Prublémas di meiu anbienti — Kuzê ki Reinu di Deus ta ben faze

“Kes prubléma gravi ku klima sta ta traze txeu prubléma pa pesoas, sidadis i pa tudu kuza bibu. Kes tenpistadi fórti pamodi mudansas di klima, sta ta distrui kazas i meiu di vida di pesoas na mundu interu. Agu di mar sta ta bira kada bês más kenti i pamodi kel-li txeu di kes animal i plantas ki ten na mar pode ka sobrivive.” — Inger Andersen, Diretora Executiva do Programa das Nações Unidas para o Meio Ambiente i Secretária-Geral Adjunta das Nações Unidas, 25 di julhu di 2023.

Govérnus ta ben konsigi trabadja djuntu pa rezolve kes prubléma li na mundu interu? Es ta konsigi atxa un soluson pa kaba ku tudu kes prubléma?

Bíblia ta pâpia di un govérnu ki pode i ki ta ben rezolve tudu prubléma di meiu anbienti. El ta fla ma ‘Deus di Séu ta ben traze un reinu’, ô un govérnu, ki ta ben rezolve tudu prubléma di téra. (Daniel 2:44) Dibaxu di es govérnu, pesoas ‘ka ta faze ninhun stragu nen distruison’ pa kunpanheru ô pa téra. — Isaías 11:9.