Menneskets søgen efter Gud saqqummiuguk
1 Inuppassuit oqartarput qanoq upperisaqarnertik allat akuliuffigisassarinngikkaat. Taamaattumik tamatuminnga oqaloqatiginissaat ajornakusoortarpoq. Atuagarli Menneskets søgen efter Gud pereersimalerparput, paasinarsisimavorlu inunnut assigiinngitsunik upperisalinnut oqaluussinermi assut iluaqutaasoq.
2 Pulaakkat atuakkamik tamatuminnga atuarusulersinniarlugu qanoq oqarfigisinnaaviuk? Immikkoortut sumut tunngasut kristumiuunerartunut kajumissaarutitut atorumassavigit? Kristumiuuneranngitsunummi? Imaluunniit upperisaqannginnerartunut? Inoqatitsinnut ’Jehovap ujarnissaa nanisassaatillugu torlorfiginissaalu qanitsillugu’ qanoq pingaaruteqartigisoq paasitinniarnissaanut piareersimanissatsinnut siunnersuutit matuma kingulianiittut iluaqutigisinnaavavut. (Jes. 55:6) Siunnersuutit sumiiffimmi pissutsinut naleqqussarneqarsinnaapput.
3 Sooq qanoq oqarnissarput eqqarsaatigilluartariaqarparput?: Inuppassuit oqartarmata namminneq upperisartik naammagalugu allamillu upperisaqalerusunnatik, aallarniinerput naleqqussartariaqarparput pulaagarput paqumisunnani oqaaserisatsinnik eqqarsaatiginnilersissinnaaqqullugu.
4 Naleqquttumik ilassinnereeruit ima oqarsinnaavutit:
◼ „Inuit eqqassinni najugaqartut oqaloqatigisaqattaareerlugit malugaarput upperisartik naammagigaat, allamillu upperisaqalernissartik kissaatiginngikkaat. Kisianni isumaqarpit allat upperisaannik misissuisoqarnerusuuguni silarsuarmi paaseqatigiinneqarnerulerlunilu uumissuineq minnerulissagaluartoq? [Pulaakkat akili.] Malugeriaruk qanoq Biibilimi allassimasoqartoq inuit Guutimik asannittut taakkulu inoqatiminnik qanoq isiginnittariaqartut pillugit.“ apustilit suliáinik agdlagkat 17:26, 27 atuareerukku atuakkami Menneskets søgen efter Gud-imi quppernermi 10-mi, immikkoortut 15 16-ilu malugeqqusinnaavatit.
5 Oqaluussisartorpassuit paasisimavaat kapitali pulaakkap upperisaanut tunngasoq pulaakkamik soqutiginnilersitsinerusartoq.
6 Naatsumik aallarneereeruit aamma ima oqarsinnaavutit:
◼ „Ullumikkut upperisat assigiinngitsorpassuummata illit eqqarsaatigisimanngiliuk qanoq ililluta paasisinnaagipput uagut nammineq upperisarput Guutip iluarineraa?“ Pulaakkat oqaaseqareerpat atuakkami Menneskets søgen efter Gud-imi quppernermi 377-imi upperisap ilumoortup ilisarnaatai takutissinnaavatit. Ingammik immikkoortoq 7 malugeqqujuk pulaakkallu aperalugu tamanna isumaqatiginnginneraa, tassa ilumoortumik upperisallit allatut nagguilinnik allamiunillu asannittuusariaqartut. Piffissaqarpat allassimaffiit innersuussutigineqarsimasut pingasut tamaasa takutissinnaavatit. Naggataatigut erseqqissaruk immikkoortut sinneri tamarmik aamma Biibilimik tunngaveqartut.
7 Paasissutissat allat iluaqutaasut: Aamma atuakkap naggataaniittoq oqaluuserisassat assigiinngitsut allattorsimaffiat atorluarneqarsinnaavoq. Assersuutigalugu, inuppassuit oqaluussiffigisartakkatsinniittut upperippassuk upperisarsiornerit tamarmik Guutimut ataatsimut sammisuusut, taava qanoq iliorsinnaavugut? Taava qulequttap „Religion“-ip (’Upperisarsiorneq’) ataaniittoq „’alle religioner lige gode’: 12“ (’upperisarsiornerit tamarmik ajunngillat’) nanissavarput. Taamaalilluta takusinnaalerparput allattorsimaffik tamanna oqaluuserisanik assigiinnitsunik ujarlernitsinni qanoq ililluta iluaqutigisinnaagipput. Guutimik upperisaqanngitsumik oqaloqateqarutta quppernermi 329-mi, immikkoortut 1 aamma 2, ullumikkut upperisaqarusunngissutsimik eqqartuisut takutissinnaavavut. Apeqqutit tallimat akineqartariaqartut quppernerni 17-imi aamma 18-imiittut immikkoortup „Spørgsmål der kræver svar“-ip ataaniittut immaqa ingammik Biibilimi ajoqersuutit upperisat allat ajoqersuutaannut naapertuunnersut paasissallugit soqutiginnittunut naleqqupput.
8 Atuakkap Menneskets søgen efter Gud-ip saqqummiunnerani ataqatigiilluartunik oqaaseqartarutta immaqa tusarnaartut ikiorsinnaavavut Guutimik ilumoortutuamik, Jehovamik, ujarlilernissaannik. (km 6/92 Menneskets søgen)