„Piffissaalluartukkut ikiortissat“
1 Piffissaalluartukkut ikiorneqaraagatta pissatsinnartaqaaq! (Epr. 4:16) Nuannaarutigaarput ataatsimeersuarnermi „Eqqissinermik Guutip pianik tusarliisut“ pisariaqarfiatigut ikiuutissatsinnik marlunnik pisimanerput.
2 Atuagaq nutaaq pisariaqartitarpullu Ilaqutariittut pilluarneq isertugaateqarpoq pisariaqarfikkut saqqummersinneqarsimavoq. Ilaqutariittut pilluarluni inuunissamut tunngaviusumik najoqqutassat sisamat sammineqarput: (1) Imminut naalakkersinnaaneq, (2) siulersuinermut najoqqutassiamik akuersineq, (3) attaveqatigiilluarneq aammalu (4) asanninneq. Atuakkami ’Ilaqutariittut pilluarnermi’ oqaaqqissaarutit ilaqutariit tusaajumasut tamarmik eqqissinermik Guutimeersumit nanisinissaannik ikiussavaat. Atuagaq peqqissaartumik atuarumallugu piffissamik immikkoortitsigit. Ilaqutariittut atuaqqissaarnermut ilanngutiguk. Imarisai ilisimallualikkit marsi qaammat siullerpaamik neqeroorutigilerutsigu oqaluussinermi atuagaq sunniuteqarluartumik atorniassagakku.
3 Atuagassiaaraq nutaaq Guutip sumik piumaffigaatigut? ajoqersuganngortitsiniarluta suliarput pilertortinniarlugu piffissaalluartukkut saqqummersinneqarsimavoq. Ingammik atuffarluttut ikiornerini tamanna atorneqarsinnaavoq, aammattaarli inersimasut meeqqallu atuarsinnaasut allassinnaasullu pisariitsumik Biibilip tunngaviusumik ajoqersuutaasa nassuiaataat atorluarsinnaavaat. Atuagassiaaraq immaqa atuakkamut ’Ilisarsinermut’ atuaqqissaartalernissamut aallarniutaasinnaavoq. Ikiuutip tamatuma inuppassuit ikiorsinnaavai Guutip sumik piumaffiginninneranik paasitillugit, pilluaqqusaangaartissinnaallugillu.
4 Davidip misigisagut eqqorluartumik nassuiarpai ima oqarami ’Ajorsaateqanngilanga kingumut nakussatsittaraanga imertarfiga ulikkaavissimavoq’ (Tuss. 23:1, 3, 5) Anersaakkut ikiuutissamik tamatuminnga ilumoorlutik Guutimik, Jehovamik, ilisarserusuttorpassuarnut taassuminngalu kiffartuusserusuttorpassuarnut ingerlatitseqqinnissarput qilanaaraarput.