Salmu
Pa diretor di múzika. Pa kunpanha ku instrumentu di kórda. Un múzika di Azafe. Kántiku.
76 Deus é konxedu na Judá.
Se nómi é grandi na Israel.
2 Se ténda sta na Salén,
I se kaza sta na Sion.
3 La, el kebra kes flexa ki staba ku lumi,
Kes skudu, kes spada i kes otu arma di géra. (Selá)
4 Bu sta kubértu di lus.
Bu ten más glória di ki kes montanha undi ta kasadu animal.
5 Es toma kes ómi balenti* kes kuza ki es tinha.
Es móre,*
Ninhun di kes trópa ka konsigi difende.
6 Ó Deus di Jakó, bu da un gritu di géra,
I kes kondutor di kes karu i tanbê kes kabalu móre.
7 Sô bo ki ta dexa algen dimiradu.
Ken ki ta pode aguenta bu raiba?
8 La di séu bu fla bu julgamentu.
Algen na téra fika ku medu i kaladu
9 Kantu Deus labanta pa faze julgamentu,
Pa salva tudu kes mansu di téra. (Selá)
10 Pamodi raiba di ómi ta ben traze lovor pa bo.
Kel últimu bês ki es ta ben mostra raiba ta ser un oportunidadi pa bu dadu glória.
11 Nhos faze nhos votu pa Jeová, nhos Deus, i nhos kunpri-s,
Pa tudu kes ki sta na se vólta traze ses prezenti ku grandi ruspetu.
12 El ta ben rabaxa kes líder orgulhozu.*
El ta poi kes rei di téra ku medu.