Manaka Sambu na Mposo ya Desembri 15

Nkunga 1 mpi Kisambu

Kulonguka ya Biblia ya Dibundu:

cl kapu 17 § 9-16 (Min. 30)

Nzo-Nkanda ya Kisalu ya Teokrasi:

Lutangu ya Biblia: Yozue 6-8 (Min. 10)

No. 1: Yozue 8:18-29 (Min. 4 to na nsi ya minuta 4)

No. 2: Inki Mambu Ke Monisaka nde Muntu Kele ti Mpeve Santu?​—rs-F lut. 137 § 1-4 (Min. 5)

No. 3: Mbeni​—Satana Diabulu Kele Mbeni ya Kuluta Mbi—​it-1-F lut. 52 § 2-4 (Min. 5)

Lukutakanu ya Kisalu:

Ntu-Diambu ya Ngonda: Beto tuba “mambu ya mbote” ya bo me longaka beto.​—Mat. 12:35a.

Nkunga 101

Min. 15: “Longuka Biblia Mbote-Mbote ti Bantu.” Disolo na bangiufula mpi bamvutu. Na nima ya kutadila paragrafe 3, sadisa nsonga ya bitini zole ya ke monisa nsamuni mosi ke longuka Biblia ti longoki na mukanda Biblia Kelongaka na kapu 15, na paragrafe 8. Na kitini ya ntete, nsamuni ke tuba mingi. Na kitini ya zole, nsamuni ke yula longoki bangiufula ya ke pusa longoki yango na kupesa dibanza na yandi sambu nsamuni kubakisa bangindu ya longoki.

Min. 15: Kisadilu Yina Ta Sadisa Nge na Kudibongisa Sambu na Kulonguka Biblia ti Bantu. Disolo ti Bawi. Benda dikebi ya bawi na dilongi ya jw.org yina kele ti ntu-diambu “Qu’enseigne La Bible ?” (Bweta LA BIBLE ET VOUS mpi na nima bweta > ADOLESCENTS.) Beno tubila mutindu beno lenda sadila dilongi yai sambu na kulonguka Biblia mbote-mbote ti baleke mpi bambuta. Inki mutindu bangiufula ya bo me yula na lutiti yina lenda simba ntima ya longoki? Sadisa nsonga ya ke monisa nsamuni mosi ke kuditubila ntangu yandi ke sadila lutiti mosi ya bangiufula sambu yo sadisa yandi na kuyindula bampusa ya longoki mpi na kupona bangiufula ya mbote. Kana bansamuni ya dibundu na beno ke zaba ve kusadila Internet, sadila ntu-diambu: “Kudibongisa Sambu na Kulonguka Biblia ti Bantu.” Beno tadila kapu ya 1 ya mukanda Biblia Kelongaka na nsadisa ya bangiufula ya ke landa: (1) Inki mvutu nge ta pesa kana muntu kuyula nge nde keti Nzambi ke niokulaka bantu ya mbi sambu na kupesa bo ndola? Inki verse nge lenda sadila sambu na kupesa mvutu? Sambu na nki nge ke zolaka verse yango? (2) Inki mvutu nge ta pesa kana muntu kutuba nde kana Nzambi nkwa-ngolo yonso ke kudibanzaka sambu na beto, sambu na nki yandi ke kangaka ve nzila na mambu ya mbi? Inki verse nge lenda sadila sambu na kupesa mvutu? Sambu na nki nge ke zolaka verse yango? Na nsuka, siamisa bawi na kukuma balongi ya mbote mpi na kusadila mambu ya mbote ya beto me longukaka sambu na kusimba ntima ya balongoki ya Biblia.​—Bing. 20:5.

Nkunga 99 mpi Kisambu