Jizus ta ben kaba ku krimi

Jizus sabe kuzê ki é sufri pamodi krimi i injustisa. El akuzadu ku falsidadi, el sotadu sen merese, el julgadu i kondenadu di manera injustu i el matadu di manera kruel. Enbóra Jizus éra inosenti, di livri vontadi i sen pensa na se kabésa, el “da se vida pa resgata txeu algen.” (Mateus 20:28; Juan 15:13) Oji Jizus é Rei di Reinu di Deus, i ka ta dura el ta ben traze justisa na téra i el ta ben kaba ku krimi. — Isaías 42:3.

Bíblia ta fla modi ki mundu ta ben ser óras ki Jizus ben kaba ku krimi i injustisa:

• ‘Kes algen mau ta ben dexa di izisti; bu ta djobe pa lugar ki es staba, i es ka ta sta la. Má, kes algen mansu ta ben toma kónta di téra i es ta ben ten txeu alegria ku txeu pas.’ — Salmo 37:10, 11.

Modi ki nu pode mostra nos gratidon pa tudu kel ki Jizus dja faze i ki el sta ben faze pa nos? Un manera é prende sobri kes ‘notísia sábi di Reinu di Deus,’ ki éra mensajen di pregason di Jizus. (Lukas 4:43) Lé kel artigu ku téma “Kuzê ki é Reinu di Deus?”