Soqutiginnittut ikiorniarlugit orneqqinnissaannut pilerisuttarit
1 Oqaluussinermut peqataasartut tamarmik kissaatigaat soqutiginninnermik ersersitsisut ikiornissaat. Taamatut ikiuigaangatta nuannaartaqaagut nalerisimaartaqalutalu. (Naleqqiuguk Tussiaat 126:5, 6.) Aatsaalli piareersarsimagutta ikiuuteqarsinnaavugut.
2 Piareersarneq aallartittarpoq pulaakkatit allattoqqissaaleraangakkit. Allattortakkit pulaarnermi siullermi suut oqallisigisimanerlugit pulaakkallu qanoq qisuariarsimasoq. Allaat allassinnaavat tullianik pulaaqqikkuit qanoq aallarniissallutit.
3 Assersuutigalugu „ataatarpooq“ innersuussutigalugu aallartissimaguit pulakkallu Naalagaaffik pillugu atuagassiaaqqamik tunisimallugu tulliani ima naatsumik oqarsinnaavutit:
◼ „Kingullermik oqaloqatigiissutigaarput Guutip piumasaa qanoq ililluni nunarsuarmi piumaartoq aammalu inuunermi sutigut tamatigut eqqissinermik nassataqarumaartoq. Atuagassiaaqqami kingullermik pisanni takutilaarusuppara quppernermi 29-mi pilluaqqussutissat Guutip naalagaaffiata inunnut pilersikkumagassai allat pillugit allassimasut.“
4 Pulaakkavit Guuti upperinngippagu tulliani ima oqarsinnaavutit:
◼ „Kingullermik pulaarakkit eqqarsaat Paulusip Eprîarit 3:4-mi eqqaasaa, suut tamarmik Pinngortitsisumit silalimmeersuunerannik ersersitsisoq, oqaluuseraarput.“ Allassimaffik atuaqqiguk atuagassiaaqqamilu Guutip ilumut soqutigaatigut?-mi quppernerit 4-9 innersuussutigalugit. Immikkoortup apeqqutitaa apeqqutigiuk, kingornatigullu immikkoortoq atuaruk pulaakkallu akinissaanut periarfissillugu. Ajornanngippat siunnersuutigisinnaavat nammineq atuagassiaaraatini aassagaa marluullusi samminiassagassiuk.
5 Pulaakkat kingullermik oqarsimappat inuuneq nammineq naammagisimaarlugu, naqitaaraq Silarsuaq manna aniguissava? innersuussutigeqqissinnaavat quppernermilu 6-imi allassimasut atuarlugit. Pulaakkat aperiuk nunarsuarmi paratiisiusumi alianaatsumi inoorusussinnaanersoq. Qanoq soqutiginnitsiginera paasiniarlugu aperisinnaavat silarsuassami nutaami pissutsit assilialiarineqarsimanerat imaluunniit atuagassiat ilaanni oqaaseqaatigineqarsimasut qanoq isumaqarfiginerai.
6 Napasuliaq Alapernaarsuiffik-mi imaluunniit Iteritsi!-mi ilanngutassiamut saqqummiussimasannut atatillugu aamma taama saqqummiussisinnaavutit. Ilanngutassiaq innersuussutigiuk ilanngutassiamilu tassani imaluunniit atuagassiami nassatanni allami allamik soqutiginartumik eqqaasaqarlutit. Ajornanngippat Biibilimi allassimaffimmik atuaasinnaavutit pulaakkallu aperalugu qanoq isumaqarfigineraa.
7 Soqutiginnilluarpasissut pisartagaqalernissaannik neqeroorfigisinnaavavut. Soorunami aatsaat taamaaliorumassaagut pulaagaq atuagassianik piffissangaatsiami pisarsimasaminik pingaartitsinermik ersarissumik ersersitsisimappat.
8 Eqqaamajuk siunertarput tassaammat Biibilimik atuaqqissaaqatiginnilernissaq. Amerlanertigut atuaqqissaaqateqalinnginnitsinni arlaleriaqaluta pulaaqqiisariaqartarpugut naammattumik soqutiginnilernilernissaat tikillugu. Piaartumik aggeqqinnikkut pulaakkat inuttut soqutiginninnermik ersersitsivigisaruk.
9 Nutaarsiassaq nuannersoq oqaluussissutigisarput nuannaarnermik annertuumik nassataqartarpoq. (Lúk. 2:10) Soqutiginnittut ajunngitsumik qisuariaraangata nuannaarnissamut pissutissaqarluartarpoq. (Fil. 4:1) Oqaluussiffigisartakkatsinni soqutiginnittut ikiorniarlugit pilerilluta pulaaqqittarnerisigut nuannaarneq tamanna ilangeeqataaffiginiartigu. (kmD 93-5 Vær ivrig efter at komme igen . . .)