Bu pode atxa bons konsedju
‘Tudu ki sta na Skritura ben di Deus’. (2 Timóteo 3:16) Na es versíklu, ‘ben di Deus’ krê fla ma Deus Tudu-Poderozu poi se pensamentus na menti di kes skritor di Bíblia.
Deus krê kel ki é midjór pa bo
‘Ami, Jeová, mi é. . . Kel ki ta inxina-u kuzê ki é midjór pa bo, Kel ki ta gia-u na kaminhu ki bu debe anda. Éra bon si bu prestaba atenson na nhas mandamentu! Nton, bu pas ta sérba sima un riu, i bu justisa sima óndias di mar.’ — ISAÍAS 48:17, 18.
Pensa na kes palavra li sima un konviti ki Deus sta faze-u. El krê pa bu ten pas déntu bo i filisidadi di verdadi, i el pode djuda-u ten kes kuza li.
Bu pode atxa kes bons konsedju di Deus
‘Notísias sábi ten ki ser pregadu primeru na tudu nasons.’ — MARCOS 13:10.
Kes ‘notísia sábi’ ta inklui kes promésa ki Jeová faze di kaba ku sufrimentu, di bira Téra un Paraízu i di da vida otu bês pa nos família i amigus ki dja móre. Tistimunhas di Jeová ta prega kel mensaji di Bíblia li na mundu interu.