdɛɛnzɩ taa, nɛ ɛ-sɔɔjanaa tɩŋa mɩzɩ ɖama nɛ peyebi-i. 9 Nɛ pakpa wiyaʋ nɛ powoni-i Babilɔɔnɩ wiyaʋ cɔlɔ Ribla, Hamatɩ ɛjaɖɛ taa, nɛ ɛhʋʋnɩ-ɩ tɔm. 10 Nɛ Babilɔɔnɩ wiyaʋ kʋ Zedekiya pɩyalaa ɛlɛ ɛsɩndaa; nɛ ɛkʋ ɖɔɖɔ Yuuda awumbiya kpeekpe Ribla taa peeɖe. 11 Pʋwayɩ lɛ Babilɔɔnɩ wiyaʋ yʋlʋsɩ Zedekiya ɛsa,+ ɛhɔkɩ-ɩ nɛ ñɩɣyʋʋ kɩsɛɛmʋʋ kpasɩ, nɛ ewoni-i Babilɔɔnɩ. Nɛ ɛɖʋ-ɩ salaka nɛ ɛwɛɛ salaka taa peeɖe nɛ pɩkɔɔ pɩtalɩ ɛ-sɩm wiye.
12 Fenaɣ 5 ñɩŋga taa, fenaɣ ŋga ka-kɩyakʋ 10 ñɩŋgʋ wiye, pʋ-tɔbʋʋ se Babilɔɔnɩ wiyaʋ Nabukodonozɔɔrɩ* pɩnaɣ 19 ñɩŋga taa, wiyaʋ yɔɔ kandɩyaa ñʋʋdʋ Nebuzaradaanɩ, weyi ɛkɛ Babilɔɔnɩ wiyaʋ lɩmɖʋyʋ yɔ ewobi Yeruzalɛm.+ 13 Ɛñaɣzɩ miŋ Yehowa ɖɩɣa,+ wiyaʋ ɖɩɣa nɛ Yeruzalɛm ɖɩsɩ kpeekpe; ɛñaɣzɩ miŋ ɖɔɖɔ ɖɩsɩ sɔsɔsɩ tɩŋa. 14 Nɛ Kalɩdee mba sɔɔjanaa kpeekpe mba paawɛ wiyaʋ yɔɔ kandɩyaa ñʋʋdʋ cɔlɔ yɔ, pɔyɔkɩ kolonzi nzɩ sɩɩcɔ Yeruzalɛm nɛ sɩta yɔ nɛ pɛpɛɖɩ.+
15 Wiyaʋ yɔɔ kandɩyaa ñʋʋdʋ Nebuzaradaanɩ kpaɣ ajamaa taa nabɛyɛ nɛ ɛyaa mba pɩɩkazɩ tɛtʋ taa yɔ nɛ ɛkɛzɩ-wɛ tɛtʋ. Ɛkpaɣ ɖɔɖɔ mba pesewa nɛ powolo Babilɔɔnɩ wiyaʋ cɔlɔ yɔ, pɩkpɛndɩnɩ mba pɩkazɩ nesi tɛɛ tʋmlaɖaa mba pɛwɛ niye yɔ pa-taa yɔ.+ 16 Ɛlɛ wiyaʋ yɔɔ kandɩyaa ñʋʋdʋ Nebuzaradaanɩ kazɩ ɛjaɖɛ taa ɛyaa mba kʋñɔndʋtʋ kɩlɩnaa yɔ pa-taa nabɛyɛ se pɛkɛ viiñi hayɩyaa nɛ kɩjɛyʋʋ tʋma laɖaa.+
17 Nɛ Kalɩdee mba yɔkɩ Yehowa ɖɩɣa taa ñɩɣyʋʋ kɩsɛɛmʋʋ tilima+ yʋbɩlɛɛɛ, nɛ Yehowa ɖɩɣa taa kɛɛkɛɛnaa+ nɛ ñɩɣyʋʋ kɩsɛɛmʋʋ Teŋgu+ yʋbɩlɛɛɛ, nɛ pakpaɣ ñɩɣyʋʋ kɩsɛɛmʋʋ kpeekpe nɛ pɛɖɛnɩ Babilɔɔnɩ.+ 18 Pakpaɣ ɖɔɖɔ tɔkasɩ, pɛɛlɩnaa, wondu ndʋ paɖɩzɩɣnɩ miŋ yɔ, ñanzɩ kulam ñɩnzɩ,+ kɔpʋnaa+ nɛ ñɩɣyʋʋ kɩsɛɛmʋʋ wondu ndʋ payɩ palakɩnɩ tʋmɩyɛ templo taa yɔ. 19 Wiyaʋ yɔɔ kandɩyaa ñʋʋdʋ kpaɣ ñanzɩ sɔsɔsɩ,+ miŋ ñanzɩ, ñanzɩ kulam ñɩnzɩ, tɔkasɩ, kanɖʋnaa ɖɩzɩyɛ,+ kɔpʋnaa, nɛ ñanzɩ kulam ñɩnzɩ nzɩ palabɩnɩ sika kɩbaŋa nɛ liidiye nɖɩ ɖɩwɛ camɩyɛ yɔ.+ 20 Piyele nɛ tilima ana a-naalɛ, Teŋgu, naŋ abalɩñɩŋ 12+ weyi palabɩnɩ ñɩɣyʋʋ kɩsɛɛmʋʋ nɛ patɩnɩ Teŋgu ɩ-yɔɔ yɔ, nɛ kɛɛkɛɛnaa mba Wiyaʋ Salomɔɔ kaaluba nɛ ɛsɩɩ Yehowa ɖɩɣa taa yɔ, patɩpɩzɩ nɛ pamaɣzɩ ñɩɣyʋʋ kɩsɛɛmʋʋ ŋgʋ pakpaɣaa nɛ polubini wondu ndʋ tɩ-tɩŋa yɔ ki-yuŋ.
21 Piyele nɛ tilima yɔ, paa tilimiye nɖɩ lɛ, ɖɩ-kʋkʋyɩŋ kaakɛ nuŋgolonzi* 18, nɛ pɩɩpɔzɩ nimiye nɖɩ ɖɩ-ɖaɣlɩkɩŋ kɛ nuŋgolonzi 12 yɔ pʋcɔ nɛ pamaɣzɩ paa tilimiye nɖɩ lɛ nɛ pɩcɔɔ pɩta;+ ɖi-kikiŋ kaakɛ niwee 4 walanzɩ,* nɛ ɖɩ-taa kaawɛ pɔʋ. 22 Nɛ hokuu ŋgʋ kɩwɛ ɖɩ-yɔɔ yɔ palabɩ-kʋ nɛ ñɩɣyʋʋ kɩsɛɛmʋʋ; nɛ hokuu ŋgʋ kɩ-kʋkʋyɩŋ kaakɛ nuŋgolonzi 5;+ nɛ ñɩɣyʋʋ kɩsɛɛmʋʋ palabɩnɩ giriyaazɩ nɛ girenaadɩ pee wena aacɔ hokuu ŋgʋ nɛ ata yɔ. Tilimiye 2 ñɩnɖɛ nɛ ɖɩ-tɛ girenaadɩ pee kaawɛ ɖɔɖɔ mbʋ ɖeyi ɖeyi. 23 Girenaadɩ pee 96 kaawɛ hʋyɩŋ yɔɔ; girenaadɩ pee wena aacɔ giriyaazɩ nɛ ata yɔ a-tɩŋa akpɛndɩ 100.+
24 Wiyaʋ yɔɔ kandɩyaa ñʋʋdʋ kpaɣ ɖɔɖɔ cɔjɔ sɔsɔ Seraya,+ cɔjɔ 2 ñɩnʋ Sofonii,+ nɛ nɔnɔsɩ yɔɔ ɖaŋɩyaa mba pa-naadozo.+ 25 Nɛ ɛkpaɣ tɛtʋ ndʋ tɩ-taa wiyaʋ ɖɩɣa taa kaɖɩka kʋɖʋmaɣ, ŋga kaakɛ sɔɔjanaa ñʋʋdʋ yɔ, ɛyaa 7 mba palɩ pɔ-yɔɔ tɛtʋ taa nɛ paakɩlɩ ñɔtɩnʋʋ wiyaʋ yɔ, nɛ sɔɔjanaa ñʋʋdʋ tɛ takayaɣ taa mayʋ, weyi ɛmʋʋ ɛjaɖɛ taa ɛyaa sɔɔjatʋ tʋmɩyɛ yɔ, nɛ samaɣ taa abalaa 60 mba palɩ pɔ-yɔɔ tɛtʋ taa yɔ. 26 Wiyaʋ yɔɔ kandɩyaa ñʋʋdʋ Nebuzaradaanɩ kpaɣ-wɛ nɛ ewoni-wɛ Babilɔɔnɩ wiyaʋ cɔlɔ Ribla. 27 Babilɔɔnɩ wiyaʋ kʋ-wɛ Ribla,+ Hamatɩ ɛjaɖɛ taa. Mbʋ pɩlaba nɛ pakpaɣ Yuuda mba pɛ-ɛjaɖɛ taa nɛ pɛkɛzɩ-wɛ tɛtʋ.+
28 Ɛyaa panɛ Nabukodonozɔɔrɩ* kpaɣaa nɛ ɛkɛzɩ tɛtʋ: pɩnaɣ 7 ñɩŋga taa lɛ, Yuuda mba 3 023.+
29 Nabukodonozɔɔrɩ* pɩnaɣ 18 ñɩŋga taa lɛ,+ pakpaɣ ɛyaa 832 nɛ Yeruzalɛm nɛ pɛɖɛna.
30 Nabukodonozɔɔrɩ* pɩnaɣ 23 ñɩŋga taa lɛ, wiyaʋ yɔɔ kandɩyaa ñʋʋdʋ Nebuzaradaanɩ kpaɣ Yuuda mba nɛ ɛkɛzɩ-wɛ tɛtʋ. Pɛkpɛndɩ ɛyaa* 745.+
Ɛyaa* mba pɛkɛzɩ-wɛ tɛtʋ yɔ, pa-tɩŋa pɛkpɛndɩ 4 600.
31 Nɛ Yuuda wiyaʋ Yehoyakin+ tɛtʋ kɛzʋʋ pɩnaɣ 37 ñɩŋga taa, fenaɣ 12 ñɩŋga taa, fenaɣ ŋga ka-kɩyakʋ 25 ñɩŋgʋ wiye, Babilɔɔnɩ wiyaʋ Evil-Meroodaakɩ holi Yuuda wiyaʋ Yehoyakin* nɛ ɛlɩzɩ-ɩ salaka taa; pɩnaɣ ŋga ka-taa Evil-Meroodaakɩ pɩsɩ wiyaʋ.+ 32 Ɛyɔɔdɩnɩ-ɩ nɛ nɔɔ kɩbaŋa nɛ ɛɖʋ-ɩ hɩɖɛ nɛ pɩkɩlɩ awiya lɛɛna wena aawɛ ɛ-cɔlɔ Babilɔɔnɩ yɔ.* 33 Nɛ Yehoyakin hɔzɩ ɛ-salaka wondu, nɛ ɛtɔkɩ tɔɔnaɣ Evil-Meroodaakɩ taabɩlɩ yɔɔ ɖoŋ ɖoŋ e-wezuu kɩyakɩŋ kpeekpe. 34 Babilɔɔnɩ wiyaʋ haɣaɣ-ɩ tɔɔnaɣ ŋga pɩpɔzʋʋ-ɩ yɔ paa kɩyakʋ ŋgʋ, e-wezuu kɩyakɩŋ kpeekpe, pɩkɔɔ nɛ pɩtalɩ ɛ-sɩm kɩyakʋ wiye.
Pʋ-tɔbʋʋ pɩzɩɣ pɩkɛ «Yehowa kpazɩɣ ɛyʋ.»
Yaa «lɩzʋʋ.»
Piye piye, «pʋcɔ nɛ ŋlɩɣnɩ lotu taa lɛ.»
Yaa «mɛntɛmɩ-ŋ lɩzʋʋ nɛ hɔɔlʋʋ.»
Yaa «evebu.»
Piye piye, «Manaɣ weyi ɛcaɣnɩ ɛ-ɛsa yɔ.»
Yaa «ɖeɣa ŋga kɔ-nɔɔ walaa yɔ.»
Piye piye, «ɖeɣa ŋga kɔ-yɔɔ pohosuu yɔ,» pʋ-tɔbʋʋ se pɛwɛɛ nɛ pɛfɛtɩɣ miŋ kɛ-tɛɛ.
Piye piye, «se ŋta ña-tɩnaɣ taa.»
Yaa «Mɔntɔzʋʋ camɩyɛ ñɛ-pɛlɛtʋ taa sɔɔlɩm siɣsiɣ ñɩmbʋ yɔɔ.»
Yaa «lɩm hɛkʋ taa tɛtʋ ndɩ ndɩ.»
Pɩkɛɣnɩ kaaʋ sɔsɔʋ taa.
Pʋ-tɔbʋʋ se pɔŋ weyi pohuyaa nɛ paɖʋʋ lɩm ɩ-taa yɔ.
Yaa «Mʋʋzɩŋ weyi ɩwɛnɩ kpɛm i-pondona yɔɔ yɔ.» Mʋʋzɩŋ weyi ɩ nɛ i-ɖoŋ nɛ ɩtɩkpadɩyɩ yɔ ɩ-tɔm pɔyɔɔdʋʋ.
Yaa «Mɛmfiis.»
Pʋ-tɔbʋʋ se Niili Pɔɔ piliŋa nakɛyɛ.
Pʋ-tɔbʋʋ se Efraatɩ.
Yaa «ŋpɩsɩ viiñi ɛgɔm.»
Yaa «suudi.»
Yaa «sɔsɔɔna.»
Aɖaaɖaa weyi ɛ nɛ e-ɖoŋ nɛ ɛtɩkpadɩyɩ yɔ ɛ-tɔm pɔyɔɔdʋʋ.
Piye piye, «ke-fenaɣ.»
Yaa «Agbaaɣdaa ɛsɔnaa.»
Yaa «e-nesi ɖɔkʋʋ kɩtamɩŋ.»
Yaa «pa-kalɩzasɩ calɩm.»
Piye piye, «Arabii tʋ.»
Piye piye, «Ñe-kiɖe taa wɛ.»
Yaa «ɛ-kalɩzaɣ wɩlaa.»
Piye piye, «Maakaɣ yebu nɛ mɛ-ɛsɩndaa tɔlɩ mɩ-yɔɔ.»
Yaa «agbaaɣdaa ɛsɔnaa.»
Yaa «pɩyalaa.»
Pɩpɩzɩɣ pɩkɛ, «mɩ-walʋ.»
Yaa «pɩyalaa.»
Piye piye, «ajɛɛ tɛ yoyaa.»
Piye piye, «ɛ-taabalʋ.»
Yaa «pɩyalaa.»
Yaa «ɛsɔ weyi ɛɖʋʋ fɛyɛ yɔ ɛtɔɔ.»
Yaa «yʋsaɣ sizika.»
Yaa «Ɩma mɩ-laŋa taa.»
Yaa «abalɩtʋ.»
Yaa «abalɩtʋ.»
Yaa «ŋgʋ laɣɖɛ talɩ ɖa-kalɩzaɣ.»
Pɔyɔɔdɩ ɛjaɖɛ tɔm ɛzɩ ɛyʋ yɔ, pʋtɔma yɔ palabɩ mbʋ se palɩzɩ pʋtɔdɩyɛ naʋ yaa lalaa siziŋ nɩʋ nɛ pawɩlɩ.
Yaa «keziyewaa.»
Piye piye, «Feŋiyaa,» pʋ-tɔbʋʋ se mba pefeŋiɣ tɛtʋ yɔɔ se patɩlɩ alɩwaatʋ ndʋ pɩwɛɛ se palabɩ-tʋ nɛ you yɔ.
Piye piye, «Hayɩ, man-taa lotu.»
Piye piye, «ma-laŋɩyɛ kolonzi taa.»
Yaa «man-kalɩzaɣ nɩ.»
Pɩpɩzɩɣ pɩkɛ, «mba powobi lalaa yonuu yɔ, po-kubusi taŋ.»
Yaa «yʋsaɣ sizika.»
Yaa «pɩyalaa.»
Yaa «lɔŋ.»
Yaa «maakaɣ kpiɖuu.»
Yaa «pañɩnɩɣ ña-kalɩzaɣ.»
Yaa «pɩnɩɩ man-kalɩzaɣ.»
Piye piye, «patɩpɩsɩ ajamaa.»
Piye piye, «kɩtamɩŋ.»
Ñɩtʋ taa haɣ kɛ kpɩnɛ nɖɩ ɖɩwɛ patʋ siŋŋ nɛ ɖɩtɔkɩ kpɩna lɛɛna yɔ.
Yaa «se man-kalɩzaɣ ɛkpa kɩmɩyɛ.»
Pɩpɩzɩɣ pɩkɛ, «Ɛfɛyɩ.»
Pʋ-tɔbʋʋ se Ɛsɔ tɔm.
Piye piye, «ñɔ-kpɔnɔ.»
Piye piye, «ña samaɣ kɩmɛlɛŋ ŋga kɛfɛyɩnɩ laŋɩyɛ yɔ.»
Kajalaɣ tɛŋ paɣzaɣ Aloma fenaɣ hɛkʋ taa mbʋ yɔ. Cɔnɩ Tɔm kɩsɔzɩtʋ B15.
Wayɩ wayɩ tɛŋ paɣzaɣ Ðomaɣ fenaɣ hɛkʋ taa mbʋ yɔ. Cɔnɩ Tɔm kɩsɔzɩtʋ B15.
Yaa «se man-kalɩzaɣ ɛkpa kɩmɩyɛ.»
Piye piye, «Ɩpɩsɩ mɩ-tɩ kiɖeɖema.»
Pʋ-tɔbʋʋ se pɔʋ ŋgʋ pohuyaa nɛ paɖʋʋ lɩm kɩ-taa yɔ.
Yaa «ŋkaɣ caɣʋ man-kalɩzaɣ kiniŋ.»
Piye piye, «Pa-nɩŋgbaŋʋʋ kɛ kɩdɩbɛlʋʋ.»
Piye piye, «mba pa-kɩyakɩŋ ɖɔwa yɔ.»
Yaa «pawaa man-samaɣ hɔɔlʋʋ ŋgʋ kɩyɔkaa yɔ.»
Yaa «ihiɣ mɩ-kalɩzasɩ hɛzɩyɛ.»
Yaa «ma-wɩlɩtʋ.»
Piye piye, «lʋlʋʋ wɩzasɩ.»
Pʋ-tɔbʋʋ se Yereemii.
Piye piye, «Pɛkɛnɩ Yehowa templo.» Templo kuduyuŋ kpeekpe tɔm pɔyɔɔdʋʋ.
Yaa «piya nzɩ sɩfɛyɩnɩ caanaa yɔ.»
Yaa «kpaɣnɩ tam tam nɛ piwolo tam tam.»
Yaa «ɩlaɣ kɩlaŋ Baalɩ nɛ kɩlaŋ ñɔsɩ kpaɣ.»
Piye piye, «paa mankʋyaɣ tanaŋ tɛɛ lɔŋ nɛ mɔyɔɔdʋʋnɩ-mɩ yɔ.»
Pɩkɛ hɩɖɛ kɩsɛsɛyɛ nɖɩ payaɣaɣnɩ ɛsɔ halɩñɩnʋ weyi Izrayɛɛlɩ mba tisuu yebiyaa sɛɣaɣ yɔ; pʋtɔma pɩkɛɣnɩ lʋlʋʋ tɛ ɛsɔ.
Yaa «paɖʋʋ ɖɩwɩzɩyɛ; pacaɣ tɔm.»
Yaa «pɔɖɔm pa-maɣmaɣ pɔ-lɔŋ tasʋʋ yɔɔ.»
Piye piye, «mankʋyaɣ tanaŋ tɛɛ lɔŋ nɛ mentiyiɣ-wɛ.»
Piye piye, «Ɛlɛ palaba nɛ po-pondone kpa ɖoŋ.»
Piye piye, «nɛ pɛsɛtɩ-tʋ pɔ-nɔɔ taa.»
Yaa «Hʋ ñɔsɩ nzɩ ŋhawa yɔ.»
Cɔnɩ Tɔm pee sɔsɔna tɔbʋʋ lɩzʋʋ «Gehena.»
Yaa «pɩtɩkɔɔ ma-maɣzɩm taa wiɖiyi.»
Cɔnɩ Tɔm pee sɔsɔna tɔbʋʋ lɩzʋʋ «Gehena.»
Ɛsɔdaa wondu tɔm pɔyɔɔdʋʋ.
Yaa «alɩwaatʋ ndʋ paɖʋ-kʋ yɔ.»
Pɩpɩzɩɣ pɩkɛ, «sumaɣ ŋga payaɣ se kɩlayʋʋ yɔ.»
Yaa «pɔɖɔŋ alɩwaatʋ ndʋ pɛlɛɣzɩɣ tɛtʋ yɔ tɩ-yɔɔ.»
Yaa «wɩlɩtʋ.»
Yaa «takayɩsɩ taa mayaa.»
Yaa «pawaa man-samaɣ pɛlɛ hɔɔlʋʋ ŋgʋ kɩyɔkaa yɔ.»
Yaa «ɛyʋ ɛɛpɩzɩɣ nɛ ɛtɔɔ pa-fadɩŋ yɔ.»
Yaa «Num mbʋ pɩwaɣ heŋ yɔ.»
Yaa «ɖɔkɔtɔ.»
Yaa «se man-kalɩzaɣ ɛkpa kɩmɩyɛ.»
Yaa «ma-wɩlɩtʋ.»
Yaa «mansɩ pɛ-ɛsɩndaa.»
Pʋ-tɔbʋʋ se tɩʋ ŋgʋ kɩwɛ ñaŋ yɔ.
Yaa «Ɩtaakpɛlɩkɩ.»
Yaa «mbʋ pɩɩwazɩɣ pʋyʋ yɔ.»
Yaa «ɛ-sɩɣa ŋga kɛwɛ loozo tɩyɛ yɔ.»
Pɩkɛ kʋsɔmʋʋ ŋgʋ pasɩɣ hayɩm taa se pɔɖɔɔnɩ sumasɩ yɔ.
Yaa «tɩkɛ mbʋ pɩɩwazɩɣ pʋyʋ yɔ.»
Kiɖe tɛɛ lɛ, paama kalɩtʋ 11 Arameya kʋnʋŋ taa.
Yaa «tɛtʋ ndʋ tɩlʋlʋʋ yɔ.»
Yaa «hohou.»
Pɩpɩzɩɣ pɩkɛ, «Ɛtʋlʋʋ nɔnɔsɩ tɛʋ.»
Yaa «sɩʋ kpeliɣa ŋga poyolisi ñɩɣtʋ nɛ polubina yɔ.»
Yaa «helim mbʋ ɛyʋ feziɣ yɔ.»
Yaa «mbʋ pɩɩwazɩɣ pʋyʋ yɔ.»
Yaa «pɩyɔkɩ-m.»
Yaa «ñɔɔzɩ-m.»
Pɩkɛɣnɩ Yereemii pɔyɔɔdʋʋna.
Yaa «Pɩla mbʋ.»
Piye piye, «mankʋyaɣ paa tanaŋ ŋgʋ lɛ lɔŋ nɛ manpakɩ-wɛ.»
Yaa «palaɣ-wɛ kɩlaŋ nɛ kɩlaŋ ñɔsɩ kpaɣ.»
Yaa «ɛsɔ weyi ɛɖʋʋ fɛyɛ yɔ.»
Pʋ-tɔbʋʋ se Yereemii.
Pʋ-tɔbʋʋ se kɩlaŋ weyi palaɣ templo taa yɔ.
Piye piye, «Ɛtazɩɣ kataŋgayɩsɩ taa.»
Yaa «pañɩnɩɣ ña-kalɩzaɣ.»
Yaa «agutaaku tɩnaa.»
Piye piye, «pa-kataŋgayɩsɩ.»
Yaa «Labɩ-ŋ agutaaku lakasɩ.»
Yaa «weyi man-kalɩzaɣ sɔɔlɩ-ɩ siŋŋ yɔ.»
Yaa «sumaɣ ŋga kɔ-yɔɔ wɛ takɩŋ takɩŋ.»
Pɩpɩzɩɣ pɩkɛ, «Kacaɣ kʋñɔwiye.»
Piye piye, «Tomnaɣ nakɛyɛ.»
Yaa «pɩsatʋ ndʋ payaɣ se lɛɛ yɔ.» Lɛɛ kɛ ñɩtʋ ndʋ pahayaɣ-tʋ ɖooo caanaʋ taa nɛ palakɩnɩ-tʋ tʋmɩyɛ nɛ palʋʋnɩ wondu kususutu yɔ.
Yaa «Man-kalɩzaɣ kaɣ.»
Yaa «halʋ weyi pañaŋɩ-ɩ yɔ.»
Yaa «Pɛñɛyɩ.»
Yaa «Etiyoopii tʋ.»
Yaa «nzɩ sɩwɛ fɛyɛ yɔ.»
Yaa «kɩ-nɔnɔsɩ cadaa.»
Yaa «pe-cikpema.»
Yaa «lɔɔŋ; pɔŋ weyi pohuyaa nɛ paɖʋʋ lɩm ɩ-taa yɔ.»
Yaa «kʋdɔŋ.»
Piye piye, «pa-maɣmaɣ pa-laŋa tɛ cɛtɩm.»
Yaa «lɩ ña-kalɩzaɣ sɔŋ?»
Yaa «man-kalɩzaɣ ɛɛkaɣ wobinuu samaɣ kanɛ kɔ-yɔɔ.»
Pɩpɩzɩɣ pɩkɛ, «tɔm hʋʋ tindima 4.» Piye piye, «hɔŋ 4.»
Pɩpɩzɩɣ pɩkɛ, «Ŋwobi pɩ-yɔɔ nɛ ŋɖɔŋ kiŋgiɖe.»
Yaa «Pɩnɩ-m nɛ kpiɖuu.»
Yaa «Ɛ-kalɩzaɣ feziɣ.»
Pɩpɩzɩɣ pɩkɛ, «Nɛ fɛyɛ kpa-sɩ nɛ sɩwɛɛ pʋtɔdɩyɛ.»
Yaa «mankaɣ-ŋ lɩm ɖʋʋ se piɖeni-ŋ.»
Piye piye, «taakpaɣ-m nɛ ŋɖɛna.»
Yaa «ña-pana tɔm.»
Yaa «Ŋkaɣ pɩsʋʋ mɔn-tɔm ɖɔkɩyʋ.»
Pɩkɛ sɩɩnaa layaa kʋñɔwiye caɣʋ sɔnzɩ, pʋtɔma palakaɣ-sɩ Izrayɛɛlɩ ɛjaɖɛ nɖɩ ɖɩpɩsɩ tisuu yebiyu yɔ ɖɩ-taa.
Piye piye, «mɛ-ɛsa wɛ pa-nʋmɔŋ kpeekpe yɔɔ.»
Piye piye, «po-tomnasɩ nzɩ sɩfɛyɩ wezuu yɔ.»
Ñɩɣlɩm pɩyɛ naɖɩyɛ payaɣ mbʋ.
Yaa «pamanɩ-pʋ ɛzɩ pamaɣʋ tɔm tambɔŋ yɔɔ yɔ.»
Pɩpɩzɩɣ pɩkɛ, «Mbʋ pʋyɔɔ yɔ ɩwɛ ɛzɩ miŋ weyi iɖiɣni mʋʋ man-pana taa yɔ.»
Yaa «ɛyʋ ɖoŋ tʋ.»
Yaa «Weyi ɛkpakɩɣ tomnaɣ se pɩkɛ ɛ-nɩŋgbɛɛŋa yɔ.»
Yaa «ɛyʋ ɖoŋ tʋ.»
Yaa «agutaaku tʋ.»
Yaa «nɛ paapɩzɩɣ nɛ pawaa-ɖɩ.»
Piye piye, «Mantazɩɣ kataŋgayɩsɩ taa.»
Yaa «ɛtɩŋɩɣnɩ mbʋ pɩfɛyɩ siɣsiɣ yɔ pɩ-yɔɔ.»
Piye piye, «Mba peyeki-m,» pɩkɛɣnɩ Yehowa peyeki.
Yaa «Mba papɩsɩɣ tisuu yebiyaa nɛ peyeki-ŋ yɔ.»
Yaa «ŋɖɩzɩ-wɛ tam nabʋlɛ taa.»
Yaa «mɩ-kalɩzasɩ yɔɔ.»
Piye piye, «nɛ pala nɛ po-pondone kpa ɖoŋ.»
Yaa «hadɛ kiŋ.»
Piye piye, «ɛzɩ ɛzɩma pɩtʋʋzɩ cʋʋ mayʋ ɛsɩndaa se ɛla.»
Yaa «mankaɣ ɖɔɖɔ kpiɖuu.»
Yaa «mankaɣ kpiɖuu.»
Piye piye, «lɩzʋʋ.»
Yaa «palaɣ kɩlaŋ mbʋ pɩɩwazɩɣ pʋyʋ yɔ nɛ kɩlaŋ ñɔsɩ kpaɣ.»
Yaa «nɛ patisuyi-i yɔ.»
Piye piye, «mankaɣ-wɛ wɩlʋʋ siɣye nɛ pɩɩkɛɣnɩ ɛsɩndaa.»
Yaa «wɩlɩtʋ.»
Piye piye, «ɖɩmabɩ-ɩ nɛ nzʋlʋmɩyɛ.»
Yaa «man-kalɩzaɣ.»
Yaa «pɩtɩkɔɔ ma-maɣzɩm taa wiɖiyi.»
Yaa «mba pañɩnɩɣ pa-kalɩzaɣ yɔ.»
Yaa «mba pañɩnɩɣ pa-kalɩzaɣ yɔ.»
Ɛsɔdaa wondu tɔm pɔyɔɔdʋʋ.
Piye piye, «palaba nɛ po-pondone kpa ɖoŋ se pɩsa nɛ pataaña mɔn-tɔm.»
Piye piye, «Ŋnaɣ kataŋgayɩsɩ.»
Yaa «kʋñɔndʋ kalɩzaɣ.»
Piye piye, «Nebukadɩrezaarɩ,» mbʋ pamaɣ ɛ-hɩɖɛ ɖɔɖɔ.
Yaa «mankaɣ-wɛ.»
Yaa «kɩzɩkʋ sɔsɔʋ.»
Piye piye, «Nebukadɩrezaarɩ,» mbʋ pamaɣ ɛ-hɩɖɛ ɖɔɖɔ.
Yaa «mba pañɩnɩɣ pa-kalɩzaɣ yɔ.»
Yaa «ɛ-kalɩzaɣ.»
Piye piye, «mbʋ ɛmʋ you taa yɔ.» Yaa «ɛkaɣ e-wezuu ñʋʋ yabʋ.»
Yaa «kɛdɛɛŋa.»
Yaa «soliɣa.»
Piye piye, «mankaɣ pɩsʋʋ kiɖeɖema.»
Ɛnʋ payaɣ ɖɔɖɔ se Yehowahazɩ.
Piye piye, «Lʋlʋʋ wɩzasɩ.»
Ɛnʋ payaɣ ɖɔɖɔ se Yehoyakin nɛ Yekoniya.
Yaa «mba pañɩnɩɣ ña-kalɩzaɣ yɔ.»
Piye piye, «Nebukadɩrezaarɩ,» mbʋ pamaɣ ɛ-hɩɖɛ ɖɔɖɔ.
Yaa «ɛjaɖɛ nɖɩ pa-kalɩzaɣ liu wɛɛ yɔ.»
Yaa «ɛjaɖɛ.»
Piye piye, «ɛ-kɩyakɩŋ.»
Yaa «Daviid ñɩm tɔɔyʋ.» Piye piye, «ɛyazɩyɛ.»
Yaa «maamɩzɩ-wɛ.»
Yaa «pɛkɛ tisuu yebiyaa.»
Piye piye, «Pakpazɩɣ ɛyaa kɩdɛkɛdaa nesi ɖoŋ.»
Pʋ-tɔbʋʋ se tɩʋ ŋgʋ kɩwɛ ñaŋ yɔ.
Yaa «Peyeki nɛ lidaʋ ŋgʋ kɩkɛ falaa yɔ kisu mɩ-taa.»
Yaa «tɔm yuŋ ñɩndʋ.» Ebree tɔm piye nɖɩ pɛɖɛzaa yɔ, ɖɩ-tɔbʋʋ nɩʋ wɛ nabʋlɛ taa: «tɔm yuŋ ñɩndʋ ndʋ tɩlɩnɩ Ɛsɔ cɔlɔ yɔ» yaa «mbʋ pɩwɛ yuŋ yɔ.»
Yaa «tɔm yuŋ ñɩndʋ.»
Yaa «tɔm yuŋ ñɩndʋ.»
Yaa «tɔm yuŋ ñɩndʋ.»
Yaa «tɔm yuŋ ñɩndʋ.»
Yaa «tɔm yuŋ ñɩndʋ.»
Yaa «tɔm yuŋ ñɩndʋ.»
Piye piye, «Nebukadɩrezaarɩ,» mbʋ pamaɣ ɛ-hɩɖɛ ɖɔɖɔ.
Ɛnʋ paya ɖɔɖɔ se Yehoyakin nɛ Koniya.
Pɩpɩzɩɣ pɩkɛ, «yɔɔ kandɩyʋʋ kolonzi mayaa.»
Yaa «kʋdɔŋ.»
Piye piye, «Nebukadɩrezaarɩ,» mbʋ pamaɣ ɛ-hɩɖɛ ɖɔɖɔ.
Yaa «nayʋ Yereemii heyi Yuuda samaɣ kpeekpe nɛ Yeruzalɛm taa mba kpeekpe.»
Piye piye, «nɛ mankʋyaɣ tanaŋ tɛɛ lɔŋ nɛ mɔyɔɔdʋʋnɩ-mɩ.»
Piye piye, «ɛkʋyaɣ tanaŋ tɛɛ lɔŋ nɛ etiyiɣ-wɛ.»
Piye piye, «Nebukadɩrezaarɩ,» mbʋ pamaɣ ɛ-hɩɖɛ ɖɔɖɔ.
Yaa «mankaɣ hɔm Babilɔɔnɩ wiyaʋ nɛ ɛjaɖɛ nɖɩ pa-nɩŋgbaaŋ.»
Pɩtɩla, mbʋ pamaɣaɣ Babɛɛlɩ (Babilɔɔnɩ) se ɛyaa tɩŋa ɩtaatɩlɩ se kɩ-tɔm pɔyɔɔdʋʋ.
Piye piye, «tomnasɩ kpeekpe.»
Yaa «mʋʋzʋʋ ŋgʋ kɩwɛnɩ kpɛm ki-pondone yɔɔ yɔ.» Mʋʋzʋʋ ŋgʋ kɩ nɛ ki-ɖoŋ nɛ kɩtɩkpadɩyɩ yɔ kɩ-tɔm pɔyɔɔdʋʋ.
Yaa «nɛ ŋyɔɔdɩnɩ.»
Yaa «se poluŋ.»
Yaa «mankaɣ kpiɖuu.»
Yaa «wɩlɩtʋ.»
Piye piye, «mankʋyaɣ tanaŋ tɛɛ lɔŋ nɛ mentiyiɣ-wɛ.»
Yaa «kaɣ kpiɖuu.»
Yaa «templo pʋʋ.»
Yaa «ɛzɩ pʋʋ ŋgʋ kɩ-yɔɔ nɛ tɩŋ yɔ.»
Yaa «nɛ ɛñaɣ pana se ɛhɛzɩ Yehowa laŋɩyɛ.»
Yaa «kpiɖi.»
Yaa «ɖa-kalɩzasɩ yɔɔ.»
Piye piye, «weyi pɩtʋʋzɩ mɛ-ɛsɩndaa yɔ.»
Yaa «kʋdɔŋ.»
Piye piye, «ɖɩhɛzɩ.»
Pʋ-tɔbʋʋ se ñɩɣyʋʋ kɩsɛɛmʋʋ Teŋgu ŋgʋ kɩwɛ templo taa yɔ.
Piye piye, «Kɩyakɩŋ pɩnzɩ.»
Yaa «Pɩla mbʋ!»
Yaa «kʋdɔŋ.»
Yaa «halʋ weyi pañaŋɩ-ɩ yɔ.»
Pɩpɩzɩɣ pɩkɛ, «yɔɔ kandɩyʋʋ kolonzi mayaa.»
Yaa «kʋdɔŋ.»
Pɩpɩzɩɣ pɩkɛ, «wena ayawa.»
Piye piye, «mankʋyaɣ tanaŋ tɛɛ lɔŋ nɛ mentiyiɣ-wɛ.»
Piye piye, «Nebukadɩrezaarɩ,» mbʋ pamaɣ ɛ-hɩɖɛ ɖɔɖɔ.
Pɩkɛ wonuu ŋgʋ kɩ-taa pasʋzʋʋ ɛyʋ ñʋʋ nɛ e-nesi se sitaaciɣdi yɔ.
Yaa «weyi ɛkpa tɩnaɣ.»
Piye piye, «kɩkɛ kɩyakʋ sɔsɔʋ.»
Yaa «agbaaɣdaa mba.»
Yaa «ɩɩkaɣ-wɛ.»
Yaa «Mankaɣ ña-nɩŋgbaŋʋʋ hɔm.»
Pɩpɩzɩɣ pɩkɛ, «nɛ paɖʋ-wɛ hɩɖɛ.»
Piye piye, «akaɣ ɖuuu nɛ ɛcɛlɩ ɛ-laŋɩyɛ.»
Yaa «Pʋyɔɔ mowobi pɩ-yɔɔ nɛ mawɩlɩɣ-ŋ sɔɔlɩm siɣsiɣ ñɩmbʋ.»
Pɩkɛ soo cikpena wena pɔɖɔkʋʋ nesi tɛɛ nɛ pamakɩ yɔ.
Yaa «Nɛ ŋsʋʋ mba peɖiɣni woŋuu yɔ pa-payɛ taa.»
Yaa «pakaɣ kɛʋ ɛgbɛyɛ sɔsɔɖɛ.»
Yaa «Nɛ ɛmʋ-ɩ.»
Yaa «Nɛ pañɩlɩsɩɣ wondu kɩbandʋ ndʋ tɩlɩnɩ Yehowa cɔlɔ yɔ tɩ-yɔɔ.»
Yaa «Pa-kalɩzaɣ kaɣ.»
Yaa «cɔjɔnaa kalɩzaɣ.»
Piye piye, «num.»
Yaa «e-piya.»
Yaa «kalɩzaɣ ŋga pɩɖɛ-kɛ yɔ.»
Yaa «kalɩzaɣ ŋga kɛwɛ kɛdɛɖaɣ taa yɔ ɖɔɖɔ.»
Yaa «lʋlʋʋ taa mba.»
Piye piye, «pa-pɩyalaa kela lɔŋ sɩbɩna.»
Pɩpɩzɩɣ pɩkɛ, «pa-walʋ.»
Yaa «kpalɩtʋ.»
Yaa «kɛdɛɛŋa.»
Yaa «num tɔlɩma,» pʋ-tɔbʋʋ se tɔlɩma wena a-taa kɩlaŋ num sidaa yɔ.
Piye piye, «Nebukadɩrezaarɩ,» mbʋ pamaɣ ɛ-hɩɖɛ ɖɔɖɔ.
Pɩpɩzɩɣ pɩkɛ ɛ-caa neu.
Sikli kʋɖʋmʋʋ maɣnɩ ɛzɩ kɩɖamnaa 11 nɛ hɔɔlʋʋ mbʋ yɔ (kɩɖamnaa 11,4). Cɔnɩ Tɔm kɩsɔzɩtʋ B14.
Cɔnɩ Tɔm pee sɔsɔna tɔbʋʋ lɩzʋʋ (Mayaɣ; kɩtaaɖʋʋ).
Yaa «viiñi hayɩm.»
Piye piye, «pa-pɩyalaa nɔkɔyʋʋ taa.»
Yaa «Ŋkɛ sɔsɔ kaɖʋsɩ nzɩ ŋwɛna yɔ sɩ-hɔɔlʋʋ taa.»
Yaa «ŋlabɩ ña-tɩ hɩɖɛ.»
Yaa «kʋdɔŋ.»
Piye piye, «tomnaɣ nandʋ kpeekpe.»
Piye piye, «Nebukadɩrezaarɩ,» mbʋ pamaɣ ɛ-hɩɖɛ ɖɔɖɔ.
Piye piye, «paa mankʋyaɣ tanaŋ tɛɛ lɔŋ nɛ mawɩlɩɣ-wɛ tɔm yɔ.»
Cɔnɩ Tɔm pee sɔsɔna tɔbʋʋ lɩzʋʋ «Gehena.»
Yaa «pɩtɩkɔɔ ma-maɣzɩm taa wiɖiyi.»
Yaa «wondu kɩbandʋ.»
Yaa «monkuli nɛ mawɩlɩ-wɛ.»
Yaa «se heŋ kaɣ ɖaɣnʋʋ tɩŋʋʋ weyi ɛkalɩɣ-ɩ yɔ e-nesi tɛɛ.»
Yaa «Daviid ñɩm tɔɔyʋ.» Piye piye, «ɛyazɩyɛ.»
Yaa «ɛsɔdaa tɩɩnzɩ.»
Piye piye, «po-ɖomaɣ.»
Yaa «kpalɩtʋ.»
Piye piye, «po-ɖomaɣ.»
Piye piye, «e-ɖomaɣ.»
Piye piye, «po-ɖomaɣ.»
Piye piye, «Nebukadɩrezaarɩ,» mbʋ pamaɣ ɛ-hɩɖɛ ɖɔɖɔ.
Piye piye, «Nɛ sɔnɔ.»
Yaa «ɛzɩ paba kalɩzaɣ kaasɔɔlʋʋ yɔ.»
Yaa «kʋdɔŋ.»
Yaa «pañɩnɩɣ pa-kalɩzasɩ yɔ.»
Yaa «pañɩnɩɣ pa-kalɩzasɩ yɔ.»
Yaa «kuduyuŋ taa nakʋyʋ tɛɛ.»
Piye piye, «Yonadaabɩ,» hɩɖɛ Yehonadaabɩ potobiyaa nɛ pɩkɛ Yonadaabɩ.
Yaa «viiñi hayɩm.»
Piye piye, «Yonadaabɩ,» hɩɖɛ Yehonadaabɩ potobiyaa nɛ pɩkɛ Yonadaabɩ.
Piye piye, «Nebukadɩrezaarɩ,» mbʋ pamaɣ ɛ-hɩɖɛ ɖɔɖɔ.
Piye piye, «mankʋyaɣ tanaŋ tɛɛ lɔŋ nɛ mɔyɔɔdʋʋnɩ-mɩ.»
Piye piye, «mankʋyaɣ tanaŋ tɛɛ lɔŋ nɛ mentiyiɣ-wɛ.»
Piye piye, «Yonadaabɩ,» hɩɖɛ Yehonadaabɩ potobiyaa nɛ pɩkɛ Yonadaabɩ.
Yaa «tɩwɛ takayaɣ.»
Yaa «ndʋ tɩwɛ takayaɣ taa yɔ.»
Yaa «weyi ɛɖaɣnɩɣ tɔm maʋ yɔ.»
Yaa «ɖaŋ ŋgʋ kɩ-tɛɛ pɔtɔkɩ tɔɔnaɣ yɔ.»
Yaa «tɩwɛ takayaɣ taa.»
Yaa «Wiyaʋ ɖɩɣa taa kaɖɩsɩ.»
Yaa «kalɩ takayaɣ.»
Yaa «takayaɣ.»
Pɩkɛ kpaɣnɩ Kamɩŋ fenaɣ kpɩtaŋ 2 kɛdɛzaɣ ñɩŋ nɛ piwolo Saŋayɩŋ fenaɣ kpɩtaŋ 2 kajalaɣ ñɩŋ. Cɔnɩ Tɔm kɩsɔzɩtʋ B15.
Pʋtɔma, wiyaʋ ɖɩɣa taa tʋ nɔɔyʋ.
Piye piye, «e-ɖomaɣ.»
Yaa «takayaɣ.»
Ɛnʋ payaɣ ɖɔɖɔ se Yehoyakin nɛ Yekoniya.
Piye piye, «Nebukadɩrezaarɩ,» mbʋ pamaɣ ɛ-hɩɖɛ ɖɔɖɔ.
Yaa «mɩ-kalɩzasɩ.»
Piye piye, «paɖʋ-ɩ kpasɩ tɛ ɖɩɣa taa.»
Piye piye, «lɔkɔ ɖɩɣa.»
Yaa «ɛ-awiya ɖɩɣa.»
Yaa «kʋdɔŋ.»
Piye piye, «weyi ɛlɩɣ nɛ ewobini Kalɩdee mba yɔɔ yɔ.»
Yaa «ɛ-kalɩzaɣ.»
Piye piye, «mbʋ ɛmʋ you taa yɔ.» Yaa «nɛ ɛkaɣ e-wezuu ñʋʋ yabʋ.»
Yaa «tɩwɛɛ nɛ tɩcamɩɣ sɔɔjanaa mba pɩkazɩ tɛtʋ tʋnɛ tɩ-taa yɔ pe-nesi.»
Pʋ-tɔbʋʋ se pɔʋ ŋgʋ pohuyaa nɛ paɖʋʋ lɩm kɩ-taa yɔ.
Yaa «wiyaʋ ɖɩɣa taa kaɖɩka.»
Piye piye, «kpɔnɔ.»
Yaa «ña-hamɩŋ tɛɛ nɛ nimee pɛ-hɛkʋ taa.»
Yaa «weyi ɛlabɩ-ɖʋ kalɩzaɣ kanɛ yɔ.»
Yaa «mba pɛwɛɛ nɛ pañɩnɩɣ ña-kalɩzaɣ yɔ.»
Piye piye, «ye ŋlɩwa nɛ ŋwobini Babilɔɔnɩ wiyaʋ awumbiya yɔɔ yɔ.»
Yaa «ña-kalɩzaɣ kaɣ wɛʋ wezuu.»
Piye piye, «ye ŋtɩlɩɩ nɛ ŋwobini Babilɔɔnɩ wiyaʋ awumbiya yɔɔ yɔ.»
Yaa «ña-kalɩzaɣ kaɣ.»
Piye piye, «ye ŋkizaa se ŋŋlɩɣ yɔ.»
Piye piye, «Ña-laŋhɛzɩyɛ ɛyaa.»
Piye piye, «Nebukadɩrezaarɩ,» mbʋ pamaɣ ɛ-hɩɖɛ ɖɔɖɔ.
Ye paɖaɣnɩ cɔlʋʋ Ebree tɔm yɔ pɩkɛɣnɩ «Nɛrɩgaalɩ-Sarezɛɛrɩ, Samɩgar-Nebo, Sarɩsekim, Rabɩsariisi.»
Yaa «maajiki laɖaa ñʋʋdʋ (mba patɩyɩɣnɩ tɩɩnzɩ yɔ pa-ñʋʋdʋ).»
Piye piye, «Nebukadɩrezaarɩ,» mbʋ pamaɣ ɛ-hɩɖɛ ɖɔɖɔ.
Yaa «viiñi hayɩm.»
Pɩpɩzɩɣ pɩkɛ, «nɛ ɛɖʋ-wɛ kɩjɛyʋʋ tʋma.»
Piye piye, «Nebukadɩrezaarɩ,» mbʋ pamaɣ ɛ-hɩɖɛ ɖɔɖɔ.
Yaa «wiyaʋ ɖɩɣa taa kaɖɩsɩ ñʋʋdʋ.»
Yaa «maajiki laɖaa ñʋʋdʋ (mba patɩyɩɣnɩ tɩɩnzɩ yɔ pa-ñʋʋdʋ).»
Yaa «Ña-kalɩzaɣ.»
Piye piye, «mbʋ ŋmʋ you taa yɔ.» Yaa «Ŋkaɣ ñe-wezuu ñʋʋ yabʋ.»
Piye piye, «nɛ mansɩŋ.»
Piye piye, «kewiyaɣ ɖomaɣ.»
Pʋ-tɔbʋʋ se pɔʋ ŋgʋ pohuyaa nɛ paɖʋʋ lɩm kɩ-taa yɔ.
Pɩpɩzɩɣ pɩkɛ, «lɩŋgamʋʋ sɔsɔʋ.»
Yaa «mankaɣ wɛʋ laŋwɛɛkɩyɛ taa.»
Piye piye, «kpɔnɔ ñɔɔsɩ.»
Yaa «se ɩcaɣ alɩwaatʋ natʋyʋ.»
Yaa «kʋdɔŋ.»
Yaa «mɩ-kalɩzasɩ.»
Yaa «nɛ kalɩzasɩ nzɩ payɩ.»
Piye piye, «Nebukadɩrezaarɩ,» mbʋ pamaɣ ɛ-hɩɖɛ ɖɔɖɔ.
Yaa «templonaa.»
Yaa «nɛ ɛɖɛɛ nɛ kɩdɛkɛdɩm nabʋyʋ ɛɛtalɩɣ-ɩ.»
Yaa «Wɩsɩ Ðɩɣa (Templo),» pʋ-tɔbʋʋ se Heliyopolisi.
Yaa «tɔzʋʋ tilima.»
Yaa «templonaa.»
Yaa «Mɛmfiis.»
Piye piye, «mankʋyaɣ tanaŋ tɛɛ lɔŋ nɛ mentiyiɣ-wɛ.»
Yaa «mɩ-kalɩzasɩ yɔɔ.»
Yaa «pɩtɩyɔbɩ-wɛ.»
Yaa «kʋdɔŋ.»
Pɩkɛ hɩɖɛ kɩsɛsɛyɛ nɖɩ payaɣaɣnɩ ɛsɔ halɩñɩnʋ weyi Izrayɛɛlɩ mba tisuu yebiyaa sɛɣaɣ yɔ; pʋtɔma pɩkɛɣnɩ lʋlʋʋ tɛ ɛsɔ.
Piye piye, «kpɔnɔ.»
Pɩkɛ hɩɖɛ kɩsɛsɛyɛ nɖɩ payaɣaɣnɩ ɛsɔ halɩñɩnʋ weyi Izrayɛɛlɩ mba tisuu yebiyaa sɛɣaɣ yɔ; pʋtɔma pɩkɛɣnɩ lʋlʋʋ tɛ ɛsɔ.
Pɩkɛ hɩɖɛ kɩsɛsɛyɛ nɖɩ payaɣaɣnɩ ɛsɔ halɩñɩnʋ weyi Izrayɛɛlɩ mba tisuu yebiyaa sɛɣaɣ yɔ; pʋtɔma pɩkɛɣnɩ lʋlʋʋ tɛ ɛsɔ.
Piye piye, «nɛ ɩkpa ɛ-laŋɩyɛ taa.»
Pɩkɛ hɩɖɛ kɩsɛsɛyɛ nɖɩ payaɣaɣnɩ ɛsɔ halɩñɩnʋ weyi Izrayɛɛlɩ mba tisuu yebiyaa sɛɣaɣ yɔ; pʋtɔma pɩkɛɣnɩ lʋlʋʋ tɛ ɛsɔ.
Yaa «pañɩnɩɣ ɛ-kalɩzaɣ yɔ.»
Piye piye, «Nebukadɩrezaarɩ,» mbʋ pamaɣ ɛ-hɩɖɛ ɖɔɖɔ.
Yaa «nɛ ɛñɩnaɣ ɛ-kalɩzaɣ yɔ.»
Yaa «ŋwɛɛ nɛ ŋɖaŋɩɣ se ŋwɛɛnɩ.»
Yaa «ɛyaa.»
Yaa «ña-kalɩzaɣ.»
Piye piye, «nɛ pɩkɛ mbʋ ŋmʋ you taa yɔ.» Yaa «mankaɣ yebu nɛ ŋya ñe-wezuu ñʋʋ.»
Piye piye, «Nebukadɩrezaarɩ,» mbʋ pamaɣ ɛ-hɩɖɛ ɖɔɖɔ.
Ðoŋ ɖoŋ lɛ, tɔŋ tɔyaa ɖɔkaɣnɩ kpayɩŋ cikpeŋ.
Piye piye, «mba pɛfɛyɩɣ tɔʋ yɔ.»
Yaa «wɛnɩ kʋgʋʋ nakʋyʋ.»
Piye piye, «Nebukadɩrezaarɩ,» mbʋ pamaɣ ɛ-hɩɖɛ ɖɔɖɔ.
Yaa «Mɛmfiis.»
Piye piye, «alɩwaatʋ ndʋ paɖʋwa yɔ.»
Pʋ-tɔbʋʋ se weyi ɛkaɣ Ejipiti wabʋ yɔ.
Yaa «Mɛmfiis.»
Pɩpɩzɩɣ pɩkɛ, «Kɩkaɣ pɩsʋʋ tɛtʋ ndʋ peyebi-tʋ yɔ.»
Yaa «ɛyaa mba peɖiɣni kpeɣluu ɖasɩ yɔ.»
Pʋ-tɔbʋʋ se Tɛɛb.
Yaa «mba pañɩnɩɣ pa-kalɩzaɣ yɔ.»
Piye piye, «Nebukadɩrezaarɩ,» mbʋ pamaɣ ɛ-hɩɖɛ ɖɔɖɔ.
Piye piye, «ño-ɖomaɣ.»
Yaa «ñɔɔzʋʋ.»
Pʋ-tɔbʋʋ se Krɛɛtɩ.
Pʋ-tɔbʋʋ se pakaɣ pa-ñʋŋ hʋm nɛ pɩwɩlɩ se pɛwɛ kʋñɔwiye taa nɛ fɛyɛ kpa-wɛ.
Yaa «pɛ-kɛdɛɛŋa.»
Yaa «lone kʋkʋyɩyɛ.»
Yaa «mɩ-kalɩzasɩ.»
Yaa «Kɛdɛɛŋa.»
Yaa «piyaɣ ŋga ka-ñʋʋ taa wɛ landamm yɔ.»
Pɩpɩzɩɣ pɩkɛ, «Nɛ ŋcaɣ wɩlɩŋ tɛtʋ yɔɔ.»
Yaa «piyaɣ ŋga ka-ñʋʋ taa wɛ landamm yɔ.»
Piye piye, «hɩlʋʋ.»
Yaa «kaɣ labʋ kɔkɔɖɛ.»
Pʋ-tɔbʋʋ se hɩlaɣ ŋga pahʋlʋʋ ɖenɖe ɛyaa caɣ kʋñɔwiye ɛyʋ nɔɔyʋ sɩm yɔɔ yɔ.
Yaa «kaɣ labʋ kɔkɔɖɛ.»
Pʋ-tɔbʋʋ se hɩlaɣ ŋga pahʋlʋʋ ɖenɖe ɛyaa caɣ kʋñɔwiye ɛyʋ nɔɔyʋ sɩm yɔɔ yɔ.
Yaa «keziye.»
Pɩpɩzɩɣ pɩkɛ, «nɛ panɩɩ you kubuka taŋ.»
Yaa «kɩ-tɛtʋ cikpetu ndɩ ndɩ ndʋ tɩcɔ-kʋ nɛ tɩta yɔ.»
Yaa «heŋ kalakɩŋ.»
Yaa «kɛdɛɛnzɩ.»
Yaa «lɔŋ tasʋʋ mbʋ.»
Yaa «Nɩɣzɛ.»
Piye piye, «Nebukadɩrezaarɩ,» mbʋ pamaɣ ɛ-hɩɖɛ ɖɔɖɔ.
Piye piye, «Nebukadɩrezaarɩ,» mbʋ pamaɣ ɛ-hɩɖɛ ɖɔɖɔ.
Piye piye, «paa hɔɔlʋʋ ŋgʋ lɛ kɩ-taa.»
Piye piye, «po-ɖoŋ ɖɩbazɩyɛ.»
Yaa «mba pañɩnɩɣ pa-kalɩzaɣ yɔ.»
Yaa «yʋsaɣ sizika.»
Ebree tɔm piye nɖɩ palabɩnɩ tʋmɩyɛ yɔ, pɩtɩla yɔ nɔɔ kʋɖʋmaɣ nakɛyɛ wɛ ɖɩ nɛ Ebree tɔm piye naɖɩyɛ, nɖɩ pɛɖɛzɩɣ se «pɩndʋ» yɔ pɛ-hɛkʋ taa, nɛ palakɩnɩ-ɖɩ tʋmɩyɛ se peni nabʋyʋ.
Nɔ halɩñɩnʋ weyi ɛtɩlʋlɩta yɔ.
Piye piye, «ɩfɛyɩɣ.»
Piye piye, «Kɩcɛlɩ ki-nesi.»
Piye piye, «Nebukadɩrezaarɩ,» mbʋ pamaɣ ɛ-hɩɖɛ ɖɔɖɔ.
Yaa «ɛ-kalɩzaɣ kaɣ.»
Naŋ weyi ɩ nɛ i-ɖoŋ nɛ ɩtɩkpadɩyɩ yɔ ɩ-tɔm pɔyɔɔdʋʋ.
Piye piye, «pɛfɛyɩɣ.»
Piye piye, «Nɛ pakaɣ yebu nɛ kɩ-sɔɔjanaa tɩŋa su ɖiɣ ɖiɣ.»
Yaa «cɛtɩm nayaa.»
Yaa «kɩgbɛzɛmɩŋ weyi ɩtɩɖaɣlɩ yɔ.»
Yaa «lɔŋ tasʋʋ mbʋ.»
Pɩtɩla, mbʋ pamaɣaɣ Kalɩdee se ɛyaa tɩŋa ɩtaatɩlɩ se kɩ-tɔm pɔyɔɔdʋʋ.
Piye piye, «ɛtaafɛyɩ.»
Pʋ-tɔbʋʋ se Kalɩdee mba ɛjaɖɛ.
Yaa «mɩ-kalɩzaɣ.»
Pɩpɩzɩɣ pɩkɛ, «ɩɖʋ tɔʋ ñɩma kɔɔkasɩ taa nɛ pisu.»
Piye piye, «seɣti Medii mba awiya fezuu.»
Yaa «yʋsaɣ sizika.»
Yaa «ɛ-kalɩzaɣ.»
Yaa «tɛtʋ ndʋ tɩlʋlʋʋ yɔ.»
Yaa «hohou.»
Pɩpɩzɩɣ pɩkɛ, «Ɛtʋlʋʋ nɔnɔsɩ tɛʋ.»
Yaa «ɛ-sɩʋ kpeliɣa ŋga poyolisi ñɩɣtʋ nɛ polubina yɔ.»
Yaa «helim mbʋ ɛyʋ feziɣ yɔ.»
Yaa «mbʋ pɩɩwazɩɣ pʋyʋ yɔ.»
Yaa «yʋsaɣ sizika.»
Piye piye, «Ɩla nɛ ajɛɛ pɩsɩ kiɖeɖena.»
Piye piye, «Ɩla nɛ ajɛɛ pɩsɩ kiɖeɖena.»
Pʋ-tɔbʋʋ se weyi patɩŋɩɣnɩ ɛ-yɔɔ nɛ petiyiɣni takayɩsɩ yɔ.
Piye piye, «Nebukadɩrezaarɩ,» mbʋ pamaɣ ɛ-hɩɖɛ ɖɔɖɔ.
Yaa «mʋʋzɩŋ weyi ɩwɛnɩ kpɛm i-pondona yɔɔ yɔ.» Mʋʋzɩŋ weyi ɩ nɛ i-ɖoŋ nɛ ɩtɩkpadɩyɩ yɔ ɩ-tɔm pɔyɔɔdʋʋ.
Pɩtɩla, mbʋ pamaɣaɣ Babɛɛlɩ (Babilɔɔnɩ) se ɛyaa tɩŋa ɩtaatɩlɩ se kɩ-tɔm pɔyɔɔdʋʋ.
Yaa «mɩ-kalɩzasɩ.»
Yaa «agɔma.»
Piye piye, «Nebukadɩrezaarɩ,» mbʋ pamaɣ ɛ-hɩɖɛ ɖɔɖɔ.
Piye piye, «Nebukadɩrezaarɩ,» mbʋ pamaɣ ɛ-hɩɖɛ ɖɔɖɔ.
Nuŋgoloŋa kʋɖʋmaɣ kɛ santimɛtawaa 44 nɛ hɔɔlʋʋ (santimɛtawaa 44,5). Cɔnɩ Tɔm kɩsɔzɩtʋ B14.
Niye kʋɖʋmɖɩyɛ walanzɩ maɣnɩ ɛzɩ santimɛtawaa 2 mbʋ yɔ (santimɛta 1,85). Cɔnɩ Tɔm kɩsɔzɩtʋ B14.
Piye piye, «Nebukadɩrezaarɩ,» mbʋ pamaɣ ɛ-hɩɖɛ ɖɔɖɔ.
Piye piye, «Nebukadɩrezaarɩ,» mbʋ pamaɣ ɛ-hɩɖɛ ɖɔɖɔ.
Piye piye, «Nebukadɩrezaarɩ,» mbʋ pamaɣ ɛ-hɩɖɛ ɖɔɖɔ.
Yaa «kalɩzasɩ.»
Yaa «Kalɩzasɩ.»
Piye piye, «kʋsɩ Yuuda wiyaʋ Yehoyakin ñʋʋ.»
Piye piye, «nɛ ɛsɩɩ e-kewiyaɣ kpelaɣ awiya lɛɛna wena aawɛ ɛ-cɔlɔ Babilɔɔnɩ yɔ a-kewiyisi kpelisi ñʋʋ yɔɔ.»