Naalagaaf­fi­ler­saar­fiit – sooq qanorlu sanane­qar­tar­pat?

Soor­lu taaguummit naalagaaf­filersaar­fimmit ersertoq, naalagaaf­filer­saarfin­ni ataat­simiin­nerni pingaar­nersaavoq Biibilimi ajoqer­suutigi­neqartoq pingaarneq, tas­sa Guutip naalagaaf­fia – Jiisusip oqaluus­sis­sutigisaasa pingaarnersaat. – Lukasi 8:1.

Najuga­qarfit­sinni Jehovamik pallorfigin­nit­tar­fiup­put. Naalagaaf­filer­saarfin­niit Guutip naalagaaf­fia pil­lugu nutaarsias­sap nuan­nersup oqaluus­sis­sutigine­qarnera aaq­qis­sorne­qartar­poq. (Matthæusi 24:14) Naalagaaf­filersaarfiit angis­susii ilusiilu as­sigiin­ngil­lat kusas­sagar­suunatil­li, taak­kualu ilar­pas­sui ilagiin­nit ar­lalin­nit atorneqartar­put. Ukiuni kingul­liunerusuni ilagiit amer­liartuin­nartut malin­naaf­figiniar­lugit naalagaaf­filer­saarfiit nutaat titusindil­lit (agguaqatigiis­sil­lugu ul­lormut tal­limat) sananeqartar­put. Qanoq pilersin­neqarsin­naappat? – Matthæusi 19:26.

Qitiusumik aningaasaate­qar­fim­mut tunis­sutit ator­lugit sanane­qar­tarput. Tunis­sutit taak­ku immik­koortor­taqarfin­nut nas­siun­neqartar­put, tas­san­ngaan­niil­lu ilagiit naalagaaf­filersaarfin­nik sananis­samik iluarsaanis­samil­lu pisariaqartit­sisunut atuk­kiun­neqartar­put.

Nammineq kajumissut­simit akissarsia­qan­ngit­sunit sananeqar­tar­put. Nunat ilar­pas­suini naalagaaf­filer­saar­filio­qa­tigee­qar­poq. Sanaartoqa­taasartut aalajangersimasut namminer­lu kajumis­sut­simit sanaqataasut nunami ataat­simi ilagiin­niit ilagiin­nut – al­laat sumiif­fin­nut avin­ngarusimasunut – angalasar­put ilagiit il­loqarfigisamin­ni naalagaaf­filer­saarfis­samin­nik sanasut ikiorniar­lugit. Nunani al­lani Nalunaajaasut piuk­kun­naatil­lit ilaat nunaminertani naalagaaf­filersaarfin­nik sananermi iluarsartuus­sinermilu nak­kutigin­nit­tooq­quneqar­simapput. Utoq­qaanertat sanaartornermik misilit­tagal­lit sanaartornerup naammas­sineqarnis­saata tungaanut ilagiit ikiortar­paat, sanasul­lu pik­koris­sut nammineq kajumis­sut­simin­nik ikiuuk­kumasar­put. Sanaartornerni tamani nammineq kajumis­sut­simit sanaqataasut amer­lanerit ilagiin­neersuusar­put. Jehovap anersaava taas­sumalu in­nut­taasa uummammik iluun­ngar­lutik iliuuseqarnerat tamak­kunin­nga tamanik ajornarun­naarsit­sipput. – Tussiaat 127:1; Kolossemiut 3:23.

• Sooq pallorfiginnittarfivut naalagaaffilersaarfinnik taaguuteqarpat?

• Sooq silarsuarmi tamarmi naalagaaffilersaarfiliortoqarsinnaava?