Poi na lugar di otus algen

Kuzê ki Jizus faze

VÍDIU: Jizus xinti pena di kel monti di algen

1. Odja VÍDIU, ô lé Markus 6:30-34. Dipôs pensa i responde kes pergunta li:

1. Pamodi ki Jizus i se apóstlus krê ‘fikaba es sô’?

2. Kuzê ki poi Jizus ta krê inxina kel monti di algen?

Kuzê ki nu ta prende ku Jizus?

2. Nu ka krê sô pâpia ku pesoas sobri notísias sábi, má tanbê nu krê djuda-s.

Imita Jizus

3. Obi ku atenson. Dexa kel algen fla kuzê ki el ta pensa. Ka bu korta-l konbérsu i nen ka bu iginora se sentimentus, preokupasons ô kes kuza ki el ka ta konkorda ku bo. Óras ki bu ta obi ku atenson, bu ta mostra kel algen ma bu ta inporta ku kuzê ki el ta pensa.

4. Pensa na kel algen ki mostra interesi. Ku bazi na kel ki bu pâpia ku el, pergunta bu kabésa:

1. ‘Pamodi ki el meste obi verdadi?’

2. ‘Modi ki studa Bíblia ta djuda-l ten un vida más midjór gósi i na futuru?’

5. Pâpia di kes kuza ki pode djuda kel algen. Lógu ki da, mostra-l modi ki un studu di Bíblia pode responde se perguntas i modi ki el pode djuda-l di txeu manera.