Salmu

8 Ó Jeová, nos Sinhor, fórti bu nómi é grandi na téra interu.

Bu poi bu glória ti mésmu riba di séu!*

 2 Di bóka di kriansa i di bebé bu mostra bu forsa,

Asi pa bu inimigu ki é mau i ki é kóntra bo

Ka fla nada.

 3 Óras ki N ta odja séu, ki é trabadju di bu mô,*

I lua ku strélas ki bu faze,

 4 Kuzê ki é ómi pa bu lenbra di el,

I fidju di ómi pa bu toma kónta di el?

 5 Bu faze-l un bokadinhu más pikinoti di ki anjus,

I bu pô-l koroa di glória i di beléza.

 6 Bu da-l autoridadi pa el toma kónta di trabadju di bu mô.

Bu poi tudu kuza dibaxu di se pé:

 7 Tudu kes ovelha, kes kabritu i kes boi,

I tanbê kes animal selvajen,*

 8 Kes pasu na séu i kes pexi na mar,

Tudu kel ki ta nada na mar.