Jó

13 “Nhas odju dja odja tudu kel-li,

Nhas obidu dja obi-s i el intende-s.

 2 Kel ki nhos sabe, ami tanbê N sabe.

Anhos é ka midjór di ki mi.

 3 Má ami, N ta prifiri pâpia ku Deus Tudu-Poderozu.

N krê difende nha kazu dianti di Deus.

 4 Má nhos sta ta suja nha nómi ku mintira.

Nhos tudu é dotor ki ka ta sirbi pa nada.

 5 Si nhos fikaba kaladu,

Kel-li ta mostraba ma nhos ten sabedoria.

 6 Favor, nhos obi nhas argumentu,

I nhos presta atenson timenti N ta difende nha kazu.

 7 Nhos sta ta ben faze akuzason falsu na nómi di Deus,

I nhos sta ta ben konta mintira pa djuda-l?

 8 Nhos ta ben fika di se ladu?

Nhos ta ben tenta difende kazu di Deus verdaderu?

10 Di serteza el ta ben korijiba nhos,

Si sukundidu nhos tenta difende Deus i ser injustu ku mi.

11 Nhos ka ta fikaba ku medu di el?

Se grandéza ka ta poba nhos ku medu?

12 Nhos palavra di sabedoria é sima kes provérbiu di sinza.

Nhos diféza é fraku sima baru.

14 Pamodi ki N sta ta poi nha vida na prigu*

I poi nha vida* na nha mô?

15 Enbóra Deus pode mata-m, inda N ta spera.

N ta ben difende nha kazu* se dianti.*

16 Nton, el ta bira nha salvason,

Pamodi ningen ki ka ten ruspetu pa Deus* ka pode parse se dianti.

17 Nhos obi nhas palavra ku atenson.

Nhos presta atenson na kuzê ki N sta fla.

18 Nhos odja, N pripara pa N difende nha kazu.

N sabe ma N ten razon.

20 Ó Deus, da-m sô dôs kuza,*

Asi pa N ka sukundi di bo:

21 Ka bu pô-m ta sufri más,*

I ka bu dexa medu di bo toma kónta di mi.

22 Txoma i N ta responde,

Ô dexa-m pâpia i responde-m.

24 Pamodi ki bu ta sukundi bu róstu

I bu ta atxa ma mi é bu inimigu?

25 Ami é un sinplis folha ki ta bai na béntu i un padja séku.

Pamodi ki bu sta pô-m ku medu i ta pirsigi-m?

26 Bu sta kontinua ta skrebe akuzasons fórti kóntra mi,

I bu sta ta pô-m ta responde pa pekadu di nha juventudi.

27 Bu ta poi nha pé na tronku,

Bu ta izamina tudu nhas kaminhu,

I bu ta djobe kada pasu ki N ta da.

28 Nton, algen* ta kaba na nada sima un kuza podri,

Sima un ropa ki bitxu kume.