Nghee tu na okulongifa ofooloma yedina Please Follow Up (S-43)
Ofooloma oyo oi na ashike okuyadekwa ngeenge owa mono omunhu e na ohokwe ndele iha di moshitukulwa sheni ile oo ha popi elaka loshinailongo. Nonande eefooloma da tya ngaho oda li hadi yadekwa nale shimha wa shakeneke omupopi welaka loshinailongo kutya nee oku na ohokwe ile hasho, paife odi na ashike okuyadekwa ngeenge omunhu okwa ulika ohokwe. Ndele kakele ashike ngeenge owa shakeneke ombolo, ou na okuyadeka ofooloma oyo yedina S-43 kutya nee oya ulika ohokwe ile hasho.
Ndele mbela oshike u na okuninga po konima eshi wa yadeka ofooloma oyo? Ofooloma oyo ou na oku i yandja kuhamushanga weongalo leni. Ngeenge hamushanga oku shii kutya eongalo lilipi tali dulu okutuminwa ofooloma ya tya ngaho, ota dulu oku i tuma ashike odikilila kovakulunhuongalo vokeongalo olo va ninge omalongekido opo omunhu oo a li a ulika ohokwe a ka talelwe po. Ngeenge ke shii kutya eongalo lilipi tali dulu okukwafela omunhu oo, oku na oku i tumina koshitaimbelewa.
Ngeenge omupopi welaka loshinailongo oo a ulika ohokwe oha di moshitukulwa sheni, oto dulu okutwikila okukala ho mu talele po fiyo osheshi wa mona omuudifi umwe wokeongalo olo hali popi elaka olo loshinailongo. — Tala okafo Oukalele Wetu wOuhamba kaNovemba 2009, epandja 4.