Pulaaqqiineq — imaannaanngitsoq!
1 Tusagassamik nuannersumik oqaluussissutiginnittartutut peqquneqarsimavugut ajoqersuganngortitsiortoqqulluta. (Matîuse 28:19, 20) Pulaaqqiisarnissaq tamatuma nassataraa. Kristumiutut kiffartornerup immikkoortortaa tamanna qanoq isigaajuk? Pulaaqqiilluni oqaluussinermut pikkorinnerulerniarluni sulissutiginninneq imaannaanngitsuusinnaavoq pissanganartoq. — Uss. 22:29.
2 Kristumiut tunniulluinnarsimasut tamarmik ajoqersuganngortitsiortornissamut pisussaasutut misigisariaqarput. Soqutiginninnermik ersersitsisut tamaasa sapinngisamik pulaaqqinniartarutsigik ilerasuuteqarnavianngilagut suliassarpullu naammassissallugu. (2 Tim. 4:5) Inuit allat Naalagaaffimmik neriuummik aveqatiginiarnerat uagut ilorrisimaarnissaraluatta tunullinngortinneranik kinguneqarsinnaavoq. Pulaaqqiisarnitsigut inuit peqqusersuitsut anersaakkut pisariaqartitaannik tuniorarnissaannut periarfissaqartarpugut.
3 Soqutiginninnerit tamaasa malinnaaffigisakkit: Tusarliussamut soqutiginninnermik ersersitsisut tamaasa pulaaqqittariaqarpavut, aamma atuagassianik piumasimanngikkaluarpataluunniit. Amerlasuut Biibilimut tunngasunik oqaloqatigigaangamisigut soqutiginninnermik ersersitsisarput. Jesusip apustiliisalu takutittarsimavaat qanoq ililluni inuit Biibilimut tunngasunik taakkununnga attuumassuteqartunik oqaloqatigiinnermut ilaaqqutsinnerisigut Naalagaaffik pillugu tusarliussamut soqutiginninnerat annertusarneqarsinnaasoq. — Mák. 10:21; ap. sul. 2:37-41.
4 Pulaaqqiinerup siunertarisariaqarpaa Biibilimik atuaqqissaaqateqalernissaq. Immaqa pulaakkat takutissinnaavat qanoq ililluni Biibili atuaqqissaarneqarsinnaasoq. Qularutigissanngilat Jehovap tusarumaaraatit inummik peqqusersuitsumik ilinniartitassannik nassaarnissannik qinnuigigukku. Taassumunnga kiffartorninni ilungersornitit ilumut pilluaqqussavai. Taamaattumik Jehova ikiuinissaanik siulersuinissaanillu qinnuigisaruk, Biibilimillu atuaqqissaaqateqalernissat anguniagariuk.
5 Naqitaaqqat atorluartakkit: Biibilimik atuaqqissaaqateqalerniarninni naqitaaqqat (traktatit) iluaqutigilluarsinnaavatit. Naqitaaqqat saqqaanni assiliaq atorlugu amerlasuut oqaloqateqatigiinnermik aallarniisarsimapput. Immikkoortut ataasiakkaarlugit pulaakkannut atuaqatigiissutigisakkit. Apeqqutit tikikkaangassigik unittaritsi pulaakkallu oqaaseqartittaruk. Allassimaffiit quppertakkit qanorlu paasisariaqarnerat nassuiartaruk. Taava oqaloqatigiinnersi atuakkamut atuaqqissaarnissamut tunngaviliisinnaasumut sangutissinnaavat. ’Paratiisilersaarut’ atorluarsinnaanerpaasarpoq.
6 ’Ræsonnerebogi’ atortaruk: ’Ræsonnerebogi’ siunertaqarluartumik pulaaqqiinissannut iluaqutigilluarsinnaavat. Imaasa allattorneqarfianni imaluunniit oqaluuserisassat tulleriiaarneqarfianni paasissutissanik, soqutiginninneq malittarissagaangakku atorsinnaasannik, nassaarsinnaavutit. Immikkoortoq „Skriftsteder der ofte anvendes forkert“ (Allassimaffiit kukkusumik atorneqarajuttartut) qupperneq 445-miittoq akerliliisunik naapitsigaangavit ingammik atorluarsinnaavat. Pionerit oqaluttuarput Biibilimik atuaqqissaaqateqalernissamut iluatsitsilluarsimallutik paasissutissat quppernermi 183-imiittut immikkoortumi „Hvordan er Jehovas Vidner kommet til den forståelse de har af Bibelen?“-miittut (Qanoq ilillutik Jehovap Nalunaajaasui Biibilimik paasisaqalersimappat?) atornerisigut. Takutittarpaat qanoq ililluni Biibili nammineq nassuiaasinnaasoq. Taamaaliorneq kinguneqarluartarpoq sulilu amerlanerusunik Biibilimik atuaqqissaaqateqalernermik kinguneqartarluni.
7 Jesus apustilillu assigalugit Jehovap savaataanut soqutiginninnermik piviusumik ersersitsisariaqarpugut. (Lúk. 9:11) Inunnut allanut asanninnerput iluaqutigalugu Guutip naalagaaffia pillugu sallusuissummik uummataat angusinnaavavut. (2 Korintumiut 2:17) Inunnut allanut anersaakkut iluaqutaasumik imminut tunniuttarnissarput pingaartikkutsigu pulaaqqiinissamik suliassaq imaannaanngitsoq naammassiniassavarput. (km 92/8 At aflægge genbesøg — en udfordring!)