Falta di dinheru — Kuzê ki Reinu di Deus ta ben faze

É txeu difísil pa txeu algen na mundu interu ten dinheru ki ta txiga pa es vive, i kel situason li sta ta bira kada bês más piór.

• Di akordu ku un rilatóriu ki fazedu ka dura li na mundu interu,a pesoas sta ta kunpra más poku i ménus kuza ku kel dinheru ki es ta ganha. Kel rilatóriu ta aviza ma si nada ka fazedu, ta ten un diferénsa grandi entri kes algen ki é riku i kes ki é ka riku, i txeu família ta ben vive ku ménus kondison di ki antis.

Govérnus ta konsigi rezolve kel situason di falta di dinheru ô peloménus midjora kel situason?

Bíblia ta splika ma ten un govérnu ki ta pode i ki ta ben rezolve tudu prubléma ki ten pamodi falta di dinheru, i tanbê diferénsa ki ten entri kes algen ki é riku i ki é ka riku. El ta fla ma “Deus di Séu ta ben traze un reinu”, un úniku govérnu, ki ta ben kuida di tudu asuntus na téra. (Daniel 2:44) Dibaxu di kel govérnu, ningen ka ta ben skesedu di el ô bandonadu. (Salmo 9:18) Reinu di Deus ta ben garanti ma tudu algen ta ten kuzê ki es meste pa es ser filís. Tudu algen ta ben goza rezultadu di ses trabadju duru. — Isaías 65:21, 22.