Atuagaq Biibilimi sorpiaat ajoqersuutigineqarpat? atorlugu qanoq atuaqqissaaqateqalertoqarsinnaasoq

Amerlanersatta Biibilimik atuaqqissaaqateqarnerup nuannersua misigerusukkaluarpaat. Atuaqqissaaqateqarniarnitsinni atuagaq nutaaq Biibilimi sorpiaat ajoqersuutigineqarpat? iluaqutigisinnaavarput. Siulequtip qupp. 3-7-miittup siunertaraa atuagaq taanna atorlugu Biibilimut tunngasut pillugit oqaloqateqalerniarnissaq. Allaat oqaluussinermi misilittagaqarpallaanngikkaluartunut atuaqqissaaqateqalerniarnermi atuagaq taanna atoruminassagunarpoq.

◼ Aallarniutissaq una qupp. 3-mut aallarniutigisinnaavat:

Nutaarsiassaq ajornartorsiulluunniit oqaluussiffigisartakkanni ernumassutigineqartoq eqqartoreerlugu apeqqutit naqinnerit silittut qupp. 3-miittut pulaakkannut takutissinnaavatit oqaaseqarfigitillugillu. Taava qupp. 4-5 takutikkit.

◼ Aamma qupp. 4-5 aallarniutigisinnaavatit:

Ima oqarsinnaavutit: “Uani takutinneqartut uku piviusunngorpata nuannissaqaaq, ilaa?” Imaluunniit ima aperisinnaavutit: “Neriorsuutini ukunani sorliup piviusunngornissaa misigerusussinnaaviuk?” Akissutaa tusarnaaqqissaaruk.

Pulaakkavit allassimaffiit ilaat soqutiginartippagu atuakkami immikkoortut ilaat sammillugit tamatumunnga tunngatillugu Biibilimi ajoqersuutigineqartut takutikkit. (Quppernermi matumani ungalusaq takuuk). Biibilimik atuaqqissaaqateqartarnittut oqaloqatigiissutigisigit. Taamaaliortoqarsinnaavoq siullermik pulaarnermi alloriusami 5-10 minutsit iluani.

◼ Aamma qupp. 6 atorneqarsinnaavoq pulaagaq oqaaseqartinniarlugu:

Apeqqutit quppernerup ataatungaaniittut takutikkit, imalu aperiuk: “Apeqqutit taakkua ilaat eqqarsaatiginikuuigit?” Pulaakkap apeqqutit ilaat soqutigippagu atuakkami immikkoortut ilaat apeqqummut tamatumunnga akissutaasut takutikkit. (Quppernermi matumani ungalusaq takuuk). Akissutit sammigassigit Biibilimik atuaqqissaaqateqarputit.

◼ Biibilimik atuaqqissaaqatiginneriaaseq takutinneqarsinnaavoq qupp. 7 atorlugu:

Quppernermi oqaaseqatigiit siulliit pingasut atuakkit, taava kapitali 3 qupperuk, immikkoortullu siulliit pingasut atorlugit takutiguk qanoq Biibilimik atuaqqissaartoqartarnersoq. Pulaaqqikkumajuk apeqqutit immikkoortoq 3-miittut akissutai oqaloqatigiissutiginiarlugit.

◼ Pulaaqqinnissaanut qilanaartuuseruk:

Siullermik atuaqqissaaqatigereerukku oqaloqatigeqqinnissaanut qilanaartuuseruk. Ima oqaannarsinnaavutit: “Minutsialunni Biibilimi ajoqersuutigineqartoq pingaarutilik pillugu paasisaqarpugut. Tulliani [apeqqut sammisassat eqqaajuk] oqaloqatigiissutigissinnaavarput. Sapaatip akunnerata tulliani taamaalinerani alakkarsinnaavunga?”

Jehovap piffissaq aalajanngikkani qanilliartortillugu suliassatsinnut piginnaanngorsartuarpaatigut. (Matt 28:19, 20; 2 Tim 3:17) Biibilimik atuaqqissaaqatitaarniarluta atuagaq nutaaq nuanningaartoq atorluartigu.

[Qupp. 3-mi ungalusaq]

Allassimaffiit qupp. 4-5-miittut sumi sammineqarnerat

◻ Saqqummersitat 21:4 (qupp. 27, § 1-3)

◻ Esaja 33:24; 35:5, 6 (qupp. 36, § 22)

◻ Johannesi 5:28, 29 (qupp. 72, § 17-19)

◻ Tussiaat 72:16, 1990 (qupp. 34, § 19)

Apeqqutinut qupp. 6-miittunut akissutit

◻ Sooq inuit naalliuppat? (qupp. 108, § 6-8)

◻ Inuunermi isumakuluutit qanoq naammagalugit atorneqarsinnaappat? (qupp. 184, § 1-3)

◻ Ilaqutariittut qanoq pilluarnerulersinnaavugut? (qupp. 142, § 20)

◻ Toqugutta qanoq pisoqassava? (qupp. 58, § 5-6)

◻ Toqukkut annaasimasavut takoqqissavavut? (qupp. 72, § 17-19)

◻ Sooq qularutiginngilluinnarsinnaavarput Guutip neriorsuutini nuanningaartut eqquutitikkumaarai? (qupp. 25, § 17)