Inki Kimfumu ya Nzambi Ta Sala Sambu na Mpasi ya Mbongo?

Kuzwa mbongo ya me fwana sambu na kuzinga kele mpasi mingi sambu na bantu mingi na ntoto mpi kuzwa mbongo ta landa kukuma diaka mpasi mingi.

• Na kutadila rapore mosi ya me katuka kubasika,a “bantu ke sumba bima fioti kibeni ti mbongo yina bo ke zwa.” Rapore yango ke monisa dezia na ntwala nde kana ata kima mosi ve kusoba, “luswaswanu ta vanda ya nene na kati ya bamvwama ti bansukami,” mpi “mabuta mingi ta vanda ve ti luzingu ya mbote bonso na bilumbu ya me luta.”

Keti baluyalu kele ti kiyeka ya kumanisa mpasi ya mbongo to nkutu ya kuyidika diambu yai?

Biblia ke tuba nde yo kele ti luyalu mosi yina kele ti kiyeka ya kumanisa mpasi ya mbongo mpi yo ta sala nde bantu yonso kuvanda kiteso. Biblia ke tuba nde “Nzambi ya zulu ta tula kimfumu mosi,” disongidila luyalu mosi yina ta kuka kuyidika mambu yonso na ntoto. (Daniele 2:44) Ntangu luyalu yina ta yala, bo ta vila ve to ta yambula ve ata muntu mosi. (Nkunga 9:18) Bantu yonso yina Kimfumu ya Nzambi ta yala ta vanda ti bima yonso yina bo ta vanda ti yo mfunu sambu bo vanda na kiese. Bantu yonso ta sepela sambu na kisalu na bo ya ngolo.—Yezaya 65:21, 22.