Bakieleka ya Beto Ke Zolaka Kulonga

Yezu tubaka nde bantu ya ntima ya mbote ta zaba kieleka ntangu bo ta wa yo. (Yoa. 10:4, 27) Yo yina ntangu yonso ya beto ke solulaka ti bantu, beto ke zolaka kulonga bo mambu ya pete mpi ya kieleka ya kele na Biblia. Sambu na kuyantika kutubila kieleka mosi buna, nge lenda yula muntu nde: “Keti nge zabaka nde . . . ?” to “Keti nge me waka dezia nde . . . ?” Na nima, sadila verse to baverse ya ke tubila kieleka yango sambu na kutendula yo. Kana nge longa muntu kieleka mosi ya pete ya Biblia, yo lenda kota na ntima na yandi, mpi Nzambi lenda yedisa yo.​—1 Bak. 3:6, 7.

• Bilumbu Ke Kwisa

• Dibuta

• Nzambi

• Kisambu

• Yezu

• Kimfumu ya Nzambi

• Bampasi

• Lufwa

• Dibundu

BILUMBU KE KWISA

1. 1. Mambu ya ke salama bubu mpi bikalulu ya bantu ke monisa nde nsoba mosi ta salama ntama ve.​—Mat. 24:3, 7, 8; Luka 21:10, 11; 2 Tim. 3:1-5.

2. 2. Bo ta fwa ntoto ve ata fioti.​—Nk. 104:5; Lon. 1:4.

3. 3. Mambu ya me tala mupepe, climat mpi buna na buna ta bonga.​—Yez. 35:1, 2; Kus. 11:18.

4. 4. Bantu yonso ta vanda ti sante ya kukuka.​—Yez. 33:24; 35:5, 6.

5. 5. Nge lenda zinga mvula na mvula na ntoto.​—Nk. 37:29; Mat. 5:5.

DIBUTA

1. 6. Bakala fwete “zola nkento na yandi mutindu yandi ke kudizolaka.”​—Baef. 5:33; Bakol. 3:19.

2. 7. Nkento fwete pesa bakala na yandi luzitu ya mudindu.​—Baef. 5:33; Bakol. 3:18.

3. 8. Bakala ti nkento fwete kangama ngolo bo zole.​—Mal. 2:16; Mat. 19:4-6, 9; Baeb. 13:4.

4. 9. Bana yina ke zitisaka mpi ke lemfukilaka bibuti na bo ta zinga mbote.​—Bing. 1:8, 9; Baef. 6:1-3.

NASA, ESA and the Hubble Heritage Team (STScI/​AURA)-ESA/​Hubble Collaboration. Licensed under CC BY 4.0. Source.

NZAMBI

1. 10. Nzambi kele ti zina.​—Nk. 83:18; Yer. 10:10.

2. 11. Nzambi me pesaka beto nsangu mosi ya mfunu.​—2 Tim. 3:16, 17; 2 Pie. 1:20, 21.

3. 12. Nzambi ke ponaka-ponaka ve.​—Kul. 10:17; Bis. 10:34, 35.

4. 13. Nzambi ke zola kusadisa beto.​—Nk. 46:1; 145:18, 19.

KISAMBU

1. 14. Nzambi ke zola nde beto samba yandi.​—Nk. 62:8; 65:2; 1 Pie. 5:7.

2. 15. Biblia ke longa beto mutindu ya kusamba.​—Mat. 6:7-13; Luka 11:1-4.

3. 16. Beto fwete samba mbala na mbala.​—Mat. 7:7, 8; 1 Bate. 5:17.

YEZU

1. 17. Yezu vandaka longi ya nene mpi bandongisila na yandi ke sadisaka ntangu yonso.​—Mat. 6:14, 15, 34; 7:12.

2. 18. Yezu tubilaka na ntwala mambu ya beto ke mona bubu.​—Mat. 24:3, 7, 8, 14; Luka 21:10, 11.

3. 19. Yezu kele Mwana ya Nzambi.​—Mat. 16:16; Yoa. 3:16; 1 Yoa. 4:15.

4. 20. Yezu kele ve Nzambi Nkwa-Ngolo Yonso.​—Yoa. 14:28; 1 Bak. 11:3.

Based on NASA/Visible Earth imagery

KIMFUMU YA NZAMBI

1. 21. Kimfumu ya Nzambi kele luyalu mosi ya kieleka yina kele na zulu.​—Dan. 2:44; 7:13, 14; Mat. 6:9, 10; Kus. 11:15.

2. 22. Kimfumu ya Nzambi ta baka kisika ya baluyalu ya bantu.​—Nk. 2:7-9; Dan. 2:44.

3. 23. Kimfumu ya Nzambi kele kima mosi mpamba ya ta manisa bampasi ya bantu.​—Nk. 37:10, 11; 46:9; Yez. 65:21-23.

BAMPASI

1. 24. Nzambi ve muntu ke natilaka beto bampasi.​—Kul. 32:4; Yak. 1:13.

2. 25. Satana muntu ke twadisaka nsi-ntoto yai.​—Luka 4:5, 6; 1 Yoa. 5:19.

3. 26. Nzambi ke kudiyangisaka sambu na bampasi na nge.​—Nk. 34:17-19; Yez. 41:10, 13.

4. 27. Nzambi ta manisa bampasi ntama ve.​—Yez. 65:17; Kus. 21:3, 4.

LUFWA

1. 28. Bafwa ke zabaka kima ve; bo ke niokwamaka ve.​—Lon. 9:5; Yoa. 11:11-14.

2. 29. Bafwa lenda sadisa beto ve to kusala beto mbi.​—Nk. 146:4; Lon. 9:6, 10.

3. 30. Bantu ya beto vandaka kuzola ya me fwaka ta futumuka.​—Yobi 14:13-15; Yoa. 5:28, 29; Bis. 24:15.

4. 31. “Lufwa ta vandaka diaka ve.”​—Kus. 21:3, 4; Yez. 25:8.

DIBUNDU

1. 32. Mabundu yonso ve ke sepedisaka Nzambi.​—Yer. 7:11; Mat. 7:13, 14, 21-23.

2. 33. Yehowa ke zolaka ve ata fioti bantu ya luvunu.​—Yez. 29:13; Mika 3:11; Mar. 7:6-8.

3. 34. Dibundu ya kieleka ke zabanaka na zola ya kieleka.​—Mika 4:3; Yoa. 13:34, 35.