Jehovap naammagittarnera pingaartippiuk?
1 Jehova ukiut qulit, 20-t imaluunniit amerlanerusut matuma siorna annertuumik nalunaajaasoqartinnagu naammagittarunnarsimagaluarpat, sallusuissummik ilisarsisimassagaluarpit? Qujamasuutigaarput inuppassuit ’allamik isumataaqqullugit’ periarfississimammagit. Aap, Jehovap eqqartuussiffissarsua ’tillittutut nalliukkumaarpoq’, naammagittarnerali isumaqartinneqartariaqanngilaq pissutsit aaqqissuussaanerata matuma suujunnaarsinnissaanut nangaasoq. — 2 Pît. 3:9, 10; Hab. 2:3.
2 Qamannga pisumik misiginneqataagit: Jehovap kamagittarnera paasisinnaanngilarput. Tamatuma siunertaa puigussanngilarput. (Jona 4:1-4, 11) Jehovap inuit naakkinangaarnerat takusinnaavaa misiginneqatigalugillu. Jesus aamma taamatut misigaaq. Inuppassuit oqaluussiffigisani qamannga pisumik misiginneqatigigamigit iivangkiiliup oqaluussissutigineqarnerata annertusinissaa kissaatigaa, amerlanerusut inuunemik naassaanngitsumik periarfissinneqarniassammata. — Mat. 9:35-38.
3 Ajutoornernik ajunaarnersuarnernillu eqquisoqaraangat inuit sallusuissummik ilisarsisimanngitsut misiginneqatigisarpavut. Ullumikkut inuit silarsuarmi pissutsinit paatsiveqanngitsunit aniguiniaraluartut pisullu isumaannik paasiniaagaluartut ’savatut paarsisoqanngitsutut’ ittarput. (Mák. 6:34) Nutaarsiassamik nuannersumik ilungersortumik oqaluussinitsigut eqqortumik isumallit ikiussavavut, tamannalu Jehovap naammagittarneranut pingaartitsinitsinnut ersiutaavoq. — ap. sul. 13.48.
4 Suliaq nukinginnartoq: Siorna 323.439-t kuisipput, 14.000.000-illu sinnerlugit eqqaaniaanermi najuullutik. Taamaalillutik suli amerlanerusut silarsuup matuma ajortup aserugaanginnerani isumannaatsumiilersinnaapput. ’Amerlangaartut’ qanoq amerlatiginissaat naluarput. (sar. 7:9) Naluarputtaaq suli qanoq sivisutigisumik oqaluussissanerluta. Jehovalli nalunngilaa. Naammassinerarlugu oqarnissaata tungaanut nutaarsiaq nuannersoq oqaluussissutigineqarallassaaq, ’taavalu naggatissaq nalliussavoq.’ — Mat. 24:14.
5 Piffissaq sinneruttoq sivikippoq, Guutilli ullussaa qanilliartorasuarpoq. (1 Kor. 7:29a; Epr. 10:37) Ataaserli qularnanngilaq: ’Annaffissarput maannakkut qaninneruvoq uppertunngoqqaarnitsinnit.’ (Rûm. 13:11) Guutip naammagittarnerata siunertaa paatsoorniaqinatigu. Nangaanatali oqaluussisa amerlanerit naapertuilluarnermik erinigisallit Jehovap nallittuingaarnera misiginiassammassuk.