Saqqummiussinissannut piareersartarit
1 Februarimi neqeroorutigisassat tassaapput atuagaatitta nutaanngitsut ilaat marluk 2,50 koruunimik akillit. (Taakkua amerlanersaat kalaallisuunngortitaanngillat.) Atuakkat taakkua ilaat suulluunniit atorneqarsinnaapput, ingammilli Er dette liv alt? aamma Den gode nyhed der gør os lykkelige samminiarpavut. Qularnanngitsumik aallarniutit tulliuttut ilaat tamaasaluunniit atornissaat ilinniassallugit iluaqutigissavat.
2 Toqu — inuup akeraa: Toqu pillugu apeqqutissat inuit amerlanersaasa eqqarsaatigisarpaat. Toqugaanni susoqartarpa? Qilaliassaagut imaluunniit anniarfiliassalluta? Toqusimasut neriuutissaqarpat? Qanoq ililluta paasisinnaavarput? Massakkorpiaq ’toqu’ tusagassiuutini sammineqaqaaq. Atuakkani, ilanngutassiani, oqalugiaatini, atuarfinni il. il. sammineqartarpoq. Taamaattumik illumit illumut angalaarnitsinni tamatuma iserfiginissaa piuminarnerulerpoq. Assersuutigalugu Nalunaajaasup oqaasii 9:5, 10-mi allassimasoq atorneqarsinnaavoq.
3 Imminut ilisaritereeruit, ima oqarsinnaavutit:
◼ „Apeqqut nammineq soqutiginartitara allanut oqaloqatigiissutigiumavara: Toqu tassaanerpa suut tamarmik naggatissaat, imaluunniit toqup kingorna allamik inuuneqarpa? Immaqa isumaqarputit apeqqut tamanna toqqaannarpallaartoq, kisianni qanoq isumaqarpit? [Pulaarfigisat oqaaseqartiguk.] Isumaqarpit tamatuminnga paasisaqarsinnaasugut? [Tusarnaaqqissaaruk.] Bibelimi nassuiarneqarpoq toqugutta susoqassasoq. Tusariassagit. [Nalunaajaasup oqaasii 9:5, 10 pulaarfigisamut atuaruk oqaloqatigiissutigalugulu.] Tassani takutinneqarportaaq inunnut uppertunut neriuutissaqartoq. [Juánase 11:25 atuaruk oqaloqatigiinnikkullu versi nassuiaruk.] Isumaqarpit sunaluunniit upperigaluarutsigu soqutaanngitsoq? [Pulaarfigisaq akitiguk.] Atuagaateqarpunga tamatumunnga tunngasumik. [Atuagaq Er dette liv alt? takutiguk, quppernerlu 6 qupperlugu.] Tusariaruk qanoq allassimasoqartoq. [Pulaarfigisaq ilagalugu eqqarsaatit immikkoortut 1-3-mi eqqartorneqartut atuakkit imaluunniit oqaloqatigiissutigalugit, atuakkallu imai, kapitalit 5, 9, 16 imaluunniit 19 innersuussutigalugit.]“
4 Makinnissamik neriuut: Inuit amerlanersaasa asasamik ilaat annaasimammatigik, qiimmassarsinnaavavut oqaloqatigiissutigalugu qanoq ilillutik ’inuit milliardilikkuutaat maannakkut toqungasut qanittukkut inooqqilissasut’. Juánase 5:28, 29 imaluunniit Korintumiunut agdlagkat sujugdlît 15:13-15 atorsinnaavat taavalu atuakkami Er dette liv alt?-imi quppernerit 167 168-imilu tamanna allassimaffillu pillugit nassuiaat takutillugu.
5 Immaqa ’Ræsonnerebogi’ qupperneq 10-mi aallarniutit pingajuat atorlugu oqaloqatigiinneq aallarnersinnaavat taavalu nangillutit ima oqarsinnaallutit:
◼ „Amerlanersatta ilaatigut toqukkut annaasimasatik eqqarsaatigisarpaat. Isumaqarpit takoqqissinnaagivut? [Pulaarfigisaq oqaaseqartiguk.] Oqaloqatigisatta amerlasuut tupigusuutigisarpaat tusarlugu Guutip oqaasiani tamannarpiaq neriorsuutigineqartoq, maanilu nunami piumaartussaasoq. Neriorsuut Bibelimeersoq manna malugeriaruk . . .“ Juánase 5:28, 29 imaluunniit Korintumiunut agdlagkat sujugdlît 15:13-15 takutiguk taavalu atuakkami Er dette liv alt?-imi quppernerit 167 168-imiluunniit nassuiaatinut taputartuullugu.
6 Ajussuseq peerneqarumaarpoq: Inuit pinerluttuliornernik, nakuusernernik sorsunnernillu isumakuluutiginnittut kajumissaarniarlugit, immaqa qulequtaq „Inuiannut tamanut paratiisi nuannaarfiusoq“ oqaloqatigiissutigisinnaavat. Jesaja 32:1-imi tamanna eqqartorneqarpoq, atuakkamilu Den gode nyhed der gør os lykkelige-mi qupperneq 155, immikkoortoq 9-mi nassuiarneqarluni.
7 Aallarneereeruit ima oqarsinnaavutit:
◼ „Isumaqarpit qaquguluunniit pinerluttuliornerit nakuusernerillu ilungersuutigisariaarutissagivut? [Pulaarfigisaq oqaaseqartiguk.] Bibelimi Jesaja 32:1-imi aaqqiissutissavik eqqartorneqarpoq.“ Allassimaffik atuaruk taavalu atuakkami Den gode nyhed der gør os lykkelige-mi qupperneq 155, immikkoortoq 9-mi oqaaseqatigiit qinikkat atuarlugit.
8 Saqqummiussinerit tamakkua ilaat tamaasaluunniit qaammammi matumani atornissaat piareersaruk. Atuagaq neqeroorutigisassarput sunaluunniit atorlugu issuakkat assiliartallu naleqquttut nanisinnaavatit. Pulaarfigisaq soqutiginnippasinngippat naqitigaaraq tulluartumik qulequtalik neqeroorutigisinnaavat. (km 92/2 Forbered din fremholdelse)