STUDU 11

Pâpia di manera animadu

Romanos 12:11

REZUMU: Pâpia di manera animadu pa bu motiva algen.

Dexa matéria toka bu korason. Óras ki bu sta pripara pa un aprizentason, pensa dretu pamodi ki kel matéria é inportanti. Konxe kel matéria dretu pa bu pode pâpia di korason.
Pensa na kes algen. Pensa na modi ki kel matéria ki bu sta bai lé ô inxina ta djuda otus. Pensa na modi ki bu pode aprizenta kel matéria di manera ki ta djuda kes algen da-l más valor.
Inxina di korason. Pâpia di manera animadu. Mostra kel ki bu ta xinti na korason através di bu róstu i di jéstus normal.

Toma kuidadu pa bu ka ripiti sénpri kes mésmu jéstu, pa bu ka distrai algen. Faze jéstus di akordu ku kuzê ki bu sta fla. Pâpia di manera animadu óras ki bu ta inxina kes pontu prinsipal i bu ta motiva algen pa faze algun kuza. Ka bu pâpia di manera animadu dimás duránti tudu bu aprizentason, pa algen ka fika kansadu.