Rutwo Nĩ Kiugo Kĩa Ngai

Ũthamaki wa Ngai nĩ Kĩĩ?

Gĩcunjĩ gĩkĩ kĩrĩ na ciũria hihi waneyũria na nĩ kĩronania harĩa ũngĩthoma macokio ma ciũria icio thĩinĩ wa Bibilia yaku. Aira a Jehova no makenere kwarĩrĩria macokio macio hamwe nawe.

1. Ũthamaki wa Ngai nĩ kĩĩ?

Ũthamaki wa Ngai nĩ thirikari ya igũrũ. Nĩ ũgacoka ithenya rĩa thirikari ici ingĩ na ũtũme wendi wa Ngai wĩkagwo igũrũ o na gũkũ thĩ. Kwoguo Ũthamaki wa Ngai nĩguo thirikari njega ĩrĩa tũbataraga.—Thoma Danieli 2:44; Mathayo 6:9, 10.

No mũhaka ũthamaki ũkorũo na mũthamaki. Jehova nĩ athuurĩte Mũriũ wake Jesu, atuĩke Mũthamaki wa Ũthamaki Wake.—Thoma Luka 1:30-33.

2. Nĩkĩ Jesu nĩwe Mũtongoria ũrĩa wagĩrĩire?

Mũriũ wa Ngai nĩwe Mũthamaki ũrĩa wagĩrĩire tondũ nĩ mũtugi, nĩ wa kĩhooto, na arĩ na hinya wa kũigana gũteithia andũ. (Mathayo 11:28-30) Thutha wa kũriũkio, Jesu nĩ aambatire igũrũ na agĩikara etereire arĩ mwena wa ũrĩo wa Jehova. (Ahibirania 10:12, 13) Macũngĩrĩro-inĩ, Ngai nĩ aamũheire wathani akĩambĩrĩria gũthamaka kuuma igũrũ.—Thoma Danieli 7:13, 14.

3. Nĩa angĩ magaathamaka hamwe na Jesu?

Gĩkundi kĩa arĩa metagwo “atheru” mathuurĩtwo nĩ Ngai nĩguo magaathamaka hamwe na Jesu kũrĩa igũrũ. (Danieli 7:27, New World Translation) Andũ arĩa maarĩ a mbere gũthuurũo nĩ atũmwo ehokeku a Jesu. O na mahinda-inĩ maya Jehova nĩ akoretwo agĩthuura athuri na atumia ehokeku. O ta Jesu, mariũkagio marĩ na mĩĩrĩ ya kĩĩroho.—Thoma Johana 14:1-3; 1 Akorintho 15:42-45.

Nĩ andũ aigana magaathiĩ igũrũ? Jesu aametire ‘karũũru kanini.’ (Luka 12:32) Marigĩrĩrio-inĩ magaakorũo marĩ 144, 000, na nĩo magaathamakaga na Jesu igũrũ rĩa thĩ.—Thoma Kũguũrĩrio 5:9, 10; 14:1.

4. Ũthamaki wa Ngai waambĩrĩirie gũthamaka rĩ?

Jesu aatuĩkire Mũthamaki mwaka wa 1914.a Kahinda kanini thutha ũcio, akĩingata Shaitani na ndaimono ciake akĩmaharũrũkia gũkũ thĩ. (Kũguũrĩrio 12:7-10, 12) Kuuma hĩndĩ ĩyo mathĩna ma andũ nĩ mongererekete mũno. Mamwe ma maũndũ marĩa monanagia atĩ mũtabarĩre ũyũ ũrĩ matukũ-inĩ maguo ma kũrigĩrĩria nĩ mbaara, ithingithia, ngʼaragu, mĩrimũ, na uuni wa watho. (2 Timotheo 3:1-5) Arĩa othe mangĩenda kũgunĩka nĩ Ũthamaki wa Ngai magĩrĩirũo nĩ kwĩruta ũrĩa mangĩtuĩka arũmĩrĩri a Mũthamaki Jesu.—Thoma Luka 21:7, 10, 11, 31, 34, 35.

5. Ũthamaki wa Ngai ũrahingia maũndũ marĩkũ?

Kũgerera wĩra wa kũhunjia thĩinĩ wa thĩ yothe-rĩ, Ũthamaki wa Ngai ũkoretwo ũgĩteithia andũ milioni nyingĩ a kuuma ndũrĩrĩ-inĩ ciothe merute ũrĩa Ngai endaga. (Mathayo 24:14) Ũthamaki ũcio nĩ ũkaagitĩra “kĩrĩndĩ kĩingĩ” kĩa raiya ehokeku a Jesu, hĩndĩ ya kũniina mũtabarĩre ũyũ wa maũndũ wa gũkũ thĩ.—Thoma Kũguũrĩrio 7:9, 10, 13-17.

Hĩndĩ ya mĩaka 1,000 Ũthamaki ũcio nĩ ũgaatua thĩ paradiso ikinya gwa ikinya. Macũngĩrĩro-inĩ, Jesu nĩ agaacokeria Ithe Ũthamaki. (1 Akorintho 15:24-26) Hihi nĩ ũĩ mũndũ ũngĩhe ũhoro wa Ũthamaki wa Ngai?— Thoma Thaburi 37:10, 11, 29.

[Kohoro ka Magũrũ-inĩ]

[Mbica karatathi ka 29]

Nĩgetha wone ũhoro makĩria, rora gĩcunjĩ gĩa 8 na gĩa 9, kĩa ibuku rĩrĩ rĩcabĩtwo nĩ Aira a Jehova.

[Mbica karatathi ka 29]

BIBILIA ĨRUTANAGA ATĨA Kũna?