Kuyantika Disolo
DILONGI 2
Kudindamana Ve
Munsiku: “Ngogo yina bo me tuba na ntangu ya mbote—yo ke vandaka mbote kibeni!”—Bing. 15:23.
Mambu ya Filipo Salaka
1. Tala VIDEO, to tanga Bisalu 8:30, 31. Na nima, tadila bangiufula yai:
Inki mutindu Filipo yantikaka disolo?
Sambu na nki yo vandaka mutindu ya mbote ya kuyantika disolo mpi ya kulonga muntu yango kima mosi ya mpa?
Mbandu ya Filipo Ke Longa Beto Inki?
2. Kana beto ke nata ve disolo na kingolo-ngolo, yo lenda sala nde muntu yina beto ke solula ti yandi kudiwa mbote mpi yandi ndima nsangu yina beto ke longa yandi.
Landa Mbandu ya Filipo
3. Sadila meso na nge. Bidimbu ya muntu ke sala na elungi, na maboko mpi na nitu lenda songa beto mambu mingi. Keti yo ke monana nde yandi ke ndima kusolula ti nge? Sambu na kuyantika kutubila kieleka mosi ya kele na Biblia, nge lenda yula yandi kaka nde: “Keti nge zabaka nde . . . ?” Kudindamana ve na kusolula ti muntu yina ke zola ve kutuba.
4. Vanda ntima-nda. Kuyindula ve nde nge fwete tubila mbala mosi mambu ya kele na Biblia. Kinga dibaku ya mbote sambu na kutubila yo. Bantangu ya nkaka, yo lenda lomba nde nge vingila tii kuna nge ta solula diaka ti yandi na mbala ya nima.
5. Kukangama ve na disolo mosi. Muntu lenda yantika kusonga nge mambu ya nkaka ya nge yidikaka ve. Vanda ti luzolo ya kusonga yandi kima mosi na Biblia ya me fwana sambu na yandi, ata yo ke lomba nde nge solula ti yandi kieleka ya nkaka ya Biblia yina nge kanaka ve kutubila.