Maldadi sta ta omenta na mundu interu — Kuzê ki Bíblia ta fla?

Grupus violéntu sta ta toma kónta di Aiti. Krimis violéntu sta ta spadja na Áfrika di Sul, na Méxiku i na otus país di Mérka Latina. Mésmu na kes lugar ki violénsia fika más poku, notísias di krimis kóntra propriadadi ta poi algen ta xinti falta di suguransa i preokupadu dimás.

Kuzê ki Bíblia ta fla sobri maldadi ki ten na mundu?

Kuzê ki Bíblia dja flaba sobri maldadi

Bíblia dja flaba ma maldadi ta ben fazeba párti di sinal di “fin di es mundu”. (Mateus 24:3) Timenti Jizus staba ta pâpia di kes kuza ki ta faze párti di kel sinal, el fla:

“Dja ki maldadi ta bira txeu, amor di maioria di algen ta ben fria.” — Mateus 24:12.

Bíblia tanbê dja flaba ma “na ténpu di fin” pesoas ta ben sérba “diskontroladu, runhu, ka ta ama kuzas dretu”. (2 Timótiu 3:1-5) Kel manera di konporta li, di kes algen ki ta pensa sô na ses kabésa, ta poi maldadi ta bira más txeu oji.

Má nu ten motivus pa ten speransa. Bíblia ta promete ma ka ta dura maldadi ta ben kabadu ku el.

‘Ka ta dura kes algen mau ta ben dexa di izisti; bu ta djobe pa lugar ki es staba, i es ka ta sta la. Má, kes algen mansu ta ben toma kónta di Téra i es ta ben ten txeu alegria ku txeu pas.’ — Salmo 37:10, 11.

Prende más sobri kel mensajen di speransa ki Bíblia ta da i pamodi ki bu pode ten serteza ma kes kuza ki nu sta ta odja ta kontise oji ta kunpri profesias di Bíblia. Odja kes artigu li:

“Bu pode spéra un futuru midjór”

“Kal ki é sinal di ‘ténpu di fin’?”

“Bíblia dja flaba modi ki pesoas ta ben pensaba i konportaba na nos ténpu?”