KUMESA TA PÂPIA KU PESOAS
LISON 4
Ser umildi
Konsedju di Bíblia: “Nhos ser umildi i nhos pensa ma otus algen é más midjór di ki nhos.” — Flp. 2:3.
Kuzê ki Paulu faze
1. Odja VÍDIU, ô lé Atus 26:2, 3. Dipôs pensa i responde kes pergunta li:
Modi ki Paulu mostra umildadi na manera ki el pâpia ku rei Agripa?
Modi ki Paulu txoma atenson pa Jeová i pa Skrituras envês di txoma atenson pa se kabésa? — Odja Atus 26:22.
Kuzê ki nu ta prende ku Paulu?
2. Nu ta bira nos mensajen más bunitu óras ki nu ta pâpia ku umildadi i ku ruspetu.
Imita Paulu
3. Pâpia ku ruspetu. Ka bu mostra ma bu sabe tudu kuza i ma kel algen ka sabe nada.
4. Mostra klaru ma kuzê ki bu sta ta inxina sta na Bíblia. Kuzê ki sta na Palavra di Deus pode toka korason di pesoas. Óras ki nu ta uza Bíblia, nu ta djuda pesoas dizenvolve fé na Palavra di Deus.
5. Kontinua kalmu. Ka bu insisti na prova ma é bo ki sta sértu. Nu ka krê diskuti. Mostra umildadi, mante kalmu i sabe ki óra ki bu debe sai di la. (Pro. 17:14; Titu 3:2) Si bu pâpia di manera kalmu talvês kel algen ta obi nos mensajen na un otu dia.