Salmu
Pa diretor di múzika. Un múzika di Davidi.
13 Ó Jeová, ti ki ténpu bu ta skese di mi? Pa tudu ténpu?
Ti ki ténpu bu ta sukundi bu róstu di mi?
2 Ti ki ténpu N* ten ki vive ku txeu preokupason,
I ku tristéza na nha korason tudu dia?
Ti ki ténpu nha inimigu ta kontinua ta ganha-m?
3 Ó Jeová, nha Deus, djobe pa mi i responde-m.
Da-m forsa otu bês pa N ka móre,*
4 Asi pa nha inimigu ka fla: “N ganha-l!”
Ka bu dexa-m kai, asi pa nhas inimigu ka fika kontenti.
5 Má ami, N ta kunfia na bu amor lial,
Nha korason ta fika kontenti ku kes kuza ki bu ta faze pa salva algen.
6 N sta ba kanta pa Jeová, pamodi el rekonpensa-m txeu.