Mostra bondadi

Kuzê ki Jizus faze

VÍDIU: Jizus kura un ómi ségu

1. Odja VÍDIU, ô lé Juan 9:1-7. Dipôs pensa i responde kes pergunta li:

1. Kuzê ki Jizus faze primeru? El kura kel ómi ségu ô el pâpia ku el sobri notísias sábi? — Odja Juan 9:35-38.

2. Pamodi ki bu ta atxa ma kel ómi staba prontu pa obi Jizus?

Kuzê ki nu ta prende ku Jizus?

2. É más fásil un algen obi nos mensajen si el xinti ma nu ta inporta ku el.

Imita Jizus

3. Poi na lugar di kel algen. Tenta imajina modi ki el sta ta xinti.

1. Pergunta bu kabésa: ‘Ku kuzê ki el debe sta preokupadu? Kuzê ki el pode atxa ma ta djuda-l i ta interesa-l?’ Faze kes pergunta li ta djuda-u mostra bondadi di un manera natural i di verdadi.

2. Obi kel algen ku atenson pa bu mostra ma bu ta inporta ku kuzê ki é inportanti pa el. Si un algen fla-u modi ki el sta ta xinti sobri algun kuza ô el konta-u un prubléma ki el sta ta pasa pa el, ka bu muda di asuntu.

4. Pâpia ku bondadi i ku ruspetu. Óras ki bu ta xinti konpaxon pa un algen i bu krê djuda-l di verdadi, kel-li ta fika klaru na manera ki bu ta pâpia. Toma kuidadu ku kuzê ki bu ta fla i modi ki bu ta fla-l. Tanbê ivita fla kuzas ki pode ofende kel algen.

5. Sta prontu pa djuda. Djobe oportunidadis pa bu da kel algen ajuda na algun kuza ki el meste. Óras ki nu ta mostra bondadi é más fásil kel algen pâpia ku nos.