Salmu

119 Filís é kes algen ki é lial*

I ki ta anda na lei di Jeová.

 2 Filís é kes algen ki ta sigi Ses avizu

I ki ta djobe-l di tudu ses korason.

 3 Es ka ta faze ninhun injustisa.

Es ta anda na kaminhu di Deus.

 4 Bu da órdi

Pa nu kunpri bus mandamentu ku kuidadu.

 5 Nha dizeju é kontinua firmi*

Pa N pode kunpri bus lei!

 6 Asi N ka ta xinti vergónha

Óras ki N ta izamina tudu bus mandamentu.

 7 N ta ben lova-u ku un korason sinseru

Óras ki N prende sobri bus julgamentu justu.

11 N ta guarda bus palavra sima un tizoru na nha korason,

Asi pa N ka peka kóntra bo.

12 Ó Jeová, pa bu lovadu.

Inxina-m bus lei.

13 Ku nha bóka, N ta pâpia

Di tudu kes disizon ki bu toma.

14 N ta fika kontenti ku bus avizu,

Más di ki tudu kes otu kuza di valor.

15 N ta ben midita na* bus órdi

I N ta mante nhas odju na bus kaminhu.

17 Trata bu sérvu ku bondadi,

Pa N pode vive i obi ku bu palavra.

18 Abri nhas odju pa N pode odja klaru

Kes kuza bunitu di bu lei.

20 Tudu óra,

N ta spera ku txeu vontadi pa bu lei.

21 Bu ta koriji kes algen orgulhozu,

Kes maldisuadu ki ta disvia di bus mandamentu.

22 Libra-m di* trósa i disprézu,

Pamodi N sta ta obi ku bus avizu.

23 Mésmu óras ki kes prínsipi ta xinta djuntu i ta pâpia kóntra mi,

Bu sérvu ta midita na bus lei.

24 N gosta txeu di bus avizu.

Es ta da-m konsedju.

26 N fla-u tudu kuza ki N faze i bu responde-m.

Inxina-m bu lei.

27 Djuda-m intende* bus órdi,

Pa N pode midita na kes kuza bunitu ki bu faze.

29 Favor, djuda-m pa N ka ser un algen falsu,

Mostra-m bondadi i inxina-m bu lei.

32 N sta prontu pa* obi ku bus mandamentu,

Pamodi bu ta djuda-m intende-s.*

33 Ó Jeová, inxina-m vive di akordu ku bu lei,

I N ta sigi-l ti fin.

34 Da-m intendimentu,

Asi pa N pode obi ku bu lei

I pa N sigi-l di tudu nha korason.

35 Gia-m pa N pode kunpri* bus mandamentu,

Pamodi N gosta di es.

36 Motiva nha korason pa N gosta di bus avizu,

Asi pa N ka sigi nhas própi dizeju.*

37 Ka bu dexa nhas odju odja pa kes kuza ki ka ten valor.

Mante-m bibu na bu kaminhu.

38 Kunpri kel promésa ki bu faze bu sérvu,

Asi pa pesoas ten grandi ruspetu pa bo.*

39 Libra-m di vergónha ki sta ta dexa-m ku medu,

Pamodi bus julgamentu é bon.

41 Ó Jeová, mostra-m bu amor lial,

Salva-m sima bu promete-m.

42 Nton, N ta ben da un respósta pa kel ki ta faze trósa di mi,

Pamodi N ta kunfia na bu palavra.

43 Djuda-m kontinua ta pâpia verdadi,*

Pamodi N ten speransa* ma bu ta poi justisa ta fazedu.

44 Sénpri N ta ben kunpri bu lei,

Pa tudu ténpu.

45 N ta ben anda na un lugar suguru,*

Pamodi N ta sforsa pa N kunpri bus órdi.

46 N ta ben pâpia sobri bus avizu dianti di kes rei,

N ka ta ben fika ku vergónha.

47 N gosta txeu di bus mandamentu,

N ta ama-s.

48 N ta ben faze orason pa bo ku nha mô labantadu, pamodi N ta ama bus mandamentu,

I N ta ben midita na bus lei.

49 Lenbra di kuzê ki bu promete-m,

Pamodi é kel-la ki ta da-m speransa.

50 É kel-li ki ta konsola-m óras ki N sta sufri,

Pamodi é bu palavra ki tene-m ku vida.

51 Kes algen orgulhozu ta faze-m txeu trósa,

Má N ka ta disvia di bu lei.

52 Ó Jeová, N ta lenbra di kes julgamentu ki bu fazeba antis,

I es ta konsola-m.

53 N ta fika ku raiba óras ki N ta odja algen mau

Ta bandona bu lei.

54 Ka ta inporta undi N ta mora,*

Bu lei é sima kántiku ki ta konsola-m.

55 Ó Jeová, duránti noti N ta lenbra di bu nómi,

Asi pa N pode kunpri bu lei.

56 Sénpri N ten kustumu di faze kel-li

Pamodi N krê obi ku bus órdi.

57 Jeová é nha párti.*

N promete obi ku bus palavra.

58 N ta djobe ajuda na bo* di tudu nha korason.

Ten péna di mi sima bu promete-m.

59 N ten stadu ta analiza rumu di nha vida,

Pa N poi nha pé ta volta pa bus avizu.

60 N tene présa na kunpri bus mandamentu

I N ka ta dimora na faze-l.

61 Kes kórda di algen mau ta serka-m,

Má N ka ta skese di bu lei.

62 N ta labanta meia-noti pa N agradese-u

Pamodi bus julgamentu é justu.

63 Ami é amigu di tudu kes algen ki ten grandi ruspetu pa bo

I di kes ki ta sigi bus órdi.

64 Ó Jeová, bu amor lial ta intxi téra.

Inxina-m bus mandamentu.

65 Ó Jeová, bu trata-m* dretu

Sima bu promete.*

66 Inxina-m ten bon juís i da-m konhisimentu,

Pamodi N ta kunfia na bus mandamentu.

67 Antis, N ka ta fazeba kel ki é dretu,* pur isu N ta sufreba,

Má gósi N ta kunpri bu palavra.

69 Kes algen orgulhozu ta konta txeu mintira sobri mi,

Má N ta obi ku bus órdi di tudu nha korason.

70 Ses korason é duru,*

Má ami N gosta txeu di bu lei.

71 Foi bon N pasa pa frónta,

Pamodi kel-li djuda-m prende sobri bus mandamentu.

72 Kel lei ki bu da é bon pa mi,

El bale mutu más di ki txeu oru i prata.

Da-m intendimentu,

Pa N pode prende sobri bus mandamentu.

74 Kes ki ten grandi ruspetu pa bo ta fika kontenti óras ki es ta odja-m,

Pamodi bu palavra é nha speransa.

75 Ó Jeová, N sabe ma bus julgamentu é justu

I ma bu pô-m ta sufri* pamodi abo é fiel.

76 Favor, konsola-m ku bu amor lial,

Sima bu promete-m.

77 Mostra-m mizerikórdia, pa N pode kontinua ta vive,

Pamodi N gosta txeu di bu lei.

78 Pa kes algen orgulhozu fika na vergónha,

Pamodi es maltrata-m sen ninhun motivu.*

79 Pa kes algen ki ten grandi ruspetu pa bo volta pa mi,

Kes algen ki konxe bus avizu.

80 Djuda-m obi ku bus mandamentu di tudu nha korason,

Asi pa N ka pasa vergónha.

81 N* tene gana pa bu ben salva-m,

Pamodi bu palavra é nha speransa.

82 N tene gana di odja bu promésa ta kunpri,

Timenti N sta pergunta: “Ti ki ténpu ki bu ta ben konsola-m?”

83 N sta sima un bólsa di péli* ki sta séku pamodi fumu,

Má N ka ta skese di bus mandamentu.

85 Kes algen orgulhozu ki ta dizafia bu lei,

Sta ta koba un braku pa N kai déntu di el.

87 Es staba kuazi ta kaba ku mi,

Má N ka bandona bus órdi.

88 Mante-m bibu pamodi bu amor lial,

Asi pa N kunpri kes avizu ki bu da.

89 Ó Jeová, bu palavra ta dura pa tudu ténpu,

Sima séu ta dura pa tudu ténpu.

91 Através di bus lei* es* ta kontinua ti oji,

Pamodi tudu kes kuza li sta ta sirbi-u.

92 Si N ka gostaba di bu lei,

Nha frónta dja mataba mi.

93 Nunka N ka ta ben skese di bus órdi,

Pamodi através di es bu mante-m bibu.

94 Ami é di bo. Salva-m,

Pamodi N sta ta sforsa pa N obi ku bus órdi.

95 Kes algen mau sta ta krê kaba ku mi,

Má ami N ta midita na bus avizu.

96 Dja N odja ma tudu kuza ki é perfeitu ten limiti.

Má bu mandamentu ka ten limiti.*

98 Bu mandamentu ta pô-m ta ten más sabedoria di ki nhas inimigu,

Pamodi sénpri el ta sta ku mi.

99 N ten más intendimentu di ki tudu nhas méstri,

Pamodi N ta pensa txeu na bus avizu.

100 N ta aji ku más intendimentu di ki kes algen di idadi,

Pamodi N ta obi ku bus órdi.

101 N ka ta anda na ninhun kaminhu mariadu,

Pa N pode sigi bu palavra.

102 N ka disvia di bu lei,

Pamodi é bo ki inxina-m.

103 Fórti bus palavra é dósi na nha bóka,

Es é más dósi di ki mel!

105 Bu palavra é un lánpida pa nha pé

I un lus pa nha kaminhu.

106 N faze un juramentu i N ta ben kunpri-l,

N ta ben obi ku bus julgamentu justu.

108 Ó Jeová, favor, seta ku alegria nhas oférta di lovor ki N faze di livri vontadi,

I inxina-m bus julgamentu.

109 Nha vida sta sénpri na prigu,*

Má N ka ta skese di bu lei.

110 Kes algen mau pripara un armadilha pa mi,

Má N ka ta disvia di bus órdi.

111 Sénpri N ta da valor pa bus avizu,*

Pamodi es ta poi nha korason kontenti.

112 N disidi* obi ku bus mandamentu

Na tudu situason, ti fin.

113 N ta ôdia kes algen ki ten korason divididu,*

Má N ta ama bu lei.

114 Abo é nha proteson i nha skudu,

Pamodi bu palavra é nha speransa.

115 Nhos ki é mau, nhos fika lonji di mi,

Pa N pode obi ku kes mandamentu di nha Deus.

116 Djuda-m sima bu promete,

Pa N pode kontinua bibu.

Ka bu dexa nha speransa bira diziluzon.*

117 Djuda-m pa N pode salva.

Asi, sénpri N ta ben presta atenson na bus mandamentu.

118 Bu ta nega tudu kes ki ta disvia di bus mandamentu,

Pamodi es é falsu i mintirozu.

120 Nha korpu* interu sta ta treme di medu pamodi bo.

N ten grandi ruspetu pa bus julgamentu.

122 Promete ma bu ta ben djuda bu sérvu.

Ka bu dexa kes algen orgulhozu maltrata-m.

123 Nhas odju sta kansadu ta spera pa bu salvason

I pa bu promésa ki é justu kunpri.

124 Mostra bu sérvu bu amor lial,

I inxina-m bus mandamentu.

125 Ami é bu sérvu. Da-m intendimentu,

Pa N pode intende bus avizu.

126 Ó Jeová, dja txiga ténpu pa bu aji

Pamodi es viola bu lei.

127 É pur isu ki N ta ama bus mandamentu

Más di ki oru, más di ki oru finu.*

128 Pur isu, N ta atxa ma tudu bus instruson é dretu.

N ta ôdia tudu kaminhu di falsidadi.

130 Óras ki bu palavra ta splikadu, el ta traze lus

I algen sen spiriénsia ta ten intendimentu.

131 N ta abri nha bóka i N ta suspira,

Pamodi N tene gana di obi bus mandamentu.

132 Volta pa mi i ten péna di mi,

Sima sénpri bu ta faze ku* kes algen ki ta ama bu nómi.

133 Gia nhas pasu ku bu palavra pa N pode anda na kaminhu suguru.*

Ka bu dexa nada mariadu toma kónta di mi.

134 Salva-m* di kes algen ki ta maltrata-m,

I N ta ben kunpri bus órdi.

135 Mostra ma bu sta kontenti* ku bu sérvu,

I inxina-m bu lei.

136 Agu sta ta baza-m di odju

Pamodi pesoas ka ta obi ku bu lei.

137 Ó Jeová, abo é justu

I bus julgamentu é justu.

138 Kes avizu ki bu ta da é justu

I algen pode ten tudu kunfiansa na es.

139 Nha zelu pa bo sta ta kema déntu di mi sima lumi,

Pamodi nhas inimigu skese di bu palavra.

140 Bu sérvu ta ama bu palavra

Pamodi el é puru.

141 Pesoas ta atxa ma N ka ten valor i es ta dispreza-m.

Má simé, N ka ta skese di bus órdi.

142 Bu justisa é justisa pa tudu ténpu,

I bu lei é verdadi.

143 Enbóra frónta ku difikuldadi ta kai riba di mi,

N ta kontinua ta gosta txeu di bus mandamentu.

147 N ta korda antis di manxe pa N grita pa ajuda,

Pamodi bus palavra é nha speransa.

148 N ta labanta na meiu di noti,

Pa N pode midita na bu palavra.

150 Kes ki ses konportamentu ta da vergónha,* sta ta txiga pértu di mi pa prujudika-m.

Es sta lonji di bu lei.

151 Ó Jeová, bu sta pértu di mi,

I tudu bus mandamentu é verdadi.

152 Dja ten txeu ténpu ki N prende sobri bus avizu,

Ki bu faze pa dura pa tudu ténpu.

153 Odja pa nha sufrimentu i salva-m,

Pamodi N ka ta skese di bu lei.

154 Difende-m* i salva-m.

Mante-m bibu sima bu promete.

155 Kes algen mau sta lonji di salvason,

Pamodi es ka krê obi ku bus mandamentu.

157 Ten txeu algen ki sta pirsigi-m i ki sta kóntra mi.

Má N ka ta disvia di bus avizu.

158 N ten noju di kes algen traisueru,

Pamodi es ka ta sigi bu palavra.

160 Tudu bu palavra é verdadi,

I tudu bus julgamentu justu ta dura pa tudu ténpu.

161 Prínsipis sta ta pirsigi-m sen ninhun motivu,

Má nha korason ten grandi ruspetu pa bu palavra.

162 Bu palavra ta pô-m ta fika txeu kontenti

Sima un algen ki atxa un tizoru.

163 N ka gosta di mintira, N ta odia-l.

Má N ta ama bu lei.

164 N ta lova-u 7 bês pur dia

Pamodi bus julgamentu é justu.

165 Kes algen ki ta ama bu lei ta ten txeu pas.

Ka ten nada ki ta pô-s ta tropesa.*

166 Ó Jeová, N ta spera pa kes kuza ki bu ta ben faze pa salva-m,

I N ta obi ku bus mandamentu.

167 N ta obi ku kes avizu ki bu ta da-m,

I N ta ama-s di fundu di nha korason.

168 N ta sigi bus órdi i bus avizu,

Pamodi bu sabe tudu kuza ki N ta faze.

171 Pa nha bóka sta sénpri ta lova-u,

Pamodi bu ta inxina-m bus mandamentu.

172 Pa nha língua kanta sobri bu palavra,

Pamodi tudu bus mandamentu é justu.

173 Pa bu mô sta prontu pa djuda-m,

Pamodi N skodje obi ku bus órdi.

174 Ó Jeová, N tene gana pa bu ben salva-m,

I N gosta txeu di bu lei.

175 Dexa-m vive pa N pode lova-u.

Dexa bu lei djuda-m.

176 N afasta sima un ovelha ki perde. Ben djobe bu sérvu,

Pamodi N ka skese di bus mandamentu.