Mbela oto ka hopaenena ngoo ouladi waJehova naJesus pefimbo lEdimbuluko?
1. Eendombwedi daJehova otadi ka ninga eenghendabala da mana mo di na sha nashike pefimbo lEdimbuluko?
1 Jehova oha wanifa po omalalakano aye noudiinini. Konima eshi Jesaja a popya kombinga yomanangeko noupuna amwe oo Ouhamba waKalunga tau ka eta, metukulwa 9:6 okwa ti: “Ouladi waKalunga, Omwene womatanga ovakwaita otau ke shi ninga.” Sha faafana, Omona waKalunga okwa li a ulika ouladi u na sha nelongelokalunga lashili pefimbo loukalele waye wokombada yedu. (Joh. 2:13-17; 4:34) Omudo keshe pefimbo lEdimbuluko, ovaudifi omamiliyona mounyuni aushe ohava ningi eenghendabala da mana mo opo va hopaenene ouladi waJehova naJesus mokutamununa mo oukalele wavo. Mbela oto ka kala umwe womuvo?
2. Ouladi otau ke tu linyengifa tu ninge shike okuhovela mo 7 Marsa?
2 Oshikonga shokushiva ovanhu kEdimbuluko: Neudo oshikonga shi nasha nokushiva ovanhu kEdimbuluko otashi ka hovela mo 7 Marsa, mOlomakaya. Lilongekida paife opo u ka kufe ombinga nouladi moukalele. Omaongalo otaa ka kala a tunhukwa eshi taa ka ninga eenghendabala dokushiva ovanhu vahapu ngaashi tashi dulika. Ninga eenghendabala da mana mo opo u shive ovakonakonimbibeli, ovo ho talele po, ovanailonga vakweni, ovapambele novanafikola vakweni moku va pa okafo keshivo ile u longife o-jw.org.
3. Ongahelipi hatu dulu okutamununa mo oukalele wetu muMarsa naAprili?
3 Oukwafelikokolindjila: Ouladi otau ke tu linyengifa yo tu tamunune mo oukalele wetu. Nopehe na omalimbililo, vahapu otava ka dula okukufa oukwafelikokolindjila muMarsa naAprili molwaashi ohatu ka dula okuhoolola okulonga eevili 30. Pefimbo lElongelokalunga lOukwaneumbo weni ile ekonakonombibeli lopaumwene, dilonga pamwe neilikano nghee u na okuninga ngaho. (Omayel. 15:22) Ouladi woye moshikonga eshi otau ka xwameka vamwe navo va kufe ombinga. Ngeenge owe li unganeke nawa opo u ka longe shihapu, oto ka hopaenena ouladi waJesus. — Mark. 6:31-34.
4. Ondjabi ilipi hatu ka mona eshi hatu hopaenene ouladi waJehova naJesus?
4 Ngeenge otwa hopaenene ouladi waJehova naJesus pefimbo lEdimbuluko, ohatu ka mona omanangeko noupuna mahapu. Ovanhu vahapu moshitukulwa otava ka mona oundombwedi. Ohatu ka mona ehafo newaneno olo hali di mokulongela Jehova nomokuyandja. (Oil. 20:35) Ndele osho sha fimanenena, ohatu ka hafifa Kalunga nosho yo Omona waye ovo ve li ovaladi.