Salmu
Pa diretor di múzika. Salmu di Davidi.
14 Kes algen tolu* ta fla na ses korason:
“Jeová ka ta izisti.”
Es é mau i ses konportamentu é nojéntu.
Ninhun di es ka sta faze kuzas dretu.
2 Má la di séu Jeová ta djobe pa baxu, pa kes fidju di ómi,
Pa el odja si ten algun algen ki ten sabedoria, si algun algen sta ta djobe Jeová.
3 Tudu es dja disvia,
Tudu es é mau.
Ninhun di es ka sta faze kuzas dretu,
Nen mésmu un algen.
4 Pamodi ki ninhun di kes algen ki ta faze kuzas mariadu ka ta intende nada?
Es ta divora nha povu sima si es sta ta kume pon.
Es ka ta pidi orientason di Jeová.
5 Má medu ta ben toma kónta di es,
Pamodi Jeová sta ku kes algen justu.*
6 Anhos ki ta faze kuzas mariadu, nhos sta tenta straga planu di kel algen ki sta frontadu,
Má Jeová é se proteson.
7 Pa salvason di Israel ben di Sion!
Pa Jakó fika kontenti i pa Israel grita di alegria,
Óras ki Jeová torna traze se povu ki staba prézu.