Naalagaaffiup Nutaarsiassaatai nr. 35 siaruarterluaruk
1 Oktobari novembarilu qaammataassapput tamatsinnut ulapiffiusut. Oktobarip ulluini siullerni aqqanilinni Napasuliaq Alapernaarsuiffik aamma Iteritsi! neqeroorutigissavavut. Taava, sapaat oktobarip 12-ianiit sapaat novembarip 16-ia tikillugu, silarsuaq tamakkerlugu Naalagaaffiup nutaarsiassaatai nr. 35 agguaatissavarput. Tusagassaq pingaartoq oqaluussisarfitsinniittunut tamanut tusarliutissallugu immikkut pisinnaatitaaffigaarput, apeqqullu imaattoq akivaa: „Inuit tamarmik qaquguluunniit asaqatigiissinnaalissappat?“ Suliniuteqarnermi immikkut ittumi tamatumani ulluinnarni Nalagaaffiup Nutaarsiassaatai nr. 35 agguaatissavarput. Weekendini naqitaaqqap saniatigut atugassiat normui kingulliit aamma neqeroorutigissavavut.
2 Kina peqataasinnaava? Pisarnertut utoqqaanertat suliniuteqarnermi siuttuussapput. Tamatta nuannaarutigaarput naqitaaqqamik agguaasseqataasinnaanerput, qularnanngitsumillu qaammammi immikkut suliniuteqarfimmi ataatsimi marlunnilluunniit amerlasuut ikiorti-pioneeriussapput. Oqaluussisartut allat kiffartuussinerminni piffissap pisarnermik annertunerusup atornissaa pilersaarutigissavaat.
3 Oqaluussinermi peqataanissaminut piukkunnaateqangajalersoq atuakkamik ’Ilisarsinermik’ atuaqqissaaqatigisarpiuk? Immaqa taanna kuisimanngitsutut oqaluussisartunngorsinnaavoq immikkut suliniuteqarnermut ilaasinnaanngorluni. Naqitaaqqamik nererooruteqarniaraanni saqqummiusseriaaseq paasiuminartoq naammappoq. Ima oqartoqarsinnaavoq: „Tusagassaq una pingaaruteqaqimmat silarsuaq tamakkerlugu oqaatsini 169-ini agguaanneqarpoq. Aajuna illit pissat.“ Allaat meeqqat minnerusut suliamut pissanganartumut tamatumunnga peqataalluarsinnaapput.
4 Atuakkamik atuaqqissaarnermi aqutsisuusut gruppeminniittut tamaasa Naalagaaffiup Nutaarsiassaatai nr. 35-p agguaanneqarnerani tamakkiisumik peqataanissaannut kajumissaartariaqarpaat. Oqaluussisartut ilaat immaqa unittooqqapput, kajumissaarilaarnikkulli kiffartuleqqinnissaannut ikiorneqarsinnaapput. Immikkut suliniuteqarnissaq sioqqullugu unittooqqasut ilagiinnut suli atassuteqartut utoqqaanertat pulaartariaqarpaat neqeroorfigalugillu oqaluussisartut misilittagaqarluartut oqaluussiartornissaannut ikiorsinnaagaat.
5 Qaqoq innikkut katersuuttoqartassava? Taama suliniuteqarnerup pisariaqartippaa eqimattakkuutaarluni nalunaajaanissat pilersaarusiorluarneqarnissaat. Periarfissaqarpat ulluinnarni ullut tamaasa katersuuttoqartassaaq aammattaaq weekendini unnukkullu. Piffissaasariaqarput oqaluussisartunut pioneerinullu periarfissiilluartut. Aammattaaq ualilluarnerani atuartunut, kingoraartaallutik sulisartunut allanullu iluaqutaasumik katersuuttoqartarnissaanik pisariaqartitsisoqarsinnaavoq. Oqaluussinermut tunngasumik nakkutilliisup qulakkeertariaqarpaa illumiit-illumut niuertarfinnilu oqaluussiffissat naammannersut, tamarmik tamakkiisumik peqataasinnaaqqullugit. Isumatusaartoqartariaqarpoq oqaluussisartut amerlavallaartut oqaluussisarfinni mikivallaartumiinnginnissaat eqqarsaatigalugu.
6 Angerlarsimanngitsummi? Sapinngisamik amerlanerpaat nammineerluta oqaloqatiginissaat kissaatigaarput taamaalilluta nassuiaassinnaagatsigit sooq Naalagaaffiup Nutaarsiassaatai nr. 35 atuartariaqaraat. Angerlarsimanngitsut allattortariaqarpatit piffissamilu allami aggeqqillutit. Immikkut suliniuteqarnermi sapaatip-akunnerani kingullermi tamaasa suli naapissimanngikkukkit Naalagaaffiup Nutaarsiassaatai-nik qimatsisinnaavutit. Pulaakkat akornanni naapitanut tamanut naqitaaqqamik neqeroorneq pitsaassaaq. Ilagiit immikkut suliniuteqarnerup nalaani oqaluussisarfiit tamaasa angumerisinnaanngikkunikkik inuit angerlarsimanngikkaangata ingerlaannaq naqitaaqqamik qimatsivigisinnaavaat.
7 Suna siunertaava? Ilagiit anguniartariaqarpaat immikkut suliniuteqarneq novembarip 16-iani naatinnagu oqaluussisarfiit tamaasa Naalagaaffiup Nutaarsiassaatai nr. 35-mik agguaassiffiginissaat. Ajornanngikkaangat isumannaatsuuppallu kisimiilluni angalaartoqarsinnaavoq. Taamaalillusi nutaarsiassamut nuannersumut ’qinngaqqunnanngitsut’ sapinngisamik amerlanerpaat angusinnaavasi. (Mat. 10:11) Immaqa naqitaaqqat Biibililu tigumiaannarlugit, pooqattalisarnani, pitsaanerussaaq. Soqutiginninnermik nittaasut eqqorluartumik allattukkit.
8 Piareersimavit? Utoqqaanertat naatsorsortariaqarpaat ilagiit atuagassianik qanoq amerlatigisunik pisariaqartitsinersut inniminnerlugillu. Naalgaaffiup Nutaarsiassaatai nr. 35 inniminnerneqassanngilaq; ilagiit tamarmik nassinneqassapput oqaluussisartumut ataatsimut 100-t naatsorsuullugit. Aap, suliassaqarluarpugut. Kiffartornermi tamatumani nuannersumi peqataanissannut pilerisuppit? Qularnanngilaq. Naalagaaffiup Nutaarsiassaatai nr. 35-mi tusagassaq Biibilimeersoq pingaartoq sapinngisamik siaruarnerpaatinniartigu.