YEZAYA

 2 O zulu, wa, mpi tula dikebi, O ntoto,+

Sambu Yehowa me tuba nde:

“Mono me sansa mpi me yedisa bana,+

Kansi bo me kolama na ntwala na mono.+

 3 Ngombe ke zabaka mbote muntu yina me sumba yo,

Mpi mpunda ke zabaka mbote kidikilu ya munkwa na yo;

Kansi Izraele ke zaba mono* ve,+

Bantu na mono mosi ke sala ve mambu ti mayele ya kubakisa mambu.”

 4 Mawa na dikanda ya masumu,+

Bantu yina kele ti kilo ya masumu,

Bana ya bantu ya mbi, bana ya kubeba!

Bo me yambula Yehowa;+

Bo me sadila Santu ya Izraele mambu kukonda luzitu;

Bo me pesa yandi mukongo.

Ntu ya mvimba ke bela,

Mpi ntima ya mvimba kele maladi.+

Kele ti bamputa, matutu mpi bamputa ya kukanguka

—Bo me sansa* yo ve, bo me kanga yo ve babande, mpi bo me kumisa yo ve pete ti mafuta.+

 8 Mwana-nkento ya Sioni me bikala bonso kisika ya lutaninu* na kilanga mosi ya vinu,

Bonso sombolo mosi na kilanga ya bakonkombre,

Bonso mbanza mosi ya bo me ziunga.+

 9 Kana Yehowa ya makesa bikilaka beto ve ndambu ya bantu yina gulukaka,

Beto zolaka kukuma bonso Sodome,

Mpi beto zolaka kufwanana ti Gomore.+

Mono me lemba makabu na beno ya kuyoka ya mameme ya babakala+ mpi mafuta ya bambisi yina bo ke disaka mbote,+

Mpi mono ke wa ve kiese na menga+ ya bana-bangombe ya babakala,+ ya bana-mameme mpi ya bankombo.+

12 Ntangu beno ke kwisa sambu na kumonana na ntwala na mono,+

Nani me songa beno na kukwisa

Sambu na kuniata bibansala na mono?+

Bangonda ya mpa,+ bisabatu,+ kubinga bantu sambu na balukutakanu ya nene+

—Mono lenda ndima ve mutindu beno ke sadila mazi+ mpi kaka na ntangu yina mosi beno ke sala lukutakanu ya santu.

Yo me kuma kizitu sambu na mono;

Mono me lemba na kunata yo.

15 Mpi ntangu beno ke tandula maboko na beno,

Mono ke fika meso na mono sambu na kumona beno ve.+

Ata beno ke sala bisambu mingi,+

Mono ke wa yo ve;+

Maboko na beno me fuluka na menga.+

16 Beno yobila, beno kudikumisa bunkete;+

Beno katula bisalu na beno ya mbi na meso na mono;

Beno yambula kusala mambu ya mbi.+

17 Beno longuka na kusala mambu ya mbote, beno sosa lunungu,+

Beno sungika muntu yina ke niokula bantu

Beno nwanina banswa ya mwana ya me konda tata,*

Mpi beno nwanina diambu ya mufwidi ya nkento+ na tribinale.”

Ata masumu na beno kele mbwaki bonso menga,

Yo ta kuma mpembe bonso mvula ya mpembe;*+

Ata yo kele mbwaki bonso lele ya mbwaki ya ngolo,

Yo ta kuma bonso lene.

19 Kana beno monisa luzolo ya mbote mpi beno wa,

Beno ta dia bima ya mbote ya insi.+

20 Kansi kana beno buya mpi beno kolama,

Beno ta fwa na mbele ya bitumba,+

Sambu munoko ya Yehowa me tuba yo.”

Yandi vandaka ya kufuluka ti lunungu;+

Lunungu vandaka na kati na yandi,+

Kansi ntangu yai kaka bantu yina ke fwaka bantu kele na kati na yandi.+

22 Arza na nge me kuma mvindu ya kibende ya bo ke tomisa,+

Mpi malafu na nge* me vukana ti masa.

Bo ke sambisa ve mambu ya mwana ya me konda tata* na lunungu

Mpi diambu ya mufwidi ya nkento ke kumina bo+ ve ata fioti.

24 Yo yina Mfumu ya kieleka, Yehowa ya makesa,

Muntu ya Ngolo ya Izraele, ke tuba nde:

“A! Mono ta katula bambeni na mono,

Mpi mono ta vutula mbi na bambeni na mono.+

25 Mono ta pesa nge ndola,

Mono ta kumisa mvindu na nge masa-masa bonso ti sabuni,

Mpi mono ta katula mvindu na nge yonso.+

26 Mono ta vutula diaka bazuzi na nge bonso na luyantiku,

Mpi bandongisi na nge bonso na luyantiku.+

27 Bo ta sumba diaka+ Sioni ti lunungu,

Mpi bantu na yandi yina ke vutuka, bo ta sumba bo diaka mpi ti lunungu.

28 Bankolami ti bansumuki ta fwa nzila mosi,+

Mpi bantu yina ke bikisa Yehowa ta suka.+

29 Sambu bo ta wa nsoni ya banti ya ngolo yina beno waka nzala na yo,+

Mpi beno ta wa nsoni sambu na bilanga* yina beno solaka.+

30 Sambu beno ta kuma bonso nti ya nene yina kele ti matiti ya kuyuma,+

Mpi bonso kilanga ya me konda masa.

31 Muntu ya ngolo ta kuma nsinga ya fioti,*

Mpi kisalu na yandi ta kuma ka-nsemo;

Bo yonso zole ta zika na tiya kumosi,

Mpi muntu ya kufwa tiya yina ta vanda ve.”

 2 Na kitini ya nsuka ya bilumbu,*

Ngumba ya nzo ya Yehowa

Ta tulama ngolo na zulu ya nsongi ya bangumba ya nene,+

Yo ta tombuka na zulu ya bangumba ya fioti,

Mpi makanda yonso ta kwisa kufuluka+ kuna.

“Beno kwisa, beto tombuka na ngumba ya Yehowa,

Na nzo ya Nzambi ya Yakobi.+

Yandi ta longa beto banzila na yandi,

Mpi beto ta tambula na banzila na yandi.”+

Sambu nsiku* ta basika na Sioni,

Mpi ndinga ya Yehowa ta basika na Yeruzalemi.+

 4 Yandi ta zenga makambu na kati ya makanda

Mpi ta tula mambu na ndonga* sambu na bantu mingi.

Bo ta kumisa bambele na bo ya bitumba bima ya kubundudila ntoto

Mpi bo ta kumisa makonga na bo bakupu-kupu.+

Dikanda mosi ta nangula ve mbele ya bitumba sambu na kunwanisa dikanda ya nkaka,

Bo ta longuka mpi diaka ve bitumba.+

 5 O nzo ya Yakobi, kwisa,

Bika beto tambula na nsemo ya Yehowa.+

 6 Sambu nge me vila bantu na nge, nzo ya Yakobi,+

Sambu bo me kuma ti bima mingi yina me katuka na ndambu ya Esti;

Bo ke sala mazi+ bonso bantu ya Filistia,

Mpi bo kele ti bana mingi ya banzenza.

 7 Insi na bo me fuluka ti arza mpi wolo,

Mpi bimvwama na bo kele na nsuka ve.

Insi na bo me fuluka ti bampunda,

Mpi bapusu-pusu na bo kele na nsuka ve.+

Bo ke fukimina kisalu ya maboko na bo mosi,

Bima yina misapi na bo mosi me salaka.

 9 Yo yina muntu ke fumbama, bo ke pesa yandi nsoni,

Mpi nge lenda lolula bo ve.

10 Kota na kati ya ditadi mpi bumbana na mfututu

Sambu na makasi ya ngolo ya Yehowa

Mpi nkembo na yandi ya nene.+

11 Bo ta kulumusa meso ya lulendo ya muntu,

Mpi lulendo ya bantu ta kulumuka.*

Yo ke kwisila konso muntu yina kele lulendo mpi yina ke kudinangulaka,

Konso muntu, yo vanda muntu ya mfunu to ya kukonda mfunu,+

13 Yo ke kwisila banti yonso ya sedre ya Libani yina kele ya nda mpi ya kunanguka

Mpi banti yonso ya shene ya Bashani,

14 Yo ke kwisila bangumba yonso ya nda

Mpi bangumba yonso ya fioti ya kunanguka,

15 Yo ke kwisila konso nzo-zulu ya nda mpi konso kibaka ya ngolo,

16 Yo ke kwisila bamaswa yonso ya Tarsisi+

Mpi bamaswa yonso ya kitoko.

17 Bo ta kulumusa lulendo ya muntu,

Mpi lulendo ya bantu ta kulumuka.*

19 Mpi bantu ta kota na mabulu ya matadi ya nene

Mpi na mabulu yina kele na ntoto,+

Sambu na makasi ya ngolo ya Yehowa

Mpi nkembo na yandi ya nene,+

Ntangu yandi ta telama sambu na kunikisa ntoto na boma ya ngolo.

20 Na kilumbu yina, bantu ta baka banzambi na bo ya kukonda mfunu ya arza mpi ya wolo

Yina bo me kudisadilaka sambu na kufukimina yo

Mpi ta losila yo minungi* ti bakapakala-ngonzu,+

21 Sambu na kukota na mabulu yina kele na matadi ya nene

Mpi na bampwasa ya matadi,

Sambu na makasi ya ngolo ya Yehowa

Mpi nkembo na yandi ya nene,

Ntangu yandi ta telama sambu na kunikisa ntoto na boma ya ngolo.

22 Sambu na mambote na nge mosi, yambula kutula ntima na muntu,

Yina kele kaka mpema na mbombo na yandi.*

3 Tala! Mfumu ya kieleka, Yehowa ya makesa,

Ke katula na Yeruzalemi ti na Yuda lusadisu yonso mpi bima yonso yina ke simbaka luzingu,

Lusadisu yonso ya ke tadila mampa mpi masa,+

 2 Muntu ya ngolo mpi soda,

Zuzi mpi mbikudi,+ nganga-ngombo mpi nkuluntu,

 3 Mfumu ya bantu 50,+ muntu ya lukumu, mpi ndongisi,

Muntu ya ke zabaka kusala mazi mbote-mbote mpi muntu ya ke vandaka ti mayele ya kukinisa nioka.+

 4 Mono ta kumisa bana-babakala bamfumu na bo,

Mpi bantu yina ke soba-sobaka mabanza* ta yala bo.

 5 Bantu ta niokula bantu ya nkaka,

Konso muntu ta niokula nkweno na yandi.+

Mwana-bakala ta nwanisa mbuta-muntu,

Mpi muntu ya bo ke zitisaka mingi ve ta tula ntembe ti muntu ya bo ke zitisaka.+

“Mono ta vanda ve muntu yina ta kangisa bamputa na nge babande sambu na kusansa yo,*

Mono kele ve ti madia to bilele na nzo na mono.

 8 Sambu Yeruzalemi me bula sakuba,

Mpi Yuda me bwa,

Sambu bo ke nwanisa Yehowa na bangogo mpi na bisalu;

Bo ke sala mambu na ntembe yonso na meso na yandi ya nkembo.*+

 9 Mutindu baluse na bo ke monana ke funda bo,

Mpi bo ke zabisa disumu na bo bonso Sodome;+

Bo ke sosa ve kubumba yo.

10 Songa bantu ya lunungu nde mambu ta kwendila mbote sambu na bo,

Bo ta pesa bo matabisi sambu na mambu yina bo ke sala.*+

Mpasi ta bwila yandi,

Sambu mambu yina maboko na yandi me sala, bo ta sala yandi mpi mutindu yina!

12 Na yina me tala bantu na mono, bantu ya ke pesaka bo kisalu kele nku,

Mpi bankento ke yala bo.

Bantu na mono, bantwadisi na beno ke sala nde beno yungana-yungana,

Mpi bo ke vwalangasa nzila ya bitambi na beno.+

13 Yehowa me yilama sambu na kutuba makambu na yandi,

Yandi me telama sambu na kuzengila bantu nkanu.

“Beno me yoka kilanga ya vinu tiya,

Mpi bima yina beno me yiba bansukami kele na kati ya banzo na beno.+

15 Inki mutindu beno me baka kikesa ya kubedisa bantu na mono,

Mpi ya kuniokula kibeni bansukami?”+ Mfumu ya Kuluta Nene, Yehowa ya makesa, muntu me tuba.

16 Yehowa me tuba nde: “Sambu bana-bankento ya Sioni kele lulendo,

Bo ke tambula ba-ntu na zulu,*

Ke ladisa meso, ke denda-denda,

Mpi ke sala makelele ti mitaku ya makulu na bo,

17 Yehowa ta basisa mpi bana-bankento ya Sioni bibala ya bamputa na ntu,

Mpi Yehowa ta bika bambunzu na bo pululu.+

18 Na kilumbu yina Yehowa ta katula bima na bo yonso ya ke kumisaka nitu kitoko

Mitaku ya makulu, bilele ya kukanga na ntu, mpi bima ya ke kumisaka nitu kitoko ya kele bonso ngonda,+

19 Bima-makutu, mitaku ya maboko, mpi bilele ya kufika ntu,

20 Bampu,* mayaka ya makulu, mpi bilele ya kukanga na ntulu,

Bima ya kutudila mananasi* mpi bima ya ke kumisaka kitoko,*

21 Balupetu ya musapi mpi balupetu ya mbombo,

22 Barobe ya bankinsi, bamvwela, bakazaka, tu-basaki ya kunatila mbongo,

23 Batala-tala ya maboko+ mpi bilele ya lino,*

Batirbani mpi bilele ya kufika ntu.

24 Na kisika ya mafuta ya balsami+ ta vanda nsudi ya kupola;

Na kisika ya mukaba, nsinga;

Na kisika ya nsuki ya bo me yidika mbote, dibandi;+

Na kisika ya lele ya ntalu, lele ya saki;+

Mpi na kisika ya kitoko kidimbu ya tiya.

25 Bantu na nge ta bwa na mbele ya bitumba,

Mpi bantu na nge ya ngolo ta bwa na bitumba.+

26 Bakielo na yandi ta dila mpi ta wa mawa,+

Yandi ta vanda na ntoto mpi ta bikala mpamba.”+

“Beto ta dia dimpa na beto mosi

Mpi ta lwata bilele na beto mosi;

Kansi bika kaka nde bo binga beto na zina na nge

Sambu na kukatula nsoni na beto.”*+

5 Pardo, bika mono yimbila bakala yina mono ke zolaka

Nkunga sambu na bakala yina mono ke zolaka mpi sambu na kilanga na yandi ya vinu.+

Yandi kunaka na kati na yo nti ya vinu ya kitoko ya mbwaki,

Yandi tungaka nzo-zulu na kati-kati na yo,

Mpi timunaka dibulu na kati na yo sambu na kikamuninu ya vinu.+

Ebuna yandi landaka kutula kivuvu nde yo ta buta bambuma ya vinu ya mbote,

Kansi yo butaka kaka bambuma ya vinu ya mbi.+

 3 “Ebuna ntangu yai, beno bantu ya Yeruzalemi mpi beno bantu ya Yuda,

Beno zenga makambu na kati na mono ti kilanga na mono ya vinu.+

 4 Inki mono lendaka kusala diaka sambu na kilanga na mono ya vinu

Yina mono me sala ntete ve?+

Ntangu mono vandaka kutula kivuvu nde yo ta buta bambuma ya vinu ya mbote,

Sambu na nki yo butaka kaka bambuma ya vinu ya mbi?

 5 Ntangu yai, bika mono songa beno

Mambu yina mono ta sala na kilanga na mono ya vinu:

Mono ta katula lupangu na yo,

Mpi bo ta yoka yo tiya.+

Mono ta buka kibaka na yo ya matadi,

Mpi bo ta niata yo.

 6 Mono ta kumisa yo ntoto ya mpamba;+

Bo ta zenga ve balutangu na yo mpi bo ta bundula yo ve.

Yo ta fuluka ti tu-banti ya bansende mpi matiti ya mbi,+

Mpi mono ta pesa matuti nsiku ya kutinda ve mvula ata ya fioti na zulu na yo.+

 7 Sambu kilanga ya vinu ya Yehowa ya makesa kele nzo ya Izraele,+

Bantu ya Yuda kele masamba* yina yandi vandaka kuzola mingi.

Yandi landaka kutula kivuvu nde lunungu ta vanda,

Kansi, tala! kukonda lunungu vandaka;

Yandi landaka kutula kivuvu nde bo ta sambisa mambu na lunungu,+

Kansi, tala! bidilu ya mpasi vandaka.”+

 8 Mawa na bantu yina ke vukisaka nzo mosi na zulu ya nzo ya nkaka,+

Mpi yina ke yikaka kilanga mosi na zulu ya kilanga ya nkaka+

Tii kuna kisika kele diaka ve

Ebuna beno ke zinga beno mosi na ntoto yina!

 9 Yehowa ya makesa me dia ndefi na makutu na mono

Nde banzo mingi, ata yo kele nene mpi kitoko,

Ta kuma kima ya ke pesa boma,

Bantu ta zinga ve kuna.+

10 Sambu ba-akre kumi* ya kilanga ya vinu ta buta kaka bati* mosi,

Mpi homere* mosi ya nkeni ta buta kaka efa*+ mosi.

11 Mawa na bantu yina ke telamaka na suka-suka sambu na kunwa malafu yina ke lawusaka,+

Bayina ke sukininaka tii na nkokila tii kuna vinu kulawusa bo!

12 Bo ke vandaka ti kidare mpi kima ya kubudila miziki ya kele ti bansinga,

Ngoma ya fioti, musembu, mpi vinu na bankinsi na bo;

Kansi bo ke tadilaka ve kisalu ya Yehowa,

Mpi bo ke monaka ve kisalu ya maboko na yandi.

13 Yo yina bo ta nata bantu na mono na insi ya nzenza

Sambu bo me konda nzayilu;+

Bantu na bo ya lukumu ta wa nzala,+

Mpi bantu na bo yonso ta wa nzala ya masa kibeni.

14 Yo yina Maziamu* me kudikumisa* nene

Mpi yo me kangula munoko na yo nene kibeni+

Ebuna kitoko* ya Yeruzalemi, makelele na yandi ya mingi, mpi bantu na yandi yina ke zolaka biese

Ta kulumuka kibeni na kati na yo.

15 Ebuna muntu ta kuma na nsi,

Bo ta kulumusa muntu,

Mpi bo ta kulumusa meso ya bantu ya lulendo.

16 Yehowa ya makesa ta baka lukumu na nzila ya lusambisu* na yandi;

Nzambi ya kieleka, Santu,+ ta kudisantisa na nzila ya lunungu.+

17 Mpi bana-mameme ta dia bonso na nseke na bo;

Banzenza ta dia na bisika ya me bikalaka mpamba ya bambisi yina bo ke disaka mbote.

18 Mawa na bantu yina ke benda kifu na bo ti bansinga ya ke kusaka

Mpi ke benda disumu na bo ti bansinga ya pusu-pusu;

19 Bayina ke tuba nde: “Bika nde Nzambi kusala kisalu na yandi nswalu;

Bika nde yo kwisa nswalu sambu beto mona yo.

Bika nde lukanu* ya Santu ya Izraele kusalama

Sambu beto zaba yo!”+

20 Mawa na bantu yina ke tuba nde mbote kele mbi mpi mbi kele mbote,+

Bayina ke tula mpimpa na kisika ya nsemo mpi nsemo na kisika ya mpimpa,

Bayina ke tula kima ya ndudi na kisika ya kima ya sukadi mpi kima ya sukadi na kisika ya kima ya ndudi!

21 Mawa na bayina kele mayele na meso na bo mosi

Mpi kele ngangu na meso na bo mosi!+

22 Mawa na bayina kele ngolo na kunwa vinu,

Mpi na bantu yina kele ngolo na kusala malafu yina ke lawusaka,+

23 Bantu yina ke nungisa muntu ya mbi sambu yandi ke pesa bo avoka+

Mpi bayina ke zenga ve makambu ya muntu ya lunungu na lunungu!+

24 Yo yina, kaka mutindu tiya ke yokaka nianga

Mpi matiti ya kuyuma ke piaka na tiya,

Bansimbulu na bo ta pola,

Mpi bintuntu na bo ta panzana bonso mfututu,

Sambu bo buyaka nsiku* ya Yehowa ya makesa

Mpi bo zitisaka ve ndinga ya Santu ya Izraele.+

25 Yo yina Yehowa ta wila bantu na yandi makasi ya ngolo,

Mpi yandi ta tandula diboko na yandi sambu na kunwanisa bo mpi kufwa bo.+

Bangumba ta nikana,

Mpi bamvumbi na bo ta vanda bonso mvindu na babala-bala.+

Sambu na mambu yai yonso, makasi na yandi me mana ve,

Kansi diboko na yandi kele kaka ya kutandula sambu na kubula.

26 Yandi me tedimisa kidimbu mosi* na dikanda mosi ya ntama,+

Yandi me bula mwita sambu bo katuka na nsuka ya ntoto+ mpi bo kwisa;

Mpi tala! bo ke kwisa ntinu kibeni.+

Mikaba yina kele na luketo na bo me kanguka ve,

Bansinga ya basandale na bo mpi me zengana ve.

28 Batolo-tolo na bo yonso kele makasi

Mpi minduki na bo yonso ya batolo-tolo kele ya kutandula.*

Maboto ya bampunda na bo kele bonso matadi ya sileksi

Mpi makulu ya bapusu-pusu na bo kele bonso mupepe ya ngolo.+

29 Kungana na bo kele bonso kungana ya ntambu;

Bo ke ngana bonso bana-bantambu.*+

Bo ta ngana mpi ta kanga mbisi

Mpi ta nata yo, ata muntu mosi ve ta gulusa yo.

30 Na kilumbu yina, bo ta sadila yo makelele

Bonso makelele ya nzadi-mungwa.+

Konso muntu ya ke tala insi yina ta mona mudidi ya ke pesa mpasi;

Ata nsemo me kuma mpimpa sambu na matuti.+

Imene sambu na mono,*

Sambu mono kele muntu yina kele ti bikobo ya mvindu,

Mpi mono ke zinga na kati ya bantu ya kele ti bikobo ya mvindu;+

Sambu meso na mono me mona Ntotila, Yehowa ya makesa yandi mosi!”

Kifu na nge me katuka

Mpi bo me fika disumu na nge.”

‘Beno ta wa mbala na mbala,

Kansi beno ta bakisa ve;

Beno ta mona mbala na mbala,

Kansi beno ta baka ve nzayilu.’+

10 Sala nde ntima ya bantu yai kukuma ngolo,+

Sala nde makutu na bo kuwa ve,+

Mpi kanga meso na bo,

Sambu bo mona ve ti meso na bo

Mpi bo wa ve ti makutu na bo,

Sambu ntima na bo kubakisa ve

Mpi bo vutuka ve ebuna bo beluka.”+

“Tii kuna bambanza ta bikala mayumbu kukonda bantu ya ke zinga kuna,

Banzo ta konda bantu,

Mpi insi ta bikala mayumbu mpi mpamba;+

12 Tii kuna Yehowa ta katula bantu mpi ta nata bo ntama,+

Mpi mayumbu ya insi ta yalumuka kibeni.

“Yo ta nunga ve,

Yo ta salama mpi ve.

 8 Sambu ntu-mbanza ya Siria kele Damasi,

Mpi mfumu ya Damasi kele Resini.

Na ntwala nde bamvula 65 kumana

Efrayimi ta fwa kibeni mpi ta vanda diaka ve dikanda.+

 9 Ntu ya Efrayimi kele Samaria,+

Mpi ntu ya Samaria kele mwana ya Remalia.+

Kana nge kele ve ti lukwikilu ya ngolo,

Nge ta vanda ve ngolo.”’”

 6 “Sambu bantu yai me buya bamasa ya Shiloa*+ ya ke kulumukaka malembe-malembe,

Mpi bo ke wa kiese sambu na Resini ti mwana ya Remalia,+

 7 Yo yina sambu na kunwanisa bo, Yehowa ta nata

Bamasa ya ngolo mpi ya nene ya Nzadi,*

Ntotila ya Asiria+ ti nkembo na yandi yonso.

Yandi ta kwisa na zulu ya bamasa na yandi yonso

Mpi ta fulusa balweka yonso ya bamasa na yandi

 8 Ebuna yandi ta kwenda nswalu na Yuda.

Yandi ta fuluka mpi ta luta, mpi ta kuma tii na nkingu;+

Mapapu na yandi ya kutandula ta fuluka na insi na nge ya mvimba,

O Emanuele!”*+

Beno tuba mambu yina beno ke zola, kansi yo ta salama ve,

Sambu Nzambi kele ti beto!*+

Beno wa ve boma ya mambu yina bo ke wa boma!

Beno tekita ve sambu na yo.

13 Yehowa ya makesa—yandi kele Muntu yina beno fwete mona nde yandi kele santu,+

Yandi kele Muntu yina beno fwete wa boma,

Mpi yandi kele Muntu yina fwete sala nde beno tekita.”+

14 Yandi ta kuma bonso kisika ya santu,

Kansi bonso ditadi ya ke budisaka sakuba+

Mpi bonso ditadi ya ke bwisaka

Sambu na banzo yonso zole ya Izraele,

Yandi ta kuma bonso mutambu mpi bukondi

Sambu na bantu ya Yeruzalemi.

15 Bantu mingi na kati na bo ta bula sakuba, ta bwa mpi ta bukana;

Bo ta tudila bo mutambu mpi bo ta kangama.

16 Dimba-dimba mukanda ya kundimisa yina bo me sonikaka,

Kanga nsiku* na kati ya balongoki na mono!

 2 Bantu yina vandaka kutambula na mpimpa

Me mona nsemo ya mingi.

Mpi bantu yina vandaka kuzinga na insi ya mudidi ya ngolo,

Nsemo me sema na zulu na bo.+

 3 Nge me kumisa dikanda yina mingi;

Nge me sala nde kiese na yo kukuma mingi.

Bo ke sepela na ntwala na nge

Mutindu bantu ke sepelaka na ntangu ya kukatula bima na bilanga,

Mutindu bantu yina ke kabulaka na kiese yonso bima ya bo me botula.

 4 Sambu nge me zenga vangu ya kilo na bo bitini-bitini,

Nti yina kele na mapeka na bo, muhangu ya mfumu ya kisalu,

Bonso na kilumbu ya Madiani.+

 5 Konso sapatu ya bitumba yina ke nikisaka ntoto ntangu bo ke tambula ti yo

Mpi konso lele yina me pola na menga

Ta kuma bima ya kupedisila tiya.

 6 Sambu bo me butila beto+ mwana,

Bo me pesa beto mwana mosi ya bakala;

Mpi luyalu* ta vanda na zulu ya mapeka na yandi.+

 7 Luyalu* na yandi

Ta yalumuka

Mpi ta vanda na ngemba

kukonda nsuka,+

Na zulu ya kiti ya kimfumu ya Davidi+

mpi na zulu ya kimfumu na yandi

 8 Yehowa tindaka ndinga sambu na kunwanisa Yakobi,

Mpi yo kwisilaka Izraele.+

 9 Bantu yonso ta zaba yo

—Efrayimi ti bantu ya Samaria—

Bayina ke tuba na lulendo yonso mpi na kukonda luzitu ya ntima na bo nde:

10 “Babriki me bwa,

Kansi beto ta tunga ti matadi ya bo me pasula.+

Bo me zenga banti ya sikomore,

Kansi beto ta yingisa yo ti banti ya sedre.”

11 Yehowa ta tedimisa bambeni ya Resini sambu na kunwanisa yandi,

Mpi ta pusa bambeni na yandi na kusala mambu,

12 Siria katuka na ndambu ya esti mpi bantu ya Filistia katuka na ndambu ya westi,*+

Bo ta kangula minoko+ mpi ta dia Izraele.

Sambu na mambu yai yonso, makasi na yandi me mana ve,

Kansi diboko na yandi kele kaka ya kutandula sambu na kubula.+

13 Ata mpidina, bantu me vutukila ve Muntu yina ke bula bo;

Bo me sosa ve Yehowa ya makesa.+

14 Na Izraele Yehowa ta katula

Ntu mpi mukila, ka-lutangu mpi matiti ya nda,* na kilumbu mosi.+

15 Ntu kele nkuluntu mpi muntu ya bo ke zitisaka mingi,

Mpi mukila+ kele mbikudi yina ke pesa malongi ya luvunu.

16 Bantu yina ke twadisa bantu yai ke sala nde bo yungana-yungana;

Mpi bantu yina bo ke twadisa me kuma kisaka-saka.

17 Yo yina Yehowa ta sepela ve na baleke na bo ya babakala,

Mpi yandi ta wa ve mawa sambu na bana na bo ya me konda batata* mpi mifwidi na bo ya bankento;

Sambu bo yonso kele bankolami mpi bantu ya ke salaka mambi+

Mpi konso munoko ke basisa mambu ya buzoba.

Sambu na mambu yai yonso, makasi na yandi me mana ve,

Kansi diboko na yandi kele kaka ya kutandula sambu na kubula.+

18 Sambu mbi ke pela bonso tiya,

Yo ke yoka tu-banti ya bansende mpi matiti ya mbi.

Yo ta tula tiya na tu-banti ya mfinda,

Mpi yo ta tombuka na midinga.

19 Sambu na nganzi ya Yehowa ya makesa

Bo me tula tiya na insi,

Ebuna bantu ta kuma kima ya kupedisila tiya.

20 Muntu mosi ta zenga kima yina kele na diboko ya kitata,

Kansi yandi ta vanda kaka na nzala;

Mpi muntu ya nkaka ta dia kima yina kele na diboko ya kimama,

Kansi bo ta fuluka ve.

Konso muntu ta dia nsuni ya diboko na yandi mosi,

21 Manase ta dia Efrayimi,

Mpi Efrayimi ta dia Manase.

Sambu na mambu yai yonso, makasi na yandi me mana ve,

Kansi diboko na yandi kele kaka ya kutandula sambu na kubula.+

10 Mawa na bantu yina ke basisaka bansiku+ ya ke pesaka mpasi,

Bayina ke sonikaka mbala na mbala bantuma ya ke niokulaka,

 2 Sambu na kubuya kusambisa mambu yina nsukami ke funda,

Sambu na kubuyisa lunungu+ na muntu ya kukonda mfunu yina kele na kati ya bantu na mono,

Kukumisa mifwidi ya bankento bima na bo ya bo me botula,

Mpi bana ya me konda batata* bima na bo ya bo me botula na bitumba!+

 3 Inki beno ta sala na kilumbu ya ndola,+

Ntangu lufwa ta katuka ntama+ mpi ta kwisa?

Na nani beno ta tina sambu na kusosa lusadisu,+

Mpi na wapi beno ta bika kimvwama* na beno?

 4 Ata kima mosi ve me bikala, katula kaka kukondama na kati ya bantu ya boloko

To kubwa na kati ya bantu ya bo me fwa.

Sambu na mambu yai yonso, makasi na yandi me mana ve,

Kansi diboko na yandi kele kaka ya kutandula sambu na kubula.+

 5 “Aa! muntu ya Asiria,+

Nti sambu na kumonisa makasi+ na mono,

Mpi muhangu yina kele na diboko na bo sambu na kumonisa makasi!

 6 Mono ta tinda yandi sambu na kunwanisa dikanda+ yina ke kolamaka,

Sambu na kunwanisa bantu yina pesaka mono makasi;

Mono ta songa yandi na kubotula bima mingi mpi na kubaka bima mingi

Mpi na kuniata bo mutindu bo ke niataka poto-poto na babala-bala.+

 7 Kansi ngindu na yandi ta vanda ve mutindu yina,

Mpi ntima na yandi ta kana ve kusala mutindu yina;

Sambu ngindu ya kufwa kele na ntima na yandi,

Ya kufwa makanda mingi, kansi fioti ve.

 8 Sambu yandi ke tuba nde,

‘Keti bantu yina ke sadila mono bonso bamfumu kele ve bo yonso bantotila?+

10 Diboko na mono kangaka bimfumu ya banzambi ya kukonda mfunu,

Bayina biteki na bo vandaka mingi kuluta biteki ya Yeruzalemi ti ya Samaria!+

11 Keti mono ta sala mpi ve Yeruzalemi ti biteki na yo

Mutindu mono salaka Samaria ti banzambi na yo ya kukonda mfunu?’+

12 “Ntangu Yehowa ta manisa kisalu na yandi yonso na Ngumba ya Sioni ti na Yeruzalemi, yandi* ta pesa ntotila ya Asiria ndola sambu na ntima na yandi ya kukonda luzitu mpi kutala na yandi ya lulendo mpi ya kudisongisa.+ 13 Sambu yandi ke tuba nde,

‘Mono ta sala yo na ngolo ya diboko na mono,

Mpi ti mayele na mono, sambu mono kele mayele.

Mono ta katula bandilu ya bantu+

Mpi mono ta botula bimvwama na bo,+

Ebuna mono ta bedisa bantu yina ke zingaka kuna bonso muntu mosi ya ngolo.+

14 Bonso muntu mosi ya me kuma pene-pene ya buyamba,

Diboko na mono ta botula bima ya bantu;

Mpi bonso muntu mosi ya ke vukisa maki ya bo me yambula,

Mono ta vukisa ntoto ya mvimba!

16 Yo yina Mfumu ya kieleka, Yehowa ya makesa,

Ta sala nde bantu na yandi+ ya mafuta-mafuta kukonda,

Mpi na nsi ya nkembo na yandi, yandi ta pedisa tiya ya ngolo.+

17 Nsemo+ ya Izraele ta kuma tiya,+

Mpi Santu na yandi ta kuma ludimi ya tiya;

Yo ta pela ngolo mpi ta yoka matiti na yandi ya mbi ti tu-banti na yandi ya bansende na kilumbu mosi.

18 Yandi ta katula kimakulu* nkembo ya mfinda na yandi mpi ya kisika na yandi ya bo me kunaka banti yina ke butaka bambuma;

Yo ta vanda bonso ntangu muntu mosi ya ke bela ke kondaka.+

19 Banti ya mfinda na yandi yina ta bikala

Ta vanda fioti kibeni na mpila nde mwana-fioti ya bakala lenda tanga yo.

20 Na kilumbu yina, bantu ya Izraele yina me bikala

Mpi bantu ya nzo ya Yakobi yina me guluka

Ta tula diaka ve ntima na muntu yina bedisaka bo;+

Kansi ti kwikama, bo ta tula ntima na Yehowa,

Santu ya Izraele.

21 Kaka bantu yina me bikala bantu ta vutuka,

Bantu ya Yakobi ya me bikala, na Nzambi ya Ngolo.+

22 O Izraele, ata bantu na nge

Kele bonso bambuma ya zelo ya nzadi-mungwa,

Kaka bantu fioti yina me bikala na kati na bo bantu ta vutuka.+

Bo me baka lukanu+ ya kumanisa bo,

Mpi lunungu* ta kanga bo.+

23 Ee, lukanu ya kumanisa bo yina Mfumu ya Kuluta Nene, Yehowa ya makesa, bakaka

Ta lungana na insi+ ya mvimba.

27 Na kilumbu yina, kilo na yandi ta katuka na zulu ya dipeka na nge,+

Mpi vangu na yandi ta katuka na zulu ya nkingu na nge,+

Ebuna vangu yina ta bukana+ sambu na mafuta.”

28 Yandi me kwisa na Aiyati,+

Yandi me luta na Migroni,

Yandi me bika bima na yandi na Mikmashi.+

29 Bo me luta na kisika ya bo lenda sabuka na makulu,

Bo me lala na Geba,+

Rama ke tekita, Gibea+ ya Saule me tina.+

Yandi ta nikisa dikofi na yandi na ndambu ya ngumba ya mwana-nkento ya Sioni,

Ngumba ya fioti ya Yeruzalemi.

33 Tala! Mfumu ya kieleka, Yehowa ya makesa,

Ke zenga balutangu ti makelele ya ngolo kibeni;

Banti ya kuluta nda bo ke zenga yo,+

Mpi banti ya nda mingi bo ke kulumusa yo.

34 Yandi ta zenga tu-banti ya mfinda ti kisadilu ya kibende,*

Mpi Libani ta bwa na diboko ya muntu ya ngolo.

11 Ka-lutangu+ mosi ta mena na kisina ya Yese,+

Mpi lutangu+ yina ta basika na misisa na yandi ta buta mbuma.

 2 Mpeve ya Yehowa ta vanda na zulu na yandi,+

Mpeve ya mayele+ mpi ya mayele ya kubakisa mambu,

Mpeve ya ndongisila mpi ya ngolo,+

Mpeve ya nzayilu mpi ya boma ya Yehowa;

Yandi ta sambisa ve na kutadila mambu yina ke monana na meso na yandi,

Yandi ta nganina mpi ve na kutadila mambu yina makutu na yandi ke wa.+

 4 Yandi ta sambisa nsukami na mutindu ya mbote*

Mpi yandi ta nganina bantu ti lunungu sambu na mambote ya bantu ya kudikulumusa ya ntoto.

Yandi ta bula ntoto ti fimbu ya munoko na yandi+

Mpi ta fwa bantu ya mbi ti mpema* ya bikobo na yandi.+

 5 Lunungu ta vanda mukaba ya divumu na yandi

Mpi kwikama ta vanda mukaba ya luketo+ na yandi.

 6 Kibulu ta zinga ti mwana-dimeme+ sambu na mwa ntangu,

Mwana-nkombo ta lala kisika mosi ti nkoyi,

Mwana-ngombe, ntambu,* ti mbisi ya mafuta-mafuta, bo yonso ta vanda kisika mosi;*+

Ebuna mwana-bakala ya fioti ta twadisa bo.

 7 Ngombe ya nkento ti urse ta dia kisika mosi,

Mpi bana na bo ta lala kisika mosi.

 8 Mwana yina bo ke nwisa mabele ta sakana na dibulu ya kobra,

Mpi mwana yina bo me katula na mabele ta tula diboko na yandi na dibulu ya nioka ya ndikila.

 9 Bo ta sala ata mbi+ mosi ve

Mpi ta bebisa ata kima mosi ve na ngumba+ na mono yonso ya santu,

Sambu ntoto ta fuluka kibeni ti nzayilu ya Yehowa

Mutindu bamasa ke fulusaka nzadi-mungwa.+

Makanda ta tala na ndambu na yandi sambu na kusosa lutwadisu,*+

Mpi kisika na yandi ya kupema ta kuma ya nkembo.

13 Kimpala ya Efrayimi ta vanda diaka ve,+

Mpi bantu yina ke kangilaka Yuda kimbeni ta vanda diaka ve.

Efrayimi ta wila ve Yuda kimpala,

Yuda mpi ta kangila ve Efrayimi+ kimbeni.

14 Mpi bo ta kulumuka na tu-bangumba* ya bantu ya Filistia na ndambu ya westi;

Bo ta vukana sambu na kubotula bantu ya Esti bima.

Bo ta tandula diboko na bo sambu na kunwanisa* Edomi+ ti Moabi,+

Mpi bantu ya Amoni ta kuma bantu na bo.+

15 Yehowa ta kabula* kisika yina nzadi-mungwa+ ya Ezipte me kotaka na nseke*

Mpi yandi ta nikisa diboko na yandi na zulu ya Nzadi.*+

Ti mpema* na yandi ya tiya yandi ta bula yo na* bamasa na yo nsambwadi,

Mpi yandi ta pusa bantu na kusabuka ti basandale na bo.

16 Ebuna yo ta vanda ti nzila mosi ya nene+ yina ta katuka na Asiria sambu na bantu na yandi ya me bikala,+

Kaka mutindu yo vandaka sambu na Izraele na kilumbu yina yandi basikaka na insi ya Ezipte.

“O Yehowa, mono ke pesa nge matondo,

Sambu ata nge wilaka mono makasi,

Makasi na nge lembamaka malembe-malembe, mpi nge pesaka mono kikesa.+

Mono ta tula ntima mpi ta wa boma ve;+

Sambu Yah* Yehowa kele kikesa na mono mpi ngolo na mono,

Mpi yandi me kuma luguluku na mono.”+

 3 Beno ta baka masa na kiese

Na banto ya luguluku.+

“Beno pesa Yehowa matondo,

beno binga zina na yandi,

 6 Boka mpi tula milolo ya kiese, nge muntu* ya ke zingaka na Sioni,

Sambu Santu ya Izraele kele nene na kati na nge.”

Beno binga bo, beno nikisa diboko na beno na zulu sambu na kubinga bo,

Sambu bo kwisa kukota na bakielo ya bantu ya lukumu.

Mono me binga basoda na mono sambu na kumonisa makasi na mono,

Bantu na mono yina ke wa kiese na lulendo yonso.

 4 Beno wa! Kimvuka ya bantu na ngumba,

Yo ke wakana bonso nde bo kele bantu mingi!

Beno wa! Kungana ya bimfumu,

Ya makanda yina me vukana kisika mosi!+

 5 Bo ke katuka na insi mosi ya ntama,

Na nsuka ya ntoto,+

Yehowa ti binwaninu ya makasi na yandi,

Sambu na kufwa ntoto ya mvimba.+

 7 Yo yina maboko yonso ta lemba,

Mpi ntima ya konso muntu ta lemba sambu na boma.+

Bo ke kudibaluka-baluka mpi ke wa mpasi

Bonso nkento yina kele na misongo.

Bo ke talana na boma,

Baluse me kuma mbwaki sambu na mpasi.

 9 Tala! Kilumbu ya Yehowa ke kwisa,

Yo kele ya nku ti nganzi mpi makasi ya ngolo,

Sambu na kukumisa insi kima ya ke pesa boma,+

Mpi sambu na kumanisa bansumuki ya insi yina kele na kati na yo.

10 Sambu bambwetete ya zulu ti bimvuka na yo ya bambwetete*+

Ta pesa ve nsemo na yo;

Ntangu ta vanda mpimpa ntangu yo ta basika,

Mpi ngonda ta pesa ve nsemo na yo.

11 Mono ta sambisa nsi-ntoto ya mvimba sambu na mbi na yo,+

Mpi bantu ya mbi sambu na kifu na bo.

Mono ta sukisa lulendo ya bantu ya lulendo,

Mpi mono ta kulumusa lulendo ya bantu ya nku.+

12 Mono ta sala nde yo kuma mpasi na kumona muntu kuluta kumona wolo ya bunkete,+

Mpi na kumona bantu kuluta kumona wolo ya Ofire.+

13 Yo yina mono ta sala nde zulu kutekita,

Mpi ntoto ta nikana na kisika na yo+

Sambu na makasi ya Yehowa ya makesa na kilumbu ya makasi na yandi ya ngolo.

14 Bonso mbambi ya bo ke zomba mpi bonso bitwisi yina me konda muntu ya kuvukisa yo,

Konso muntu ta vutuka na bantu na yandi mosi,

Konso muntu ta tina na insi na yandi mosi.+

15 Konso muntu yina bo ta mona bo ta tobula yandi,

Mpi konso muntu yina bo ta kanga ta fwa na mbele ya bitumba.+

16 Bo ta zenga bana na bo bitini-bitini na meso na bo,+

Bo ta yiba na banzo na bo,

Mpi bankento na bo, bo ta ladisa bo na kingolo-ngolo.

17 Sambu na kunwanisa bo, mono ke tedimisa bantu ya Media,+

Yina ke monaka arza bonso kima ya mpamba

Mpi yina ke sepelaka ve ti wolo.

18 Minduki na bo ya batolo-tolo ta panza baleke;+

Bo ta wila ve mbuma ya divumu mawa,

Bo ta wila mpi ve bana mawa.

19 Ebuna Babilone, kimfumu ya me luta bimfumu+ yonso na nkembo,*

Kitoko mpi lulendo ya bantu ya Kaldea,+

Ta vanda bonso Sodome ti Gomore ntangu Nzambi fwaka yo.+

20 Bantu ta zingaka diaka ve na kati na yandi,

Yandi ta vanda mpi ve kisika yina bantu ta kwisaka kuzinga na bandonga yonso ya bantu.+

Ata muntu ya Arabi mosi ve ta tedimisa tenta na yandi kuna,

Mpi bangungudi ta pemisa ve bitwisi na bo kuna.

21 Bigangwa ya ke zingaka na ntoto ya zelo na zelo ta lalaka kuna,

Banzo na bo ta fuluka ti bikungulu,

Ba-otrishi ta zinga kuna,+

Mpi bankombo ya mfinda* ta pumbuka kuna.

22 Bigangwa yina ke nganaka ta ngana ngolo na banzo-zulu na yandi

Mpi bambwa ya nseke ta boka ngolo na banzo na yandi ya kitoko.

 5 Yehowa me buka nti ya bantu ya mbi,

Nti ya bamfumu,+

 6 Muntu yina vandaka kubula bantu makofi na nganzi yonso kukonda kuyambula,+

Muntu yina vandaka kuyala makanda na makasi yonso kukonda kulemba mpi kumonisa yo mpasi.+

 8 Ata banti ya yenevriye kele na kiese sambu na nge

Kumosi ti banti ya sedre ya Libani.

Yo ke tuba nde: ‘Katuka ntangu nge me bwaka,

Ata muntu mosi ve ya ke zengaka banti ke kwisa sambu na kuzenga beto.’

 9 Ata Maziamu* na nsi ya ntoto me nikana

Sambu na kuyamba nge ntangu nge me kwisa.

Sambu na nge, yo me tedimisa bantu yina me konda ngolo na lufwa,

Bantwadisi yonso* ya ntoto yina vandaka kuniokula bantu.

10 Bo yonso ke tuba mpi ke songa nge nde,

‘Keti nge mpi me lemba bonso beto?

11 Bo me kulumusa lulendo na nge na Maziamu,*

Makelele ya bima na nge ya kubudila miziki.+

Mikuni me tandama na nsi na nge bonso mbeto,

Mpi misopi kele lele na nge ya kufika.’

12 A mutindu nge me katuka na zulu mpi me bwa,

O muntu ya ke pesaka nsemo, mwana-bakala ya suka!

A mutindu bo me zenga nge mpi me bwisa nge na ntoto,

Nge muntu yina bedisaka makanda!+

Mono ta tombula kiti na mono ya kimfumu+ na zulu ya bambwetete ya Nzambi,

Mpi mono ta vanda na zulu ya ngumba ya lukutakanu,

Na bisika ya kuluta ntama ya nordi.+

14 Mono ta tombuka na zulu ya matuti;

Mono ta sala na mpila nde mono kuma kiteso mosi ti Muntu ya Kuluta Zulu.’

15 Kansi, bo ta kulumusa nge na Maziamu,*

Na bisika ya kuluta ntama ya Dibulu.

16 Bantu yina ke mona nge ta tala nge;

Bo ta tala nge mbote-mbote, mpi ta tuba nde,

‘Keti yai muntu yina vandaka kunikisa ntoto,

Yina salaka nde bimfumu kutekita,+

17 Yina kumisaka ntoto bonso ntoto-makanga

Mpi bwisaka bambanza na yo,+

Yina buyaka kuyambula bantu na yandi ya boloko na kukwenda na nzo?’+

18 Bantotila yonso ya nkaka ya makanda,

Ee, bo yonso, ke lala na nkembo,

Konso muntu na maziamu* na yandi mosi.

19 Kansi bo me losa nge kukonda maziamu,

Bonso kimenina* ya bo me mengaka,

Nge me lwata bamvumbi yina bo me fwaka na mbele ya bitumba,

Bayina ke kulumuka tii na matadi ya dibulu mosi,

Bonso mvumbi yina bo ke niata-niata na nsi ya makulu.

20 Bo ta zika nge ve ti bo,

Sambu nge fwaka insi na nge mosi,

Nge fwaka bantu na nge mosi.

21 Beno yilama sambu na kufwa bana na yandi ya babakala

Sambu na kifu ya ba-nkaka na bo,

Mpidina bo ta telama ve sambu na kubaka ntoto

Mpi kufulusa insi ti bambanza na bo.”

“Kaka mutindu mono kanaka, yo ta salama mutindu yina,

Kaka mutindu mono bakaka lukanu, yo ta lungana mpi mutindu yina.

25 Mono ta bedisa muntu ya Asiria na insi na mono,

Mpi mono ta niata-niata yandi na bangumba na mono.+

Bo ta katula vangu na yandi na maboko na bo,

Mpi bo ta katula kilo na yandi na dipeka na bo.”+

26 Yai kele lukanu ya bo me baka* sambu na kunwanisa ntoto ya mvimba,

Mpi yai kele diboko yina kele ya kutandula sambu na kunwanisa* makanda yonso.

27 Sambu Yehowa ya makesa me baka lukanu,

Nani lenda kanga yo nzila?+

Diboko na yandi kele ya kutandula,

Nani lenda konika yo?+

29 “Filistia, ata muntu na nge mosi ve kuwa kiese,

Kaka sambu fimbu ya muntu yina ke bula nge me bukana.

Sambu nioka ya ndikila+ ta basika na musisa ya nioka,+

Mpi mwana na yo ta vanda nioka ya ke pumbukaka mpi ya ke basisaka tiya.*

30 Ntangu mwana ya ntete ya muntu ya kukonda mfunu ta dia,

Mpi nsukami ta lala na ngemba,

Mono ta fwa musisa na nge na nzala,

Mpi yina ta bikala na nge ta fwa.+

Sambu midinga ke katuka na ndambu ya nordi,

Mpi bantu ya ke kwendaka malembe-malembe kele ve na bandonga na yandi.”

Nde Yehowa me tula fondasio ya Sioni,+

Mpi nde bantu ya kukonda mfunu yina kele na kati ya bantu na yandi ta tina na yandi.

Sambu bo me bebisa yo na mpimpa mosi,

Are+ ya Moabi me kuma pima.

Sambu bo me bebisa yo na mpimpa mosi,

Kire+ ya Moabi me kuma pima.

 2 Yandi me tombuka na Nzo* mpi na Diboni,+

Na bisika ya kunanguka sambu na kudila.

Na baludi na bo mpi na babala-bala na bo ya nene, konso muntu ke dila;

Bo ke kulumuka mpi ke dila.+

 4 Eshboni mpi Eleale+ ke boka;

Ndinga na bo ke wakana tii na Yahasi.+

Na ntangu ya kutombuka na ngumba ya Luhiti, bo ke dila ntangu bo ke tombuka;

Ntangu bo ke kwenda na nzila ya Oronayimi, bo ke tula milolo sambu na mpasi.+

 6 Sambu bamasa ya Nimrimi me kawuka;

Matiti ya mubisu me yuma,

Matiti kele diaka ve, mpi ata dititi mosi ve ya mubisu me bikala.

 7 Yo yina bo ke nata bima yina me bikala na kati ya bima na bo yina bo bumbaka mpi bimvwama na bo;

Bo ke sabuka muwanda ya banti ya pepliye.

Bidilu me kuma tii na Eglayimi;

Bidilu me kuma tii na Beere-elimi.

 9 Sambu bamasa ya Dimoni me fuluka ti menga,

Mpi mono me bumba mambu mingi sambu na Dimoni:

Ntambu mosi sambu na bantu ya Moabi yina ke tina

Mpi sambu na bantu yina ke bikala na insi.+

16 Beno tinda dimeme ya bakala na mfumu ya insi,

Katuka na Sela, luta na ntoto-makanga

Tii na ngumba ya mwana-nkento ya Sioni.

 2 Bonso ndeke mosi ya bo me kula na buyamba na yo,+

Bana-bankento ya Moabi ta vanda mutindu yina na bisika ya Arnoni+ ya bo lenda sabuka na makulu.

Muntu ya ke niokulaka ta suka,

Kubeba ta suka,

Mpi bantu yina vandaka kuniata bantu ya nkaka ta fwa na ntoto.

Muntu yina ta vanda na zulu na yo na tenta ya Davidi ta vanda ya kwikama;+

Yandi ta sambisa na mutindu ya mbote mpi ta zenga mambu nswalu na lunungu.”+

 6 Beto me wa mambu ya me tala lulendo ya Moabi—yandi kele kibeni lulendo+—

Kudikumisa na yandi, lulendo na yandi, mpi makasi na yandi;+

Kansi kutuba na yandi ya mpamba-mpamba ta sala kima ve.

 7 Yo yina, Moabi ta dila Moabi;

Bo yonso ta dila.+

 8 Sambu bilanga ya vinu ya Eshboni+ me yuma,

Nti ya vinu ya Sibma,+

Bamfumu ya makanda me niata-niata balutangu na yo ya mbwaki ya ngolo;*

Yo me kuma tii na Yazere;+

Yo me yalumuka tii na ntoto-makanga.

Mono ta podisa nge ti mansanga na mono, O Eshboni mpi Eleale,+

Mpamba ve milolo sambu na bambuma na nge ya nsungi ya mvula mpi sambu na nsungi na nge ya kukatula bima na bilanga me mana.*

10 Kiese mpi kuyangalala kele diaka ve na kisika ya bo me kunaka banti yina ke butaka bambuma,

Mpi bankunga ya kiese to milolo ke wakana ve na bilanga ya vinu.+

Muntu ya ke kamunaka bambuma ya vinu na makulu ke kamuna yo diaka ve na bikamuninu ya vinu,

Sambu mono me sala nde milolo kumana.+

11 Yo yina na kati na mono kibeni mono ke tekita sambu na Moabi,+

Bonso bansinga ya kidare,

Mpi kati na mono kibeni ke tekita sambu na Kire-hareseti.+

“Tala! Damasi ta vanda diaka ve mbanza,

Mpi yo ta kuma mayumbu.+

 2 Bo ta yambula bambanza ya Aroere,+

Yo ta kuma bisika yina bitwisi ta lalaka,

Ata muntu mosi ve ta pesa bo boma.

 3 Bambanza ya ngolo ta vanda diaka ve na Efrayimi,+

Mpi kimfumu ta vanda diaka ve na Damasi;+

Ebuna bantu yina ta bikala na Siria

Ta vanda bonso nkembo ya bantu ya Izraele,”* Yehowa ya makesa muntu me tuba.

 4 “Na kilumbu yina, nkembo ya Yakobi ta kulumuka,

Mpi nitu na yandi ya mbote* ta konda.

 5 Yo ta vanda bonso ntangu muntu ya ke katulaka bima na bilanga ke vukisa bambuma ya bilanga,

Mpi diboko na yandi ke katula misusu,

Bonso ntangu muntu ke lokuta bambuma na Muwanda* ya Refayimi.+

 6 Kaka bima ya ke bikalaka na bilanga ta bikala,

Bonso ntangu bo ke bulaka nti ya olive:

Kaka bambuma ya olive zole to tatu ya kuyela ta bikala na lutangu ya kuluta nda,

Kaka iya to tanu ta bikala na balutangu na yo ya ke butaka bambuma,”+ Yehowa Nzambi ya Izraele muntu me tuba.

 9 Na kilumbu yina, bambanza ya kele ti bibaka ya ngolo ta kuma bonso kisika mosi ya bo me yambulaka na kati ya mfinda,+

Bonso lutangu mosi ya bo me yambula na ntwala ya bantu ya Izraele;

Yo ta kuma ntoto mosi ya mpamba.

10 Sambu nge me vila Nzambi+ yina gulusaka nge,

Nge me yibuka ve Ditadi+ ya nzo na nge ya ngolo.

Yo yina nge me kuna banti mingi ya kitoko

Mpi me tula na kati na yo lutangu mosi ya nzenza* ya ke mena.

11 Na mwini, nge ke ziunga banti na nge mbote-mbote,

Na suka nge ta sala nde nkeni na nge kumena,

Kansi nsungi ya kukatula bima na bilanga ta suka na kilumbu ya maladi mpi ya mpasi yina ke manaka ve.+

12 Wa! Makelele ya bantu mingi ke wakana,

Bayina ke tula makelele bonso makelele ya ngolo ya banzadi-mungwa!

Makelele ya makanda ke wakana,

Makelele na yo kele bonso kungana ya bamasa ya ngolo!

Yandi ta nganina bo, mpi bo ta tina ntama,

Bo ta landa bo bonso bampusu na bangumba yina mupepe ke nata,

Bonso tu-banti* ya bansende yina mupepe mosi ya ngolo ke balula-balula.

Yai kele dikabu ya bantu yina ke baka bima na beto na kingolo-ngolo

Mpi dikabu ya bantu yina ke botula bima na beto.

18 Mawa na insi yina me fuluka ti makelele ya mansala ya baniama yina kele ti mansala

Na ntoto yina kele pene-pene ya banzadi ya Etiopia!+

 2 Yo ke tinda mimonisi na nzila ya nzadi-mungwa,

Na simu ya masa na bamaswa ya papirusi, mpi ke tuba nde:

“Beno binati-nsangu ya ke kwendaka nswalu, beno kwenda

Na dikanda mosi ya bantu ya nda mpi yina kele ti mpusu ya nitu ya butesi,

Na bantu yina bo ke waka boma bisika yonso,+

Na dikanda mosi ya ngolo, ya ke nungaka,*

Dikanda yina banzadi me nataka insi na yo.”

 3 Beno bantu yonso ya insi yai mpi beno bantu ya ke zingaka na ntoto,

Mambu ya beno ke mona ta vanda bonso kidimbu* ya bo me tedimisa na zulu ya bangumba,

Mpi beno ta wa makelele mosi bonso makelele ya kibongo.

“Mono ta bikala pima mpi ta tala na zulu ya* kisika na mono ya ngolo,

Bonso ntangu ya ke sema ve ngolo na mwini,

Bonso malulu ya ke bwa na mwini na nsungi ya kukatula bima na bilanga.

 5 Na ntwala ya nsungi ya kukatula bima na bilanga,

Ntangu bintuntu me bwa

mpi bintuntu me kuma

bambuma ya vinu ya kutela,

 6 Bo ta bikisa yo yonso sambu na bandeke ya bangumba ya ke diaka misuni

Mpi sambu na bambisi ya ntoto.

Bandeke ya ke diaka misuni ta lutisa nsungi ya mvula na zulu na yo,

Mpi bambisi yonso ya ntoto ta lutisa ntangu ya kukatula bima na bilanga na zulu na yo.

 7 Na ntangu yina, bo ta natila Yehowa ya makesa dikabu mosi,

Yina ta katuka na dikanda mosi ya bantu ya nda mpi yina kele ti mpusu ya nitu ya butesi,

Yina ta katuka na bantu yina bo ke waka boma bisika yonso,

Yina ta katuka na dikanda mosi ya ngolo, ya ke nungaka,*

Dikanda yina banzadi me nataka insi na yo,

Na kisika yina kele ti zina ya Yehowa ya makesa, Ngumba ya Sioni.”+

Banzambi ya kukonda mfunu ya Ezipte ta tekita na ntwala na yandi,+

Mpi ntima ya Ezipte ta lemba na kati na yo.

 2 “Mono ta pusa bantu ya Ezipte na kunwanisa bantu ya Ezipte,

Ebuna bo ta nwana bo na bo,

Konso muntu ti mpangi na yandi mpi ti muntu yina ke zingaka pene-pene na yandi,

Mbanza mosi ta nwana ti mbanza ya nkaka, kimfumu mosi ti kimfumu ya nkaka.

 3 Mpeve ya Ezipte ta kuma kisaka-saka na kati na yo,

Mpi mono ta vwalangasa balukanu na yo.+

Bo ta kwenda na banzambi ya kukonda mfunu,

Na bandoki, na bantu yina ke solulaka ti bampeve ya bafwa, mpi na bantu yina ke zabisaka bantu mambu yina ta kumina bo.+

 4 Mono ta pesa Ezipte na maboko ya mfumu mosi ya makambu ngolo,

Mpi ntotila mosi ya nku ta yala bo,”+ Mfumu ya kieleka, Yehowa ya makesa, muntu me tuba.

 5 Masa ya nzadi-mungwa ta yuma,

Nzadi ta konda masa mpi ta yuma.+

 6 Ebuna banzadi ta basisa nsudi ya mbi;

Tu-bamasa ya Nile ya Ezipte ta kulumuka mpi ta yuma.

 7 Tu-banti yina kele na lweka ya Nzadi ya Nile, na munoko ya Nile,

Mpi insi ya mvimba yina bo kunaka nkeni na lweka ya Nile+ ta yuma.+

 8 Balobi-mbisi ta wa mawa,

Bantu yina ke losaka bandobo na Nile ta wa mawa,

Mpi bantu yina ke tandulaka babukondi na bo na zulu ya masa ta lemba.

 9 Bantu yina ke salaka kisalu ya kusanuna lino+

Mpi bantu yina ke salaka bilele ya mpembe na masini ya kutunga bilele ta wa nsoni.

10 Bantu na yandi yina ke tungaka ta mona mpasi,

Bantu yonso ya kisalu yina ke bakaka lufutu ta wa mawa.*

“Mono kele mwana ya bantu ya mayele,

Mwana ya bantotila ya ntama”?

13 Bamfumu ya Soani me sala mambu na buzoba yonso,

Bamfumu ya Nofi*+ me kudikusa,

Bamfumu ya makanda na yandi me vidisa Ezipte nzila.

14 Yehowa me tiamuna mpeve ya kisaka-saka+ na zulu na yandi;

Mpi bo me vidisa Ezipte nzila na mambu yonso ya yandi ke sala,

Bonso muntu mosi ya me lawuka malafu yina ke baluka-baluka na biluki na yandi.

15 Ezipte ta vanda ve ata ti kisalu mosi ya kusala,

Yo vanda sambu na ntu to mukila, lutangu to matiti ya nda.*

Yo ke kwisa bonso mipepe ya ngolo ya ke luta ntinu na ndambu ya sudi,

Katuka na ntoto-makanga, na insi+ mosi yina ke pesa boma.

Muyekudi mosi ke sala mambu na kuyekula yonso,

Mpi muntu ya ke bebisaka ke bebisa.

Mpasi me simba mono,

Bonso mpasi ya nkento yina ke buta.

Yo ke pesa mono mpasi mingi na mpila nde mono ke wa ve;

Yo ke yangisa mono mingi na mpila nde mono ke mona ve.

 7 Ebuna yandi monaka pusu-pusu ya bitumba ti kimvuka ya bampunda ya bitumba,

Pusu-pusu ya bitumba yina bampunda ya fioti ke benda,

Pusu-pusu ya bitumba yina bashamo ke benda.

“O Yehowa, na mwini mono ke telama konso ntangu na zulu ya nzozulu ya nkengi,

Mpi konso mpimpa+ mono kele na kisika na mono ya kukengila.

10 O bantu na mono yina bo me niata-niata bonso bambuma,

Bima* ya kisika na mono ya bo ke tutaka bambuma sambu na kukatula yo bampusu,+

Mono me zabisa beno mambu yina mono me wa na Yehowa ya makesa, Nzambi ya Izraele.

Beno ta lala na mfinda na ntoto ya zelo na zelo,

O ndonga ya bantu ya Dedani+ ya ke salaka nzietelo ti bashamo na bo.

14 Beno nata masa sambu na kukutana ti muntu yina kele na nzala ya masa,

Beno bantu ya insi ya Tema,+

Mpi beno nata mampa sambu na muntu yina ke tina.

15 Sambu bo me tina bambele ya bitumba, mbele ya bitumba yina bo me basisa,

Munduki ya tolo-tolo yina me konama, mpi bitumba ya ngolo.

 2 Nge vandaka ya kufuluka ti mavwanga,

Mbanza mosi ya makelele mingi, bwala mosi ya kiese.

Bantu na nge yina bo fwaka, bo fwaka bo ve na mbele ya bitumba,

Bo fwaka mpi ve na bitumba.+

Bantu yonso yina bo monaka bo nataka bo na boloko,+

Ata bo tinaka ntama kibeni.

 4 Yo yina mono tubaka nde: “Beno tala mono ve,

Ebuna mono ta dila ngolo kibeni.+

Beno landa ve kulembika mono

Sambu na lufwa ya mwana-nkento* ya bantu na mono.+

 5 Sambu yo kele kilumbu ya kisaka-saka, ya kubela, mpi ya boma,+

Ya me katuka na Mfumu ya Kuluta Nene, Yehowa ya makesa,

Na Muwanda ya Mbona-Meso.

Bo ke bwisa kibaka,+

Mpi milolo ke wakana tii na ngumba.

 6 Elami+ me baka lupaya

Ti bapusu-pusu yina ke nataka bantu mpi bampunda,*

Mpi Kire+ me katula kima ya ke fikaka* kitaninu.

 7 Miwanda na nge* ya kuluta kitoko

Ta fuluka ti bapusu-pusu ya bitumba,

Mpi bampunda* ta telama na kielo,

 8 Ebuna bo ta katula rido* ya Yuda.

12 Na kilumbu yina, Mfumu ya Kuluta Nene, Yehowa ya makesa,

Ta lomba beno na kudila mpi kuwa mawa,+

Na kukulula ntu mpi kulwata saki.

13 Kansi na kisika ya kusala yo, bo ke sala nkinsi mpi bo ke sepela,

Bo ke fwa bangombe ti mameme,

Bo ke dia misuni mpi bo ke nwa vinu.+

 3 Nkeni* ya Shihore,*+

Bima ya Nile, lufutu na yandi, lutaka na bamasa mingi,

Mpi yo nataka luta ya makanda.+

 4 Wa nsoni, O Sidoni, nge kisika ya ngolo ya lutaninu ya nzadi-mungwa,

Sambu nzadi-mungwa me tuba nde:

“Mono me waka ve mpasi ya kubuta, mpi mono me butaka ve,

Mono me sansaka mpi ve baleke ya babakala mpi me yedisaka ve baleke ya bankento.”*+

 5 Bantu ta vanda na mpasi sambu na nsangu ya me tala Tire,+

Bonso ntangu bo waka nsangu ya me tala Ezipte.+

 8 Nani me baka lukanu yai sambu na kunwanisa Tire,

Muntu ya ke pesaka bampu ya kimfumu,

Yina bantu na yandi ya mumbongo vandaka bamfumu,

Yina bakomersa na yandi vandaka bantu ya bo vandaka kupesa lukumu na ntoto ya mvimba?+

 9 Yehowa ya makesa yandi mosi muntu me baka lukanu yai,

Sambu na kuvweza lulendo yina yandi ke tula sambu na kitoko na yandi yonso,

Sambu na kukulumusa bantu yonso yina bo vandaka kupesa lukumu na ntoto ya mvimba.+

11 Yandi me tandula diboko na yandi na zulu ya nzadi-mungwa;

Yandi me nikisa bimfumu.

12 Ebuna yandi ke tuba nde: “Nge ta vanda diaka ve na kiese,+

O muntu ya ke niokulaka bantu, mwana-nkento ya mwense ya Sidoni.

Bantu yango bo yai—yo vandaka ve Asiria+—

Bo me kumisa yandi kisika sambu na bambisi yina ke zingaka na ntoto ya zelo na zelo.

Bo me tedimisa banzo-zulu na bo;

Bo me bwisa bibaka ya banzo-zulu na yandi ya ngolo,+

Mpi bo me kumisa yandi mayumbu.

14 Beno bamaswa ya Tarsisi, beno dila,

Sambu bo me fwa+ kisika na beno ya ngolo ya lutaninu.

Bula kidare na nge mbote-mbote;

Yimba bankunga mingi,

Mpidina bo ta yibuka nge.”

Bantu ti nganga-nzambi,

Nsadi ya bakala ti mfumu na yandi ya bakala,

Nsadi ya nkento ti mfumu na yandi ya nkento,

Muntu ya ke sumba ti muntu ya ke teka,

Muntu ya ke pesa mfuka ti muntu ya ke baka mfuka,

Muntu ya ke defisa ti muntu ya ke defa.+

 3 Bo ta katula bantu yonso kibeni na insi;

Bo ta botula+ bima na yo yonso,

Sambu Yehowa muntu me tuba mambu yai.

 5 Insi me beba na bantu na yo,+

Sambu bo me landa ve bansiku,+

Bo me soba nsiku,+

Mpi bo me fwa kuwakana ya mvula na mvula.*+

 6 Yo yina kusinga ke bebisa insi,+

Mpi bo me zenga nde bantu yina ke zingaka kuna me sala mbi.

Yo yina, bantu ya insi me mana,

Mpi bantu fioti kibeni me bikala.+

 7 Vinu ya mpa ke dila,* nti ya vinu ke yuma,+

Mpi bantu yonso yina vandaka na kiese na ntima me kuma kudila.+

 8 Kiese ya bangoma ya fioti me mana;

Makelele ya bantu ya biese me mana;

Milolo ya kiese ya kidare me mana.+

 9 Bo ke nwa vinu kukonda nkunga,

Mpi bantu ya ke nwa malafu yina ke lawusaka ke wa yo ndudi.

10 Bwala yina me bikala mpamba me bwa;+

Konso nzo kele ya kukanga mpidina ata muntu mosi ve lenda kota.

Kuyangalala yonso me mana;

Kiese ya insi me mana.+

12 Mbanza me bikala mayumbu;

Bo me buka kielo mpi me kumisa yo kita ya mvindu.+

Bonso ntangu bo ke bulaka+ nti ya olive,

Bonso bima ya ke bikalaka na bilanga ntangu nsungi ya kukatula bambuma ya vinu ke kumaka na nsuka.+

14 Bo ta tombula ndinga na bo,

Bo ta tula milolo ya kiese.

15 Yo yina, bo ta pesa Yehowa nkembo na ntoto ya nsemo;*+

Na bisanga ya nzadi-mungwa, bo ta pesa zina ya Yehowa Nzambi ya Izraele+ nkembo.

Mawa na mono! Muyekudi me sala mambu ti kuyekula yonso;

Ti kuyekula, muyekudi me sala mambu ti kuyekula yonso.”+

18 Konso muntu yina ke tina makelele ya ke pesa boma ya ngolo ta bwa na dibulu,

Mpi konso muntu yina ke basika na dibulu ta kangama na mutambu.+

Sambu bakielo ya masa yina kele na zulu ta kanguka,

Mpi bafondasio ya insi ta nikana.

19 Insi me pasuka bitini-bitini;

Bo me nikisa insi;

Insi me nikana ngolo kibeni.+

20 Insi ke tambula na lunziungu bonso muntu yina me lawuka malafu,

Mupepe ke nata yo na ntwala mpi na nima bonso sombolo.

Mbi na yo kele kizitu mingi na zulu na yo,+

Yo ta bwa mpi yo ta telama diaka ve.

21 Na kilumbu yina, Yehowa ta tula dikebi na yandi na makesa ya zulu

Mpi na bantotila ya ntoto yina kele na zulu ya ntoto.

22 Ebuna bo ta vukisa bo kisika mosi

Bonso bantu ya boloko ya bo me vukisa na dibulu mosi,

Mpi bo ta kanga bo na boloko ya nsi ya ntoto;

Na nima ya bilumbu mingi bo ta tudila bo dikebi.

23 Ngonda yina kele ya mvimba ta wa nsoni,

Mpi ntangu ya ke semaka ta wa nsoni,+

Sambu Yehowa ya makesa me kuma Ntotila+ na Ngumba ya Sioni+ mpi na Yeruzalemi,

Yandi me kuma na nkembo na ntwala ya bankuluntu ya bantu na yandi.*+

Mono ke pesa nge nkembo, mono ke kumisa zina na nge,

Sambu nge me sala mambu ya kuyituka,+

Mambu yina nge kanaka* katuka bantangu ya ntama,+

Na kwikama,+ na mutindu ya me fwana na kutula ntima.

 2 Sambu nge me kumisa mbanza kita ya matadi,

Mpi nge me kumisa bwala ya kele ti bibaka ya ngolo mayumbu.

Nzo-zulu ya munzenza kele diaka ve mbanza;

Bo ta tungaka yo diaka ve.

 3 Yo yina bantu ya ngolo ta pesa nge nkembo;

Mbanza ya makanda ya nku ta wa nge boma.+

 4 Sambu nge me kuma kisika ya ngolo ya lutaninu sambu na muntu ya kukonda mfunu,

Kisika ya ngolo ya lutaninu sambu na nsukami na ntangu na yandi ya mpasi,+

Kisika ya kutina mvula ya mupepe ya ngolo,

Mpi madidi sambu na mwini.+

Ntangu mupepe ya bamfumu ya nku ke vandaka bonso mvula ya mupepe ya ngolo ya ke bula na kibaka,

 5 Bonso mwini na ntoto ya kuyuma,

Nge ke lembikaka mavwanga ya banzenza.

Mutindu kivudi ya dituti ke lembikaka mwini,

Mutindu mosi mpi, bo me sukisa nkunga ya bamfumu ya nku.

 6 Na ngumba+ yai, Yehowa ya makesa ta sadila bantu yonso

Nkinsi mosi ya madia ya mbote,+

Nkinsi mosi ya vinu ya mbote,*

Ya madia ya mbote ya kufuluka ti nluka,

Ya vinu ya mbote, ya bo me yungula.

 7 Na ngumba yai, yandi ta katula* lele ya bo ke fikaka bamvumbi yina ke fika bantu yonso

Mpi lele ya kufika yina bo me tunga na zulu ya makanda yonso.

 8 Yandi ta mina* lufwa kimakulu,+

Mpi Yehowa Mfumu ya Kuluta Nene ta kusula mansanga na baluse yonso.+

Yandi ta katula nsoni ya bantu na yandi na ntoto ya mvimba,

Sambu Yehowa yandi mosi muntu me tuba yo.

Beto me tula kivuvu na yandi,+

Ebuna yandi ta gulusa beto.+

10 Sambu diboko ya Yehowa ta bikala na zulu ya ngumba yai,+

Mpi bo ta niata Moabi na kisika na yo+

Bonso matiti ya kuyuma ya bo ke niata na kita mosi ya nsasa.

11 Yandi ta tandula maboko na yandi sambu na kubula yo

Mutindu muntu yina ke kasa ke tandulaka maboko na yandi sambu na kukasa,

Mpi yandi ta kulumusa lulendo+ na yo

Na mutindu yandi ke bula maboko na yandi mbote.

12 Mbanza ya ngolo, ti bibaka na nge ya nda ya lutaninu,

Yandi ta bwisa yo;

Yandi ta bwisa yo na ntoto, na mfututu kibeni.

 2 Beno kangula bakielo+ sambu dikanda ya lunungu kukota,

Dikanda yina ke landa kuditwadisa na kwikama.

 3 Nge ta tanina bantu yina ke yekamaka kibeni na nge;*

Nge ta pesa bo ngemba+ ya ntangu yonso,

Sambu bo ke tudilaka nge ntima.+

 4 Beno tula ntima na Yehowa kimakulu,+

Sambu Yah* Yehowa kele Ditadi+ ya mvula na mvula.

Yandi ke kulumusa yo,

Yandi ke kulumusa yo tii na ntoto;

Yandi ke losa yo na mfututu.

 6 Dikulu ta niata yo,

Makulu ya muntu yina bo ke monisa mpasi, bitambi ya bantu ya kukonda mfunu.”

Sambu nge kele muntu ya mbote,

Nge ta kumisa nzila ya muntu ya lunungu kukonda ngumba.

 8 Sambu beto ke landa nzila ya balusambisu na nge, O Yehowa,

Kivuvu na beto kele na nge.

 9 Na mpimpa mono ke vandaka ti nzala na nge ya ngolo ti yonso yina mono kele na yo,*

Ee, mpeve na mono ke landa kusosa nge;+

Sambu ntangu nge ke sambisa ntoto,

Bantu ya insi ke longuka lunungu.+

10 Ata bo monisila muntu ya mbi ntima ya mbote,

Yandi ta longuka ve lunungu.+

Ata na insi ya kusungama, yandi ta sala mambu na mutindu ya mbi,+

Mpi yandi ta mona ve bunene ya Yehowa.+

12 O Yehowa, nge ta pesa beto ngemba,+

Sambu mambu yonso yina beto me sala

Nge muntu me sadila beto yo.

13 O Yehowa Nzambi na beto, katula nge bamfumu ya nkaka yalaka beto,+

Kansi beto ke tubila kaka zina na nge mpamba.+

Sambu nge me tudila bo dikebi

Sambu na kumanisa bo mpi kusala nde bo tubila bo diaka ve ata fioti.

15 O Yehowa, nge me kumisa dikanda nene,

Nge me kumisa dikanda nene;

Nge me kudipesa+ nkembo.

16 O Yehowa, na ntangu ya mpasi bo balukaka na ndambu na nge;

Bo salaka kisambu na nsi-nsi ntangu nge pesaka bo ndola.+

17 Kaka bonso nkento ya kele ti divumu yina ke zola kubuta

Ke vandaka ti misongo mpi ke dilaka na ndinga ya ngolo sambu na mpasi,

Beto mpi waka mutindu yina sambu na nge, O Yehowa.

18 Beto bakaka divumu, beto waka mpasi ya kubuta,

Kansi yo kele bonso nde beto butaka mupepe.

Beto nataka ve luguluku na insi,

Mpi ata muntu mosi ve me butuka sambu na kuzinga na insi.

Beno telama mpi beno tula milolo ya kiese,

Beno bantu ya ke zinga na mfututu!+

Sambu malulu na beno kele bonso malulu ya suka,*

Mpi ntoto ta bika nde bantu yina me konda ngolo na lufwa kuvutuka na luzingu.*

20 Beno kwenda, beno bantu na mono, beno kota na basuku na beno ya kati,

Mpi beno kanga bakielo na beno.+

Beno bumbana sambu na ntangu fioti

Tii kuna makasi* ta luta.+

21 Tala! Yehowa me katuka na kisika na yandi mpi ke kwisa

Sambu na kusambisa bantu ya insi yina sambu na kifu na bo,

Ebuna insi ta monisa menga na yandi yina bo tiamunaka

Mpi ta fika diaka ve bantu na yandi yina fwaka.”

27 Na kilumbu yina, Yehowa, ti mbele na yandi ya bitumba+ ya makasi, ya nene, mpi ya ngolo,

Ta tula dikebi na yandi na Leviatani,* nioka ya ke sietumukaka,

Na Leviatani, nioka ya ke konamaka,

Mpi yandi ta fwa mbisi ya boma yina ke vandaka na nzadi-mungwa.

Mono ke tanina yandi mpimpa ti mwini,

Na mpila nde ata muntu mosi ve lenda sala yandi mbi.+

Bika nde yandi sala ngemba ti mono;

Bika nde yandi sala ngemba ti mono.”

 6 Na bilumbu ke kwisa, Yakobi ta tula misisa,

Izraele ta basisa bintuntu mpi ta mena;+

Mpi bo ta fulusa insi ti bima ya bilanga.+

 9 Na mutindu yina, bo ta fika kifu ya Yakobi,

Mpi yo ta vanda mbuma ya mvimba ntangu bo ta katula disumu na yandi:+

Yandi ta kumisa matadi yonso ya mesa-kimenga

Bonso matadi ya mpemba yina bo me tuta-tuta,

Ebuna banti ya santu* mpi bamesa-kimenga ya ndumbu ta bikala ve.+

10 Sambu mbanza ya ngolo ta bikala mpamba;

Bo ta vila mpi bo ta yambula banseke bonso ntoto-makanga.+

Kuna mwana-ngombe ta dia mpi ta lala,

Mpi yo ta dia balutangu+ ya mbanza yina.

11 Ntangu tu-balutangu na yandi ta yuma,

Bankento ta kwisa mpi ta buka yo,

Mpi bo ta pedisila yo tiya.

Yo yina Muntu yina salaka bo ta wila bo ve mawa,

Mpi Muntu yina salaka bo ta monisila bo ve ntima ya mbote.+

28 Mawa na mpu ya kimfumu* yina ke kudisonga* ya bantu ya Efrayimi+ ya ke lawukaka malafu

Mpi na kintuntu ya ke beba ya kitoko na yo ya nkembo,

Yina kele na nsongi ya muwanda ya ke butaka mingi ya bantu yina vinu me nungaka!

Bonso makelele ya banzasi mpi mvula ya matadi, mupepe ya ngolo ya ke fwaka,

Bonso mvula ya banzasi ya masa ya mvula ya ngolo,

Yandi ta losa yo na ngolo yonso na ntoto.

 3 Bampu ya kimfumu ya lulendo* ya bantu ya Efrayimi ya ke lawukaka malafu

Bo ta niata yo na nsi ya makulu.+

 4 Ebuna kintuntu yina ke beba ya kitoko na yo ya nkembo,

Yina kele na nsongi ya muwanda ya ke butaka mingi,

Ta kuma bonso fige ya ntete-ntete yina ke yelaka na ntwala ya nsungi ya mvula.

 7 Bantu yai mpi ke vila nzila sambu na vinu;

Malafu na bo ya ke lawusaka ke sala nde bo tambula na lunziungu.

Nganga-nzambi ti mbikudi ke vila nzila sambu na malafu ya ke lawusaka;

Vinu ke kumisa bo kisaka-saka,

Mpi bo ke tambula na lunziungu sambu na malafu na bo ya ke lawusaka;

Mbona-meso na bo ke sala nde bo vila nzila,

Mpi bo ke bula sakuba ntangu bo ke sambisa.+

 8 Sambu bamesa na bo me fuluka ti biluki ya mvindu

—Ata kisika mosi ve me konda biluki.

 9 Na nani bo ta pesa nzayilu,

Mpi na nani bo ta tendula nsangu?

Na bayina bo me yambula kunwisa mabele,

Bayina bo me katula na mabele?

10 Sambu yo kele “nsiku na nima ya nsiku, nsiku na nima ya nsiku,

Ndonga na ndonga, ndonga na ndonga,*+

Ndambu awa, ndambu kuna.”

“Nsiku na nima ya nsiku, nsiku na nima ya nsiku,

Ndonga na ndonga, ndonga na ndonga,*+

Ndambu awa, ndambu kuna,”

Mpidina ntangu bo ta tambula,

Bo ta bula sakuba mpi ta bwa mukongo na ntoto

Ebuna bo ta bukana, ta kangama na mutambu mpi bo ta kanga bo.+

14 Yo yina, beno wa ndinga ya Yehowa, beno bantu ya ke kudikumisaka,

Beno bamfumu ya bantu yai na Yeruzalemi,

15 Sambu beno ke tuba nde:

“Beto me sala kuwakana ti Lufwa,+

Mpi beto me sala kuwakana* ti Maziamu.*

Ntangu masa mingi yina ke kulumuka na ngolo yonso ta luta,

Yo ta kuma ve kisika beto kele,

Sambu beto me kumisa luvunu kitininu na beto

Mpi beto me bumbana na kati ya luvunu.”+

“Awa mono ke tula bonso fondasio na Sioni ditadi+ mosi ya bo me meka,

Ditadi+ ya mfunu ya kinkonko ya fondasio+ mosi ya kieleka.

17 Mono ta sala nde lunungu kuvanda nsinga ya kutesila+

Mpi kusungama kuvanda nivo.*+

Mvula ya matadi ta komba kitininu ya luvunu,

Mpi bamasa ta dindisa kisika ya kubumbana.

18 Kuwakana na beno ti Lufwa ta suka,

Mpi kuwakana na beno ti Maziamu* ta zinga ve.+

Ntangu masa mingi ya ke kulumuka na ngolo yonso ta luta,

Yo ta fwa beno.

19 Mbala yonso yina yo ta luta,

Yo ta komba beno;+

Sambu yo ta luta konso suka,

Na mwini mpi na mpimpa.

20 Sambu mbeto kele nkufi kibeni sambu na kuditandula,

Mpi lele ya kufika ya bo me tunga kele fioti kibeni sambu na kudifika.

21 Yehowa ta telama bonso na Ngumba ya Perazimi;

Yandi ta telama bonso na muwanda* yina kele pene-pene ya Gibeoni,+

Sambu yandi sala kisalu na yandi—kisalu na yandi ya kuyituka—

Mpi yandi lungisa kisalu na yandi—kisalu+ na yandi ya kuyituka.

22 Ntangu yai, beno vweza ve,+

Sambu bo kanga diaka ve ngolo bansinga na beno,

Sambu mono me wa mambu ya me katuka na Mfumu ya Kuluta Nene, Yehowa ya makesa,

Nde bo me baka lukanu ya kumanisa insi ya mvimba.*+

23 Beno tula dikutu mpi beno wa ndinga na mono;

Beno tula dikebi mpi beno wa mambu ya mono ke tuba.

25 Kana yandi me kumisa ntoto kukonda ngumba,

Keti na nima yandi ke mwangaka ve kumini ya ndombe mpi ke kunaka ve kumini?

Keti yandi ke kunaka ve ble, mpondo, ti orze na bisika na yo

Mpi ble ya mutindu ya nkaka*+ na lweka ya bandilu?

26 Sambu yandi ke longa yandi* na mutindu ya mbote;

Nzambi na yandi ke longa yandi.+

27 Sambu bo ke tutaka ve kumini ya ndombe ti kima ya bo ke tutaka bambuma sambu na kukatula yo bampusu,+

Mpi bo ke lutisaka ve makulu ya pusu-pusu na zulu ya kumini.

Kansi, bo ke bulaka kumini ya ndombe ti nti ya fioti,

Mpi kumini ti nti ya nene.

Ve, yandi ke tutaka yo ve mbala na mbala sambu na kukatula yo bampusu;+

Mpi ntangu yandi ke tambusaka makulu ya pusu-pusu na yandi na zulu na yo ti bampunda na yandi,

Yandi ke tutaka yo ve.+

29 Diambu yai mpi me katuka na Yehowa ya makesa,

Yina ndongisila* na yandi kele ya kuyituka

Mpi yina mambu ya yandi ke salaka kele nene.*+

Beno landa kusala bankinsi na beno ya konso mvula;

Bika bankinsi+ kulanda kusalama.

 2 Kansi mono ta nata mpasi na Ariele,+

Ebuna bidilu+ ti mawa ta vanda,

Mpi sambu na mono, yandi ta kuma bonso kisika yina tiya ya mesa-kimenga ya Nzambi+ ke pelaka.

 3 Mono ta sala bacamp na bandambu yonso sambu na kunwanisa nge,

Mono ta sala lupangu ya banti sambu na kuziunga nge

Mpi mono ta tedimisa balupangu ya nene na nziunga sambu na kunwanisa nge.+

 4 Bo ta kulumusa nge;

Nge ta tuba tuka na ntoto,

Ebuna mfututu ta sala nde mambu ya nge ke tuba kuwakana ve.

Ndinga na nge ta katuka na ntoto+

Bonso ndinga ya muntu yina ke solulaka ti bampeve ya bafwa,

Mpi bangogo na nge ta wakana na nsi-nsi tuka na ntoto.

 5 Kimvuka ya bambeni* na nge ta vanda bonso mfututu ya kitoko,+

Kimvuka ya bamfumu ya nku ta vanda kaka bonso bampusu ya ke pumbuka na mupepe.+

 6 Yehowa ya makesa ta tudila nge dikebi

Ti makelele ya nzasi, kunikana ya ntoto, mpi makelele ya ngolo,

Ti mupepe ya ngolo ti mvula, mpi baludimi ya tiya ya ke yokaka.”+

 7 Ebuna kimvuka ya makanda yonso yina ke nwana bitumba ti Ariele+

—Bantu yonso yina ke nwana bitumba ti yandi,

Banzo-zulu ya bo me tunga sambu na kunwanisa yandi,

Mpi bayina ke natila yandi mpasi—

Ta kuma bonso ndosi, mbona-meso ya mpimpa.

 8 Ee, yo ta vanda kaka bonso ntangu muntu ya kele na nzala ke lala ndosi nde yandi ke dia,

Kansi yandi ke telama na nzala,*

Mpi bonso ntangu muntu ya kele na nzala ya masa ke lala ndosi nde yandi ke nwa masa,

Kansi yandi ke telama ya kulemba mpi na nzala ya masa.*

Yo ta salama mutindu yina sambu na kimvuka ya makanda yonso

Yina ke nwana bitumba ti Ngumba ya Sioni.+

 9 Beno yituka;+

Beno kudifwa meso mpi beno vanda meso ya kufwa.+

Bo me lawuka, kansi vinu ve;

Bo ke tambula na lunziungu, kansi ve sambu na malafu yina ke lawusaka.

10 Sambu Yehowa me tiamuna mpeve ya mpongi ya ngolo na zulu na beno;+

Yandi me kanga meso na beno bambikudi,+

Mpi yandi me fika ba-ntu na beno bantu ya ke monaka bambona-meso.+

13 Yehowa me tuba nde: “Bantu yai ke kwisa pene-pene na mono kaka na munoko

Mpi bo ke kumisa mono kaka na bikobo,+

Kansi ntima na bo kele ntama kibeni ti mono;

Mpi boma na bo sambu na mono me simbama na bansiku ya bantu, yina bo me longaka bo.+

14 Yo yina, mono kele Muntu yina ta sala diaka mambu ya kuyituka sambu na bantu yai,+

Ti mambu ya kuyituka na zulu ya mambu ya kuyituka;

Ebuna mayele ya bantu na bo ya mayele ta mana,

Mpi mayele ya kubakisa mambu ya bantu na bo ya mayele ta vanda ya kubumbana.”+

Bo ke sala mambu na bo na bisika ya mpimpa,

Ntangu bo ke tuba nde: “Nani ke mona beto?

17 Kubika fioti kibeni, bo ta kumisa Libani kisika ya bo me kunaka banti yina ke butaka bambuma,+

Mpi bo ta tadilaka kisika ya bo me kunaka banti yina ke butaka bambuma bonso mfinda.+

18 Na kilumbu yina, bifwa-makutu ta wa bangogo ya mukanda,

Mpi meso ya bifwa-meso ta mona+ na mudidi ya ngolo mpi na mpimpa.

19 Bantu ya kudikulumusa ta yangalala mingi na Yehowa,

Mpi bansukami yina kele na kati ya bantu ta vanda na kiese na Santu ya Izraele.+

20 Sambu mfumu ya nku ta vanda diaka ve,

Muntu ya ke kudisikisaka ta suka,

Mpi bantu yonso yina ke vandaka ntangu yonso ya kuyilama sambu na kusala mbi ta fwa,+

21 Bayina ti mambu ya luvunu ke sala nde bantu ya nkaka kumonana bantu ya mbi,

Bayina ke tula mitambu sambu na muntu yina ke nwaninaka bantu* na kielo+ ya mbanza,

Mpi bayina ti bangogo ya mpamba-mpamba ke zenga ve makambu ya muntu ya lunungu+ na lunungu.

“Yakobi ta wa diaka ve nsoni,

Mpi luse na yandi ta kuma diaka ve bonso muntu yina me konda masa ti menga.*+

23 Ntangu yandi ta mona bana na yandi,

Bayina kele kisalu ya maboko na mono, na kati-kati na yandi,+

Bo ta santisa zina na mono;

Ee, bo ta santisa Santu ya Yakobi,

Mpi bo ta telama sambu na boma ya Nzambi ya Izraele.+

24 Bantu yina mabanza na bo kele mpasi na kuyala ta baka mayele ya kubakisa mambu,

Mpi bayina ke bokuta ta ndima malongi.”

30 Yehowa ke tuba nde: “Mawa na bana ya ntu-ngolo,+

Bayina ke lungisa balukanu yina kele ve ya mono,+

Bayina ke sala bangwakana,* kansi ve na nsadisa ya mpeve na mono,

Sambu na kuyika disumu na zulu ya disumu.

 2 Bo ke kulumuka na Ezipte+ kukonda kuyula mono,*+

Sambu na kubumbana na nsi ya lutaninu ya Farao*

Mpi kutina na kivudi ya Ezipte!

 3 Kansi lutaninu ya Farao ta kuma sambu na beno kikuma ya kuwa nsoni,

Mpi kutina na kivudi ya Ezipte ta kuma kikuma ya kubaka nsoni.+

 4 Sambu bamfumu na yandi kele na Soani,+

Mpi mimonisi na yandi me kuma na Anesi.

 5 Bo ta pesa bo yonso nsoni

Na bantu yina lenda natila bo ve mambote ata fioti,

Bayina ke sadisa bo ve mpi ke natila bo ve mambote ata fioti,

Kaka nsoni kibeni.”+

Na insi ya mawa mpi ya mpasi,

Ya ntambu, ntambu yina ke ngana,

Ya kiwuta mpi ya nioka ya ke pumbukaka mpi ke basisaka tiya,*

Bo ke nata bimvwama na bo na zulu ya bampunda

Mpi bima na bo na zulu ya bankuki ya bashamo.

 8 “Ntangu yai kwenda, sonika yo na zulu ya kitini mosi ya dibaya na meso na bo,

Mpi sonika yo na mukanda mosi,+

Sambu na kilumbu mosi ya ke kwisa yo vanda

Bonso mbangi+ ya ntangu yonso.

 9 Sambu bo kele bantu+ ya ke kolamaka, bana ya luvunu,+

Bana yina ke zolaka ve kuwa nsiku* ya Yehowa.+

“Sambu beno ke buya ndinga yai+

Mpi beno ke tula ntima na kuyiba mpi na kukusa

Mpi beno ke tula ntima na mambu yai,+

13 Kifu yai ta vanda sambu na beno bonso kibaka mosi ya kubukana,

Bonso kibaka mosi ya nda ya me sala banzila mpi ya ke zola kubwa.

14 Yo ta pasuka bonso dibungu mosi ya nene ya ntoto,

Yo ta pasuka kibeni na mpila nde ata kipesi mosi ve na kati ya bipesi na yo ta bikala

Sambu na kubaka tiya na kisika tiya kele

To kubaka masa na ka-dizanga ya masa.”*

“Kana beno vutukila mono mpi beno pema, beno ta guluka;

Beno ta vanda ngolo kana beno bikala pima mpi beno tula ntima.”+

17 Bantu funda ta tekita sambu na mbangika ya muntu mosi;+

Sambu na mbangika ya bantu tanu, beno ta tina

Tii kuna yina ta bikala na kati na beno ta vanda bonso dikunzi mosi ya nda na nsongi ya ngumba,

Bonso nti mosi ya kidimbu na zulu ya ngumba ya fioti.+

18 Kansi Yehowa ke vingila ti kukanga-ntima yonso* sambu na kumonisila beno ntima ya mbote,+

Mpi yandi ta telama sambu na kuwila beno mawa.+

27 Tala! Zina ya Yehowa ke katuka ntama,

Yo ke pela ti makasi na yandi mpi ti matuti ya nene.

Munoko na yandi me fuluka ti nganzi,

Mpi ludimi na yandi kele bonso tiya ya ke yokaka.+

28 Mpeve* na yandi kele bonso masa ya ke dindisaka ya me kuma tii na nkingu,

Sambu na kunikisa makanda na muyungulu ya lufwa;*

Ebuna bantu ta vanda ti nsinga ya bo ke tulaka na munoko ya mpunda na bambwanga+ yina ke vidisa bo nzila.

29 Kansi nkunga na beno ta vanda bonso nkunga yina bo ke yimbaka na mpimpa

Ntangu beno ke yilamaka* sambu na nkinsi,+

Mpi ntima na beno ta wa kiese bonso muntu

Yina ke tambula ti* musembu

Ntangu yandi ke kwenda na ngumba ya Yehowa, na Ditadi ya Izraele.+

30 Yehowa ta sala nde ndinga na yandi ya lukumu+ kuwakana

Mpi ta monisa diboko+ na yandi ntangu yo ke kulumuka na makasi yonso,+

Ti ludimi ya tiya ya ke yokaka,+

Mvula ya ngolo ya kintulumukina,+ mvula ya mupepe ya ngolo, mpi mvula ya matadi.+

31 Sambu na ndinga ya Yehowa, Asiria ta tekita na boma;+

Yandi ta bula yo nti.+

32 Mpi konso mbala yina fimbu na yandi ya ndola ta bula

Yina Yehowa ta bula Asiria

Yo ta kwenda nzila mosi ti bangoma ya fioti mpi bakidare+

Na ntangu yandi ke nikisa diboko na yandi sambu na kukebisa bo na bitumba.+

33 Sambu bo yidikaka dezia Tofeti*+ na yandi;

Bo me yidika yo mpi sambu na ntotila.+

Yandi me kumisa kisika ya kuyokila nda mpi nene,

Ti tiya mingi mpi bankuni mingi.

Mpema ya Yehowa, bonso muwanda ya sufre,

Ta tula yo tiya.

31 Mawa na bantu yina ke kulumuka na Ezipte sambu na kusosa lusadisu,+

Bayina ke tula ntima na bampunda,+

Bayina ke tula ntima na bapusu-pusu ya bitumba sambu yo kele mingi,

Mpi na bampunda ya bitumba* sambu yo kele ngolo.

Kansi bo ke tula ve ntima na Santu ya Izraele,

Mpi bo ke sosa ve Yehowa.

 2 Kansi yandi kele mpi mayele, yandi ta nata mpasi,

Mpi yandi ta lungisa mambu yina yandi tubaka.

Yandi ta telama sambu na kunwanisa nzo ya bantu yina ke salaka mambu ya mbi

Ti bantu yina ke sadisaka bantu ya ke salaka mambu ya mbi.+

 3 Kansi bantu ya Ezipte kele kaka bantu, bo kele Nzambi ve;

Bampunda na bo kele nsuni kansi mpeve ve.+

Ntangu Yehowa ta tandula diboko na yandi,

Konso muntu yina ke pesa lusadisu ta bula sakuba

Mpi konso muntu yina bo ke sadisa ta bwa;

Bo yonso ta mana nzila mosi.

“Kaka mutindu ntambu, mwana-ntambu mosi ya ngolo,* ke nganaka sambu na mbisi yina yo me kanga,

Ntangu bo ke bingaka kimvuka ya mvimba ya bangungudi na kuvukana kumosi sambu na kunwanisa yo,

Mpi yo ke tekitaka ve kana yo wa ndinga na bo

To ke waka boma ve sambu na makelele na bo,

Mutindu mosi mpi Yehowa ya makesa ta kwisa kukulumuka sambu na kunwanina

Ngumba ya Sioni mpi ngumba na yo ya fioti.

 8 Ebuna muntu ya Asiria ta fwa na mbele ya bitumba, kansi ya muntu ve;

Mpi mbele mosi ya bitumba, kansi ya muntu ve, ta fwa yandi.+

Yandi ta tina sambu na mbele ya bitumba,

Mpi bo ta pesa baleke na yandi ya babakala bisalu ya ngolo.

 9 Ditadi na yandi ta waluka sambu na boma ya ngolo,

Mpi bamfumu na yandi ta tekita sambu na nti ya kidimbu,” Yehowa muntu me tuba,

Yina nsemo* na yandi kele na Sioni mpi yina fulu na yandi ya tiya kele na Yeruzalemi.

32 Tala! Ntotila+ mosi ta yala sambu na masonga,+

Mpi bamfumu ta yala sambu na lunungu.

 2 Mpi konso muntu ta vanda bonso kisika ya kubumbana* mupepe,

Kisika ya kubumbana* mvula ya mupepe ya ngolo,

Bonso bamasa na ntoto ya me konda masa,+

Bonso kivudi ya ditadi mosi na ntoto ya kuyuma.

 3 Ebuna meso ya bantu yina ke mona ta kangama diaka ve,

Mpi makutu ya bantu yina ke wa ta tula dikebi.

 4 Ntima ya bantu yina ke salaka mambu kukonda kuyindula ta yindulula nzayilu,

Mpi ludimi ya lukukama ta tuba kukonda mpasi mpi na pwelele yonso.+

 5 Muntu ya me konda mayele, bo ta binga yandi diaka ve muntu ya ke kabaka,

Mpi muntu ya me konda minsiku, bo ta binga yandi ve muntu ya lukumu.

 6 Sambu muntu ya me konda mayele ta tuba mambu ya buzoba,

Mpi ntima na yandi ta kana mambu ya mbi,+

Sambu na kusala nde kukolama kukwenda na ntwala* mpi sambu na kutuba mambu ya luvunu na yina me tala Yehowa,

Sambu na kusala nde muntu yina kele na nzala* kuvanda kaka na nzala

Mpi kubuya kupesa muntu ya kele na kiwina kima ya kunwa.

 7 Balukanu ya muntu ya me konda minsiku kele ya mbi;+

Yandi ke siamisa mambu ya nsoni

Sambu na kubebisa muntu ya ke mona mpasi ti mambu ya luvunu,+

Ata kana nsukami ke tuba mambu ya mbote.

 8 Kansi muntu ya ke kabaka kele ti bangindu ya kukaba,

Mpi yandi ke kwaminaka na mambu ya me tala kukaba.*

10 Na nima ya mvula mosi ti mwa bilumbu, beno bantu ya ke zingaka kukonda kudiyangisa, beno ta tekita,

Sambu bo ta vukisa ve ata mbuma mosi na nsuka ya nsungi ya kukatula bambuma ya vinu.+

Beno katula bilele,

Mpi beno lwata basaki na baluketo na beno.+

12 Beno bula bantulu na beno sambu na kumonisa mawa

Sambu na bilanga ya kitoko mpi banti ya vinu ya ke butaka mingi.

13 Sambu ntoto ya bantu na mono ta fuluka ti bansende mpi banti ya bansende;

Yo ta fika banzo yonso ya kiese,

Ee, mbanza ya kuyangalala.+

14 Sambu bo me vila nzo-zulu ya kele ti bibaka ya ngolo;

Bo me yambula mbanza ya makelele.+

Ofeli+ mpi nzo-zulu ya nkengi me kuma ntoto ya mpamba sambu na ntangu yonso,

Kiese sambu na bampunda ya mfinda,

Nseke sambu na bitwisi,+

15 Tii kuna mpeve ta katuka na zulu mpi ta tiamuka na zulu+ na beto,

Mpi ntoto-makanga ta kuma kisika ya bo me kunaka banti yina ke butaka bambuma,

Mpi bo ta tadila kisika ya bo me kunaka banti yina ke butaka bambuma bonso mfinda.+

16 Ebuna lunungu ta zinga na ntoto-makanga

Mpi na kisika ya bo me kunaka banti yina ke butaka bambuma.+

17 Mbuma yina lunungu ya kieleka ta buta ta vanda ngemba,+

Mpi mbuma ya lunungu ya kieleka ta vanda ngemba ya kimakulu mpi lutaninu.+

18 Bantu na mono ta zinga na kisika ya ngemba,

Na bisika ya kuzinga ya lutaninu mpi na bisika ya kupema ti ya pima.+

19 Kansi mvula ya matadi ta bwisa mfinda,

Mpi mbanza ta fwa kibeni.

20 Kiese na beno bantu yina ke kuna nkeni na lweka ya bamasa yonso,

Bayina ke basisa* ngombe ti mpunda.”+

33 Mawa na nge, nge muntu ya ke fwaka bantu, nge ya bo me fwaka ve;+

Nge muntu ya ke tekaka bantu, nge ya bo me tekaka ve!

Kuma diboko*+ na beto konso suka,

Ee, luguluku na beto na ntangu ya mpasi.+

 4 Mutindu bampasu ya lukasi ke vukanaka, mutindu yina mpi bo ta vukisa bima yina beno ta botula;

Bantu ta kwisila yo nswalu bonso bimvuka ya bampasu.

 5 Nkembo ya Yehowa ta kuma mingi,

Sambu yandi ke zingaka kuna na zulu.

 6 Yandi kele lutaninu ya bantangu na nge;

Luguluku ya mingi,+ mayele, nzayilu, mpi boma ya Yehowa+

—Yai kele kimvwama na yandi.

 7 Tala! Bantu na bo ya ngolo ke boka na bala-bala;

Binati-nsangu ya ngemba ke dila ngolo.

 8 Banzila ya nene me kawuka;

Ata muntu mosi ve ke sala nzietelo na banzila.

Yandi* me fwa kuwakana;

Yandi me yambula bambanza;

Yandi ke zitisa ve muntu ya ke fwaka.+

Sharoni me kuma bonso ntoto ya zelo na zelo,

Mpi Bashani ti Karmele ke bwisa matiti na yo.+

10 Yehowa ke tuba nde: “Ntangu yai mono ta telama;

Ntangu yai mono ta kudinangula;+

Ntangu yai mono ta kudikumisa.

14 Bansumuki yina kele na Sioni kele na boma ya ngolo;+

Matekita me simba bankolami:

15 Muntu yina ke tambulaka na lunungu konso ntangu,+

Yina ke tubaka mambu ya mbote,+

Yina ke buyaka kubaka luta na nzila ya luvunu, ya muyibi,

Yina maboko na yandi ke buyaka avoka na kisika ya kubaka yo,+

Yina ke kangaka dikutu na yandi na masolo ya kutiamuna menga,

Mpi yina ke kangaka meso na yandi sambu na kumona ve mambu ya mbi

16 —Yandi ta zinga na bisika ya kunanguka;

Kisika na yandi ya mbote ya kubumbana* ta vanda na kati ya ditadi yina kele na bisika ya ngolo ya lutaninu,

Bo ta pesa yandi dimpa na yandi,

Mpi nto ya masa na yandi ta mana ve ata fioti.”+

17 Meso na nge ta mona ntotila na nkembo na yandi;

Bo ta mona insi mosi yina kele ntama.

19 Nge ta mona diaka ve bantu ya kukonda luzitu,

Bantu yina ndinga na bo kele mpasi* mingi na kubakisa,

Bayina nge lenda bakisa ve+ ludimi na bo ya lukukama.

Meso na nge ta mona Yeruzalemi bonso kisika mosi ya pima ya kuzinga,

Tenta yina bo ta katula ve.+

Bo ta tumuna ve ata fioti bapike ya tenta na yo,

Mpi bo ta zenga ve ata nsinga na yo mosi.

21 Kansi kuna Muntu ya Nene, Yehowa,

Ta vanda sambu na beto ntoto mosi ya banzadi, ya banzila ya nene ya masa,

Kisika yina ata maswa mosi ve ya bo ke lukaka na bankayi ta kwenda

Mpi ata maswa mosi ve ya nene ta luta.

22 Sambu Yehowa kele Zuzi na beto,+

Yehowa kele Muntu ya Ke Pesaka beto Nsiku,+

Yehowa kele Ntotila+ na beto;

Yandi kele Muntu yina ta gulusa beto.+

23 Bansinga na nge ta lemba;

Yo lenda simba ve dikunzi ya bo ke kangisaka lele ya maswa to kutandula lele ya maswa.

Na ntangu yina, bo ta kabula bima ya mingi ya bo botulaka;

Ata muntu ya dikulu-kifu ta baka bima mingi ya bo botulaka.+

34 Beno makanda, beno kwisa pene-pene sambu na kuwa,

Mpi beno bantu, beno tula dikebi.

Bika nde ntoto ti bima yina ke fulusa yo kuwa,

Insi ti bima na yo yonso.

 2 Sambu Yehowa me wila makanda+ yonso makasi,

Mpi yandi me wila basoda+ na bo yonso nganzi.

Yandi ta fwa bo;

Yandi ta pesa bo sambu bo fwa bo.+

 3 Bantu na bo yina bo me fwa, bo ta losa bo na nganda,

Mpi nsudi ya bamvumbi na bo ta tombuka;+

Bangumba ta kuma masa-masa sambu na* menga na bo.+

 4 Makesa yonso ya zulu ta pola,

Mpi bo ta dimba zulu bonso rulo.

Basoda na bo yonso ta lemba kibeni,

Mutindu dititi ya kuyuma ke bwaka na nti ya vinu

Mpi fige ya kuyuma ke bwaka na nti ya bafige.

Yo ta kulumuka na zulu ya Edomi sambu na lusambisu,+

Na zulu ya bantu yina mono me bakaka lukanu ya kufwa.

Yo ta fuluka na mafuta,+

Na menga ya bana-mameme ya babakala ti bankombo,

Na mafuta ya bapiku ya bana-mameme ya babakala.

Sambu Yehowa kele ti kimenga na Bosra,

Yandi ta fwa bantu mingi na insi ya Edomi.+

 7 Bampakasa ta kulumuka ti bo,

Bana-bangombe ti bangombe ya kuyela ya ngolo.

Insi na bo ta fuluka na menga,

Mpi mfututu na bo ta fuluka na mafuta.”

 8 Sambu Yehowa kele ti kilumbu ya kuvutula mbi,+

Mvula ya kupesa ndola sambu na kusambisa diambu ya Sioni.+

 9 Bamasa na yandi* ta kuma bidi,

Mfututu na yandi ta kuma sufre,

Mpi insi na yandi ta kuma bonso bidi ya bo me yoka.

10 Yo ta fwa ve na mpimpa to na mwini;

Midinga na yo ta landa kutombuka kimakulu.

Yandi ta bikala ya kubeba tii na bandonga yonso ya bantu yina ta kwisa;

Ata muntu mosi ve ta luta na kati na yandi mvula na mvula.+

11 Pelikane ti porkepiki ta yala yandi,

Mpi bikungulu ya makutu-nda ti bakwanga-kwanga ta zinga na kati na yandi.

Nzambi ta tandula na zulu na yandi nsinga ya mpamba ya kutesila

Mpi nsinga ya bamaso* ya lufwa.

12 Ata muntu mosi ve na kati ya bantu na yandi ya lukumu ta kuma ntotila,

Bamfumu na yandi yonso ta kuma bima ya mpamba.

13 Bansende ta yela na banzo-zulu na yandi yina kele ti bibaka ya ngolo,

Banti ya bansende ti matiti ya nsende ta yela na bisika na yandi ya ngolo.

Yandi ta kuma kisika yina bambwa ya nseke ke lalaka,+

Nzo ya ba-otrishi.

14 Bigangwa ya ntoto ya zelo na zelo ta kutana ti bambisi yina ke nganaka,

Mpi nkombo ya mfinda* ta binga nduku na yo.

15 Nioka ta timuna dibulu* na yo kuna mpi ta losa maki,

Yo ta pasula yo mpi ta vukisa bana na yo na kivudi na yo.

Ata mosi ve na kati na yo ta konda;

Ata mosi ve na kati na yo ta konda nkwelani,

Sambu munoko ya Yehowa muntu me pesa nsiku,

Mpi mpeve na yandi me vukisa yo kisika mosi.

17 Yandi Muntu me bula zeke sambu na bo,

Mpi diboko na yandi me tesa kisika ya bo me pesaka bo.*

Yo ta kuma ya bo ntangu yonso;

Bo ta zinga kuna na bandonga yonso ya bantu.

35 Ntoto-makanga ti ntoto ya kuyuma ta vanda na kiese,+

Mpi ntoto ya zelo na zelo ta yangalala mpi ta basisa bintuntu bonso safrani.*+

 2 Yo ta basisa kibeni bintuntu;+

Yo ta vanda na kiese mpi ta tula milolo ya kiese.

Bo ta pesa yo nkembo ya Libani,+

Lukumu ya Karmele+ mpi ya Sharoni.+

 3 Beno pesa maboko yina me lemba kikesa,

Mpi beno kumisa ngolo mabolongo yina ke nikana.+

Tala! Nzambi na beno ta kwisa sambu na kuvutula mbi,

Nzambi ta kwisa sambu na kupesa ndola.+

 5 Na ntangu yina meso ya bifwa-meso ta kanguka,+

Mpi makutu ya bifwa-makutu ta wa.+

 6 Na ntangu yina muntu ya dikulu-kifu ta pumbuka bonso kabuluku,+

Mpi ludimi ya baba ta tula milolo ya kiese.+

Sambu bamasa ta basika na ntoto-makanga,

Mpi bamasa ta basika na ntoto ya zelo na zelo.

 7 Ntoto ya me yuma na mwini ta kuma dizanga ya masa ya me fuluka ti balukengi,

Mpi ntoto ya kukonda masa ta kuma banto ya masa.+

Na bisika yina bambwa ya nseke vandaka kupema,+

Yo ta vanda ti matiti ya mubisu, balukengi mpi papirusi.

 8 Nzila mosi ya nene ta vanda kuna,+

Ee, nzila mosi ya bo ta binga Nzila ya Busantu.

Yo kele kaka sambu na muntu yina ke tambula na nzila yina;

Ata zoba mosi ve ta vila kuna.

 9 Ata ntambu mosi ve ta vanda kuna,

Mpi ata mbisi mosi ve ya makasi ya mfinda ta kwisa kuna.

Bo ta mona bo ve kuna;+

Kaka bantu yina bo me sumbaka diaka ta tambula kuna.+

Bo ta yangalala mpi ta vanda na kiese,

Mpi mawa ti kudila ta tina.+

Nani nge me tombudila ndinga na nge+

Mpi me nangudila meso na nge ya lulendo?

24 Na nzila ya bansadi na nge, nge me sosila Yehowa+ mpi nge me tuba nde,

‘Ti bapusu-pusu na mono mingi ya bitumba

Mono ta tombuka na zulu ya bangumba,+

Bisika ya kuluta ntama ya Libani.

25 Mono ta timuna mabulu ya masa mpi ta nwa bamasa;

Mono ta yumisa bamasa* ya Ezipte ti bitambi ya makulu na mono.’

27 Bantu na bo ta konda lusadisu;

Bo ta wa boma ya ngolo mpi bo ta pesa bo nsoni.

Bo ta kuma bonso matiti ya bilanga mpi matiti ya mubisu,

Bonso matiti ya baludi yina mupepe ya esti me yumisa.

28 Kansi mono me zaba mbote ntangu nge ke vandaka, ntangu nge ke basikaka, ntangu nge ke kotaka,+

Mpi ntangu nge ke wilaka mono makasi ya ngolo,+

29 Sambu makasi ya nge me wila mono+ mpi kungana na nge me kuma na makutu na mono.+

Yo yina mono ta tula ndobo na mono na mbombo na nge mpi nsinga na mono+ ya bo ke tulaka na munoko ya mpunda na munoko na nge,

Ebuna mono ta vutula nge na nzila yina nge kwisilaka.”

“Yandi ta kota ve na mbanza yai,+

Yandi ta losa ve tolo-tolo kuna,

Yandi ta nwanisa yo ve ti kitaninu,

Mpi yandi ta sala ve mwa ngumba ya ntoto sambu na kuziunga yo.”’+

34 ‘Yandi ta vutuka na nzila yina yandi kwisilaka;

Yandi ta kota ve na mbanza yai,’ Yehowa muntu me tuba.

35 ‘Mono ta nwanina mbanza yai+ mpi mono ta gulusa yo sambu na mono mosi+

Mpi sambu na nsadi na mono Davidi.’”+

10 Mono tubaka nde: “Na kati-kati ya luzingu na mono

Mono fwete kota na bakielo ya Maziamu.*

Mono ta tala diaka ve bantu

Ntangu mono ta vanda ti bantu ya kisika yina ata kima mosi ve ke zingaka diaka.

12 Bo me bwisa nzo na mono mpi bo me nata yo+

Bonso tenta ya ngungudi.

Mono me dimba luzingu na mono bonso muntu ya ke tungaka bilele;

Yandi ke zenga mono bonso bansinga ya lele yina bo me tunga.

Bonso ntambu, yandi ke landa kubuka mikwa na mono yonso;

Yantika na mwini tii na mpimpa, nge ke landa kunata mono tii na nsuka.+

14 Mono ke landa kuyimba-yimba+ bonso ndeke ya bo ke bingaka martine to nzwanzu;*

Mono ke landa kudila bonso pizio.+

‘O Yehowa, mono kele na mpasi ya nene;

Vanda lusadisu* na mono!’+

Mono ta tambula na kudikulumusa yonso* bamvula na mono yonso

Sambu na mpasi na mono ya ngolo.*

16 ‘O Yehowa, konso muntu ke zingaka na nzila ya mambu yai,*

Mpi luzingu ya mpeve na mono kele na kati na yo.

17 Tala! Na kisika ya ngemba, mono vandaka na mpasi ya ngolo;

Kansi na zola na nge sambu na mono,*

Nge me tanina mono na dibulu ya lufwa.+

18 Sambu Maziamu* lenda pesa nge ve nkembo,+

Lufwa lenda kumisa nge ve.+

19 Muntu ya ke zinga, muntu ya ke zinga lenda kumisa nge,

Kaka mutindu mono lenda kumisa nge bubu yai.

20 O Yehowa, gulusa mono,

Ebuna beto ta bula miziki na mono na bima ya kubudila miziki ya kele ti bansinga,+

Bilumbu yonso ya luzingu na beto na nzo ya Yehowa.’”+

 2 Beno tuba na ntima ya Yeruzalemi,*

Mpi beno zabisa yandi nde kisalu na yandi ya kingolo-ngolo me mana,

Nde bo me futa kifu na yandi.+

 4 Bika nde konso muwanda kutombuka,

Mpi konso ngumba ya nene ti ya fioti kukulumuka.

Ntoto ya kele ti bangumba fwete kuma lelensi,

Mpi ntoto ya kele mabulu-mabulu fwete kuma kukonda ngumba.+

 5 Nkembo ya Yehowa ta monana,+

Mpi bantu yonso* ta mona yo,+

Sambu munoko ya Yehowa muntu me tuba.”

 7 Matiti ya mubisu ke yuma,

Bintuntu ke kawuka,+

Sambu mpema* ya Yehowa ke bula na zulu na yo.+

 8 Matiti ya mubisu ke yumaka,

Bintuntu ke kawukaka,

Kansi ndinga ya Nzambi na beto ke zingaka kimakulu.”+

 9 Tombuka na ngumba ya nda,

Nge nkento ya ke nata nsangu ya mbote sambu na Sioni.+

Tombula ndinga na nge na ngolo yonso,

Nge nkento ya ke nata nsangu ya mbote sambu na Yeruzalemi.

10 Tala! Yehowa Mfumu ya Kuluta Nene ta kwisa ti ngolo,

Mpi diboko na yandi ta yala sambu na yandi.+

Tala! Matabisi na yandi kele ti yandi,

Mpi lufutu yina yandi ke pesa kele na ntwala na yandi.+

Ti diboko na yandi, yandi ta vukisa bana-mameme,

Mpi yandi ta nata bo na ntulu na yandi.

12 Nani me tesaka bamasa na diboko na yandi+

Mpi me tesaka zulu ti kitamina ya misapi ya diboko na yandi?*

Nani me tulaka mfututu ya ntoto+ na kitesilu

To me tesaka bangumba ya nene na bima ya kutesila

Mpi bangumba ya fioti na bakilo?

13 Nani me tesaka* mpeve ya Yehowa,

Mpi nani lenda longa yandi bonso ndongisi na yandi?+

14 Yandi pesanaka mabanza ti nani sambu na kubaka mayele ya kubakisa mambu,

To nani ke longaka yandi na nzila ya lunungu,

To ke longaka yandi nzayilu,

To ke songaka yandi nzila ya mayele ya kieleka ya kubakisa mambu?+

15 Tala! Makanda kele bonso ditonsi ya masa na kantini,

Mpi bo ke monaka bo bonso mwa mfututu na zulu ya bakilo.+

16 Libani nkutu me fwana ve na kusala nde tiya kulanda kupela,*

Mpi bambisi na yo ya mfinda me fwana ve sambu na dikabu ya kuyoka.

17 Na meso na yandi makanda yonso kele bonso kima mosi ya ke vandaka ve na luzingu;+

Yandi ke monaka bo bonso kima ya mpamba, bonso ata kima mosi ve.+

19 Muntu yina ke salaka bisalu ya maboko me sala kiteki,*

Muntu ya ke salaka bima ya bibende me pakula yo wolo,+

Mpi yandi ke sala bashene ya arza.

20 Yandi ke sola nti sambu yandi pesa yo dikabu,+

Nti yina ta pola ve.

Yandi ke sosa muntu yina me zaba kisalu ya maboko mbote

Sambu yandi sala kiteki yina lenda nikana ve.+

22 Kele ti Muntu yina ke zingaka na zulu ya nkongolo ya ntoto,+

Mpi bantu yina ke zingaka na kati kele bonso bampasu.

Yandi ke tandula zulu bonso lele ya pete-pete,

Mpi yandi ke tandula yo bonso tenta sambu na kuzinga kuna.+

23 Yandi ke kulumusa bamfumu ya nene

Mpi ke kumisa bazuzi* ya ntoto kima mosi ya ke vandaka ve.

24 Bo ke kunaka yo na mpasi,

Bo ke mwangaka yo na mpasi,

Nti na yo ke tulaka misisa na ntoto na mpasi,

Mupepe ke bulaka yo mpi yo ke yumaka,

Mpi mupepe ke nataka yo ntama bonso nianga.+

Yo kele Muntu yina ke basisaka makesa na yo na kutadila ntalu na yo;

Yandi ke bingaka yo yonso na zina na yo.+

Sambu na ngolo na yandi ya mingi kibeni mpi na ngolo na yandi ya ke pesaka boma,+

Ata mosi ve na kati na yo me konda.

27 O Yakobi, sambu na nki nge ke tuba, O Izraele, sambu na nki nge ke tuba, nde:

‘Nzila na mono kele ya kubumbana na meso ya Yehowa,

Mpi Nzambi ke sambisa ve mambu na mono na lunungu’?+

29 Yandi ke pesaka ngolo na muntu yina me lemba

Mpi ngolo ya mingi na bantu yina me konda kikesa.+

30 Bana-babakala ta lemba mpi ngolo na bo ta mana,

Mpi baleke ya babakala ta bula sakuba mpi ta bwa,

31 Kansi bantu yina ke tulaka kivuvu na Yehowa ta baka diaka ngolo.

Bo ta baka ntinu mpi ngolo na bo ta mana ve;

Bo ta tambula mpi ta lemba ve.”+

41 “Beno bisanga, beno wa mono, beno vanda pima;*

Bika makanda kubaka diaka ngolo na bo.

 2 Nani me tedimisaka muntu katuka na ndambu yina ntangu ke basikaka,*+

Mpi ke bingaka yandi na lunungu na makulu na yandi,*

Sambu na kupesa makanda na maboko na yandi

Mpi kusala nde yandi yala bantotila?+

Nani ke kumisaka bo mfututu na ntwala ya mbele na yandi ya bitumba,

Bonso nianga ya ke pumbuka na mupepe na ntwala ya munduki na yandi ya tolo-tolo?

 3 Yandi ke landa bo, mpi ke luta kukonda kima mosi ya ke kanga yandi nzila

Na banzila yina makulu na yandi me lutaka ve.

 4 Nani me salaka mpi me lungisaka diambu yai,

Nani ke bingaka bimvuka ya bantu katuka luyantiku?

Mono, Yehowa, mono kele Muntu ya Ntete;+

Mpi sambu na bantu ya nsuka, mono kele kaka kiteso mosi.”+

 6 Konso muntu ke sadisa nduku na yandi

Mpi ke tubila mpangi na yandi nde: “Vanda ngolo.”

 7 Mutindu mosi mpi muntu yina ke salaka bisalu ya maboko ke pesa kikesa na muntu yina ke salaka bima ya bibende;+

Muntu yina ke kumisaka bima kipala-pala ti marto

Ke pesa kikesa na muntu yina ke bula marto na kima ya kubudila bibende.

 8 “Kansi nge, O Izraele, nge kele nsadi+ na mono,

O Yakobi, nge muntu yina mono me solaka,+

Bana* ya Abrahami nduku na mono,+

 9 Nge ya mono bakaka na nsuka ya ntoto,+

Mpi nge ya mono bingaka tuka bisika na yo ya kuluta ntama.

Mono tubilaka nge nde, ‘Nge kele nsadi na mono;+

Mono me solaka nge; mono me buyaka nge ve.+

Mono ta pesa nge kikesa, ee, mono ta sadisa nge,+

Mono ta simba nge mpenza ngolo na diboko na mono ya kitata ya lunungu.’

12 Nge ta sosa bantu yina ke nwana ti nge, kansi nge ta mona bo ve;

Bantu yina ke nwanisa nge ta kuma bonso kima mosi ya kele ve, bonso bima ya mpamba.+

13 Sambu mono Yehowa Nzambi na nge, mono ke simba ngolo diboko na nge ya kitata,

Mono Muntu ke tubila nge nde, ‘Kuwa boma ve. Mono ta sadisa nge.’+

14 Kuwa boma ve, nge Yakobi+ musobi,*

Beno bantu ya Izraele, mono ta sadisa beno,” Yehowa muntu me tuba, Muntu ya ke sumba nge diaka,+ Santu ya Izraele.

15 “Tala! Mono me kumisa nge kima ya bo ke tutaka bambuma sambu na kukatula yo bampusu,+

Kima ya mpa ya makasi zole ya bo ke tutaka bambuma sambu na kukatula yo bampusu.

Nge ta niata bangumba mpi ta panza yo

Mpi ta sala nde bangumba ya fioti kukuma bonso bampusu.

16 Nge ta katula yo bampusu,

Mpi mupepe ta nata yo ntama;

Mupepe ya ngolo ta panza yo.

Nge ta vanda na kiese na Yehowa,+

Mpi nge ta kudikumisa na Santu ya Izraele.”+

18 Mono ta sala nde banzadi kukulumuka na bangumba ya fioti ya me konda banti+

Mpi banto ya masa na miwanda.+

Mono ta sala nde ntoto-makanga kukuma kiziba ya masa ya me fuluka ti balukengi

Mpi insi ya me konda masa kukuma banto ya masa.+

19 Na ntoto ya zelo na zelo mono ta kuna nti ya sedre,

Nti ya akasia, nti ya mirte, ti nti ya pini.+

Na ntoto ya zelo na zelo mono ta kuna nti ya yenevriye,

Kumosi ti nti ya frene mpi nti ya sipre,+

20 Sambu bantu yonso kumona mpi kuzaba

Kutula dikebi mpi kubakisa

Nde diboko ya Yehowa me sala yo,

Mpi Santu ya Izraele me ganga yo.”+

Beno tela beto mambu ya ntama,*

Sambu beto yindulula yo* mpi beto zaba nsuka na yo.

23 Beno songa beto mambu yina ta salama na bilumbu ke kwisa,

Sambu beto zaba nde beno kele banzambi.+

Ee, beno sala kima mosi, ya mbote to ya mbi,

Sambu beto yituka ntangu beto ta mona yo.+

24 Tala! Beno kele kima mosi ya ke zingaka ve,

Mpi kima ya beno me sala kele mpamba.+

25 Mono me tedimisa muntu mosi katuka na ndambu ya nordi, mpi yandi ta kwisa,+

Muntu mosi katuka na ndambu yina ntangu ke basikaka,*+ yina ta binga zina na mono.

Yandi ta niata bamfumu* bonso nde bo vandaka ntoto ya tuma,+

Bonso muwumbi yina ke niata-niata ntoto ya tuma ya poto-poto.

26 Nani tubilaka mambu yai katuka luyantiku, sambu beto zaba yo,

To tuka bantangu ya me luta sambu beto tuba nde, ‘Keti yandi ke tuba masonga’?+

28 Kansi mono landaka kutala, mpi ata muntu mosi vandaka ve;

Ata muntu mosi vandaka ve na kati na bo sambu na kupesa ndongisila.

Mono me tula mpeve na mono na kati na yandi;+

Yandi ta tula lunungu na makanda.+

 2 Yandi ta boka ve mpi ta tombula ve ndinga na yandi,

Mpi yandi ta sala ve nde ndinga na yandi kuwakana na bala-bala.+

 3 Yandi ta zenga ve lukengi ya bo me konika,

Mpi yandi ta fwa ve+ tiya ya nsinga ya mwinda yina ke pela mbote ve.

 4 Yandi ta lemba ve mpi bo ta bedisa yandi ve tii kuna yandi ta tula lunungu na ntoto;+

Mpi bisanga ke landa kuvingila nsiku* na yandi.

 5 Yai kele mambu yina Nzambi ya kieleka, Yehowa, me tuba,

Ngangi ya zulu mpi Muntu ya Nene yina tandulaka yo,+

Muntu yina tandulaka ntoto ti bima na yo,+

Muntu yina ke pesaka mpema na bantu yina ke zingaka na zulu na yo+

Mpi yina ke pesaka mpeve na bantu yina ke tambulaka na zulu na yo:+

 6 “Mono Yehowa, mono me binga nge na lunungu;

Mono me simba diboko na nge.

Mono ta tanina nge mpi ta pesa nge bonso kuwakana sambu na bantu+

Mpi bonso nsemo ya makanda,+

 7 Sambu nge kangula meso ya bifwa-meso,+

Nge basisa muntu ya boloko na boloko ya nsi ya ntoto

Mpi nge basisa na boloko+ bantu yina me vanda na mpimpa.

 8 Mono kele Yehowa. Yo yina zina na mono;

Mono ke pesaka ve nkembo na mono na muntu ya nkaka,*

Mono ke pesaka mpi ve lukumu na mono na biteki.+

 9 Tala, mambu ya ntete me luta;

Ntangu yai mono ke zabisa mambu ya mpa.

10 Beno yimbila Yehowa nkunga+ ya mpa,

Lukumu na yandi katuka na nsuka ya ntoto,+

Beno bantu yina ke kulumuka na nzadi-mungwa mpi bima yonso yina ke fulusa yo,

Beno bisanga mpi bantu na yo.+

11 Bika nde ntoto-makanga mpi bambanza na yo kutombula ndinga na bo,+

Babwala yina Kedare+ ke zingaka.

Bika nde bantu yina ke zingaka na ditadi kutula milolo ya kiese;

Bika nde bo boka tuka na nsongi ya bangumba.

12 Bika nde bo pesa nkembo na Yehowa

Mpi bo zabisa lukumu na yandi na bisanga.+

Yandi ta boka, ee, yandi ta tula mulolo ya bitumba;

Yandi ta kudimonisa muntu ya ngolo kuluta bambeni+ na yandi.

Bonso nkento mosi ya ke buta,

Mono ta dila, ta pema ntinu-ntinu, mpi ta yituka na mbala mosi.

15 Mono ta bebisa bangumba ya nene ti bangumba ya fioti

Mpi ta yumisa matiti na yo yonso.

Mono ta kumisa banzadi bisanga*

Mpi ta yumisa mazanga ya masa+ ya me fuluka ti balukengi.

16 Mono ta nata bifwa-meso na nzila yina bo me zaba ve+

Mpi ta sala nde bo tambula na banzila+ yina bo me yikanaka ti yo ve.

Mono ta kumisa mpimpa ya kele na ntwala na bo nsemo+

Mpi ta kumisa ntoto ya mabulu-mabulu ntoto ya kukonda ngumba.+

17 Bantu yina ke tulaka ntima na biteki,

Bantu yina ke tubaka na biteki ya bibende* nde: “Beno kele banzambi+ na beto,”

Bo ta vutula bo nima mpi ta pesa bo nsoni kibeni,

18 Beno wa, beno bantu yina kele bifwa-makutu;

Beno tala mpi beno mona, beno bantu yina kele bifwa-meso.+

19 Nani kele kifwa-meso katula nsadi na mono,

Nani kele kibeni kifwamakutu bonso kinati-nsangu ya mono ke tinda?

Nani kele kibeni kifwa-meso bonso muntu ya mono me pesaka matabisi,

Nani kele kibeni kifwa-meso bonso nsadi ya Yehowa?+

21 Sambu na lunungu na yandi,

Yehowa me wa kiese na kutombula nsiku* mpi kukumisa yo ya nkembo.

22 Kansi bantu yai kele bantu ya bo me botula bima mpi ya bo me baka bima na kingolo-ngolo;+

Bo yonso me kangama na mutambu na mabulu mpi me bumbana na baboloko.+

Bo me botula bo bima kukonda muntu ya kusadisa bo,+

Mpi bo me baka bo bima na kingolo-ngolo kukonda muntu ya kutuba nde: “Beno vutula yo!”

24 Nani me pesaka Yakobi sambu bo baka yandi bima na kingolo-ngolo

Mpi Izraele na bantu ya ke botulaka bima?

Bo buyaka kutambula na banzila na yandi,

Mpi bo vandaka ve kulemfukila+ nsiku* na yandi.

25 Yo yina yandi landaka kumonisila yandi nganzi,

Makasi na yandi mpi makasi ya bitumba.+

43 Yai mambu yina Yehowa me tuba,

Ngangi na nge, O Yakobi, Muntu yina salaka nge, O Izraele:+

 2 Ntangu nge ta luta na kati ya bamasa, mono ta vanda ti nge,+

Mpi ntangu nge ta luta na kati ya banzadi, yo ta dindisa nge ve.+

Ntangu nge ta tambula na kati ya tiya, nge ta zika ve,

Ludimi ya tiya ta yoka nge mpi ve.

 3 Sambu mono kele Yehowa Nzambi na nge,

Santu ya Izraele, Ngulusi na nge.

Mono me pesa Ezipte bonso nkudulu sambu na nge,

Etiopia mpi Seba na kisika na nge.

 4 Sambu nge kumaka na mfunu mingi na meso na mono,+

Mono pesaka nge lukumu mpi mono zolaka nge.+

Yo yina mono ta pesa bantu na kisika na nge

Mpi makanda na kisika ya luzingu* na nge.

Mono ta nata bana* na nge katuka na ndambu ya esti

Mpi ta vukisa beno kumosi katuka na ndambu ya westi.+

Nata bana na mono ya babakala katuka na kisika ya ntama, mpi bana na mono ya bankento katuka na nsuka ya ntoto,+

 7 Konso muntu yina bo ke binga na zina na mono+

Mpi yina mono gangaka sambu na nkembo na mono mosi,

Yina mono yidikaka mpi salaka.’+

 8 Basisa bantu yina kele bifwa-meso, ata bo kele na meso,

Mpi bantu yina kele bifwa-makutu, ata bo kele na makutu.+

 9 Bika makanda yonso kuvukana kisika mosi,