Ũrĩa Ũthamaki wa Ngai Ũgeeka Igũrũ Rĩgiĩ Mbaara

Thĩ ĩrathiĩ na mbere kũgũmĩrũo nĩ mbaara iria iratũma andũ manyamarĩke na njĩra nene. Ta wĩcirie ũhoro wa riboti ici:

• “Mwaka mũhĩtũku, andũ aingĩ nĩ maakuire nĩ ũndũ wa mbaara gũkĩra mwaka ũngĩ o wothe kuuma 1994, makĩria bũrũri-inĩ wa Ethiopia na Ukraine.”—Peace Research Institute Oslo, Juni 7, 2023.

• “Mbaara ĩrĩa ĩrĩ bũrũri-inĩ wa Ukraine nĩ ĩmwe ya iria cianenehire makĩria mwaka-inĩ wa 2022. Kũndũ kũingĩ thĩinĩ wa thĩ, ngũĩ cia gĩũteti nĩ cioongererekire na gĩcunjĩ kĩa 27 harĩ igana mwaka ũcio ũrathirire gũkĩra mwaka ũrĩa warĩ mbere, na ikĩhutia andũ ta bilioni 1.7.”—The Armed Conflict Location & Event Data Project (ACLED), Februarĩ 8, 2023.

Bibilia nĩ ĩtũheaga kĩĩrĩgĩrĩro. Yugaga atĩ “Ngai wa igũrũ nĩ akaahanda ũthamaki ũrĩa gũtarĩ hĩndĩ ũkaanangwo.” (Danieli 2:44) Rungu rwa Ũthamaki ũcio kana thirikari ĩyo, Ngai nĩ ‘akaaniina mbaara kũndũ guothe thĩinĩ wa thĩ.’—Thaburi 46:9.