Oqaluussinermi pikkorinnerulerit – Telefonikkut nalunaajaanikkut

SOOQ PINGAARUTEQARTOQ: Telefonik­kut nalunaajaaneq ‘iivangkiiliumik nalunaajaatigin­neriaatsit’ pingaarutil­lit ilagaat. (ApS 20:24)a Or­nigul­luta kasut­torfigisin­naan­ngisatsin­nut nalunaajaasin­naan­ngus­sutigaar­put.

QANOQ TAAMAALIORSINNAASUTIT:

• 

  Piareersarit. Naleq­qut­tumik eq­qar­tugaqarit. Taava oqaatigerusutan­nut najoq­qutas­siorit. Aam­ma sianer­nin­nut siuner­taasumik naatsun­nguamik nas­suiaasiorsin­naavutit telefoni nam­mineq akisar­toq akis­sagaluar­pat. Nerriviup sanianut ingil­luni najoq­qutas­sanik ator­tus­sanil­lu al­lanik, soorlu ator­tunik elektroniskiusunik JW Library^®-mik imaluun­niit jw.org^® -imik am­maavigisin­naasanik, piareersimatitsil­luni iluaqutaas­saaq

• 

  Qasukkarsimaarit. Nalingin­naasumik oqalugit. Oqaloqatigisan­nit takuneqarsin­naal­lutil­lusooq qungujulal­lutil­lu us­sersor­tarit. Pisariaqan­ngitsumik nipangersimasaqinak. Sianer­til­luni al­lanik suleqateqar­neq iluaqutaasar­poq. Sianerfigisat apeq­quteqar­pat apeq­qutaa oqalul­lutit uteq­qiguk suleqativit akis­sutis­sarsior­nin­ni ikior­nias­sam­matit

• 

  Sianeqqinnissamut tunngaviliigit. Sianerfigisat soqutigin­nip­pat apeq­qum­mik eq­qaasaqarsin­naavutit tul­lis­saanik sianeq­qik­kuit akisin­naasan­nik. Aam­ma atuagas­samik aalajangersimasumik e-mailik­kut nas­sin­nis­saanik, nam­mineq pajuk­kiar­tor­nis­saanik al­lak­katigul­luun­niit nas­sin­nis­saanik neqeroorfigisin­naavat. Imaluun­niit sms-ik­kut e-mailik­kul­luun­niit filmiutit­ta al­laaserisal­luun­niit arlaan­nik nas­sin­nis­saanik neqeroorfigisin­naavat. Naleq­qup­pat, sianerfigisat inter­netik­kut Biibilimik atuaq­qis­saar­nermi ilin­niagas­sat nit­tar­tak­katsin­niit­tul­luun­niit al­lat pil­lugit oqalut­tuus­sin­naavat.