Dziila Kowhopela Kene?

TJINOLEBGWA NEBHAYIBHILI

‘Ndzimu unowhobuhika mihodzi yose mumeho abo. Hakutobe nelufu kene dziila kene tjema kene gwadziwa.’​—ISambulo 21:3, 4, Contemporary English Version.

IGOKU KUNGAKUTJIDZA TJINI?

Unowhobona kuti Ndzimu hateyiye unothama kuti tidziile.​—UJakhobe 1:13.

Unowhonyaladzwa ndeziba kuti Ndzimu unowhisisa kuti towa tjini hape tidziila.​—UZekhariya 2:8.

Unowhogalabgwe kuti dziila kose kowhopela.​—IHubo 37:9-11.

TINGAGALABGWE ZWINOLEBGWA NDEBHAYIBHILI KENE?

Tingajalo, ndentha yezwinhu zwibili:

• Ndzimu unohema dziila nesalulama. Kumbula kuti Yehova Ndzimu wakawha tjini pakabe banhu babe bebhakwa ndelunya ntolo. Bhayibhili loti wakagwadziwa ndentha “yebakabe babhata ndelunya.”​—ABahluleli 2:18, New World Translation.

  Ndzimu unohema ibabo banogwadzisa bamwe. Bhayibhili loti unohema “maboko anobulaya banhu basina nlandu.”​—IZaga 6:16, 17.

• Ndzimu unandaba neswi. Umwe nemwe unoziba “gwadziwa kukwe ndedziila kukwe,” Yehova ndaye unoziba zwinotigwadza.​—2 ImiLandu 6:29, 30.

  Kwasala lubakanyana kuti Yehova aduse dziila kwe mwe nemwe ehingisa Buhe kukwe. (UMathewu 6:9, 10) Ngwenuwali, unonyaladza bose banogalabgwe munli.​—ImiSebenzi 17:27; 2 KwabaseKhorinte 1:3, 4.