Onghedi imwe omo hatu dulu okulongifa okabroshure Etumwalaka lOmbibeli
Ovanhu vahapu moshitukulwa shetu kave shii Ombibeli, naunene tuu ovo ve li momalongelokalunga oo ehe fi Oukwakriste. Ovaudifi vamwe ngeenge tava konakona novanhu va tya ngaho membo Ombibeli otai hongo, ohava longifa yo okabroshure Etumwalaka lOmbibeli opo ve va kwafele va ude ko oshikalimo shOmbibeli. Pashihopaenenwa, omumwatate umwe okwa ti kutya ngeenge tava ningi etukulwa eti-3 lembo Ombibeli otai hongo, ohava kundafana yo nomukonakonimbibeli oshileshwa sho-1 shokabroshure oko. Okudja opo, ohava ende tava kundafana oshileshwa shimwe konima eshi va kundafana etukulwa keshe. Mbela naave oho konakona nomunhu oo e na eshiivo linini lOmbibeli ile ehe i shii nandenande? Opo u kwafele omukonakonimbibeli e lihonge ‘omishangwa diyapuki, edi di neenghono doku mu longa eendunge, a ka xupifwe,’ tala ngeenge oto dulu okulongifa ouyelele oo u li mokabroshure Etumwalaka lOmbibeli eshi tamu konakona naye membo Ombibeli otai hongo. — 2 Tim. 3:15.