Kana “Mupepe Ata Mosi Ve Kele Mupepe Ya Mbote”

“KANA muntu kezaba ve na inki dibungu yandi kekwenda, mupepe ata mosi ve kele mupepe ya mbote.” Bangogo yai ya filozofe ya Roma ya mvunkama ya ntete Lucius Annaeus Seneca, kele ti kyeleka mosi ya mezabanaka ntama nde: Sambu luzingu kuvanda ti lutwadisu, balukanu kele mfunu.

Kansi, mbala mingi, luzingu kevandaka ya kukonda lukanu. Bamingi kesepelaka kaka na kutina matadi ya nene ti banzyeta ya luzingu ya lumbu na lumbu. Nkatu kubaka pozisio ya kyeleka, bau kekumaka bonso bitembo yina ya “mupepe kenataka na ntwala na mbala ya ntete, ye kevutulaka na nima na mbala ya nima.” (Yakobo 1:​6, Phillips) Sambu na bantu ya mutindu yina, “mupepe ata mosi ve kele mupepe ya mbote.”

Biblia kepesa bambandu ya bantu yina kuvandaka ti balukanu, na kusadisaka bonso bambandu ya kulanda sambu na Bakristu bubu yai. “Meso [ya Moize] vandaka ke tala kaka matabisi yina kele na ntwala.” (Baebreo 11:26) Polo kusonikaka nde: “Mono kebaka ntinu kaka tii na lukanu sambu na kubaka lufutu.” Yandi kusyamisaka bankundi bankwikidi na “kuvanda ti mboninu ya mutindu mosi.”​—⁠Filipi 3:​14, 15, “Today’s English Version.”

Ti meso na beto ya kutula mbotembote na zulu ya balusilu ya Biblia, bika beto kulanda lukwikilu ya bantu ya lukanu ya mutindu yai.​—⁠Fwanisa ti Baebreo 13:⁠7.

[Caption on page 32]

[Box]

Keti Nge Tazola Mvutukilu Mosi?

Ata na kati ya nza yai ya mavwanga, nge lenda kubaka kyese na nsadisa ya nzayilu ya kyeleka ya Biblia kepesa na yina ketala Nzambi, Kimfumu na yandi mpi lukanu ya kitoko ya yandi kusalaka sambu na bantu. Kana nge tazola kuzaba mambu ya nkaka to nge tazola nde muntu mosi kukwisa kulonguka ti nge Biblia ya ofele na nzo, beto kelomba nge na kusonika na Association “Les Témoins de Jéhovah,” B.P.634 Limete, Kinshasa, Zaïre, to na mosi na adresi mebonga na nge. (Tala na lutiti 2.)