Ittuutuit?
1 Isiginiarluta meeraq anaanami ataatamiluunniit tunuanut toqqoraangat tupaallaatigineq ajorparput. Meeqqat ittoortarnerat nalinginnaavoq. Allaat amerlasuut inersimasutut ittoortuupput tunuarsimaartuullutilluunniit. Ittuutunerpit oqaluussinissat ajornakusoortippagu qanoq iliorsinnaavit?
2 Qanoq iliortoqarsinnaasoq: Pingaartorujussuuvoq ’inuk isertugaq uummatip pia’ eqqumaffigissallugu. (1 Pît. 3:4) Jehovamut tullermullu asannineq nakussatsiguk. Qularissanngilat oqaluusseqqusinermik malinninneq pilliutigeriaannaalluni asanninnermik takutsisinnaanerit pitsaanerit ilagigaat. Atuaqqissaartarneq ataatsimiigiartarnerlu ileqqorilikkit. Akulikitsumik erseqqissumillu ikioqqullutit Jehova qinnuigisaruk. Jehovamut upperluarneq tatiginninnerlu ’annermik sapiisilerluni Guutip oqaasia ersiorani oqaaluutiginissaanut’ nakimaannerulersitsisarpoq. — Fil. 1:14.
3 Imminut naammaginnginnerit akioruk. Aamma Timoteus ilaatigut taamaattariaqartarsimavoq. Paulusip Timoteus kajumissaarpaa ’inuusukkaluarluni imminik asiginnaasoqarnaveersasoq’ eqqaasillugulu ’Guutip anersaamik nangaassutaasumik tuninngikkaa, kisianni sapiissutaasumik’. (1 Tim. 4:12; 2 Tim. 1:7) Jehovap Timoteus atorluarpaa, illittaaq tatiginninnerit tassunga alliartortittuarukku atorumavaatit. — Tus. 56:11.
4 Arnap ittoortup uiminik assortuinissaminut qunusup oqaatsit Matîuse 10:37-miittut eqqarsaatiginnilluarneri iluaqutigai. Qasusuinnermigut oqaluussinissani ajornannginnerutilerpaa, aamma uiata, anaanaata, qatanngutaasalu angutit tallimat sallusuissut tamarmik ilassivaat.
5 Piareersarnissaq pisariaqarpoq: Nakimaannarnerusarpoq oqaluussinissamut piareersarluarsimagaanni. Saqqummiussassamik ’Ræsonnerebog’-imiit imaluunniit Guutip Naalagaaffianut kiffartorneq-miit toqqaagit, eqqarsaatigilluarlugulu sungiusaruk. Pisariaqanngitsut ernumassutiginagit isumalluartuugit. Allat suleqatiginerisigut sapiissuseq ineriartortiguk. Eqqaamajuk matumi naapitatit amerlasuut ilittulli ittoortigimmata. Naalagaaffimmik tusagassaq tamarmik pisariaqartippaat.
6 Ittoortuuguit nikalluutigeqinagu. Ilungersornerni Jehovap ikiussavaatit oqaluussisartunngortillutit pikkorissoq. Taava oqaluussineq nuannaarutigilissavat.— Uss. 10:22.