Ngai Agaga Kũigua Mahoya Mamwe Nĩkĩ?

Macokio ma Bibilia

Nĩ kũrĩ mahoya Ngai atathikagĩrĩria. Reke tuone maũndũ merĩ mangĩtũma Ngai age kũigua mahoya maku.

1. Mahoya mangĩaga kũringana na wendi wa Ngai

Ngai ndacokagia mahoya marĩa matararingana na wendi wake ũrĩa ũrĩ thĩinĩ wa Bibilia. (1 Johana 5:14) Kwa ngerekano, Bibilia ĩtwĩraga twĩtheme gũkoroka. Gũũtha kamarĩ gũtũmaga mũndũ akũrie ũkoroku. (1 Akorintho 6:9, 10) Kwoguo, Ngai ndangĩkũigua ũngĩmũhoya ũhotane gĩũthi-inĩ ta kĩu. Ngai ti roho wa mũthemba mũna tũngĩatha ũtũhingagĩrie ũndũ o wothe tũrerirĩria. Na ũndũ ũcio wagĩrĩire gũtwĩkĩra ngoro mũno tondũ, gũtangĩrĩ ũguo tũngĩtũũraga na guoya nĩ ũndũ wa maũndũ marĩa andũ mangĩhoyaga Ngai eke.—Jakubu 4:3.

2. Angĩkorũo mũndũ ũrĩa ũrahoya nĩ mũremi

Ngai ndaiguaga mahoya ma andũ arĩa mamũremagĩra na rũtũrĩko. Kwa ngerekano, Ngai eerire andũ arĩa mooigaga atĩ nĩ maramũthathaiya no mageeka maũndũ moru ũũ: “Hĩndĩ ĩrĩa mũrĩhoyaga mahoya maingĩ, ndirĩmũiguaga; amu moko manyu maiyũrĩtwo nĩ thakame.” (Isaia 1:15) No mangĩacenjirie mĩthiĩre yao na ‘macire’ na Ngai, nĩ angĩathikĩrĩirie mahoya mao.—Isaia 1:18.