Sforsa pa lé Bíblia tudu dia

Ku tantu kuza ki bu ten pa faze, alvês é difísil pa bu lé Bíblia tudu dia? (Juz. 1:8) Si kel-li sta kontise ku bo, tenta faze un di kes kuza li:

• Ranja algun kuza pa djuda-u lenbra. Poi un alarmi na bu telemóvel pa djuda-u lenbra di lé Bíblia.

• Poi Bíblia na un lugar ki bu ta konsigi odja. Si bu ta lé Bíblia na papel, pô-l na un lugar ki é fásil bu konsigi odja-l tudu dia. — Deut. 11:18.

• Obi gravason di leitura di Bíblia. Obi gravason di leitura di Bíblia timenti bu sta ta faze bus kuza di dia-dia. Tara, ki é pionera, mai i ki ta trabadja di noti, fla: “Obi gravason di leitura di Bíblia timenti N sta ta faze nhas kuza di kaza ta djuda-m lé Bíblia tudu dia.”

• Ka bu dizisti. Si kontise algun kuza ki bu ka konsigi lé Bíblia na óra ki bu tinha planu di lé, tenta lé peloménus alguns versiklu di Bíblia antis di bu ba deta. Sikrê bu lé sô alguns versiklu tudu dia kel-li ta ser bon pa bo. — 1 Ped. 2:2.