Maũndũ Marĩa Marĩ Thĩinĩ wa Gĩcigo gĩa 14

Akristiano a tene maahunjirie ũhoro ũrĩa mwega wa Ũthamaki ituri-inĩ ciothe cia thĩ. Jesu nĩ aamerekeirie kũrĩa mangĩahunjirie na akĩmahotithia kũruta andũ na thiomi ciao na njĩra ya kĩama. Jehova nĩ aamaheire ũmĩrĩru na hinya wa kũhota gũtooria hĩndĩ ĩrĩa maanyariragwo na njĩra nene.

Jesu nĩ oonirie mũtũmwo Johana kĩoneki kĩa riri wa Jehova. Kĩoneki-inĩ kĩngĩ, Johana oonire Ũthamaki wa igũrũ ũgĩtooria Shaitani na ũtongoria wake tene na tene. Nĩ oonire Jesu arĩ Mũthamaki hamwe na andũ 144,000 arĩa magaathana nake. Ningĩ nĩ oonire thĩ yothe ĩtuĩkĩte paradiso, kũrĩa andũ othe maathathayagia Jehova marĩ na thayũ na ũrũmwe.