Februaarimi oqaluussinermut tunngasumik ataatsimiinnerit
Sapaatip-akunnera 3. februaarimiit
Erinarsuut nr. 27
10 min: Nalunaarutit, ilaatigut Naalagaaffimmut Kiffartorneq-meersut. Teokratiimit nuutaarsiassat.
15 min: „Suliamut peqqittussaanngitsumut peqataagit.“ Apeqqutit akissutillu. Piffissaq apeqqutaatillugu atuakkami ’Historiebog’-imiit, qupperneq 714-15-imi immikkoortumi „Hvordan man holder sig vågen“-mi eqqarsaatit ilaat ilanngunneqarsinnaapput.
20 min: „Nutaarsiassamik nuannersumik saqqummiussineq nalitta ilungersornassusianik qularinninngilluinnarluni.“ (Immikkoortoq 1–5) Aallarniummik naatsumik immikkoortoq 1 sammeriarlugu, qatanngutip angutip tamatuminnga sammisaqartup immikkoortut 2-5-imut oqaluussisartullu marluk pingasulluunniit sammeqatigissavaat. Saqqummiusseriaatsini siunnersuutigineqartut pingaarnerit sammissavaat eqqartussallugulu qanoq taakkua assingusumilluunniit angalaartarfigisatsinni kinguneqarluartumik atorneqarsinnaanersut. Oqaluussisartut saqqummiusseriaatsit sinnerseraallutik sungiusassavaat. Qatanngutip angutip tamatuminnga sammisaqartup nersualaassavai pitsannguallaataasinnaasunillu siunnersuuteqassalluni. Siunnersuutigineqartut ilaannik qanoq saqqummiukkuminarsaasoqarsinnaasoq takutitsigit taamaalilluni aamma oqaluussinermut misilittagaqarpallaanngitsut atorsinnaaniassammatigik. Taava inersuarmiittunut Biibilimik atuaqqissaaqateqalerniarluni anguniagaq qanoq angusinnaaneripput apeqqutigissavaa. Atuagaq ’Ilisarsineq’ atorlugu qanoq atuaqqissaaqateqartoqalersinnaasoq atoriaannaasunik siunnersuuteqassaaq.
Erinarsuut nr. 34 naggataarutaasumillu qinnut.
Sapaatip-akunnera 10. februaarimiit
Erinarsuut nr. 29
5 min: Nalunaarutit ilagiillu naatsorsuutaat. Eqqaasikkit unnummut ilagiit tunissutinik nakkaatitsiviannut nakkartut Europap kangiani sulinermut tapiissutitut nassiunneqassammata.
10 min: „Nutaarsiassamik nuannersumik saqqummiussineq nalitta ilungersornassusianik qularinninngilluinnarluni.“ (Immikkoortoq 6-8) Immikkoortut 6-7-imilu saqqummiusseriaatsit saqqummiunneqassapput. Erseqqissaruk soqutiginnittunut pulaaqqiinissap pingaaruteqassusia.
30 min: „Ikiorti-pioneerit 3000-t kissaatigineqarput.“ Kiffartuussinermut nakkutilliisumit apeqqutinik akissutinillu sammineqassaaq. Ungaluligaq qupperneq 3-miittoq erseqqissarneqassaaq. Qupperneq 6-imi nalunaarsuutit sammineqassapput. Oqaluussisartut kuisimasut tamarmik nammineerlutik qinunikkullu eqqarsaatigisariaqarpaat qaammammi ataatsimi arlalinniluunniit ikiorti-pioneeriusinnaanerlutik. Oqaluussisartut kuisimanngitsut kiffartuussinermut peqataanertik annertusisissinnaavaat qaammammut nalunaaquttap-akunnerinik aalajangersimasunik anguniagaqarnikkut.
Erinarsuut nr. 43 naggataarutaasumillu qinnut.
Sapaatip-akunnera 17. februaarimiit
Erinarsuut nr. 30
10 min: Nalunaarutit. Sapaatip-akunnerata ingerlanerani oqaluussiartornermi atuagassiani nutaani atorsinnaasat soqutiginartut ilaannik eqqaasaqarit.
13 min: „Eqqaaniaalluni nalliuttorsiorneq — pisimasoq pingaaruteqangaartoq.“ Apeqqutit akissutillu. Oqaluussisartut kajumissaakkit marsi qaammat tamaat immikkut ittuuteqqullugu ikiorti-pioneeriunikkut. Eqqaaniaanermut qaaqqusissutittaaq atornissaannik kajumissaarigit.
22 min: Atuaqqissaaqateqalerniarit. Qaammatini kingullerni Danmarkimi atuakkat 30.000-it agguaanneqarsimapput. Tamatuma nutaanik amerlasuunik Biibilimik atuaqqissaaqateqalernissaq ajornarunnaarsissimassavaa. Ilagiinni atuakkat atuagassiallu qassit agguaanneqarsimanersut oqaluttuariuk. Oqaluussisartut kajumissaakkit soqutiginnittut tamaasa malittareqqullugit. Oqaluussisartut ilaat oqaluttuartikkit qanoq immikkut ittumik iliorlutik Biibilimik atuaqqissaaqateqalerniartarnerinik. Erseqqissaruk peqqussummut pisimasatsinnut ajoqersuganngortitsineq avissaartitassaanngimmat. (Mat. 28:19, 20) Pitsaasumik taama iliorsinnaavugut Naalagaaffimmik Kiffartuuteqarneq-mut tapiliussaq-mi juuni 1996-imoortumi pisimasatsinni siunnersuutigineqartut malinnerisigut.
Erinarsuut nr. 47 naggataarutaasumillu qinnut.
Sapaatip-akunnera 24. februaarimiit
Erinarsuut nr. 32
18 min: Nalunaarutit. Marsimi ikiorti-pioneeriunissaminnik nalunaarsimasut aqqi taakkit. Qinnuteqaat tunniutissallugu kingusinaanngilaq. Tamaasa kajumissaakkit arfininngorneq 1. marsi kiffartuussinermut peqataaqqullugit. Katersuutsitsinissat kiffartuussinissamillu aaqqissuussinerit pilersaarutigineqartut oqaatigikkit. Apeqquteqartarfik peqqissaartumik sammineqassaaq.
12 min: „Illimmi qanigisatit?“ Aappariit ilanngutassiaq oqaloqatigiissutigissavaat qanorlu qanigisatik uppinngitsut nutaarsiassamik nuannersumik atassuteqarfigisinnaanerlugit. — Takuuk Napasuliaq Alapernaarsuiffik 1. oktobari 1991-imoortumi qupperneq 22-24.
15 min: Marsimi neqeroorut — Ilaqutariittut pilluarneq isertugaateqarpoq. Naatsumik eqqartoruk ilaqutariit ullumikkut avissaartuunnerat sumik pissuteqarnersoq. (Takuuk Napasuliaq Alapernaarsuiffik 1. novembari 1992-imoortumi qupperneq 4-8.) Qupperneq 3-imi imaqarnerata allattorsimaffiat sammiuk. Oqaloqatigiinnermut aallarniutissatut kapitalit sorliit atorneqarsinnaanersut tusarnaartunut oqaatigitikkit. Erseqqissakkit kapitalit naanerini ungaluusikkamiittut ilikkarnartut. Oqaluussisartoq piginnaanilik atuakkamik qanoq saqqummiussisoqarsinnaasoq takutitsisiguk. Tamaasa eqqaasikkit weekendimi oqaluussiartornissamut atuakkanik tigusereeqqullugit.
Erinarsuut nr. 48 naggataarutaasumillu qinnut.