Kikalulu ya Kufwa Bansiku Kele Mingi na Ntoto ya Mvimba​—Inki Biblia Ke Tuba?

Na Haïti bantu ya nku ke sala mubulu mingi. Mambu ya mubulu yina bantu ke sala ke nata bampasi na Afrique du sud, na Mexique mpi na bansi ya nkaka ya Amerique latine. Ata na bisika yina mubulu kele ve, bantu ke vandaka ve na lutaninu mpi ke zingaka ti basusi sambu na bansangu ya mubulu bonso muyibi, kubotula bima ya bantu mpi kuyoka bima ya bantu tiya.

Inki Biblia ke tuba sambu na kikalulu ya kufwa bansiku yina ke salama na ntoto ya mvimba?

Mambu yina Biblia tubaka na ntwala sambu na kikalulu ya kufwa bansiku

Biblia tubaka na ntwala nde kikalulu ya kufwa bansiku ta vanda kidimbu ya nsuka ya nsi-ntoto. (Matayo 24:3) Ntangu Yezu Kristu tubilaka mambu yina kele na kati ya kidimbu yina, yandi tubaka nde:

• “Sambu kikalulu ya kufwa bansiku ta kuma mingi, zola ya bantu mingi ta bwa madidi.”​—Matayo 24:12.

Biblia tubaka mpi na ntwala nde “na bilumbu ya nsuka” bantu ta vanda “bantu ya me konda kudiyala, bantu ya nku, bantu ya ke zolaka ve mambu ya mbote.” (2 Timoteo 3:1-5) Bikalulu yai ya mbi ke sala nde bantu kuvanda ti kikalulu ya kufwa bansiku bubu yai.

Kansi beto kele ti kikuma ya mbote ya kuvanda ti kivuvu. Biblia ke tuba nde ntama mingi ve, kikalulu ya kufwa bansiku ta vanda diaka ve.

• “Kubika kaka fioti, mpi bantu ya mbi ta vanda diaka ve; nge ta tala kisika yina bo vandaka, mpi bo ta vanda ve pana. Kansi bantu ya kudikulumusa ta baka ntoto, mpi bo ta wa kiese mingi kibeni na ngemba ya mingi.”​—Nkunga 37:10, 11.

Longuka mambu mingi na yina me tala kivuvu yina kele na Biblia mpi sambu na nki nge lenda ndima nde mambu yai ya beto ke mona bubu ke lungisa mambu yina Biblia tubaka dezia na ntwala nde yo ta salama. Tadila masolo yai ya ke landa.

“Kivuvu ya Kieleka Sambu na Bilumbu ya Ke Kwisa”

“Inki Kele Kidimbu ya ‘Bilumbu ya Nsuka’ to ‘Ntangu ya Nsuka’?”

“Keti Biblia Tubilaka Dezia Mambu Yina Bantu Ke Yindula mpi Ke Sala Bubu Yai?”