Oqaluussinermut tunngasumik ataatsimiinnernut pilersaarut

Sapaatip-akunnera 11. februaarimiit

Erinarsuut nr. 6

15 min. Nalunaarutit ilagiillu naatsorsuutaat. Qatanngutit tukkussusiannik nersualaakkit. Tamaasa sapaatip-akunnera 25. februaarimiit oqaluussinermut tunngasumi pisassatsinnut atatillugu, Mosesip allagai siulliit 6:1-miit 9:19 tikillugu atuaqqullugit videofilmilu Noa vandrede med Gud takoqqullugu kajumissaakkit.

20 min. „’Guutip oqaasia tamaviaarlutit oqaluussissutigiuk.’“a (Immikkoortoq 1-miit13-mut) Nakkutilliisumit siulittaasumit uummaarissumik sammineqassaaq. Marsimi tamatumalu kingorna ilagiit anguniagaannik eqqaasikkit. Ullorsiutini qupperneq 6-mi marsimi kiffartornermut sapinngisamik peqataanissamut pilersaarusiornissamut kajumissaaruteqarpoq. Qaammammi tassani pisinnaasut tamaasa ikiorti pionerioqqullugit kajumissaakkit. Nalunaareersimasut taakkit. Immikkoortup 7-ip 8-llu sammineqarnerani siorna ikiorti pioneriusimasut qanoq pilluaqqusaasimanerlutik oqaluttuarilissuk. Ataatsimiinnerup kingorna ikiorti pioneriunissamut immersugassamik aallertoqarsinnaavoq.

10 min. „Atuagassiat qanoq neqeroorutigineqarsinnaasut.“ Oqaluussisartut aperikkit ungalusaq Guutip Naalagaaffianut Kiffartorneq-miittoq atorlugu atuagassiat imarisaat pissutsinut atugarliorfiungaartunut tulluarsarlugit piareersarnerminni qanoq iluaqutigisimaneraat. Ilaasa oqaluttuarilissuk apeqqutinut inuit isumakuluutigisaannut akissuteqarnermikkut qanoq tuppallersaallutillu ikiuisimanersut. Vagttårnet 15. februaarimeersoq Vågn op!-ilu 22. februaarimeersoq atorlugit marlunnik naatsunnguanik takutitsisoqarli.

Erinarsuut nr. 49 naggasiillunilu qinuneq.

Sapaatip-akunnera 18. februaarimiit

Erinarsuut nr. 95

8 min. Nalunaarutit. Naalagaaffimmik Kiffartornermiit nalunaarutit toqqakkat.

12 min. „Nunarsuarmi inuit pilluarnerpaat.“bNapasuliaq Alapernaarsuiffik 1. novembari 1997-moortumi qupperneq 6-mi ungalusaq „Pilluarnermut ilasaataasut“ sammisiuk.

25 min. „’Guutip oqaasia oqaluussissutigisiuk.’“c(Immikkoortut 14-miit 23-mut) Kiffartornermut nakkutilliisumit aqunneqassaaq. Upernaaru kiffartornerulernissamut pilersaarutigineqartut oqaatigikkit. Marsimi katersuuttarnissat oqaatigikkit.. Unittooqqasut kiffartoqqilernissamik ikiorneqarnissaat pingaartinneqarli, aammattaaq meeqqat atuaqqissaaqatigisartakkallu allat oqaluussisartutut piukkunnarsarnissaannut ikiorlugit. Marsimi ikiorti pioneritut nalunaarsimasut taaneqarlik, sulilu amerlanerusut taamaaliornissamut qinunikkut eqqarsaatiginninnissaannut kajumissaarlugit.

Erinarsuut nr. 143 naggasiillunilu qinuneq.

Sapaatip-akunnera 25. februaarimiit

Erinarsuut nr. 174

15 min. Nalunaarutit. Napasuliaq Alapernaarsuiffik 1. marsimeersoq Vågn op-ilu 8. marsimeersoq atorlugit naatsunnguanik takutitsoqarli. Aappaa nalunaajaasup inuusuttup takutilliuk. Oqaluussisimanerminnik nalunaaruteqaqqullugit tamaasa eqqaasikkit. Arfininngorpat immikkut ittumik kiffartornissaq eqqaajuk. Ilagiit pilersaarutaat qanoq ippat? Aqqusinermi angalaarnissaq pingaarnerutinneqassaaq, kiffartoriaatsilli tamarmik aamma pingaaruteqarput. Ullup ingerlanerani oqaluussisartut tamarmik peqataasuuppata qiimmassaataassagaluaqaaq. Naggataatigut marsimi ikiorti pioneriuniarlutik nalunaarsimasut eqqaakkit.

15 min. „Videofilmit nalunaajaasut.“ Najuuttut peqatigalugit sammisassaq. Manna tikillugu videofilmit arfineq-pingasut kiffartornermut tunngasumi ataatsimiinnermi sammisimalerpavut. Allaaserisami misigisimasat naatsunnguamik eqqartorneqarlik, oqaluussisartullu aperikkit videofilminik isiginnaartitsinerminni namminneq qanoq misilittagaqarsimanersut.

15 min. „Videofilmi Noa vandrede med Gud tamarmik ilinniarfigisinnaavaat.“ Noa pillugu filmimut apeqqutit qupperneq 7-mi ungalusamiittut eqqartorlugit aallartiinnaruk. Aprilimi videofilmi Unge spørger: Hvordan får jeg virkelige venner? sammineqassaaq.

Erinarsuut nr. 215 naggasiillunilu qinuneq.

Sapaatip-akunnera 4. marsimiit

Erinarsuut nr. 207

15 min. Nalunaarutit. Ullormi immikkut kiffartorfimmi qassit katersuuteqataasimanersut, oqaluussisartullu assigiinngitsut qassit ullup ingerlanerani peqataasimanersut eqqaakkit. Ullormi immikkut kiffartornermit suliniuteqarnerlu pillugu misigisalikkersaartoqarli.

12 min. Atuagaq ’Ilisarsineq’ atorlugu Biibilimik atuaqqissaaqateqalerit. Marsimi Biibilimik atuaqqissaaqateqalerniarluta immikkut ittumik suliniuteqassaagut. Atuagaq ’Ilisarsineq’ atorlugu qanittukkut atuaqqissaaqateqartoqalersimappat, qanoq iliortoqarsimaneranik takutitsisoqarsinnaavoq. Naalagaaffimmi Kiffartorneq-mi januaarimi 2002-mi qupperne 5- 6-milu allaaserisami „’Ilisarsineq’ qanoq neqeroorutigineqarsinnaanersoq“-mi siunnersuutit eqqaasitsissutigikkit. Siunnersuutit ilaat qupperneq 6-mi qulequtalimmi „Saqqummeeriaatsit toqqaannartut“ takutiguk.

18 min. „Sooq oqaluussiuartoqartariaqarpa?“d Oqaluussisartunik ukiorpassuarni suliniuteqartuartunik ataatsimik marlunnilluunniit naggasiillutit apersugaqarit. Oqaluttuarilissuk suliamut tamatumunnga suup aalajaattuartissimanerai, qanorlu tamanna iluaqutigisimaneraat.

Erinarsuut nr. 223 naggasiillunilu qinuneq.

[Quppernerup ataani ilanngussat]